ສະບາຍດີທຸກທ່ານ, ກ່ອນອື່ນໝົດຂໍສະແດງເຈດຈໍານົງ ກໍ່ຄືດັ່ງທີ່ຫົວຂໍ້ໄດ້ບອກ, ເພາະມີບາງທ່ານສົງໃສເລື່ອງຄວາມເຊື່ອຂອງຊາວຄຣິສຕຽນເພິ່ນໄດ້ຖາມເຂົ້າມາ ແລະ ຂໍໃຫ້ຕອບທາງໜ້າໄມ. ຂໍເຂົ້າເລື່ອງເລີຍເນາະ.
ຖາມວ່າພຣະເຈົ້າໃນສາສະຫນາຂອງເຈົ້າເກີດຕາມຫລັງພຸດທະສາສະຫນາເອົາອັນຢັ້ງຢືນວ່າສ້າງໂລກ?
ຖ້າຄິດໄລ່ຕາມ ພສ ຫຼື ຄສ ແລ້ວ ແມ່ນວ່າ ຄສ ຈະຊ້າກວ່າ ພສ ພັນກວ່າປີ, ແຕ່ຖ້າໄດ້ສຶກສາພຣະຄໍາພີຈະພົບວ່າພຣະເຈົ້າສ້າງໂລກສ້າງຈັກກະວານ ສ້າງທຸກສິ່ງມາຕັ້ງແຕ່ດົນນນນນນານນນນນ ມາແລ້ວ (ຖ້າໃຜໄດ້ສຶກສາປະຫວັດສາດເລື່ອງການອອກຈາກເອຢິບຂອງຊາວຢິວທີ່ເປັນຂ້າທາດຢູ່ເອຢິບຫຼາຍກວ່າ 400ປີ ກໍ່ຄົງພໍເຂົ້າໃຈ) ເຊິ່ງພຣະເຈົ້າອົງນີ້ໄດ້ນໍາພາເຂົາເຈົ້າອອກຈາກເອຢິບ ໂດຍເຮັດການອັດສະຈັນຫຼາຍຢ່າງຈົນເຮໂລດເຊິ່ງເປັນຜູ້ປົກຄອງເອຢິບຕອນນັ້ນ ຈໍາຕ້ອງຍອມປ່ອຍຂ້າທາດທີ່ຮັບໃຊ້ເຂົ້າຟຣີໆໄປ, ຫຼັງຈາກທີ່ອອກມາແລ້ວກໍ່ໄດ້ສ້າງເປັນປະເທດໜຶ່ງເຊິ່ງໃສ່ຊື່ວ່າອິດສະລາເອນ ຕາມຊື່ບັນພະບູລຸດຜູ້ທີ່ເປັນຜູ້ນໍາພາເຂົາເຂົ້າໄປເອຢິບ…….
ຊ່ວງໄລຍະນີ້ກໍ່ມີເຫດການຫຼາຍຢ່າງ ເຊິ່ງມັນຍາວວວວວວວຍາວວວວ, ຖ້າມີຄົນສົນໃຈເນື້ອໃນລະອຽດລະຈະເອົາມາຝາກຕາມຫຼັງເນາະ.
ມາເຖິງສະໄໝພຣະເຢຊູ. ພວກເຮົາເອີ້ນພຣະອົງວ່າເປັນ “ພຣະຜູ້ຊ່ວຍ” ເພາະພຣະອົງເກີດມາຈາກຍິງພົມມະຈາຣີ ຊື່ວ່າ “ມາຣິອາ” ແຫ່ງກຸງເຢລູຊາເລັມ ອິດສະລາເອນ, ພຣະເຢຊູເລີ່ມປະກາດຂ່າວຄວາມພົ້ນແບບຈິງຈັງ (ໝາຍເຖິງກ່ອນໜ້າກໍ່ເວົ້າເລື່ອງພຣະເຈົ້າ ແຕ່ພຣະອົງບໍ່ເຖິງຂັ້ນອອກຈາກບ້ານທ່ຽວປະກາດ) ຕອນທີ່ພຣະອົງອາຍຸປະມານ 30ປີ, ພຣະອົງໄດ້ຮັບບັບຕິດສະມາ (ພິທີລ້າງບາບທີ່ຫຼາຍຄົນເຂົ້າໃຈ) ແລ້ວກໍ່ເລີ່ມການປະກາດເລື່ອງໃຫ້ກັບໃຈ ເລີກຈາກການບາບ, ເວົ້າເລື່ອງອານາຈັກສະຫວັນ. ຊຶ່ງສະໄໝກ່ອນຄົນທີ່ຮູ້ຈັກພຣະເຈົ້າສ່ວນໃຫຍ່ຈະເປັນຊາວຢິວ ແຕ່ພຣະເຢຊູໄດ້ປະກາດໃຫ້ຊາວຕ່າງຊາດ (ຜູ້ທີ່ບໍ່ແມ່ນຊາວຢິວ) ໃຫ້ຮູ້ຈັກກັບພຣະເຈົ້າ ແລະ ປ່ຽນບັນຍັດຈາກ ເມື່ອຕອນທີ່ພຣະເຈົ້ານໍາເຂົາອອກຈາກເອຢິບມີ 10 ຂໍ້:
1 ພຣະຜູ້ເປັນເຈົ້າຊົງກ່າວຖ້ອຍຄຳຕໍ່ໄປນີ້ວ່າ,
2 “ເຮົາແມ່ນພຣະຜູ້ເປັນເຈົ້າຂອງພວກເຈົ້າ ຜູ້ໄດ້ນຳພາພວກເຈົ້າອອກຈາກປະເທດເອຢິບ ຄືອອກຈາກປະເທດທີ່ພວກເຈົ້າໄດ້ຕົກເປັນທາດ
3 ພວກເຈົ້າຢ່າມີພຣະອື່ນ ນອກຈາກເຮົາ
4 ພວກເຈົ້າຢ່າເຮັດຮູບເຄົາຣົບສໍາລັບຕົນ ຫລືຮູບສິ່ງນຶ່ງສິ່ງໃດທີ່ມີຢູ່ໃນຟ້າສວັນ ໃນແຜ່ນດິນຫລືໃນລຸ່ມແຜ່ນດິນ
5 ຢ່າຂາບໄຫວ້ຮູບເຫລົ່ານັ້ນ ເພາະວ່າເຮົາເປັນພຣະຜູ້ເປັນເຈົ້າຂອງພວກເຈົ້າ ແລະເປັນພຣະເຈົ້າຜູ້ຫວງແຫນພວກເຈົ້າ ເຮົາຈະລົງໂທດລູກຫລານຂອງຜູ້ທີ່ຊັງເຮົາເຖິງສາມສີ່ຊົ່ວອາຍຸຄົນ
6 ແຕ່ຈະສະແດງຄວາມຮັກຫມັ້ນຄົງຕໍ່ຜູ້ທີ່ຮັກເຮົາ ແລະຕໍ່ຜູ້ທີ່ປະພຶດຕາມພຣະບັນຍັດຂອງເຮົາສືບໄປຫລາຍຊົ່ວອາຍຸພັນຄົນ
7 ພວກເຈົ້າຢ່າໃຊ້ຊື່ພຣະຜູ້ເປັນເຈົ້າຂອງເຈົ້າ ໄປໃນທາງທີ່ຜິດເພາະເຮົາຈະລົງໂທດຜູ້ທີ່ໃຊ້ຊື່ເຮົາໄປໃນທາງທີ່ຜິດ
8 ພວກເຈົ້າຈົ່ງນັບຖືວັນສິນ ໃຫ້ຖືເປັນວັນສັກສິດຂອງພຣະຜູ້ເປັນເຈົ້າ
9 ຈົ່ງເຮັດວຽກທັງປວງຂອງເຈົ້າແຕ່ໃນຫົກມື້
10 ແຕ່ມື້ຖ້ວນເຈັດໃຫ້ຖືເປັນວັນສັກສິດຂອງພຣະຜູ້ເປັນເຈົ້າຂອງເຈົ້າ ໃນມື້ນີ້ໃຫ້ເຈົ້າເອງພ້ອມດ້ວຍບຸດຊາຍບຸດຍິງ ຂ້ອຍທາດ ແລະສັດລ້ຽງຂອງພວກເຈົ້າຕລອດທັງຄົນຕ່າງດ້າວທີ່ອາໄສຢູ່ໃນບ້ານເມືອງຂອງພວກເຈົ້າຢຸດເຮັດວຽກທັງຫມົດ
11 ໃນຫົກມື້ນັ້ນພຣະຜູ້ເປັນເຈົ້າໄດ້ຊົງສ້າງຟ້າສວັນ ແຜ່ນດິນໂລກ ທະເລ ແລະສິ່ງສາຣະພັດທີ່ມີຢູ່ໃນສາມແຫ່ງນີ້ ແຕ່ໃນມື້ຖ້ວນເຈັດພຣະອົງໄດ້ຢຸດພັກ ດ້ວຍເຫດນີ້ ພຣະຜູ້ເປັນເຈົ້າຈຶ່ງໄດ້ອວຍພອນໃຫ້ມື້ຖ້ວນເຈັດເປັນວັນສິນບໍຣິສຸດສຳລັບພຣະອົງ
12 ຈົ່ງນັບຖືບິດາມານດາຂອງເຈົ້າ ເພື່ອເຈົ້າຈະມີອາຍຸຫມັ້ນຍືນຢູ່ໃນແຜ່ນດິນທີ່ພຣະຜູ້ເປັນເຈົ້າຂອງເຈົ້າໄດ້ມອບໃຫ້
13 ພວກເຈົ້າຢ່າຂ້າຄົນ
14 ຢ່າລ່ວງເກີນຜົວເມັຽຜູ້ອື່ນ
15 ຢ່າລັກຊັບ
16 ຢ່າເປັນພຍານເທັດໃສ່ຮ້າຍເພື່ອນບ້ານຂອງຕົນ
17ຢ່າອີດສາຢາກໄດ້ເຮືອນຂອງຜູ້ອື່ນ ຢ່າອິດສາຢາກໄດ້ຜົວຫລືເມັຽ ຢາກໄດ້ຂ້ອຍທາດ ຢາກໄດ້ງົວຄວາຍ ຢາກໄດ້ລໍຫລືສິ່ງອື່ນໃດທີ່ເປັນຂອງຄົນອື່ນ”
ແຕ່ມະນຸດກໍ່ບໍ່ສາມາດຮັກສາຂໍ້ບັນຍັດໄດ້, ຈໍາເປັນທີ່ພຣະເຢຊູຕ້ອງມາໃນໂລກເພື່ອໄຖ່ບາບມະນຸດ ແລະ ຕັ້ງບັນຍັດໃໝ່ຄື 1. ຮັກພຣະເຈົ້າຂອງເຈົ້າສຸດຈິດສຸດໃຈ, 2. ຮັກເພື່ອບ້ານເໝືອນຮັກຕົນເອງ. ພຣະອົງຈະເນັ້ນເລື່ອງຄວາມຮັກ ແລະ ຍ້ອນຮັກນີ້ພຣະອົງໄດ້ຍອມໃຫ້ມະນຸດຂ້ຽນຕີ ແລະ ຈັບຄຶງທີ່ກາງແຂນ.
ເປັນຫຍັງຕ້ອງເປັນພຣະອົງ? ເພາະມະນຸດທີ່ມີຄວາມບາບບໍ່ສາມາດໄຖ່ບາບໃຫ້ກັນໄດ້. ໃຜບອກວ່າຕົນເອງບໍ່ມີບາບ? ບໍ່ມີຈັກຄົນ ເພາະພວກເຮົາຊາວຄຣິສຕຽນເຊື່ອວ່າການບາບທີ່ບໍ່ມີການກະທໍາ ພຽງແຕ່ຄິດບໍ່ດີກໍ່ເປັນບາບ.
ບາງທ່ານອາດຄິດວ່າ, ຖ້າພຣະອົງຕ້ອງການໃຫ້ຄົນນັບຖື ນະມັດສະການພຣະອົງພຽງຜູ້ດຽວ ຕອນສ້າງມະນຸດຄືບໍ່ສ້າງມາໃຫ້ຮູ້ຈັກແຕ່ພຣະອົງຈິ່ງບໍ່ໄປກາບໄຫວ້ພຣະອື່ນ.?
