ໄດອາຣີ່ຂອງ ດອກຮັງ ສາຍນ້ຳເຊໂດນ

ຂຽນເມື່ອ: ມ.ນ.. 17, 2012 | ມີ 0 ຄຳເຫັນ ແລະ 0 trackback(s)

- ຈົ່ງເຂັ້ມແຂງ ພ້ອມທີ່ຈະເປີດເຜີຍຄວາມໃນໃຈ

- ຈົ່ງອ່ອນແອ ພ້ອມທີ່ຈະຮັບຄວາມຜິດຫວັງ

- ຈົ່ງໃຈກວ້າງ ພ້ອມທີ່ຈະຍອມຮັບຄວາມຈິງທຸກຢ່າງ

- ຈົ່ງສະຫລາດ ພ້ອມທີ່ຈະຮູ້ວ່າເຮົາບໍ່ໄດ້ຮູ້ທຸກສິ່ງ

- ຈົ່ງໂງ່ ພ້ອມທີ່ຈະເຊື່ອໃນປາຕິຫານ

- ຈົ່ງເຕັມໃຈ ພ້ອມທີ່ຈະແບ່ງປັນຄວາມສຸກຂອງຕົນໃຫ້ກັບຜູ້ອື່ນ

- ຈົ່ງເຕັມໃຈ ພ້ອມທີ່ຈະແບ່ງຮັບຄວາມທຸກຈາກຜູ້ອື່ນ

- ຈົ່ງມີເຫດຜົນ ພ້ອມທີ່ຈະໃຫ້ອະໄພແກ່ຄົນຮັກ

- ຈົ່ງເບິ່ງພຽງແຕ່ບາດຍ່າງຖັດໄປ ພ້ອມທີ່ຈະສ້າງໃຫ້ວັນໃຫມ່ໆສົດໃສສວຍງາມສະເຫມີ

- ຈົ່ງຮັກຄົນທີ່ຮັກທ່ານ ແລ້ວມື້ຫນຶ່ງເຂົາຈະເຫັນໃຈທ່ານ

- ສິ່ງສຳຄັນ... ຈົ່ງເປັນໂຕຂອງເຮົາເອງ ນັ້ນລະດີທີ່ສຸດ

ອ່ານສຸພາສິດ-ຄຳຄົມ

ຂຽນເມື່ອ: ມ.ນ.. 17, 2012 | ມີ 0 ຄຳເຫັນ ແລະ 0 trackback(s)

ໜວດໝູ່: ກາບກອນ

ອ່ານບົດສຸພາສິດ

- ເປັນຄົນຕ້ອງເປັນຄົນແທ້ ປາກ-ໃຈ ຊື່ບໍລິສຸດ

ທຳການງານສຸດຈະລິດ ຈິ່ງຈະເລີນເມືອຫນ້າ

- ມີວາຈາເປັນທີ່ຕັ້ງ ຄຸນນະທຳເສີມສົ່ງ

ເຖິງຈະຕົກຟາກຟ້າ ບໍ່ມີມື້ຫມົ່ນຫມອງ

- ສົມບັດຫາມາໄດ້ ບໍ່ລັກໂລບຂອງໃຜ

ຫາມາດ້ວຍແຮງຕົນ ເຕົ້າໂຮມມາເລື້ອຍ

- ກຳເວນນັ້ນ ມີຈິງໃນໂລກ

ເຖິງຈະຫນີໃຫ້ພົ້ນ ເວນນັ້ນກໍໄລ່ຕາມ

- ເກີດເປັນຄົນ ຈະພົບເຫັນຮ້ອຍແປດ

ທັງດີ ແລະ ຮ້າຍ ໂຮມເຂົ້າໃຫ້ຮໍ່າຮຽນ

- ພຽງແຕ່ເອົາໃຈສູ້ ຂຸດພູບໍ່ໄຫວຫວັ່ນ

ຖົມທະເລກໍໄດ້ ເພາະໃຈກ້າກັ່ນແຂງ

ອ່ານສຸພາສິດ-ຄຳຄົມ

- ຢູ່ໃນກຸ່ມຄົນທີ່ເຈົ້າເຫັນວ່າຊົ່ວ ອາດມີບາງຄົນເປັນຄົນດີທີ່ສຸດເຂົາຊົ່ວເພາະຖືກກັ່ນແກ້ງ

- ຂອງດີຍ່ອມມີປະໂຫຍດແກ່ຜູ້ທີ່ຮູ້ຈັກໃຊ້

- ນິໄສຄົນພານ ຍ່ອມບໍ່ຮູ້ຈັກກະຕັນຍູ

- ຄວາມລະແວງສົງໄສ ເປັນບໍ່ເກີດແຫ່ງຄວາມແຕກແຍກ

- ເຮັດວຽກຢູ່ກັບນາຍບໍ່ດີ ເຫມືອນຢູ່ກັບຜີກັບເຜດ

- ຄົນສະຫລາດຍ່ອມຕ້ອງການສິ່ງຈຳເປັນສຳລັບຊີວິດຫລາຍກວ່າສິ່ງຂອງປະດັບກາຍ

- ຄວາມຕ້ອງການທີ່ບໍ່ຮູ້ສິ້ນສຸດ ຍ່ອມນຳມາເຊິ່ງຄວາມເດືອດຮ້ອນ

ອ່ານຄຳຄົມ-ສຸພາສິດ

ຂຽນເມື່ອ: ມ.ນ.. 17, 2012 | ມີ 0 ຄຳເຫັນ ແລະ 0 trackback(s)

ໜວດໝູ່: ອື່ນ ໆ

-ຄຸນຄ່າຂອງຄົນຢູ່ທີ່ຜົນຂອງງານ

-ຢ່າເປັນຄົນຫນ້າເນື້ອໃຈເສືອ ( ຫນ້າໄຫວ້ຫລັງຫລອກ)

-ຢ່າຢຽບເຮືອສອງແຄມ

-ຕາມໃຈປາກລຳບາກແກ່ທ້ອງ

-ຢ່າຕຳຫນິນາຍຈະໄດ້ພາຍຖົງຫນີ

-ໄປໃຫ້ເບິ່ງທີ່ ຫນີໃຫ້ເບິ່ງບ່ອນ

ຖ້ຳພະ ເມືອງພູກູດ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ບົນເສັ້ນທາງວຽງຈັນ-ຊຽງຂວາງ ທີ່ຜ່ານສາມແຍກພູຄູນ ໂດຍແລ່ນມາຕາມເສັ້ນທາງສູງຊັນຄົດລ້ຽວ ຜ່ານບັນດາບ້ານທີ່ຂຶ້ນກັບແຂວງຫຼວງພະບາງ ແລະ ແຂວງຊຽງຂວາງ ເຊັ່ນ: ບ້ານພູວຽງນ້ອຍ ພູວຽງໃຫຍ່ ພູສູງ ກີ່ວພູ ແລະ ບ້ານຕ່າງໆ ຊຶ່ງຕັ້ງງອຍຢູ່ແຄມພູ ໃນທີ່ສຸດ ພວກເຮົາກໍແລ່ນລົດລົງຄ້ອຍ ຫຼຸດລະດັບຄວາມສູງລົງ ມຸ່ງໜ້າສູ່ບ້ານ ຕ່າງໆຂອງເມືອງພູກູດ ແຂວງຊຽງຂວາງ ເມື່ອຜ່ານບ້ານເມືອງສຸ້ຍ ບ້ານຈອມສີ ແລະ ບ້ານອີກຈຳນວນໜຶ່ງ ແລ້ວກໍລ້ຽວຂວາ ແລະ ແລ່ນໄປອີກໄລຍະໜຶ່ງ ກໍສາມາດເຂົ້າ ເຖິງຖ້ຳພະ ຊຶ່ງຕັ້ງຢູ່ບໍລິເວນບ້ານຊຽງງາ ເມືອງພູກູດ ໄກຈາກເທດສະບານແຂວງ ໂພນສະຫວັນ 49 ກິໂລແມັດ.

ຖ້ຳພະແຫ່ງນີ້ ໄດ້ຖືກການຈັດຕັ້ງກ່ຽວຂ້ອງຂອງແຂວງ ຈັດຕັ້ງໃຫ້ເປັນແຫຼ່ງທ່ອງທ່ຽວທີ່ສຳຄັນຂອງແຂວງ ໂດຍມີການປັບປຸງ ຈັດສັນການບໍລິການຕ່າງໆ ຄົບຖ້ວນ ນັບແຕ່ ປະຕູເຂົ້າ-ອອກ ບ່ອນຂາຍປີ້ ຮ້ານກິນດື່ມ ຫ້ອງນ້ຳ ມີໄຟຟ້າເຍືອງທາງໃນຖ້ຳ ຊຶ່ງນັບວ່າເປັນຄວາມເອົາໃຈໃສ່ດີສົມຄວນ.

ຖ້ຳພະດັ່ງກ່າວ ຕາມການເລົ່າຂານ ວ່າເປັນຖ້ຳສັກສິດ ຖືກຄົ້ນພົບມາຫຼາຍເຊັ່ນຄົນ ມີພະພຸດທະຮູບໃຫຍ່ 2 ອົງ ປະດິດສະຖານໄວ້ອົງລະຫ້ອງ ອ້ອມລ້ອມດ້ວຍພະອົງ ນ້ອຍ ຈຳນວນຫຼາຍ ແລະ ໃນຖ້ຳກໍມີຫ້ອງຕ່າງໆ ບາງຫ້ອງກໍເຂົ້າເຖິງ ບາງຫ້ອງຜູ້ສົນໃຈລອດໄປເບິ່ງກໍໄດ້ ຕາມການເລົ່າຍັງໃຫ້ຮູ້ວ່າ ຖ້ຳແຫ່ງນີ້ ໃນສະໄໝສົງຄາມ ໄດ້ມີ ປະຊາຊົນເຂົ້າມາອາໄສຢູ່ ເພື່ອຫຼົບຫຼີກການປອງຮ້າຍຂອງໂຈນອາກາດ ແລະ ອາດເປັນໂຮງໝໍນ້ອຍອີກແຫ່ງໜຶ່ງກໍໄດ້ ເພາະປະກົດວ່າ ມີຕຽງນອນຄົນເຈັບເຫຼືອຢູ່ໃນ ຫ້ອງອີກດ້ວຍ ຕາມການສັງເກດໂດຍທົ່ວໄປ ເຫັນວ່າມີຜູ້ຄົນມາຊົມ ແລະ ສັກກາລະບູຊາບໍ່ຂາດ ເພື່ອເປັນສີລິມຸງຄຸນແກ່ຊີວິດ ດັ່ງຈະເຫັນໄດ້ຈາກຮ່ອງຮອຍການບູຊາ ດອກໄມ້ ທູບທຽນ ການສ່ຽງຊີ ເປັນຕົ້ນ.

ເວົ້າລວມແລ້ວ ໂດຍອີງຕາມການຈັດສັນ ການຕົບແຕ່ງອັນພໍດ້າມພໍດີນັ້ນ ບວກກັບຄວາມສະອາດ ຈຶ່ງເຫັນສົມຄວນວ່າຖ້ຳແຫ່ງນີ້ ມີຄວາມເໝາະສົມແກ່ການໄປທ່ຽວ ເຖິງ ຈະອ່າວໄກ ແຕ່ກໍບໍ່ມີບັນຫາ ເພາະນອກຈາກຊົມສິ່ງເປັນມຸງຄຸນແລ້ວ ຍັງຈະໄດ້ຊົມທີວທັດສວຍງາມ ສູບດົມອາກາດສົດໆ ຊຶມຊັບກັບອາຍເຢັນຂອງຖ້ຳ ແລະ ຢູ່ກ້ອງຮົ່ມ ເງົາຕົ້ນໄມ້ໃຫຍ່ ໃນທ່າມກາງແວດລ້ອມຂອງພູເຂົາລຳເນົາໄພ ທີ່ໃຫ້ຄວາມຜ່ອນຄາຍທາງດ້ານຮ່າງກາຍ ແລະ ຈິດໃຈ.

ໂດຍ: ດອກຊ້ອນ ດອນໄຂງ

ສິ່ງທີ່ວ່າງ່າຍໆ... ມີຫຼາຍເທື່ອເຮົາກໍຍັງຫຼົງ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເວລາຖືກເຊີນໄປຮ່ວມງານລ້ຽງຕ່າງໆ ມັນກໍບໍ່ແມ່ນເລື່ອງແປກ ທີ່ຕ້ອງມານັ່ງຄິດໃຫ້ມັນເຈັບສະໝອງແມ່ນບໍ ? ແຕ່ບາງທີສິ່ງເລັກໆນ້ອຍໆ ທີ່ຄິດວ່າງ່າຍໆໃນເບື້ອງຕົ້ນນັ້ນ ມັນກໍພາໃຫ້ເຮົາບໍ່ສະບາຍໃຈ ໂດຍສະເພາະ ໃນຍາມທີ່ຕ້ອງຢູ່ທ່າມກາງ ກັບຫຼາຍໆຄົນດ້ວຍຄວາມລຳບາກ ຈົນມີຄຳຢອກຫຼິ້ນໃນພາສາຂອງຄົນຮູ້ໃຈວ່າ: ກິນເຂົ້າກັບນາຍ ຟ້ອນລຳວົງກັບເມຍ ຈັ່ງແມ່ນມັນເພຍຫົວໃຈ... ຄືຈັ່ງວ່າ ! ມັນບໍ່ເປັນທຳມະຊາດ ຫຼື ຂາດສີສັນ ແລະ ຫຼົດຊາດຈັ່ງໃດຈັ່ງໜຶ່ງ ຈັ່ງຊັ້ນລະ ! ເພື່ອບໍ່ໃຫ້ທ່ານຮູ້ສຶກອຶດອັດ ຈົນ ຕ້ອງກິນເຂົ້າບໍ່ແຊບ ຫຼື ກິນບໍ່ອີ່ມ ຈົນຕ້ອງກັບມາຈ້ຳແຈ່ວປາແດກຢູ່ເຮືອນນັ້ນ ຂໍຍົກເອົາບາງບັນຫາມາແລກປ່ຽນດັ່ງນີ້:

- ເມື່ອຖືກເຊີນ ຄວນມາກົງເວລາ ເພື່ອຈະໄດ້ທຳຄວາມຮູ້ຈັກ ສະພາບຂອງງານໄດ້ຢ່າງລະອຽດ.

- ບໍ່ຄວນລຸກອອກໄປຫັ້ນມາໜີ້ ໂດຍບໍ່ຈຳເປັນ ລະວັງການໄອ ຈາມ ຫາວ ແລະ ເບະສົບທີ່ບໍ່ຕັ້ງໃຈ.

-ບໍ່ຄວນອ່ານໜັງສື ຫຼື ຈົດໝາຍ ຍົກເວັ້ນລາຍການອາຫານ ແລະ ກິດຈະກຳທີ່ເຈົ້າພາບຢາຍໄວ້.

-ບໍ່ຄວນກາງສອກ ເດ່ແຂນ ຄືກັບຕີມວຍ ອັນເປັນການກີດຂວາງຄົນ ທີ່ນັ່ງຢູ່ທາງຂ້າງ.

- ເວລາຍົກນ້ຳ ເບຍ ຫຼື ຍໍເຫຼົ້າດື່ມ ບໍ່ຄວນຍົກສູງຈົນໄດ້ແຫງນຄໍໃສ່.

- ບໍ່ຄວນໃຊ້ມືກ້ຳຊ້າຍຈັບຈອກ ຖ້ວຍ ຫຼື ເຄື່ອງໃຊ້ທີ່ເພິ່ນຈັດວາງໄວ້ ໃຫ້ສຳລັບຄົນແຮງກ້ຳຂວາ.

- ເວລາຕັກອາຫານ ຄວນລະວັງ ບໍ່ໃຫ້ເຮ່ຍ ຫຼື ຕົກໂຢດຊະຊາຍ ເຊິ່ງພາໃຫ້ບໍ່ງາມຕາ.

- ຖ້າບັງເອີນເຮົາເຮັດສິ່ງໃດສິ່ງໜຶ່ງຜິດ ກໍຈົ່ງວາງທ່າເສີຍເປັນທຳມະຊາດ ຢ່າແກ້ຕົວ.

- ບໍ່ຈັບບາຍ ຫຼິ້ນບ່ວງ ອົມສ້ອມ ແລະ ແພເຊັດປາກ ບໍ່ຄວນຍື່ນມືຢິບເອົາເຄື່ອງໃຊ້ຂອງຄົນອື່ນ.

- ຕ້ອງໃຈໃຫຍ່ ຊ່ວຍເຫຼືອຜູ້ທີ່ຢູ່ທາງຂ້າງ ໂດຍສະເພາະແມ່ຍິງ ໃນການບໍລິການເຂົ້າປາອາຫານ.

- ບໍ່ຄວນຕັກຈົນລົ້ນ ກິນຄຳໃຫຍ່ ບໍ່ຫຍ້ຳອາຫານໃຫ້ມີສຽງດັງ ແລະ ອາຫານທີ່ຕັກມາ ຄວນກິນໃຫ້ໝົດ.

- ບໍ່ໃຊ້ມີດສຽບຕັກອາຫານໃສ່ປາກ ບໍ່ຍົກບ່ວງ ຫຼື ສ້ອມສູງເກີນໄປ ບໍ່ເວົ້າລົມເມື່ອອາຫານຢູ່ປາກ.

- ບໍ່ຄາກຖົ່ມກ້າງ ກະດູກ ເມັດ ແກ່ນ ອອກຈາກປາກ ຄວນໃຊ້ຜ້າ ຫຼື ເຈ້ຍອະນາໄມຮອງຮັບ.

- ບໍ່ເອົາຜ້າເຊັດປາກ ເໜັບໃສ່ບ່ອນໃດບ່ອນໜຶ່ງ ແຕ່ຄວນພືອອກ ພາດໄວ້ກົກຄາ ໜັາຕັກ ຫຼື ໜ້າໂຕະ.

- ຢ່າພັບ ຫຼື ມ້ຽນຜ້າເຊັດມື ຄວນປະຕາມທຳມະຊາດ ຄືກັບຜ້າທີ່ເປື້ອນແລ້ວ.

ອາຫານທຸກປະເພດ ຖ້າເຮົາບໍ່ທັນເຄີຍສັນ ກໍຢ່າຟ້າວກິນ ຄວນສັງເກດຄົນຢູ່ທາງຂ້າງ ແລ້ວຈຶ່ງຄ່ອຍຮັບປະທານຊ້າໆ ບໍ່ຟ້າວບໍ່ຝັ່ງ ສຳລັບເມຍທີ່ຍິ້ມຢູ່ທາງຂ້າງນັ້ນ ໃຫ້ຄິດ ສາວ່າ ເປັນຄົນຮັກໃໝ່ ທີ່ເຮົາຫາກໍຮູ້ຈັກ ແລະ ຢາກຟ້ອນນຳຈົນໃຈຈະຂາດ ຖ້າເຮັດໄດ້ຊ່ຳນີ້ແລ້ວ ຍັງບໍ່ມີຄວາມສຸກ ກໍບໍ່ຄວນມີຄວາມຮັກ...

ໂດຍ: ສາຍດາຣາ

ປິດຕະຫລາດ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຕະຫລາດຊື້-ຂາຍ ນັກເຕະຮອບສອງໃນເດືອນມັງກອນທີ່ຜ່ານມາປິດໄປແລ້ວ ຄາວນີ້ຄຶກຄັກບໍ່ໜ້ອຍ ໂດຍສະເພາະໃນພຣີເມຍລີກ ບັນດານາຍໜ້ານັກເຕະ ແລະ ສະໂມສອນຕ່າງໆ ວິ່ງເຕັ້ນກັນຈົນເຖິງວິນາທີສຸດທ້າຍຂອງຕະ ຫລາດ.

ທີ່ຮືຮາທີ່ສຸດໃນການຍ້າຍທິມຄັ້ງນີ້ ຄົງໜີບໍ່ພົ້ນ ເຟນານໂດ ຕໍເຣສ ກອງໜ້າຊາວແອັດສະປາຍຂອງລີເວີພູນ ທີ່ບໍ່ຄ່ອຍມີຄວາມສຸກໃນຖິ່ນແອນຟິວປານໃດ ສຸດທ້າຍກໍໄດ້ຍ້າຍໄປຢູ່ເຊວຊີສົມໃຈຢາກ.

ຄ່າຕົວມະຫາສານ 50 ລ້ານປອນ ເປັນສະຖິຕິຄ່າຕົວການຍ້າຍທິມທີ່ແພງທີ່ສຸດໃນບັນດານັກເຕະພຣີເມຍລີກ.

ເປັນອັນດັບ 4 ຂອງໂລກ ຮອງຈາກຄຣິສເຕຍໂນ່ ໂຣນັນໂດ ຂອງຣິວ ມາດຣິດ ທີ່ມີຄ່າຕົວ 80 ລ້ານປອນ ຊະລາຕັນ ອິບຣາໂມວິຊ ຕອນຍ້າຍຈາກອິນເຕີ ມິລານ ໄປບາເຊໂລນ່າ 56,5 ລ້ານປອນ, ກາກ້າ ຈາກເອຊີ ມິລານ ໄປຣິວ ມາດຣິດ 56 ລ້ານປອນ. ນອກຈາກນີ້ ເຊວຊີຍັງໄດ້ດາວິດ ລູອິຊ ກອງຫລັງຈາກເບນຟີກາເພີ່ມອີກຄົນ.

ດ້ານລີເວິພູນ ເຖິງແມ່ນຈະເສຍຕໍເຣສໄປ ກໍຍັງໄດ້ 2 ດາວດັງມາເສີມທິມ ຊະນິດທີ່ວ່າສົມນ້ຳສົມເນື້ອ ໄດ້ທັງ ຫລຸຍ ຊົວເຣສ ດາວຍິງອຸຣຸກວັຍ ຈາກອາແຈັກ ຄ່າຕົວ 22,8 ລ້ານປອນ ແລະ ແອນດີ ຄາໂຣ ສູນໜ້າຕົວເກັ່ງຈາກ ນິວຄາສເຊິນ 35 ລ້ານປອນ.

ຂະນະທີ່ທັອດແນມ ຮອສເປີ ພະຍາຍາມດຶງ 2 ນັກເຕະດັງຂອງແອດເລຕິໂກ ມາດຣິດ ຢ່າງດິເອໂກ ຟໍລັນ ແລະ ເຊີຈິໂອ ອະເກວໂຣ່ ສຸດທ້າຍກໍພາດຫວັງ ນອກຈາກນີ້ຍັງພະຍາຍາມຈະຊື້ຊາລີ ອະດຳ ຫົວໜ້າທິມແບລກພູນອີກຄົນ ແຕ່ກໍພາດໃນວິນາທີສຸດທ້າຍ.

ຝັ່ງແອັດສະປາຍ ປີນີ້ຈະບໍ່ຄ່ອຍຄຶກຄັກປານໃດ.

ຂະນະທີ່ກັນໂຊ ຊີຣີເອ ອີຕາລີເອຊີ ມິລານ ໄດ້ນັກເຕະມາເສີມທິມຫລາຍກວ່າທິມອື່ນ ໄດ້ທັງມາກ ຟານ ບອມເມວ ຈາກບາເຢິນ ມິວນິກ ແລະ ຈາມເປົາໂລ ປາຊຊີນີ ກອງໜ້າຈາກຊາມໂດເຣຍ ແລະ ໄດ້ນິໂກລ່າ ເລກຣັອດ ຕາກລີ ກອງຫລັງຈາກຢູເວນຕຸສ.

ຂະນະທີ່ຢູເວນຕຸສ ດຶງອະເລສຊານໂດຣ ມາຕຣີ ໂດຍຢືມຈາກກາຢາຣີ່.

ຫລັງຈາກນີ້ໄປ ເປັນໄລຍະເວລາຂອງການພິສູດຜົນງານການຊື້-ຂາຍໃນຮອບນີ້ !

ອັນເຊລັອດຕິຍອມຮັບສະພາບລູກທິມເສຍໄຊໃຫ້ລີເວພູນແບບໝົດຮູບ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ອັນເຊລັອດຕິຍອມຮັບສະພາບລູກທິມເສຍໄຊໃຫ້ລີເວພູນແບບໝົດຮູບ

ຄາໂລ ອັນເຊລັອດຕິ ຜູ້ຈັດການໃຫຍ່ທິມເຊວຊີ ກົ້ມໜ້າຮັບສະພາບໃນນັດທີ່ເສຍໄຊໃຫ້ລີເວີພູນ 0-1 ເມື່ອຄືນວັນອາທິດທີ 6 ກຸມພາຜ່ານມາ ຊີ້ແຈງວ່າແນວຮັບລີເວີພູນໜຽວແໜ້ນ ສົ່ງຜົນໃຫ້ລູກທິມຂອງເຂົາບໍ່ມີປັນຍາຫາຊ່ອງທາງເຂົ້າໄປຍິງປະຕູ ໄດ້ເລີຍ.

ຄາໂລ ອັນເຊລັອດຕິ ຜູ້ຈັດການທິມຈອມປະສົບການຂອງເຊວຊີ ສະໂມສອນຊັ້ນແນວໜ້າແຫ່ງເສິກພຣີເມຍລີກ ອັງກິດ ອອກມາເປີດເຜີຍວ່າ ລູກທິມຂອງເຂົາສ້າງຜົນງານໄດ້ບໍ່ດີ ໃນເກມເສຍໃຫ້ລີເວີພູນ ທີ່ສະໜາມສະແຕມຟອດ ບຣິດ 0-1 ເມື່ອຄືນວັນອາທິດຜ່ານມາ ພ້ອມກົ້ມໜ້າຍອມຮັບກັບຄວາມປະລາໄຊໃນນັດນີ້.

“ ລີເວີພູນ ” ໄດ້ປະຕູໄຊຈາກຝີຕີນຂອງ ຣາອູນ ເມຍຣາເລສ ກອງກາງຕົວເກັ່ງ ສົ່ງຜົນໃຫ້ຄວ້າ 3 ຄະແນນກັບບ້ານໄດ້ສຳເລັດ ສ່ວນຄວາມປະລາໄຊຂອງເຊວຊີ ສົ່ງຜົນໃຫ້ພວກເຂົາຍັງຄົງຕາມຫລັງແມນເຊສເຕີ ຢູໄນເຕັດ ທິມອັນດັບ 1 ຂອງຕາຕຕະລາງເຖິງ 10 ຄະແນນ.

ຄາໂລ ອັນເຊລັອດຕິ ກ່າວເຖິງຈັງຫວະທີ່ເຊວຊີພາດໄດ້ຈຸດໂທດ 2 ຄັ້ງວ່າ “ ຂ້ອຍຄິດວ່າຈັງຫວະ ສະກັດໃສ່ (ບຣານິສລາຟ) ອິວາໂນວິຊ ມັນຕ້ອງເປັນຈຸດໂທດ ແຕ່ເຮົາຕ້ອງຍອມຮັບວ່າເຮົາຫລິ້ນໄດ້ບໍ່ດີຈິງໆ ເຮົາຕ້ອງຕັດສິນຜົນງານຂອງກຳມະການ ແລະ ຂອງເຮົາດ້ວຍ ເຮົາຫລິ້ນໄດ້ບໍ່ດີພໍທີ່ຈະຄວ້າໄຊຊະນະໃນເກມນີ້ ພວກເຂົາຫລິ້ນເກມຮັບໄດ້ດີຫລາຍ ແລະ ເຮົາບໍ່ສາມາດຫາພື້ນທີ່ເພື່ອເປີດເກມບຸກເລີຍ ”.

ສຳລັບປະຕູທີ່ເສຍໄປ ເປັນຈັງຫວະນິ້ງກັນລະຫວ່າງ ປີເຕີ ເຊັກ ຜູ້ຮັກສາປະຕູ ກັບ ອິວາໂນວິຊ ໂດຍ ອັນເຊລັອດຕິໃຫ້ຄວາມເຫັນວ່າ “ ມັນເປັນຄວາມຜິດພາດຈາກທັງສອງຄົນ ບໍ່ມີປະຕິກິລິຍາທີ່ດີໃນຈັງຫວະການ ໂດ່ງບານທາງແຄມເສັ້ນ ຂ້ອຍຄິດວ່າຜົນສະເໝີເໝາະສົມທີ່ສຸດ ແຕ່ເຮົາຕ້ອງເຂົ້າໃຈວ່າ ການຫລິ້ນເພື່ອໃຫ້ໄດ້ໄຊຊະນະ ເຮົາຕ້ອງສ້າງຜົນງານໃຫ້ດີກວ່ານີ້ ”.

ຄັດຈາກເວັບໄຊ www.siamsport.co.th

ລີເວີພູນສະທ້ານ ! ຣິວ ມາດຣິດ ຈະຄວ້າເຈີຣາດລະດູການໜ້າ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ລີເວີພູນສະທ້ານ ! ຣິວ ມາດຣິດ ຈະຄວ້າເຈີຣາດລະດູການໜ້າ

ໂຈເຊ່ ມູຣິນໂຢ່ ຜູ້ຈັດການທິມ ຣິວ ມາດຣິດ ຫວັງດຶງ ສະຕີເວ່ນ ເຈີຣາດ ຫົວໜ້າທິມລີເວີພູນ ໄປເຂົ້າຖິ່ນຊານຕິອາໂກ ເບີນາເບວໃນລະດູການນີ້ ຫລັງຕາມໃຫ້ຄວາມສົນໃຈມາດົນນານແລ້ວ ຄາດວ່າພ້ອມຍື່ນເງິນ ຈຳນວນ 25 ລ້ານປອນ ໃຫ້ລີເວີພູນພິຈາລະນາ.

ຣິວ ມາດຣິດ ທິມຍິ່ງໃຫຍ່ແຫ່ງເສິກລາ ລີກາ ແອັດສະປາຍ ພ້ອມທີ່ຈະຍື່ນຂໍ້ສະເໜີ 25 ລ້ານປອນ ຄວ້າຕົວ ສະຕີເວ່ນ ເຈີຣາດ ກອງກາງຫົວໜ້າທິມລີເວີພູນ ມາຮ່ວມທິມໃນລະດູການໜ້າ ຕາມລາຍງານຈາກ “ ເດິະ ພີເພິລ ” ໜັງສືພິມລາຍວັນເຫລັ້ມດັງແຫ່ງເກາະອັງກິດ ເມື່ອວັນອາທິດທີ 6 ກຸມພາທີ່ຜ່ານມາ.

ໂຈເຊ່ ມູຣິນໂຢ່ ຜູ້ຈັດການທິມຊາວປອກຕຸຍການຂອງຣິວ ມາດຣິດ ປະທັບໃຈ ແລະ ຊື່ນຊົມຟອມການ ຫລິ້ນຂອງເຈີຣາດເປັນການສ່ວນຕົວຢູ່ແລ້ວ ແລະ ເຄີຍພະຍາຍາມຈະຄວ້າຕົວມາຮ່ວມທິມໂດຍຕະຫລອດ ບໍ່ວ່າຈະສະໄໝທີ່ຄຸມເຊວຊີ ຫລື ອິນເຕີ ມິລານ ແຕ່ບໍ່ປະສົບຄວາມສຳເລັດ.

ຈາກສະຖານະການຂອງ ລີເວີພູນ ທີ່ສໍ່ແວວບໍ່ໄດ້ໄປຫລິ້ນ ຢູຟ່າ ແຊັມປຽນ ລີກ ເປັນປີທີສອງຕິດຕໍ່ກັນໃນລະດູການໜ້າ ລວມທັງຫາກໍປ່ອຍເຟີນານໂດ ຕໍເຣສ ຫົວຫອກທິມຊາດແອັດສະປາຍໄປໃຫ້ເຊວຊີ ດ້ວຍຄ່າຕົວເປັນສະຖິຕິສູງສຸດຂອງເກາະອັງກິດ 50 ລ້ານປອນ ເມື່ອເດືອນມັງກອນທີ່ຜ່ານມາ ເຮັດໃຫ້ມູຣິນໂຢ່ ຫວັງໃຊ້ໂອກາດນີ້ຍື່ນຂໍ້ສະເໜີ 25 ລ້ານປອນ ຄວ້າຕົວມາຮ່ວມຖິ່ນ ຊານຕິເອໂກ ເບນາເບວຕໍ່ໄປ.

ຄັດຈາກເວັບໄຊ www.siamsport.co.th

ແມນຯຢູໄນເຕັດ, ແມນຯຊີຕີ ແລະ ລີເວີພູນ ເປີດເສິກລ່າແອຊລີ ຢັງ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ແມນຯຢູໄນເຕັດ, ແມນຯຊີຕີ ແລະ ລີເວີພູນ ເປີດເສິກລ່າແອຊລີ ຢັງ

ສະໂມສອນແມນເຊສເຕີ ຢູໄນເຕັດ, ແມນເຊສເຕີ ຊີຕີ ແລະ ລີເວີພູນ ກຽມເປີດເສິກໄລ່ລ່າແອຊລີ ຢັງ ມາເສີມທິມໃນໄລຍະພັກຮ້ອນນີ້ ຫລັງທັງ 3 ທິມຕ່າງລົ້ມເຫລວໃນການຄວ້າຕົວດາວເຕະ ແອສຕັນ ວິນລາ ໃນໄລຍະ 6 ເດືອນຜ່ານມາ ຄາດວ່າອະດີດນັກເຕະວັດຟອດ ໜ້າຈະມີຄ່າຕົວໃນການຍ້າຍທິມປະມານ 12,5 ລ້ານປອນ.

ສຳລັບແມນຯຊີຕີ ໄດ້ພະຍາຍາມຄວ້າດາວເຕະໄວ 25 ປີ ມາເສີມທັບໃນໄລຍະເວລາ 48 ຊົ່ວຖໂມງ ກ່ອນເສັ້ນຕາຍຕະຫລາດຊື້-ຂາຍເດືອນມັງກອນທີ່ຜ່ານມາ ແຕ່ກໍບໍ່ປະສົບຄວາມສຳເລັດ ຂະນະທີ່ແມນຯຢູໄນເຕັດ ຫວັງໃຊ້ສາຍສຳພັນສ່ວນຕົວທີ່ມີຢູ່ກັບນາຍໜ້າຄົນຫລ້າສຸດຂອງນັກ ເຕະ ໃນການຄວ້າຕົວກອງກາງທິມ ຊາດອັງກິດ ເຂົ້າມາສູ່ຖິ່ນໂອແທຣບຟອດ ເພື່ອມາເປັນຕົວແທນໄລຍະຍາວຂອງ ໄຣອັນ ກິກ ຕໍ່ໄປ.

ທັງນີ້ ອະດີດນັກເຕະຂອງວັດຟອດ ຊຶ່ງເປັນນັກເຕະຄ່າເມື່ອຍສູງສຸດຂອງແອສຕັນ ວິນລາ ດ້ວຍຈຳນວນ 65.000 ປອນຕໍ່ສັບປະດາ ພາຍໃຕ້ສັນຍາທີ່ເຫລືອຢູ່ອີກ 18 ເດືອນ ຄາດວ່າຈະມີຄ່າຕົວໃນການຍ້າຍທິມປະມານ 12,5 ລ້ານປອນດ້ວຍກັນ.

ຄັດຈາກເວັບໄຊ www.soccersuck.com

ຕຳຫລວດສາກົນກຽມສອບສວນນັດອາເຊນອນ-ນິວຄາສເຊິນ ສະເໝີ 4-4

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຕຳຫລວດສາກົນກຽມສອບສວນນັດອາເຊນອນ-ນິວຄາສເຊິນ ສະເໝີ 4-4

ການກັບມາແບບສຸດຊ໊ອກຂອງນິວຄາສເຊິນ ຢູໄນເຕັດ ທີ່ໄລ່ຍິງອາເຊນອນ 4 ປະຕູລວດ ຈົນໄດ້ຜົນສະເໝີ 4-4 ໃນທ້າຍທີ່ສຸດກາຍມາເປັນເລື່ອງ ເມື່ອຕຳຫລວດສາກົນ ກຳລັງຈະເຂົ້າມາກວດສອບເລື່ອງນີ້.

France State TV ໄດ້ລາຍງານວ່າຕຳຫລວດສາກົນໄດ້ເບິ່ງເຫັນເລື່ອງຜິດປົກກະຕິ ຈາກລາຄາການຮັບແທງຂອງບ່ອນການພະນັນ ໂດຍການສືບສວນຄັ້ງນີ້ຈະພຸ່ງໄປທີ່ຟິວ ດາວ ຜູ້ຕັດສິນໃນເກມດັ່ງກ່າວ ແລະ ໂທມັສ ໂຣຊິກກີ ກອງກາງຂອງອາເຊນອນ.

ຟິວ ດາວ ແຈກໃບແດງໃຫ້ກັບອາບູ ດິຢາບີ້ ແລະ ເປົ່າ 2 ຈຸດໂທດໃຫ້ກັບທາງນິວຄາສເຊິນ ສ່ວນໂຣຊິກກີນັ້ນ ກໍເປັນຄົນເຮັດຜິດກະຕິກາ ຈົນເຮັດໃຫ້ອາເຊນອນຕ້ອງເສຍຈຸດໂທດດ້ວຍ.

ຄາດວ່າທາງອາເຊນອນ ຈະອອກຖະແຫລງການເຖິງຂ່າວນີ້ໃນວັນອັງຄານທີ 8 ກຸມພານີ້.

ຄັດຈາກເວັບໄຊ www.soccersuck.com

ກັນເດຣ່ອນ ຊີ້ແຈງວ່າບັນຫາໃນຣິວ ມາດຣິດ ລໍຖ້າວັນລະເບີດ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ກັນເດຣ່ອນ ຊີ້ແຈງວ່າບັນຫາໃນຣິວ ມາດຣິດ ລໍຖ້າວັນລະເບີດ

ທ່ານ ຣາມ່ອນ ກັນເດຣ່ອນ ອະດີດຫົວໜ້າໃຫຍ່ ຣິວ ມາດຣິດ ຕັ້ງໜ້າວິຈານການບໍລິຫານງານຂອງ ທ່ານ ຟລໍເຣນຕິໂນ ເປເຣຊ ປະທານຄົນປັດຈຸບັນ ນຳແຕ່ບັນຫາຫລວງຫລາຍເຂົ້າມາໃນຖິ່ນຊານຕິອາໂກ ເບນາເບວ ຊີ້ແຈງວ່າສະຖານະການພາຍໃນທິມຣິວ ມາດຣິດ ສຸກງອມເຕັມແກ່ ພ້ອມລະເບີດຂຶ້ນມາທຸກເວລາ ຊ້ຳບໍ່ພໍ ຍັງສາບແຊ່ງໂຈເຊ່ ມູຣິນໂຢ່ ຖືກຈ້າງມາເປັນໂຄ໊ຊ ບໍ່ແມ່ນເອົາແຕ່ຈົ່ມກຳມະການເໝືອນທີ່ເປັນຢູ່.

ຣາມ່ອນ ກັນເດຣ່ອນ ອະດີດປະທານສະໂມສອນ ຣິວ ມາດຣິດ ຍອດທິມແອັດສະປາຍ ອອກມາວິຈານການບໍລິຫານງານພາຍໃນຂອງສະໂມສອນໃນປັດຈຸບັນ ໂດຍລະບຸວ່າ ສະຖານະການຕ່າງໆເໝືອນກັບຖັງບັນຈຸລະບີດທີ່ກຳລັງລໍຖ້າວັນລະເບີດ ຕູມຕາມອອກມາ ຈາກລາຍງານເມື່ອວັນພຸດທີ 2 ກຸມພາທີ່ຜ່ານມາ.

ຄວາມສຳພັນຕຶງຄຽດລະຫວ່າງທ່ານ ຮໍເກ ວັນດາໂນ່ ຜູ້ອຳນວຍການທົ່ວໄປ ແລະ ໂຈເຊ່ ມູຣິນໂຢ່ ຜູ້ຈັດການທິມຊາວປອກຕຸຍການ ນຳໄປສູ່ກະແສຂ່າວອື້ສາວຫລວງຫລາຍໃນໄລຍະຫລັງ ຊຶ່ງອາດເປັນສາເຫດທີ່ເຮັດໃຫ້ອະດີດນາຍໃຫຍ່ ອິນເຕີ ມິລານ ຕັດສິນໃຈອຳລາຖິ່ນ ຊານຕິອາໂກ ເບີນາເບວ ໃນໄລຍະພັກຮ້ອນນີ້.

ຣາມ່ອນ ກັນເດຣ່ອນ ທີ່ເຄີຍນັ່ງຕຳແໜ່ງປະທານໃຫຍ່ ຣິວ ມາດຣິດ ລະຫວ່າງປີ 2006-2009 ກ່າວວ່າ “ ຣິວ ມາດຣິດ ” ເບິ່ງເໝືອນຖັງບັນຈຸໝື້ທີ່ພ້ອມລະເບີດອອກມາ ສະຖານະການເຂົ້າຂັ້ນຈະລາຈົນ ແລະ ມີການປະເຊີນໜ້າທີ່ບໍ່ຈຳເປັນຫລວງຫລາຍ ນະໂຍບາຍຂອງປະທານຄົນປັດຈຸບັນ (ຟລໍເຣນຕິໂນ່ ເປເຣຊ) ພິສູດໃຫ້ເຫັນວ່າ ເຂົາສະຫລາດ ສະຫງ່າງາມ ແລະ ເຈົ້າຊູ້ກວ່າໃຜໃນການນຳບັນຫາຕ່າງໆເຂົ້າມາ ”.

“ ຟລໍເຣນຕິໂນ່ ບໍ່ໄດ້ຊ່ວຍຂ້ອຍເລີຍລະຫວ່າງເຮັດວຽກ ເຂົາວາງແຜນແຍ່ງຕຳແໜ່ງຂອງຂ້ອຍມາຕະຫລອດ ຕອນນີ້ເຂົາຈະຮູ້ວ່າ ມັນເປັນເລື່ອງຍາກລຳບາກທີ່ຈະສະແດງໃຫ້ເຫັນວ່າເຂົາກຳລັງເຮັດ ຫຍັງຢູ່ ເຂົາຈ່າຍເງິນໄປ 400 ລ້ານເອີໂຣ ຊຶ່ງແນ່ນອນວ່າບໍ່ແມ່ນເງິນຂອງເຂົາເອງ ”

ຕໍ່ກໍລະນີອະນາຄົດຂອງໂຈເຊ່ ມູຣິນໂຢ່ ທ່ານກັນເດຣ່ອນ ກ່າວວ່າ “ ມູຣິນໂຢ່ ມາທີ່ນີ້ເພື່ອຄວ້າແຊັມ ” ບໍ່ແມ່ນການຈົ່ມວ່າຜູ້ຕັດສິນທີ່ເຮັດໜ້າທີ່ບໍ່ດີ ນັ້ນບໍ່ແມ່ນບົດບາດຂອງໂຄ໊ຊ ”.

ສຸດທ້າຍມືບໍລິຫານເລືອດແອັດສະປາຍ ກ່າວຍົກຍ້ອງ ບາເຊໂລນາ ຄູ່ຕໍ່ກອນສຳຄັນທີ່ໃກ້ຈະຄວ້າແຊັມ 3 ສະໄໝຊ້ອນເຕັມທີວ່າ “ ຂ້ອຍຈົດຈຳບໍ່ໄດ້ວ່າເຄີຍເຫັນທິມທີ່ສົມບູນແບບຂະໜາດນີ້ ບາເຊໂລນາ ເປັນຕົວ ຢ່າງສຳລັບໂຄງສ້າງນີ້ນັບຕັ້ງແຕ່ການມາຂອງ ໂຢຮັນ ຄຣັບ ”.

ພັນທະຂອງພໍ່ແມ່...

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ມື້ກ່ອນ ແນວລາວ ມີໂອກາດນັ່ງລົມກັບໝູ່ຄູ່ ເພື່ອນຝູງເກົ່າຫຼາຍຄົນ ໃນຫົວຂໍ້ ພັນທະຂອງພໍ່ແມ່ຕໍ່ລູກ ເຊິ່ງມີຫຼາຍຄຳເຫັນທີ່ແຕກຕ່າງກັນ ແຕ່ແລ້ວກໍມາລົງເອີ່ຍກັນ ຢູ່ບ່ອນ ວ່າ: ຄວນສ້າງໃຫ້ເຂົາໄດ້ມີຄວາມຮູ້ ໄດ້ຮ່ຳຮຽນ ຕ່ຳສຸດກໍແມ່ນຂັ້ນ ປະລິນຍາຕີ ໃນສາຂາວິຊາໃດໜຶ່ງ ຕາມເງື່ອນໄຂຂອງແຕ່ລະຄອບຄົວ.

ການປຸກເຮືອນໃຫ້ລູກ ຊື້ລົດຍົນ ຕັ້ງບໍລິສັດ ເພື່ອສ້າງພື້ນຖານຮອງຮັບທຸລະກິດ ຫຼື ຊີວິດການເປັນຢູ່ຂອງລູກຫຼານ ໃນພາຍພາກໜ້ານັ້ນ ກໍເຫັນວ່າໜ້າຍົກຍ້ອງ ສຳລັບຜູ້ມີ ຖານະຮັ່ງມີນໍ ? ແຕ່ຫຼາຍຫາງສຽງກໍວ່າ ຢາກໃຫ້ມີເພດານແດ່ ! ເພາະວ່າຕ້ອງໃຫ້ເຂົາຮູ້ສ້າງຕົວດ້ວຍເຂົາເອງ ບໍ່ຊັ້ນເຂົາກໍຈະມີແຕ່ແບມືໃສ່ພໍ່ແມ່ຕະຫຼອດ ບໍ່ເປັນເຈົ້າຕົນ ເອງ.

ຄຳເຫັນກ່າວຕື່ມວ່າ: ຫາກໃນສັງຄົມໜຶ່ງ ມີແຕ່ເຫັນແຕ່ລູກເຕົ້າ ສ່ວນຕົວ ຄອບຄົວແລ້ວ ຄົນຮັ່ງມີ ຄົນມີຖານະໃນສັງຄົມ ຈະມີຂໍ້ສະດວກຫຼາຍຢ່າງ ໃນການສ້າງເງື່ອນໄຂ ແລະ ທຶນຮອນແກ່ລູກ-ຫຼານຂອງຕົນ ຫຼືວ່າ ວົງສາຄະນາຍາດຂອງຕົນ ຮັ່ງມີແຕ່ລູກ-ຫຼານ ວົງສາຄະນາຍາດຂອງຕົນກໍດີ ແຕ່ຢ່າງລືມວ່າໃນສັງຄົມນີ້ ມີຜູ້ຄົນຮ່ວມຢູ່ນຳກັນ ຄັນແມ່ນໄລຍະຫ່າງລະຫວ່າງ ຂົ້ວຮັ່ງ ແລະ ຂົ້ວທຸກ ຫຍັບອອກໄກກັນຫຼາຍທໍ່ໃດ ປະກົດການຫຍໍ້ທໍ້ກໍເປັນເງົາຕາມຕົວ ສັງຄົມກໍບໍ່ສະຫງົບ ແລ້ວຮັ່ງມີກໍບໍ່ສາມາດດຳລົງຊີ ວິດຢ່າງມີຄວາມສຸກໄດ້.

ສະນັ້ນ ການທີ່ຄອບຄົວຮັ່ງຜູ້ດຽວ ດຳລົງຊີວິດລື່ນຄົນອື່ນ ມີຖານະໃນສັງຄົມລື່ນຄົນອື່ນ ກໍຫາກດີ ຄັນແມ່ນລາຍຮັບນັ້ນ ໄດ້ມາດ້ວຍຄວາມຊື່ສັດ ແຕ່ໃນສັງຄົມລາວພວກ ເຮົາ ສັງຄົມທີ່ພວກເຮົາພ້ອມກັນສ້າງ ເພື່ອກ້າວສູ່ຈຸດໝາຍສັງຄົມນິຄົມ ຕາມທິດນຳຂອງພັກເຮົານັ້ນ ພັດແມ່ນການກໍ່ສ້າງສັງຄົມ ໃຫ້ມີຄວາມສະຫງົບ ຍຸຕິທຳ ແລະ ພ້ອມ ກັນຮັ່ງມີ ຈາກຈຸດນີ້ ພວກເຮົາລອງມາສົມທຽບເບິ່ງວ່າ ມັນເໝາະສົມຫຼືບໍ່ ?.

ລູກໃຜ ໃຜກໍຮັກ ? ຫຼານໃຜ ໃຜກໍຮັກ ອັນນີ້ແມ່ນກົດເກນຂອງສັງຄົມມະນຸດ ແຕ່ເມື່ອມີຖານະໃນສັງຄົມ ມີເງື່ອນໄຂທາງການເງິນແລ້ວ ຈະຕາມໃຈພວກເຂົາໝົດທຸກຢ່າງ ກໍບໍ່ຄວນ... ຕ້ອງໃຫ້ພວກເຂົາ ສາມາດຢືນຢູ່ດ້ວຍລຳແຄ່ງຂອງເຂົາເອງ ແລະ ຄວນຄິດເຖິງສັງຄົມສ່ວນໃຫຍ່... ຄິດເຖິງພີ່ນ້ອງຮ່ວມຊາດ ທີ່ຍັງທຸກຍາກຂາດເຂີນ ຢູ່ເຂດ ຫ່າງໄກສອກຫຼີກ... ຄວນບິແບ່ງຊັບສິນ ຊ່ວຍເຫຼືອຜູ້ທຸກຍາກຂາດເຂີນນໍ ?.

ແນວລາວກໍເຫັນດີນຳຄວາມເຫັນພວກເພິ່ນ ແຕ່ໃນນາມສ່ວນຕົວ ຢາກຮຽກຮ້ອງເຖິງບັນດາທ່ານ ຄອບຄົວທີ່ມີເງື່ອນໄຂສູງແດ່ ລອງບໍລິຈາກດ້ວຍຮູບການໃດໜຶ່ງ ? ເຊັ່ນວ່າ ງານແຕ່ງດອງລູກຫຼານ ມອບເງິນຊອງໃຫ້ແກ່ມູນນິທິໃດໜຶ່ງ ເພື່ອຊ່ວຍເຫຼືອຄົນທຸກຍາກ ຫຼື ວ່າໄປຊ່ວຍດ້ວຍຄອບຄົວຂອງຕົນເອງ ເປັນຕົ້ນ ການຂຸດນ້ຳບໍ່ ກໍ່ສ້າງ ສະລາ ຄິດວ່າຄົງຈະເປັນບຸນກຸສົນອັນຍິ່ງໃຫຍ່.

ພາລະກິດ ແລະ ສຽງຮ້ອງຂອງໝາກຫົວໃຈ...

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຄົນເຮົານີ້ ຕ້ອງດຳລົງຊີວິດໄປຕາມກົດເກນ ຫຼື ເອີ້ນວ່າ ວົງວຽນຊີວິດ ເຊິ່ງມີ: ເກີດ ແກ່ ເຈັບ ຕາຍ ໂດຍບໍ່ມີໃຜສາມາດຫຼີກອອກຈາກກົດເກນນີ້ໄດ້ ສະນັ້ນ ກ່ອນຈະລາ ຈາກໂລກນີ້ໄປ ກໍຄວນສ້າງຄວາມດີ ເພາະວ່າມີແຕ່ຄວາມດີທໍ່ນັ້ນ ທີ່ຍັງເຫຼືອຢູ່ໃຫ້ລູກຫຼານ ໄດ້ຊື່ນຊົມຍິນດີ.

ຄົນດີ ຫຼື ວ່າຄົນຜູ້ມີຄຸນສົມບັດ ແລະ ສິນທຳປະຕິວັດນັ້ນ ແມ່ນຢູ່ບ່ອນວ່າ ເຂົາໄປຢູ່ບ່ອນໃດ ກໍສາມາດປັບຕົວເຂົ້າສະພາບບ່ອນນັ້ນ ແລ້ວດັດແກ້ສິ່ງທີ່ບໍ່ດີຂອງບ່ອນນັ້ນ ໃຫ້ເປັນສິ່ງທີ່ດີ ຄັນແມ່ນຜູ້ໄດ້ຮຽນທິດສະດີແລ້ວ ຈະກຳໄດ້ ເພາະວ່າຕາມປັດຊະຍາແລ້ວ ຄົນເຮົາເກີດມາ ແມ່ນມີໜ້າທີ່ອອກແຮງງານ ຜະລິດຜົນ ເພື່ອລ້ຽງຕົນເອງ ຢາກ ອອກແຮງງານຜະລິດຜົນໃຫ້ໄດ້ຫຼາຍ ແລະ ດີນັ້ນ ຄົນເຮົາບໍ່ພຽງແຕ່ຮູ້ທຳມະຊາດ ແຕ່ຕ້ອງຮູ້ກົດເກນຂອງທຳມະຊາດ ຮູ້ດັດແກ້ທຳມະຊາດ ໃຫ້ໄປໃນທາງທີ່ເປັນປະ ໂຫຍດແກ່ສັງຄົມ ແກ່ຄົນໃນສັງຄົມ ເພາະຄົນໃນສັງຄົມ ກໍແມ່ນທຳມະຊາດອັນໜຶ່ງ ຕົວເຮົາເອງກໍແມ່ນທຳມະຊາດອັນໜຶ່ງຄືກັນ ຢາກດັດແກ້ຄົນໃຫ້ເປັນຄົນຮູ້ຜູ້ດີ ກໍຕ້ອງຮູ້ ຈຸດດີ ແລະ ຈຸດອ່ອນຂອງຄົນເຫຼົ່ານັ້ນ ສິ່ງຈະລົບລ້າງຈຸດອ່ອນ ແລະ ເສີມຂະຫຍາຍຈຸດດີຢູ່ໃນຄົນ ມັນແມ່ນຫົວສະໝອງ ແລະ ແນວຄິດ.

ອັນນັ້ນ ແມ່ນຍົກໃຫ້ເຫັນເຖິງການສ້າງຕົນໃຫ້ເປັນຄົນດີນໍ? ບາດນີ້ ລອງມາສົມທຽບເບິ່ງວ່າ ໃນສັງຄົມເຮົາດຽວນີ້ ຂະບວນການກໍ່ສ້າງຕົນເອງ ໃຫ້ກາຍເປັນຄົນດີ ກໍມີ ຫຼາຍແທ້ໆ... ການຕໍ່ສູ້ລະຫວ່າງຫົວສະໝອງ ແລະ ແນວຄິດຂອງຄົນໃນສັງຄົມ ກໍນັບມື້ດຸເດືອດ ເປັນຕົ້ນແມ່ນ ສຽງຮຽກຮ້ອງຂອງໝາກຫົວໃຈສ່ວນຕົວ ແລະ ພາລະກິດ ສ່ວນລວມຂອງສັງຄົມ ແລະ ປະເທດຊາດ... ຜູ້ມີຖານະ ມີບົດບາດໃນສັງຄົມ ຈະຖືກຕຳໜິວິຈານ ແລະ ກ່າວຂວັນທັນທີ ຫາກມີພຶດຕິກຳທີ່ປະຕິບັດຕົນ ສ່ວນຕົວເກີນໄປ ສະໜອງຄວາມຮຽກຮ້ອງຂອງໝາກຫົວໃຈ ເກີນໄປ.

ເຊັ່ນດຽວກັບພຶດຕິກຳ ສວຍໃຊ້ກາລະໂອກາດ ສ້າງຮັ່ງຄູນມີໃຫ້ແກ່ຕົນເອງ ແລະ ຄອບຄົວ ແບບບໍ່ຖືກຕ້ອງ ບໍ່ເໝາະສົມກັບວຽກງານ ແລະ ລາຍຮັບຂອງຕົນເອງ ມີເຮືອນ ຫຼາຍຫຼັງ ມີລົດຫຼາຍຄັນ ມີເມຍຫຼາຍຄົນ ທັງໆທີ່ລາຍຮັບຂອງຕົນ ກໍບໍ່ຫຼວງຫຼາຍປານໃດ ? ອາໄສການສວຍໂອກາດທຸກໆເງື່ອນໄຂ ສ້າງຄວາມຮັ່ງມີຂຶ້ນ ໂດຍບໍ່ຄຳນຶງເຖິງ ຜົນເສຍຫາຍຂອງປະເທດຊາດບ້ານເມືອງ ແລະ ຢາດນ້ຳຕາຂອງຜູ້ທຸກຍາກລຳບາກ... ພຶດຕິກຳເຫຼົ່ານີ້ ຄວນຖືກແກ້ໄຂ ແລະ ຕີຖອຍໃຫ້ໝົດຈາກສັງຄົມລາວເຮົາໄປ ຢ່າງໝົດສິ້ນ !.

ຄົນລາວເປັນຄົນອ່ອນນ້ອມ ຫາຢູ່ຫາກິນຕາມເງື່ອນໄຂ ແລະ ຊື່ສັດ ບໍ່ມັກສໍ້ໂກງ ລັກໂລບເອົາຂອງເພິ່ນມາເປັນຂອງໂຕ ບໍ່ມັກໃຊ້ອຳນາດບາດໃຫຍ່ ຂົ່ມຂູ່ຄົນອື່ນ ! ຫາກ ໃຜມີພຶດຕິກຳບໍ່ສອດຄ່ອງກັບແນວຄິດຂອງຄົນລາວ ສ່ວນໃຫຍ່ແລ້ວ ກໍຄວນແຍງແວ່ນເບິ່ງຕົນເອງຄືນໃໝ່ ແລະ ຟ້າວດັດແປງແກ້ໄຂ ເພາະເວລາຍັງລໍຖ້າ ?...

ເຈົ້າສາວ... ໃຜນໍ້ ! ຢູ່ໃນຊອງບັດເຊີນ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເວລາໄດ້ຮັບບັດເຊີນໄປຮ່ວມດອງ ສິ່ງທຳອິດ ກໍແມ່ນດີໃຈນຳເຈົ້າບ່າວເຈົ້າສາວ ທີ່ສົມຫວັງກັບຄວາມຮັກ ແລະ ມີຄວາມສຸກນຳໝູ່ ເພາະຢ່າງໜ້ອຍກໍຮູ້ວ່າ ເທວະດາ ເພິ່ນ ບໍ່ໄດ້ຫຼົງປັ້ນເຮົາໃຫ້ເກີດມາຄີກ ຈົນຮູ້ສຶກດຽວດາຍ ໄລຍະຫຼັງໆມານີ້ ໄປງານດອງ ຈະເຫັນຮູບເຈົ້າບ່າວເຈົ້າສາວແຜ່ນໃຫຍ່ ໃສ່ຊຸດປະຈຳຊາດ ຕັ້ງເດັ່ນສະຫງ່າ ໃຫ້ແຂກ ໄດ້ຊື່ນຊົມຍິນດີ ຢູ່ໃນໜ້າເວທີຂອງງານດອງ ອັນນີ້ແມ່ນເປັນໜ້າຊົມເຊີຍແທ້ໆ ແຕ່ສິ່ງທີ່ໜ້າເສຍດາຍ ກໍແມ່ນຮູບຈຳລອງຂອງເຈົ້າສາວເຈົ້າບ່າວ ທີ່ຢູ່ໃນຊອງບັດເຊີນ ຍັງບໍ່ ຖືກໃສ່ໃຈ ຫຼຽວແລພໍປານໃດ ເຄີຍສັງເກດແດ່ບໍ ?.

ບາງເທື່ອກໍມີຄວາມຮູ້ສຶກວ່າ ຕົນເອງນີ້ເກີດມາໂຊກດີໂພດບໍ ? ທີ່ມີຄົນອ້ອມຂ້າງ ເອື້ອເຟື້ອເພື່ອແຜ່ ຄິດຕາງທັງໝົດ ເຄື່ອງໃຊ້ສອຍອັນໃດ ກໍມີຄົນອື່ນຜະລິດສຳເລັດຮູບ ມາໃຫ້ໃຊ້ ຫຼຽວເບິ່ງອັນໃດ ກໍເກືອບບໍ່ແມ່ນຂອງໂຕ ຈົນບາງເທື່ອ ກໍເຮັດໃຫ້ພວກເຮົາກາຍເປັນຄົນມັກສະບາຍໄປນຳ ໄລຍະນີ້ ໄດ້ຮັບບັດເຊີນຖີ່ແດ່ ຈັບເບິ່ງແລ້ວ ກໍຮູ້ສຶກ ພູມໃຈ ກັບຄວາມງາມຂອງການອອກແບບ ລວດລາຍ ສີສັນ ດວງດອກໄມ້ ຄຳເວົ້າງາມໆ ທີ່ມີຫຼາກຫຼາຍ ມີກິ່ນຫອມຫວນ ດຶງດູດຈິດໃຈ ນັ້ນແມ່ນການພັດທະນາໄວ ຕາມກົນໄກເສດຖະກິດຕະຫຼາດ ຊຶ່ງຕິດພັນກັບວິຖີຊີວິດ-ວັດທະນະທຳອັນດີງາມ ໄດ້ຈັບແລ້ວ ແມ່ນບໍ່ຢາກວາງ ການເລືອກສີ ແລະ ຮູບແບບບັດເຊີນ ແມ່ນຂຶ້ນກັບຄວາມ ມັກ ແລະ ຖານະເສດຖະກິດຂອງແຕ່ລະຄົນ ແຕ່ສິ່ງທີ່ຢາກຍົກຂຶ້ນມາແລກປ່ຽນນຳກໍແມ່ນ ຮູບເຈົ້າບ່າວເຈົ້າສາວ ທີ່ຖືກອອກແບບສຳເລັດຮູບ ພິມລົງໃນທາງໜ້າ ແຈ ຫຼື ຂ້າງຂອງຊອງບັດເຊີນ ປະກົດວ່າ ເປັນສີແປກໆຕາບໍ່ໜ້ອຍ ມີຄວາມທັນສະໄໝເກີນໄປໂພດບໍ ? ທີ່ວ່າແປກກໍຍ້ອນວ່າການນຸ່ງຖືໃນຮູບແຕ້ມ ຫຼື ຮູບພິມນັ້ນ ມັນບໍ່ແມ່ນປະ ເພນີລາວ ເປັນຫຍັງບໍ່ເອົາຮູບແມ່ຍິງລາວເກົ້າຜົມ ບ່ຽງແພມາພິມໃສ່ໃນຊອງບັດເຊີນ ? ສ່ວນຫຼາຍກໍແມ່ນຢາກອອກໄປທາງຕາຕາເວັນຕົກ ຫຼື ເອີຣົບພຸ້ນ ຫຼາຍອີ່ຫຼີ ຄວາມ ຈິງມັນກໍທັນສະໄໝດີ ແລະ ໜ້າຮັກຢູ່ດອກ ແຕ່ສິ່ງທີ່ເປັນຫ່ວງ ຈົນກິນບໍ່ແຊບນອນບໍ່ຫຼັບ ກໍແມ່ນຢ້ານວ່າ ແບບຢ່າງການນຸ່ງຖື ທີ່ຕິດຢູ່ໃນບັດເຊີນນັ້ນ ມັນຈະກາຍເປັນມາດ ຖານໃນອະນາຄົດ ຈະຄ່ອຍໆກືນກິນ ແລະ ຕີຖອຍແບບແຜນການນຸ່ງຖືອັນດີງາມ ກ້າວໜ້າ ທີ່ລຸ້ນພໍ່ແມ່ ອາວອາ ແລະ ລູກຫຼານພວກເຮົາ ເຄີຍປະຕິບັດກັນມາ ຮູບນັ້ນ ມັນຢາກເຂີນກັບປະເພນີຕົວຈິງ ທີ່ຄົນລາວພວກເຮົານິຍົມໃຊ້ກັນໃນສູ່ມື້ນີ້ ຕາມການສອບຖາມບັດເຊີນຢູ່ບ້ານເຮົາ ສ່ວນຫຼາຍແມ່ນນຳເຂົ້າຈາກຕ່າງປະເທດ ເຖິງແນວໃດກໍ ຕາມ ຢາກໃຫ້ທາງຮ້ານ ສັ່ງໂຮງພິມເພິ່ນໃຫ້ພິມຮູບແບບ ທີ່ເປັນເອກະລັກຂອງລາວໆ ລົງໄປຕື່ມແດ່ ຄິດວ່າໜ້າຈະດີ ຄົງບໍ່ເຫຼືອບ່າກ່ວາແຮງປານໃດ ເພາະແນວໃດ ເຮົາ ກໍເສຍເງິນໃຫ້ແລ້ວ ກໍຄວນມີສິດເລືອກຕາມໃຈຜູ້ຈ່າຍນຳແດ່ບໍ ? ຊ່ວຍເອົາຮູບນຸ່ງຖືແບບລາວໆ ຄືກັບນາງສາວລາວ ຜູ້ສຸພາບອ່ອນໂຍນ ລົງໂຄສະນານຳຕື່ມ ແນໃສ່ສົ່ງ ເສີມປະເພນີ ມູນມໍລະດົກອັນດີງາມຂອງຄົນລາວພວກເຮົາ ໄວ້ດົນໆ ໃຫ້ຫຼາຍໆຄົນໄດ້ຮູ້.

ຄວາມສະບາຍ ມັກງ່າຍ ແລະ ບໍ່ໃສ່ໃຈ ບາງຄັ້ງກໍພາໃຫ້ເສຍຄວາມເປັນຕົນໂຕຂອງພວກເຮົາ ເວົ້າສະເພາະແມ່ນ ເສຍຄວາມເປັນເອກະລັກຂອງຊາດ ນັ້ນເອງ ຮັກຄົນລາວ ! ຮັກແມ່ຍິງລາວ ! ເກີດຊາດໃດກໍໃຫ້ໄດ້ນຸ່ງສີ້ນລາວ.

ໂດຍ: ສາຍດາຣາ

ແກຣີ ເນວິວ ປະກາດຫັນຫລັງໃຫ້ວົງການເຕະບານແລ້ວ

ຂຽນເມື່ອ: ກ.ພ.. 7, 2011 | ມີ 0 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ແກຣີ ເນວິວ ປະກາດຫັນຫລັງໃຫ້ວົງການເຕະບານແລ້ວ

ກ່ອນໜ້ານີ້ມີກະແສຂ່າວວ່າ ເຊີ ອະເລັກ ເຟີກູສັນ ຜູ້ຈັດການໃຫຍ່ຊາວສະກັອດແລນ ພະຍາຍາມສຸດລິດທີ່ຈະ ຖ່ວງເວລາໃຫ້ ແກຣີ ເນວິວ ຢູ່ຊ່ວຍງານແມນຯຢູໄນເຕັດໄປຈົນເຖິງສິ້ນສຸດລະດູການ 2010/2011 ແຕ່ວ່າຫລ້າສຸດອະ ດີດແບັກຂວາທິມຊາດອັງກິດ ໄດ້ຕັດສິນໃຈຫັນຫລັງໃຫ້ວົງການເຕະບານອາຊີບແລ້ວ ດ້ວຍໄວ 35 ປີ.

ໂດຍແກຣີ ເນວິວ ຊຶ່ງອາຍຸຈະຄົບ 36 ປີບໍລິບູນໃນໄລຍະທ້າຍເດືອນກຸມພາ ໄດ້ເປີດເຜີຍຜ່ານເວັບໄຊຢ່າງເປັນ ທາງການຂອງແມນຯຢູໄນເຕັດວ່າ ” ຂ້ອຍຍັງເປັນກອງເຊຍທິມແມນຯຢູໄນເຕັດໄປຕະຫລອດຊີວິດ ທີ່ຜ່ານມາຂ້ອຍສາມາດເຕີມເຕັມທຸກຄວາມຝັນໃຫ້ຕົວເອງແລ້ວ ແນ່ນອນຂ້ອຍຜິດຫວັງທີ່ມາເຖິງວັນປິດສາກອາຊີບຄ້າຝີຕີນ ຢ່າງໃດກໍຕາມ ເລື່ອງແບບນີ້ຕ້ອງມາຫາເຮົາທຸກຄົນ ແລະ ຕອນນີ້ມັນກໍເຖິງເວລາຂອງຂ້ອຍ ”.

” ທີ່ຜ່ານມາ ຂ້ອຍໄດ້ຫລິ້ນກິລາເຕະບານໃຫ້ຍອດທິມບານເຕະ (ແມນຯຢູໄນເຕັດ) ຮ່ວມຫລິ້ນກັບສຸດຍອດນັກເຕະຂອງໂລກ ຫລືບໍ່ກໍຕ້ອງປະເຊີນໜ້າກັບຄູ່ແຂ່ງທີ່ໂດດເດັ່ນ ຂ້ອຍໂຊກດີເຫລືອຫລາຍທີ່ປະສົບຄວາມສຳເລັດຮ່ວມກັບສະໂມສອນ ມີຫລາຍຄົນທີ່ຂ້ອຍຕ້ອງຂອບໃຈ ແນ່ນອນລຳດັບຕົ້ນໆຕ້ອງມີ ເຊີ ອະເລັກ ເຟີກູສັນ ຜູ້ຊຶ່ງໃຫ້ໂອກາດແກ່ຂ້ອຍຫລວງຫລາຍ ສະໜັບສະໜູນຂ້ອຍມາຕະຫລອດໃນໄລຍະ 20 ປີຜ່ານມານີ້ ເຂົາຄືໜຶ່ງໃນສຸດຍອດຜູ້ຈັດການທິມ ແລະ ຂ້ອຍກໍຢາກອບໃຈເຂົາຈິງໆ ” ແກຣີ ເນວິວ ກ່າວປິດທ້າຍ.

ສຳລັບແກຣີ ເນວິວ ເປັນນັກເຕະຝຶກຫັດຂອງສະໂມສອນແມນຯຢູໄນເຕັດ ລົງສະໜາມຊ່ວຍຕົ້ນສັງກັດໃນທິມ ຊຸດໃຫຍ່ໄປທັງໝົດ 602 ນັດ ຕິດທິມຊາດອັງກິດ 85 ຄັ້ງ ແຕ່ໃນໄລຍະ 2 ລະດູການຫລັງມານີ້ ດາວເຕະຕົວເກັ່ງປະສົບບັນຫາບາດເຈັບຈົນບໍ່ສາມາດລົງສະໜາມໄດ້ຢ່າງ ຕໍ່ເນື່ອງ ໂດຍນັດສຸດທ້າຍຂອງແກຣີ ເນວິວ ໄດ້ແກ່ການນຳທິມໄປຄວ້າໄຊເໜືອ ເວສບຣອມວິຊ ອັນບຽນ ເມື່ອໄລຍະວັນປີໃໝ່ຜ່ານມາ.

ປີໃໝ່ຫັນແນວຄິດໃໝ່ ເພື່ອກ້າວສູ່ຈຸດໝາຍ

ຂຽນເມື່ອ: ກ.ພ.. 7, 2011 | ມີ 3 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເນື່ອງໃນໂອກາດສົ່ງທ້າຍປີເກົ່າ ຄ.ສ 2010ແລະ ຕ້ອນຮັບປີໃໝ່ ຄ.ສ 2011ນີ້ ຖືເປັນໂອກາດດີອັນໜຶ່ງທີ່ທຸກຄົນ ໂດຍສະເພາະນັກຮຽນ-ນັກສຶກສາ ຄວນຫວນຄິດ ຕຶກຕອງ ສຳຫຼວດຕົນເອງຄືນໃໝ່ ວ່າປີຜ່ານມາ ຕົນເອງໄດ້ເຮັດຫຍັງແດ່ ສິ່ງທີ່ຕົນໄດ້ ເຮັດລົງໄປນັ້ນ ມີຄຸນປະໂຫຍດຫຍັງ ? ໃຫ້ກັບຕົນເອງ ບຸກຄົນອ້ອມຂ້າງ ຫຼື ສັງຄົມ ໂດຍສະເພາະ ໃນຄອບຄົວເຮືອນຊານຕົນເອງ ເປັນຄືແນວໃດ ? ຖ້າສິ່ງໃດທີ່ເຮັດໄປ ເຫັນວ່າມີຜົນດີ ມີຄຸນປະໂຫຍດ ກໍຄວນສືບ ຕໍ່ເສີມຂະຫຍາຍ ມູນເຊື້ອອັນດີ ງາມດັ່ງກ່າວ ແຕ່ຫາກສິ່ງໃດທີ່ກະທຳລົງໄປແລ້ວ ເຫັນວ່າບໍ່ດີບໍ່ມີຄຸນປະໂຫຍດແກ່ສັງຄົມ ກໍຄວນຫັນທິດ ປັບປຸງແກ້ໄຂ ຖືເປັນການສຳຫຼວດກວດຄືນ ຈຸດດີຈຸດອ່ອນ ແລະ ຂໍ້ຄົງຄ້າງ ໃນປີເກົ່າຜ່ານມາ.

ການທີ່ຮູ້ຕົວເອງວ່າອັນໃດດີ ອັນໃດອ່ອນນັ້ນ ເປັນເລື່ອງທີ່ດີສົມເປັນຜູ້ທີ່ມີຄວາມຮູ້ ມີການສຶກສາສູງ ແລະ ຖືເອົາໂອກາດປີໃໝ່ 2011 ນີ້ ເປັນການເລີ່ມຕົ້ນໃນສິ່ງທີ່ດີ ສ່ວນນິໄສຄວາມຄິດ ຂີ້ຄ້ານ ມັກງ່າຍ ກໍປະລະໄປນຳປີເກົ່າ ມາເລີ່ມຕົ້ນໃໝ່ ຖືວ່າການເລີ່ມຕົ້ນເຮັດໃນສິ່ງທີ່ດີ ບໍ່ມີຄຳວ່າຊ້າເກີນໄປ.

ສຳລັບນັກຮຽນ-ນັກສຶກສາ ມາເຖິງປັດຈຸບັນ ກໍຖືວ່າຢູ່ໃນກາງພາກຮຽນ ສົກຮຽນ 2010-2011ແລ້ວໂອກາດທີ່ຈະປັບປຸງແກ້ໄຂ ກໍຍັງຖືວ່າມີໂອກາດຢູ່ ເພາະຜົນການ ຮຽນ ເຖິງແມ່ນວ່າຈະຜ່ານໄປເຄິ່ງສົກຮຽນແລ້ວ ແຕ່ຖ້າຫາກຈະບຸກບືນ ຄົ້ນຄ້ວາຮ່ຳຮຽນຂຶ້ນຕື່ມ ກໍຄົງຈະບໍ່ມີບັນຫາ ທີ່ສຳຄັນ ໄລຍະນັບຈາກນີ້ຕໍ່ໄປ ຄວນມີສະຕິ ຕັ້ງໜ້າ ເຕືອນຕົວເອງຕະຫຼອດ ເພາະບັນດາບຸນ ເທດສະການ ທັງພາຍໃນ ແລະ ສາກົນ ກໍນັບມື້ນັບຫຼາຍຂຶ້ນ ຖ້າຫາກຂາດສະຕິ ແລ່ນນຳແຕ່ການຫຼິ້ນການກິນ ມ່ວນຊື່ນແບບ ຟຸມເຟືອຍ ກັບເທດສະການຕ່າງໆ ໃນແຕ່ລະວັນ ຮັບຮອງວ່າ ການສຶກສາທີ່ຜ່ານມາ ກໍຄົງສູນຫາຍໄປ.

