ຮັກເຮົາຂາດສະບັ້ນ                                                 ເພາະຊາຍອື່ນເຂົາມາແຊງ

ຍ້ອນເຂົາເປັນຄົນມີ                                                   ນ້ອງຈິ່ງໄລລືມອ້າຍ

ຄົນທີ່ໝາຍປອງໄວ້                                                   ຕ້ອງນ້ຳຕາເຊັດເຂົ່າ

ເພາະເຈົ້າບໍ່ຮັກແທ້                                                    ແປປີ້ນປ່ຽນແປງ   

ຄົນຜິດຫວັງຕ້ອງນັ່ງເສົ້າ                                            ນ້ຳຕາຫຼັ່ງໄຫຼລີນ

ເພາະຖືກຄົນຫຼາຍໃຈ                                                  ຫຼອກລວງໃຫ້ເຈັບຊ້ຳ

ສ້າງບາດແຜໃຫ້ເປັນແປ້ວ                                         ກາງຫົວໃຈໃຫ້ເປັນດ່າງ

ແລ້ວປ່ອຍປະໃຫ້ຊ້ຳ                                                  ຈົນອ້າຍຫຼັ່ງນ້ຳຕາ

ຖ້າຫາກມີຊາດໜ້າ                                                      ຂໍຢ່າໄດ້ພົບເຫັນ

ກັບຜູ້ຍິງມາຍາ                                                            ຫຼວກລວງແປປີ້ນ

ຂໍຮັກຍິງທີ່ຮັກໝັ້ນ                                                       ຈິດໃຈງາມຂາວຜ່ອງ

ຄົນໜ້າພຣະໃຈມານຄືຈັ່ງນ້ອງ                                      ຂໍຢ່າໄດ້ພົບເຫັນ

ອ້າຍຂໍອວຍພອນໃຫ້ເຈົ້າ                                              ສຸກສົມຫວັງກັບແຟນໃໝ່

ໃຫ້ຮັກກັນຍືນຍາວ                                                        ຊົ່ວນິຣັນຢ່າມີຮ້າງ

ຄົນທີ່ເຄີຍເຈັບຊ້ຳ                                                           ໃຫ້ລືມສາຢ່າໄດ້ຫ່ວງ

ເພາະຖືກລວງຫຼອກແລ້ວ                                                ຕາຍໜ້າຊ່າງມັນ.