ຂຽນເມື່ອ: ສ.ຫ.. 10, 2011
| ມີ
16 ຄຳເຫັນ
ແລະ
0 trackback(s)
ຍັງມີຫຼາຍໆທ່ານທີ່ຍັງບໍ່ເຂົ້າໃຈກ່ຽວກັບອັດຕ່າຄ່າໂທລະສັບ ໃນ ສປປ ລາວ. ດັ່ງນັ້ນ, ຂ້າພະເຈົ້າ ຈິ່ງຂຽນໄດອາຣີ ນີ້ຂື້ນມາ ແລະ ຂໍອະນູຍາດ copy ເອົາ ແຈ້ງການດັ່ງກ່າວ ມາໃຫ້ບັນດາທ່ານໄດ້ຮູ້ກັນ
ໜັງສືພິມ ວຽງຈັນໃໝ່ ສະບັບວັນທີ 28/06/2011 ໜ້າ 1
ແຈ້ງການ
ເລກທີ: 1463/ອປທ.ຫກ
ນະຄອນຫຼວງວຽງຈັນ ວັນທີ 24 ມິຖຸນາ 2011
ເຖິງ: ອົງການຈັດຕັ້ງຂອງລັດ ເອກະຊົນ ອົງການຈັດຕັ້ງສາກົນ ນິຕິບຸກຄົນ ແລະ ບຸກຄົນທີ່ນຳໃຊ້ໂທລະສັບ ໃນ ສປປ ລາວ.
ເລື່ອງ: ອັດຕາຄ່າບໍລິການໂທລະສັບ ແລະ ຂໍ້ຄວາມສັ້ນ ໃນ ສປປ ລາວ.
ອີງໃສ່ຂໍ້ຕົກລົງຂອງລັດຖະມົນຕີປະຈຳສຳນັກງານນາຍົກລັດ ຖະມົນຕີ ຫົວໜ້າອົງການໄປສະນີ ແລະ ໂທລະຄົມມະນາຄົມແຫ່ງຊາດ ສະບັບເລກທີ 993/ສນຍ.ອປທ ລົງວັນທີ 16/6/2011 ວ່າດ້ວຍອັດຕາຄ່າໂທລະສັບ.
ຫ້ອງການອົງການໄປສະນີ ແລະ ໂທລະຄົມມະນາຄົມແຫ່ງຊາດ ຂໍແຈ້ງມາຍັງອົງການຈັດຕັ້ງຂອງລັດ ເອກະຊົນ ອົງການຈັດຕັ້ງສາກົນ ນິຕິບຸກຄົນ ແລະ ບຸກຄົນ ໃນ ສປປ ລາວ ຊາບວ່າ ບັນດາບໍລິສັດລັດວິສາຫະກິດທີ່ໃຫ້ການບໍລິການໂທລະຄົມ ຈະປະຕິບັດອັດຕາຄ່າບໍລິການໂທລະສັບ ແລະ ຂໍ້ຄວາມສັ້ນ ທີ່ໄດ້ກຳນົດດັ່ງລຸ່ມນີ້:
1.ອັດຕາຄ່າໂທລະສັບ ແລະ ສົ່ງຂໍ້ຄວາມສັ້ນ (SMS) ພາຍໃນປະເທດ
ລ/ດ ປະເພດການບໍລິການ ຄ່າເຊົ່າປະຈຳເດືອນ ອັດຕາຄ່າໂທ
1 ໂທລະສັບຕັ້ງໂຕະ 15.000ກີບ/ເດືອນ 250ກີບ/ນາທີ
2 ໂທລະສັບມືຖືແບບຕັ້ງໂຕະ 250ກີບ/ນາທີ
3 ໂທລະສັບມືຖືລາຍເດືອນ 25.000ກີບ/ເດືອນ 300ກີບ/ນາທີ
4 ໂທລະສັບມືຖືແບບຕື່ມເງິນ 800ກີບ/ນາທີ
5 ສົ່ງຂໍ້ຄວາມສັ້ນ 100ກີບ/ຄັ້ງ
6 ສົ່ງຂໍ້ຄວາມສັ້ນຫາເຄືອຂ່າຍອື່ນ 200ກີບ/ຄັ້ງ
2.ອັດຕາຄ່າໂທລະສັບ ແລະ ສົ່ງຂໍ້ຄວາມສັ້ນ (SMS) ໄປຕ່າງປະເທດ
ຄ່າໂທລະສັບໄປຕ່າງປະເທດ : 1.800 ກີບຂຶ້ນໄປ/ນາທີ
ຄ່າສົ່ງຂໍ້ຄວາມສັ້ນໄປຕ່າງປະເທດ : 500 ກີບ/ຄັ້ງ
ດັ່ງນັ້ນ ຈຶ່ງແຈ້ງມາຍັງທຸກພາກສ່ວນເພື່ອຊາບ
ແຈ້ງການສະບັບນີ້ ມີຜົນບັງຄັບໃຊ້ນັບແຕ່ວັນທີ 1 ກໍລະກົດ 2011 ເປັນຕົ້ນໄປ
ຫົວໜ້າຫ້ອງການ ອປທ ແຫ່ງຊາດ
ພອນໄຊ ພົມມະປັນຍາ
ແຫຼ່ງຂໍ້ມູນ http://www.vientianemai.net/teen/khao/1/3508
ໜັງສືພິມ ປະຊຊົນ ສະບັບ ວັນທີ 10/08/2011 ໜ້າ 2 ໄດ້ມີແຈ້ງການອອກມາຕື່ມອີກ
ໜວດໝູ່:
