ຂຽນເມື່ອ: ພ.ພ.. 12, 2009
| ມີ
36 ຄຳເຫັນ
ແລະ
0 trackback(s)
- ຖ້າທຸກປະເທດເປັນໜີ້ກັນໝົດ ແລ້ວປະເທດໃດຊິເປັນເຈົ້າໜີ້
- ອາຫານໝາທີ່ໄດ້ຮັບການພັດທະນາ ທີ່ເຂົາບອກວ່າດີ ແລະ ແຊບ.. ແມ່ນໃຜລອງຊີມ
- ກ່ອງດຳ ທີ່ໃຊ້ເກັບຂໍ້ມູນຢູ່ເທິງຍົນ ມັນຈະບໍ່ຖືກທຳລາຍເວລາເກີດອຸບັດຕິເຫດ ແລ້ວເປັນຫຍັງບໍ່ສ້າງຍົນ ໂດຍໃຊ້ວັດຖຸຄືກັນກ່ອງດຳ
- ຮ້ອງໄຫ້ຢູ່ໃນນ້ຳໄດ້ບໍ່
- ປາເຄີຍຫິວນ້ຳບໍ່
- ເປັນຫຍັງນົກບໍ່ຕົກຕົ້ນໄມ້ເວລານອນຫລັບ (ຂະໜາດຄົນຍັງຕົກຕຽງ)
- ເປົ່າປູມເປົ້າໃນນ້ຳໄດ້ບໍ່
- ເປັນຫຍັງຕືກພາສາອັງກິດຈື່ງເອີ້ນວ່າ building ( building=ຕືກ=ກຳລັງສ້າງ) ກະດຽວວ່າມັນຈົນສ້າງແລ້ວໆ
- ຖ້າໃຜເປັນເຈົ້າຂອງດິນຕອນໜຶ່ງ ເຂົາຈະເປັນເຈົ້າຂອງເລິກລົງໄປຮອດແກນໂລກບໍ່
- ເປັນຫຍັງເຂັມຄວາມໄວຂອງລົດມີຮອດ 180 ທັ້ງໆທີ່ລະດັບນີ້ຕຳຫລວດຈັບແລ້ວ
ຕອບ
ຂໍ້1 ຖ້າທຸກປະເທດເປັນໜີ້ໝົດ ສ່ວນເຈົ້າໜີ້ນັ້ນບໍ່ແມ່ນປະເທດໃດປະເທດໜຶ່ງດອກ ແຕ່ແມ່ນ ກອງທຶນການເງິນລະຫວ່າງປະເທດ ຫລື IMF ນັ້ນເອງ
ຂໍ້ 2 ກະເຈົ້າໜ້າທີ່ສະເພາະຫະແຫລະເນາະ ຢ່າວ່າບໍ່ມີເດີ ຂະໜາດພວກນ້ຳຫອມແບບສະເປ ຍັງມີຜູ້ຊ່ຽວຊານມາດົມກວດເບິ່ງກິ່ນຢູ່ ກ້ອງແຂນຫລັງຈາກທີ່ໄດ້ອອກກຳລັງ ຫລື ຜ່ານວຽກອື່ນໆ ມັນມີໝົດຫະແຫລະ ພຽງແຕ່ເຮົາບໍ່ຮູ້ຊື່ໆ
ຂໍ້ 3 ອັນນີ້ບໍ່ເຄີຍຮູ້ມາກ່ອນ ແຕ່ຂ້ອຍຄິດວ່າມັນໜ້າຈະເປັນວັດສະດຸທີ່ແພງຫລາຍ ເຊິ່ງຖ້າເອົາມາເຮັດຍົນໝົດທັງລຳ ຄົນຕາດຳໆທົ່ວໄປອາດຈະບໍ່ສາມາດຂຶ້ນຂີ່ຍົນໄດ້ ຍ້ອນມັນແພງໂຄດດດດດ
ຫລື.... ເຖິງວ່າຈະສ້າງຍົນດ້ວຍວັດສະດຸຊະນິດດຽວກັບກ່ອງດຳກໍ່ຕາມ ແຕ່ລອງຄິດສະພາບເບິ່ງວ່າ ເວລາຍົນຕົກ ເຖິງຍົນຈະບໍ່ເປັນຫຍັງເລີຍ ແຕ່ຄົນທີ່ຢູ່ຂ້າງໃນ ກໍ່ບໍ່ລອດຄືເກົ່າ
ຂໍ້ 4 ໄຫ້ໄດ້ ຖ້າຢູ່ບໍ່ເລິກປານໃດ ຖ້າຢູ່ເລິກຫລາຍແລ້ວຈະຖືກຄວາມດັນຂອງນ້ຳຊຸກດັນໄວ້ ເຮັດໃຫ້ໄຫ້ບໍ່ອອກ
ຂໍ້ 5 ຫິວຫະແຫລະເນາະ ຄິດວ່າທີ່ມັນກືນນ້ຳເຂົ້າໄປນັ້ນແມ່ນເພື່ອເອົາອົກຊີເທົ່ານັ້ນແລ້ວມັນກໍ່ຄາຍນ້ຳອອກມາຄືນທາງເຫງືອກຄືນ
ຂໍ້ 6 ເຄີຍຫະແຫລະເນາະ ພຽງແຕ່ເຮົາບໍ່ເຫັນເທົ່ານັ້ນ
ຂໍ້ 7 ທິດສະດີດຽວກັນຂໍ້ 4 ຖ້າລົງບໍ່ເລິກກໍ່ອາດໃຊ້ແຮງເຮົາເອົາຊະນະແຮງດັນນ້ຳແລ້ວເປົ່າໄດ້ ຫລືອາດຈະມີເຄື່ອງສູບໂຄດດດດດເທບ ທີ່ມີແຮງຫລາຍກວ່າແຮງດັນນ້ຳ
ຂໍ້ 8 ຄຳວ່າ bulding ບໍ່ແມ່ນຄຳກຳມະບອກເວລາຢ່າງດຽວເທົ່ານັ້ນ ຖ້າມັນຢູ່ໂຕດຽວ ມັນຈະເຮັດໜ້າທີ່ເປັນຄຳນາມ
ຂໍ້ 9 ເປັນໄດ້ ຖ້າເຈົ້າມີປັນຍາຂຸດລົງໄປຮອດແກນໂລກໄດ້
ຂໍ້ 10 ສິ່ງຂອງເຂົາຈະສ້າງມາເພື່ອການໃຊ້ກຳລັງເກີນມາດຕະຖານໝົດຫະແຫລະ ເພື່ອຄວາມຄົງທົນ ແຕ່ມັນກໍ່ມີບາງຄົນທີ່ຢຽບເຖິງບໍ່ແມ່ນບໍ່
ໝາຍເຫດ ໄດຯນີ້ ແມ່ນຫລັງຈາກທີ່ອ່ານຂອງຄົນໃຈດີແລ້ວ ກໍ່ເລີຍມີຄວາມຄິດກວນໆ ຈຶ່ງສ້າງຂຶ້ນມາ ແລະ ທັງໝົດນີ້ແມ່ນຄວາມຄິດຂອງຜູ້ຂຽນເອງ
ບໍ່ໄດ້ມີຫຍັງມາອ້າງອີງເລີຍ -_-" ອ່ານໄປແລ້ວແຫລະກະແລ້ວເດີ ຂຳໆໆ ບໍ່ຕ້ອງເຊື່ອດອກ ຮະຮະຮະ
ລືມໆໆໆ ຮູ້ສຶກວ່າ ມີຂໍ້ທີ 11 ນຳ ຈາກທ່ານໄຮ້ຮັກເບາະ
ເພິ່ນຖາມໄວ້ວ່າ
ຖ້າຄວາມຮັກແມ່ນການໃຫ້ ແລ້ວໃຜເປັນຜູ່ຮັບວ່າຊັ້ນ
ຄຳຕອບ ກະນັກຮັບຫະເດະ ເຖິງວ່າກໍລະນີດ່ຽວໆກັບກອງໜ້າຈະບໍ່ຄ່ອຍຮັບໄດ້ກໍ່ຕາມ ແຕ່ກະຂຶ້ນຊື່ວ່າເປັນນັກຮັບ ຮະຮະຮະຮະ
ແຕ່ຖ້າທ່ານບໍ່ພໍໃຈຄຳຕອບນີ້ ຜູ່ຂຽນມີອີກຄຳຕອບໜຶ່ງ
ຖ້າຄວາມຮັກແມ່ນການໃຫ້ ແລ້ວໃຜແມ່ນຜູ່ຮັບ ຄຳຕອບແມ່ນ ຜູ່ຖືກຮັກ .......
ໜວດໝູ່:
