1. ໂທລະສັບຫາເຂົາກາງເດິກ : ຖ້າໂທໄປເວົ້າຫວານໆນຳກະບໍ່ເປັນຫຍັງ ແຕ່ຖ້າໂທໄປເພື່ອຢາກຮູ້ວ່າເຂົາຢູ່ເຮືອນຫຼືບໍ່ ນັ້ນກໍ່ແມ່ນອີກເລື່ອງທີ່ບໍ່ຄວນສະແດງອອກ

2. ຢາກຮູ້ຢາກເຫັນ : ຕອນທຳອິດຄືຈະຫລົງຮັກເຂົາເອົາແທ້ເອົາວ່າ ເລີຍຢາກຮູ້ເລື່ອງຂອງເຂົາທັງຫມົດ ແລະແລ້ວກໍ່ໄປຖາມເຖິງແຟນເກົ່າຂອງເຂົາ ແລ້ວເລີ່ມຈິງຈັງກັບເລື່ອງນັ້ນ

3. ຕັ້ງໂຕເອງເປັນສັດຕູກັບແຟນເກົ່າຂອງເຂົາ : ຖ້າເລີກກັນໄປແລ້ວກໍ່ຄືຈົບ ແຕ່ຄົນມັກຫືງຫວງຈະບໍ່ຍອມຈົບ ຄືຈະຮູ້ສືກຫງຸດຫງິດຫລືບໍ່ຢາກເຫັນເຂົາຕິດຕໍ່ ຫລື ເວົ້າຈາກັບແຟນເກົ່າເລີຍ. ຫລາຍຄົນທີ່ມີອາການຫນັກແດ່ ກໍຈະພານໄປຮອດພີ່ນ້ອງ, ຫມູ່ຄູ່ ແລະສັດລ້ຽງຂອງແຟນໂຕເອງເພາະຢ້ານຖືກແບ່ງປັນຄວາມຮັກ

4. ຄົ້ນເຄື່ອງຂອງ : ພືດຕຶກຳແບບນີ້ສາວໆມັກເຮັດກັນຫລາຍໂດຍສະເພາະ ເວລາທີ່ຮູ້ສືກບໍ່ຫມັ້ນຄົງ ຫລືສົງໄສວ່າກຳລັງຖືກປິດຫູປິດຕາ, ການຮັບຮູ້ຄວາມຈິງບາງເທື່ອມັນກໍບໍ່ແມ່ນເລື່ອງດີ ເພາະວ່າເມື່ອອີກຝ່າຍບໍ່ມີທາງເລືອກ ເຂົາກໍ່ຕັດສິນໃຈທີ່ຈະຈາກໄປແບບງ່າຍໆ

5. ຂູ່ຂ້າໂຕຕາຍ : ຄົນມັກຫືງຫວງມັກຈະຊອກເລື່ອງຂູ່ຄົນຮັກສາລະພັດຮູບແບບ ຊື່ງອາດຖືງຂັ້ນຂູ່ຈະຂ້າໂຕຕາຍກໍມີ, ການຫືງຫວງເຖິງຂັ້ນນີ້ບາງເທື່ອອາດເຮັດໃຫ້ຝ່າຍກົງກັນຂ້າມຕີຕົວອອກຫ່າງກໍເປັນໄດ້.

 (ເອົາມາຈາກ ວາລະສານ ອັບເດດເດີ້)

ຫົວໃຈບາງຄົນເຣັດດ້ວຍ " ຊາຍ "....

ໂຫຍຫາຄວາມຣັກຈາກໃຜຕໍ່ໃຜຢູ່ຕະຫຼອດເວລາ

ບໍ່ວ່າຈະເຕີມຄວາມຣັກລົງໄປເທົ່າໃດ....ຫົວໃຈກໍ່ບໍ່ຣູ້ຈັກເຕັມ

ແຕ່ຫົວໃຈບາງຄົນເຣັດດ້ວຍ " ຫິນ ".....

ບໍ່ເຄີຍຄິດຈະຣັກໃຜ...ນອກຈາກໂຕເອງ

ບໍ່ວ່າຈະເຕີມຄວາມຣັກລົງໄປເທົ່າໃດ...ກໍ່ບໍ່ເຄີຍຊື້ງເຖິງຫົວໃຈ

ໃນຂະນະທີ່ຫົວໃຈບາງຄົນເຣັດດ້ວຍ " ດິນ "

ຕ້ອງການຄວາມຣັກໃນປະລິມານທີ່ຫົວໃຈຊຶມຊັບໄດ້

ແລະເມື່ອໄດ້ຣັບຄວາມຣັກມາຈົນເຕັມຫົວໃຈ

ກໍ່ບໍ່ຄິດທີ່ຈະດູດຊັບຄວາມຣັກຈາກໃຜເພີ່ມເຂົ້າມາອີກ

.... ແລ້ວຫົວໃຈຂອງທ່ານເດເປັນແບບໃດ?.....

ເອົາການທວາຍນິໄສຈາກການກະທຳຂອງແຕ່ລະຄົນມາບອກ ໃຜຕົກຢູ່ໃນກໍລະນີໃດກໍລອງອ່ານເບິ່ງເດີ້ !

( ແຕ່ຖືກບໍ່ຖືກບໍ່ຣູ້ເດີ້ ຂຽນມາອ່ານກັນຫລິ້ນໆ)

1.) ມັກກອດ ຫລື ສຳຜັດ: ສະແດງວ່າເປັນຄົນຫົວທັນສະໄຫມ, ຫມັ້ນໃຈໃນໂຕເອງຖ້າຣັກໃຜກໍຈະຢ່າງເຂົ້າໄປບອກຣັກກົງໆໂດຍບໍ່ສົນວ່າອີກຝ່າຍຈະຣັບໄດ້ບໍ່, ຂ້ອນຂ້າງເອົາແຕ່ໃຈໂຕເອງ ແຕ່ເປັນຄົນມີມະນຸດສຳພັນດີ.

2.) ມັກຊື້ເຄື່ອງໃຫ້ຄົນຣັກ: ເປັນຄົນແບບວ່າເວລາຣັກໃຜແລ້ວສາມາດຍົກທຸກຢ່າງໃນຊີວິດໃຫ້ໄດ້ເລີຍ, ມັກຈະໃຫ້ຄວາມສຳຄັນກັບຄົນຣອບຂ້າງສະເຫມີ.

3.) ມັກສື່ສານທາງໂທລະສັບ: ຈະເປັນຄົນທີ່ຂ້ອນຂ້າງເຫງົາ ເຖິງແມ່ນວ່າພາຍນອກຈະເບິ່ງເຂັ້ມແຂງກໍຕາມ, ເປັນຄົນມັກຄິດຫລາຍ, ເວລາມີຄວາມຣັກມັກຈະທຸ່ມໃຫ້ຄົນຣັກທຸກຢ່າງເທົ່າທີ່ຕົນເອງມີ, ມີຄວາມລະອຽດອ່ອນ ແຕ່ບາງຄັ້ງກໍເບິ່ງຄືວ່າ ຈູ້ຈີ້ຈຸກຈິກເກີນໄປ.

4.)ມັກເລື່ອງຕື່ນເຕັ້ນຕະຫລອດ: ເປັນຄົນມີສະເຫນ່, ວາງແຜນເກັ່ງເພາະເປັນຄົນສະຫລາດ ແຕ່ບາງເທື່ອກໍ່ເຣັດໂຕລືກລັບ ເຣັດໃຫ້ຜູ້ຄົນເຂົ້າໃຈຍາກເປັນບາງເວລາ. ແນວໃດກໍ່ຕາມຄົນແບບນີ້ຈະມີຫມູ່ຫລາຍ ເພາະເຂົາມັກໃຫ້ຄວາມສຳຄັນກັບຄົນອ້ອມຂ້າງ.

5.) ໃຫ້ກຳລັງໃຈ: ເປັນຄົນໃຈດີ, ໃຫ້ຄວາມສຳຄັນກັບຄວາມຄິດເຫັນຂອງຄົນອື່ນ, ມີບຸກຄະລິກເປັນຜູ້ໃຫຍ່. ນອກຈາກນີ້ຍັງສາມາດຊ່ວຍແກ້ໄຂບັນຫາໃຫ້ຫມູ່ຄູ່ໄດ້ຫລາຍອີກດ້ວຍ.

6.) ໃຫ້ສິ່ງຕ່າງໆທີ່ເຣັດດ້ວຍຕົນເອງ: ເປັນຄົນໃສ່ໃຈຕໍ່ຄວາມຣູ້ສືກ ແລະ ມັກຍືດຖືການກະທຳຫລາຍກວ່າການເວົ້າ, ມີຄວາມເປັນໂຕຂອງໂຕເອງສູງ, ມີຄວາມລະອຽດອ່ອນ, ມັກຢູ່ຄົນດຽວໃນຍາມມີບັນຫາ.

7.) ມັກຊວນແຟນໄປນຳ: ເປັນຄົນມັກເບື່ອສິ່ງຕ່າງໆແບບງ່າຍດາຍ, ມັກເວົ້າເກີນຄວາມຈິງ, ເຣັດສິ່ງໃດຫນື່ງດ້ວຍຄວາມວ່ອງໄວ, ມີມະນຸດສຳພັນດີເລີດ ແລະ ມີຫມູ່ຄູ່ຫລາຍ.

8.) ໃຈໃຫຍ່ຕະຫລອດ: ເປັນຄົນຂາດຄວາມຫມັ້ນໃຈໃນໂຕເອງ, ເມື່ອຄົບໃຜມັກຈະກັງວົນວ່າ " ຢ້ານເຂົາຈະບໍ່ມັກຫລືບໍ່ພູມໃຈໃນຕົນ" ເຖິງແມ່ນວ່າຈະມີຄົນອ້ອມຣອບໂຕຫລາຍປານໃດກໍ່ຕາມ. ໂດຍລວມແລ້ວຄົນແບບນີ້ບໍ່ມີເພື່ອນເປັນເພື່ອນຕາຍ ເພາະເຂົາວາງໂຕແບບບໍ່ສະເພາະເຈາະຈົງໃສ່ໃຜ ແລະ ຄົນອ້ອມຂ້າງມັກເບິ່ງເຂົາໃນແງ່ລົບ.

9.) ມັກສົ່ງເມລ ຫລື ຂໍ້ຄວາມທາງມືຖືເປັນປະຈຳ: ເປັນຄົນຂີ້ອາຍ, ຢ້ານ, ຄິດຫລາຍ ແລະ ເປັນຄົນບໍ່ຄ່ອຍມີຄວາມຫມັ້ນໃຈໃນໂຕເອງປານໃດ, ແຕ່ເປັນຄົນຈິດໃຈດີ, ບໍ່ມັກຍາດແຍ່ງ, ຣັກສະຫງົບ ແລະ ບໍ່ມັກຝັນເກີນໂຕ.

10.) ບອກຣັກໄດ້ທຸກເວລາ: ເປັນນຄົນຈິງໃຈ, ເປີດເຜີຍ, ໃນໃຈຄິດແນວໃດກໍ່ເວົ້າອອກໄປຈັ່ງຊັ້ນ, ເກັບຄວາມລັບບໍ່ໄດ້, ມີສະເຫນ່, ຫມັ້ນໃຈໃນໂຕເອງ, ບໍ່ມັກສົນໃຈເລື່ອງເລັກໆນ້ອຍໆ, ແຕ່ບາງເທື່ອກໍ່ມີອາລົມອ່ອນໄຫວ ແລະ ຄວາມລະອຽດອ່ອນ, ບໍ່ຕ້ອງແປກໃຈ ຖ້າເຫັນເຂົາຫງຸດຫງິດກັບເລື່ອງບໍ່ເປັນເລື່ອງ.

11.) ບໍ່ສະແດງອອກຢ່າງຊັດເຈນ: ເປັນຄົນລືກລັບ, ເຂົ້າໃຈຍາກ, ບາງເທື່ອສິ່ງທີ່ສະແດງອອກມາ ເບິ່ງຄືຫມັ້ນໃຈ ແຕ່ຄວາມຈິງແລ້ວເປັນຄົນອ່ອນໄຫວ, ບໍ່ຫມັ້ນໃຈ, ຄິດຫລາຍ ແລະ ບໍ່ມັກການສະແດງອອກ.

ຂໍ້ຄວາມຂ້າງລຸ່ມນີ້ແມ່ນນິດໄສຂອງຜູ້ຊາຍທີ່ສາວໆຫລາຍຄົນຕ້ອງການ

1.) ມັກຜູ້ຊາຍທີ່ໃຫ້ກຽດໂຕເອງ ທັງຕອນທີ່ຢູ່ຕໍ່ຫນ້າ ແລະ ລັບຫລັງຄົນອື່ນ.

"ເຣີ້ຍ ! ບໍ່ຕ້ອງອ່ອນສຽງເວົ້າລົງດອກ ເວລາໃຫ້ກຽດຜູ້ຍິງນະ. ບໍ່ຕ້ອງຢ້ານຊາວບ້ານເວົ້າດອກວ່າເຈົ້າ ຢ້ານເມຍ ".

