ຕາມຂ່າວCRI: ໃນລະຫວ່າງວັນທີ1ຫາວັນທີ21ກັນຍານີ້,  ພະນັກງານລະດັບຫົວໜ້າ,  ຮອງຫົວໜ້າພະແນກ ແລະ​ນັກວິຊາການວຽກງານພົວພັນຮ່ວມມືກັບຕ່າງປະເທດຂອງລາວຈາກສູນກາງ​ແລະທຸກແຂວງຈຳນວນ20ທ່ານໄດ້ໄປອົບຮົມແລະທັດສະນະສຶກສາຢູ່ຈີນໂດຍແມ່ນຄະນະກຳມະການຮ່ວມມືຈີນ-ລາວ ແລະ​ກະຊວງການຄ້າຂອງຈີນເປັນຜູ້ຊ່ວຍທຶນທັງໝົດ.​ສຳມະນາກອນທີ່​ເຂົ້າຮ່ວມອົບຮົມເທື່ອນີ້ ,ນອກຈາກໄດ້ຮຽນພາກທິດສະດີກ່ຽວກັບວຽກງານການພົວພັນຮ່ວມມືຊ່ວຍເຫຼືອສາກົນ​ແລະ​ຜົນສຳເລັດຂອງການປະຕິຮູບ​ແລະ​ໄຂປະຕູສູ່ພາຍນອກຂອງຈີນ​ຢູ່ສະຖາບັນການຄ້າສາກົນຢູ່ປັກກິ່ງແລ້ວຍັງໄດ້ໄປທັດສະນະສຶກສາຢູ່ນະຄອນຊຽງໄຮ, ​ແຂວງຫູໜານ​ແລະ​ນະຄອນຄຸນໝິງຂອງແຂວງຢຸນນານອີກ.  ຊຸດນີ້ຖືວ່າເປັນຊຸດທີ3ຂອງປີ2010.

ໃນໂອກາດນີ້ທ່ານບົວມິນ ຈ້ວງລາສີ, ຫົວໜ້າພະແນກການຕ່າງປະເທດແຂວງຄຳມ່ວນ, ​ໃນນາມຫົວໜ້າຄະນະສຳມະນາກອນລາວໄດ້ໃຫ້ສຳພາດຕໍ່ນັກຂ່າວCRIເຖິງການເຂົ້າຮ່ວມຊຸດອົບຮົມເທື່ອນີ້​ຊຶ່ງໄດ້ຮັບບົດຮຽນທີ່ດີຈາກຈີນຫລາຍຢ່າງ, ໂດຍສະເພາະແມ່ນໄດ້ຮູ້ເຖິງຜົນສຳເລັດ​ແລະ​ບົດຮຽນທີ່ດີໃນ30ປີແຫ່ງການປະຕິຮູບຂອງຈີນ.​ທ່ານກ່າວວ່າ:

"ລະບຽບກໍຄືກົນໄກຂອງພວກເພິ່ນ,​ເຫັນວ່າສອດຄ່ອງກັບທ່າອ່ຽງຂອງຍຸກສະໄຫມ​ແລະ​ທ່າອ່ຽງກັບການຂະຫຍາຍຕົວຂອງເສດຖະກິດສັງຄົມຂອງປະເທດຈີນກໍຄືການຂະຫຍາຍຕົວ​ແລະ​ການພັດທະນາປະເທດຊາດຂອງສປປ.ລາວພວກເຮົາ.​ກົນໄກພວກເຮົາກໍເລີ່ມຫັນເປັນກົນໄກຕະຫລາດແລະເຮັດໃຫ້ການພັດທະນາສດຖະກິດສັງຄົມຢູ່ປະເທດເຮົາຖືວ່າສອດຄ່ອງກັບກົນໄກ​ທີ່ພວກເຮົາມາຖອດຖອນບົດຮຽນ. ສະນັ້ນ, ການມາສຶກສາເທື່ອນີ້ພວກເຮົາກໍ່ຖືວ່າສຶກສາທົ່ວໄປ, ​ແຕ່ວ່າບັນຫາສຳຄັນທີ່ສຸດແມ່ນພວກເຮົາຈະໄດ້ນຳມາໝູນ​ຊ້ໃຫ້ມັນສອດຄ່ອງກັບຈຸດພິເສດແລະ​ສະພາບການຂອງລາວພວກເຮົາ. ເຮັດແນວໃດໃຫ້ມີຜົນດີທີ່ສຸດເທົ່າທີ່ຈະດີໄດ້,​ໂດຍສະເພາະແລ້ວ,​ຢູ່ໃນປະຈຸບັນນີ້,  ຖືວ່າການຮ່ວມມືກໍ່ຄືການພົວພັນມິດຕະພາບລະຫວ່າງລາວ-ຈີນ ເຫັນວ່າ​ຢູ່ໃນສະພາບການທີ່ດີທີ່ສຸດ."

