ເຄີຍຄິດທີ່ວ່າຢາກມີຄວາມຮັກ ຢາກມີແຟນບໍ່ ແລະ ເຮົາກໍ່ເປີດໂອກາດໃຫ້ໂຕເອງຕະຫຼອດ ຄິດຢາກມີຄວາມຮັກແບບທີ່ໂຣແມນຕິກ ເຫັນໃຜຮັກເປັນຄູ່ກັນໄປ ກໍ່ແອບອິດສາ ຍີ້ມທຸກຄັ້ງທີ່ເຫັນເຂົາມີຄວາມຮັກ, ແຕ່ພໍຮອດທີ່ເຮົາມີ ພັດບໍ່ມີຫຍັງທີ່ເຮົາຄິດໄ ວ້ເລີຍ   ບໍ່ຮູ້ດ້ວຍຊຳ້ວ່າຕົກລົງຄວາມສຳພັນນີ້ແມ່ນຫຍັງ ຕົກລົງເປັນແຟນກັນຕອນໃດ ແລະພວກເຮົາຮັກກັນຫຼືບໍ່ ເບິ່ງຈັງໜື່ງ ກະຄືຮັກກັນ ເບິ່ງຈັງໜື່ງກະຄືບໍ່ໄດ້ຮັກກັນ  , ຂະໜາດຢູ່ໄກກັນ ລົມກັນກໍ່ຍັງຜິດກັນ ຖຽງກັນຢູ່ທຸກມື້ ຖ້າຢູ່ໄກ້ກັນຊິບໍ່ຕີກັນ ຕາຍບໍ່ ຫຼືຍ້ອນຄວາມທີ່ວ່າຢູ່ໄກກັນ ແລະເຮົາຍາກໃຫ້ເຂົາມາຢູ່ໄກ້ໆຈື່ງມີເລື່ອງ ຜິດກັນຫວາ  ຈື່ງຫາເລື່ອງຜິດກັນ ທີ່ຈະຂື້ນຕົ້ນດ້ວຍຄຳຖາມຂອງເຮົາ ແລະຄຳຕອບຂອງລາວທີ່ເຮັດໃຫ້ເຮົາບໍ່ແນ່ໃຈ ແລະ ບໍ່ຮູ້ວ່າລາວຕັ້ງຊື່ຫຼືແກ້ງ ຄືຄົນບໍ່ມີ ປະສົບການດ້ານຄວາມຮັກມາກ່ອນເລີຍ ທັ້ງໆທີ່ເຄີຍມີຢູ່ ອາຍຸກະບໍ່ແມ່ນໜ້ອຍ  ຢາກເຈິທຸກມື້ ຢາກລົມກັນທຸກມື້ ແລະສຸດທ້ານ ກະອາລົມເສຍ ຢາກຮ້າຍທຸກມື້ທີ່ລົມກັນຈົນບໍ່ຢາກເຫັນໜ້າ ແຕ່ອອນສະກາຍມື້ໃດກໍ່ຕັ້ງໃຈຕັ້ງຕາລໍຄອຍວ່າເຂົາຈະ ອອນຕອນໃດ ພໍບໍ່ເຫັນກໍ່ຮູ້ສຶກນ້ອຍໃຈ . ເວລາທີ່ຜິດກັນມີເລື່ອງທີ່ຂ້ອຍເສຍໃຈ ແຕ່ລາວບໍ່ເຂົ້າໃຈ ລາວກໍ່ຈະຖາມວ່າແລ້ວຂ້ອຍຄວນຈະເຮັດແບບ ໃດບອກຂ້ອຍແນ່ມັນກໍ່ເຮັດໃຫ້ເຮົາຮູ້ສຶກວ່າຢ່າງໜ້ອຍເຂົາກໍ່ຍັງຢາກເຮັດຫຍັງເພື່ອເຮົາຢູ່.  ແຕ່ມັນກໍ່ຍັງມີຫຼາຍຢ່າງທີ່ເຮັດ ໃຫ້ຂ້ອຍຍັງບໍ່ທັນແນ່ໃຈວ່າ ລາວຮັກຂ້ອຍຫຼືບໍ່ , ໃຜທີ່ໄດ້ອ່ານເລື່ອງນີ້່ຊ່ວຍແນະນຳຂ້ອຍແນ່ວ່າຂ້ອຍຄວນຈະເຮັດແນວໃດ ໃຫ້ຖາມກົງໆຄືຈະເປັນໄປບໍ່ໄດ້ ເພາະບໍ່ກ້າຂະໜາດນັ້ນ

