ທ່ານເຄີຍສົງໄສແມ່ນບໍ່ວ່າ ບາງເທື່ອບໍ່ແມ່ນລະດູຫນາວ ແຕ່ເປັນຫຍັງຮີມສົບຈິ່ງແຫ້ງແຕກເປັນເກັດໄດ້ ມື້ນີ້ມີຄຳຕອບກ່ຽວກັບເລື່ອງ ນີ້ມາເວົ້າສູ່ຟັງ. ສາເຫດທີ່ເຮັດໃຫ້ປາກແຫ້ງ-ແຕກນັ້ນ ບໍ່ໄດ້ມາຈາກສະພາບອາກາດທີ່ແຫ້ງໃນລະດູຫນາວພຽງຢ່າງດຽວ ແຕ່ຍັງມີອີກ ຫລາຍປັດໄຈທີ່ເຮັດໃຫ້ສົບຂອງທ່ານແຫ້ງໄດ້ ເພື່ອບໍ່ໃຫ້ເປັນການເສຍເວລາມາຮູ້ຈັກກັນເລີຍ.

ຜິວຂາດນ້ຳ: ຖ້າທ່ານດື່ມນ້ຳຫນ້ອຍຜິວຫນັງທົ່ວຮ່າງກາຍລວມເຖິງຮີບສົບກໍ່ຈະແຫ້ງເພາະຂາດນ້ຳ ດັ່ງນັ້ນທ່ານຄວນດື່ນນ້ຳໃຫ້ຫລາຍໆ ຢ່າງຫນ້ອຍຄວນດື່ມໃຫ້ໄດ້ວັນລະ 8 ຈອກ ຈິ່ງຈະເຮັດໃຫ້ຜິວຊຸ່ມ ແລະ ສົບບໍ່ແຫ້ງແຕກນຳອີກ.

ມັກເລຍສົບ: ທ່ານອາດຄິດວ່າການເລຍສົບເລື້ອຍໆ ຈະຊ່ວຍເຮັດໃຫ້ຮີມສົບຊຸມຊື່ນຂຶ້ນ ແຕ່ຄວາມເປັນຈິງແລ້ວ "ເອນໄຊມ໌" ໃນນ້ຳ ລາຍຈະເຮັດໃຫ້ຄວາມຊຸ່ມຊື່ນລະເຫີຍອອກໄປໄວຂຶ້ນ ດັ່ງນັ້ນ ວິທີທີ່ດີທ່ານຄວນຢຸດເລຍສົບໄດ້ແລ້ວ.

ນອນອ້າປາກ: ການນອນອ້າປາກ ຫລື ການຫາຍໃຈທາງປາກເລື້ອຍໆກໍ່ເຮັດໃຫ້ສົບແຫ້ງ ແລະແຕກໄດ້ເຊັ່ນກັນ ເພາະວ່າການນອນ ອ້າປາກຈະເຮັດໃຫ້ຮ່າງກາຍສູນເສຍຄວາມຊຸ່ມຊື່ນໃນຂະນະເປີດປາກ ທ່ານສາມາດປ້ອງກັນໄດ້ໂດຍທາຄີມ ຫລື ລິບສະຕິກແນວມັນຫລື ນວດຂອງລາວເຮົານີ້ແຫລະນຳມາທາເປັນປະຈຳກອນເຂົ້ານອນກໍ່ຊ່ວຍເຮັດໃຫ້ສົບບໍ່ແຕກແລ້ວ.

ແພ້ສານບາງຢ່າງ: ເປັນໄປໄດ້ວ່າສານບາງຢ່າງໃນລິບສະຕິກ ຫລື ເຄື່ອງແຕ່ງຫນ້າອາດເຮັດໃຫ້ທ່ານເກີດອາການແພ້ ທ່ານຄວນຈະ ຮູ້ສາເຫດວ່າທ່ານນັ້ນແພ້ສານໂຕອັນ ເມື່ອຮູ້ແລ້ວຄວນຢຸດໃຊ້ໄປເລີຍ ແລ້ວອາການປາກແຫ້ງຂອງທ່ານກໍ່ຈະເຊົາເອງ.

ສະບາຍດີໝູ່ເພື່ອນ ທ່ານອາດຮູ້ສຶກລຳຄານໃນການມອດຄອມຂອງທ່ານ ເພາະບໍ່ທັນໃຈ ໄວລຸ້ນເລີຍ
ຕ້ອງຄອຍຖ້າປິດສະວິດອີກ ທັງໆທີ່ຕ້ອງຟ້າວໄປວຽກ ບັນຫານີ້ແກ້ງ່າຍພຽງປາຍນີ້ວ
ຄລິກເລີຍ
ລິງຄ໌ 1 http://www.shareup.com/downloading-34119.html
ລິງຄ໌ 2 http://download.cnet.com/3001-2094_4-10410931.html?spi=1eae3af45fe6...

ໂປຣແກຣມ SuperFast Shut down ເປັນໂປຣແກຣມທີ່ຈະຊ່ອຍໃຫ້ທ່ານມອດເຄື່ອງ(Shut down or Restart)ໄວທັນໃຈ ພາຍໃນ ສາມວິນາທີ

ລອງໃຊ້ເບີ່ງແລ້ວທ່ານຈະຕິດໃຈ....ຮະຮ່າ

ຂອບໃຈທີ່ຄລິກ

ມີຂ່າວທີ່ຫນ້າຕື່ນເຕັ້ນ ແຕ່ຍັງບໍ່ເຖິງກັບກັ້ນຫາຍໃຈດອກ! ນັກວິໄຈກຳລັງກຽມລົງມືໃຊ້ເຕັກໂນໂລຊີເຊິ່ງຈະເທົ່າກັບເປັນການປ່ຽນແປງ ຂະຫນາດໃຫຍ່ ເພື່ອປ່ຽນລົມຫາຍໃຈອອກຂອງຄົນເຮົາເປັນເຊື້ອໄຟຊີວະພາບ.

ວາລະສານຂ່າວວິທະຍາສາດ "ໄລ ໄຊເອນ" ລາຍງານວ່າ: ສະຫນາມບິນ ຈອນ ເລນນອນຂອງເມືອງ ລີເວີພູລ ປະເທດອັງກິດຈະ ເປີດໃຊ້ເຕັກໂນໂລຊີເເພື່ອປ່ຽນລົມຫາຍໃຈອອກຂອງຜູ້ໂດຍສານແລ້ວປ່ຽນໃຫ້ເປັນເຊື້ອໄຟສຳລັບໃຊ້ປະໂຫຍດໃນອາຄານຂອງສະຫນາມ ບິນເຊັ່ນ: ໃຊ້ເປັນເຊື້ອໄຟລົດເຄື່ອງຈັກກາຊວນ ແລະ ລະບົບສ້າງຄວາມຮ້ອນເຮັດວຽກ ໂດຍພົ່ນລົມຫາຍໃຈເຂົ້າ-ອອກໄປໃນເຕົາຊີວະ ພາບ.

ຫລາຍໆທ່ານຄົງຈະກັງວົນໃນເລື່ອງການໃຊ້ຜະລິດຕະພັນ ລ້າງຫນ້າ ວ່າຄວນຈະນຳໃຊ້ຜະລິດ ຕະພັນໃດທີ່ຈະເຫມາະສົມກັບໃບ ຫນ້າຂອງເຮົາຕາມຫລັກວິຊາການ ແລ້ວ ຈຸດປະສົງໃນການລ້າງຫນ້າ ກໍ່ເພື່ອກຳຈັດສິ່ງສົກກະປົກໄປຈາກໃບຫນ້າເຊັ່ນວ່າ: ຝຸ່ນລະອອງ, ມົນລະພາວະ ຫລື ເຊື້ອພະຍາດທີ່ປິວມາເກາະໄຂມັນຢູ່ໃບຫນ້າ ແລະ ແນ່ນອນ ຖ້າຈະລ້າງສິ່ງສົກກະປົກເຫລົ່ານັ້ນອອກໄປ ຜະລິດຕະ ພັນທີ່ເລືອກໃຊ້ນັ້ນຈະຕ້ອງຊຳລະເອົາໄຂມັນສ່ວນຫນຶ່ງອອກໄປນຳ. ສະບູທົ່ວໄປສ່ວນໃຫຍ່ ມີປະສິດທິພາບເປັນດ່າງທີ່ມີຄ່າ PS ຫລາຍ ກວ່າ 8 ເຊິ່ງຈະສາມາດລ້າງໄຂມັນ ແລະ ສິ່ງສົກກະປົກອອກໄປໄດ້ ແຕ່ຢ່າລືມຜິວຫນ້າເຮົາກໍ່ຈະຂາດສົມດຸນ, ອ່ອນແອ, ແຫ້ງ, ຫຍາບ ເຊັ່ນກັນ. ດັ່ງນັ້ນ ສະບູທີ່ດີຄວນຈະຊຳລະແຕ່ສິ່ງສົກກະປົກໄດ້ດີ ແລະ ບໍ່ດຶງເອົາໄຂມັນເທິງໃບຫນ້າອອກໄປຫລາຍເກີນໄປ. ການລ້າງ ຫນ້າດ້ວຍນ້ຳລ້າໆເຫມາະສົມສຳລັບຜູ້ບໍ່ໄດ້ແຕ່ງຫນ້າ ແລະ ເປັນຝົດຜື່ນ ແຕ່ຖ້າຜິວຫນ້າມັນ ແລະ ແຕ່ງຫນ້າຄົງຈະຕ້ອງໃຊ້ຜະລິດຕະ ພັນລ້າງຫນ້າທີ່ລ້າງສິ່ງສົກກະປົກໄດ້ດີ ແລະ ບໍ່ດຶງດູດໄຂມັນອອກຈາກໃບຫນ້າຫລາຍເກີນໄປ ໂດຍຄວນມີ ຄ່າ PS ປະມານ 5-7 ດີ ທີ່ສຸດ ໂດຍລວມຄວນຈະເປັນສະບູແຫລວຫລາຍກວ່າສະບູກ້ອນ ແຕ່ຈະເປັນຜະລິດຕະພັນໃດກໍ່ຄົງຕ້ອງພິຈາລະນາເອົາເອງ ຫລື ສອບ ຖາມແພດທີ່ກ່ຽວຂ້ອງນຳ ເພື່ອຄວາມປອດໄພຂອງໃບຫນ້າ ເມື່ອເລີ່ມເຂົ້າໄວຫນຸ່ມຮໍໂມນຈະກະຕຸ້ນໃຫ້ເກີດສິວເລີ່ມຕົ້ນດ້ວຍການເປັນສິວ ອຸດຕັນປ່ຽນເປັນສິວອັກເສບ ແລະ ກໍ່ເປັນສິວຫນອງແລ້ວກາຍເປັນຮອຍສິວດຳ ແລະ ເປັນແປ້ວເທິງໃບຫນ້າ. ແສງແດດແຮງໆ, ສານ ເຄມີ, ຝຸ່ນລະອອງ ແລະ ອາກາດທີ່ແຫ້ງ ກໍ່ມີສ່ວນເຮັດໃຫ້ເກີດສິວໄດ້ເຊັ່ນດຽວກັນ. ດັ່ງນັ້ນ, ຖ້າເຮົາເຂົ້າໃຈສາເຫດ ແລະຂະບວນການ ເກີດສິວກໍ່ຄົງຈະສາມາດປ້ອງກັນສິວລວມທັງຂຸມ ແລະ ຮອຍດຳທີ່ເກີດຂຶ້ນ ຈາກສິວໄດ້ ເຊິ່ງວິທີການປິ່ນປົວຮອຍດຳ ແລະ ຮອຍແປ້ວ ກາຍເປັນບັນຫາຫນັກໃຈຂອງຄົນເຮົາ ສ່ວນໃຫຍ່. ເພາະໃຊ້ເວລາຮັກສາດົນ ແລະ ໃຊ້ເງິນຫລາຍກວ່າທີ່ ຈະຮັກສາສິວຕັ້ງແຕ່ເລີ່ມຕົ້ນຄື ແຕ່ໄລຍະສິວອຸດຕັນ ແລະ ໄລຍະສິວອັກເສບເຊິ່ງເຊົາໄວກວ່າ.

