ຂຽນເມື່ອ: ມ.ກ.. 25, 2011
| ມີ
2 ຄຳເຫັນ
ແລະ
0 trackback(s)
1.ຄວາມຄິດດີໆເປັນທີ່ມາແຫ່ງຄວາມສຸກ: ແນ່ນອນວ່າເມື່ອເຮົາມີຄວາມຄິດດີໆໂລກກໍ່ຈະດີຕາມທີ່ເຮົາຄິດ ດັ່ງຜູ້ຮູ້ທ່ານໜື່ງກ່າວໄວ້ວ່າ “ໂລກເປັນແນວໃດຂື້ນຢູ່ກັບເຮົາຫາກເຮົາເບີ່ງໂລກໃນແງ່ດີຊີວິດກໍ່ຈະມີແຕ່ສິ່ງດີໆ ຫາກເບີ່ງໂລກໃນແງ່ຮ້າຍຊີວິດກໍ່ຈະມີແຕ່ຄວາມວຸ່ນວາຍແລະທຸກທໍລະ ມານ”
2.ປັນຍາດີຍ່ອມມີຄວາມສຸກ: ຄົນມີປັນຍາຍ່ອມໄຊ້ປັນຍາໃນການແກ້ຫາບັນເພື່ອໃຫ້ພົ້ນທຸກ ດັ່ງນັ້ນສຳລັບຄົນມີປັນຍາວິກິດຢູ່ທີ່ໃດປັນຍາຢູ່ທີ່ນັ້ນສ່ວນຄົນດ້ອຍບັນຍາໂອກາດຢູ່ທີ່ໃດວິກິດຢູ່ທີ່ນັ້ນ ຈົ່ງຮຽນຮູ້ທີ່ຈະປ່ຽນບັນ ຫາໃຫ້ເປັນປັນຍາ ປ່ຽນອຸປະສັກໃຫ້ເປັນອຸປະກອນ
3.ຊີວິດຂອງຄົນດີຄືຊີວິດທີ່ມີຄວາມສຸກ: ເຊັ່ນວ່າດອກໄມ້ຫອມບາງດອກ ແຕ່ ມະນຸດຫອມໄດ້ທຸກຄົນຫາກເປັນຄົນດີ ກິ່ນດອກໄມ້ເຖິງຈະຫອມຂະໜາດໃດກໍ່ຫອມໄດ້ຕາມລົມເທົ່ານັ້ນ ສ່ວນກິ່ນຄວາມດີຂອງຄົນນັ້ນຫອມ ຫວນທວນລົມກະຈາຍໄປໃນທິດທັ້ງສີ່ດອກໄມ້ບານໄປແລ້ວບໍ່ດົນກໍ່ລ່ວງ ລົ່ນ ແຕ່ຄວາມດີຂອງຄົນນັ້ນສະຖິດເປັນນິລັນດອນເໜືອການເວລາ
4.ປະຕິສຳພັນດີກໍ່ມີຄວາມສຸກ: ເຊີ່ງ ເປັນການເລືອກຄົບມິດໃນໂລກນີ້ມີຢູ່ 3 ປະເພດຄື:
- ບາບນິມິດ ເພື່ອນຊົ່ວຈົ່ງຢ່າຄົບ
- ກັລຍານິມິດ ເພື່ອນດີຈົ່ງຄົບ
- ພັນທະມິດ ເພື່ອນທີ່ຜູກພັນກັນດ້ວຍປະໂຫຍດຈົ່ງລະວັງ
5.ກະທຳດີກໍ່ມີຄວາມສຸກ: ຄົນຈຳນວນຫຼວງຫຼາຍເປັນທຸກຄະນະທີ່ເຮັວຽກ ເຮັດງານ ແຕ່ເບີກບານສະເພາະເສົາ - ອາທິດ ຈົ່ງເປັນສຸກຂະນະເຮັດວຽກເຮັດງານ ຈົ່ງເບີກບານທຸກລົມຫາຍໃຈຈົ່ງດີໃຈເທີດທີ່ມີວຽກມີງານໃຫ້ເຮັດ ໃຫ້ທຳທ່ານຄິດເບີ່ງຄົນຈຳນວນຫຼວງຫຼາຍບໍ່ມີວຽກເຮັດງານທຳເຂົາເຈົ້າຍັງມີຄວາມສຸກໄດ້ຫາລ້ຽງຄອບຄົວໄດ້ ແລ້ວທ່ານເດເຮັດໄດ້ບໍ
6.ເບີ່ງໂລກໃນແງ່ດີຊີວິດມີຄວາມສຸກ: ດັ່ງຜູ້ຮູ້ທ່ານໜື່ງກ່າວໄວ້ວ່າ ທຸກສີ່ງທຸກຢ່າງໃນໂລກນີ້ມັນຖຶກຢູ່ແລ້ວ ມີແຕ່ຄຳເຫັນຂອງເຮົາທີ່ຜິດ ຖ້າໃຜເຂົ້າໃຈໃນຄຳທີ່ກ່າວມານີ້ຄົນນັ້ນຈະບໍ່ມີທຸກແລະຈະບໍ່ຫວັ່ນໃຫວໃນຄວາມແປຜັນຂອງຊີວິດ
7.ຄອບຄົວດີເພີ່ມທະວີຄວາມສຸກ: ຄອບຄົວພື້ນຖານສຳຄັນຂອງຊີວິດຄື:ຫາກພໍ່ແມ່ດີລູກກໍ່ຈະດີຕາມຫາກພໍ່ແມ່ຊົ່ວລູກກໍ່ຈະຊົ່ວນຳ ສະນັ້ນການປະ ພຶດຫຼືກະທຳຂອງພໍ່ແມ່ຄວນເປັນແບບຢ່າງທີ່ດີໃຫ້ແກ່ລູກ ສ່ວນລູກກໍ່ຄວນ ຈະກະທຳແຕ່ສິ່ງທີ່ດີໄຫ້ພໍ່ແມ່ເຊື່ອຟັງພໍ່ແມ່ ຖ້າເຮັດໄດ້ແບບນີ້ຄວບຄົວກໍ່ ຈະມີແຕ່ຄວາມສຸກມີແຕ່ຮອຍຍີ້ມດີໆໃຫ້ກັນ
ໜວດໝູ່:
