ຂໍລົງໄດອະຣີ່ນຳໃຜເຂົ້າຈັກມື້ແດ່ ທຳອິດວ່າຈະເຊົາຄອມເມັນບອດກະທູ້ແລ້ວ(ເຂົ້າພັນລາວ),
ແຕ່ອົດເວົ້າບໍ່ໄດ້(ມືຄັນຢ່າງແຮງໆ ກະເລີຍຂໍໄດ້ພີມຫຍັງງົງລົງຄອມໜ້ອຍໜຶ່ງແນ່)
ມື້ນີ້ອອກໄປແຕກເງີນຍູໂລ,ເງີນໂດລາເປັນກີບໃຫ້ພີ່ນ້ອງ. ເໜື່ອຍເພາະວ່າຕ້ອງໄດ້ໂທເຊັກລາຄາເງີນລະຫວ່າງທະນາຄານແລະຕະຫຼາດ(ມືດ)ວ່າເລດເງີນເທົ່າໃດແລ້ວ.
ອື່ຫື່….ບໍ່ຢາກຈະເວົ້າເລີຍ,ເລດເງີນທະນາຄານພົງສະຫວັນໄດ້ດີກວ່າຕະຫຼາດ(ວ່າຊັນນນ).
ຄິດມາແລ້ວກໍ່ແປກເນາະ,ວ່າຖ້າເຮົາມີເງີນນີ້ຢາກຮັບ-ແລກເງີນເຖື່ອນໃຫ້ມັນແລ້ວສະເດະ,
ເພາະວ່າພວກແລກເງີນແນວນີ້ເກັງກຳໄລຈາກອັດຕາຜັນພວນ(ທຸກມື້),
ກຳໄລງາມ(ແຕ່ສ່ຽງຖືກຈີ້T^T).
ຄັ້ງໜຶ່ງຂ້ອຍເຄີຍເອົາເງີນ(ເຖື່ອນ)ໄປເຂົ້າທະນາຄານກັບໝູ່,ບ້ານມັນຮັບແລກເງີນ,
,ມັນເອົາເງີນກີບ(ຮ້ອຍລ້ານ)ກັບເງີນຕ່າງປະເທດໄປເຂົ້າທະນາຄານຫຼັງຈາກຖອນມາໄວ້ແຕກໃຫ້ພວກຮ້ານຂາຍຄຳແລະແມ່ຄ້າຕະຫຼາດ.
ປາ…ຕິໂທ້….ຂ້ອຍເກີດມາບໍ່ເຄີຍໄດ້ຈັບເງີນຫຼາຍປານນີ້ຈັກເທື່ອ(ສັນໆໆແທ້ສັນຫວາ),
ແຖມຂີ່ລົດຈັກເອົາເງີນໄປເຂົ້າທະນາຄານອີກ(ຍ້ານຄົນຂີ່ລົດມາຈີ້ກະປານນັ້ນ,ເງີນກະບໍ່ແມ່ນໜ້ອຍໆໆ),
ຄັນຕາຍມານິ ບໍ່ຮູ້ວ່າຊິດີໃຈຫຼືເສຍໃຈດີບໍ? ໄດ້ຕາຍຢູ່ເທິງກອງເງີນ(ຕາຍທັງທີ່ບໍ່ແມ່ນເງີນຕູT^T)
ສ່ວນໝູ່ຂ້ອຍມັນທຳມະດາ(ລຶ້ງແລ້ວວ່າຊັນນນ),ຍ້ອນວ່າບ້ານກະເຈົ້າເຮັດທຸລະກິດແລກເງີນ(ຕາມນັ້ນ).
ແລະຄັ້ງນັ້ນກໍ່ເປັນຄັ້ງແຣກແລະຄັ້ງສຸດທ້າຍທີ່ໄດ້ເອົາເງີນ(ຊ່ວຍໝູ່)ໄປເຂົ້າທະນາຄານ.
ແຕ່ດຽວນີ້ບໍ່ໄດ້ເຈິກັນແລ້ວ,ຍ້ອນວ່າເປັນໜູ່ຕໍ່ໝູ່ກັນ.
ເວົ້າເລື່ອງທະນາຄານແລ້ວກໍ່ຄິດຮອດເລື່ອງໄປຝາກເງີນເວີຍ!
ເຄີຍມີບໍ່….ຜູ້ໃດໄປຝາກເງີນແລ້ວພະນັກງານເພິ່ນ(ອາລົມເສຍໃສ່ແດ່). ອັນນີ້ເຈິມາຈັ່ງໆໆຕອນໄປຝາກເງີນເຂົ້າບັນຊີ,
ປາຕິໂທ້….ແມ່ນຂ້ອຍເປັນລູກໜີ້ຫຼືລູກຄ້ານິ?(ອີ່ນາຍຫານຈິກ,ບອກກັນຂຽນດີໆກາໄດ້,ຄົນຄືກັນຟັງພາສາພໍເຂົ້າໃຈຢູ່,ບອກມາລະແມະ)
ຮູ້ສຶກວ່າທຸກຄັ້ງທີ່ໄປຝາກ,ເພິ່ນຜູ້ຮັບເງີນກະມັກອາລົມເສຍໃສ່ເຮົາຕະຫຼອດ.
ຈົນຮູ້ສຶກວ່າບໍ່ຢາກໄປທະນາຄານ(ຕິດກັບວັດມີໄຊ)ນີ້ເລີຍ,ເວລາແມ່ບອກໃຫ້ໄປຝາກ
ຄວາມຮູ້ສຶກປານວ່າເດັກນ້ອຍບໍ່ຢາກເຂົ້າໂຮງຮຽນອານຸບານພຸ້ນແລະ(ຄວາມຮູ້ສຶກນີ້ໃຜເຂົ້າໃຈບໍ?)
ຂຽນເມື່ອ: ພ.ພ.. 22, 2009
| ມີ
ໜວດໝູ່:
ກັບໄປໄດອາຣີ່ຂອງ ╬═ ‡ November™ ‡ ╬═ ເລື່ອງເບື່ອໆຂອງຄົນເສຍອາລົມຈິດ., 'user_report.php?return_url=http%253A%252F%252Fpunlao.com%252Fblog.php%253Fuser%253DNovember%2526blogentry_id%253D4845&TB_iframe=true&height=300&width=450', '', './images/trans.gif');){kind=spacer}
ແຈ້ງເນື້ອຫາບໍ່ເໝາະສົມ