ສຳລັບການປິ່ນປົວຮອຍສິວດຳແພດຍັງບໍ່ຖືວ່າເປັນບາດແຜຄືກັບຂຸມ ຫລື ຮອຍນູນປົກກະຕິປະໄວ້ປະມານ 5-6 ເດືອນກໍ່ຈະຈາງໄປ ເອງໄດ້ ແຕ່ຖ້າຫາກທ່ານຕ້ອງການໃຫ້ເຊົາໄວຂຶ້ນກໍ່ຕ້ອງໃຊ້ຄຣີມທີ່ມີກົດວິຕາມິນເອ ໂດຍອາດຈະຮ່ວມກັບການເຮັດການຜັດປ່ຽນຜິວດ້ວຍ AHA ນຳ ກໍ່ຈະເຮັດໃຫ້ຮອຍດຳສິວຈາກຫາຍໄດ້ໄວຂຶ້ນກວ່າເກົ່າ.

ສ່ວນຮອຍນູນ ແລະ ຂຸມສິວ: ຖ້າປະໄວ້ກໍ່ຈະຢູ່ກັບເຮົາໄປຕະຫລອດຊີວິດ ຮອຍເປັນນູນທີ່ເກີດຕາມຫລັງສິວອັກເສບມັກເກີດບໍລິເວນ ດັງ, ຄາງ, ຂະມັບ... ແພດມັກຈະຮັກສາດ້ວຍການໃຊ້ຢາທາ ແລະສີດຢາເຂົ້າໃສ່ໃນບໍລິເວນຮອຍນູນເພື່ອໃຫ້ຍຸບການຮັກສາແຜເປັນນູນ ນີ້ ຕ້ອງໄດ້ມີການປຶກສາແພດຫມໍທີ່ມີຄວາມຮູ້ທາງດ້ານນີ້ ໂດຍສະເພາະເພາະວ່າເຄື່ອງສຳອາງທົ່ວໄປຊ່ວຍໃຫ້ແຜເປັນນູນນຸ່ມຂຶ້ນເທົ່ານັ້ນ ແຕ່ບໍ່ໄດ້ເຮັດໃຫ້ແຜເປັນນັ້ນຍຸບລົງເລີຍ.

ສຳລັບຮອຍຂຸມສິວ: ການຮັກສາພຽງແຕ່ທາຄຣີມກະຕຸ້ນການຜັດປ່ຽນຜິວ ພ້ອມກັບການກະຕຸ້ນການສ້າງເຊວໃຫມ່ ແລະ ການກະຕຸ້ນ ຊັ້ນຫນັງແທ້ຕໍ່ມາການຜັດປ່ຽນຜິວດ້ວຍ AHA ເພີ່ມເຕີມນຳດ້ວຍເຕັກນິກແຕ້ມນ້ຳຢາ TCA ກະຕຸ້ນຖ້າເປັນຫລາຍກໍ່ອາດຈະໄດ້ນຳໃຊ້ເລ ເຊີກໍ່ໄດ້ ເຊິ່ງການຈະນຳໃຊ້ວິທີການຮັກສາຕ່າງໆກໍ່ຕ້ອງໄດ້ຜ່ານການກວດສອບ ແລະ ໃຫ້ຄຳແນະນຳຈາກແພດຫມໍກ່ອນ.

ເຖິງແມ່ນວ່າທ່ານຈະມີວຽກເຮັດງານທຳແລ້ວ ແຕ່ບໍ່ໄດ້ຫມາຍຄວາມວ່າທ່ານຈະໄດ້ເຮັດວຽກນັ້ນຕະຫລອດໄປຍິ່ງສະຖານະການວິກິດ ການເງິນໂລກຄືໃນປະຈຸບັນນີ້ແລ້ວ ກໍ່ຍິ່ງບໍ່ຫນ້າໄວ້ວາງໃຈ ເພາະສະນັ້ນ ທ່ານກໍ່ຄວນຈະຮຽນຮູ້ ແລະ ຈົດຈຳເພື່ອຮັບມືກັບການວ່າງງານ ແລະ ປ່ຽນໄປຈາກວິກິດໃຫ້ເປັນໂອກາດເຮົາຄວນຈະປະຕິບັດດັ່ງນີ້.

1. ຕັ້ງສະຕິ ຖ້າທ່ານໄດ້ຊອງຂາວຈົ່ງຈື່ໄວ້ວ່າບໍ່ແມ່ນເປັນເພາະຄວາມບົກຜ່ອງໃນການເຮັດວຽກຂອງທ່ານ ແຕ່ສາເຫດທີ່ເຮັດໃຫ້ທ່ານ ຕ້ອງຖືກໄລ່ອອກນັ້ນເປັນ ຍ້ອນວິກິດການເງິນທີ່ປະຈຸບັນມັນໄດ້ກາຍເປັນສະຖານະການທີ່ເກີດຂຶ້ນທົ່ວໂລກທ່ານບໍ່ແມ່ນຄົນດຽວທີ່ປະເຊີນ ກັບຊາຕາກຳອັນນີ້ ຈົ່ງພະຍາຍາມຄິດໄປໃນທາງທີ່ດີເລີ່ມຕົ້ນກັບສິ່ງໃຫມ່ ຄວນຄິດໃຫ້ດີວ່າທ່ານຕ້ອງການຢາກເຮັດຫຍັງກັບຊີວິດ ແລະ ຈົ່ງຄິດເອົາໄວ້ວ່າ ສິ່ງທີ່ຈະເຮັດນັ້ນອາດຈະດີກວ່າສິ່ງທີ່ທ່ານເຄີຍເຮັດຜ່ານມາ.

2. ສິດທີ່ທ່ານຈະໄດ້ຮັບ ເມື່ອຫົວຫນ້າຖອນທ່ານອອກຈາກການເປັນພະນັກງານ ຫົວຫນ້າຕ້ອງອະທິບາຍເປັນລາຍລັກອັກສອນເຖິງ ສາເຫດທີ່ທ່ານຕ້ອງອອກຈາກວຽກ.

3. ວາງແຜນການເງິນການວ່າງງານຫມາຍຄວາມວ່າທ່ານບໍ່ ສາມາດທີ່ຈະໄດ້ຮັບເງິນເດືອນອີກຕໍ່ໄປການວາງແຜນການໃຊ້ຈ່າຍແມ່ນ ມີຄວາມສຳຄັນຫລາຍ ຖ້າທ່ານໄດ້ເງິນຊົດເຊີຍ ຫລື ເງິນທີ່ທ່ານທ້ອນໄວ້ນັ້ນ ຄວນຄິດໃຫ້ຮອບຄອບບໍ່ຄວນໃຊ້ຈ່າຍຟຸມເຟືອຍ.

4. ເສີມສ້າງຄວາມຮູ້ໃຫມ່ໆໃຫ້ຕົນເອງໃຊ້ເວລາວ່າງໃຫ້ເກີດປະໂຫຍດເວລາທີ່ທ່ານຍັງວ່າງງານຢູ່ ເພື່ອກຽມພ້ອມກັບບ່ອນເຮັດວຽກ ແຫ່ງໃຫມ່ທ່ານສົມຄວນທີ່ຈະຝຶກຝົນ ແລະ ປັບປຸງທັກສະວິຊາການເພີ່ມຕື່ມອີກນັ້ນເປັນວິທີທີ່ດີທີ່ສຸດ.

5. ປ່ຽນວິກິດການໃຫ້ເປັນໂອກາດທ່ານຄວນຄິດວ່າທີ່ທ່ານວ່າງງານເປັນໂອກາດຫລາຍກວ່າວິກິດ ຫລື ຄວາມຫລົ້ມເຫລວຂອງທ່ານ ຄັ້ງນີ້ ອາດເປັນເພາະວ່າທ່ານບໍ່ໄດ້ມັກວຽກເກົ່າຫລາຍພໍປານໃດ ແຕ່ເປັນເພາະວ່າທ່ານຂາດຄວາມຫມັ້ນໃຈທີ່ຈະປ່ຽນແປງໄປສູ່ສິ່ງທີ່ທ່ານ ຕ້ອງການຕະຫລອດມາ ແລະ ນີ້ຄືໂອກາດທີ່ທ່ານຢາກຈະເຮັດຫຍັງກໍ່ໄດ້ທີ່ທ່ານຢາກຈະເຮັດບໍ່ວ່າຈະເປັນການເລີ່ມຕົ້ນ ກິດຈະການສ່ວນ ຕົວ ແລະ ອື່ນໆ.

ໃຜຈະຮູ້ວ່າການວ່າງວຽກງານຄັ້ງນີ້ ອາດເປັນຈຸດເລີ່ມຕົ້ນທີ່ເຮັດຊີວິດຂອງທ່ານດີຂຶ້ນກວ່າເກົ່າກໍ່ເປັນໄດ້.

ຈະວ່າໄປແລ້ວໃນຊີວິດປະຈຳວັນຂອງຄົນເຮົາແມ່ນມີຫລາຍເລື່ອງທີ່ເຮັດໃຫ້ຄົນເຮົາອາລົມບໍ່ດີໄດ້ ເມື່ອເປັນຄືແນວນີ້, ທ່ານມີວິທີການ ສະແດງອອກແບບໃດແດ່? ເພາະວ່າສິ່ງທີ່ເຮົາສະແດງອອກຕອນນັ້ນຊ່ວຍບອກນິດໄສຂອງທ່ານໄດ້ເປັນຢ່າງດີ.

ໃຜທີ່ມັກສົນທະນາກັບຫມູ່ເພື່ອນ: ຖ້າທ່ານເປັນຄົນມັກໄປສົນທະນາກັບຫມູ່ຄະນະອາລົມບໍ່ດີນັ້ນ ສະແດງວ່າທ່ານຕ້ອງການກຳລັງ ໃຈຈາກຫມູ່ສະຫນິດ ເພາະທ່ານຄິດສະເຫມີມາວ່າຄວາມສະຫນິດສະຫນົມທາງຈິດໃຈ ແລະ ອາລົມມີຄວາມສຳຄັນຫລາຍກວ່າການປອງ ດອງສະຫນິດສະຫນົມກັນຕາມລະບຽບພິທີການ.

ໃຜທີ່ມັກນັດຫມູ່ໄປທ່ຽວກັນຫລາຍໆຄົນ: ທ່ານເປັນຄົນຂີ້ເຫງົາຫລາຍ ທ່ານຫວັງວ່າຈະອາໄສບັນຍາກາດທີ່ມ່ວນຊື່ນຈາກຫມູ່ ເພື່ອໄລ່ ຄວາມບໍ່ສະບາຍໃຈອອກໄປເພື່ອລືມບັນຫາຂອງຕົນເອງ, ຫລັກໃນການຄົບຫມູ່ຂອງທ່ານຄືທ່ານຈະຢຶດຫມູ່ຄະນະເປັນຫລັກ ຖ້າຫມູ່ໃຫມ່ ທີ່ຈະເຂົ້າມາຮ່ວມ ທ່ານຈະຄິດວ່າຄົນນີ້ຈະສາມາດເຂົ້າກັບຫມູ່ໃນກຸ່ມໄດ້ບໍ່ ຖ້ານິດໄສເຂົ້າກັນໄດ້ທ່ານຈະກໍ່ຈະຄົບເປັນຫມູ່ ແລະ ຈະບໍ່ສົນ ວ່າຫມູ່ຄົນນີ້ສາມາດເຂົ້າກັບຕົນເອງດ້ວຍຄວາມຈິງໃຈຫລືບໍ່.

ຖ້າທ່ານມັກເກັບຕົວຢູ່ຄົນດຽວ: ທ່ານເປັນຄົນມັກເກັບບັນຫາໄວ້ກັບຕົນເອງ ສະແດງວ່າເປັນຄົນບໍ່ຄ່ອຍເປັນຕົວຂອງຕົວເອງປານໃດ ພ້ອມທັງຖືຫມູ່ຄືເຄື່ອງມືທີ່ຈະສະແຫວງຫາຄວາມສຸກ ແລະ ເປັນພຽງວິທີການຫລີກເວັ້ນການສຳຫລວດຕົວເອງເທົ່ານັ້ນ ສາມາດກ່າວໄດ້ ວ່າ ທ່ານອາດເປັນຄົນທີ່ມີເພື່ອນຫລາຍ ແຕ່ຄົງເປັນພຽງເພື່ອນກິນເທົ່ານັ້ນ.

ຖ້າທ່ານມັກຟັງເພງ-ຟັງວິທະຍຸຫລືເຮັດກິດຈະກຳຢູ່ເຮືອນ: ທ່ານເປັນຄົນທີ່ຮູ້ຈັກຕົນເອງພໍສົມຄວນ, ທ່ານຄິດສະເຫມີວ່າ ເວລາອາລົມ ບໍ່ດີຄືໂອກາດດີທີ່ສຸດສຳລັບການທົບທວນຫາຕົນເອງ ນັ້ນສະແດງວ່າທ່ານບໍ່ແມ່ນຄົນໂດດດ່ຽວ ແລະ ປິດກັ້ນຕົນເອງ ພຽງແຕ່ທ່ານບໍ່ມັກ ໃຊ້ແບບພິທີພາຍນອກມາແກ້ໄຂບັນຫາພາຍໃນຈິດໃຈ ດັ່ງນັ້ນ ທ່ານຈິ່ງແກ້ບັນຫາທາງດ້ານຄວາມທຸກໃຈດີກວ່າຜູ້ອື່ນ ເມື່ອຫມູ່ຂອງທ່ານ ອາລົມບໍ່ຫມັ້ນຄົງ ຫລື ເກີດວິຕົກ ທ່ານຈະໃຫ້ຄຳປຶກສາ ແລະ ໃຫ້ຄຳແນະນຳທີ່ດີກັບຫມູ່.

ເຜີຍ 4 ວິທີເຮັດໃຫ້ສຸຂະພາບດີ

    ເຊື່ອວ່າຫລາຍຄົນຄົງຢາກມີສຸຂະພາບແຂງແຮງດີ ມື້ນີ້ຈິ່ງຂໍແນະນຳວິທີກ່ຽວກັບອາຫານການກິນມາບອກໃຫ້ຮູ້ສິ່ງສຳຄັນ ສຳລັບຜູ້ນຳ ເອົາໄປປະຕິບັດຈະຊ່ວຍເຮັດໃຫ້ມີສຸຂະພາບແຂງແຮງຂຶ້ນມາກໍ່ເປັນໄດ້.

1 ລອງຮັບປະທານອາຫານໃຫມ່: ໃຜທີ່ຄິດວ່າບໍ່ຮູ້ຈະຮັບປະທານຫຍັງດີ ສຸດທ້າຍກໍ່ຕ້ອງກັບມາຮັບປະທານອາຫານແບບເກົ່າຊ້ຳໆ ທ່ານ ຮູ້ບໍ່ວ່າການຮັບປະທານອາຫານດຽວຊ້ຳໆເປັນປະຈຳທຸກມື້ຈະເຮັດໃຫ້ຮ່າງກາຍໄດ້ຮັບສານອາຫານບໍ່ພຽງພໍ, ຖ້າທ່ານສາມາດຮັບປະທານ ອາຫານໄດ້ຫລາຍຢ່າງຈະຊ່ວຍເຮັດໃຫ້ຮ່າງກາຍໄດ້ຮັບວີຕາມິນ ແລະ ສານຕ້ານອະນຸມູນອິດສະຫລະເພີ່ມຂຶ້ນ.

2 ຫາເວລາເຂົ້າຄົວແຕ່ງກິນ: ເວລາທີ່ເຮົາລົງມືແຕ່ງກິນເອງ ອາດເຮັດໃຫ້ທ່ານສາມາດຮັບປະທານອາຫານໄດ້ຫລາຍຂຶ້ນກວ່າເກົ່າ ນອກ ຈາກນີ້ ການເຂົ້າຄົວຍັງເປັນອີກກິດຈະກຳຫນຶ່ງທີ່ຊ່ວຍເສີມສ້າງຄວາມສຳພັນອັນດີລະຫວ່າງຄົນໃນຄອບຄົວນຳອີກ.

3 ຮັບປະທານອາຫານປະເພດພືດພັນທັນຍາຫານ: ເປັນທີ່ຮູ້ຈັກກັນດີແລ້ວວ່າ ຖ້າຮັບປະທານຈຳພວກພືດພັນທັນຍາຫານ ສາມາດຊ່ວຍ ປ້ອງກັນບໍ່ໃຫ້ເກີດພະຍາດຊຳເຮື້ອຕ່າງໆເຊັ່ນ ພະຍາດໄຂມັນອຸດຕັນໃນເສັ້ນເລືອດ, ເບົາຫວານຊະນິດທີ 2 ແລະ ພະຍາດມະເຮັງແຖມ ຍັງມີຄຸນສົມບັດຊ່ວຍຕໍ່ສູ້ກັບຄໍເລສເຕີຣໍໄດ້ອີກ ນອກຈາກນີ້ ຍັງອຸດົມໄປດ້ວຍໄຟເບີ ເຊິ່ງຈະຊ່ວຍເຮັດໃຫ້ທ່ານຮູ້ສຶກອີ່ມທ້ອງໄດ້ດົນ.

4 ຮັບປະທານຂອງວ່າງລະຫວ່າງມື້: ທ່ານຮູ້ຫລືບໍວ່າການຮັບປະທານອາຫານເບົາໆ (ຂອງກິນຫລິ້ນ) ລະຫວ່າງມື້ ຈະຊ່ວຍເຮັດໃຫ້ຮ່າງ ກາຍໄດ້ຮັບສານອາຫານເພີ່ມຂຶ້ນ ເພາະວ່າທ່ານຈະໄດ້ຮັບວີຕາມິນ ແລະ ເກືອແຮ່ ທີ່ຮ່າງກາຍຕ້ອງການນອກເຫນືອຈາກອາຫານຄາບ ຫລັກທັງ 3 ຄາບນັ້ນ ນອກຈາກນີ້ ມັນຍັງຊ່ວຍຮັກສາລະດັບນ້ຳຕານໃນເລືອດໃຫ້ຄົງທີ່, ເພີ່ມພະລັງງານ ແລະ ເຮັດໃຫ້ອາລົມດີຂຶ້ນ ນຳອີກ.

ຮູບເງົາສາມາດທວາຍນິດໄສຄົນໄດ້ລອງມາທວາຍນິດໄສຂອງຕົນເອງ ແລະ ຄົນໃກ້ຕົວຂອງທ່ານກັນດີກວ່າ.
ຮູບເງົາແນວອະດີດ ທ່ານເປັນຄົນຂ້ອນຂ້ອງຈຸກຈິກໄປກັບທຸກໆ ເລື່ອງແຕ່ເປັນຄົນຮັກຄອບຄົວຫລາຍ.
ຮູບເງົາແນວວິທະຍາສາດທ່ານເປັນຄົນມັກຄວາມຜະຈົນໄພບໍ່ມັກສິ່ງເກົ່າ, ສິ່ງທີ່ຊ້ຳໄປຊ້ຳມາທ່ານມັກຄວາມແປກໃຫມ່ສິ່ງໃຫມ່ໆແລະ ຄວາມຕື່ນເຕັ້ນມັກຢູ່ໃນໂລກອະນາຄົດຫລາຍກວ່າປະຈຸບັນ.
ຮູບເງົາແນວຜະຈົນໄພ ທ່ານ ເປັນນັກຕໍ່ສູ້, ບໍ່ເຄີຍຢ້ານ ແລະ ຫວັ່ນໄຫວກັບອຸປະສັກຕ່າງໆບໍ່ຍອມໃຜງ່າຍໆຖ້າທ່ານຄິດວ່າສິ່ງທີ່ຕົນ ປະຕິບັດນັ້ນມັນຖືກຕ້ອງ.
ຮູບເງົາແນວກາຕູນ ທ່ານເປັນຄົນທີ່ມີຊີວິດຊີວາ, ມີຄວາມກະຕືລືລົ້ນຫ້າວຫັນ, ບໍ່ມັກການຢຸດຢູ່ກັບທີ່, ມີຄວາມພາກພຽນພະຍາຍາມ ດີແຕ່ມັກເວົ້າອວດອົ່ງທະນົງຕົວ.
ຮູບເງົາຕະຫລົກ ທ່ານເປັນຄົນຈິດໃຈດີ, ບໍ່ອາຄາດບາດຫມາງ ຜູ້ໃດບໍ່ມັກການຜິດຖຽງມັກການປານີປານອມຫລາຍກວ່າໃນການຕັດ ສິນແກ້ໄຂບັນຫາ.
ຮູບເງົາແນວເພງ ທ່ານເປັນຄົນມີສະເຫນ, ເບິ່ງໂລກໃນແງ່ດີ, ມັກທຳຄວາມຮູ້ຈັກກັບຄົນອື່ນຕະຫລອດເວລາ ແລະ ບໍ່ມັກຄວາມງຽບ ເຫງົາ.
ຮູບເງົາແນວຕື່ນຕາຕື່ນໃຈລຶກລັບທ່ານເປັນຄົນມັກສ່ຽງໄພ ແລະ ກ້າທ້າທາຍກັບທຸກໆສິ່ງທຸກຢ່າງບໍ່ສົນໃຈກັບກົດລະບຽບໃດໆ ແຕ່ ເປັນຄົນບໍ່ຮອບຄອບຍ້ອນເປັນຄົນໃຈຮ້ອນນັ້ນເອງ.
ຮູບເງົາສະຫຍອງຂວັນ ທ່ານມັກເຮັດໃຫ້ຄົນອື່ນປະຫລາດໃຈສະເຫມີ ແລະ ສົນໃຈເລື່ອງລຶກລັບກ່ຽວກັບໄສຍະສາດແຕ່ທ່ານກໍ່ເປັນ ຄົນທີ່ມີສະເຫນ.
ຮູບເງົາແນວເພື່ອຊີວິດທ່ານເປັນຄົນທີ່ເຂົ້າໃຈຊີວິດໄດ້ດີກວ່າຄົນໃນໄວດຽວກັນເຊິ່ງທ່ານສາມາດເປັນທີ່ປຶກສາຂອງຄົນໃກ້ຕົວສະເຫມີ ເປັນຄົນມັກເອື້ອເຟື້ອເຜື່ອແຜ່ ແລະ ເປັນຄົນອ່ອນໄຫວງ່າຍ.
ຮູບເງົາແນວຄວາມຮັກຫວານຊຶ້ງ ທ່ານເປັນຄົນຊ່າງຝັນ ແລະ ຄາດຫວັງກັບຊີວິດທີ່ສົມບູນແບບມັກເກັບຄວາມຮູ້ສຶກເຮັດໃຫ້ຄົນອື່ນ ມັກເບິ່ງທ່ານແຕ່ດ້ານທີ່ສວຍງາມເພາະທ່ານຈະເກັບເຊື່ອງສິ່ງທີ່ບໍ່ດີເອົາໄວ້.

ວາລະສານແລນເຊລາຍງານວ່າ ຫນ່ວຍບໍລິການທົດລອງທາງຄຣີນິກຈາກມະຫາວິທະຍາໄລອ໊ອກຟອດໄດ້ວິເຄາະຂໍ້ມູນໃນຈຳນວນ ເກືອບ 1 ລ້ານຄົນທົ່ວໂລກ ແລະ ກໍ່ໄດ້ຜົນສະຫລຸບຂອງຂໍ້ມູນວ່າ ຜູ້ທີ່ມີດັດສະນີມວນກາຍ (BMI) ສູງກວ່າເກນປົກກະຕິແມ່ນມີຄວາມ ສ່ຽງອາຍຸສັ້ນ (ບີເອັມໄອຄຳນວນຈາກການເອົານ້ຳຫນັກຕົວມາຫານກັບລວງສູງຍົກກຳລັງສອງ) ເກນປົກກະຕິ ຈະຢູ່ລະຫວ່າງ 20-25 ຖ້າຢູ່ລະຫວ່າງ 30Œ39 ຖືວ່າເປັນພະຍາດຕຸ້ຍໃນລະດັບປານກາງມີຄວາມສ່ຽງອາຍຸສັ້ນລົງ 3 ປີ ແລະ ຖ້າຢູ່ລະຫວ່າງ 40-50 ແມ່ນ ຢູ່ລະດັບຮຸນແຮງມີຄວາມສ່ຽງອາຍຸສັ້ນ 10 ປີສາເຫດທີ່ເຮັດໃຫ້ອາຍຸສັ້ນຄືວ່າພະຍາດຕຸ້ຍເປັນບໍ່ສາເຫດທີ່ ເຮັດໃຫ້ເກີດຈາກພະຍາດຫົວ ໃຈ, ຫລອດເລືອດສະຫມອງ ແລະ ພະຍາດມະເຮັງບາງຊະນິດ.

ເມື່ອທ່ານຮູ້ແບບນີ້ແລ້ວກໍ່ຫັນມາໃສ່ໃຈຄວບຄຸມທັງເລື່ອງການຮັບປະທານ ແລະ ການອອກກຳລັງກາຍໃຫ້ເປັນນິດໄສ.

ນັກຈິດຕະວິທະຍາ ຄິມຈອນ ສັນໄດ້ທຳການສຶກສາ ແລະ ພົບວ່າ: ຫນູທົດລອງທີ່ຂາດເກືອບໍ່ຍອມປະຕິບັດສິ່ງທີ່ເຄີຍປະຕິບັດມາ ກ່ອນຫນ້ານີ້ເຊັ່ນ: ກິນຂອງຫວານ ເປັນຕົ້ນຫນູຈະຖືກກົດດັນ ເຊິ່ງຈະໄປກະຕຸ້ນຄວາມຮູ້ສຶກພໍໃຈໃນສະຫມອງຂອງຫນູ.

ຫນູຕົວດັ່ງກ່າວຈະເຊົາປະຕິບັດສິ່ງທີ່ເຄີຍປະຕິບັດມາທັງຫມົດ ຈິ່ງເຮັດໃຫ້ນັກວິໄຈເຊື່ອວ່າການຂາດເກືອ ແລະ ຄວາມຕ້ອງການ ທີ່ ຕາມມາອາດຈະໄປຊັກນຳໃຫ້ເກີດອາການທີ່ໃກ້ຄຽງກັບຄວາມຊຶມເສົ້າ.

ແຕ່ການທີ່ຫນູບໍ່ກະທຳໃນສິ່ງ ທີ່ມັນເຄີຍມັກຖືວ່າເປັນລັກສະນະ ສຳຄັນທີ່ສຸດຂອງອາການຊຶມເສົ້າທາງຈິດຕະວິທະຍາອີກຢ່າງຫນຶ່ງ ແລະເມື່ອປະກອບກັບຄວາມເຊື່ອທົ່ວໄປວ່າ: "ເກືອເປັນສິ່ງທີ່ຊ່ວຍຟື້ນຟູອາລົມຕາມທຳມະຊາດ" ເຖິງແມ່ນວ່າຄົນສ່ວນຫລາຍຈະຮູ້ວ່າ ຖ້າ ຮັບປະທານໃນປະລິມານຫລາຍອາດກໍ່ໃຫ້ເກີດພະຍາດຄວາມດັນເລືອດສູງ, ຫົວໃຈ ແລະ ບັນຫາສຸຂະພາບອື່ນໆຕາມມາ.

ແຕ່ການທົດລອງດັ່ງກ່າວ ຍັງບໍ່ທັນມີຂໍ້ສະຫລຸບຢ່າງແນ່ນອນເທື່ອຍັງຢູ່ຂັ້ນຕອນຂອງການທົດລອງ ເພາະສະນັ້ນ ເຮົາຄວນຈະຮັບ ປະທານອາຫານໃນລົດຊາດທີ່ບໍ່ເຄັມຫລາຍຈົນເກີນໄປເພື່ອຫລີກເວັ້ນການເກີດພະຍາດຕ່າງໆທີ່ຈະຕາມມາໃນອະນາຄົດ.

ການທີ່ຈະຮັກໃຜຄົນໜື່ງ ກໍ່ແສນຍາກ ເມື່ອໄດ້ຮັກຈາກເຂົາ ກໍ່ຍາກທີ່ຈະລືມໄດ້
ວັນເວລາຜ່ານໄປ ແຕ່ເມື່ອເຫັນໜ້າ ກໍ່ຍັງຢາກໄດ້ຢູ່ໃກ້ ເພາະຕັດໃຈບໍ່ໄດ້ ຈະແນວໃດ?

ຄວາມກະຕັນຍູ ເປັນເຄື່ອງໝາຍຂອງຄົນດີ

ເຮົາທ່ານທັງຫຼາຍ ຈົ່ງຈຳໄວ້ສະເໝີວ່າ ຊີ້ນ ໜັງ ກະດູກ ຂອງເຮົາ
ທຸກສີ່ງທຸກຢ່າງທີ່ຢູ່ໃນໂຕຂອງເຮົາ ລ້ວນແລ້ວແຕ່ໄດ້ມາຈາກພໍ່ແມ່ຂອງເຮົາ
ຖ້າຄິດໄດ້ຢ່າງນີ້ແລ້ວ ເຮົາກໍ່ຈະເຮັດແຕ່ສີ່ງທີ່ດີໆ ມີປະໂຫຍດ ບໍ່ວ່າຈະເຮັດຫຍັງກໍ່ຕາມ ລູກໆ ຈົ່ງຈຳໄວ້ສະເໝີວ່າ “ລູກຈະບໍ່ເຮັດໃຫ້ພໍ່ແມ່ເສຍໃຈ”
ພຽງເທົ່ານີ້ ກໍ່ຖືໄດ້ວ່າ ເຮົາເປັນລູກກະຕັນຍູ ຮູ້ບຸນຄຸນພໍ່ແມ່ແລ້ວ

= = = ດ້ວຍຄວາມຮັກ ແລະປາດຖະໜາດີ = = =
= = = = ຈາກ ທັມມະເພື່ອຊີວິດ = = = =

ເພາະສີ່ງທີ່ຈຳເປັນຕໍ່ຊີວິດເຮົາມັນມີຫລາຍດ້ານ ຫລາຍຄັ້ງເຮົາເກິດຄວາມສັບສົນວ່າຈະຮັກສາອັນໃດໄວ້
ຈະເລືອກອັນໃດດີ “ລະວ່າງຊີວິດກັບຄວາມຮັກ”
ເຮົາບໍ່ຈຳເປັນຕ້ອງເລືອກ
ເພາະສອງຢ່າງສຳຄັນທໍ່ກັນ
ພຽງແຕ່…..
“ບ່ອນນັ້ນກັບບ່ອນນີ້ ຕ້ອງການດູແລເບິ່ງແຍງທີ່ແຕກຕ່າງກັນ”

ຖ້າຮູ້ຈັກໃຊ້ຊີວິດ..ເຮົາກໍ່ຈະໄດ້ຮູ້ວິທີຮັກສາແລະດູແລເບິ່ງແຍງຊີວິດ
ແລະຖ້າເຮົາຮູ້ຈັກຄົນທີ່ເຮົາຮັກແລະຄວາມຮັກຢ່າງແທ້ຈິງ
ເຮົາຈະຮູ້ຈັກວິທີປະຄັບປະຄອງ ດູແລເບິ່ງແຍງຮັກສາ
ໃຫ້ຄວາມຮັກກ້າວຫນ້າໄປພ້ອມໆ ກັນກັບດ້ານອື່ນໆ ໄດ້
ແລ້ວຖ້າເຮົາເຂົ້າໃຈທັງສອງດ້ານໄດ້ຫລາຍທີ່ສຸດ
ເຮົາຈະບໍ່ໄດ້ຮູ້ສຶກເໝື່ອຍທີ່ຕ້ອງແບກຊີວິດ
ພ້ອມກັບດູແລເບິ່ງແຍງຄວາມຮັກໃຫ້ດີຢູ່ສະເໝີ
ເພາະໃນຄວາມເປັນຈິງແລ້ວທັ້ງສອງສິ່ງນັ້ນ
ຕ້ອງການການດູແລເບິ່ງແຍງທີ່ແຕກຕ່າງກັນ
“ຊີວິດອາດຕ້ອງການການທຸ້ມເທ ແຕ່ຄວາມຮັກຕ້ອງການຄວາມໃສ່ໃຈ”

ເດັກສາວຕາບອດຄົນໜຶ່ງ ກຽດຕົວເອງທີ່ສຸດທີ່ແນມບໍ່ເຫັນຫຍັງ
ເດັກສາວຄົນນັ້ນກຽດທຸກຄົນຍຸກເວັ້ນແຟນໝຸ່ມຂອງເຂົາ
ມຶ້ໜຶ່ງເດັກສາວຄົນນັ້ນບອກກັບແຟນເຂົາວ່າ ຖ້າເຂົາແນມເຫັນ ເຂົາຈະແຕ່ງງານກັບຊາຍຫນຸ່ມຂອງເຂາ
ແລ້ວມື້ຫນຶ່ງ ໂຊກດີກໍ່ຢ່າງເຂົ້າມາເຖິງ ມີຄົນບໍຣິຈາກດວງຕາໃຫ້ເດັກສາວຄົນນັ້ນ!!
ເດັກສາວຈຶ່ງແນມເຫັນທຸກຢ່າງລວມທັ້ງແຟນຫນຸ່ມຂອງເຂົາ
ເດັກຫນຸມຄົນນັ້ນຈິ່ງຖາມວ່າ “ຕອນນີ້ເຈົ້າແນມເຫັນແລ້ວ ແລ້ວເຈົ້າຈະແຕ່ງງານກັນຂ້ອຍບໍ່”
ເດັກສາວຕົກໃຈຫລາຍ ທີ່ເຫັນວ່າແຟນເຂົາຕາບອດ!!!
ເດັກສາວຕອບວ່າ “ເຂົາຂໍໂທດເດີ ທີ່ຂ້ອຍແຕ່ງງານກັບເຈົ້າບໍ່ໄດ້ ເພາະເຈົ້າຕາບອດ”
ແຟນໜຸ່ມຂອງເຂົາກໍ່ລາຈາກໄປພ້ອມກັບນ້ຳຕາ
ແລະບອກກັບແຟນສາວຂອງເຂົາວ່າ “ຖ້າຢ່າງນັ້ນ….ກະຊ່ອຍຮັກສາດູແລດວງຕາຂອງຂ້ອຍໃຫ້ດີກໍ່ແລ້ວກັນເດີ ” ລາກ່ອນ

ຊາຍຄົນຫນຶ່ງ….ມີເພື່ອນຢູ່ 3 ຄົນ
ເພື່ອນຄົນທີ່ 1 ເຂົາຮັກຫລາຍ ເຮັດທຸກສິ່ງທຸກຢ່າງເພື່ອເພື່ອນຄົນນີ້
ເພື່ອນຄົນທີ່ 2 ເຂົາຮັກຮອງລົງມາຈາກຄົນທຳອິດ
ເພື່ອນຄົນທີ່ 3 ເຂົາບໍ່ສົນໃຈແລະບໍ່ເຄີຍເຮັດສິ່ງໃດເພື່ອເພື່ອນຜູ້ນີ້ເລີຍ
ຕໍ່ມາ…ໃນບໍ່ຊ້າບໍ່ດົນ ເມື່ອອາຍຸລ່ວງເລີຍເຖີງການເວລາ ເຂົາກໍ່ໄດ້ເສຍຊີວິດ ຄວາມທີ່ຈິດຂອງເຂົາຜູກພັນຢູ່ກັບເພື່ອນຄົນທີ່ 1 ເຂົາຈິ່ງໄປຫາແຕ່ເພື່ອນຄົນນີ້ ແຕ່ເພື່ອນຄົນນີ້ບໍ່ສົນໃຈນຳເຂົາເລີຍ ເຂົາເວ້ານຳກໍ່ບໍ່ຍອມເວົ້າບໍ່ຍອມເຈລະຈາຕອບເລີຍ
ເຂົາຮູ້ສຶກເສັຍໃຈຫລາຍ ແລະຄຶດເສັຍດາຍວ່າຂະນະທີ່ມີຊີວິດຢູ່ເຂົາບໍ່ຄວນທຸ້ມເທກັບເພື່ອນຄົນນີ້
ຈາກນັ້ນເຂົາຈິ່ງໄປຫາເພື່ອນຄົນທີ່ 2 ເພື່ອນຄົນນີ້ດີກວ່າເພື່ອນຄົນທຳອິດ ຢູ່ບ່ອນວ່າຢ່າງໄປສົ່ງ ເມື່ອເຂົາໄດ້ຢ່າງເດິນທາງໄປປໍລະໂລກຫລືອດັບຂັນຫລືອຕາຍໄປ ແຕ່ສົ່ງເຂົາພຽງເຄິ່ງທາງທໍ່ນັ້ນກໍ່ກັບ
ຄົງມີແຕ່ເພື່ອນຄົນທີ່ 3 ທໍ່ນັ້ນ ທີ່ຕິດຕາມເຂົາມາ ແລະຮ່ວມຢ່າງເດິນທາງໄປກັບເຂົາຕະຫລອດ
ເສັ້ນທາງ ບໍ່ເຄີຍປະເຂົາຖີ້ມເລີຍ ແມ່ນພຽງຊົ່ວອຶດລົມຫາຍໃຈດຽວ….ຫລັງຈາກອ່ານຈົບແລ້ວ….
ຂໍຖາມວ່າ ຮູ້ບໍ່ວ່າເພື່ອນທັ້ງສາມຄົນນີ້ເປັນໃຜແນ່?

ລອງຄຶດກັນກ່ອນແລ້ວຄ່ອຍເບິ່ງຕຳສະເລີຍ….
ເພື່ອນຄົນທີ່ 1 ຄື…”ຊັບສົມບັດ” ເພາະເວລາເຮົາມີຊີວິດຢູ່…ເຮົາຈະເຮັດທຸກຢ່າງເພື່ອໃຫ້ໄດ້ມັນມາ ແຕ່ພໍເຮົາຕາຍໄປແລ້ວ ມັນກັບບໍ່ໄປກັບເຮົາເລີຍ ແຖມເຮົາເວົ້າກັບມັນມັນກໍ່ບໍ່ເວົ້ານຳເຮົາເລີຍ….
ເພື່ອນຄົນທີ້ 2 ຄື…”ເມຍ ຫຼື ພັນລະຍາ ລູກ ຍາດພີ່ນ້ອງ” ເພາະພໍເຮົາຕາຍໄປ ເຂົາກໍ່ເຮັດບຸນໃຫ້ເຮົາ ເຮັດພິທີສົບໃຫ້ເຮົາ ແປວ່າ…ເຂົາໄປສົ່ງເຮົາພຽງເຄິ່ງທາງທໍ່ນັ້ນ
ເພື່ອນຄົນສຸດທ້າຍ ຄື…” ບຸນ ກັບ ບາບ “ ເມື່ອເຮົາຕາຍຫລືອເສັຍຊີວິດໄປ ເຮົາບໍ່ສາມາດເອົາສິ່ງໃດໄປນຳໄດ້ ຍົກເວັ້ນ…..ພຽງແຕ່ “ບຸນ ກັບ ບາບ” ທໍ່ນັ້ນທີ່ຈະຕາມເຮົາໄປ…ເພາະສະນັ້ນ ເຮົາຕ້ອງເອົາໃຈໃສ່ເພື່ອນຄົນທີ່ 3 ໃຫ້ຫລາຍ ໂດຍສະເພາະຄົນທີ່ຊື່ວ່າ “ນາຍບຸນ” ……ສ່ວນ“ນາຍບາບ”….ເຮົາຕ້ອງຫນີໃຫ້ໄກມັນຢ່າເຂົ້າໃກ້ມັນ
ແລະຢ່າໄດ້ເອົາໄປເປັນເພື່ອນຮ່ວມທາງໂດຍເດັດຂາດ!!!
ຈົ່ງຈຳໄວ້ວ່າ…ໃຜທີ່ມົວຫລົງໄຫລເອົາໃຈແຕ່ເພື່ອນຄົນທີ່ 1 ຈິ່ງເປັນຄົນ ຈຸດຈຸດຈຸດ!!

ຫລາຍໆ ຄັ້ງທີ່ເຮົາຕ້ອງເຈັບປວດ….
ກັບຄວາມຮັກ…ຄວາມຫ່ວງຫາ….ແລະອາທອນ…
ແຕ່ຈະມີໃຜລະຫລື ທີ່ເຂົ້າໃຈໃນຄວາມຫມາຍຂອງຄຳວ່າ..ຮັກຢ່າງແທ້ຈິງ…
ປັນຫາຕ່າງໆ ທີ່ເກິດຂຶ້ນຈາກຄວາມຮັກ…ທັ້ງຮັກແທ້…ຮັກທຽມ.. ຮັກຫລອກ…ຮັກຫລົງ…ສາຣະພັດກັບຄວາມຮັກ… ທີ່ເກິດຂື້ນໃນຫົວໃຈ…ມີທັ້ງສົມຫວັງແລະກໍ່ຜິດຫວັງ…
ແຕ່ຢ່າງໃດ…ກໍ່ຕາມ ຫາກເຮົາເຂົ້າໃຈຄວາມຮັກຢ່າງແທ້ຈິງ…ດັງທີ່ພະພຸດທະເຈົ້າສອນໄວ້ວ່າ….ບ່ອນໃດມີຮັກ …ບ່ອນນັ້ນມີທຸກ….ບ່ອນໃດບໍມີຮັກ…ບ່ອນນັ້ນບໍ່ມີທຸກ…
ຖ້າເຮົາຈະຮັກໃຜຈັກຄົນໜຶ່ງ…ຈົ່ງຕຽມໃຈໄວ້ຕ້ອນຮັບ….ເມື່ອເກິດຄວາມຜິດຫວັງຂຶ້ນມາ ..ເຖິງຈະຢ່າງໃດ….ການຮຽນຮູ້ທີ່ຈະຮັກຢ່າງຖືກຕ້ອງ …ແລະຖຶກທຳ…ຈິ່ງເປັນເລື່ອງສຳຄັນທີ່ເຮົາຄວນໃສ່ໃຈ…
ຫລັກ 4 ຮ ບໍ່ກໍ່ທຸກ…ນັ້ນກໍ່ຄື..
ຮ ທີ່ 1 ຮັກແລະປາດຖະໜາດີ … ທຸກເວລາ..ໃຫ້ຄົນທີ່ເຮົາຮັກມີຄວາມສຸກ …ຢ່າງບໍຣິສຸດໃຈ…
ຮ ທີ່ 2 ຮັກແລະກະຣຸນາ…ສົງສານ…ຄຶດຈະຊ່ອຍໃຫ້ຄົນທີ່ເຮົາຮັກພົ້ນຈາກທຸກ…ຢ່າງບໍຣິສຸດໃຈ..
ຮ ທີ່ 3 ຮັກແລະຊື່ນບານ..ມີຄວາມສຸກ…ຄ່ອຍຍິນດີ…ເມື່ອຄົນເຮົາຮັກປະສົບຄວາມສຳເລັດ…ຢ່າງບໍຣິສຸດໃຈ…
ຮ ທີ່ 4 ຮັກມີທັ້ງສຸກແລະທຸກ …ຈົ່ງຮັກສາໃຈ…ບໍ່ເສັຍໃຈ ບໍ່ທຸກໃຈ..ຈົນເກິນໄປ…ເມື່ອຜິດຫວັງ…ເວລາສົມຫວັງ..ກໍ່ບໍ່ຫລົງລະເຣິງໃຈ… ຈົນເກິນໄປ…ຮູ້ຈັກວາງໃຈຕົນເອງ…ແລະຮັກສາໃຈຕົນເອງ…. ຮຽນຮູ້ຄວາມຮັກຢ່າງເຂົ້າໃຈ…ເຮົາຈະໄດ້ສະບາຍໃຈ…
ຫາກເຮົາແບ່ງ 4 ຫ້ອງຫົວໃຈ…
ມອບຄວາມຮັກໃຫ້ກັນຢ່າງຖືກຕ້ອງ…ຖືກທຳ…ກໍ່ຈະນ້ອມນຳຈິດໃຈຂອງເຮົາ… ໃຫ້ມີຄວາມສຸກທຸກໆ ວິນາທີ່ຂອງຄວາມຮູ້ສຶກ

ຊີວິດຄື…ການເປັນຢູ່…ການມີຊີວິດຢູ່ຢ່າງມີຄຸນຄ່າ…ເປັນສິ່ງທີ່ມະນຸດທຸກຄົນໃນໂລກຫນ່ວຍນີ້..
ຕ້ອງສຶກສາແລະຮຽນຮູ້ຢ່າງເຂົ້າໃຈແລະຕາມທັນມັນ
ຄຸນຄ່າ…ຄື…ສິ່ງທີ່ກຳໜົດລາຄາຂອງສິ່ງເຫລົ່ານັ້ນ…ວ່າ…ມີປະໂຫຍດຫລາຍນ້ອຍທໍ່ໃດ..
ຊີວິດຂອງເຮົາກໍ່ເຊັ່ນດຽວກັນ…ການມີຊີວິດຢູ່ຢ່າງຄຸ່ມຄ່າ…ມີລາຄາ..ຄືການໃຊ້ຊີວິດທຸກໆ…ວິນາທີຢ່າງມີສະຕິ
ບໍ່ວ່າຈະເປັນການເວົ້າ…ການຄຶດ…ຫລືອການກະທຳກໍ່ຕາມ….ຫາກເຮົາເປັນຢູ່ຢ່າງມີສະຕິທຸກລົມຫາຍໃຈ…
ບໍ່ປະໝາດທຸກໆ..ຂະນະ ທຸກໆ ວິນາທີ…ນັ້ນຄື…ການໃຊ້ທຸກໆ ວິນາທີຂອງຊີວິດໄດ້ຢ່າງມີຄຸນຄ່າ....

ບົດສະຫລຸບ…ຄຸນຄ່າຂອງຊີວິດ..
ຢູ່ບ່ອນວ່າ…ເຂົາຜູ້ນັ້ນເກິດມາແລ້ວ…ໄດ້ພຽນພະຍາຍາມລະ ເລິກ…ຄວາມຊົ່ວ..ອັນໄດ້ແກ່..ສິ່ງທີ່ບໍ່ດີ…ທີ່ເກິດຂຶ້ນໃນຈິດໃຈ…
ໝັ່ນທຳຄວາມດີ..ແລະຮັກສາຄຸນງາມຄວາມດີ…ທີ່ເກິດຂຶ້ນໃນຊີວິດໄດ້ບໍ່ເທົ່ານັ້ນ…
ຂໍພຽງເຮົາຢ່າປະມາດໃນຊີວິດ..ກັບມື້ແລະວັນເວລາທີ່ຍັງເຫລືອຢູ່ໃນປະຈຸບັນ…ເພາະທຸກໆ ວິນາທີຂອງຊີວິດ…ອາດເປັນລົມຫາຍໃຈສຸດທ້າຍຂອງຊີວິດເຮົາກໍ່ໄດ້…
ຫາກເຮົາໄດ້ຮຽນຮູ້ຄຸນຄ່າຂອງຊີວິດຢ່າງແທ້ຈິງ..ແລະເຂົ້າໃຈວ່າ…ທີ່ສຸດຂອງຊີວິດເຮົາ …ຄື..ການຮຽນຮູ້ຈິດໃຈພາຍໃນຂອງເຮົາເອງ…ນັ້ນແຫລະ..ເຮົາຈິ່ງຈະໄດ້ຊື່ວ່າ…. ເປັນຜູ້ໃຊ້ມື່ແລະວັນເວລາຂອງຊີວິດໄດ້ຢ່າງມີຄວາມສຸກຫລາຍທີ່ສຸດ…….

ຕາບໃດທີ່ເຮົາບໍ່ເຂົ້າໃຈຕົນເອງ…
ເຮົາຈະບໍ່ເຂົ້າໃຈເລີຍວ່າ…
ສຸກ-ທຸກເປັນແບບໃດ…??
ຈຸດເລີ້ມຕົ້ນຂອງຄວາມສຸກແລະຄວາມທຸກ…
ເກິດຈາກຄວາມຄຶດຂອງເຮົາເອງເປັນສຳຄັນ…ແຕ່ຈຸດສຸດທ້າຍຂອງຄວາມຄຶດ..ຄື ..ການຮຽນຮູ້ຢ່າງເຂົ້າໃຈແລະຕາມທັນມັນ…ໃນຄວາມຮູ້ສຶກຂອງເຮົາເອງ ທີ່ເກິດຂື່ນຂະນະນັ້ນໆ…ແລ້ວມື່ນີ້…
ທຸກໆ ວິນາທີຂອງຊີວິດເຮົາ….
ເຮົາມີສະຕິຢູ່ກັບໃຈຂອງຕົນເອງຫລາຍນ້ອຍທໍ່ໃດ??????

ມີຊາຍຄົນຫນື່ງຂັບລົດມາດ້ວຍຄວາມໄວ ຝ່າດ່ານຕຳຫລວດໄປ ເຈົ້າຫນ້າທີ່ຕຳຫລວດຈິ່ງຟ້າວຂັບລົດນຳ
ຕຳຫລວດ : " ຂໍໂທດເດີ້……ເມື່ອກີ້ນີ້ເຈົ້າຂັບລົດຝ່າດ່ານຕຳຫລວດມາ ບໍ່ເຫັນບໍ "
ຄົນຂັບ : " ເຫັນ ! ເປັນຫຍັງລະ ? "
ຕຳຫລວດ : " ແລ້ວ ບໍ່ເຫັນປ້າຍ ບໍ ? "
ຄົນຂັບ : " ເຫັນ ! ປ້າຍຂຽນວ່າ '''' ຢຸດກວດ '''' ແມ່ນບໍ່ ? "
ຕຳຫລວດ : " ແລ້ວເປັນຫຍັງເຈົ້າບໍ່ຢຸດ ? "
ຄົນຂັບ : " ກະປ້າຍມັນບອກວ່າ '''' ຢຸດກວດ '''' ເດ້ ! ຂ້ອຍເລີຍຄິດວ່າມື້ນີ້ບໍ່ກວດ ເທື່ອຫນ້າຖ້າຊິກວດໃຫ້ຂຽນວ່າ
'''' ຍັງກວດຢູ່ '''' ເດີ້ ! ຂ້ອຍຈິ່ງຊິໄດ້ຈອດ!!!

ສະບາຍດີ .....ໂດຍສະເພາະແມ່ນຜູ້ບາວຜູ້ສາວເດີ ທີ່ກຳລັງມີຄວາມຮັກ ທີ່ຫວັງຈະເອົາຈິງເອົາຈັງກັບຄວາມຮັກ,ຢາກໃຊ້ຊີວິດຮ່ວມກັນ
ເພາະທີ່ຜ່ານມາຂ້າພະເຈົ້າກໍ່ເຫັນຫຼາຍຄົນແລ້ວທີ່ຮັກກັນແລ້ວແຕ່ບໍ່ສົມຫວັງ ສາເຫດເກີດມາຈາກໃສ ຮູ້ບໍ່, ກໍ່ຍອ້ນວ່າບໍລິຫານ
ຮັກບໍ່ເປັນ ສະນັ້ນການທີ່ຈະຮັກກັນແບບຢູ່ຢົງຄົງກະພັນຕອ້ງປະຕິບັດໃຫ້ໄດ້ຕາມມາດຖານບໍ່ວ່າຈະເປັນທ່ານຍິ່ງ ຫຼື ທ່ານຊາຍ
ເດີ ໃນເມື່ອເຮົາຮັກກັນແລ້ວ, ຢູ່ນຳກັນແລ້ວ ຫຼື ມີອີຍັງນຳກັນແລ້ວ ກໍ່ຂໍຢ່າງດ່ຽວໃຫ້ເຂົ້າໃຈກັນ ຍົກຕົວຢ່າງວ່າແຟນເຮົາໄປມີ
ກິກນອ້ຍ ກໍ່ປະໃຫ້ມີໂລດບໍ່ຕອ້ງຄິດຍັງຫຼາຍ ພໍ່ພຽງໃຫ້ຄິດວ່າ ກັບມາແລ້ວບໍ່ປະເຮົາກໍ່ພໍ່ ເພາະວ່າໂລກນີ້ບໍ່ມີແຕ່ເຮົາສອງຄົນ
ມັນມີຫຼາຍຄົນ ແລະ ກໍ່ມີຫຼາຍໃຈ ການທີ່ຈະມີກິກນອ້ຍ ຫຼື ກິກໃຫຍ່ກໍ່ເປັນເລື່ອງປົກກະຕິເດີ ຖ້າຫາກທ່ານໃດຄິດໄດ້ແບບນີ້
ແມ່ນຈະປະສົບຜົນສຳເລັດໃນເລື່ອງຄວາມຮັກ...eee

1/. ບາງຄົນມີແຟນແລ້ວແຕ່ເຊືອກຢາກມີຄົນໃໝ່ເພາະເພິ່ນຄິດວ່າ ຕົວເອງຍັງງາມ, ຍັງລໍ່...
2/. ບາງຄົນກໍ່ມີເງິນແນ່ຈັກໜອ໋ຍ ກໍ່ຄິດວ່າຕົວເອງເລຶອກໄດ້ ຢາກໄດ້ໃຜກໍ່ຕື້ເອົາໂລດ ເມື່ອຕື້ສຳເລັດແລ້ວກໍ່ປະ..
3/. ບາງຄົນກໍ່ເຊື້ອຖືງົມງວຍ ເບິ່ງໝໍ່ດູ່ຍາມໃດໝໍ່ກໍ່ວ່າໃຫ້ປະກັບຜູ້ເກົ່າເພາະວ່າບໍ່ຄ້ຳບໍ່ຄູນ ສະນັ້ນຈຳເປັນຕອ້ງໄດ້ປະ
4/. ບາງຄົນກໍ່ເຮີ່ນຳປີໃໝ່ ເພາະວ່າສວ່ນຫຼາຍປີໃໝ່ມາຮອດກໍ່ພາກັນຈົມວ່າສິ່ງໃດເກົ່າໆໃຫ້ຖີ້ມໄປຮັບເອົາສິ່ງໃໝ່ໆເຂົ້າມາ ແຕ່ວ່າ
ບາງຄົນພັດບໍ່ເຂົ້າໃຈກໍ່ເລີຍໄປຖີ້ມຮອດເມຍເກົ່າຫຼືວ່າແຟນເກົ່າ ກໍ່ເລີຍຮັບເອົາແຟນໃໝ່ເຂົ້າມາ
5/. ບາງຄົນກໍ່ຢາກສ້າງສະຖິຕິວ່າຕົວເອງກໍ່ເປັນຄົນໜຶ່ງທີ່ມີແຟນຫຼາຍຄົນຢູ່ໃນໂລກ (ຂໍ້ນີ້ເປັນເລື່ອງຈິ່ງໃນຍຸກປະຈຸບັນ)
6/. ບາງຄົນກໍ່ຄົບຫຼາຍຄົນເພື່ອຢາກປ່ຽນລົດຊາດຂອງຊີວິດ(ອັນນີ້ແມ່ນບໍ່ດີແຕ່ຖ້າປະຕິບັດແມ່ນກຳໄລຊີວິດ)
ອາວລະເອົາສຳນີ້ກອ່ນ ຍັງມີອີກຫຼາຍຢູ່ ແຕ່ຢາໃຫ້ທຸກຄົນເລິີກມີຄວາມຄິດແບບຂ້າງນັ້ນຊ໋າ...ເພາະວ່າກອ່ນຈະເຂົ້າຫາກັນໄດ້
ກໍ່ບໍ່ແມ່ນເລື່ອງທຳມະດາເດີ....

