ສະບາຍດີສະມາຊິກພັນລາວທຸກ ໆ ທ່ານ...

ຫຼາຍ ໆ ທ່ານທີ່ກຳລັງອ່ານໄດອາຣີ່ນີ້ ອາດຈະຫຼິ້ນພັນລາວມາຕັ້ງແຕ່ຕອນເປີດໃໝ່ ໆ ຫຼືອາດຈະຫາກໍ່ຫຼິ້ນ ຫາກໍ່ຮູ້ຈັກມື້ນີ້ ຫຼືມື້ວານນີ້ເອງ... ແຕ່ວ່າ ຈະຫຼິ້ນຕອນໃດກໍ່ດີ .. ອີກສອງເດືອນຕໍ່ຈາກນີ້ ກໍ່ຈະຮອດວັນເກີດຄົບຮອບ 1 ປີຂອງເວັບໄຊພັນລາວກັນແລ້ວ :)

ພັນລາວເປີດຕົວຂຶ້ນຢ່າງບໍ່ເປັນທາງການໃນວັນທີ່ 1 ເດືອນມີນາ ປີ 2008 .. ຜ່ານວັນເວລາຈາກວັນເປັນເດືອນ ແລະຈາກເດືອນເຂົ້າສູ່ປີໃນອະນາຄົດອັນໃກ້ .. ສະມາຊິກຕອນນີ້ມີ 3421 ຄົນ ແລະເພີ່ມຂຶ້ນໃນທຸກ ໆ ມື້ ແຕ່ລະມື້ມີຜູ້ເຂົ້າຊົມເວັບໄຊພັນລາວປະມານ 400-500 ຄົນຈາກ 97 ປະເທດທົ່ວໂລກ...

ແຕ່ກ່ອນຈະຄົບຮອບ 1 ປີ... ຕອນນີ້ພັນລາວກຳລັງປະສົບກັບວິກິດການດ້ານການເງິນ.. ມາເອົາໃຈຊ່ວຍໃຫ້ຜ່ານພົ້ນໄປໄດ້ນຳກັນເນາະ :D