ກ່ອນທີ່ຈະໄດ້ພົບກັນ ຂ້ອຍກໍ່ກັງວົນຫຼາຍໆຢ່າງ ຄິດໄປຕ່າງໆນາໆ  ຂະໜາດຮອດເວລາໄປຮັບຢູ່ສະໜາມບິນຍັງຕື່ນເຕັ້ນ ຈົນໂຕສັ່ນ ກຽມຄຳເວົ້າຄຳທັກທາຍ ໄວ້ໝົດວ່າຈະເວົ້າຫຍັງແນ່ ແຕ່ຂໍ້ມູນຖ້ຽວບິນຜິດພາດ ພໍຂ້ອຍໄປແຕ່ງໂຕຢູ່ຫ້ອງນ້ຳ ອອກມາກໍ່ເຈິ ເຈົ້າພໍດີເຖິງຈະຕົກໃຈແລະຕື່ນເຕັ້ນຂ້ອຍກໍ່ເອີ່ຍຊື່ເຈົ້າອອກໄປ ເຈົ້າກໍ່ເອີ່ຍຊື່ຂ້ອຍກັບມາ, ຄວາມທີ່ວ່າຂ້ອຍອາຍແຮງ ຈົນກາຍເປັນບໍ່ເວົ້າເລີຍຕະຫຼອດທາງ ທີ່ພາເຈົ້າແລະຄອບຄົວມາໂຮງແຮມ  ຄຳເວົ້າທຸກຢ່າງທີ່ຈະຖາມໄຖ່ທຸກສຸກ ສະແດງການຕ້ອນຮັບ ສູ່ປະເທດລາວຄັ້ງທຳອິດກໍ່ລືມໝົດ ຂ້ອຍເວົ້າພຽງແຕ່ໜ້ອຍດຽວ ຈົນຄິດຢາກຮ້າຍໂຕເອງ, ຮອດໂຮງແຮມແລ້ວກໍ່ພາກັນໄປກິນເຂົ້າ ຂ້ອຍກໍ່ຮູ້ສຶກຢູ່ວ່າເຈົ້າ ກໍ່ພະຍາຍາມຈະເວົ້ານຳຂ້ອຍຢູ່ ແຕ່ເຈົາກະຕ້ອງເອົາໃຈໃສ່ພໍ່ແມ່ຂອງເຈົ້ານຳ ສະຫຼຸບຕະຫຼອດເວລາ 5ມື້ທີ່ພໍ່ແມ່ເຈົ້າຢູ່ນຳ ເຮົາແທບຈະບໍ່ໄດ້ເວົ້າລົມກັນເລີຍ ຂ້ອຍກະໜ້ອຍໃຈຢູ່ ແຕ່ກະບໍ່ເຖິງຂະໜາດວ່າ ບໍ່ເວົ້ານຳກັນ ເລີຍດອກ ແຄ່ບໍ່ໄດ້ລົມເລື່ອງສ່ວນຕົວເພາະພໍ່ແມ່ຢູ່ນຳຕະຫຼອດເວລາ ແລະ ໂຕຂ້ອຍເອງກໍ່ອາຍເກີນໄປ, ຕອນຂີ່ລົດກັບຈາກກນເຂົ້າ ລ່ອງເຮືອແພ ຂ້ອຍໄດ້ຖາມກ່ຽວກັບສ່ງທີ່ເຈົ້າສົນໃຈ ວ່າແມ່ນຫຍັງ ເພາະເຈົ້າບໍ່ສົນໃຈແຫຼ່ງທ່ອງທ່ຽວ ບໍ່ສົນໃຈທີ່ຈະໄປທ່ຽວເລີຍ ເຈົາກະບອກຂ້ອຍວ່າເຈົາມັກແຕ່ ດື່ມເບຍ, ລົງສະລອຍນ້ຳ ແລະກະນອນ ອໍ້ຍັງມີອີກ ລະກະເຈົ້າທີ່ຂ້ອຍມັກ ເຈົhາເຂົ້າໃຈຂ້ອຍເວົ້າພໍ ນີ້ເປັນຄັ້ງທຳອິດທີ່ລາວເວົ້າແບບນີ້ກັບຂ້ອຍ ,. ມີຄັ້ງໜື່ງທີ່ໄປຢ່າງຫຼີ້ນ ຢູ່ແຄມຂອງນຳກັນ ຂ້ອຍຖາມເຈົ້າວ່າ ຂ້ອຍຄືກັບ ຢູ່ໃນສະກາຍເວລາ ລົມກັນບໍ່  ເຈົ້າກໍ່ບອກວ່າຄືກັນ ຍີ້ມຫົວຕະຫຼອດເວລາ ແລະນ້ຳສຽງ ຫວານໃສຕະຫຼອດ  ແຕ່ໂຕຈິງແລ້ວໜ້າຮັກ ກວ່າທີ່ ຄາດໄວ້ ໄດ້ຍິນແລ້ວຂ້ອຍກໍ່ຍີ້ມແບບບໍ່ຫຸບເລີຍ ຕອນຢ່າງກັບເຈົ້າຢ້ານບໍ່ກ້າ ຂ້າມທາງຈົນຂ້ອຍໄດ້ດຶງແຂນ ເຈົ້າຂ້າມ ແລ້ວເຈົ້າ ກໍ່ຈັບມືຂ້ອຍໄວ້ແໜ້ນບໍ່ຍອມປ່ອຍ ບອກວ່າຂ້ອຍຂ້າມທາງເປັນຕາ ຢ້ານຫຼາຍ ຊິດຶງຂ້ອຍໄວ້ ຂ້ອຍຈົນອາຍໂຕເອງເພາະ ມືລູກຊາວນາຄືຂ້ອຍ ທັງແຂັງ ທັງດ້ານ ກົງກັນຂ້າມກັບເຈົ້າທີ່ມືທັງນີ້ມທັງນວນ ເປັນຄັງ ແລກທີ່ເຮົາໄດ້ສຳພັດກັນ ມັນກໍ່ເຮັດໃຫ້ຂ້ອຍຕື່ນເຕັ້ນ ເຖິງຈະພຽງແຕ່ຈັບມືກັນກໍ່ຕາມ. ຫຼັງຈາກພໍ່ແມ່ກັບມັນ ກໍ່ເປັນເວ ລາຂອງເຮົາຂອງຄົນ ເຖິງເຈົ້າຈະນິໃສເຢັນຊາແລະ ເບ່ງຄືບໍ່ຄ່ອຍເປັນມິດກັບໃຜ ຕາມນໃສແບບປະເທດທີ່ເຈົ້າເຄີຍໃຊ້ຊີວດ ແບບອາເມຣິກາ ແຕ່ເຈົ້າກໍ່ຍັງມີນິໃສຢີ່ປຸ່ນ ທີ່ ເຢັນຊາຢູ່ກໍ່ຕາມ ແຕ່ຂ້ອຍກໍ່ຮູ້ສຶກວ່າເຈົ້າເອົາໃຈໃສ່ຂ້ອຍເປັນພິເສດ ແລະກະ ຫ່ວງໃຍຄອຍ ດູແລຂ້ອຍ ເຊີ່ງໂຕຈິງຂອງເຈົ້ານັ້ນ ອ່ອນຫວານກວ່າເວລາເຮົາລົມກັນທາງເນັດຫຼາຍ ຈົນຫາວ່າຂ້ອຍເຢັນຊາ ກະແນວ ຂ້ອຍບໍ່ແມ່ນ ແມ່ຍິງ ຄົນບ້ານເຈົ້ານໍ ຂ້ອຍກໍ່ບໍ່ຮູ້ ວ່າມັນຈະຕ່າງກັນຂະໜາດນີ້  ຂ້ອຍກໍ່ບໍ່ຮູ້ວ່າຜູ້ຍິງ ບ້ານເຈົາເປັນ ແບບໃດ ຂ້ອຍກໍ່ພະຍາຍາມ ເຮັດດີທີ່ສຸດທີ່ ຂ້ອຍສາມາດ ໃຫ້ເຈົາໄດ້  ແຕ່ຂ້ອຍເອງກໍ່ບໍ່ແນ່ໃຈວ່າຕອນນີ້ເຮົາເປັນຫຍັງກັນ ຂ້ອຍເລີຍກັ້ນໃຈຖາມວ່າ ແຕ່ກີ້ ເຈົາ ວ່າ ເຮົາເປັນໝູ່ ລົມກັນທາງເນັດຊື່ໆ  ແລ້ວຕອ ນນີ້ເດເຮົາເປັນຫຍັງກັນ ເຈົ້າກະບອກວ່າ ຕອນນີ້ເປັນຫຼາຍກວ່ານັ້ນແຕ່ວ່າ ແລ້ວເຈົ້າກໍ່ບໍເວົ້າ ຕໍ່ເຈົ້າບອກວ່າຈະບອກນຳຫຼັງ, ແລ້ວເຈົ້າກໍ່ວ່າຂ້ອຍເຢັນຊາກັບເຈົ້າຫຼາຍ ເບິ່ງຄືຂ້ອຍຮັກເຈົາ ແລ້ວກະ ເບິ່ງຄືບໍ່ໄດ້ຮັກ ເຈົ້າ ວ່າຂ້ອຍເຂົ້າໃຈຢາກ  ຂ້ອຍລະງົງເລີຍ ແຕ່ເຈົ້າເຫັນຂ້ອຍຢາກໄດ້ຕຸກກະຕາໝີໂຕໃຫຍ່ ສຳ່ກັບຂ້ອຍ ເຈົ້າກໍ່ຈະ ຊື້ໃຫ້ ແຕ່ຂ້ອຍກໍ່ບອກ ວ່າບໍ່ ຕ້ອງກະໄດ້ , ພໍຂ້ອຍລອງເວົ້າຢອກເຈົ້າວ່າເຮົາເບິ່ງຄືແຟນກັນເລີຍ ເຮົາເປັນແຟນກັນ5ມື້ນໍ ຫຼັງຈາກ ເຈົາກັບກໍ່ແຢກກັນ ເຈົ້າກໍ່ເຮັດໜ້າຕາຕົກໃຈ ແລະຖາມວ່າເປັນຫຍັງຄືມີແຕ່5ມື້ແລ້ວເລີກ ເປັນຫຍັງຄືບໍ່ເປັນຕະຫຼອດໄປ  ຕອນນັ້ນຂ້ອຍຈຶ່ງໄດ້ຮູ້ວ່າ ເຈົ້າຕ້ອງການຄົບກັບຂ້ອຍ 4ມື້ທີ່ຜ່ານມາມັນເປັນຊ່ວງເວລາທີ່ດີຫຼາຍໃນຊີວyດຂ້ອຍ ເຖິງວ່າຈະມີ ເລື່ອງ ໃຫ້ເຮົາ ຕ້ອງຜິດ ກັນຕະ ຫຼອດ ແຕ່ກະເຮັດໃຫ້ເຮົາເຂົ້າໃຈກັນຫຼາຍຂື້ນ ເຮັດໃຫ້ເຈົ້າຄ່ອຍໆຮຽນຮູ້ວັດທະນະທຳ ສັງຄົມຂ້ອຍ ຫຼາຍຂ້ອຍ ຂ້ອຍເຂົາໃຈເຈົາຫຼາຍ ຂື້ນ, ແຕ່ເວລາມັນຊ່າງໜ້ອຍເຫຼືອເກີນ ໃນທີ່ສຸດກໍ່ຮອດມື້ທີ່ຕ້ອງຈາກ ແລະ ບໍ່ຮູ້ວ່າເມື່ອ ໃດຈະໄດ້ພົບກັນອີກ  , ເຈົາຊື້ຂອງຂວັນໃຫ້ຂ້ອຍສິ່ງໜື່ງ ຂ້ອຍເລີຍເລືອກເອົາສິ່ງທີ່ຂ້ອຍຈະພົກຕິດໂຕໄປໄດ້ຕະຫຼອດເປັນສັນຍະລັກ ຄວາມສຳພັນລະຫວ່າງເຮົາ ທີ່ຂ້ອຍບໍ່ເວົ້າຄວາມຮັກ ເພາະຂ້ອຍຍັງບໍ່ແນ່ໃຈວ່າເຈົ້າຮັກຂ້ອຍແລ້ວຫຼືຍັງ ແຫວນວົງນີ້ເຖິງເຈົ້າ ຈະບໍ່ໄດ້ເຫັນຄ່າຄວາມສຳຄັນຂອງມັນ ແຕ່ມັນເປັນສ່ງດຽວທີ່ມາຈາກເຈົ້າແທນໃຈຂອງເຈົ້າໄດ້ ຂ້ອຍຈະເກັບຮັກສາມັນໄວ້ ກວ່າມື້ທີ່ເຮົາ ຈະໄດ້ ພົບກັນອີກຄັ້ງ ຫຼືກໍ່ຈົນກວ່າຄວາມຮູ້ສຶກທີ່ເຄີຍມີໄດ້ຈາງຫາຍໄປ.

                                                                                                    Happy Ending

         ຖ້າວ່າເຈົ້າມັກດາລາຕ່າງປະເທດຄົນໜື່ງແບບມັກແຮງໆ ເຖິງຂະນາດວ່າບ້າຄັ່ງເລີຍ , ແລະ ມື້ໜື່ງຄືສະຫວັນເປັນໃຈ ເຮັດໃຫ້ເຈົ້າໄດ້ພົບກັບເຂົາທາງອິນເຕີເນັດ ແລະໄດ້ຮູ້ວ່າເຂົາກໍ່ໂສດ ,ເຈົາສຸດແສນຈະຫວັງໄວ້ວ່າມື້ໃດມື້ໜຶ່ງຈະມີໂອກາດ ໄດ້ໄປປະເທດຂອງລາວ ແລະໄດ້ໄປທ່ຽວທຳລາວແບບໂຣແມນຕິກ ສອງຕໍ່ສອງ, ແຕ່ເຈົາກໍ່ບໍ່ເຄີຍຫວັງວ່າລາວຈະມາຫາເຈົ້າ ເພາະລົມກັນ ມີແຕ່ເຈົ້າເປັນຄົນມັກລາວ  ແລະ ເຄີຍຊວນລາວມາຫຼີ້ນນຳເຢູ່ລາວ ແຕ່ລາວກໍ່ບອກວ່າ ເຄີຍມາແຖວນີ້ແລ້ວບໍ່ຢາກມາ ເຈົ້າກະເລີຍເຊົາຫວັງໃຫ້ລາວມາ ມີແຕ່ຄິດວ່າຈະໄປຫາລາວ , ວິດີໂອໂທຫາກັນຫຼາຍເທື່ອແລ້ວ, ເຫັນໜ້າກັນແລ້ວ ແຕ່ບໍ່ເຄີຍໄປຫຼີ້ນນຳກັນໂຕຈິງຈັກເທື່ອ. . ລົມກັນມາໄດ້ ຫົກ ເຈັດເດືອນລາວກໍ່ບອກວ່າຈະມາລາວມາຫຼີ້ນນຳເຈົ້າ ແລ້ວ ລາວຈະພາພໍ່ກັບແມ່ມານຳ ຫຼັງຈາກຄອບຄົວລາວກັບ ລາວຈະຢູ່ຕໍ່ຫຼີ້ນນຳເຈົ້າ , ຄວາມຝັນທີ່ເຈົ້າເຄີຍຫວັງໄວ້ວ່າຈະໄດ້ໄປທ່ຽວນຳກັນ ແບບໂຣແມນຕິກ ສອງຕໍສອງກຳລັງຈະເປັນຈິງແລ້ວ . ແຕ່ສິ່ງທີ່ເກີດຂື້ນຕອນນີກຳລັງສັບສົນຢູ່ ລາວມານີ້ກໍ່ຈິງ ພວກເຮົາຈະໄດ້ເຈິກັນຄັງແລກ ໄປຫຼີ້ນໄປທ່ຽວນຳກັນ ແຕ່ຫຼັງຈາກນັ້ນທີ່ລາວກັບແລ້ວ ຄວາມສຳພັນຂອງພວກເຮົາຈະເປັນແນວໃດ ອີກດົນປານໃດຈະມີໂອກາດເຈິກັນອີກ ແລະ ມັນຈະເປັນໄປໄດ້ບໍ່ , ເຮົາຄວນຈະໄປຫຼີ້ນນຳກັນໃຫ້ມ່ວນໃຊ້ເວລາທີ່ມີນຳກັນຊ່ວງອາທີດ1 ໃຫ້ມີຄວາມສຸກ ຫຼີ ເຮັດໂຕເສີຍໆ ບໍ່ດີໃຈ ບໍ່ມ່ວນຈົນເກີນໄປ ເພາະຖ້າເຂົາກັບໄປລະບໍ່ຕິດຕໍ່ກັບມາເຮົາຈະເຈັບ ຈະເຮັດແນວໃດດີຫວາ ເລີ່ມສັບສົນແລ້ວ

ຄັ້ງທຳອິດທີ່ພົບກັນ ເຈົ້າກໍ່ເຂົ້າມາທັກທາຍ ຖາມນັນຖາມນີ້ຂ້ອຍກໍ່ພໍເຂົາໃຈຕາມທຳມະຊາດຂອງເຮົາ  ແລະຂ້ອຍກໍ່ຮູ້ສຶກວ່າຖືກຊະຕາກັບເຈົາ ຍາກຮູ້ເປັນໝູ່ໄວ້ເວົ້າໄວ້ລົມກໍ່ບໍໄດ້ຄິດຫຍັງຫຼາຍກັບເຈົ້າ, ແລ້ວເຈົາກໍ່ນັດຂ້ອຍໄປກິນເຂົ້າ  ທຳຄວາມຮູ້ຈັກກັນໃຫ້ຫຼາຍຂື້ນ, ເວລາສົ່ງຂໍ້ຄວາມຫາກໍ່ຕອບທຸກຄັ້ງໂທໄປບໍ່ໄດ້ຮັບກໍ່ຟ້າວໂທກັບ ບອກວ່າລົມກັບເຮົາມ່ວນ ໄປຍ່າງເລາະຫຼີ້ນແຄມຂອງ ກິນນ້ຳ ກິນເຂົາ , ໄປຫຼີ້ນຕະຫຼາດນັດນຳກັນ ມີຫຼາຍຄົນມາທຳຄວາມຮູ້ຈັກກັບເຈົ້າ ທຸກຄົນລ້ວນແຕ່ຄິດວ່າເຮົາເປັນແຟນກັນ ແຕ່ເຮົາທັງສອງກໍ່ລ້ວນແຕ່ຕອບປະຕິເສດໄປຈົນ ບໍ່ຮູ້ຈະຕອບໄປຈັກຄັ້ງ ຈົນແລງໆມາໃຜເວົາຫຍັງເລື່ອງເຮົາໆກໍ່ບໍ່ສົນໃຈທີ່ະຕອບແລ້ວປ່ອຍຂະເຈົ້າເວົ້າໄປ, ແຕ່ເຖິງຈະເປັນໝູ່ໄປນຳກັນບາງຄັງຂ້ອຍກໍ່ຄິດນ້ອຍໃຈ ທີ່ເຈົາເຈິໝູ່ແລ້ວລົມແຕ່ກັບໝູ່ຈົນບໍ່ສົນໃຈຂ້ອຍເລີຍ ມື້ນັ້ນວ່າຈະໄປທ່ຽວ ສະຸບກໍ່ຄືຂ້ອຍໄດ້ນັ່ງເຝົ້າເຈົ້າໝົດມື້ ແຕ່ເຫັນເຈົາມ່ວນ ມີຄວາມສຸກ ຂ້ອຍກໍ່ເລີຍບໍ່ໄປຮອດວຽກໃຫ້ເຈົາໄດ້ມີໂອກາດລົມກັບໝູ່ຈົນງານເລີກ; ແລ້ວຕໍ່ມາເຮາກໍ່ໄປເລາະໄອເຕັກນຳກັນ ມື້ນັນເຈົາເອົາໃຈໃສ່ ແລະດູແລຂ້ອຍເປັນພິເສດ ຖາມຫັ້ນຖາມນີ້ ກ່ຽວກັບໂຕຂ້ອຍບໍ່ຢູ່ບໍ່ເຊົາ ວ່າ ຂ້ອຍມັກຫຍັງມ ມັກໃຊ້ນ້ຳຫອມແບບໃດ ກີ່ນຫຍັງ  ມັກນຸ່ງເສື້ອຜ້າແບບໃດ ມັກໃສ່ເກີບແບບໃດ ມັກກິນຫຍັງ ມັກໄປໃສ ໃກ້ຈະຮອດວັນເກີດແລ້ວຢາກໄດ້ຫຍັງ ປົກກະຕິວັນວາເລັນທາຍຂະເຈົາເອົາຫຍັງໃຫ້ກັນ ຖາມທຸກຢ່າງ ແມ້ແຕ່ຈະຊື້ນ້ຳຫອມກໍ່ຍັງເອົາໃຫ້ຂ້ອຍດົມ ໃຫ້ຂ້ອຍເລືກໃຫ້ໝົດທຸກຢ່າງ ສິ່ງໃດທີ່ຂ້ອຍບໍ່ມັກເຈົາກໍ່ຈະບໍ່ເອົາ ພາຂ້ອຍໄປກິນເຂົາ ໄປຊັດປູມເປົາ ຈົນມື້ນັນຂ້ອຍຮູ້ສຶກກັບວ່າເຮົາເປັນແຟນກັນເລີຍ ; ຫຼັງຈາກນັນເຈົາກໍ່ປ່ຽນໄປທຸກໆຢ່າງຄືບໍ່ແມ່ນຄົນທີ່ຂ້ອຍຮູ້ຈັກເລີຍ ວັນແຫ່ງຄວາມຮັກຜ່ານໄປ ກໍ່ບໍ່ມີຫຍັງເກີດຂື້ນ ; ບໍ່ພໍເທົ່າໃດມື້ຫຼັງຈາກໄປທ່ຽວມາກໍ່ວັນເກີດຂ້ອຍ ບໍ່ມີແມ້ກະທັ່ງ ຂໍ້ຄວາມທີ່ສົ່ງມາອວຍພອນເລີຍ ຢ່າຫວັງເຖິງຂອງຂັວນ ເຖິງຂ້ອຍຈະບໍໄດ້ຫວັງຫຍັງຈາກເຈົາເພາະຄິດວ່າເຮົາກໍພຽງແຕ່ໝູ່ກັນ ແຕ່ສິ່ງທີ່ ເຮັດໃຫ້ຂ້ອຍບໍ່ເຂົ້າໃຈແທ້ໆແມ່ນ ປະຕິກິລິຍາທີ່ປ່ຽນໄປຂອງເຈົາ ເຮົາເກືອບຈະເປັນຄືຄົນທີ່ບໍ່ຮູ້ ຈັກກັນມາກ່ອນ ເລີຍ ເວລາໄປນຳກັນຖ້າມີໝູ່ເຈົາໄປນຳ ເຈົາຈະບໍ່ເວົ້າບໍ່ລົມນຳຂ້ອຍເລີຍ ເຖິງຂ້ອຍຈະພະຍາຍາມຊວນລົມເຈົາກໍ່ຈະຫັນໜ້າໜີໄປລົມກັບ ໝູ່ ມີແຕ່ໝູ່ເຈົ້າເທົ່ານັນທີ່ລົມນຳຂ້ອຍ ໃກ້ຂ້ອຍເຈົາກໍ່ບໍ່ຢາກໃກ້ ເວລານັດກັນໄປເບິ່ງງານຫຼາຍຄົນ ເລີກງານແລ້ວເຈົາ ກໍ່ໜີປະຂ້ອຍໄປກັບໝູ່ຄົນອື່ນ ຈົນຂ້ອຍອື້ງບໍ່ຮູ້ວ່າຈະເຮັດແນວໃດ ທັງໆທີ່ນັດກັນມາແທ້ໆ ຈົນຂ້ອຍຄິດຈະເຊົາວຸ້ນວາຍບໍ່ ຕິດຕໍ່ກັບເຈົ້າແລ້ວ ແຕ່ຂ້ອຍກໍ່ຢາກບອກເຈົາຢູ່ວ່າເຈົາປ່ຽນໄປຫຼາຍ  ແຕ່ວ່າມື້ສຸດທ້າຍທີ່ພົບກັນ ເຈົ້າກໍ່ເປັນຄືເກົ່າເຮັດເສີຍຊາບໍ່ຍອມເວົ້າບໍ່ຍອມລົມນຳຂ້ອຍເລີຍ ແຕ່ຊ່ວງທີ່ເຈົາເບິ່ງຄືວ່າດື່ມເຂົາໄປຫຼາຍເຕີຍ ເຈົ້າພັດຈ້ອງເບິ່ງໜ້າຂ້ອງເອົາແທ້ເອົາວ່າ ສາຍຕາເຈົ້າເບິ່ງເສົ້າໆຄືຜິດຫວັງ ຫຼືຂ້ອຍເຮັດຫຍັງໃຫ້ເຈົ້າ ເຈົ້າຄືມີແຕ່ແນມ ເບິ່ງຂ້ອຍດ້ວຍສາຍຕາແປກໆຄ້າຍໆຄືຄົນອົກຫັກ ເສົາ ເຊິ່ງຂ້ອຍກໍ່ໍບໍ່ເຂົ້າໃຈນິແຫຼະ ຕົກລົງມັນເກີດຫຍັງຂື້ນ ແລະຂ້ອຍຄວນຈະເຮັດແນວໃດ

ຂໍຂອບໃຈທຸກໆທ່ານທີ່ຕິດຕາມອ່ານເລື່ອງຂອງຂ້ອຍ , ເລື່ອງນີ້ໄດ້ຖືກແກ້ໄຂໄປຮຽບຮ້ອຍແລ້ວ ພວກຂ້ອຍໄດ້ເວົ້າລົມກັນເຂົ້າໃຈຮຽບຮ້ອຍ ກະໄດ້ເປັນໝູ່ກັນຄືເກົ່າຄວາມຮູ້ສຶກກະບໍ່ມີຫຍັງປ່ຽນແປງ ແຕ່ຂ້ອຍສົງໃສຢູ່ໜິດໜຶ່ງວ່າລາວມັກຂ້ອຍບໍ່ ເພາະຂ້ອຍບໍ່ໄດ້ຖາມແຕ່ຕອນຂ້ອຍເຫຼົ່າເລື່ອງແຟນສູ່ຟັງ ຄືອື້ງໆໜ້ອຍໜຶ່ງຢູ່ ຫຼີວ່າຕົກໃຈບໍ່ຄດວ່າຄົນຄືຂ້ອຍຈະມີແຟນບໍ

ໃກ້ຈະຮອດ 4 ເດືອນແລ້ວທີ່ເຈົາຂາດຫາຍການຕິດຕໍ່ໄປ ມັນເບິ່ງຄືຜ່ານມາດົນ ແຕ່ຈັງໃດຂ້ອຍກໍ່ຍັງລໍ ຂ້ອຍຍາກຈະໃຫ້ເຈົ້າໄດ້ຮູ້ວ່າຂ້ອຍຮູ້ສຶກແບບໃດ

ຕັ້ງແຕ່ມື້ທີ່ເຈົ້າເລີ່ມຈາກໄປ ໃຈຂ້ອຍກໍ່ເບິ່ງວ່າງໆ ຂ້ອຍຍັງຄົງຢູ່ຄົນດຽວ ໄປຄົນດຽວ ລໍຄອຍ ແລະ ກະຫວັງໃຫ້ເຈົ້າກັບມາ ເຖິງຈະຮູ້ວ່າແທບຈະບໍ່ມີໂອກາດນັ້ນເລີຍກໍ່ຕາມ ແຕ່ຄຳເວົ້າທີ່ປຽບດັ່ງຄຳສັນຍາ ຍັງຄົງຊັດເຈນ ແລະ ແຈ່ມແຈ້ງໃນໃຈຂ້ອຍ  ທຸກໆມື້ທີ່ຂ້ອຍຕື່ນຂື້ນມາ ແນມເຫັນຮູບຂອງເຈົາ ຄວາມຊົງຈຳເກົ່າໆກໍ່ກັບຄືນມາ ຈົນຮູ້ຄິດຢາກໄຫ້ ມັນຮູ້ສຶກ ຫ່ວງຫາ ອາໄລອາວອນຈົນບອກບໍ່ຖືກ , ຂ້ອຍຢາກຂໍໂອກາດອີກຄັ້ງໜື່ງ ຈະເປັນຄັ້ງສຸດທ້າຍກໍ່ຕາມ ແຕ່ຂ້ອຍຈະບໍ່ປ່ອຍໃຫ້ເຈົ້າໄປ ຈະບໍ່ມີມື້ຈາກກັນ  ເພາະເຈົ້າຄືທຸກຢ່າງທີ່ຂ້ອຍຕ້ອງການ ເບິ່ງຄືກັບຂ້ອຍຈະບໍ່ສາມາດຢູ່ໄດ້ ຖ້າຕໍ່ຈາກນີ້ ຈະບໍ່ມີຄວາມຮັກຈາກເຈົ້າ ຄວາມຫ່ວງໃຍ ເອົາໃຈໃສ່ຂອງເຈົ້າ ພຽງເຈົ້າເທົ່ານັ້ນທີ່ຂ້ອຍຕ້ອງການ ຂ້ອຍບໍ່ສາມາດຈະປ່ອຍໃຫ້ມັນຈົບໄດ້

ຢາກໃຫ້ເຈົ້າຊ່ວຍບອກຂ້ອຍແນ່ ວ່າຂ້ອຍຈະເຮັດຫຍັງໄດ້ແນ່ ເພື່ອໃຫ້ເຮົາໄດ້ຮັກກັນ ເບິ່ງຄືຂ້ອຍຖາມຫຼາຍ ແຕ່ຂ້ອຍຢາກຂໍພຽງແຕ່ໄດ້ພົບເຈົາອີກຄັ້ງ ໄດ້ແຕ່ຫວັງວ່າຄວາມຮູ້ສຶກ ທີ່ຂ້ອຍໃຊ້ໃຈສົ່ງໄປຈັກມື້ໜື່ງມັນຈະຮອດເຈົ້າ ຖ້າວ່າເຈົ້າກໍ່ຄິດແບບດຽວກັນ ຂໍໃຫ້ບອກໃຫ້ຂ້ອຍຮູ້ແນ່ ຈັກໜ້ອຍກະດີ  ມັນທໍລະມານຂ້ອຍຫຼາຍທີ່ເຈົາບໍ່ເຄີຍກັບຄືນມາ ແມ້ແຕ່ຄຳທັກທາຍຫຼືຈົດໝາຍ 1ສະບັບ ຍີ່ງເວົ້າກໍ່ຍິ່ງຮູ້ສຶກຄືກັບວ່າ ລົມຫາຍໃຈຄືຄ່ອຍໆຊ້າລົງ ນີ້ແມ່ນຄຳເວົ້າທີ່ອອກມາຈາກຈິດວິນຍານ ຈາກໃຈຂ້ອຍແທ້ໆ ໄດ້ແຕ່ຫວັງວ່າເຈົາຈະຮູ້ສຶກເຖິງມັນໄດ້.