ຂ້ອຍເຮັດວຽກເປັນພະນັກງານຂາຍຢູ່ບໍລິສັດແຫ່ງໜຶ່ງ (ບໍ່ຂໍບອກວ່າບໍລິສັດຫຍັງດຽວສິເສຍຫາຍ).  ມີມື້ໜຶ່ງຫົວໜ້າຂ້ອຍໃຫ້ຂ້ອຍໄປຂາຍເຄື່ອງ ກັບຕາເຖົ້າຫົວງູພຽງສອງຄົນ

ຕອນໄປບໍ່ມີບັນຫາແຕ່ຂາກັບນີ້ຕິຕາຊັງ. ຫຼັງຈາກຂາຍເຄື່ອງໝົດແລ້ວປະມານ4ໂມງແລງນີ້ລະ  ຂ້ອຍກໍ່ໄດ້ກັບໆຕາເຖົ້າຫົວງູ. ບັງເອີນຂີ່ລົດມາພໍດີຮອດເຄີ່ງທາງລາວເລີຍຖາມຂ້ອຍວ່າ......

ຕາເຖົ້າ : ນ້ອງຈະໃຫ້ອ້າຍໄປສົ່ງຢູ່ໃສ?

ຂ້ອຍ :  ສົ່ງຂ້ອຍຢູ່ບໍລິສັດກະໄດ້ ແລ້ວຂ້ອຍຈະຍ່າງກັບເອງເພາະບໍ່ໄດ້ເອົາລົດໄປນຳ

ຕາເຖົ້າ : ບໍ່ໄປອາບນ້ຳກັບອ້າຍກ່ອນບໍ

ຂ້ອຍ : ບໍ່ດອກຂ້ອຍໄປອາບຢູ່ບ້ານກະໄດ້ ຂ້ອຍຕອບແບບນັ້ນເພາະຂ້ອຍບໍ່ຮູ້ວ່າລາວໝາຍເຖິງຫຍັງ

ຕາເຖົ້າ : ຟັງຄຳເວົ້າເຮົາບໍ່ເຂົ້າກັບເປົ້າໝາຍເພີ່ນເລີຍຊີ້ແຈງວ່າ ອ້າຍບໍ່ໄດ້ໝາຍຄວາມວ່າແນວນັ້ນ  ອ້າຍໝາຍຄວາມວ່າໄປບ້ານພັກຕ່າງຫາກ

ຂ້ອຍ : ຕົກໃຈພ້າວປະຕິເສດ ບໍ່ຂ້ອຍບໍ່ໄປ

ຕາເຖົ້າ : ເປັນຫຍັງ?

ຂ້ອຍ : ບໍ່ເປັນຫຍັງຂ້ອຍບໍ່ມັກ

ຕາເຖົ້າ : ເຈົ້າມີແຟນແລ້ວຫວາ ?

ຂ້ອຍ : ຕອບລາວວ່າມີແລ້ວ

ຕາເຖົ້າ : ບໍ່ເປັນຫຍັງດອກບໍ່ຕ້ອງຢ້ານ ຖ້າເຈົ້າກັບອ້າຍບໍ່ເວົ້າໄປໃສ ຈ້າງກະບໍ່ມີຄົນຮູ້ ເພີນວ່າ

ຂ້ອຍ : ຈັ່ງໃດຂ້ອຍກະບໍ່ໄປຂ້ອຍບໍ່ມັກ

ຕາເຖົ້າ : ເຈົ້າຢາກໄດ້ຫຍັງ ອ້າຍຈະຊື້ໃຫ້

ຂ້ອຍ : ຕອບລາວວ່າຂ້ອຍບໍ່ຢາກໄດ້ຫຍັງທັງນັ້ນ ເຈົ້າເຂົ້າໃຈຂ້ອຍຜິດແລ້ວລະ ຂ້ອຍບໍ່ໄດ້ແມ່ນຜູ້ຍິງຂາຍຕົວເດີ ສິເວົ້າຫຍັງຄວນໃຫ້ກຽດຂ້ອຍແດ່ ຕອນນີ້ຂ້ອຍຢາກກັບບ້ານຖ້າເຈົ້າບໍ່ຢາກໄປສົ່ງຂ້ອຍໆກໍ່ຈະຍ່າງໄປເອງ.

ຕາເຖົ້າ : ເມື່ອເຫັນຂ້ອຍຈິງຈັງນຳ ກໍ່ເລີຍໝົດຫົນທາງຍອມສົ່ງຂ້ອຍກັບບ້ານ ໄລຍະທາງທີ່ຂີ່ລົດມາຜ່ານບ້ານພັກແຕ່ລະບ່ອນ ລາວມັກຈະຫຼຽວໄປເບີ່ງສະເໝີ ແລ້ວຫຼຽວມາເບີ່ງຂ້ອຍ

ຂ້ອຍເຮັດເສີຍໆທັ້ງໆທີ່ໃຈຊັ່ນ,ຢ້ານລາວຢູ່ ຂ້ອຍຄິດໃນໃຈຖ້າລາວພາຂ້ອຍ ແວະໄປບ້ານພັກ ຂ້ອຍສິເອົາກຳປັ້ນຊັດໜ້າມັນບາດໜຶ່ງ ແລ້ວໂດນລົດແລ່ນ ແຕ່ກະຖືວ່າໂຊກຂອງຂ້ອຍຍັງມີທີ່ລາວອົດສາສົ່ງຂ້ອຍຮອດບໍລິສັດ.

ຂ້ອຍ : ລົງຈາກລົດແລ້ວກໍ່ພ້າວຍ່າງທັງຍ່າງທັງແລ່ນເພາະຢ້ານລາວ ມາຮອດບ້ານຂ້ອຍໄດ້ເວົ້າໃຫ້ໝູ່ແລະເອື້ອຍອ້າຍນ້ອງຟັງ ທັງເວົ້າທັງສັ່ນໝົດທັ້ງຊີວິດຂ້ອຍ

ມີຄັ້ງນີ້ເທື່ອດຽວທີ່ເຮັດໃຫ້ຂ້ອຍຕົກໃຈຜະວາຢ້ານ, ສັ່ນຈົນໂຕແຂງ. ຄົນອີຫຍັງຈັ່ງແມ່ນເຮັດເປັນຕາຊັງເອົາແທ້ເອົາວ່າ ສັງບໍ່ອິໂຕນຄົນອື່ນແດ່ຖ້າບໍ່ອິໂຕນຄົນອື່ນກະໃຫ້ຄິດຮອດລູກຮອດເມຍແດ່ຫວາ

ທັ້ງໆທີ່ລາວກະມີລູກສອງລູກສາມແລ້ວ ຍັງເຮັດແນວນີ້ຢູ່ ໜ້າຈະຄວນຄິດເອົາໃຈເຂົາມາໃສ່ໃຈເຮົາແດ່ເນາະ ລອງຄິດເບີ່ງຖ້າກົງກັນຂ້າມ ຄົນຮັກຂອງເຮົາພັດໄປມີຫຍັງກັບຄົນອື່ນເຮົາສິຮັບໄດ້ບໍ່

ເວົ້າມາລະຢາກຊັບໆໆໆມັນເດ.

ຕາມທີ່ຂ້າພະເຈົ້າໄດ້ເຫັນແລະສັງເກດມາ ເພື່ອນໆມັກຈະເຂົ້າໄປເບີ່ງຊື່ໆ ສ່ວນຫຼາຍຈະບໍ່ມັກເມັ້ນ ຂ້າພະເຈົ້າຢາກຮູ້ວ່າເປັນຫຍັງທ່ານຈິ່ງບໍ່ຢາກອອກຄຳຄິດເຫັນໃນໄດຣອາຣີ, ເວບບອດ ແລະ ແບບສຳຫຼວດ ເພື່ອໃກ້ກຳລັງໃຈຄົນຂຽນແນ່ ຖ້າຄົນຂຽນບໍ່ມີກຳລັງໃຈຂຽນແລ້ວ ລະແມ່ນໃຜສິຂຽນໃຫ້ເຈົ້າອ່ານ ແມ່ນບໍ່ ? ພວກທ່ານຄິດວ່າແນວໃດ ?

ໝາຍເຫດ : ກະທູ້ນີ້ໄດ້ຂຽນຢູ່ໃນເວບບອດແລ້ວ ແຕ່ນຳເອົາມາຂຽນຢູ່ໄດຣອາຣີອີກເທື່ອໜຶ່ງ ເພາະວ່າຢາກປະຊາສຳພັນເຖິງບັນດາທ່ານທີ່ບໍ່ມັກເມັ້ນຫຼືອອກຄຳຄິດເຫັນນັ້ນ ໃຫ້ພະຍາມຍາມສົ່ງເສີມ ແລະ ໃຫ້ກຳລັງໃຈຄົນຂຽນແນ່ ຄືທີ່ໄດ້ເວົ້າຫັ້ນລະຖ້າບໍ່ມີຄົນຂຽນເຮົາກໍ່ຈະບໍ່ໄດ້ອ່ານ ....

 1. ຢ້ານລູກມີເພດສຳພັນໃນໄວຮຽນຈະເຮັດແນວໃດ?

• ບໍ່ຢາກໃຫ້ເກີດ ຕ້ອງເອົາປັນຍາໃສ່ໃນມືລູກ
• ໃຫ້ເງິນລູກໜອ້ຍໆ ໃຫ້ຄວາມຮູ້ແກ່ລູກຫຼາຍໆ
• ດ່າລູກໜອ້ຍໆ ໃຫ້ຄຳສອນລູກຫຼາຍໆ

2. ໄຫວ້ພຣະຂໍພອນອີ່ຫຍັງດີ?

• (1) ຂໍຢ່າໃຫ້ໂລບຈົນບໍ່ມືນຫູມືນຕາ
• (2) ຂໍຢ່າໃຫ້ໃຈຮ້າຍຈົນທຳຮ້າຍໂຕເອງ
• (3) ຂໍຢ່າໃຫ້ຫຼົງຈົນບໍ່ຮູ້ດີຮູ້ຊົ່ວ
• (4) ຂໍຢ່າໃຫ້ຕາຍໃນສົງຄາມລະຫວ່າງຄົນເຮົານຳກັນ

3. ອຸກໃຈກັບປັນຫາຫຼາຍຢ່າງຊິເຮັດຈັ່ງໃດດີ?

• ປາທີ່ຍັງບໍ່ຕາຍຢູ່ ຍ່ອມຮູ້ທີ່ຈະລອຍຕ້ານນ້ຳ
• ສ່ວນປາທີ່ຕາຍມັກໄຫຼໄປຕາມນ້ຳ
• ປັນຫາເຮັດໃຫ້ຄົນທຳມະດາຍອມແພ້ ແຕ່ເຮັດໃຫ້ຄົນທີ່ມີປັນຍາລຸກຂື້ນມາແກ້ໄຂ

4. ຜິດກັບແຟນຈົນບໍ່ມີສະມາທິເຮັດວຽກຈະເຮັດແນວໃດດີ?

• ວຽກສ່ວນວຽກ ແຟນສ່ວນແຟນ
• ຮູ້ຈັກແບ່ງເວລາໃຫ້ວຽກ ຮູ້ຈັກແບ່ງເວລາໃຫ້ແຟນ
• ຢ່າເສຍວຽກຍ້ອນແຟນ ຢ່າເສຍແຟນຍ້ອນວຽກ

5. ໃຈຮ້າຍ ຖືກໝູ່ເວົ້າຂວັນ

• ໂບຮານເພີ່ນວ່າບໍ່ມີໃຜເຕະໝາທີ່ຕາຍແລ້ວ
• ເຈົ້າຖືກເວົ້າຂວັນສະແດງວ່າເຈົ້າຍັງມີຄວາມໝາຍ
• ເຈົ້າເປັນຄົນໂຊກດີ ຢູ່ດີໆກະມີແວ່ນແຍງວິເສດສະທ້ອນຄວາມຂີ້ຮ້າຍ ໃຫ້ເຫັນຈຸດບົກຜ່ອງຂອງໂຕເອງ

6. ຈັບໄດ້ວ່າແຟນມີກິກເຮັດຈັ່ງໃດດີ?

• (1) ຖາມໂຕເອງວ່າເຮົາດີກັບເຂົາພໍຫຼືບໍ່
• (2) ລະຫ່ວາງເຮົາກັບກິກ ມີຂໍ້ດີຂໍ້ເສຍຕ່າງກັນບ່ອນໃດ
• (3) ຖາມແຟນວ່າຊິເລືອກໃຜກໍ່ໃຫ້ເລືອກໄວໆ ບໍ່ຮັກຂ້ອຍຢ່າເຮັດໃຫ້ຂ້ອຍຕ້ອງເສຍເວລາ

7. ຖືກເພື່ອນຮ່ວມງານຍາດຊິງເອົາໜ້າຈະເຮັດແນວໃດດີ?

• ເຂົາຍາດຈາກເຮົາໄດ້ພຽງແຕ່ຜົນງານເທົ່ານັ້ນ ແຕ່ເຂົ້າບໍ່ສາມາດຍາດຄວາມຮູ້ແລະຄວາມສາມາດໄປຈາກເຮົາໄດ້

8. ວຽກຫຼາຍໂພດເຮັດແນວໃດດີ?

• 1) ຮູ້ວ່າວຽກຫຼາຍຕ້ອງຟ້າວເຮັດ
• (2) ຢ່າເກັບວຽກຂ້າມປີຂ້າມຊາດ
• (3) ລຽງລຳດັບຄວາມສຳຄັນຂອງວຽກ ສຳຄັນກ່ອນໃຫ້ຟ້າວເຮັດ ສຳຄັນໜ້ອຍຄ່ອຍທະຍອຍເຮັດ

9. ເຮັດວຽກດີມີແຕ່ຄົນອິດສາຊິຮັບມືແນວໃດດີ?

• ໂບຮານເພີ່ນວ່າ ໄມ້ໃຫຍ່ຍ່ອມຖືກຂວານຄົມຟັນລົ້ມ
• ຄົນເດັ່ນຕ້ອງມີຄົນດ່າ ຄົນມີປັນຍາຈຶ່ງມີຄົນລອງດີ
• ຄົນເຮັດວຽກດີຈຶ່ງມີຄົນອິດສາ ປະກົດການເຊັ່ນວ່ານີ້ ເປັນຂອງທຳມະດາ ເຮັດວຽກດີຈົນມີຄົນອິດສາ
• ຍັງດີກ່ວາເຮັດວຽກບໍ່ດີ ທີ່ຖ້າອິດສາຫມູ່

10. ເຮັດວຽກເກືອບຕາຍ ເງິນບໍ່ພໍໃຊ້ເຮັດແນວໃດດີ?

• (1) ຫາວຽກໃໝ່
• (2) ລົດຄວາມຕ້ອງການໃຫ້ໜ້ອຍລົງ ຢູ່ກັບຄວາມຈິງໃຫ້ຫຼາຍຂຶ້ນ
• (3) ບໍລິໂພກປັດໃຈສີ່ ໂດຍເບີ່ງປະໂຫຍດ ຢ່າເບີ່ງເພື່ອປະດັບ
• (4) ເຮັດບັນຊີລາຍຮັບລາຍຈ່າຍ ຮັບຫຼາຍກ່ວາຈ່າຍຈຶ່ງຖືວ່າດີ ຈ່າຍຫຼາຍກ່ວາຮັບຖືວ່າບໍ່ດີ

11. ຖືກນາຍດ່າອາລົມບໍ່ດີ

• ຄົນທີ່ດ່າຄົນອື່ນສະທ້ອນໃຫ້ເຫັນວ່າລະບົບພາຍໃນກຳລັງເສຍ
• ຄົນອາລົມບໍ່ດີເພາະຖືກດ່າ ສະແດງວ່າອາລົມຂອງໂຕເອງກຳກັງເສຍໄປນຳ

12. ໄຖ່ຊີວິດງົວໄດ້ບຸນຫຼາຍບໍ່?

• ຖ້າໄຖ່ແລ້ວງົວມີຊີວິດລອດ ເຈົ້າໄດ້ບຸນ ແຕ່ຫາກໄຖ່ໄປເພື່ອເຮັດໃຫ້ວັດຢູ່ລອດ ເຈົ້າໄດ້ບາບ
• ແທນທີ່ຈະໄຖ່ງົວຄວາຍ ເຈົ້າຄວນໄຖ່ຖອນໂຕເອງໃຫ້ພົ້ນຈາກຄວາມໂລບ ໂກຼດ ຫລົງ ດີກ່ວາ

13. ແຟນຕິດໜັງເກົາຫຼີ ເບິ່ງໜົດຄືນບໍ່ຍອມນອນ

• ຂໍໃຫ້ຄິດວ່າຢ່າງໜ້ອຍລາວຍັງນັ່ງເບິ່ງຢູໃນເຮືອນ ເຖິງລາວຈະຕິດໜັງເກົາຫຼີ ກະຍັງດີກ່ວາຕິດຜູ້ບ່າວທີ່ຢູ່ນອກເຮືອນ

14. ລູກຄ້າລຳລິລຳໄລເຮັດແນວໃດດີ

• ມີລູກຄ້າລຳລິລຳໄລຍັງດີກ່ວາໝົດມື້ບໍ່ມີລູກຄ້າເຂົ້າມາ ລູກຄ້າລຳລິລຳໄລໄດ້ ແຕ່ເຈົ້າຕ້ອງເຮັດໃຫ້ເຂົາປະທັບໃຈຕະຫຼອດ

15. ໄປງານວັນເກີດຄວນໄດ້ອີຫຍັງ?

• (1) ໄດ້ຖາມໂຕເອງວ່າເຮົາເກີດມາເພື່ອຫຍັງ
• (2) ໄດ້ຖາມໂຕເອງວ່າເກີດມາຈາກໃຜ
• (3) ໄດ້ຖາມໂຕເອງວ່າເຮົາກະຕອບແທນບຸນຄຸນຕໍ່ຜູ້ໃຫ້ກຳເນີດແລ້ວຫຼືຍັງ

16. ສູດມົນບົດໃດດີ?

