• ສຸດທ້າຍຕ້ອງຈົບ    ເມື່ອພົບທາງຕັນ

   ຮັກຖືກກີດກັນ        ຄວາມຝັນຈຶ່ງຕ້ອງສະຫຼາຍ

   ຍ້ອນອ້າຍມັນຈົນ       ຢູ່ໄປນ້ອງຄົງຈະອາຍ

   ນ້ອງຈຶ່ງຕັດໃຈ        ໜີໄປບໍ່ມີວີ່ແວວ

• ຮັກມາຫຼາຍປີ       ຕ້ອງໜີຈາກລາ

   ອ້າຍນອງນ້ຳຕາ   ທົນຢູ່ກັບຄວາມເສຍໃຈ

   ບໍ່ເຄີຍຈະຄິດ    ວ່ານ້ອງຈະມາປ່ຽນໃຈ

   ນັ່ງນ້ຳຕາໄຫຼ    ສຸດປວດໃຈແສນທໍລະມານ

• ຮັກກັນເປັນຫຍັງ  ຢູ່ດີໆຢາກໄປໃຫ້ພົ້ນ

   ຫຼືເພາະຄຳຄົນ     ນິນທາວ່າອ້າຍຕ່ຳດິນ

   ບໍ່ມີອີ່ຫຍັງ      ຢູ່ໄປກໍ່ຕ້ອງອົດກິນ

   ອ້າຍຈົນເປັນວິນ      ເມື່ອໄດ້ຍິນຄຳນ້ອງບອກລາ

• ເມື່ອຮັກມັນຈົບ   ຕ້ອງກິນຕາ

   ຢິບຂວດເຫຼົ້າມາ   ອຳລາແລ້ວເດີໜ້າມົນ

   ນັ່ງກິນເຫຼົ້າຂາວ    ອວຍພອນເຈົ້າໃຫ້ມີສຸກລົ້າ

   ເພາະອ້າຍມັນຈົນ   ຈື່ງຍອມທົນໃຫ້ນ້ອງຈາກໄປ

ຫາກຜ່ານພົ້ນ          ລັບລ່ວງເວລາໄປ

ໃຈຄົນເຮົາ              ຍິ່ງຜັນໄປຕາມນັ້ນ

ບໍ່ຍຶດໝັ້ນ              ສັດຈະເວົ້າຕໍ່

ຄັກບໍ່ນໍ້                 ຄຳໝັ້ນກໍ່ລືມ

ຜິດທີ່ຂ້ອຍ            ຮັກບໍ່ເຜືອໃຈ

ກັບຫຼົງໄຫຼ            ໄຝ່ນຳຄຳໝັ້ນ

ທີ່ເວົ້ານັ້ນ              ຫວານຈົນຫຼົງເຊື່ອ

ບາດເມື່ອຮູ້            ນີ້ບໍ່ສັນຍາ

ຫຼັງລະດູເກັບກ່ຽວເຂົ້າ       ລົມໜາວມາຢ້ຽມຢາມ

ຕາມທົ່ງໄຮ່ທົ່ງນາ            ຕໍເຟືອງເຫຼືອງຫ່ຽວແຫ້ງ

ຕົ້ນໄມ້ຕ່າງຫຼົ່ນໃບ           ຕາມດີນກໍ່ແຕກແຫງ

ນ້ຳຫ້ວຍກໍ່ເລີ່ມແຫ້ງ         ປານ້ອຍກໍ່ດີ້ນຕາຍ

*ປ່ຽນຊາວນາເປັນຊາວສວນ   ພ້ອມພາກັນປູກຝັງ

ທັງໂມ ແຕງ ຖົ່ວ ສາລີ          ມັນດ້າງ ຜັກ ທັງອ້ອຍ

ໝາກອຶ ບວບ ແລະ ນ້ຳ        ໝາກຊູ ແລະ ໝາກນອຍ

ເຮັດຫຼາຍຫຼືວ່າໜ້ອຍ           ຕາມແຮງສູ້ທຶນເຮົາມີ

*ທ້ອນໂຮມເງິນທີ່ໄດ້           ຈາກການຂາຍພືດແລະຜັກ

ເຮັດບຸນປະເພນີ                ພະເວດເຈົ້າສືບທອດມາ

ການຄືນກໍ່ຄົບງັນ              ມ່ວນກັນຕາມວັດວາ

ຫາເງິນເຂົ້າສ້າງສາ            ວັນບ້ານເຮົາໃຫ້ຮຸ່ງເຮືອງ

*ກ່ອນທີ່ຝົນລິນຍ້ອຍ         ລົງເປັນຝອຍຕາມທ້ອງທົ່ງ

ກໍ່ມີງານຈັດຂໍຝົນ              ເພື່ອບູຊາເທວາເຈົ້າ

ເອີ້ນບຸນບັ້ງໄຟນັ້ນ            ຫຼາຍບ້ານກໍ່ຮ່ວມເຂົ້າ

ກ່ອນທີ່ຈະກັບຕ່າວ          ໄປເຮັດນາອາຊີບເດີມ

ຈັບເອົາບິກ            ຂຶ້ນມາ          ບັນຍາຍເລົ່າ          

ເປັນຄຳເວົ້າ            ຊຶ້ງໆ             ມີຄວາມໝາຍ

ຄິດເຖີງຄົນ            ທີ່ຮັກ            ຢູ່ຫ່າງໄກ          

ດົນປານໃດ           ຈຶ່ງຈະພົບ       ພໍ້ໜ້າກັນ

ມີບາງຢ່າງ             ຜັນປ່ຽນ        ຕາມເວລາ     

ແຕ່ໃຈອ້າຍ            ຍັງຖ້າ              ບໍ່ປ່ຽນຜັນ

ເຖີງຈະຜ່ານ          ຫຼາຍມື້            ຫຼາຍຄືນວັນ   

ແຕ່ໃຈນັ້ນ             ຍັງຮັກ             ເຈົ້າສະເໝີ

ທຸກວັນຄິດ           ບັນຍາຍ            ເປັນຄຳເວົ້າ    

ທຸກຄ່ຳເຊົ້າ            ນັ່ງເຝົ້າ             ຄະນິງຫາ

ທຸກວັນເຫັນ          ຫຼາຍຄົນ            ຫຼາຍໃບໜ້າ  

ແຕ່ວ່າອ້າຍ            ຍັງຫ່ວງຫາ       ນ້ອງຄົນດຽວ

ຮອດຍາມແລງແສງແດດຄ້ອຍ       ໝູ່ນົກນ້ອຍກັບຄືນຮັງ

ປະຊາຊົງຕ່າງໄຫຼຫຼັ່ງ   ກັບຈາກຮົ້ວສວນໄຮ່ນາ

ບາງຄົນມີຫາບນ້ອຍ     ພ້ອມທັງ ຄຸ ແລະ ແຫ ມອງ

ບາງຄົນກໍ່ຂັບຮ້ອງ     ຕາມທຳນອງຊາວໄຮ່ນາ

ບັນຍາກາດຍາມແດດລັບ    ພ້ອມກັບສຽງສົນທະນາໝູ່

ທັງສຽງຫົວ ທັງຍິ້ມແຍ້ມ    ເຫັນແລ້ວແສນສະອອນ

ພ້ອມກັນຍ່າງເປັນກ້ອນກູ່ມ     ຈູງງົວ ຄວາຍມາເຂົ້ານອນ

ຕາມທຳມະຊາດທີ່ອອນຊອນ      ຂອງພວກເຮົາຊາວບ້ານນາ

*ຮັກຫອມຫຼາຍຊົນຊັ້ນ               ຫຼາຍຊົນເຜົ່າລາວມີມາ

ເອກະລາດທີ່ເຮົາມີ                   ຍ້ອນເລືອດລາວຫຼາຍອ້າຍນ້ອງ

ປອງດອງກັນຮັກໝັ້ນ              ພາກັນກ້າວສູ່ຍຸກໃໝ່

ຢ່າໃຫ້ໃຜມາເວົ້າໄດ້                 ວ່າລາວນັ້ນຫຼ້າສະໃໝ

**ຫຼາຍປີທີ່ຜ່ານພົ້ນ                   ການຂົ່ມຈາກສັກດີນາ

ທັງນ້ຳຕາແລະເຫື່ອໄຫຼ            ປົນສາຍຝົນທີ່ລິນຍ້ອຍ

ເປັນຂ້ອຍຂ້າທັງມາໃຊ້            ຫຍາມຢຽດໃນສັກສີ

ບໍ່ມີທັງເຮືອນຊານ                  ບ້ານຊ່ອງເປັນຫຼັກແຫຼ່ງ ທ່ານເອີຍ

***36ປີທີ່ປະກາດໃຫ້           ຄົນຮູ້ທົ່ວໂລກາ

ວ່າຊາດລາວມີໂຕຕົນ             ຢູ່ໃນໂລກໃບນີ້

ມີສັກສີທີ່ພຽບພ້ອມ              ເອກະລາດແລະແຜ່ນດິນ

ໃຜໄດ້ຍິນກໍ່ໃຫ້ຮູ້                   ວ່າລາວນີ້ບໍ່ນ້ອຍໜ້າໃຜ

****ຂໍຂອບໃຈນຳພວກທ່ານ     ທີ່ກ້າຫານເສຍສະຫຼະ

ຂັບໄລ່ຊາວຕ່າງແດນ             ອອກຈາກແຜ່ນດິນນີ້

ຈົນມີວັນຊາດໄວ້                    ໃນມື້ 2 ທັນວາ

ຂໍຈາລຶກໃນບຸນຄຸນ                 ຈົນເຖີງມື້ຈາກໂລກໄປ.......

    ຂໍຂຳນັບຮັບຕ້ອນ ວັນຊາດ ທີ 2 ທັນວາ ຄົບຮອບ 36 ປີ, ຂ້າພະເຈົ້າ ດຣ ແຖວທອງ ພົມມະຈັນ ຂໍເປັນຕົວແທນໃຫ້ ຄອບຄົວ ແລະ ພະນັກງານທັງໝົດ ທີ່ໂຮງໝໍເມືອງ ໂພນໂຮງ ແຂວງ ວຽງຈັນ ຂໍອວຍພອນໃຫ້ ຜູ້ນຳທຸກທ່ານ ຈົ່ງສຸກຂີໝັ້ນ ທຸກທົ່ວໜ້າຕະຫຼອດໄປ

ຄຳວ່າເຈັບ                              ເສຍໃຈ                            ມີໃຫ້ພົບ

ຄຳວ່າຈົບ                                ເລີກລາ                        ມີໃຫ້ເຫັນ

ຄຳວ່າຈາກ                             ພາກກັນ                      ກໍ່ຕ້ອງເປັນ

ເມືອທົນ ເຫັນ                        ສິ່ງທີ່ມີ                          ນັ້ນບໍ່ໄຫວ

ຫາກຄວາມຮັກ                     ທີ່ໃຫ້ກັນ                      ໝົດສິ້ນໄປ

ຫາກຄົນໃໝ່                        ທີ່ເຂົາເຫັນ                      ດີກ່ວາເຮົາ

ຫາກເລີກກັນ                      ເຮັດທຸກຢ່າງ                    ດີກ່ວາເກົ່າ

ປ່ອຍໃຫ້ເຂົາ                      ມີຄົນໃໝ່                         ຢ່າໄປຂວາງ

ມີນ້ຳຕາ                             ລິນໄຫຼ                            ເພາະເຈັບຊ້ຳ

ມີຖ້ອຍຄຳ                         ບາດໃຈ                           ໃຫ້ຫ່ວງຫາ

ມີຄວາມເຈັບ                      ແທນຄຳ                          ທີ່ບອກລາ

ມີເວລາ                            ທົນທຸກ                             ຕ້ອງສູ້ໄປ