ກອນ ມົນຮັກຖິ່ນເມືອງງອຍ

                                      ຄັ້ງໜຶ່ງມາພົບພໍ້                                       ຖານຖິ່ນຂຽວອອນຊອນ

                             ຢູ່ດິນແດນດອນເໜືອ                                    ທາງເຂດເມືອງງອຍພີ້

                             ຮຽມໄດ້ມາຊົມແລ້ວ                                      ຈົນບໍ່ຢາກໜີພ່າຍ

                              ຢາກມາສຸກຢູ່ສ້າງ                                        ນຳເຈົ້າຖິ່ນຈະເລີນ

                              ທຳມະຊາດງາມເລີດລ້ຳ                                ຜາທອກພູນາງນອນ

                              ງາມສະອອນເຫຼືອຫຼາຍ                                 ແຄມທ່າອູພູຜາກວ້າງ

                              ສັກກຸນາບິນເວີນຟ້າ                                      ຝູງມັດສາລອຍເປັນໝູ່

                              ຄູ່ບ່າວ-ສາວຍ່າງຫຼິ້ນ                                     ເຫັນແລ້ວສຸກຊື່ນໃຈ

                              ຍິນວາຈາຊາຍກ່າວເວົ້າ                                   ຫວານຊື່ນໃນອຸລາ

                              ບາຄານຊາຍຄົນງາມ                                     ຫວ່ານຄາຣົມອິ່ນອ້ອຍ

                              ພາໃຈນາງຄິດພໍ້                                            ຄະນຶງຫາທຸກເຊົ້າຄ່ຳ

                              ໃຈປະສົງພົບເຈົ້າ                                           ຊາຍທ້າວໝູ່ຜູ້ງາມ

                               ວັນນີ້ພັດພາກແລ້ວ                                      ລາຈາກຖິ່ນໜອງຂຽວ

                              ຈິດໃຈຍັງຫ່ວງຫາ                                          ຄິດອາໄລນຳເຈົ້າ

                              ຫວັງຝາກຮັກຢູ່ພີ້                                        ເມືອງງອຍແຫຼ່ງທ່ອງທ່ຽວ

                              ມົນຮັກເມືອງງອຍນີ້                                       ຝັງໃຈນາງຢູ່ບໍ່ລືມ.