• (1) ສູດພຸດທະຄຸນເພື່ອເຕືອນວ່າ ຈົ່ງເປັນຜູ້ຕື່ນ
• (2) ສູດທຳມະຄຸນເພື່ອເຕືອນວ່າ ຈົ່ງເວັ້ນສິ່ງທີ່ຄວນເວັ້ນ ຈົ່ງເຮັດສິ່ງທີ່ຄວນເຮັດ
• (3) ສູດສັງຂະຄຸນເພື່ອເຕືອນວ່າ ພຣະອະຣະຫັນທີ່ແທ້ ຄືພໍ່ກັບແມ່ທີ່ຢູ່ໃນເຮືອນຂອງເຮົານັ້ນເອງ

17. ຜົວບໍ່ສົນໃຈທັມມະເລີຍເຮັດແນວໃດດີ?

• (1) ເຮົາຄວນມີທັມມະໃຫ້ເຂົາເບິ່ງ
• (2) ເຮົາຄວນຢູ່ໃຫ້ເຂົາເຫັນ
• (3) ເຮົາຄວນສະຫງົບເຢັນໃຫ້ເຂົາໄດ້ສຳຜັດ ເພາະ ໜຶ່ງການກະທຳສຳຄັນກ່ວາພັນຄຳເວົ້າ

18. ມີຄົນຂັບລົດຕັດໜ້າ ໃຈຮ້າຍແຮງ ເຮັດແນວໃດດີ?

• (1) ບອກໂຕເອງສະເໝີວ່າ ໃຈຮ້າຍຄືໂງ ໂມໂຫຄືບ້າ ດ່າຄືມານ ທໍຣະມານຄືບາບ
• (2) ປ່ຽນການດ່າເປັນການແຜ່ເມດຕາໃຫ້ເຂົາເຖິງຈຸດໝາຍໂດຍປອດໄພ
• (3) ເຕືອນໂຕເອງໄວ້ວ່າ ຢ່າຂັບລົດຕັດໜ້າຄົນ ເພາະອາດມີອັນຕະລາຍຮອບດ້ານ

19. ຢູ່ໃນກຸ່ມພວກມັກເວົ້າຂວັນຊິຕີໂຕອອກຫ່າງດີບໍ່?

• ທ່ານພຸດທະທາດກ່າວວ່າ ຄົນມັກເວົ້າຂວັນແມ່ນຄົນທີ່ມັກກິນຂອງເນົ່າ ຖ້າເຮົາຮ່ວມກຸ່ມໄປກັບເຂົາ ສະແດງວ່າເຮົາເອງກະມັກກິນຂອງເນົ່າຄືກັນ

20. ເປັນຫຍັງຕ້ອງພົບພໍ້ກັບສິ່ງທີ່ບໍ່ມັກຕະຫຼອດແທ້?

• ຜູ້ຮູ້ບອກວ່າ ສິນລະປິນຢ່າດູມິ່ນສິນລະປະ ກອງຂີ້ເຫຍື້ອເບິ່ງດີໆຍັງມີສິລ. ດັ່ງນັ້ນສິ່ງໃດທີ່ເຈົ້າບໍ່ມັກ ຍ່ອມມີແງ່ມຸມທີ່ເຈົ້າມັກຢ່າງແນ່ນອນ ເບິ່ງຢ່າງລະອຽດຈະເຫັນວ່າ ໃນດີມີເສຍ ໃນເສຍມີດີ

โดย :  ว. วชีรเมธี.

ມີ​​ຊາຍໄວລຸ້ນຄົນໜຶ່ງພ້າວ​ຂື້ນ​ລົດ​ເມ​ກະ​ເລີຍຍ່າງ​ໄປ​ຢຽບຕີນ​ຜູ້​ສາວ​ເຂົ້າ

​ຝ່າຍຊາຍ​ : ຂໍ​ໂທດ​ເດີ​ຄິດ​ວ່າ​ແມ່ນ​ຕີນໝາ....ວ່າ​ຊ້ານ​​ເອົາ​ເຂົ້າ​ໄປ.

ຝ່າຍ​ຍິງ : ບໍ່​ເປັນ​ຫຍັງ​ຂ້ອຍ​ກະ​ຄິດ​ວ່າໝາຢຽບຕີນ....ຝ່າຍ​ຍິງ​ບໍ່​ໄດ້​ນ້ອຍໜ້າສວນ​ຄືນ​ເລີຍ..ຫະຫະ.

​ຂ.ພ.ຈ ນັ່ງ​ຟັງ​ຄິດ​ຢູ່​ໃນ​ໃຈວ່າ ...​ເອີ..ມັນ​ເປັນ​ເລື່ອງ​ຂອງໝາ.....ມີ​ແຕ່​ຂ.ພ.ຈ​ເທົ່າ​ນັ້ນ​ທີ່​ເປັນ​ຄົນ 555+++

ເລື່ອງເກີດຂື້ນທີ່ບຸນຊ່ວງເຮືອທ່າວັດຈັນ.

ຝ່າຍຍິງແປກໃຈທີ່ເຫັນພວກຜູ້ຊາຍຈ້ອງເບີ່ງເພີ່ນເອົາແທ້ເອົາວ່າ ຮູ້ສຶກບໍ່ດີທີ່ມີຄົນເບີ່ງເພີ່ນແນວນັ້ນ ອົດບໍ່ໄດ້ເລີຍຮ້ອງຖາມໄປໃສ່ວ່າ

ຍິງ :  ພວກເຈົ້າສິເບີ່ງຂ້ອຍອິຫຍັງກັງແກ່ແທ້

ຊາຍ :  ຂ້ອຍກະເບີ່ງຄົນງາມນີ້ແຫຼະ

ຍິງ :  ເບີ່ງກະພໍເຊົາລະຫວາ ຂ້ອຍເຫັນເຈົ້າເບີ່ງຂ້ອຍແຕ່ດົນໆພຸ້ນດຽວນີ້ກະຍັງເບີ່ງຢູ່.

ຊາຍ :  ສິໃຫ້ເຊົາເບິ່ງໄດ້ແນວໃດ  ຂ້ອຍຍັງຊອກຫາບ່ອນງາມຂອງເຈົ້າຍັງບໍ່ທັນເຈີເທື່ອ.... ແຮໆໆ.

5555++++ຈົບ

ເລື່ອງເກີດຈາກສອງຍ່າຫຼານ

ຍ່າບອກຫຼານຊາຍ : ໂບ້ມື້ນີ້ກູຄືວ່າຢາກກີນແນວແຊບກັບເຂົ້າ

                        ມຶງໄປຊອກຊື້ອາຫານແຊບໆມາໃຫ້ກູກີນແດ່ໄປ໋

ຫຼານຊາຍ : ແລ້ວເຈົ້າສິກີນຫຍັງຍ່າ?

                ເປັດພະໂລ້ເຈົ້າກະສິກີນຢູ່ຫວາ

ຍ່າ : ແມ່ນຫຍັງເປັດພະໂລ້ ຕັ້ງແຕ່ກູເກີດມາກູຮູ້ແຕ່ເປັດເທດກັບກ໋າບ

        ດຽວນີ້ມີຮອດເປັດພະໂລ້ແລ້ວຫວາ

ຫຼານ : ..?...?....? ອືມ...555+++ຫຼານປາກ​ບໍ່ອອກ​ເລີຍ

ຈົບ....ແຮໆໆ

ເຮົາອາດຈະເຄີຍເຫັນນັກກິລາເຕະບານ ເວລາໄດ້ຮັບບາດເຈັບໃນຊ່ວງການແຂ່ງຂັນ ຍັງສາມາດແຂ່ງຂັນໄດ້ຈົນຈົບເກມ ຫຼືວ່າທະຫານທີ່ໄດ້ຮັບລາດເຈັບໃນສະໝາມຍັງສາມາດຕໍ່ສູ້ໄດ້ອີກ ເຂົາເຈົ້າບໍ່ມີຄວາມເຈັບປວດບໍ ? ຄຳຖາມນີ້ມີຄຳຕອບຈາກນັກວິທະຍາສາດໄດ້ມີການພິສູດແລ້ວວ່າ ເມື່ອມະນຸດປະເຊີນສະຖານະການທີ່ຕຶງຄຽດ ສະໝອງຈະເລັ່ງສານຊະນິດໜຶ່ງອອກມາຢັບຢັ້ງຄວາມເຈັບປວດເອົາໄວ້ ເຮັດໃຫ້ມະນຸດຕໍ່ສູ້ກັບຄວາມເຈັບປວດໄດ້.(ສານຊະນິດນັ້ນຊື່ວ່າແນວໃດນັ້ນອັນນີ້ຂພຈບໍ່ຮູ້ນຳເດີ ແຮ່ໆຮູ້ແຕ່ວ່າແມ່ນສານຊະນິດໜຶ່ງເທົ່ານັ້ນ ອິອິ).

ຂໍ້ມູນສ່ວນໜຶ່ງຂອງວາລະສານມະຫາຊົນ.

ຕະຫຼອດຊີວິດຂອງຄົນເຮົາຕ້ອງມີການກະພິບຕາທຸກໆ 6 ວິນາທີ ແລະ ກ້າມເນື້ອຈະເຄື່ອນໄຫວປະມານ 10.000 ຄັ້ງຕໍ່ວັນ ຖ້າທຽບກັບການເຮັດວຽກຂອງກ້າມເນື້ອຂາແລ້ວ ຈະເທົ່າກັບການແລ່ນໃນໄລຍະທາງ 80 ກມ ຕໍ່ວັນ.

ຂໍ້ມູນສ່ວນໜຶ່ງຂອງວາລະສານມະຫາຊົນ.

ເປັນຫຍັງເວລາເຮົາເຂີນອາຍໜ້າເຮົາຈິ່ງແດງຂື້ນຢ່າງຜິດປົກກະຕິ ໂດຍສະເພາະໃນບໍລິເວນແກ້ມແລະລຳຄໍ ເປັນແບບນີ້ກໍ່ເພາະວ່າໃນຂະນະທີ່ເຮົາເຂີນອາຍນັ້ນ ເຊລປະສາດຈະຖືກກະຕຸ້ນໃຫ້ປ່ອຍສານເຄມີທີ່ມີພະລັງສູງຊື່ວ່າ ເປັບໄຕດ໌ (Peptide)ອອກມາ ເຮັດໃຫ້ບໍລິເວນໜ້າແລະລຳຄໍຕື່ງອອກ ໜ້າຂອງຄົນເຮົາຈິ່ງແດງຂື້ນຜິດປົກກະຕິ.

ຂໍ້ມູນສ່ວນໜຶ່ງຂອງວາລະສານມະຫາຊົນ.

ທ່ານຜູ້ອ່ານເຄີຍສັງເກດບໍ່ວ່າ ເມື່ອມີກີ່ນອາຫານລອຍມາເຂົ້າດັງ ເຮັດໃຫ້ເຮົາຮູ້ສຶກຫິວໄປນຳ ສາເຫດທີ່ເປັນແນວນີ້ກໍ່ເພາະວ່າກີ່ນອາຫານເຫຼົ່ານັ້ນ ເຂົ້າໄປກະຕູ້ນລະບົບການຍ່ອຍອາຫານຂອງຄົນເຮົາ ເຮັດໃຫ້ນ້ຳຍ່ອຍໃນປາກແລະທ້ອງເລີ່ມເຮັດວຽກ ສະນັ້ນຈິ່ງເຮັດໃຫ້ເຮົາຮູ້ສຶກຢາກກີນອາຫານຊະນິດນັ້ນຂື້ນມາທັນທີ.

ຂໍ້ມູນສ່ວນໜຶ່ງຂອງວາລະສານມະຫາຊົນ.

ຄວາມໝາຍຂອງຄຳວ່າ Hello ມີໃຜຍັງບໍ່ທັນຮູ້

H = How are you ?

E = Everything alright ?

L = Like to hear from you ?

L = Love to see you soon !

O = Obviousle, I miss you !

ທ່ານຮູ້ບໍ່ວ່າໃນເວລາເຮົາຕົກໃຈເປັນຫຍັງໜ້າເຮົາຈິ່ງຊີດ ອັນນີ້ເນື່ອງມາຈາກເລືອດຢູ່ບໍລິເວນແກ້ມຈະໄຫຼຢ້ອນກັບໄປຢ່າງໄວວາເພື່ອເຮັດໜ້າທີ່ສຸກເສີນຄື ໃຫ້ສານອາຫານແລະອົກຊີແຊນແກ່ກ້າມຊີ້ນສ່ວນອື່ນໆ ເນື່ອງຈາກວ່າຮ່າງກາຍບໍ່ໄດ້ຕຽມພ້ອມຢູ່ຕະຫຼອດເວລາ ວ່າຈະຕ້ອງປະເຊີນກັບຄວາມຕົກໃຈ ສະນັ້ນເມື່ອເລືອດໄຫຼອອກໄປຈາກແກ້ມຂອງເຮົາຈິ່ງເປັນເຫດເຮັດໃຫ້ເຮົາໜ້າຊີດ.

ທ່ານເຊື່ອຫຼືບໍ່ວ່າໃນຮ່າງກາຍຂອງຄົນເຮົາມີສານປະປົນຢູ່ນຳຢ່າງຫຼວງຫຼາຍເຊັ່ນ : ມີຟອສຟໍຣັດໃນປະມານສາມາດເຮັດໄມ້ຂີດໄຟໄດ້ເຖິງ 2000 ກ້ານ ແລະ ມີໄຂມັນຢູ່ໃນໂຕທີ່ພໍຈະເຮັດສະບູໄດ້ 7 ເຖິງ 8 ກ້ອນ ແລະ ມີທາດເຫຼັກທີ່ພໍຈະເຮັດຕະປູໄດ້ 1 ດອກ.

ທ່ານເຊື່ອຫຼືບໍ່ວ່າໃນຮ່າງກາຍຂອງຄົນເຮົາ ສາມາດຜະລິດກະແສໄຟຟ້າໄດ້ ຄົນເຮົາທຸກຄົນຈະມີພະລັງງານທຽບເທົ່າກັບ ການເປີດດອກໄຟຟ້າຂະໜາດ 120ວັດ. ເພາະຄົນທີ່ກີນອາຫານເຂົ້າໄປປະມານ 2,500ແຄຣໍລີໃນແຕ່ລະວັນ ຈະໃຫ້ພະລັງງານຄວາມຮ້ອນ 140ແຄຣໍລີຕໍ່ຊົ່ວໂມງ ເຊິ່ງທຽບເທົ່າກັບກະແສໄຟຟ້າທີ່ມີພະລັງງານ 120ວັດ.

ເວລາຫິວເຂົ້າແຮງໆເຮົາອາດຈະໄດ້ຍີນສຽງທ້ອງຮ້ອງຄືກັນໝົດທຸກຄົນ ສາເຫດທີ່ທ້ອງຮ້ອງກໍ່ເພາະວ່າ ສະໝອງເຊິ່ງເປັນສ່ວນຄວບຄຸມຄວາມຮູ້ສຶກຫິວຂອງຄົນເຮົາ ຈະຄອຍຈັດລຳດັບ ການທຳງານຂອງກະເພາະອາຫານແລະລຳໄສ້. ຖ້າໃນເລືອດມີສານອາຫານພຽງພໍ ສະໝອງກໍ່ຈະສັ່ງໃຫ້ກະເພາະອາຫານເຮັດວຽກໜ້ອຍລົງ ແຕ່ເມື່ອໃດທີ່ມີສານອາຫານໃນເລືອດໜ້ອຍ ສະໝອງກໍ່ຈະສັ່ງໃຫ້ລະບົບຍ່ອຍອາຫານໃຫ້ເຮັດວຽກໄວຂື້ນ. ດັ່ງນັ້ນຈິ່ງເປັນສາເຫດຂອງທ້ອງຮ້ອງດັງຂື້ນ.

ທ່ານຜູ້ອ່ານຮູ້ບໍ່ວ່າ ຕອນເຮົາອາຍຸຫາກະໄດ້4-5ເດືອນນັ້ນ ເວລາໄຫ້ຈະບໍ່ມີນ້ຳຕາ ເຖິງຈະຮ້ອງໄຫ້ສຽງດັງປານໃດກໍ່ຕາມ ທີ່ເປັນແບບນີ້ກໍ່ເພາະວ່າຕ່ອມນ້ຳຕາຂອງຄົນເຮົາຈະພັດທະນາຂື້ນ  ຫຼັງຈາກທີ່ເກີດມາໄດ້4-5ເດືອນນັ້ນເອງ.

ທ່ານເຊື່ອຫຼືບໍ່ວ່າ ວີນຍານຂອງຄົນເຮົາກະມີນ້ຳໝັກຄືກັນ ນັກວິທະຍາສາດທົດລອງຊັ່ງນ້ຳໜັກຂອງດວງວີນຍານ ໂດຍຊັ່ງນ້ຳໜັກຂອງຄົນໃນຂະນະທີ່ຍັງມີຊີວິດຢູ່ ປຽບທຽບກັບນ້ຳໜັກຫຼັງຈາກການເສຍຊີວິດທັນທີພົບວ່າ ນ້ຳໜັກຫຼຸດລົງ 21 ກະລາມ. ດັ່ງນັ້ນຈິ່ງມີການສະຫຼຸບວ່າ ດວງວີນຍານຂອງຄົນເຮົາ ຄືສິມີນ້ຳໜັກປະມານ 21 ກະລາມ.

ທ່ານເດຄິດວ່າແນວໃດ.

ບັນທຶກຊີວິດຮັກຂອງນັກປະພັນ " ພຸດທະວົງ ນາມສິງ "     ນະວະນິຍາຍເລື່ອງ " ຮັກແທ້ຕ້ອງເຂົ້າໃຈກັນ "

...ເລື່ອງນີ້ເກີດຂື້ນຢູ່ໃນສັງຄົມມະນຸດ ທີ່ໄຝ່ຝັນຫາເງີນທອງ ຈົນລືມຄວາມດີທີ່ຄົນອື່ນມີໃຫ້ ເລື່ອງມີຢູ່ວ່າ :
...ທີ່ບ້ານນອກແຫ່ງໜຶ່ງຂອງປະເທດລາວ ມີເດັກນ້ອຍສາມຄົນແລ່ນຫຼີ້ນຢູ່ຕາມເດີ່ນບ້ານ ບຶດໜຶ່ງກໍ່ໄດ້ມີສຽງຮ້ອງມາແຕ່ໃນເຮືອນ. ນ້ອຍ...ມາຂົນເຄື່ອງຊ່ອຍແມ່ແດ່ ເຮົາສິໄດ້ຍ້າຍໄປຢູ່ວຽງຈັນແລ້ວໄດ໋. ນ້ອຍມະນີວັນ ຄືຍິງສາວທີ່ໜ້າຮັກ ມີຮູບຮ່າງອອນຊອນ ຍີ້ມງ່າຍ ມີສະເນ່ຢູ່ໃນຕົວ. ບໍ່ດົນກໍ່ມີລົດຄັນໜຶ່ງແລ່ນມາຈອດຢູ່ໜ້າບ້ານ ນັ້ນຄືພໍ່ຂອງນ້ອຍເອງ ແລະ ນ້ອຍກໍ່ໄດ້ຈາກຂ້ອຍໄປ. ຂ້ອຍແລະທອງວັນໄດ້ແຕ່ເບີ່ງນ້ອຍ ຂ້ອຍໄດ້ເບີ່ງເຫັນພາບເສົ້າໆຢູ່ໃນແວວຕາຂອງນ້ອຍ ພາບນັ້ນຄືພາບອາດິດແລະຄວາມຊົງຈຳ. ບໍ່ພໍເດືອນທອງວັນ ເຊິ່ງເປັນໝູ່ຮັກໝູ່ແພງຂອງຂ້ອຍນັ້ນ ພັດຈາກຂ້ອຍໄປໂດຍທີ່ຂ້ອຍບໍ່ຮູ້ເລີຍວ່າລາວໄປຢູ່ໃສ.ຈາກມື້ກາຍເປັນເດືອນ ຈາກເດືອນກາຍເປັນປີ ທັງສາມກໍ່ໄດ້ໃຫຍ່ກ້າໜ້າບານເປັນໝູ່ສາວກັນແລ້ວ ກໍ່ໄດ້ວົນວຽນມາພົບເຈີກັນອີກຄັ້ງ ແຕ່ຄັ້ງນີ້ມັນແຕກຕ່າງກັບຄັ້ງກ່ອນຫຼາຍ.
ພຸດທະວົງ ໄດ້ສະໝັກເຂົ້າເປັນທະຫານປ້ອງກັນຊາດ ແລະ ຖືກສົ່ງໄປປະຕິບັດໜ້າທີ່ຢູ່ວຽງຈັນ. ມີມື້ໜຶ່ງຂ້ອຍໄດ້ໄປທ່ຽວບຸນທາດຫຼວງພ້ອມດ້ວຍໝູ່ ພໍແຕ່ຂ້ອຍຍ່າງໄປຢຸດຢູ່ໜ້າຮ້ານແຫ່ງໜຶ່ງ ບັນເອີນມີຍິງສາວຄົນໜຶ່ງ ມາຈັບມືຂ້ອຍແລ້ວເວົ້າວ່າ : ມື້ນີ້ໂຕຄືບໍ່ມັກປາກຫວາ... ໄປ໋ເຮົາໄປຊອກຫາໝູ່ເຮົາເທາະ..! ເຫັນຂ້ອຍບໍ່ປາກບໍ່ຕີງ ຍິງຄົນນັ້ນກໍ່ຫຼຽວຂື້ນເບີ່ງໜ້າຂ້ອຍໂລດ. ອຸ໋ຍ..! ອ້າຍ...ຂໍໂທດເດີຂ້ອຍຫຼົງຄົນ ຂ້ອຍຄິດວ່າແມ່ນໝູ່ຂອງຂ້ອຍຊັ້ນດອກ. ພໍດີບຸນລອດຍ່າງເຂົ້າມາແລະເອີ່ຍຂື້ນວ່າ ພວກເຂົ້າຮູ້ຈັກກັນແລ້ວຫວາ. ໂອ..! ອ້າຍບຸນລອດນີ້ອ້າຍເອງຫວາ ນ້ອງຄິດວ່າແມ່ນໃຜ. ຍິງຄົນນັ້ນເບີ່ງໜ້າຂ້ອຍແລ້ວເວົ້າວ່າ ຜູ້ນີ້ແມ່ນໃຜອ້າຍບຸນລອດ. ອໍ...ນີ້ພຸດທະວົງເປັນໝູ່ຂອງຂ້ອຍເອງ ລາວມາຈາກໄຊຍະບູລີ ນີ້ສົມພອນນ້ອງສາວຂອງເຮົາ ບຸນລອດແນະນຳໃຫ້ຂ້ອຍຮູ້ຈັກ.
ສົມພອນ ນ້ອງໄປຊອກຫາໝູ່ກ່ອນເດີ ພວກອ້າຍໄປນັ່ງຖ້ານ້ອງບຶດດຽວ ແລ້ວສົມພອນກໍ່ຈາກໄປ
ພຸດທະວົງໂຕມີນ້ອງສາວງາມແນວນີ້ຄືບໍ່ແນະນຳໃຫ້ເຮົາຮູ້ຈັກ ຕັ້ງແຕ່ຕອນເຮົາໄປຫາໂຕຢູ່ເຮືອນພຸ້ນ.
ບຸນລອດ ມື້ໂຕໄປຫຼີ້ນນຳເຮົານັ້ນ ນ້ອງເຮົາໄປຫານ້າເຮົາຢູ່ທ່າແຂກພຸ້ນ ນ້ອງເຮົາຫາກໍ່ມາຫວ່າງສອງສາມມື້ນີ້ເອງ ຖາມເຮດຫຍັງ?.ໂຕສົນໃຈນ້ອງເຮົາຫວາ...ພໍດີສົມພອນຍ່າງເຂົ້າມາ ພ້ອມດ້ວຍໝູ່ອີກຄົນໜຶ່ງ ໜ້າຕາຄຸ້ນໆເໝືອນເຄີຍເຫັນທີ່ໃດມາກ່ອນ ຂ້ອຍນຶກຢູ່ໃນໃຈ. ພໍດີສົມພອນເອີ່ຍຂື້ນ ນີ້ຄືນ້ອຍ..ທີ່ມາຈາກໄຊຍະບູລີເໝືອນກັບເຈົ້າ. ມາຈາກໄຊຍະບູລີຫວາ ຂ້ອຍຢ້ຳຄືນຄວາມເກົ່າ ແລ້ວເຈົ້າຢູ່ບ້ານໃດນ້ອຍ. ຂ້ອຍເຄີຍຢູ່ບ້ານຜາປູນມາກ່ອນ (ນ້ອຍຕອບ) ຄອບຄົວຂ້ອຍໄດ້ຍ້າຍມາຢູ່ວຽງຈັນ ຕັ້ງແຕ່ຕອນຂ້ອຍຍັງນ້ອຍພຸ້ນ. ອໍ...! ທີ່ແທ້ກໍ່ໄທບ້ານດຽວກັນ. ຄັນຊັ້ນເຈົ້າຊື່ຫຍັງ? ນ້ອຍຖາມ. ຂ້ອຍຊື່ພຸດທະວົງ. ອ້າຍພຸດທະວົງຫວາ ຂ້ອຍຄິດວ່າແມ່ນໃຜ ທີ່ແທ້ກໍ່ໄທບ້ານດຽວກັນຕັ້ງແຕ່ຕອນເຮົາເປັນເດັກນ້ອຍ. ເອີ..ຊັ້ນອ້າຍທອງວັນບໍ່ມາຫວາ. ທອງວັນ...ເອີ...ຄືວ່າລາວຍ້າຍໄປຈາກໄຊຍະບູລີແລ້ວເດ. ລາວຍ້າຍໄປໃສ? ຂ້ອຍກະບໍ່ຮູ້ຄືກັນວ່າລາວຍ້າຍໄປໃສ ແລ້ວອ້າຍມາເຮັດຫຍັງຢູ່ວຽງພີ້ ຂ້ອຍບໍ່ທັນໄດ້ຕອບຊ້ຳ ພໍດີຄຳເກົ້າວັນນະວິໄລຍ່າງເຂົ້າມາ.
ຄຳເກົ້າວັນນະວິໄລ ອ໋າວ...ໝູ່ ! ເຮົາພັດໄປຊອກຫາພວກໂຕຢູ່ທາດຫຼວງພຸ້ນ. ທີ່ແທ້ກໍ່ມານັ່ງຢູ່ນຳສາວເສີຍ ປ໋ະເຮົາໃຫ້ເຮົາຊອກຫາພວກໂຕຜູ້ດຽວ ພວກໂຕຫາຄວາມສຸກໃສ່ໂຕເອງຢູ່ກັບສອງສາວຈົນລືມເຮົາຊັ້ນຫວາ.
ບຸນລອດ ອະແຮມ..! ໂຕເຂົ້າໃຈຜິດແລ້ວ ນີ້ແມ່ນນ້ອງສາວຂອງເຮົາເອງ
ຄຳເກົ້າວັນນະວິໄລ ເຮົາຂໍໂທດ ເຮົາຄິດວ່າ...! ເອີ...ເຮົາຮູ້ແລ້ວ ບຸນລອດເວົ້າຕັດຄວາມ ເຮັດໃຫ້ຄຳເກົ້າໜ້າແດງ ເພາະຄວາມອາຍ.
ພຸດທະວົງ ບໍ່ເປັນຫຍັງ? ເອົ໋າຍົກຈອກດື່ມ ເພື່ອມິດຕະພາບແລະບໍ່ໃຫ້ເຂີນອາຍ. ເຮັດໃຫ້ຄຳເກົ້າອາຍຫຼາຍກ່ວາເກົ່າອີກ. ນີ້ນັ່ງແປ໋ະເຮົານີ້ແມ່ນນ້ອຍ ແລະ ຢູ່ແປ໋ະບຸນລອດນັ້ນແມ່ນນ້ອງສາວຂອງລາວ. ຂ້ອຍແນະນຳ.
ຄຳເກົ້າວັນນະວິໄລ ຍີນດີທີ່ໄດ້ຮູ້ຈັກ. ເຊັ່ນກັນສອງສາວຕອບ.
ບຸນລອດ ຍ່າງອອກໄປສັ່ງເບຍ ປ່ອຍໃຫ້ຂ້ອຍແລະຄຳເກົ້າໄດ້ມີໂອກາດໃກ້ສິດກັບສອງສາວຫຼາຍຂື້ນ.
ພຸດທະວົງ ນ້ອຍເຈົ້າຢູ່ວຽງພີ້ໃໝ່ໆເປັນແນວໃດ?
ນ້ອຍມະນີວັນ ຕອນມາພີ້ໃໝ່ໆຂ້ອຍບໍ່ຮູ້ສິໄປທາງໃດ ດີແຕ່ໄດ້ຮູ້ຈັກກັບສົມພອນ ລາວເປັນໄທວຽງຈັນ ລາວໄດ້ພາຂ້ອຍໄປທ່ຽວຊົມທຸກບ່ອນ ເຮັດໃຫ້ຂ້ອຍໄດ້ຄຸ້ນເຄີຍກັບວຽງຈັນຫຼາຍຂຶ້ນ. ຂ້ອຍຟັງນ້ອຍເວົ້າມາຮອດນີ້ ຂ້ອຍໄດ້ເຫັນຄຳເກົ້າແລະສົມພອນຊົບຕາກັນຢູ່ ແຕ່ກະພໍດີບຸນລອດເຂົ້າມາ ພ້ອມທັງຢື່ນເບຍໃຫ້ຂ້ອຍ.
ຄຳເກົ້າວັນນະວິໄລ ຖາມສົມພອນ ນ້ອງມີແຟນແລ້ວຫວາ ຖ້າຍັງບໍ່ມີອ້າຍຈະຊອກໃຫ້...ເອົາໜ້າຕາແບບອ້າຍນີ້ບໍ່.?
ພຸດທະວົງ ເຮີຍ..! ພວກໂຕຈີບກັນຢູ່ຕໍ່ໜ້າຕໍ່ຕາ ບໍ່ອາຍເຮົາແດ່ບໍ !
ຄຳເກົ້າວັນນະວິໄລ ເວົ້າກັບສົມພອນ ເຮົາຍ້າຍໄປນັ່ງຢູ່ໂຕະອື່ນຄືສິດີເນາະ ຢູ່ນີ້ມີຄົນອິດສາ ແລ້ວຄຳເກົ້າແລະສົມພອນກໍ່ໄດ້ຍ້າຍໄປນັ່ງຢູ່ໂຕະອື່ນ. ບຶດໜຶ່ງບຸນລອດກໍ່ອອກຈາກໂຕະທີ່ຂ້ອຍນັ່ງຢູ່ນັ້ນໄປຢູ່ຂ້າງນອກພຸ້ນຖ້າ ປ່ອຍໃຫ້ຂ້ອຍແລະນ້ອຍໄດ້ມີໂອກາດເປີດເຜີຍຄາມໃນໃຈຂອງກັນແລະກັນ. ດົນເຕີບບຸນລອດກໍ່ຍ່າງເຂົ້າມາ ແລ້ວກໍ່ຊວນຂ້ອຍແລະຄຳເກົ້າກັບຫໍພັກ.
....ຫຼັງຈາກຄືນນັ້ນມາ ຄຳເກົ້າກໍ່ໄດ້ເປັນຫາສົມພອນເກືອບທຸກວັນ ຈົນເຮັດໃຫ້ທັງສອງສະນິດສະໝົນກັນຫຼາຍຂື້ນ ແລະ ສຸດທ້າຍທັງສອງກໍ່ໄດ້ກາຍເປັນແຟນກັນນັບແຕ່ມື້ນັ້ນມາ. ສ່ວນຂ້ອຍກໍ່ໄດ້ໄປຫຼີ້ນເຮືອນຂອງນ້ອຍ ໂດຍສະເພາະວັນໃດພັກລັດສະການ ຂ້ອຍພາໝູ່ຂອງຂ້ອຍໄປຊ່ອຍວຽກຄອບຄົວຂອງນ້ອຍ ຈົນເຮັດໃຫ້ພໍ່ແມ່ຂອງນ້ອຍເສາະລູກສາວໃສ່ ແລະເອີ້ນຂ້ອຍເປັນລູກເຜີຍໄວ້ກ່ອນໂລດ ໂດຍທີ່ຂ້ອຍກັບນ້ອຍບໍ່ທັນມີຫຍັງກັນເລີຍ.
....ມີມື້ໜຶ່ງຂ້ອຍໄດ້ໄປນັ່ງກີນເບຍຢູ່ຮ້ານອາຫານນ້ອຍແຫ່ງໜຶ່ງ ບັງເອີນມີມືຂອງໃຜຜູ້ໜຶ່ງມາຈັບບ່າຂ້ອຍ ແລ້ວເວົ້າຂື້ນວ່າ : ເຮີຍ..! ໜ້າຕາຂອງໂຕຄຸ້ນໆໂຕມາແຕ່ໃສ? ເຮົາມາແຕ່ໄຊຍະບູລີ ແລ້ວໂຕສີເຮັດຫຍັງ? ມາແຕ່ໄຊຍະບູລີຫວາ ໂຕຮູ້ຈັກພຸດທະວົງບໍ່? ກໍ່ເຮົານີ້ເດພຸດທະວົງ ແລ້ວໂຕແມ່ນໃຜ? ອ໋າວ..ໝູ່ ! ເຮົາແມ່ນທອງວັນ ໂຕຈື່ເຮົາບໍ່ໄດ້ບໍ. ບໍ່ເປັນຫຍັງກີນໂລດມື້ນີ້ເຮົາຈະລ້ຽງໂຕເອງ ເຮົາຫາກໍ່ມາຈາກ U.S.A ມື້ວານນີ້.ແລ້ວໂຕເຈີນ້ອຍແລ້ວຫວາ ທອງວັນຖາມ. ເຮົາເຈີນ້ອຍຕັ້ງແຕ່ຕອນເຮົາມາຢູ່ພີ້ໃໝ່ໆພຸ້ນແລ້ວເຮົາຈະພາໄປ.
...ຫຼັງຈາກມື້ທີ່ຂ້ອຍໄດ້ພາທອງວັນໄປເຮືອນນ້ອຍນັ້ນ ໄດ້ເຮັດໃຫ້ຄວາມຮັກຂອງຂ້ອຍກັບນ້ອຍນັ້ນຝຶດເຄືອງ ແລະ ຈົບລົງຍ້ອນອຳນາດເງີນຕຣາ. ມີເທື່ອໜຶ່ງພໍ່ແມ່ນຂອງນ້ອຍຢາກໃຫ້ນ້ອຍ ແຕ່ງງານກັບທອງວັນທີ່ເປັນຫົວໜ້າບໍລິສັດຢູ່ອາເມລິກາ. ນ້ອຍໄດ້ແຕ່ຮ້ອງໄຫ້ແລະກໍ່ມີມື້ໜຶ່ງນ້ອຍຮ້ອງໄຫ້ມາຫາຂ້ອຍ ຂ້ອຍຕົກໃຈຟ້າວຖາມນ້ອຍ ນ້ອຍເຈົ້າມີເລື່ອງຫຍັງເກີດຂື້ນບໍ. ພໍ່ແມ່ຂອງຂ້ອຍຢາກໃຫ້ຂ້ອຍແຕ່ງງານກັບຄົນທີ່ຂ້ອຍບໍ່ມັກ ພວກເພີ່ນບໍ່ຮູ້ດ໋ອກວ່າລູກຂອງເພີ່ນຈະເຈັບປວດສ່ຳໃດ. ເມື່ອຂ້ອຍໄດ້ຍີນຄຳວ່າ ” ແຕ່ງງານ ” ພໍປານເຂົາຍົກເອົາພູຜາທັງໜ່ວຍ ມາທັບເຕັງເອີກຂອງຂ້ອຍເອົາໂລດ ຂ້ອຍສັບສົນທີ່ສຸດໃນຕອນນີ້ແລະນ້ອຍໄດ້ເວົ້ານຳຂ້ອຍອີກວ່າ : ເຈົ້າພາຂ້ອຍໜີໄປໄດ້ບໍ່ ? ໜີໄປໃສຂ້ອຍຖາມຄືນ.ໄປໃສກໍ່ໄດ້ໄກເທົ່າໃດແຮງດີ ແລ້ວພວກເຮົາໄປຕັ້ງຕົ້ນຊີວິດໃໝ່ດ້ວຍກັນ ຂ້ອຍເຮັດແບບນີ້ບໍ່ໄດ້ດ໋ອກ ຈະໜີໄປໃສກໍ່ໜີບໍ່ມົ້ມກົດໝາຍຢູ່ດີ. ຊັ້ນເຈົ້າເຊົາຮັກຂ້ອຍແລ້ວຫວາ ເຈົ້າລືມຄຳສາບານທີ່ໃຫ້ໄວ້ຕໍ່ກັນຊັ້ນບໍ ຂ້ອຍຜິດຫວັງໃນໂຕຂອງເຈົ້າຫຼາຍ ເສຍທີທີ່ຂ້ອຍຮັກເຈົ້າ ແລະ ໄວ້ໃຈເຈົ້າມາໂດຍຕະຫຼອດ ຂ້ອຍຈະຖືວ່າ ຂ້ອຍຮັກຜິດຄົນ. ນ້ອຍເວົ້າສຸດແລ້ວກະແລ່ນໜີໄປ. ຕອນນີ້ຂ້ອຍບໍ່ຊ່າງເລືອກໄດ້ ຄົນໜຶ່ງຄືແຟນ ອີກຄົນຄືເພື່ອນ ຈະເລືອກໃຜດີ ຖ້າຂ້ອຍເລືອກຄົນໜຶ່ງ ອີກຄົນອາດຈະເສຍໃຈ. ໃນຄືນນັ້ນຂ້ອຍນອນບໍ່ຫຼັບ ເພາະມື້ອື່ນຈະເປັນ ງານໝັ້ນຂອງແຟນ.
....ພໍແຕ່ແສງອາທິດສອດສ່ອງມາ ຂ້ອຍເຫັນນົກຄູ່ໜຶ່ງບີນເວີ່ນຢູ່ເວຫາ ຖ້າຂ້ອຍມີປີກຂ້ອຍຄົງຈະບີນໜີໄປແລ້ວ ແຕ່ກະເປັນພຽງຄວາມຄິດທີ່ໄຮ້ສາລະ. ບໍ່ພໍຄາວ ຂ້ອຍກໍ່ໄດ້ຍີນສົມພອນເອີ້ນ ອ້າຍພຸດທະວົງ ເອົ໋ານີ້ຈ.ໝນ້ອຍ. ຂ້ອຍຮັບເອົາກໍ່ເປີດອ່ານ ເນື້ອໃນຈ.ໝຂຽນໄວ້ວ່າ “ລາກ່ອນອ້າຍ...ຖ້າຫາກມີຊາດໜ້າຂໍໃຫ້ເຮົາໄດ້ພົບກັນໃໝ່ ແລະ ຂໍຢ່າໄດ້ມີເວນກຳເໝືອນດັ່ງຊາດນີ້ເລີຍ ຊາດນີ້ເຮົາຮັກກັນບໍ່ໄດ້ ເອົາໄວ້ຊາດໜ້າຈິ່ງຮັກກັນໃໝ່ ສຳຫຼັບຊາດນີ້...ລາກ່ອນ...ໂຊກດີ...ຂໍໂທດດ້ວຍ...”. ຂ້ອຍອ່ານຈ.ໝຈົບແລ້ວເໝືອນກັບຄົນທີ່ບໍ່ມີວີນຍານ ຮ່າງກາຍອ່ອນເພຍ ຂ້ອຍບໍ່ຮູ້ວ່າຄວາມເຂັ້ມແຂງທາງກາຍແລະໃຈຂອງຂ້ອຍນັ້ນມັນຫາຍໄປໃສໝົດ ຖ້າຂ້ອຍຢ້ອນຄືນເວລາໄດ້ ຂ້ອຍຄົງຈະຢ້ອນຄືນໄປວັນເກົ່າ ວັນທີ່ບໍ່ມີເຂົາ ວັນທີ່ເຮົາໄດ້ເດີນຄຽງຂ້າງກັນ ແຕ່ແລ້ວມັນກະເປັນຄວາມເພີ້ຝັນລົມໆແລ້ງໆ ຂ້ອຍເຮັດບໍ່ໄດ້ດອກ ຂ້ອຍຕັດສີນໃຈສູ້ກັບອຸປະສັກ ແຕ່ບໍ່ມີແຮງຈະສູ້ແລະຕ້ານທານກັບມັນໄດ້. ສຸດທ້າຍ...ຂ້ອຍຕັດສີນໃຈໜີຈາກທີ່ນັ້ນ ໂດຍທີ່ບໍ່ມີຄົນໃດຮູ້ເລີຍ ວ່າຂ້ອຍໄປຢູໃສ ແຫ່ງຫົນໃດ...(ແຕ່ຜູ້ຂຽນຮູ້ວ່າໜີໄປຢູ່ຫຼວງພະບາງ ຮ່າໆໆ ມີແຕ່ໝັ້ນກັນຊື່ໆຖືວ່າຍັງບໍ່ທັນຈົບ ຍັງມີຕອນຕໍ່ໄປອີກ ວ່າທັງສອງຄົນລະຫວ່າງນ້ອຍກັບພຸດທະວົງຈະສົມຫວັງກັນຫຼືບໍ່ ຕິດຕາມອ່ານຕອນຕໍ່ໄປ ຮາໆ).

ໝາຍເຫດ : ອັນນີ້ຕ້ອງຂໍໂທດນຳທ່ານຜູ້ອ່ານເດີ ທີ່ ຂ.ພ.ຈ ໂພດລົງສອງເທື່ອ. ອັນທີ່ຢູ່ເວບບອດນັ້ນແມ່ນເປັນຄຳຖາມ. ແຕ່ອັນທີ່ຢູ່ໃນໄດຣນີ້ເປັນສະເພາະແຕ່ໃຫ້ອ່ານເພື່ອຄວາມເພີດເພີນເທົ່ານັ້ນ ຫຼື ທ່ານສິສະແດງຄວາມຄິດເຫັນນຳນະວະນິຍາຍຂອງ ຂ.ພ.ຈ ກະໄດ້ເດີຍີນດີ ມີຫຍັງຍັງບໍ່ຄັກບໍ່ແນ່ແລະເປັນຕາປັບປຸງບ່ອນໃດ  ກ.ລ.ນ ບອກ ຂ.ພ.ຈ ນຳແດ່ ເພື່ອວ່າ ຂ.ພ.ຈ ຈະໄດ້ນຳເອົາບົດຮຽນທີ່ຖອດຖອນໄດ້ ໄປນຳໃຊ້ເຂົ້າໃນການແຕ່ງນະວະນິຍາຍຂອງ ຂ.ພ.ຈ ໃນຄັ້ງຕໍ່ໄປ ...ຂໍຂອບໃຈ...

    ມີພະຍາເມືອງໜຶ່ງ ຊື່ຂອງເພີ່ນແມ່ນ ນາມສິງນີ້ລະຖ້າຈື່ບໍ່ຜິດ ໄດ້ປ່າວເອີ້ນໄຜ່ຟ້າລາຊະດອນ ທັງຍີງແລະຊາຍມາລວມກັນທີ່ເດີ່ນພະລາດສະວັງຫຼວງ ເພື່ອຈະພິສູດຄຳວ່າ" ຄວາມຮັກເຮັດໃຫ້ຄົນຕາບອດແທ້ບໍ່? " . ວິທີພິສູດຂອງເພີ່ນກະແມ່ນເພີ່ນໄດ້ໃຫ້ທະຫານຂຸດຂຸມ ແລ້ວເອົາໄມ້ໄຜ່ລຳໜຶ່ງຢາວປະມານ10 mມາວາງໄວ້ເຄີ່ງກາງຂຸມ ແລ້ວບອກໃຫ້ລາຊະດອນຂອງເພີ່ນໄຕ່ ແຕ່ຍ້ອນຄຳວ່າຄວາມຮັກເຮັດໃຫ້ຄົນຕາບອດນີ້ລະ ຈິ່ງເຮັດໃຫ້ຄົນສ່ວນຫຼາຍບໍ່ກ້າມືນຕາ ຍ້ອນເກງກົວຕໍ່ອຳນາດຂອງເພີ່ນ ດັ່ງນັ້ນຈິ່ງເຮັດໃຫ້ຄົນສ່ວນຫຼາຍຕົກລົງຂຸມນັ້ນເກືອບໝົດ ຈົນຍັງເຫຼືອແຕ່ຜູ້ສຸດທ້າຍ ພະຍາກໍ່ບອກໃຫ້ຜູ້ສຸດທ້າຍນັ້ນໄຕ່ ຜູ້ສຸດທ້າຍລາວກະໄຕ່ໄປທັງຢ້ານຕົກຂຸມລາວກະແອບລັກມືນຕາເບີ່ງ ແລ້ວກໍ່ໄຕ່ໄປຈົນສຸດໄມ້ ເມື່ອພະຍາເຫັນດັ່ງນັ້ນກໍ່ແປກໃຈແລະຖາມວ່າ ເປັນຫຍັງທ່ານຈິ່ງໄຕ່ໄປຈົນສຸດໄດ້ຍ້ອນຫຍັງ? ຍ້ອນວ່າຂະນ້ອຍແອບມືນຕາເບີ່ງຂະນ້ອຍ.  ພະຍາເລີຍອຸທານອອກມາວ່າ" ໂອເປັນແນວນີ້ເອງ "  ຮາໆຈົບມ່ວນບໍ່? ອິອິອິ

   ນິທານເລື່ອງນີ້ສອນໃຫ້ເຮົາຮູ້ວ່າ ຖ້າຄິດຈະຮັກໃຜຈັກຄົນເຮົາກໍ່ຄວນມືນຫູມືນຕາ ພິຈາລະນາເບີ່ງແດ່ ຖ້າບໍ່ມີການມືນຫູມືນຕາເບີ່ງ ມັນກະຕົກຂຸມຄືຄົນສ່ວນຫຼາຍຕົກຫັ້ນລະທ່ານເອີຍ..! ມີເທົ່ານີ້ແຫຼະ ຄວາມໝາຍຂອງຄຳວ່າຄວາມຮັກເຮັດໃຫ້ຄົນຕາບອດ ແລ້ວທ່ານເດຄິດແນວໃດກັບເລື່ອງນີ້ .

   ອາຈານສອນກິລາຊາວຍີ່ປຸ່ນໄວສະລາຄົນໜຶ່ງ ຊວນລູກສິດໝຸ່ມຊາວອາເມລິກາ ທີ່ຍ່າງຕາມຫຼັງໄປຕາມຫາດຊາຍຕອນແລງໆ ຊ່ວງໜຶ່ງຂອງການສົນທະນາ ອາຈານໃຊ້ໄມ້ຄ້ອນເທົ້າຂີດເສັ້ນສອງເສັ້ນຂະໜານກັນ ລົງໃນພື້ນທີ່ໆມີຊາຍຂາວລະອຽດ ເສັ້ນໜຶ່ງຍາວປະມານ 3ຟຸດ ອີກເສັ້ນໜຶ່ງຍາວປະມານ 5ຟຸດ. 

ຄົນເຮົາຢູ່ຮ່ວມໂລກ                                                 ກ້ວາງໃຫຍ່ໄພສານ

ການດຳລົງຊີວິດ                                                      ແຕກຕ່າງກັນໄປເລີ້ອຍ

ບາງຄົນລວຍຫຼາຍລົ້ນ                                              ບາງຄົນຈົນເຫຼືອທີ່

ທຸກບໍ່ມີບ່ອນເວົ້າ                                                      ເຂົານັ້ນກໍ່ແມ່ນຄົນ

ເຖີງຈະຈົນເຄື່ອງໃຊ້                                                   ວັດຖຸຄ່າເງີນຄຳ

ແຕ່ນ້ຳໃຈຄົນຈົນ                                                        ຜ່ອງໃສຄືແກ້ວ

ແສງແວວວາວໃສເຫຼືອມ                                          ບໍລິສຸດທຸກຢ່າງ

ນາງຄົນງາມຢ່າໝີ່ນເວົ້າ                                            ວ່າຄົນໄຮ້ສີ້ນຄ່າຄົນ

ຕົ້ນໄມ້ລົ້ນຂ້າມໄດ້                                                     ແຕ່ຄົນຢືນຢ່າມາຢ່ຳ

ຢ່າລວນລາມຫົວໃຈ                                                   ກຽດຊັງເປັນຄົນໄຮ້

ຫົວໃຈຍັງບໍ່ຢຸດເຕັ້ນ                                                   ລົມຫາຍໃຈຍັງມີຢູ່

ເລືອດເນື້ອມີເຊັ່ນເຈົ້າ                                                  ຂໍເຊົາເວົ້າຢ່າກ່າວເລີຍ

ຄົນຈົນທຸກຄົນນັ້ນ                                                      ໃຫ້ຄິດວ່າເປັນຄົນ

ມີຊີວິດສັງຂານ                                                           ຮ່າງກາຍຄືເຈົ້າ

ເຂົາກໍ່ກີນທັງເຂົ້າ                                                        ຢ່າກ່າວກາຍດູໝີ່ນ

ຄຳນີນທາຈາກເຈົ້າ                                                      ຂໍເຊົາເວົ້າຢ່າກ່າວເລີຍ

ທັງຄົນມີຫຼືທຸກນັ້ນ                                                       ສິດທິເທົ່າທຽມກັນ

ຢ່າແບ່ງປັນສັກສີ                                                         ຍົດຖາຊົນຊັ້ນ

ຄົນຄືກັນຢ່າຮ່າມເວົ້າ                                                    ດູຖູກກັນຢຽດຢ່ຳ

ເຖິງຕົວດຳໜ້າກ່ຳຮ້າຍ                                                  ເໜືອ - ໃຕ້ກໍ່ແມ່ນຄົນ

ເຖິງບໍ່ມີທຸກຢ່າງພ້ອມ                                                    ສູ້ຢູ່ບໍ່ເຄີຍຖອຍ

ບໍ່ລໍຄອຍເດືອນດາວ                                                     ກ່າວສູງພຽງຟ້າ

ຄົນຈົນບໍ່ເຄີຍເວົ້າ                                                          ໃຫ້ສັງຄົມຂົມຂື່ນ

ມີຫົວໃຈໃຫຍ່ກວ້າງ                                                       ໃສເຫຼື້ອດັ່ງຄຳ.

ຮັກເຮົາຂາດສະບັ້ນ                                                 ເພາະຊາຍອື່ນເຂົາມາແຊງ

ຍ້ອນເຂົາເປັນຄົນມີ                                                   ນ້ອງຈິ່ງໄລລືມອ້າຍ

ຄົນທີ່ໝາຍປອງໄວ້                                                   ຕ້ອງນ້ຳຕາເຊັດເຂົ່າ

ເພາະເຈົ້າບໍ່ຮັກແທ້                                                    ແປປີ້ນປ່ຽນແປງ   

ຄົນຜິດຫວັງຕ້ອງນັ່ງເສົ້າ                                            ນ້ຳຕາຫຼັ່ງໄຫຼລີນ

ເພາະຖືກຄົນຫຼາຍໃຈ                                                  ຫຼອກລວງໃຫ້ເຈັບຊ້ຳ

ສ້າງບາດແຜໃຫ້ເປັນແປ້ວ                                         ກາງຫົວໃຈໃຫ້ເປັນດ່າງ

ແລ້ວປ່ອຍປະໃຫ້ຊ້ຳ                                                  ຈົນອ້າຍຫຼັ່ງນ້ຳຕາ

ຖ້າຫາກມີຊາດໜ້າ                                                      ຂໍຢ່າໄດ້ພົບເຫັນ

ກັບຜູ້ຍິງມາຍາ                                                            ຫຼວກລວງແປປີ້ນ

ຂໍຮັກຍິງທີ່ຮັກໝັ້ນ                                                       ຈິດໃຈງາມຂາວຜ່ອງ

ຄົນໜ້າພຣະໃຈມານຄືຈັ່ງນ້ອງ                                      ຂໍຢ່າໄດ້ພົບເຫັນ

ອ້າຍຂໍອວຍພອນໃຫ້ເຈົ້າ                                              ສຸກສົມຫວັງກັບແຟນໃໝ່

ໃຫ້ຮັກກັນຍືນຍາວ                                                        ຊົ່ວນິຣັນຢ່າມີຮ້າງ

ຄົນທີ່ເຄີຍເຈັບຊ້ຳ                                                           ໃຫ້ລືມສາຢ່າໄດ້ຫ່ວງ

ເພາະຖືກລວງຫຼອກແລ້ວ                                                ຕາຍໜ້າຊ່າງມັນ.