ນ້ຳຕາໄຫຼອາບແກ້ມ         ແນມເບິ່ງເຈົ້າຮ້ອງໃຫ້

ໃຜນໍຊ່າງໃຈຮ້າຍ              ເຮັດໃຫ້ເສຍໃຈຫຼາຍປານນີ້

ຢາກຈະບອກກັບເຈ້າ       ເຊົາຊານ້ຳຕາຢ່າມີ

ສຽງສະອື້ນຍິນເຖິງພີ້        ອ້າຍນີ້ຢາກປອບໃຈ

ມືຂວາຈັບມີດມາ              ຢ່າເດີຢ່າຄິດສັ້ນ

ແຂນຊ້າຍຂອງເຈ້ານັ້ນ     ເຊັດນ້ຳຕາທີ່ລິນໄຫຼ

ອ້າຍຟ້າວແລ່ນມາຫ້າມ     ເຈ້ານັ້ນໂດຍໄວ

ເຈົ້າເລີຍຮ້ອງມາໃສ່            ມາໃດອ້າຍ...ຊອຍຫົວຫອມບົ່ວຊ່ອຍກັນ...

ແຕ່ກ່ອນເຄີຍມີເຈ້າຄູ່          ຄຽງຂ້າງຕະຫຼອດມາ

ບ່ເຄີຍຄິດເຖິງຄຸນຄ່າ           ຄົນດີຢູ່ຂ້າງກາຍ

ກັບຍີ່ງເຮັດໃຫ້ເຈັບຊ້ຳ           ໃຫ້ເຈ້າຕ້ອງເສຍໃຈ

ຫຼາຍຄັ້ງຈົນຮ້ອງໃຫ້                ນ້ຳຕາໄຫຼຈາກຕາ

ມາຮອດມື້ສຸດອົດກັ້ນ             ແລ້ວເຈ້າກໍ່ຈາກໄປ

ປ່ອຍໃຫ້ຂ້ອຍດຽວດາຍ         ກັບກາຍທີ່ສຸດເຫງົາ

ມາຮູ້ໂຕໃນມື້ນີ້                       ວັນທີ່ຕ້ອງຂາດເຈົ້າ

ຄືກັບໂລກມັນວ່າງເປົ່າ           ເມື່ອເຈ້ານັ້ນຈາກໄປ

ມານັ່ງຄິດເຖີງອະດີດ              ຢາກຈະຫວນເວລາກັບ

ແກ້ໄຂສິ່ງທີ່ພາດພັ້ງ               ເພື່ອໃຫ້ເຈົ້າຢູ່ຂ້າງກາຍ

ແຕ່ເປັນໃນພຽງຄວາມຝັນ         ຄວາມຈິງເປັນໄປບໍ່ໄດ້

ມາຮູ້ໂຕມື້ທີ່ສາຍ                       ຕ້ອງເສຍໃຈເສຍນ້ຳຕາ

ງາມແສນງານ              ຈົນເກີນ          ບັນລະຍາຍ

ຜິວສ່ອງໃສ                 ອ່ອນນຸ່ມ        ດັ່ງໄຂ່ຂາວ

ໜ້າສົດໃສ                  ຄືຕົ້ນແບບ       ແມ່ນຍິງລາວ

ຕາເຈົ້າຂາວ                ປົນດຳ             ງາມເຫຼືອເກີນ

ຍາມເຈົ້າຍ່າງ             ວາດຊົງ           ງາມສະຫງ່ຽມ

ແສນຮຽບຮ້ອຍ         ເກົ້າຜົມ           ນຸ່ງສິ້ນໃໝ

ຈົນສະເງີ້                  ເກີນຝັນ           ເມື່ອຍ່າງກາຍ

ກິ່ນເຕົ່າເຈົ້າ              ແຮງເຫຼືອຫຼາຍ     ຈົນອ້າຍວິນ.............ໂອຍ!...ເມົາ (ຂີ້ເຕົ່າ)

ງາມແສນງານ              ຈົນເກີນ          ບັນລະຍາຍ

ຜິວສ່ອງໃສ                 ອ່ອນນຸ່ມ        ດັ່ງໄຂ່ຂາວ

ໜ້າສົດໃສ                  ຄືຕົ້ນແບບ       ແມ່ນຍິງລາວ

ຕາເຈົ້າຂາວ                ປົນດຳ             ງາມເຫຼືອເກີນ

ຍາມເຈົ້າຍ່າງ             ວາດຊົງ           ງາມສະຫງ່ຽມ

ແສນຮຽບຮ້ອຍ         ເກົ້າຜົມ           ນຸ່ງສິ້ນໃໝ

ຈົນສະເງີ້                  ເກີນຝັນ           ເມື່ອຍ່າງກາຍ

ກິ່ນເຕົ່າເຈົ້າ              ແຮງເຫຼືອຫຼາຍ     ຈົນອ້າຍວິນ.............ໂອຍ!...ເມົາ (ຂີ້ເຕົ່າ)

ໃນຄ່ຳຄືທີ່ມີແສງເດືອນສ່ອງລົງມາ ສາມສຽວທີ່ກັບມາຈາກການໄປທ່ຽວມາ ທ້າວ ຄຳ ກໍ່ຫຼຽວໄປເຫັນບາງຢ່າງ ເລີຍຟ້າວຍ່າງໄປຈັບເອົາ ແຕ່ກັບເປັນຂີ້ງົວທີ່ກຳລັງອຸ່ນໆຢູ່ ກໍ່ເລີຍເວົ້າຂຶ້ນວ່າ