ໃນຫ້ອງຮຽນຂອງໂຮງຮຽນແຫ່ງໜຶ່ງ
ສາວຄູຄົນໜຶ່ງກຳລັງສອນນັກຮຽນໃນວິຊາຄະນິດສາດ
ລາວຕັ້ງໂຈດໜຶ່ງຂຶ້ນໃຫ້ນັກຮຽນເປັນຜູ້ຕອບ ໂຈດນັ້ນໄດ້ຖາມວ່າ:
"ມີນົກ 3 ໂຕ ຈັບຢູ່ສາຍໄຟ ນາຍພານເອົາປືນມາຍິງຖືກນົກໂຕໜຶ່ງຕົກລົງມາ
ຖາມວ່າຈະເຫຼືອນົກຈັກໂຕທີ່ຈັບຢູ່ສາຍໄຟ ?"
"ບໍ່ເຫຼືອຈັກໂຕ" ລູກສິດຕອບດ້ວຍຄວາມຄິດອ່ານ ຕາມພາສາເດັກນ້ອຍ
"ບໍ່ຖືກ ໆໆ ເອົາລະ ໃຫ້ນ້ອງລອງຄຳນວນຄືນໃໝ່ອີກຄັ້ງ" ສາວຄູຕອບດ້ວຍຄວາມອົດທົນ ພ້ອມທັງຍົກນິ້ວສາມນິ້ວປະກອບກັບການອະທິບາຍ
"ມີນົກ 3 ໂຕຈັບຢູ່ສາຍໄຟ ນາຍພານຍິງໄປໜຶ່ງໂຕ" ສາວຄູເວົ້າພ້ອມທັງຫັກນິ້ວລົງໜຶ່ງນິ້ວ
"ຈະມີນົກເຫຼືອຢູ່ເທິງສາຍໄຟຈັກໂຕ ?"
"ບໍ່ເຫຼືອຈັກໂຕ" ນັກຮຽນຄົນນັ້ນຍັງຢືນຢັນຄຳເກົ່າ ແລະຕອບດ້ວຍຄວາມຂຶງຂັງ
ສາວຄູເລີ່ມຈະສົງໃສໃນຄວາມໝັ້ນໃຈຂອງລູກສິດຄົນນັ້ນ
"ຄັນຊັ້ນອະທິບາຍໃຫ້ສາວຄູ ແລະເພື່ອນໆຟັງດູ໋ເປັນຫຍັງຈຶ່ງຕອບວ່າບໍ່ເຫຼືອຈັກໂຕ ?" ຄູທ້ວງແລະຖາມຕໍ່
"ງ່າຍຫຼາຍສາວຄູ ນ້ອງວ່ານາຍພານຍິງປືນຖືກນົກໂຕໜຶ່ງ ສ່ວນນົກທີ່ເຫຼືອມັນກະຕົກໃຈແລະບິນໜີຊັ້ນຕົ໋ວ"
"ອຶມ ... ຄິດໄດ້ແນວໃດ... "

ວິທີຫູງເຂົ້າ ທີ່ສາມາດເກັບໄວ້ໄດ້ ດົນໆໆໆໆໆ
(( ຫນັງສືພີມ ເສດຖະກິດ- ສັງຄົມ))
ວິທີການຫູງເຂົ້າໃຫ້ງາມແລະສາມາດ ເກັບຮັກສາໄວ້ໄດ້ດົນໆ ໂດຍບໍ່ບູດເນົ່າມາບອກກັນ ຄື:ໃນເວລາຫູງເຂົ້າໃຫ້ໃສ່ນ້ຳສົ້ມສາຍ ຊູລົງໄປຫນ້ອຍຫນື່ງປະມານ ຫນື່ງບວ່ງຊາລົງໄປໃນຫມໍ້ເຂົ້າເພາະເຂົ້າທີ່ຫູງໂດຍໃສ່ນ້ຳສົ້ມສາຍຊູ ລົງໄປນັ້ນ ສາມາດເກັບຮັກ ສາໄວ້ໄດ້ຫລາຍມື້ໂດຍທີ່ເຂົ້າບໍ່ມີກີ່ນແລະເຫມັນບູດ. ສະດວກເວລາເດີນທາງໄປຕ່າງແຂວງ ທ່ານສາມາດຫູງເຂົ້າເພືອນຳໄປຮັບ ປະທານລະຫວ່າງການເດີນທາງ ໄດ້ ພຽງແຕ່ຫູງເຂົ້າຕາມວິທີ ທີ່ບອກນັ້ນ ຫລັງຈາກເຂົ້າສຸກ (ປະໃຫ້ເຢັນກ່ອນ)ໃຫ້ຕັກໃສ່ຖົງຢາງ ແຕ່ຢ່ງຟ້າວຮັດຢາງເທື່ອລໍຖ້າໃຫ້ອາຍນ້ຳລະເຫີຍອອກມາກ່ອນຈີ່ງມັດ ເພາະວ່າຖ້າຮັດ ຢາງຕອນທີ່ເຂົ້າຮ້ອນອາດຈະເຮັ້ດໃຫ້ເຂົ້າເກີດເຊື້ອລາ ຫລືຕົກໂມະໄດ້ໄວ.

ລູກກັບພໍ່ໍທວາຍກັນ

 ລູກ :  ພໍ່ໆໆໆ  ພໍ່ຄິດວ່າໝໍຫຍັງທີ່ຕາຍງ່າຍ?

ພໍ່ :  ຄືຊິແມ່ນໝໍງູຕິ  ...  ເພາະວ່າມັນສ່ຽງອັນຕະລາຍ

ລູກ : ບໍ່ຖືກດອກ    ລູກຄິດວ່າ ໝໍລຳຊິ້ງ ເພາະມື້ນັ້ນ ລູກເຫັນຕົກຮ້ານ ຕາຍ

ທ້າວ  ເຈີ້ຍ  ເສຍໃຈທີ່ສຸດທີ່ເຫັນປີື້ມທີ່ຕົວເອງໃຊ້ເວລາລວບລວມ ມາທັງຊີວິດ ຕິດລາຄາຂາຍພຽງແຕ່ 1000 ກີບ ເທົ່ານັ້ນ   ........................  ລາວຈັບປື້ມທີ່ວາງຂາຍຂື້ນມາດ້ວຍສີໜ້າຈາງໆ   .     ຜູ້ຂາຍປື້ມຄິດວ່າລາວບໍ່ມີເງິນຊື້ ຈຶ່ງກ່າວວ່າ: ນ້ອງຫຼຸດໃຫ້ອ້າຍ 500 ກີບ ເອົາບໍ ? 

ກ່ອນຈະຂື້ນຊົກມວຍ      ນັກມວຍ ໄມໄທສັນ ໄດ້ກ່າວຂົ່ມຂູ່ຄູ່ຕໍ່ສູ້ວ່າ: ໃຜທີ່ກ້າຊົກກັບຂ້ອຍຈະຈົດຈຳຂ້ອຍຈົນຮອດມື້ຕາຍ

ສ່ວນຄູ່ຕໍ່ສູ້ຂອງໄມໄທສັນ ກໍ່ກ່າວຕໍ່ນັກຂ່າວວ່າ : ຄົນທີ່ຊົກກັບຂ້ອຍຈະຈົດຈຳໃຜບໍ່ໄດ້ເລີຍ

ນັກຮຽນ : ອາຈານ  ອາຈານ  ນ້ອງຄິດວ່າ ນ້ອງບໍ່ໜ້າຈະໄດ້ສູນເລີຍ

ອາຈານ : ອາຈານກໍ່ຄິດວ່າຊັ້ນແລະ  ....​   ແຕ່ວ່າທາງໂຮງຮຽນຍັງບໍ່ມີນະໂຍບາຍໃຫ້ຄະແນນນັກຮຽນຕຳ່ກ່ວາສູນ 

ນັກຮຽນ :       ຮ້ວຍ .........

1: ຢ່າພະຍາຍາມສ້າງໂອກາດໃນການໃກ້ຊິດເຂົາ

2: ຫຼົບໜ້າໄປເລີຍຖ້າທ່ານຍັງຕັດໃຈບໍ່ໄດ້

3: ບອກຕົນເອງວ່າເຮົາມາເຮັດວຽກ ຫຼື ມາຮຽນບໍ່ແມ່ນມາຫາຄົນຮັກ

4: ພະຍາຍາມເຮັດວຽກຫຼືຮຽນໃຫ້ຫຼາຍເພື່ອຈະໄດ້ຄິດເຖິງເຂົາໜ້ອຍລົງ

5: ການຖືກປະຕິເສດບໍ່ແມ່ນເສຍໜ້າ ແຕ່ວ່າເປັນການທີ່ເຮົາໄດ້ຮັບຄຳຕອບຢ່າງຊັດເຈນ ແລະ ຕັດໃຈໄດ້

6: ເມື່ອທ່ານຈຳເປັນຕ້ອງໄກ້ຊິດ ຢ່າພະຍາຍາມແນມໜ້າຂອງເຂົາ ແລະ ເຮັດວຽກດ້ວຍໜ້າທີ່ຫຼືຮຽນດ້ວຍຈັນຍາບັນຂອງນັກສຶກສາ

7: ຍອມຮັບກັບຕົວເອງວ່າ ຍັງທຳໃຈບໍ່ໄດ້ໃນອາທິດທຳອິດ ແລະ ບໍ່ຕ້ອງພະຍາຍາມລົບເລືອນ ພຽງແຕ່ຄິດໃຫ້ຕົກວ່າເຮົາຈະປະຕິບັດກັບເຂົາແບບໃດໃນອະນາຄົດ

8: ເພີ່ມຄວາມນັບຖືຂອງຕົນເອງໃຫ້ຫຼາຍຂື້ນດ້ວຍການແຕ່ງຕົວໃຫ້ງາມ ແລະ ສະຫຼາດຂື້ນດ້ວຍການເສີມຄວາມງາມ ແລະ ຮຽນໃຫ້ສູງກ່ວາເກົ່າ

9: ຢ່າເປັນກ້ວຍສົ້ມໝາກນາວຫວານເອົາເລື່ອງເຂົາເຈົ້າ ຫຼື ຄົນທີ່ເຂົາເຈົ້າຄົບໄປເວົ້າໃນແງ່ລົບເດັດຂາດເພາະທ່ານເອງກໍ່ຈະຖືກເບີ່ງໃນດ້ານ ເຊື່ອມເສຍເຊັ່ນດຽວກັນ

10: ຖ້າພະຍາຍາມສຸດຄວາມສາມາດແລ້ວຕັດໃຈບໍ່ໄດ້ລອງໃຫ້ເວລາກັບຕົວເອງອີກ 3 ເດືອນພະຍາຍາມບໍ່ພົບໜ້າເຂົາ ຫ້າມເດັດຂາດ ຢ່າປະຊົດຕົວເອງ ຫຼື ເຮັດໃຫ້ເຂົາເຈັບ ຫຼື ຮູ້ສຶກຜິດກັບການຕັດສິນໃຈ ທີ່ບໍ່ຮອບຄອບ ແຕ່ຖ້າຫາກຕັດໃຈບໍ່ໄດ້ອີກ ຕິດຕໍ່ຫາຂ້າພະເຈົ້າເລີຍ ມີວິທີ ສຸດທ້າຍລະ. 

 ເປັນແນວໃດລະ .............................................  ຕິຊົມແນ່ເດີພີ່ນ້ອງເອີຍ...........................