Facebook

ໃຊ້ເວລາບໍ່ໜ້ອຍ                      ເພື່ອ Enjoy ທັງວັນ

ວຽກງານການບໍ່ຫວັ່ນ                ຫຼີ້ນໃຫ້ມັນຄາຍເສົ້າ

ເອົາເລື່ອງເກົ່າມາເວົ້າ            ເພື່ອຂໍ Share ຂໍ Like

ຫຼາຍປານໃດບໍ່ວ່າ                      ປານກັບວ່າມີແຮງ

ທັງຕັດຕໍ່ແຕ່ງພາບ                      Image  Video

ທັງໂຊ ແບ໊ວ ຂອງດີ                    ວ່າມີດີກວ່າເພີ່ນ

ນຸ່ງກະເທີນສັ້ນໆ                  ບ່ອນສຳຄັນໂຊສຽວ

ທັງກ້ຽວຄໍກອດເພື່ອນ        ຊວນເພື່ອນມາໂຊແຈມ

ກ່ອນຈະກິນກັບແກ້ມ         ຕ້ອງ Up ຮູບໂຊອວດ

ຈັບກວດເບຍຍົກນຳ          ພ້ອມທັງຍົກຈອກເຫຼົ້າ

ບາງຄົນເມົາໝົດທ່າ               ກໍ່ເອົາມາ Up ຂື້ນ

ໃຫ້ຜູ້ອື່ນຮັບຮູ້                        ວ່າຈຸເພີ່ນເມົາໆ

ບາງຄົນ,   up ຮູບແຟນຂື້ນ   ພ້ອມທັງຈູບໂຊຫວານ

ໂຊຮູບແຫວນແຕ່ງງານ              ຢ້ານຄົນອື່ນບໍ່ຮູ້

ບາງຄົນເຫງົາຂາດຄູ່           Add ຫາໝູ່ມາກ່າວ
ບາງຄົນຂາວປານແປ້ງ   ກໍ່ຍັງແກ້ງວ່າດຳ   ທ່ານເອີຍ

ໂດຍ:  ອາໄຊ

ຕາຍຄັກໆ

ສຽງMobileດັງຂື້ນ                               ມືຍື່ນກົດຮັບ

ກັບທັກທາຍHello                                 ໂທມາແຕ່ໃສນີ້

ມີສຽງຍິງຈາຕ້ານ                                    ຄຳຫວານຈ້ອຍໆ

ອອຍໃຫ້ໃຈຊົດຊື່ນ                                   ຕື່ນຈາກເສົ້າເຫງົານອນ

ຄຳອ່ອນໆນາງເວົ້າ                                   ຊ່າງເອົາໃຈມ່ວນຫູ

ຂໍເບີນຳໝູ່ມາ                                           ຢາກໂທຫາດົນແລ້ວ

ແນວວ່ານ້ອງເຫັນອ້າຍ                               ເລີຍຖືກໃຈແຕ່ແຣກ

ຢ່າແປກໃຈເດີພີ່                                         ແມ່ນໃຜນີ້ໂທມາ

ຄຳວາຈາຫວານຄ່ອຍ                                  ນ້ຳອ້ອຍເຄືອບນ້ຳຕານ

ນາງຍັງຈາຂານຕໍ່                                        ວ່າຂໍຖາມຕົວພີ່

ມີແຟນແລ້ວບໍອ້າຍ                                      ທັງກາຍໃຈໂສດບໍ່

ຂໍເປັນແຟນກັບອ້າຍ                                     ຊາຍພີ່ວ່າຈັ່ງໃດ

ໄດ້ຍິນສຽງສາວເຈົ້າ                                      ຊ່າງເອົາໃຈມ່ວນຫູ

ຮູ້ບໍ່ທັນຄາດຄິດ                                           ເລີຍເອີ່ຍໄປຕໍ່ເຈົ້າ

ເຂົາບໍ່ມີແຟນເທື່ອ                                          ທັງເນື້ອກາຍໃສຜ່ອງ

ຢາກໄດ້ນ້ອງແນບຂ້າງ                                   ເດີນທາງຮ່ວມຄົງດີ

ນາງຍັງມີຄຳເວົ້າ                                           ວ່າຮັກເຈົ້າມາດົນ

ບໍ່ເຄີຍຮັກໃຜເໝືອນ                                       ແຕ່ອີ່ນາງບໍ່ກ້າເວົ້າ

ອ້າຍກໍຄິດຄືເຈົ້າ                                          ຈິງໃຈບໍ່ກ້າບອກ

ຢາກບອກນາງດົນແລ້ວ                                ແນວວ່າອ້າຍເຂີນອາຍ

ຈ່າຍຄຳຫວານຄຳຍ້ອງ                                 ທັງສອງກ້ຳສອງຝ່າຍ

ລົມໄປຫຼາຍນາທີ                                         ເລີ່ມມີສຽງຄຸ້ນໆ

ລົມບໍ່ທັນສຸດທ່ອນ                                        ບັງອອນນ້ອງເລີ່ມດ່າ

ນ້ອງນີ້ໜາແຟນອ້າຍ                                      ຈັ່ງໃດອ້າຍຈື່ຫຼືຍັງ

ເພພັງຈົບໝົດສີ້ນ                                            ຍິນແລ້ວເມື່ອຍໃຈ

ຊິແກ້ຕົວແນວໃດດີ                                           ບໍ່ມີຄຳເວົ້າຕໍ່

ໃຈຫົດຫໍ່ຫ່ຽວແຫ້ງ                                          ແນວໃດບໍ່ຮູ້ຈັກ

ຕາຍຄັກໆມື້ນີ້                                                ແຟນຂ້ອຍໂທມາ

ລອງໃຈ 

ຍົກຈອກ

            ນັດກັນມານັ່ງຮ້ານ      ລົມເລື່ອງສົນທະນາ

ເລີ່ມແຣກກິນປີ້ງໝາ              ຫາເລື່ອງມາກ່າວຍ້ອງ

ເຫຼົ້າບອງຢາມາເຍັ້ນ              ເວົ້າປະເດັນມັນຈິ່ງຄອງ

ທັງຂອງດອງຂອງແກ້ມ             ແຖມແມ່ຄ້າກໍໃຈດີ.

          ຕອນນີ້ໝົດເຄິ່ງແກ້ວ    ໜ້າເລີ່ມແດງ ມຶນຫູ

ຄິດຮອດໝູ່ຫຼາຍຄົນ              ຜູ້ບໍ່ເຫັນດົນ ຜູ້ຢູ່ໃກ້

ຮ້ອງໃຫ້ມາພໍ້ໜ້າ                    ສັ່ງເບຍມາອັດເພີ່ມ

ເຕີມທັງເບຍແລະເຫຼົ້າ      ຟັງສຽງເວົ້າປານງານດອງ

       ລັງທີສອງເລີ່ມແລ້ວ     ເອົາໝົດແກ້ວຕຳກັນ

ດື່ມໃຫ້ມັນເມົາໆ                     ພິເສດເຮົາຂ້ອຍເຈົ້າ

ໝົດແລ້ວເອົາມາເພີ່ມ               ອັນໃດໝົດເຕີມໃສ່

ເວົ້າເລື່ອງໃຈໂລດເຈົ້າ              ຖ້ອຍຈາເວົ້າໂຄດກິນໃຈ

      ໝົດຫຼາຍລັງຫຼາຍແກ້ວ     ເດິກດື່ນຂ້ອນຄືນ

ທັງມຶນໆເມົາໆ                              ມືນຕາຊິບໍ່ຂື້ນ

ບາງຄົນຕື່ນບໍ່ໄດ້                ເພາະດື່ມໄປຫຼາຍຈອກ

ບາງຄົນອອກກັບທີ່              ບາງຄົນນີ້ຍັງນັ່ງເສີຍ.

       ໄດ້ເວາລາຍັບຍ້າຍ            ກັບຕ່າວຄືນເຮືອນ

ຜູ້ໃດເມົາກັບນຳເພື່ອນ        ເຊເມືອເຮືອນໃຫ້ມັນຮອດ

ທັງກອດຄໍກອດຂ້າງ             ໄປຕາມທາງປານງູໄຕ່

ຈົດເຊັນໄວ້ແມ່ຄ້າ                    ມື້ໜ້າຈະມາເຊັກບິນ.

ໂດຍ : ອາໄຊ.