ມື້ນີ້ຂໍມາເວົ້າເລື່ອງວິຕາມິນຕື່ມອີກ,ແຕ່ຂໍເວົ້າໃຫ້ຟັງໂດຍຫຍໍ້ເດີເພາະວ່າເປັນຄົນທີ່ພິມບໍ່ເກັ່ງ ຫຼື ເວົ້າງ່າຍໆກະຄ້ານຂຽນຫຼາຍ,ສ່ວນລາຍລະອຽດນັ້ນໃຫ້ພວກທ່ານຊອກອ່ານຕາມປຶ້ມ ຫຼື ຕ່າງເວັບໄຊລ໌ຕ່າງໆໄດ້

1. ວິຕາມິນ ອາ Vitamin A (Retinol) ເປັນສານຕ້ານອະນຸມູນອິດສະຫຼະ ບຳລຸງສາຍຕາ ບຳລຸງຜົມ ແລະ ເລັບ,
   
   • ຖ້າໄດ້ຮັບຫຼາຍເກີນໄປ ຈະມີອາການຮາກ,ຜົມຫຼົ່ນ ຜິວໜັງແຫ້ງ ແຕກເປັນເກັດ,ທຳລາຍປະສາດຕາ,ຕັບ ແລະ ກະດູກ. ຖ້າຖືພາ ອາດຈະເຮັດໃຫ້ເດັກພິການໄດ້
   • ຖ້າຂາດຈະເກີດອາການ ຕາບອດກາງຄືນ,ມີການສ້າງຮໍໂມນເພດຊາຍໜ້ອຍລົງ,ຮ່າງກາຍຂະຫຍາຍໂຕຊ້າ,ພູມຄຸ້ມກັນຕ່ຳ
   • ແຫຼ່ງທີ່ພົບ: ເຊັ່ນ: ແຄຣ໊ອດ,ໝາກອຶ,ໝາກມ່ວງສຸກ,ໝາກຫຸ່ງສຸກ ນ້ຳມັນຕັບປາ ໆລໆ

1. ວິຕາມິນ ເບ1 Vitamin B1 (Thiamine) ບຳລຸງປະສາດ ແລະ ກ້າມຊີ້ນ ຊ່ວຍເຜົາຜານ ຄຼາໂບໄຮເດຼດ,
   
   • ຖ້າໄດ້ຮັບຫຼາຍ ຈະຖືກຂັບຖ່າຍອອກທາງນ້ຳຍ່ຽວ,ບໍ່ມີຜົນກະທົບຫຍັງ
   • ຖ້າຂາດຈະເຮັດໃຫ້ງຸດງິດງ່າຍ ແລະ ມຶນຕາມແຂນ-ຂາ
   • ແຫຼ່ງທີ່ພົບ:ລຳເຂົ້າ

1. ວິຕາມິນ ເບ2 Vitamin B2 (Riboflavin) ຊ່ວຍເຜົາຜານ ຄຼາໂບໄຮເດຼ,
   
   • ຖ້າໄດ້ຮັບສູງຫຼາຍ ຈະເກີດອາການ ຫອບຫືດ ໝົດສະຕິ ຮູ້ສຶກແສບຮ້ອນ ແລະ ຍ່ຽວເປັນສີເຫຼືອງເຂັ້ມ
   • ຖ້າຂາດຈະເກີດເປັນບາດຢູ່ຮີມສົບ ຜິວໜັງແຫ້ງແຕກ ແລະ ຫຍາບ
   • ແຫຼ່ງທີ່ພົບ:ຊີ້ນ,ໄຂ່

1. ວິຕາມິນ ເບ3 Vitamin B3 (Niacin) ຊ່ວຍເຜົາຜ່ານໄຂມັນ ແລະ  ຄຼາໂບໄຮເດຼດ ລ້າງສານພິດຕົກຄ້າງຈາກເຫຼົ້າ ແລະ ຢາເສບຕິດ,ຮັກສາໂຣກທາງຈິດ,ຊ່ວຍລົດອາການປວດຫົວໄມເກນ
   
   • ຖ້າໄດ້ຮັບສູງຫຼາຍ ຈະເກີດອາການ ຄັນ ເຈັບຫົວ ປຸ້ນທ້ອງ ຮາກ ແລະ ຖອກທ້ອງ
   • ຖ້າຂາດຈະເກີດອາການທາງດ້ານລະບົບລຳໃສ້ ຜິວໜັງ ແລະ ລະບົບປະສາດ
   • ແຫຼ່ງທີ່ພົບ:ຊີ້ນ,ໄຂ່,ທັນຍາພືດ

1. ວິຕາມິນ ເບ5 Vitamin B5 (Pantothenic acid) ຊ່ວຍເຜົາຜ່ານໄຂມັນ,ຄຼາໂບໄຮເດຼດ ແລະ ໂປຼຕີນ,ລົດອາການພູມແພ້ ຫອບຫືດ ແລະ ແກ້ອາການນອນບໍ່ຫຼັບ
   • ຖ້າໄດ້ຮັບຫຼາຍ ຈະຖືກຂັບຖ່າຍອອກທາງນ້ຳຍ່ຽວ,ຈະບໍ່ມີຜົນກະທົບໃດໆ
   • ຖ້າຂາດຈະເກີດອາການ ຮາກ ເຈັບທ້ອງ ທ້ອງອືດ ຕີນຈັງ ອ່ອນເພຍ ຫງຸດຫງິດ ແລະ ຊຶມເສົ້າ
     
   • ແຫຼ່ງທີ່ພົບ:ຊີ້ນ,ໄຂ່,ທັນຍາພືດ

1. ວິຕາມິນ ເບ6 Vitamin B6 (Pyridoxine) ຊ່ວຍລົດອາການກ່ອນເປັນປະຈຳເດືອນ ແກ້ອາການແພ້ທ້ອງ ບຳລຸງປະສາດ ລົດອາການໄຂມັນອຸດຕັນໃນເສັ້ນເລືອດ,
   
   • ຖ້າໄດ້ຮັບຫຼາຍຈະເກີດອາການຍ່າງເຊ ຕີນມືຊາ ສົ່ງຜົນເຮັດໃຫ້ເສັ້ນປະສາດກ້າມຊີ້ນ ແຂນ ແລະ ຂາ ຖືກທຳລາຍ ແຕ່ບໍ່ຄ່ອຍມີຜົນກະທົບຫຍັງ
   • ຖ້າຂາດຈະເກີດອາການ ວິນຫົວ ຮາກ ບາງຄົນຜົມຫຼົ່ນ ມີບາດຢູ່ຮີມສົບ ນອນບໍ່ຫຼັບ ສັບສົນ
     
   • ແຫຼ່ງທີ່ພົບ:ຊີ້ນ,ນົມ

1. ວິຕາມິນ ເບ7 Vitamin B7 (Biotin) ຫຼືອີກຊື່ໜຶ່ງແມ່ນ Vitamin H ຊ່ວຍເຜົາຜ່ານໄຂມັນ,ຄຼາໂບໄຮເດຼດ ແລະ ໂປຼຕີນ,ບຳລຸງຜິວໜັງ ຕາ ປາກ ຜົມ ແລະ ຕັບ
   
   • ຖ້າໄດ້ຮັບຫຼາຍກໍ່ຖືກຂັບອອກທາງນ້ຳຍ່ຽວ ບໍ່ມີຜົນໃດໆ
   • ການຂາດ ວິຕາມິນ ເບ7 ໃນຮ່າງກາຍ ເກີອບຈະບໍ່ເກີດຂື້ນເລີຍ ນອກຈາກໃນຄົນທີ່ໃຊ້ຢາຕ້ານເຊື້ອຕໍ່ເນື່ອງເປັນເວລາດົນ ອາການທີ່ພົບແມ່ນ ຜົມຫຼົ່ນ ປວດກ້າມຊີ້ນ ຈືດ ພູມຄຸ້ມກັນຕ່ຳ ອ່ອນເພຍ ມືນຕາມແຂນຂາ
     
   • ແຫຼ່ງທີ່ພົບ:ຊີ້ນ,ນົມ,ໄຂ່

1. ວິຕາມິນ ເບ9 Vitamin B9 (Folic acid) ຊ່ວຍໃນການສ້າງເມັດເລືອດແດງ ເສີມຄວາມຈຳ ຊ່ວຍປ້ອງກັນມະເຮັງລຳໃສ້ ແລະ ມະເຮັງເຕົ້ານົມ,
   
   • ຖ້າໃນເລືອດມີຕ່ຳ ຈະເກີດອາການຫົດຫູ່ ແລະ ບໍ່ມີຄວາມຮູ້ສຶກທາງເພດ ເກີດອາການ ເລືອດຈາງ ພູມຄຸ້ມກັນບົກພ່ອງ ຜົມຫງອກໄວ ເສີຍຊາ ຂີ້ລືມ
   • ຖ້າໄດ້ຮັບຫຼາຍ ຈະບໍ່ຄ່ອຍເກີດອາການຫຍັງຕໍ່ຮ່າງກາຍ
   • ແຫຼ່ງທີ່ພົບ:ຜັກໃບຂຽວ

1. ວິຕາມິນ  ເບ12 Vitamin B12 (Cobalamins) ຊ່ວຍໃນການສ້າງເມັດເລືອດແດງ ບຳລຸງປະສາດ ຊ່ວຍປ້ອງກັນອາການອ່ອນເພຍເນື່ອງຈາກເລືອດຈາງ
   • ຖ້າໄດ້ຮັບສູງຫຼາຍ ຈະເກີດອາການ
   • ແຫຼ່ງທີ່ພົບ:ຕັບ,ໄຂ່,ຜະລິດຕະພັນຈາກສັດ

1. ວິຕາມິນ ເຊ Vitamin C (Ascorbic acid) ເປັນສານຕ້ານອະນຸມູນອິດສະຫຼະ ເສີມສ້າງຄໍລາເຈນ ຊ່ວຍຄວບຄຸມລະດັບ ຄຼໍເຣສເຕີໂຣນ ບຳລຸງຜິວພັນ ແລະ ກະດູກ ປ້ອງກັນໂຣກມະເຮັງ ລົດອາການພູມແພ້ ລົດອາການເປັນຫວັດ,
   
   • ຖ້າໄດ້ຮັບຫຼາຍ ຈະເກີດອາການເຈັບທ້ອງ ແໜ້ນທ້ອງ ທ້ອງອືດ ແລະ ອາດຮຸນແຮງເຖີງຂັ້ນເປັນໜິ້ວໄຂ່ຫຼັງໄດ້,ແຕ່ຖ້າຢຸດກິນ ອາການທີ່ສະແດງກໍ່ຈະເຊົາລົງ
   • ແຫຼ່ງທີ່ພົບ:ໝາກເຜັດ,ໝາກສີດາ,ໝາກໄມ້ທີ່ມີລົດສົ້ມ

1. ວິຕາມິນ ເດ Vitamin D (Calciferol) ບຳລຸງກະດູກ ແລະ ແຂ້ວ ຊ່ວຍໃນການດູດຊືມ ແຄນຊ່ຽມ
   
   • ຖ້າຂາດຈະເຮັດໃຫ້ການຂະຫຍາຍໂຕຂອງຮ່າງກາຍຊ້າລົງ ເຮັດໃຫ້ກະດູູກຜ່ອຍ
     
   • ຍ້ອນວິຕາມິນ ເດ ຖືກສ້າງຂຶ້ນເອງຈາກຮ່າງກາຍຂອງເຮົາໃນເວລາທີ່ຮ່າງກາຍໄດ້ຮັບເອົາແສງແດດ ມັນຈຶ່ງບໍ່ເກີນໃນຮ່າງກາຍ
   • ແຫຼ່ງທີ່ພົບ:ນ້ຳມັນຕັບປາ

1. ວິຕາມິນ ເອີ Vitamin E (Tocopherol) ເປັນສານຕ້ານອະນຸມູນອິດສະຫຼະ ຊ່ວຍໃຫ້ເລືອດໄຫຼວຽນດີ ປ້ອງກັນອາການແຂງໂຕຂອງເລືອດ,
   
   • ຖ້າໄດ້ຮັບຫຼາຍຈະເກີດອາການ ເຈັບຫົວ ອ່ອນເພຍ ຕາມົວ ລ່ອຍກ້າມຊີ້ນ ແໜ້ນທ້ອງ ຖອກທ້ອງ,
     
   • ແຕ່ຖ້າຂາດຫຼາຍ ຈະເຮັດໃຫ້ຂັດຂວາງວິຕາມິນອາ
   • ແຫຼ່ງທີ່ພົບ:ນ້ຳມັນລຳເຂົ້າ,ນ້ຳມັນພືດ

1. ວິຕາມິນ ກ່າ Vitamin K1 (Phylloquinone) ຊ່ວຍໃນການກ້າມຂອງເລືອດ
   • ຖ້າຂາດມັກເຮັດໃຫ້ມີເລືອດອອກງ່າຍຕາມອະໄວຍະວະຕ່າງໆເຊັ່ນ: ກະໂຫຼກຫົວ,ລຳໃສ້,ຜິວໜັງໆລໆ
     
   • ຖ້າເກີນແມ່ນເຮັດໃຫ້ເມັດເລືອດແດງແຕກງ່າຍ ແລະ ເກີfພາວະ Bilirubin ໃນເລືອດຕ່ຳໃນເດັກນ້ອຍເກີດໃໝ່
   • ແຫຼ່ງທີ່ພົບ:ຜັກໃບຂຽວ

ວິຕາມິນ ແມ່ນ ສານອິນຊີທີ່ມີຂະໜາດນ້ອຍຫຼາຍ ແຕ່ມັນມີຄວາມຈຳເປັນຕໍ່ຮ່າງກາຍ ໃນການເຕີບໃຫຍ່ ບຳລຸງຮ່າງກາຍ ແລະ ເສີມສ້າງ,ຍ້ອນວ່າຮ່າງກາຍບໍ່ສາມາດສັງເຄາະຂຶ້ນມາໄດ້ມັນຈຶ່ງຈຳເປັນຕ້ອງໄດ້ຮັບຈາກບ່ອນອື່ນ ວິຕາມິນແບ່ງອອກເປັນ 2 ຈຳພວກໃຫຍ່ໆຄື: ວິຕາມິນທີ່ສາມາດລະລາຍໃນນ້ຳ ແລະ ວິຕາມິນທີ່ສາມາດລະລາຍໃນໄຂມັນ,ໃນປະຈຸບັນ ວິຕາມິນມີທັງໝົດ 13 ຊະນິດ ຄື:

ວິຕາມິນ ອາ Vitamin A (Retinol)

ວິຕາມິນ ເບ1 Vitamin B₁ (Thiamine)

ວິຕາມິນ ເບ2 Vitamin B₂ (Riboflavin)

ວິຕາມິນ ເບ3 Vitamin B₃ (Niacin)

ວິຕາມິນ ເບ5 Vitamin B₅ (Pantothenic acid)

ວິຕາມິນ ເບ6 Vitamin B₆ (Pyridoxine)

ວິຕາມິນ ເບ7 Vitamin B₇ (Biotin)

ວິຕາມິນ ເບ9 Vitamin B₉ (Folic acid)

ວິຕາມິນ  ເບ12 Vitamin B₁₂ (Cobalamins)

ວິຕາມິນ ເຊ Vitamin C (Ascorbic acid)

ວິຕາມິນ ເດ Vitamin D (Calciferol)

ວິຕາມິນ ເອີ Vitamin E (Tocopherol)

ວິຕາມິນ ກ່າ Vitamin K₁ (Phylloquinone)

ສ່ວນລາຍລະອຽດຕ່າງໆສາມາດຖາມມາໄດ້ ແລະ ຈະຊອກຫາຄຳຕອບມາເລົ່າສູ່ຟັງ

ຊ່ວງນີ້ເປັນຊ່ວງທີ່ພະຍາດໄຂ້ເລືອດອອກກຳລັງລະບາດ ໃນປະເທດເຮົາມີພຽງ3ແຂວງເທົ່ານັ້ນທີ່ຍັງບໍ່ທັນລະບາດເທື່ອ ແຕ່ກໍ່ມີແນວໂນ້ມວ່າຈະລະບາດຢູ່ ໃນສະເພາະແຂວງ ສະຫວັນນະເຂດ ເລີ່ມແຕ່ວັນທີ 01.01.2010 ຫາ 20.07.2010 ມີຄົນທີເຈັບເປັນດ້ວຍພະຍາດໄຂ້ເລືອດອອກ ແມ່ນ 1081 ຄົນ, ເສຍຊີວິດ(ບໍ່ຂໍເປີດເຜີຍໂຕເລກ) ໃນທົ່ວປະເທດລາວ ມີຄົນທີ່ເຈັບເປັນຍ້ອນພະຍາດນີ້ບໍ່ຕ່ຳກ່ວາ 6000 ຄົນ ແລະ ເສຍຊີວິດ ຫຼາຍຮ້ອຍຄົນ ດັ່ງນີ້ຈືາງຈະຂໍຍົກເອົາອາການຂອງໄຂ້ເລືອດອອກມາເວົ້າໃຫ້ຟັງ

ອາການຂອງໄຂ້

ຈະມີໄຂ້ສູງຕະຫຼອດປະມານ 39 - 40 ອົງສາ ກິນຢາກະບໍ່ລົດ ພ້ອມກັບມີ 1 ຫຼື 2 ອາການລຸ່ມນີ້:

- ບໍ່ຢາກເຂົ້າ

- ມີຜືນແດງຕາມຜິວໜັງ

- ປວດຕາມຕົນໂຕ

- ທົດສອບຕ໋ວກນິກເກ ເປັນຜົນບວກ

- ຈຳນວນເມັດເລືອດຂາວຕ່ຳ

- ມີອາການເຕືອນອັນຕະລາຍ

ອາການເຕືອນອັນຕະລາຍປະກອບມີ:

- ເຈັບທ້ອງ ຫຼືທ້ອງເບັງ

- ຮາກຕະຫຼອດ

- ກວດພົບການອັງນ້ຳ

- ງ້ວງຊຶມ ຫຼືກະວົນກະວາຍ

- ມີເລືອດຊືມເຍື້ອເມືອກຕ່າງ (ດັງ,ເຟັນແຂ້ວ,ຖ່າຍດຳ,ຍ່ຽວສີເຂັ້ມ....)

- ເມັດເລືອດແດງເພີ່ມຂື້ນ

- ເມັດເລືອດນ້ອຍຕ່ຳລົງໄວ

ຖ້າມີອາການຕາມນີ້ ຄວນໄປປິ່ນປົວຢູ່ໂຮງໝໍດີກ່ວາ ບໍ່ຄວນປິ່ນປົວຢູ່ຕາມບ້ານ ( ໄຂ້ເລືອດອອກບໍ່ມີຢາປົວ ແຕ່ເຮົາສາມາດຮັກສາໄດ້ )

ຖ້າມີຫຍັງສົງໃສ ສາມາດຖາມມາໄດ້

ການປ້ອງກັນ:

 - ລ້າງມືໃຫ້ສະອາດດ້ວຍສະບູ ແລະ ນ້ຳທຸກຄັ້ງ ກ່ອນປຸງແຕ່ງອາຫານ ກິນອາຫານ ຫຼື ຫຼັງຈາກ ຖ່າຍໜັກ ຖ່າຍເບົາ

 - ດື່ມນ້ຳທີ່ສະອາດ ໂດຍນ້ຳຕົ້ມທີ່ສຸກຈະດີທີ່ສຸດ

 - ເລືອກກິນອາຫານທີ່ແຕ່ງສຸກໃໝ່ໆ  ແລະ ສະອາດ

 - ມ້ຽນຂີ້ເຫຍື້ອເພື່ອບ່ໃຫ້ເປັນແຫຼ່ງເພາະພັນແມງວັນ

 - ຖ່າຍລົງວິດ ທີ່ຖືກຫຼັກອະນາໄມ

ຂໍ້ຄວນປະຕິບັດໃນການຮັກສາເບື້ອງຕົ້ນ:

 - ໃຫ້ອາຫານແຫຼວ ຫຼື ສານນ້ຳເພີ່ມຂື້ນ ເຊັ່ນ ໂອລາລິດ (ຫ້າມໃຫ້ລົດສົ້ມເພາະຈະຍິ່ງຖ່າຍຫຼາຍຂຶ້ນ) ຫຼື ສານລະລາຍເກືອ ແລະ ນ້ຳຕານ ທີ່ ກຽມເອງ ໂດຍປະສົມເກືອ ເຄີງບ່ວງກາເຟ ແລະ ນ້ຳຕານ ສອງບ່ວງແກງ ໃສ່ນ້ຳຕົ້ມສຸກທີ່ເຢັັນແລ້ວ ໜື່ງແກ້ວນ້ຳປາ ຫຼື 750 ເຊເຊ

 - ສ່ວນເດັກນ້ອຍທີ່ຍັງກິນນມແມ່ຢູ່ ໃຫ້ກິນນົມແມ່ຕໍ່ໄປ ບໍ່ໃຫ້ຢຸດ ສ່ວນເດັກນ້ອຍທີ່ກິນນົມປະສົມ ໃຫ້ກິນສະຫຼັບກັນກັບສານລະລາຍບ້ຳຕານເກືອແຮ່

 - ໄປໂຮງໝໍ ຫຼື ສຸກສາລາທີ່ຢູ່ໃກ້ ຖ້າອາການບໍ່ດີຂຶ້ນ 

ຂໍ້ຄວນລະວັງ: ຫ້າມກິນຢາຕຸດຖ່າຍ ເພາະຈະເຮັດໃຫ້ລຳໃສ້ກັກເກັບເຊື້ອພະຍາດໄວ້ຫຼາຍ ແລະ ເຮັດໃຫ້ທ້ອງເບັງ

ການຮັກສາເບື້ອງຕົ້ນ:
-ວັດແທກອຸນຫະພູມຮ່າງກາຍກ່ອນ
-ເຊັດໂຕເພື່ອລົດຄວາມຮ້ອນໃນຮ່າງກາຍ ໃຊ້ຜ້າຈຸ່ນນ້ຳທຳມະດາ ຫຼືນ້ຳອຸ່ນ (ຫ້າມໃຊ້ ນ້ຳເຢັນ ເພາະຄົນໄຂ້ອາດ ຊ໊ອກໄດ້) ເຊັດເລື້ອຍໆ ຈົນອຸນຫະພູມລົດລົງ ແລ້ວໝັ່ນປ່ຽນນ້ຳ ເລື້ອຍໆ
-ບໍ່ຄວນໃສ່ເສື້ອໜາເພາະຄວາມຮ້ອນຈະບໍ່ລະບາຍອອກ ຄວນນຸ່ງເຄື່ອງບາງໆ ຫຼືຜ້າຫົມບາງໆ ປົກໜ້າເອິກໄວ້ ບໍ່ຄວນຫົມຈົນປິດໝົດໂຕ
-ດື່ມນ້ຳຫຼາຍໆ ເພາະມັນຊ່ວຍໃຫ້ອຸນຫະພູມລົດລົງ
-ໃຫ້ຢາລົດໄຂ້
      ອາການທີ່ເກີດຂື້ນ ແມ່ນ ຍ້ອນ ການທີ່ຮ່າງກາຍຄົນເຮົາ ຕອບສະໜອງຕໍ່ສິ່ງແປກປອມ ຕໍ່ຮ່າງກາຍ ເຊີ່ງມັກໄດ້ແກ່ ເຊື້ອໄວຣັສ ຫຼື ເຊື້ອພະຍາດ ສົ່ງຜົນໃຫ້ອຸນຫະພູມຂອງ ຮ່າງກາຍ ເຮົາສູງຂຶ້ນກ່ວາປົກະຕິ

ສຳຫຼັບຢາ ປາລາ ທີ່ຄົນເຮົາຮູ້ຈັກກັນດີ ແລະ ໃຊ້ກັນຢູ່ຕະຫຼອດເປັນປະຈຳ ແລ້ວຮູ້ບໍວ່າມັນ ມີຜົນ ດີ ແລະ ເສຍ ຄືືແນວໃດ
 ຢາ ປາລາ ເປັນຢາທີ່ມີຄຸນສົມບັດໃນການລົດໄຂ້ໄດ້ດີ ແລະ ແກ້ອາການປວດໄດ້ ແລະ ຖ້າເຮົາໃຊ້ໃນປະລິມານຫຼາຍຈະມີລິດໃນການຕ້ານການອັກເສບໄດ້ເລັກນ້ອຍ
  ຂໍ້ເສຍ:
ຢາ ປາລາ ຈະເຮັດເປັນບາດແຜໃນກະເພາະໄດ້ ແລະ ເປັນພິດຕໍ່ຕັບ ຂຶ້ນຢູ່ກັບປະລິມານທີ່ເຮົາໃຊ້ວ່າ ໜ້ອຍຫຼາຍປານໃດ ດົນປານໃດ ແລະ ໃນເວລາທີ່ເຮົາການຢາ ຖ້າເຮົາກິນນ້ຳນຳລົງໄປຫຼາຍໆ ກໍ່ຈະຊ່ວຍໃຫ້ເຄືອງກະເພາະໜ້ອຍລົງ

ຜູ້ຍິງທີ່ລົງຂາວ ມີກິ່ນເໝັນ ເປັນໜອງ ຫຼື ມູກປົນໜອງ ຢ່ຽວເຈັບ ແສບ ເຈັບທ້ອງນ້ອຍ ອາດມີການອັກເສບຂອງທໍ່ຍ່ຽວ ປາກມົດລູກ ຮູທະວານໜັກ ຖ້າເປັນຫຼາຍ ອາດມີອາການແຊກຊ້ອນເຊັ່ນ: ເປັນຝີທີ່ຕ່ອມ ບາຣໂທລິນ ເຊື້ອພະຍາດອາດລາມໄປຮອດຜົ້ງ ມົດລູກ ເຮັດໃຫ້ຜົ້ງອ່າງຊາມອັກເສບໄດ້ ຈົນອາດເປັນສາເຫດໜື່ງຂອງ ການຖືພານອກມົດລູກ ໄດ້ ຫຼືອາດເປັນໝັນໄດ້ ຜູ້ທີ່ໄດ້ຮັບເຊື້ອນີ້ຈະມີອາການຊ້າກ່ວາຜູ້ຊາຍ ໂດຍສະເລ່ຍ ຈະເກີດ ອາການຫຼັງໄດ້ຮັບເຊື້ອປະມານ 1-3 ອາທິດ