ຕ້ອງເຂົ້າໃຈວ່າພຣະເຈັ້າຕ້ອງການຜູ້ທີ່ນະມັດສະການພຣະອົງຈາກໃຈ, ບໍ່ແມ່ນຫຸ່ນຍົນ. ດັ່ງນັ້ນ ຍຸກນີ້ພຣະເຢຊູຈິ່ງມາປະກາດໃຫ້ທຸກຄົນທັງຢິວ ແລະ ບໍ່ແມ່ນຊາວຢິວ ຮູ້ເລື່ອງນີ້ ເພາະພຣະອົງຕ້ອງການຜູ້ທີ່ນະມັດສະການດ້ວຍຈິດວິນຍານ ບໍ່ແມ່ນນະມັດສະການຕາມປະເພນີ., ຜູ້ທີ່ຍອມຮັບ (ຈາກກົ້ນບຶ້ງຫົວໃຈ) ວ່າຕົນເປັນຄົນບາບ, ສາລະພາບ ແລະ ຂໍໃຫ້ພຣະເຢຊູມາເປັນພຣະຜູ້ຊ່ວຍໃຫ້ລອດກໍ່ຈະໄດ້ຮັບການໄຖ່ບາບ.
ຈໍາເປັນບໍ່ທີ່ພຣະເຢຊູຕ້ອງມາເກີດເທິງໂລກ, ພຣະອົງຄືບໍ່ໃຊ້ພະລັງອໍານາດໃຫ້ຄົນເຊື່ອ, ເຫາະເຫີນເດີນອາກາດ?
ເພາະພຣະອົງຕ້ອງເປັນມະນຸດ, ມີຊີວິດຢ່າງມະນຸດ ຈິ່ງບໍ່ມີມະນຸດຖຽງໄດ້ວ່າ “ພຣະເຈົ້າເປັນພຣະເຈົ້າ ບໍ່ເປັນມະນຸດຈະຮູ້ໄດແນວນໃດວ່າໂລກນີ້ກິເຫຼດຫຼາຍເທົ່າມດ ໃຜຈະຫັກຫ້າມໃຈບໍ່ເຮັດບາບໄດ້ ແມ່ນແຕ່ຄິດບໍ່ມີໃຜບໍ່ຄິດດອກ!” ແຕ່ພຣະອົງມາໃຊ້ຊີວິດເປັນມະນຸດ 30 ກວ່າປີ, ແບບມະນຸດ ແຕ່ພຣະອົງກໍ່ເຊື່ອຟັງ ພຣະເຈົ້າ ແລະ ສະແດງຄວາມຮັກຕໍ່ມະນຸດດ້ວຍການຍອມຕາຍ.
-----------------------------------------------------------------------------------------------
ເທົ່ານີ້ກ່ອນເນາະ ຄໍາຖາມອື່ນຈະຕອບໃຫ້ອາທິດໜ້າເດີ້, ເພາະຈະບໍ່ໄດ້ຢູ່ວຽງຈັນອາທິດໜຶ່ງ.
ນີ້ເປັນຄວາມເຂົ້າໃຈສ່ວນຕົວ ແລະ ຄວາມເຊື່ອຈາກປະສົບການຂອງຂ້າພະເຈົ້າກັບພຣະເຈົ້າ, ມັນຄືຄວາມເຊື່ອສ່ວນບຸກຄົນ.
ຫຼາຍທ່ານວ່າເຫດຜົນເທົ່ານີ້ ຈະໃຫ້ໃຜເຊື່ອ?
ບໍ່ຕ້ອງເຊື່ອເພາະການເຫຼົ່າດອກ ເລື່ອງແບບນີ້ຕ້ອງອາໃສປະສົບການ ທີ່ບອກແນວໃດກໍ່ສໍາພັດບໍ່ໄດ້.
------ຍາວໜ້ອຍໜຶ່ງ, ແຕ່ກໍ່ຂອບໃຈທຸກ ຄຄຫ ບໍ່ວ່າຈະສະໜັບສະໜູນ ຫຼື ວິຈານ. ຂ້າພຣະເຈົ້າໃຫ້ອິດສະຫຼະກັບທຸກທ່ານທີ່ຈະແລກປ່ຽນຄວາມຄິດເຫັນ
ຂຽນເມື່ອ: ທ.ວ.. 24, 2011
| ມີ
ໜວດໝູ່:
