* ຂ້ອຍແມ່ນປາໂຕນ້ອຍ           ລອຍອວດສີສັນ

  ຢູ່ໃນຫນອງສວຍງາມ           ດັ່ງອິນແປງປັ້ນ

  ທຸກຄືນວັນບໍ່ເຄີຍເສົ້າ           ທັງອາຫານເຕັມອື່ມ

 ເພື່ອນຝຸງແລະພີ່ນ້ອງ           ລອຍຫລີ້ນມ່ວນໃຈ  ແທ້ເດ

* ຫນອງທີ່ຂ້ອຍຢູ່ນີ້               ກວ້າງໃຫຍ່ໄພສານ

  ລ່ອງລອຍສ້າງບັນເທີງ        ແກ່ຄົນຜູ້ເປັນເຈົ້າ

  ຜູ້ທີ່ເຂົາຈັດສ້າງ               ວັງຫລວງກວ້າງໃຫຍ່

  ສຸກໃດປຽບບໍ່ໄດ່               ເມື່ອອົງເຈົ້ານັ່ງແຍງ   ຂ້ອຍນາ

* ມື້ຫນຶ່ງໄດ້ພົບພໍ້                ສາວຫນ້າໃຫມ່ລົງຫນອງ

  ນາງມາຈາກແດນໄກ          ບ່ອນເຮົາບໍ່ເຄີນຮູ້

 ເປັນມະຫາສະມຸດກວ້າງ        ແນມຫາບໍ່ເຫັນຂອບ   ພຸ້ນແລ້ວ

  ຊາຫຍັງຫນອງຊ່ຳນີ້            ເກີນນ້ອຍຂີ້ເລັບມື      ວ່າຊັ້ນ

* ພໍໄດ້ຍິນນາງເວົ້າ              ໃຈເກີດສົງໄສ

  ເປັນໄດ້ຫວະ?ຄວາມຈິງ       ທີ່ແດນເສຣີກວ້າງ

  ບໍ່ຕ້ອງຄອຍເອົາໃຈເຈົ້າ        ຜູ້ສ້າງເຮົາເຕີບໃຫຍ່

  ບໍ່ຕ້ອງກິນ-ດື່ມ-ຫລື້ນ           ພຽງຕາມເຈົ້າສັ່ງການ    ແທ້ບໍ?

ກອນນີ້ຈະບໍ່ແລ້ວສົມບູນ ຖ້າເພື່ອນໆ ບໍ່ຂຽນຕໍ່ເຕີມໃສ່

ສະນັ້ນ ຂໍເຊີນເພື່ອນຂຽນຕໍ່ໄດ້ເລີຍ ຕາມຈິນຕະນາການໃຜມັນເດີ້

ເມື່ອສຳເລັດແລ້ວຈະໄດ້ເປັນເຈົ້າຂອງຮ່ວມກັນ

ເມື່ອກ່ອນ   ຊາດລາວເຄີຍເດືອດຮ້ອນ     ຫລາຍຫລາກປີມາ

              ຍ້ອນອາດຍາກິນເມືອງ          ບໍ່ດູແລຊາວເຊື້ອ

              ທັງຂົນເອົາເສືອຊ້າງ             ຫລາຍພັນເຂົ້າມາຢູ່

             ແບ່ງປັນດິນແຕ່ປຸແຕ່ປູ້           ເປັນຫລາຍແຄວ້ນເຂດເມືອງ

            ເມື່ອລາວເປັນດັ່ງນັ້ນ             ສັດຕູຢຶດດິນແດນ

            ຈູດເຜົາເພພັງເມືອງ               ບ່ອນເຮົາເຄີຍຢັ້ງ

            ຍັງແຕ່ກົກເສົາຊີ້                   ດຳລາຍກາຍເປັນຖ່ານ

            ລູກຫລານລາວຖືກກວດຕ້ອນ   ເປັນຂີ້ຂ້າຕ່າງເມືອງ

            ບັດນີ້ ຊາດລາວເຊົາເດືອດຮ້ອນ  ກ້ຳເກິ່ງສີວິໄລ

           ຈົ່ງຊ່ວຍກັນໂຮມຮັກ              ສ້າງແປງເມືອງບ້ານ

           ຄ່ອຍໆສາມັກຄີສ້າງ              ຕາມກຳລັງຊ້ອນຢູ່

           ຢ່າເພິ່ງຫລາຍຕ່າງເຊື້ອ            ຢ້ານເຂົາຊ້ຳບ່ອນເດີມ  ແທ້ດາຍ.

ຜິດພາດຂໍອະໄພ ບໍ່ຖືກໃຈຂໍໂທດ ຊ່ວຍຕຳນິໃຫ້ແນ່ເດດີ້ ຈະເປັນກຽດຢ່າງສູງ ແລ.

ເມື່ອມອງນາງ     ຢູ່ອ່າວໄກ             ໃນຄວາມຝັນ

ຄວາມງົດງາມ     ຂອງນາງນັ້ນ        ເຫນືອບັນຍາຍ

ປຽບດັ່ງເດືອນ     ເຫມືອນດັ່ງດາວ   ສ່ອງປະກາຍ

ໃຈສະຫລາຍ        ຫາກຫ່າງຕາ       ພຽງນາທີ

ເມື່ອສົມຫວັງ       ໄດ້ນ້ອງນາງ         ມາຮຽງຂ້າງ

ໂອ້ ຟ້າຊ່າງ           ສ້າງໃຫ້ເຮົາ         ມາຄູ່ກັນ

ກາຍເປັນເພື່ອນ     ເລື່ອນເປັນຮັກ      ຊົ່ວນິລັນ

ຄວາມຫອມຫວານ ຂອງຮັກນັ້ນ        ເຫນືອບັນຍາຍ

ເມື່ອມອງນາງ        ຢູ່ອ່າວໄກ້             ພາຍໃນເຮືອນ

ເຖິງບໍ່ເຫມືອນ       ທີ່ຄາດໄວ້              ໃນຄວາມຝັນ

ແຕ່ກໍຮັກ              ແລະຈະຮັກ            ຊົ່ວນິລັນ

ເພາະນາງນັ້ນ         ຟ້າປະທານ           ມາໃຫ້ເຮົາ.

(ຂໍເຊີນໃຫ້ຄຳແນະນຳມືໃຫມ່ແນ່ເນີ ຈະເປັນກຽດຢ່າງສູງ ແລ.)