         ທ້າວ ຄຳ : ອຸ້ຍໝວກຂາດ ໃຜເຮັດເຮ່ຍນໍ້? ກູບໍ່ເອົາດອກ

     ທ້າວ ສອນ : ໝວກຂາດກູກະເອົາ ກູຊິໄປໃຫ້ແມ່ຫຍິບໃຫ້  ແຕ່ພໍໄປຈັບເບີ່ງກໍ່ຮູ້ວ່າແມ່ນຂີ້ງົວຈຶ່ງເວົ້າວ່າ

                        ຂາດຫຼາຍໂພດ ແມ່ກູກະຫຍິບບໍ່ໄດ້ດອກ

       ທ້າວ ແຫຼ້ : ເອີ ໃຜບໍເອົາລະຫຍັບອອກ ແລ້ວກໍ່ແລ່ນເຂົ້າໄປເຕະກອງຂີ້ງົວທີ່ຍັງປຽກໆຢູ່ ເພື່ອທີ່ຈະສະແດງໃຫ້ໝູ່ເບີ່ງ ( ຄິດສະພາບເບີ່ງ ວ່າ ຈະເປັນ ແນວໃດ? ).........................?

ເອນໂຕລົງ            ທີ່ກ້ອງ                ຕົ້ນສຳສາ

ລົມພັດມາ            ກະທົບຜິວ          ແສນສະບາຍ

ຍາມແດດຄ້ອຍ     ສຽງນົກນ້ອຍ     ດັງແຕ່ໄກ

ໃບໄມ້ພັດ            ປິວສະໄຫວ         ຕາມສາຍລົມ

ຫຼັບຕາລົງ            ຕາມຄວາມຄິດ   ຈິດສຳຜັດ

ໃນທິວທັດ          ທຳມະຊາດ         ທີ່ສົດໃສ

ກິ່ນລອຍມາ       ພາໃຫ້ເຮົາ           ລຸກໂດຍໄວ

ຕົດຜູ້ໃດ           ເໝັນແທ້ໆ           ຈົນຂື່ນຄໍ........ໂອຍ! ຢູ່ລ້າຊັກໃສ້ແດ່ເດີ

ຢາກຈະຊົມ                  ຈະຊື່ນ                      ໝື່ນຄຳບອກ

ຢາກຈະຢອກ              ໃຫ້ຍິ້ມ                       ແລະໃຫ້ຫົວ

ຢາກມີຄຳ                    ຊຶ້ງໆ                         ທີ່ພັນພົວ

ວ່າກິ່ນຕົວ                    ຂອງເຈົ້າ                    ມັນຊ່າງແຮງ                   ໂອ້ຍ........ເໝັນ.......ຂີ້ເຕົ່າ..

ມີສອງພໍ່ລູກໜື່ງທີ່ຍາມໃດພໍ່ກໍ່ເອົາປຽບລູກສະເໝີ ແລະມັກສອນລູກວ່າ ເວລາກິນຫຍັງກະຕາມ ຕ້ອງໃຫ້ພໍ່ກິນຕ່ອນ ແລ້ວ ລູກຕ້ອງກິນນ້ຳ ມາມື້ໜື່ງ ພໍ່ໄດ້ໃຊ້ລູກຊາຍໄປຊື້ນ້ຳເຕົ້າຮູ້ ຕອນ ກັນມາລູກກໍ່ເລີຍຄິດເຖີງຄຳທີ່ພໍ່ບອກໄວ້ ເລີຍດູດກິນນ້ຳເຕົ້າຮູ້ຈົນໝົດເຫຼືອແຕ່ນ້ຳກ້ອນ ພໍກັບມາຮອດບ້ານ ກໍ່ຍື່ນຖົງນ້ຳກ້ອນນັ້ນໃຫ້ພໍ່ ພໍພໍ່ເຫັນກໍ່ເລີຍຖາມວ່າ:
-ພໍ່: ນ້ຳເຕົ້າຮູ້ໄປໃສໝົດຄືຍັງແຕ່ນ້ຳກ້ອນ
-ລູກ: ເອົາ ກະພໍ່ບອກວ່າໃຫ້ລູກກິນນ້ຳແລ້ວພໍ່ກິນຕ່ອນ....

ມື້ໜຶ່ງ ລູກເຂີຍກັບພໍ່ເຖົ້າໄດ້ລົງໄປລວງສ້າງ ດ້ວຍຄວາມຄຽດແຄ້ນໃຫ້ລູເຂີຍທີ່ບໍ່ສາມາດເອົາ ຊະນະລູກເຂີຍໄດ້ຈັກເທື່ອ ພໍ່ເຖ້າເລີຍຫາແຜນແກ້ລູກເຂີຍຄືນ ບັງເອີນພໍ່ເຖົ້າເຈັບຕົດຂື້ນມາ ກໍ່ເລີຍຕົດອອກມາ ພໍລູກເຂີຍໄດ້ກິ່ນກໍ່ຮູ້ເລີຍວ່າເປັນພໍ່ເຖົ້າຕົດ ເລີຍເວົ້າອອກໄປວ່າ
ລູກເຂີຍ: ໃຜນໍ້ຕົດນີ້ນໍ້ ກິນຂີ້ມາຕົດບໍ່ນໍ້ ຮູ້ເບີ່ງເດ້ ເຕະດາກມັນຈັກບາດນິ
ພໍ່ເຖົ້າ: ມຶງຢ່າໂພດຫຼາຍບັກເຂີຍ ຢູ່ໃນສ້າງກະມີແຕ່ມຶງກັບກູສອງຄົນ.....