ຂຽນເມື່ອ: ມ.ສ.. 1, 2011
| ມີ
8 ຄຳເຫັນ
ແລະ
0 trackback(s)
ການສະຫຼອງປີໃໝ່
ປີໃໝ່ໄຫຼລ່ວງເຂົ້າ ບານເບີກຮັບສີຣິ
ຂໍຈົ່ງ ພານພົບດີ ດັ່ງມະໂນໝາຍໄວ້
ຂໍໃຫ້ມີເງິນໃຊ້ ເຕັມຖົງທຸກເມື່ອ
ເຕັມທັງ ຄວາມເອື້ອເຟື້ອ ແກ່ສາຍເຊື້ອໝູ່ຄົນ ແດ່ເດີ
ການສະຫຼອງເລີ່ມຂຶ້ນ ຫຼັງຈາກວັນເນົາ
ຍິງຊາຍ ທັງບ່າວສາວ ຕ່າງສະຫຼອງຮັບຕ້ອນ
ມີທັງໂຢະເຢະຟ້ອນ ຫ່ອນແອວເພາະຄວາມມ່ວນ
ຄວາມສຸກສັນຄົບຖ້ວນ ຫົວຍີ້ມຮ່ວມກັນ ມ່ວນແລ້ວ
ການສ້າງ ສັນເລີ່ມແລ້ວ ຄົບໝູ່ສະຫຼອງແຊວ
ສ້າງສັນ ສົ່ງສຽງເພງ ເປັ່ງໄປໃຫ້ຮັບຮູ້
ດ້ວຍເຄື່ອງ ສຽງແອມຕູ້ ຈິ່ງສົ່ງ ສຽງສະໜັ່ນ
ເມື່ອເພງເລີ່ມ ພາກັນຮ້ອງ ຕາຈ້ອງຈີ່ຈໍ ເບິ່ງແລ້ວ
ສ້າງສັນສະຫຼອງແລ້ວ ຂໍຈົ່ງມີສະຕິ
ລະວັງການຕົບຕີ ເມື່ອເມົາສຸຣາແລ້ວ
ບາງຄົນ ໝຶນກັດແຂ້ວ ແນວສຸຣາເປັນເຫດ
ກໍ່ໃຫ້ ເກີດເຫດຮ້າຍ ສລາຍຊີ້ນສ່ວນດີ ລະວັງທ້ອນ
ດ້ວຍປີໃໝ່ ອ່ວຍເຂົ້າ ຂໍຈົ່ງພົບຄວາມສຸກ
ອັນຕະລາຍນານາ ຢ່າມີມາໃກ້
ທັງຄວາມເຈັບຄວາມໄຂ້ ຫວັດໄອທຸກຢ່າງ
ພົບພານ ສຸກຢູ່ສ້າງ ຫາຍຮ້ອນຢູ່ເຢັນ ແດ່ທ້ອນ
ໜວດໝູ່:
