ຫາກຜ່ານພົ້ນ          ລັບລ່ວງເວລາໄປ

ໃຈຄົນເຮົາ              ຍິ່ງຜັນໄປຕາມນັ້ນ

ບໍ່ຍຶດໝັ້ນ              ສັດຈະເວົ້າຕໍ່

ຄັກບໍ່ນໍ້                 ຄຳໝັ້ນກໍ່ລືມ

ຜິດທີ່ຂ້ອຍ            ຮັກບໍ່ເຜືອໃຈ

ກັບຫຼົງໄຫຼ            ໄຝ່ນຳຄຳໝັ້ນ

ທີ່ເວົ້ານັ້ນ              ຫວານຈົນຫຼົງເຊື່ອ

ບາດເມື່ອຮູ້            ນີ້ບໍ່ສັນຍາ

ຫຼັງລະດູເກັບກ່ຽວເຂົ້າ       ລົມໜາວມາຢ້ຽມຢາມ

ຕາມທົ່ງໄຮ່ທົ່ງນາ            ຕໍເຟືອງເຫຼືອງຫ່ຽວແຫ້ງ

ຕົ້ນໄມ້ຕ່າງຫຼົ່ນໃບ           ຕາມດີນກໍ່ແຕກແຫງ

ນ້ຳຫ້ວຍກໍ່ເລີ່ມແຫ້ງ         ປານ້ອຍກໍ່ດີ້ນຕາຍ

*ປ່ຽນຊາວນາເປັນຊາວສວນ   ພ້ອມພາກັນປູກຝັງ

ທັງໂມ ແຕງ ຖົ່ວ ສາລີ          ມັນດ້າງ ຜັກ ທັງອ້ອຍ

ໝາກອຶ ບວບ ແລະ ນ້ຳ        ໝາກຊູ ແລະ ໝາກນອຍ

ເຮັດຫຼາຍຫຼືວ່າໜ້ອຍ           ຕາມແຮງສູ້ທຶນເຮົາມີ

*ທ້ອນໂຮມເງິນທີ່ໄດ້           ຈາກການຂາຍພືດແລະຜັກ

ເຮັດບຸນປະເພນີ                ພະເວດເຈົ້າສືບທອດມາ

ການຄືນກໍ່ຄົບງັນ              ມ່ວນກັນຕາມວັດວາ

ຫາເງິນເຂົ້າສ້າງສາ            ວັນບ້ານເຮົາໃຫ້ຮຸ່ງເຮືອງ

*ກ່ອນທີ່ຝົນລິນຍ້ອຍ         ລົງເປັນຝອຍຕາມທ້ອງທົ່ງ

ກໍ່ມີງານຈັດຂໍຝົນ              ເພື່ອບູຊາເທວາເຈົ້າ

ເອີ້ນບຸນບັ້ງໄຟນັ້ນ            ຫຼາຍບ້ານກໍ່ຮ່ວມເຂົ້າ

ກ່ອນທີ່ຈະກັບຕ່າວ          ໄປເຮັດນາອາຊີບເດີມ

ຈັບເອົາບິກ            ຂຶ້ນມາ          ບັນຍາຍເລົ່າ          

ເປັນຄຳເວົ້າ            ຊຶ້ງໆ             ມີຄວາມໝາຍ

ຄິດເຖີງຄົນ            ທີ່ຮັກ            ຢູ່ຫ່າງໄກ          

ດົນປານໃດ           ຈຶ່ງຈະພົບ       ພໍ້ໜ້າກັນ

ມີບາງຢ່າງ             ຜັນປ່ຽນ        ຕາມເວລາ     

ແຕ່ໃຈອ້າຍ            ຍັງຖ້າ              ບໍ່ປ່ຽນຜັນ

ເຖີງຈະຜ່ານ          ຫຼາຍມື້            ຫຼາຍຄືນວັນ   

ແຕ່ໃຈນັ້ນ             ຍັງຮັກ             ເຈົ້າສະເໝີ

ທຸກວັນຄິດ           ບັນຍາຍ            ເປັນຄຳເວົ້າ    

ທຸກຄ່ຳເຊົ້າ            ນັ່ງເຝົ້າ             ຄະນິງຫາ

ທຸກວັນເຫັນ          ຫຼາຍຄົນ            ຫຼາຍໃບໜ້າ  

ແຕ່ວ່າອ້າຍ            ຍັງຫ່ວງຫາ       ນ້ອງຄົນດຽວ

ນ້ຳຕາໄຫຼອາບແກ້ມ         ແນມເບິ່ງເຈົ້າຮ້ອງໃຫ້

ໃຜນໍຊ່າງໃຈຮ້າຍ              ເຮັດໃຫ້ເສຍໃຈຫຼາຍປານນີ້

ຢາກຈະບອກກັບເຈ້າ       ເຊົາຊານ້ຳຕາຢ່າມີ

ສຽງສະອື້ນຍິນເຖິງພີ້        ອ້າຍນີ້ຢາກປອບໃຈ

ມືຂວາຈັບມີດມາ              ຢ່າເດີຢ່າຄິດສັ້ນ

ແຂນຊ້າຍຂອງເຈ້ານັ້ນ     ເຊັດນ້ຳຕາທີ່ລິນໄຫຼ

ອ້າຍຟ້າວແລ່ນມາຫ້າມ     ເຈ້ານັ້ນໂດຍໄວ

ເຈົ້າເລີຍຮ້ອງມາໃສ່            ມາໃດອ້າຍ...ຊອຍຫົວຫອມບົ່ວຊ່ອຍກັນ...

ແຕ່ກ່ອນເຄີຍມີເຈ້າຄູ່          ຄຽງຂ້າງຕະຫຼອດມາ

ບ່ເຄີຍຄິດເຖິງຄຸນຄ່າ           ຄົນດີຢູ່ຂ້າງກາຍ

ກັບຍີ່ງເຮັດໃຫ້ເຈັບຊ້ຳ           ໃຫ້ເຈ້າຕ້ອງເສຍໃຈ

ຫຼາຍຄັ້ງຈົນຮ້ອງໃຫ້                ນ້ຳຕາໄຫຼຈາກຕາ

ມາຮອດມື້ສຸດອົດກັ້ນ             ແລ້ວເຈ້າກໍ່ຈາກໄປ

ປ່ອຍໃຫ້ຂ້ອຍດຽວດາຍ         ກັບກາຍທີ່ສຸດເຫງົາ

ມາຮູ້ໂຕໃນມື້ນີ້                       ວັນທີ່ຕ້ອງຂາດເຈົ້າ

ຄືກັບໂລກມັນວ່າງເປົ່າ           ເມື່ອເຈ້ານັ້ນຈາກໄປ

ມານັ່ງຄິດເຖີງອະດີດ              ຢາກຈະຫວນເວລາກັບ

ແກ້ໄຂສິ່ງທີ່ພາດພັ້ງ               ເພື່ອໃຫ້ເຈົ້າຢູ່ຂ້າງກາຍ

ແຕ່ເປັນໃນພຽງຄວາມຝັນ         ຄວາມຈິງເປັນໄປບໍ່ໄດ້

ມາຮູ້ໂຕມື້ທີ່ສາຍ                       ຕ້ອງເສຍໃຈເສຍນ້ຳຕາ

ຮອດຍາມແລງແສງແດດຄ້ອຍ       ໝູ່ນົກນ້ອຍກັບຄືນຮັງ

ປະຊາຊົງຕ່າງໄຫຼຫຼັ່ງ   ກັບຈາກຮົ້ວສວນໄຮ່ນາ

ບາງຄົນມີຫາບນ້ອຍ     ພ້ອມທັງ ຄຸ ແລະ ແຫ ມອງ

ບາງຄົນກໍ່ຂັບຮ້ອງ     ຕາມທຳນອງຊາວໄຮ່ນາ

ບັນຍາກາດຍາມແດດລັບ    ພ້ອມກັບສຽງສົນທະນາໝູ່

ທັງສຽງຫົວ ທັງຍິ້ມແຍ້ມ    ເຫັນແລ້ວແສນສະອອນ

ພ້ອມກັນຍ່າງເປັນກ້ອນກູ່ມ     ຈູງງົວ ຄວາຍມາເຂົ້ານອນ

ຕາມທຳມະຊາດທີ່ອອນຊອນ      ຂອງພວກເຮົາຊາວບ້ານນາ

*ໃນວັນທີ່ແສນເສົ້າ    ກັບເລື່ອງແຫ່ງຄວາມຫຼັງ

ສິ່ງດີໆທີ່ເຄີຍສ້າງ     ຫຼາຍໆຄັ້ງທີ່ຜ່ານໄປ

ມັນເປັນພຽງບົດສອນ   ໃຫ້ເຮົາຮູ້ເອົາໄວ

ວ່າໂລກອັນກວ້າງໃຫຍ່   ບໍ່ມີໃຜທີ່ແນ່ນອນ

*ເຖິງຈະຮັກຫວັງໄວ້ຫຼາຍ   ແຕ່ສຸດທ້າຍກໍ່ຕ້ອງຈາກ

ເຖິງຈະຝາກໄວ້ຄຳໝັ້ນ   ແຕ່ສັນຍາກໍ່ຈາງໄປ

ວາຈາບໍ່ແນ່ນອນ   ຄືນ້ຳກ້ອນທີ່ຖືກໄຟ

ໃຈຄົນເຮົາປ່ຽນກັນໄດ້   ຈາກນ້ຳລາຍທີ່ເວົ້າມາ

*ນັ່ງຄິດເຖິງອະດີດ    ເຫດການແຫ່ງຄວາມຫຼັງ

ນ້ຳຕາຍັງໄຫຼຫຼັ່ງ       ກັບຮ່າງກາຍທີ່ອ່ອນແຮງ

ສຽງສະອື້ນສຸດຈະຝືນ    ກືນນ້ຳຕາຕົກລົງຄໍ

ສຸດຈະເຈັບເຄີຍພົບພໍ້    ກ່ວາຄົນເຮົາຕາຍທັງເປັນ

*ເບີ່ງຟ້າຍັງມີແສງ   ເດືອນດາວຍັງໃສສ່ອງ

ຂ້າງກາຍກັບເສົ້າໝອງ   ບໍ່ມີໃຜຢູ່ຂ້າງຄຽງ

ນອນຄົນດຽວກອດໝອນ   ນ້ຳຕາຍ້ອຍໃສຕຽງ

ເບີ່ງຄືໂລກມີແຕ່ພຽງ     ເຮົາເທົ່ານັ້ນທີ່ທຸກທົນ

ສຸດຈະເຈັບສຸດຈະຊ້ຳ       ກັບພາບແຫ່ງຄວາມຫັງ

ຕ້ອງກ້າວໄປພຽງລຳພັງ      ຖິ່ມຄວາມຫຼັງທີ່ຂົມຂື່ນ

ເປັນບົດຮຽນໃຫ້ຮູ້ວ່າ        ວັນເວລາບໍ່ຫວນຄືນ

ລຸກຂື້ນຢືນແລະກ້າວສູ້       ໃຫ້ຮູ້ວ່າ ຂາດເຂົາ......ເຮົາບໍ່ຕາຍ

*ຮັກຫອມຫຼາຍຊົນຊັ້ນ               ຫຼາຍຊົນເຜົ່າລາວມີມາ

ເອກະລາດທີ່ເຮົາມີ                   ຍ້ອນເລືອດລາວຫຼາຍອ້າຍນ້ອງ

ປອງດອງກັນຮັກໝັ້ນ              ພາກັນກ້າວສູ່ຍຸກໃໝ່

ຢ່າໃຫ້ໃຜມາເວົ້າໄດ້                 ວ່າລາວນັ້ນຫຼ້າສະໃໝ

**ຫຼາຍປີທີ່ຜ່ານພົ້ນ                   ການຂົ່ມຈາກສັກດີນາ

ທັງນ້ຳຕາແລະເຫື່ອໄຫຼ            ປົນສາຍຝົນທີ່ລິນຍ້ອຍ

ເປັນຂ້ອຍຂ້າທັງມາໃຊ້            ຫຍາມຢຽດໃນສັກສີ

ບໍ່ມີທັງເຮືອນຊານ                  ບ້ານຊ່ອງເປັນຫຼັກແຫຼ່ງ ທ່ານເອີຍ

***36ປີທີ່ປະກາດໃຫ້           ຄົນຮູ້ທົ່ວໂລກາ

ວ່າຊາດລາວມີໂຕຕົນ             ຢູ່ໃນໂລກໃບນີ້

ມີສັກສີທີ່ພຽບພ້ອມ              ເອກະລາດແລະແຜ່ນດິນ

ໃຜໄດ້ຍິນກໍ່ໃຫ້ຮູ້                   ວ່າລາວນີ້ບໍ່ນ້ອຍໜ້າໃຜ

****ຂໍຂອບໃຈນຳພວກທ່ານ     ທີ່ກ້າຫານເສຍສະຫຼະ

ຂັບໄລ່ຊາວຕ່າງແດນ             ອອກຈາກແຜ່ນດິນນີ້

ຈົນມີວັນຊາດໄວ້                    ໃນມື້ 2 ທັນວາ

ຂໍຈາລຶກໃນບຸນຄຸນ                 ຈົນເຖີງມື້ຈາກໂລກໄປ.......

    ຂໍຂຳນັບຮັບຕ້ອນ ວັນຊາດ ທີ 2 ທັນວາ ຄົບຮອບ 36 ປີ, ຂ້າພະເຈົ້າ ດຣ ແຖວທອງ ພົມມະຈັນ ຂໍເປັນຕົວແທນໃຫ້ ຄອບຄົວ ແລະ ພະນັກງານທັງໝົດ ທີ່ໂຮງໝໍເມືອງ ໂພນໂຮງ ແຂວງ ວຽງຈັນ ຂໍອວຍພອນໃຫ້ ຜູ້ນຳທຸກທ່ານ ຈົ່ງສຸກຂີໝັ້ນ ທຸກທົ່ວໜ້າຕະຫຼອດໄປ

ງາມແສນງານ              ຈົນເກີນ          ບັນລະຍາຍ

ຜິວສ່ອງໃສ                 ອ່ອນນຸ່ມ        ດັ່ງໄຂ່ຂາວ

ໜ້າສົດໃສ                  ຄືຕົ້ນແບບ       ແມ່ນຍິງລາວ

ຕາເຈົ້າຂາວ                ປົນດຳ             ງາມເຫຼືອເກີນ

ຍາມເຈົ້າຍ່າງ             ວາດຊົງ           ງາມສະຫງ່ຽມ

ແສນຮຽບຮ້ອຍ         ເກົ້າຜົມ           ນຸ່ງສິ້ນໃໝ

ຈົນສະເງີ້                  ເກີນຝັນ           ເມື່ອຍ່າງກາຍ

ກິ່ນເຕົ່າເຈົ້າ              ແຮງເຫຼືອຫຼາຍ     ຈົນອ້າຍວິນ.............ໂອຍ!...ເມົາ (ຂີ້ເຕົ່າ)

ງາມແສນງານ              ຈົນເກີນ          ບັນລະຍາຍ

ຜິວສ່ອງໃສ                 ອ່ອນນຸ່ມ        ດັ່ງໄຂ່ຂາວ

ໜ້າສົດໃສ                  ຄືຕົ້ນແບບ       ແມ່ນຍິງລາວ

ຕາເຈົ້າຂາວ                ປົນດຳ             ງາມເຫຼືອເກີນ

ຍາມເຈົ້າຍ່າງ             ວາດຊົງ           ງາມສະຫງ່ຽມ

ແສນຮຽບຮ້ອຍ         ເກົ້າຜົມ           ນຸ່ງສິ້ນໃໝ

ຈົນສະເງີ້                  ເກີນຝັນ           ເມື່ອຍ່າງກາຍ

ກິ່ນເຕົ່າເຈົ້າ              ແຮງເຫຼືອຫຼາຍ     ຈົນອ້າຍວິນ.............ໂອຍ!...ເມົາ (ຂີ້ເຕົ່າ)

ໃນຄ່ຳຄືທີ່ມີແສງເດືອນສ່ອງລົງມາ ສາມສຽວທີ່ກັບມາຈາກການໄປທ່ຽວມາ ທ້າວ ຄຳ ກໍ່ຫຼຽວໄປເຫັນບາງຢ່າງ ເລີຍຟ້າວຍ່າງໄປຈັບເອົາ ແຕ່ກັບເປັນຂີ້ງົວທີ່ກຳລັງອຸ່ນໆຢູ່ ກໍ່ເລີຍເວົ້າຂຶ້ນວ່າ

         ທ້າວ ຄຳ : ອຸ້ຍໝວກຂາດ ໃຜເຮັດເຮ່ຍນໍ້? ກູບໍ່ເອົາດອກ

     ທ້າວ ສອນ : ໝວກຂາດກູກະເອົາ ກູຊິໄປໃຫ້ແມ່ຫຍິບໃຫ້  ແຕ່ພໍໄປຈັບເບີ່ງກໍ່ຮູ້ວ່າແມ່ນຂີ້ງົວຈຶ່ງເວົ້າວ່າ

                        ຂາດຫຼາຍໂພດ ແມ່ກູກະຫຍິບບໍ່ໄດ້ດອກ

       ທ້າວ ແຫຼ້ : ເອີ ໃຜບໍເອົາລະຫຍັບອອກ ແລ້ວກໍ່ແລ່ນເຂົ້າໄປເຕະກອງຂີ້ງົວທີ່ຍັງປຽກໆຢູ່ ເພື່ອທີ່ຈະສະແດງໃຫ້ໝູ່ເບີ່ງ ( ຄິດສະພາບເບີ່ງ ວ່າ ຈະເປັນ ແນວໃດ? ).........................?

ເມື່ອເຂົາ            ເຂົ້າມາ           ໃນຮັກຂອງເຮົາ

ທ່າທາງ            ເຈົ້ານັ້ນ           ກໍ່ເລີ່ມປ່ຽນໄປ

ຈາກທີ່ເຄີຍ       ເບີ່ງແຍງ         ແລະຄອຍຫ່ວງໃຍ

ກາຍເປັນ         ພຽງຄົນ         ທີ່ຮູ້ຈັກກັນ

ກໍ່ເຂົາ              ຄົງດີ               ກ່ອນເຮົາຫລາຍຢ່າງ

ແລະເປັນ         ຄົນສຳຄັນ       ທີ່ເຈົ້າຕ້ອງການ

ກັນເຮົາ           ເຈົ້າພັດປ່ຽນ    ປ່ຽນໄປຈາກມື້ວານ

ຕົກຈາກ          ຄົນສຳຄັນ       ທີ່ເຄີຍເອົາໃຈ

ກາຍເປັນພຽງ            ໂຕສຳຮອງ           ຕໍ່ຈາກຜູ້ຊາຍຄົນນັ້ນ

ຄົນທີ່ເຂົາ                    ຄິດວ່າດີ              ກວ່າເຮົາທຸກຢ່າງ

ຕ້ອງກາຍເປັນພຽງ           ໂຕສຳຮອງ

ເມື່ອຮັກຂອງເຮົາ              ເລີ່ມຈືດຈາງ

ຈົມຢູ່            ກັັບຄວາມຫຼັງ             ເມືອເຂົາຈາກໄປ

ເມື່ອຮັກ      ຂອງເຮົານັ້ນ                 ຕ້ອງຈົບລົງ

ໂຕເຮົາ       ກໍ່ຄົງ                ຕ້ອງຍອມແຍກທາງ

ເຖີງວ່າໂຕເຮົາ     ບໍ່ຢາກ    ຈະຈາກໄປ

ແຕ່ຕ້ອງທົນ        ຍອມຮັບ      ຄວາມຮັກທີ່ມີ

ເອນໂຕລົງ            ທີ່ກ້ອງ                ຕົ້ນສຳສາ

ລົມພັດມາ            ກະທົບຜິວ          ແສນສະບາຍ

ຍາມແດດຄ້ອຍ     ສຽງນົກນ້ອຍ     ດັງແຕ່ໄກ

ໃບໄມ້ພັດ            ປິວສະໄຫວ         ຕາມສາຍລົມ

ຫຼັບຕາລົງ            ຕາມຄວາມຄິດ   ຈິດສຳຜັດ

ໃນທິວທັດ          ທຳມະຊາດ         ທີ່ສົດໃສ

ກິ່ນລອຍມາ       ພາໃຫ້ເຮົາ           ລຸກໂດຍໄວ

ຕົດຜູ້ໃດ           ເໝັນແທ້ໆ           ຈົນຂື່ນຄໍ........ໂອຍ! ຢູ່ລ້າຊັກໃສ້ແດ່ເດີ