ຕອນເຊົ້າມື້ໜື່ງຂອງວັນອາທິດ ຫຼັງຈາກກິນເຂົ້າເຊົ້າ ຄອບຄົວຂອງທ້າວຫຳນ້ອຍກໍ່ພາກັນນັ່ງເບິ່ງທໍ ລະທັດຢູ່ຫ້ອງຮັບແຂກ ທ້າວຫຳນ້ອຍ ອາຍຸ 4 ປີ ເລີຍເວົ້າກັບພໍ່ວ່າ

ທ້າວຫຳນ້ອຍ: ພໍ່ໆ ລູກເບີ່ງທໍລະທັດມື້ໃດກໍ່ເຫັນນັກຂ່າວເວົ້າແຕ່ເລື່ອງນັກການເມືອງ, ນັກທຸລະກິດ, ກຳມະກອນ ແລະ ປະຊາຊົນ  ແລ້ວມັນມີການພົວພັນກັນແບບໃດ ລະພໍ່

ພໍ່: ເປັນຄຳຖາມທີ່ດີຫຼາຍລູກ ທຸກປະເທດມັນຕ້ອງປະກອບມີ ນັກການເມືອງ, ນັກທຸລະກິດ, ປະຊາຊົນຄົນຕາດຳໆ, ກຳມະກອນ  ແລະນັກຂ່າວ ໃຜກໍ່ເຮັດວຽກຂອງໃຜຂອງລາວໃດລູກຈິ່ງເປັນປະເທດໄດ້ ຍົກຕົວຢ່າງໃນເຮືອນເຮົານີ້ເດ ພໍ່ ກໍ່ເປັນນັກທຸລະກິດ, ແມ່ເຈົ້າກໍ່ເປັນນັກ ການເມືອງ, ເອື້ອຍແມວ(ຄົນຮັບໃຊ້) ເປັນກຳມະກອນ, ລູກກໍ່ເປັນສື້ມວນຊົນຫຼືນັກຂ່າວ ສ່ວນນ້ອງເຈົ້າທ້າວແອນ້ອຍ(ອາຍຸ1ປີ) ເປັນປະຊາຊົນຄົນຕາດຳໆ ເຊີ່ງໃຜກໍ່ເຮັດໜ້າທີ່ໃຜມັນນັ້ນ ລະລູກ

ທ້າວຫຳນ້ອຍ: ໂອ ລູກເຂົ້າໃຈແລ້ວພໍ່  ລູກຊິຈື່ໄວ້

ຫຼັງຈາກນັ້ນ 2 ຊົ່ວໂມງຕໍ່ມາໃຜກໍ່ກັບໄປຫ້ອງນອນຂອງໃຜຂອງລາວ ປະໃຫ້ແຕ່ສອງນ້ອງອ້າຍ ນອນເບີ່ງທໍລະທັດຕໍ່ໄປ. ດົນເຕີບປະກົດວ່າ ທ້າວແອນ້ອຍທັງຍ່ຽວທັງຂີ້  ທ້າວຫຳນ້ອຍກໍ່ເລີຍ ແລ່ນໄປທີ່ຫ້ອງນອນແມ່ ເຊີ່ງແມ່ກຳລັງນອນຢູ່  ລາວພະຍາມປຸກແນວໃດແມ່ກໍ່ບໍ່ຕື່ນ  ລາວເລີຍແລ່ນໄປຫາຫ້ອງນ້ອນເອຶ້ອຍແມວ ປະກົດວ່າເຫັນພໍ່ກຳລັງ(…)ກັບເອື້ອຍແມວຢູ່  ລາວເລີຍ ກັບມາຫານ້ອງຄືນ ເພືອຈະຊ່ວຍນ້ອງ ແຕ່ລາວບໍ່ສາມາດຊ່ວຍນ້ອງໄດ້ ລາວເລີຍຕັດສິນໃຈ ຮ້ອງ ໄຫ້ຂື້ນດັງໆ ເມືອທຖກຄົນໄດ້ຍິນສຽງຮ້ອງໄຫ້ກໍ່ເລີຍອອກມາຫາ

ພໍ່: ລູກເປັນຫຍັງຈິ່ງຮ້ອງໃຫ້

ທ້າວຫຳນ້ອຍ:ລູກກໍ່ເຮັດໜ້າທີ່ສື່ມວນຊົນແລ້ວເດ ແຕ່ບໍ່ມີໃຜສົນໃຈເລີຍ

ລາວຊີ້ມືໄປຫານ້ອງຊາຍຢູ່ພ້ອມທັງເວົ້າ

ທ້າວຫຳນ້ອຍ:ເບີ່ງຕິ ປະຊາຊົນຄົນຕາດຳໆ ກຳລັງເດືອດຮ້ອນ ຟຸມຂີ້ຟຸມຍ໋ຽວ, ນັກການເມືອງກໍ່ເອົາແຕ່ນອນໆໆໆ  ນັກຂ່າວເອີນກໍ່ບໍ່ສົນໃຈ, ສ່ວນນັກທຸລະກິດກໍ່ເອົາແຕ່ຂົ່ມເຫັງ ເຕັງທັບ ກຳມະກອນຢູ່ພໍສ່ຳນັ້ນ ນັກຂ່າວເຮັດໄດ້ດີທີ່ສຸດແລ້ວແຕ່ບໍ່ມີໃຜສົນໃຈ ກໍ່ເລີຍມາຮ້ອງໄຫ້ຢູ່ນີ້ລະ