ໂຄງການຊ່ວຍອົບຮົມພະນັກງານຂັ້ນນຳຂອງລາວໃນວຽກງານພົວພັນຮ່ວມມືກັບຕ່າງປະເທດນີ້,​ເປັນໂຄງການໄລຍະ5ປີ,​ຄືແຕ່ປີ2008-2012,​ແຕ່ລະປີຈະມີພະນັກງານລາວໄປອົບຮົມ​ແລະ​ທັດສະນະຢູ່ຈີນ3ຊຸດ,​ຊຸດລະ20ຄົນ.

 ອີກສອງມື້ ລະອອງດາວ ຈະ ເຮັດວຽກຢູ່ ວິທະຍຸສາກົນແຫ່ງປະເທດຈີນ ຫລື CRI ຫລື FM93

ຫລືhttp://laos.cri.cn/

ເປີໃຫມ່ຂອງລະອອງດາວ ແມ່ນ 0086 -15510665883

ຍິນດີທີ່ຫມູ່ຄົນລາວໂທມາລົບກວນ

ມື້ວານນີ້ໃນເວລາກິນຕຳຫມາກຮຸ່ງກັບຕົ້ມຍຳປານິນແຊບໆຢູ່ເຮືອນອາຈານສັງຂານ(ຫນຸ່ມໃຫຍ່ອາລົມດີ)ທີ່ນະຄອນຫລວງປັກກິ່ງນັ້ນ,

ເພິ່ນ ກໍໄດ້ແນະນຳຂ້ອຍກັບຫມູ່ຄົນຈີນທີ່ຮຽນພາສາລາວວ່າ:

ເປັນຄົນລາວ,ຄວນຮັກແລະສົ່ງເສີມການໃຊ້ພາສາລາວໃຫ້ຖືກຕ້ອງ,

ພວກເຈົ້າເປັນ ຄົນຈີນທີ່ຮຽນພາສາລາວ ກໍຄວນຮຽນຮູ້ການໃຊ້ພາສາລາວວັດທະນະທຳລາວໃຫ້ຖືກຕ້ອງເຫມາະສົມ,

ຢ່າໄປໃຊ້ ພາສາລາວແບບຊອດກະ ຈາກັບພາສາປະເທດອື່ນ ຄື ຊາວຫນຸ່ມລາວບາງຄົນ,ບາງກຸ່ມພວມເຫີ່ຢູ່.

ອາຈານສັງຂານຍັງຍົກຕົວຢ່າງພາສາລາວບາງຄຳສັບທີ່ຊາວຫນຸ່ມລາວດຽວນີ້ເຂົ້າໃຈສັບສົນ,ເຊັ່ນຄຳວ່າ:ຫລໍ່,ເທ້,ມັນບໍ່ແມ່ນຄວາມລາວ,ພາສາລາວຕ້ອງແມ່ນເຈົ້າຊູ້ ທີ່ຫມາຍເຖິງຜູ້ຊາຍງາມ,ແຕ່ບໍ່ໄດ້ແປວ່າຄົນຫລາຍໃຈ ຫລື ຄົນມາກຊູ້ຫລາຍເມຍ ຄືຄວາມຫມາຍໃນພາສາ ໄທ

ຫລືຄຳວ່າແພ້ ແປວ່າ ເສຍໄຊ,ປະລາໄຊໃນພາສາໄທ ແຕ່ໃນພາສາລາວແລ້ວ ແພ້ ແປວ່າ ໄດ້,ຊະນະ.ແລະອີກຫລາຍສັບ ການລົມກັນທັງມ່ວນ ທັງໄດ້ຄວາມຮູ້

ວັນອາທິດ ອາຈານສັງຂານຈູມຄຳພັນ ຫລື ຫນຸ່ມໃຫຍ່ອາລົມດີ ຊ່ຽວຊານລາວຂອງCRI ຊວນພວກຂ້ອຍໄປກິນອາຫານລາວຢູ່ບ້ານຂອງອາຈານ

ເກືອບຫນຶ່ງປີແລ້ວບໍ່ໄດ້ຊິມລົດຊາດຂອງອາຫານລາວ ຄິດຮອດຈົນໃຈຊິຂາດ

ອາຈານວ່າຂ້ອຍປາກຫວານ ແຕ່ຂ້ອຍບໍ່ໄດ້ປາກຫວານຂ້ອຍຄິດຮອດອີ່ຫລີ

ອາຫານຂອງມື້ນີ້ເປັນອາຫານທີ່ແຊບທີ່ສຸດທີ່ຂ້ອຍກິນຢູ່ປັກກິ່ງ

ມີຕຳຫມາກຮຸ່ງ ຕົ້ມຍຳ ຂົ້ວຊິ້ນງົວ ແລະ ອື່ນໆ(ຂ້ອຍລືມຊື່ແລ້ວ)

ພວກເຮົາພາກັນກິນເຂົ້າຢ່າງມ່ວນຊື່ນ ກິນຈົນອີ່ມຫນຳສຳລານ

ແລ້ວກໍເບິ່ງໂທລະພາບ ແລະ ລົມກັນ ລົມກັນກ່ຽວກັບພາສາ ວັດທະນະທຳ ຫລາຍໆຢ່າງສາລະພັດ

ຂ້ອຍຢາກເວົ້າວ່າໂຮງຮຽນຂອງນ້ອງ ແຕ່ເວົ້າອອກມາພັດເປັນໂຮງຮຽນຂອງຂ້າພະເຈົ້າ

ເວົ້າຍັງບໍ່ສຸດຄວາມ ທຸກຄົນກໍພາກັນຫົວຈົນທ້ອງແຕກ

ອາຈານສັງຂານຍັງຢອກຂ້ອຍວ່າ ເປັນແນວໃດ ໂຮງຮຽນຂອງທ່ານ?

ກັບມາປະເທດຈີນ9ເດືອນແລ້ວ

ແຕ່ຍັງຄິດຮອດປະເທດລາວທຸກມື້

ຢູ່ດີໆກະຄິດຮອດ

ຄິດຮອນເບຍລາວ ອາຫານລາວ ອາກາດຢູ່ລາວ

ແລະຄົນລາວ ຄົນລາວໃຈດີ ບໍ່ມັກຖືຕົວ ຜູ້ຊາຍລາວກໍບໍ່ສູບຢາຫລາຍຄືຜູ້ຊາຍຈີນ

ປະເທດລາວມີຄົນຫນ້ອຍ

ຂ້ອຍຮູ້ສືກສະບາຍ

ຢູ່ຈີນມີຄົນຫລາຍ ຮູ້ສຶກຫງຸດຫງິດ

ບ້ານຂ້ອຍຢູ່ກວາງຊີ ດຽວນີ້ຢູ່ປັກກິ່ງ

ແຕ່ຂ້ອຍບໍ່ຄິດຮອດກວາງຊີ ຊ້ຳພັດຄິດຮອດປະເທດລາວ

ຂ້ອຍບໍ່ຮູ້ວ່າເປັນຫຍັງຂ້ອຍຈຶ່ງເປັນແບບນີ້

ດຽວນີ້ລະອອງດາວ ແລະ ຫມູ່ຮ່ວມຫ້ອງ4ຄົນກຳລັງຝຶກງານຢູ່CRIທີ່ນະຄອນຫລວງປັກກິ່ງ

ຢູ່ນີ້ກໍມີພະນັກງານລາວສອງຄົນ

ຜູ້ຫນຶ່ງຊື່ວ່າສັງຂານ ອີກຜູ້ຫນຶ່ງຊື່ວ່ານ້ອຍ

ວຽກຂອງລະອອງດາວ ກະແມ່ນແປພາສາ

ຂ່າວທີ່ລະອອງດາວແປ

ຢູ່ທີ່http://laos.cri.cn

ບາງເທື່ອ

ຂ່າວທີ່ລະອອງດາວແປ

ເອື້ອຍແສງແກ້ວກໍເອົາໄປອ່ານ

ລະອອງດາວຍັງຂຽນລາຍການເພງອີກ