2.) ມັກຜູ້ຊາຍທີ່ເວົ້າຈາມ່ວນຫູ, ອ່ອນຫວານ ແອບແຝງດ້ວຍຄວາມເຂັ້ມແຂງໃນນ້ຳສຽງ.

" ຄຳວ່າ ກູ-ມືງ ເອົາໄວ້ເວົ້າກັບຫມູ່ຄູ່. ຢູ່ກັບແຟນຕ້ອງເວົ້າຄຳອ່ອນຫວານ ".

3.) ມັກຜູ້ຊາຍທີ່ຍິ້ມງ່າຍ ແລະ ມີອາລົມຕະຫລົກ.

" ຈະເກັບທ່າຂືມໆໄວ້ດົນປານໃດ ມັນກໍ່ບໍ່ເຣັດໃຫ້ເຈົ້າຫລໍ່ຂື້ນມາດອກ !".

4.) ມັກຜູ້ຊາຍທີ່ຊ່າງເອົາອົກເອົາໃຈ, ຈົດຈຳວັນສຳຄັນໆຂອງແຟນໄດ້ດີ.

" ບໍ່ຕ້ອງຈື່ຫມົດທຸກວັນສຳຄັນຂອງຂ້ອຍດອກ! ຂໍພຽງໃຫ້ຈື່ວັນເກີດ ແລະ ວັນແຫ່ງຄວາມຣັກກໍພໍແລ້ວ."

5.) ມັກຜູ້ຊາຍທີ່ເບິ່ງແລ້ວຄືອົບອູ່ນ ແລະ ເພິ່ງພາອາໄສໄດ້.

" ເມື່ອຂ້ອຍໄປຫ້ອງນ້ຳ ແລ້ວມີຜູ້ຍິງອີກຄົນຫນື່ງເຂົ້າມາ ຂໍພຽງໃຫ້ເຈົ້າບອກເຂົາວ່າ ບ່ອນນີ້ແຟນຂ້ອຍນັ່ງແລ້ວ."

6.) ມັກຜູ້ຊາຍທີ່ເກັ່ງ, ມີຄວາມເປັນຜູ້ນຳ, ແຕ່ບໍ່ໃຫ້ຄວາມສຳຄັນກັບໂຕເອງຫລາຍເກີນໄປ ແລະ ບໍ່ດູຖູກຜູ້ຍິງທີ່ເປັນແຟນ.

" ຂ້ອຍຣູ້ແລ້ວວ່າເຈົ້າເກັ່ງ! ແຕ່ວ່າ ເກັ່ງພໍທີ່ຈະຣູ້ຫລືບໍ່ວ່າຂ້ອຍທຳທ່າບໍ່ຣູ້ບໍ່ເຫັນອັນທີ່ເຈົ້າເວົ້າມາ? "

7.) ມັກຜູ້ຊາຍທີ່ຣູ້ຈັກງໍ້ແດ່ ໂດຍສະເພາະໃນເວລາທີ່ຕົນເອງເຣັດຜິດ.

" ຄຳຂໍໂທດສັ້ນໆພຽງເທົ່ານີ້ ເຈົ້າເວົ້າອອກມາໄດ້ບໍ່.....?"

8.) ມັກຜູ້ຊາຍທີ່ແຕ່ງໂຕມີພູມຖານ ແລະ ສະອາດ.

" ຖ້າເຈົ້າແຕ່ງໂຕແບບນີ້ ເວລາຂ້ອຍຢ່າງຄຽງຂ້າງເຈົ້າ ຂ້ອຍຈະພູມໃຈ ເພາະ ບໍ່ອາຍຄົນອື່ນເຂົາ."

9.) ມັກຜູ້ຊາຍທີ່ສະເຫມີຕົ້ນສະເຫມີປາຍຊື່ງສະແດງອອກວ່າ ຣັກສະຫມ່ຳສະເຫມີ.

" ຂ້ອຍເປັນຄົນຫວັ່ນໄຫວງ່າຍ ແຕ່ຕ້ອງການຄົນທີ່ຫນັກແຫນ້ນ! ຣູ້ຫລືບໍ່ ?"

10.) ມັກຜູ້ຊາຍທີ່ໄປລາມາຄອບ, ຈະໄປໃສບອກກັນໃຫ້ຣູ້ແດ່.

" ຂໍພຽງບອກວ່າ: ຂ້ອຍຕ້ອງໄປ . .​ . .!! ອີກປະມານ. . . . ຈະກັບມາ "