![ຂຽນເມື່ອ](./images/icons/wrote.png)
ຂຽນເມື່ອ: ມ.ນ.. 1, 2010
| ມີ
12 ຄຳເຫັນ
ແລະ
0 trackback(s)
ສະບາຍດີ, ຂໍໂທດຂໍອະໄພນຳພີ່ນ້ອງຫຼາຍ
ຂ້າພະເຈົ້າຂໍອອກຄວາມຄິດເຫັນກ່ຽວກັບຂ່າວນີ້. ຄືເທົ່າທ່ີຮູ້ມາກ່ຽວກັບການໃຫ້ສຳປະທານທ່ີດິນນີ້ກໍ່ດຽວວ່າ ລັດຖະບານເຮົາສັ່ງໂຈະແຕ່ປີ2007ເພື່ອທົບທວນຄືນ, ແຕ່ເປັນຫຍັງຍັງມີການດຳເນີນໃຫ້ສຳປະທານຢູ່, ຂ້າພະເຈົ້າລະບໍ່ເຂົ້າໃຈ? ແມ່ນໃຜອະທິບາຍໄດ້ແດ່? ບັນຫາກໍຄືຕອນນີ້ຍັງມີຂໍ້ຂັດແຍ່ງ ແລະ ຄວາມບໍ່ໂປ່ງໃສເກີດຂຶ້ນ ຄວນມີການແກ້ໄຂບັນຫາເກົ່າກ່ອນທ່ີຈະເຮັດອັນໃໝ່. ຄືດັ່ງບັນດາທ່ານໄດ້ຍິນຂ່າວນຳກັນເນາະກ່ຽວກັບສະໜາມກ໋ອບດົງໂພສີ, ໂຄງການປູກໄມ້ອຸດສະຫະກຳຕ່າງໆຢູ່ບັນດາແຂວງພາກເໜືອ, ໂຄງການຄາຊິໂນຢູ່ບໍ່ແກ້ວແດ່. ບໍ່ເຫັນທ່າທີວ່າຈະຖືກແກ້ໄຂແຕ່ຢ່າງໃດ. ມີການວິພາກວິຈານກັນຢ່າງກວ້າງຂວາງ.
ອີກຢ່າງໜຶ່ງ, ຄືໂຄງການນີ້ຈະໄປຕັ້ງໃສ່ແຂວງສະຫວັນນະເຂດ ເຊິ່ງວ່າເປັນແຂວງທ່ີຖືວ່າເປັນອູ່ເຂົ້າອູ່ນ້ຳໃຫຍ່ຂອງປະເທດລາວເພາະຖືວ່າ ວ່າແຂວງນິີີ້ເປັນທົ່ງພຽງເໝາະສົມແກ່ການກະສິກຳ, ແຕ່ວ່າຈະຫຼຸດເນື້ອທ່ີກະສິກຳລົງແລ້ວແຫຼ່ງຄວາມໝັ້ນຄົງທາງອາຫານເດ? ໃນສະພາບການສະພາບອາການປ່ຽນແປງເລື່ອງສະບຽງອາຫານຄວນເປັນເລື່ອງທ່ີຄວນເອົາໃຈໃສ່ ແລະ ປະຕິບັດຢ່າງຈິງຈັງ. ຈະອີງອາໄສນຳປະເທດອື່ນກໍ່ບໍ່ເປັນຕີ້ເພາະປະເທດອື່ນເຂົາກໍ່ຕ້ອງລ້ຽງຄົນຂອງເຂົາກ່ອນ. ຖ້າຍາມໃດບໍ່ເຫຼືອກິນເຂົາ, ເຮົາຊິໄດ້ກິນບໍ່?ຄັນອ້າງວ່າເງິນຊື້ໄດ້ທຸກຢ່າງ, ບາດຍາມຂາດແຄນເງິນມີກໍ່ບໍ່ມີຄວາມໝາຍດອກ. ປານໃດທ່ານຜູ້ມີອຳນາດໃນການແກ້ໄຂເລື່ອງນີ້ຈະຄຳນຶງເຖິງບັນຫານີ້ຢ່າງແທ້ຈິງຈັກເທື່ອ? ຖ້າທ່ານບອກວ່າທ່ານຄຳນຶງແທ້, ທ່ານຄວນປະຕິບັດ, ແມ່ນບໍ່? ອີກປະການໜຶ່ງ ປະເທດເຮົາກໍ່ມີດິນເໝາະສົມແກ່ການກະສິກຳຢ່າງຈຳກັດເພາະດິນສ່ວນໃຫຍ່ເປັນເຂດພູສູງ, ເປັນຫຍັງບໍ່ຮັກສາດິນທ່ີເໝາະສົມແກ່ການກະສິກຳໄວ້ລະ? ກໍ່ຢາກຂໍຝາກໆໄວ້ນຳບັນດາທ່ານຜູ້ກ່ຽວຂ້ອງໃຫ້ພິຈາລະນາ.
ຈາກຄົນລາວຜູ້ໜຶ່ງທ່ີເປັນຫ່ວງນຳການພັດທະນາຂອງລາວ
ໂສພາວັນ