ມະ​ເຮັງ​ຕັບມີ​ອະນຸ​ພາບ​ໃນ​ການ​ທຳລາຍ​ສຸຂະ​ພາບ​ແບບ​ບໍ່​ທັນ​ຕັ້ງ​ຕົວ ​ເນື່ອງ​ຈາກ​ວ່າມະ​ເຮັງ​ຊະນິດ​ນີ້ມັກ​ຈະ​ບໍ່​ສະ​ແດງ​ອາການ, ​​​ໂດຍເພດ​ຊາຍຖືກ​ພົບ​ວ່າ​ປວຍ​ເປັນ​​ໂຣກ​ນີ້ຫຼາຍ​ກວ່າ​ເພດ​ຍິງ 2 ​ເທົ່າ ຫາ​ກຮັກສາ​ບໍ່​ທັນ​ສາມາດ​ເສຍ​ຊີວິດ​ລົງ​ໄດ້​ພາຍ​​ໃນ 3-6 ​ເດືອນ ຊ້ຳ​ຮ້າຍ​​ໂຣກນີ້​ຍັງ​ມີ​ອັດຕາ​ການ​ລອດ​ຊີວິດ​ຢູ່​​ໃນ​ຂັ້ນ​ຕ່ຳ.

     ມະ​ເຮັງ​ຕັບ​ນີ້​ມີ​ທັງ​ແບບ​ທີ່​ເກີດ​ຂື້ນ​ກັບ​ຕັບ​ໂດຍ​ກົງ ຮຽກ​ວ່າມະ​ເຮັງ ຂັ້ນ​ປະຖົມ primary cancer ສ່ວນ​ໃຫຍ່​​ມັກ​ຈະ​ເຂົ້າ​ໄປ​ທຳລາຍ​ເຊ​ລລ໌ຕັບ ​ແລະ ເຊ​ລລ໌ທໍ​ນ້ຳ​ດີ​ຕັບ ອີກ​ແບບ​ຮຽກ​ວ່າ ມະ​ເຮັງຂັ້ນ​ສອງ Secondary cancer ​ເປັນ​ການ​ລຸກລາມ​ຂອງ​ມະ​ເຮັງ​ອື່ນ​ມາສູ່​ຕັບ.

    ສາ​ເຫດ​ເປັນ​ມະ​ເຮັງ​ໃນ​ເຊ​ລລ໌ຕັບ ຄື​ການ​ໄດ້​ຮັບຫຼືພາຫະນະ​ຂອງ​ເຊື້ອ​ໄວ​ຣັດຕັບ​ອັກ​ເສບ​ B ​ແລະ C  ສ່ວນ​ມະ​ເຮັງ​ທໍ່​ນ້ຳ​ດີ​ຕັບ​ມັກ​ເກີດ​ກັບ​ຜູ້​ທີ່​ນິຍົມ​ຮັບ​ປະທານ​ອາຫານ​ທີ່​ມີ​ສ່ວນ​ປະສົມ​ຂອງ ທາດ​ຂີ້​ເຈຍ ຫຼື ຮ້ອງ​ວ່າ​ດິນປຣະສິວ Potassium Nitrate ຫຼືອາຫານ​ຕາກ​ແຫ້ງຊະນິດ​ຕ່າງໆ ລວມທັງ​ມີ​ເຊື້ອ​ພະຍາດ​ໃບ​ໄມ້​ໃນ​ຕັບ​ທີ່ຢູ່​ນຳ​ປາ​ນ້ຳ​ຈືດ​ທີ່​ປຸງ​ບໍ່​ສຸກ.

     ​ເປັນ​ໂຣກທີ່​ບໍ່​ສະ​ແດງ​ອາການ ​ແຕ່​ຫາກ​ຮູ້​ສຶກ​ເບື່ອ​ອາຫານ ອ່ອນ​ເພຍ​ນ້ຳໜັກ​ລົດ ມີ​​ໄຂ້​ຕ່ຳ ​ແນ່ນທ້ອງ ທ້ອງ​ພູ​ກ ​ປວດ​ຫຼື​ສຽດ​ຊາຍ​ໂຄງ​ດ້ານ​ຂວາ​ແລະ​ອາດ​ຄຳ​ເບື່ອ​ງຮູ້ສຶກ​ເຖີງກ່ອນ​ເນື້ອ ​ປະກອບ​ກັບຕົວ​ແລະ​ຕາ​ເຫຼືອງ ຂາບ​ວມ ພຸ​ງ​ໃຫຍ່ ​ໃຫ້​ພ້າວ​ໄປ​ພົບ​ທ່ານໝໍ​ດວ່ນ​ເພື່ອ​ກວດ​ຍ່າ​ງລະອຽດ ​ເພາະ​ອາການ​ດັ່ງກ່າວ​ຖື​ເປັນ​ພາວະ​ສ່ຽງ​ຂອງ​ມະ​ເຮັງ​ຕັບ.

     ທາງ​ຫຼີກ​ລ້ຽງ ​ແລະ ລົດຄວາມ​ສ່ຽງຄວນ​ກວດ​ເລືອດ​ເປັນ​ປະຈຳ​ທຸກ​ປີ​ເພື່ອ​ກວດ​ຫາ​ວ່າ​ຕິດ​ເຊື້ອ​ໄວຣັດຫຼື​ບໍ່ ທັງ​ຄວນ​ຫຼີກ​ລ້ຽງ​ການ​ໃຊ້​ພາຊະນະ​ຮັບ​ປະທານ​ອາຫານ​ຮ່ວມ​ກັບ​ຜູ້​ອື່ນ ຖື​ເປັນ​ປ້ອງ​ກັນ​ການ​ຕິດ​ເຊື້ອ​ໄວ​ລັດ​ຕັບ​ອັກ​ເສ​ບບີ​ແລະ​ຊີ ຮັບ​ປະທານ​ອາຫານ​ທີ່​ປຸງ​ສຸກ​ກ່ອນ ​ບໍ່​ມີ​ສ່ວນ​ປະສົມ​ອາຫານ​ທີ່​ມີ​ສານ​ກັນ​ບູດ ​ແລະ ​ເລີກ​ດື່ມ​​ແອ​ລກໍ​ຫໍ ສຸລາ​ນາລີ ​ແລະ​ ສູບ​ຢາ.

 ແປຈາກ:​ ເດລີນິວ

        ຄົງ​ຈະ​ບໍ່​ລ້ຳໜ້າທ່ານໝໍຕີ! ຈະ​ຍົກ ຢາ Zanamivir ທີ່​ໃຊ້​ຮັກສາ​​ໄຂ້ຫວັດ​ໃຫຍ່​ສາຍ​ພັນ​ໃໝ່ 2009 ມາ​ເລົ່າ​ສູ່​ໝູ່​ຟັງ,

        ສູນ​ຄວບ​ຄຸມ​ໂຣກສະຫະລັດ​ອາ​ເມລິກາ ບັນທຶກ​ໄວ້​ວ່າ Zanamivir ເປັນ​ຢາສຳ​ຫຼັບ​ໄຂ້ຫວັດ​ໃຫຍ່, ​ໄຂ້​ຫວັດ​ນົກ ​ແລະ ​ໄຂ້ຫວັດ​ສາຍ​ພັນ​ໃໝ່ 2009, ​ໃຊ້​ຮັກສາ​ໂຣກຕິດ​ເຊື້ອ​ໄຂ້ຫວັດ​ໃຫຍ່​ໃນ​ເດັກ ​ແລະ ຜູ້​ໃຫຍ່ ອາຍຸ​ຕັ້ງແຕ່ 7 ປິ​ຂື້ນ​ໄປ ​ແລະ ຍັງ​ໃຊ້​ປ້ອງ​ກັນ​ການ​ຕິ​ດ​ເຊື້ອ ​ໄຂ້ຫວັດ​ໃຫຍ່​ໃນ​ເດັກ ​ແລະ ຜູ້​ໃຫຍ່ ອາຍຸຕັ້ງແຕ່ 5 ປິຂື້ນໄປ.

        ຕົວຢາ ເປັນຜົງແຫ້ງສຳຫຼັບສູດທາງປາກ ຂະໜາດສຳຫຼັບການຮັກສາ ຄື 10 mg ​ຮັບ​ປະທານ​ວັນ​ລະ​ສອງ​ຄັ້ງ ​ເປັນ​ເວລາ 5 ວັນ ​ໂດຍ​ເລີ້ມ​ໃຫ້​ຢາ​ພາຍ​ໃນ​ສອງ​ວັນ ຫຼັງ​ຈາກ​ອາການ​ປະກົດ ທີ່​ສຳ​ຄັນ​ຄວນ​ໃຊ້ຢາ​​ໃນເວລາ​ເດີມ​ທຸກ​ໆ​ມື້ຂອງ​ການ​ຮັບ​ປະທານ.

       ສຳຫຼັບ ສະຕຣີມີ​ຄັນ ​ເພີ່ນ​ຍັງ​ບໍ່​ຮັບປະກັນ​ຄວາມ​ປອດ​ໄພ​ເທື່ອ ຕ້ອງ​ໄດ້​ມີ​ການກວດ​ສຸຂະ​ພາບ​ຈາກ​ທ່ານໝໍ​ຢ່າງ​ຄັກ​ແນ່​ຈື່ງ​ສາມ​າດຮັບ​ປະທານ​ຕາມ​ທ່ານໝໍ​ສັງ.

    ຜົນ​ຂ​້າງຄຽງ​ທີ່​ອາດ​ເກີດ​ຂື້ນ ​ໃນ​ຜູ້​ປ່ວຍ​ບາງ​ລາຍ​ອາດ​ເກີດ​ມີ​ອາການ​ຫຼອດລົມ​ຕີບ ​ຫຼື ມີ​ບັນ​ຫາ​ການ​ຫາຍ​ໃຈ​ຢ່າ​ງຮຸນ​ແຮງ ດັ່ງ​ນັ້​ນຈຶ່ງ​ບໍ່​ແນະນຳ Zanamivir ສຳ​ຫຼັບຜູ້​ປ່ວຍ​ທີ່​ເປັນ​ໂຣກທາງ​​ເດີນຫາຍ​ໃຈ​ຊ​້ຳເຮື້ອ ​ເຊັ່ນ: ຂີ້​ຫືດ (COPD) ສ່ວນ​ຜູ້​ປ່ວຍ​ທີ່​ເປັນ​​ໂຣກປອດ ຄວນ​​​ໃຫ້​ທ່ານໝໍ​​ແນະນຳ.

ແປຈາກ ໜັງສື ເດລີນິວແຫ່ງປະເທດໄທ