ຄືນທີ່ດາວເຕັມຟ້າ........ແສນສະງ່າສວຍງາມ
ເຫຼືອງອາຫຼ່າມດວງດາວ...ລ່ອງລອຍນະພາກ້ວາງ
ເໝືອນດັ່ງສວງສະຫັວນແຍ້ມ.....ແຊມຄວາມງາມດວງດອກ
ບອກໃຫ້ເຮົາລ່ວງຮູ້..........ສະຫັວນນັ້ນບໍ່ມືດມົນ

ມີແຕ່ຄົນນິຕິເສົ້າ.............ເຫົງາຫົວໃຈຍາມໄຮ້ຄູ່
ຫຼຽວແລດູທ້ອງຟ້າ...........ເໝືອນດາວຍີ້ມເຍີ້ຍຫຍັນ
ຄົນສໍາຄັນມາໄກຈາກ.........ພາກກູ່ສຸດແສນໄກ
ໃຈກໍເລີຍລັ່ງເລ...............ເມື່ອດາວທໍແສງແຍ້ມ

ແຖມເຫົງາໃຈບໍ່ວາຍເວັ້ນ.....ຄົນລໍາເຄັນພາກຄູ່
ໃຈອົດສູຢູ່ເລື້ອຍ...............ຄວາມຮັກນັ້ນເລື່ອນລາງ
ບາງມື້ນອນຮ້ອງໃຫ້............ຫົວໃຈປ່ຽວຫງອຍເຫົງາ
ຄອຍເຂົາບໍ່ເຫັນມາ..............ໝູ່ດາລາກໍຍັງເຍີ້ຍ

ຄິດວ່າເສີຍໆໄວ້................ຫົວໃຈເຮົາຊິສະຫວ່າງ
ຫາຫົນທາງຫຼີກລີ້...............ຄວາມເຫົງາເສົ້າຊິຫ່າງໜີ
ແຕ່ກໍເສັຽທີຍ້ອນ.................ຄວາມເຫົງາເຮົາຍັງຢູ່
ບໍ່ຮູ້ຈັກວ່ານ້ອງ..................ໄປໃສແທ້ໃຫ້ດາວຫຍັນ......ອ້າຍເດ!!!

ຈາກ: ໃບລານ.ຄອມ