ອີກປະການໜຶ່ງ ບັນດານ້ອງນັກຮຽນ-ນັກສຶກສາ ລວມທັງຄູ-ອາຈານ ກໍຕ້ອງມີການຕິເຕືອນ ໃຫ້ຄຳແນະນຳ ຊີ້ທິດເຍືອງທາງ ຢ່າງເປັນປົກກະຕິ ຕໍ່ນັກຮຽນ-ນັກສຶກສາ ໃຫ້ ມີສະຕິຕໍ່ສັງຄົມ ຕໍ່ຮີດຄອງປະເພນີ ລວມເຖິງບຸນ ຫຼື ເທດສະການຕ່າງໆ ທີ່ຈະມີຂຶ້ນໃນຕໍ່ໜ້າ ເພາະສັງເກດເຫັນວ່າ ໃນປັດຈຸບັນ ສັງຄົມບ້ານເຮົາ ໃນກຸ່ມຂອງຊາວໜຸ່ມ ນັກຮຽນ-ນັກສຶກສາ ມັນຈະແລ່ນນຳກະແສຂອງສັງຄົມ ບໍ່ວ່າຈະເປັນການນຸ່ງຖື ການຫຼິ້ນກິນ ລວມໄປເຖິງພຶດຕິກຳບາງຢ່າງ ທີ່ປະກົດໃຫ້ເຫັນກັນໃນກຸ່ມຂອງໄວໜຸ່ມ ເຊິ່ງຈຳນວນຫຼວງຫຼາຍ ກໍຕົກຢູ່ໃນກຸ່ມຊາວໜຸ່ມ-ໄວໜຸ່ມນັກຮຽນ-ນັກສຶກສາ.

ດັ່ງນັ້ນ ຈົ່ງຖືເອົາໂອກາດປີໃໝ່ 2011ນີ້ ເປັນການຫັນແນວຄິດຈິດໃຈໃໝ່ ເພື່ອກ້າວໄປສູ່ຈຸດປະສົງ ຄວາມມຸ່ງມາດປາຖະໜາອັນແຮງກ້າ ຂອງການສຶກສາ ເຮັດແນວໃດ ເພື່ອໃຫ້ມີຄວາມຮູ້ ຄວາມສາມາດ ພຽບພ້ອມໄປດ້ວຍຄຸນສົມບັດ ສິນທຳປະຕິວັດ ສືບທອດພາລະກິດປະຕິວັດຂອງຊາດ ຕາມແນວທາງນະໂຍບາຍຂອງພັກ-ລັດ ວາງອອກ ໃຫ້ບັນລຸຜົນຕາມລະດັບຄາດໝາຍ.

ໂດຍ: ແວ່ນຂາວ

ຟີຟ່າຈັດອັນດັບ ຍີ່ປຸ່ນພຸ່ງຂຶ້ນທີ 17 ສ່ວນລາວ 169

ຂຽນເມື່ອ: ກ.ພ.. 7, 2011 | ມີ 1 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຟີຟ່າຈັດອັນດັບ ຍີ່ປຸ່ນພຸ່ງຂຶ້ນທີ 17 ສ່ວນລາວ 169

ຟີຟ່າຈັດອັນດັບໂລກ ທິມຊາດຍີ່ປຸ່ນ ແຊັມການແຂ່ງຂັນເຕະບານເອຊຽນ ຄັບ 2011 ພຸ່ງຂຶ້ນມາຢູ່ທີ 17 ສ່ວນທິມຊາດລາວຫຍັບສູງຂຶ້ນອີກ 2 ອັນດັບ ຢູ່ທີ 169.

ເມື່ອວັນພຸດທີ 2 ກຸມພາທີ່ຜ່ານມາ ສະຫະພັນເຕະບານນານາຊາດ ຫລື ຟີຟ່າ ໄດ້ຈັດອັນດັບໂລກໃໝ່ ປະກົດວ່າທິມຊາດຍີ່ປຸ່ນ ເຊິ່ງຫາກໍຄວ້າແຊັມເຕະບານເອຊຽນ ຄັບ 2011 ມາໃໝ່ໆ ໄດ້ອັນດັບພຸ່ງຂື້ນມາຢູ່ທີ 17 ຂອງໂລກ ສ່ວນທິມຊາດລາວຂອງພວກເຮົາມີອັນດັບສູງຂຶ້ນກວ່າການຈັດອັນດັບຄັ້ງຜ່ານມາ 2 ອັນດັບ ຢູ່ທີ 169 ຂອງໂລກ.

ສະຫລຸບຜົນການຈັດອັນດັບທິມຊາດຂອງສະຫະພັນເຕະບານນານາຊາດ (ຟີຟ່າ)

ແອັດສະປາຍ 1,887 ຄະແນນ
ໂຮນລັງ 1,723 ຄະແນນ
ເຢຍລະມັນ 1,485 ຄະແນນ
ເບຣຊິນ 1,446 ຄະແນນ
ອາກຊັງຕິນ 1,367 ຄະແນນ
ອັງກິດ 1,195 ຄະແນນ
ອູຣຸກວັຍ 1,152 ຄະແນນ
ປອກຕຸຍການ 1,090 ຄະແນນ
ໂຄຣເອເຊຍ 1,075ຄະແນນ
ເກຣກ 1,016ຄະແນນ
ນອກແວ 995 ຄະແນນ
ຣັດເຊຍ 982ຄະແນນ
ອີຕາລີ 965ຄະແນນ
ຊີລີ 947ຄະແນນ
ການາ 940 ຄະແນນ
ສະໂລວີເນຍ 897ຄະແນນ
ຍີ່ປຸ່ນ 882 ຄະແນນ (ຈາກອັນດັບທີ 29 ເມື່ອຄັ້ງກ່ອນ)
ສະຫະລັດອາເມຣິກາ 869 ຄະແນນ
ຝຣັ່ງ 867ຄະແນນ
ສະໂລວາເກຍ 854 ຄະແນນ

169. ລາວ 64 ຄະແນນ (ຈາກອັນດັບ 171 ເມື່ອຄັ້ງກ່ອນ)

ເສດຖີຣັດເຊຍປະກາດວ່າ ພັກຮ້ອນນີ້ຈະທຸ່ມເທງົບປະມານອີກ

ຂຽນເມື່ອ: ກ.ພ.. 7, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເສດຖີຣັດເຊຍປະກາດວ່າ ພັກຮ້ອນນີ້ຈະທຸ່ມເທງົບປະມານອີກ

ຍັງບໍ່ພໍ ! ” ເສດຖີຣັດເຊຍ ” ທ່ານໂຣມັນ ອະບຣາໂມວິຊ ເຈົ້າຂອງທິມເຊວຊີ ປະກາດວ່າ ພຽງແຕ່ເຟນານໂດ ຕໍເຣສ ກັບ ດາວິດ ລູອິຊ ຍັງບໍ່ພໍ ພັກຮ້ອນປີນີ້ຈະທຸ່ມເທງົບປະມານຕື່ມອີກ ເອົາທັງເກກໍຣີ ຟານ ເດີ ວິວ, ອະເລັກຊິສ ຊານເຊສ, ເອເດນ ຮາຊາດ ແລະ ອິສເມຍ ເບໂກວິຊ.

ເຖິງແມ່ນວ່າຫາກໍຈະສ້າງຄວາມຮືຮາໃນການທຸ່ມເທເງິນຊື້ນັກເຕະ ໃນວັນສຸດທ້າຍຂອງຕະຫລາດຊື້-ຂາຍຮອບ ສອງກວ່າ 70 ລ້ານປອນ ໃນການດຶງຕົວ ເຟນານໂດ ຕໍເຣສ ຈາກລີເວີພູນ ແລະ ດາວິດ ລູອິຊ ຈາກ ເບນຟີກາ ແຕ່ວ່າຫລ້າສຸດ ເດິະ ກາດຽນ ສື່ດັງຂອງອັງກິດລາຍງານວ່າ ເຊວຊີ ຍັງຄົງວາງແຜນທີ່ຈະດຶງນັກເຕະມາເສີມທິມອີກຈຳ ນວນຫລາຍຄົນໃນໄລຍະພັກຮ້ອນປີນີ້.

ໂດຍລາຍງານລະບຸວ່າ ໂຣມັນ ອະບຣາໂມວິຊ ນັ້ນ ຈະມີການທຸ່ມເທເງິນດຶງນັກເຕະເຂົ້າມາເສີມທິມ ເພື່ອຊ່ວຍໃຫ້ ຄາໂລ ອັນເຊລັອດຕິ ມີນັກເຕະເລືອກໃຊ້ໃນການສູ້ກັບແມນເຊສເຕີ ຊີຕີ ແລະ ແມນເຊສເຕີ ຢູໄນເຕັດ ຕໍ່ໄປ ເຖິງແມ່ນວ່າຫາກໍໄດ້ນັກເຕະໃໝ່ມາເສີມແລ້ວ 2 ຄົນ ຢ່າງຕໍເຣສ ແລະ ລູອິຊ.

ສຳລັບບັນຊີລາຍຊື່ນັກເຕະໃໝ່ຂອງເຊວຊີນັ້ນ ມີຊື່ຂອງ ເກກໍຣີ ຟານ ເດິ ວິວ ແບັກຂວາທິມຊາດໂຮນລັງຂອງ ອາແຈັກ ອຳສະເຕີດຳ ເປັນອັນດັບທຳອິດ ສ່ວນໃນຄົນຕໍ່ໆມານັ້ນປະກອບດ້ວຍ ອະເລັກຊິສ ຊານເຊສ ປີກທິມຊາດຊີລີ ຂອງອູດີເນເຊດ ເອດເນ ຮາຊາດ ກອງກາງດາວຮຸ່ງຂອງລິວ ແລະ ໂຣມິໂອ ລູກາຄູ ກອງໜ້າ ເຈົ້າຂອງສົມຍານາມ ດຣອກບາ 2 ຂອງອັນເດີເລຊ.

ຢ່າງໃດກໍຕາມ ເຊວຊີກໍຍັງມີລາຍຊື່ທີ່ຈະປ່ອຍຖິ້ມ ຫລືລໍຖ້າຮັບຂໍ້ສະເໜີຂອງທິມອື່ນໆທີ່ຈະມາດຶງໄປດ້ວຍເຊັ່ນກັນ ເຊັ່ນ ໂຊເຊ ໂບຊິງວາ, ເປົາໂລ ເຟີໄຣຣາ ໃນຕຳແໜ່ງແບັກຂວາ, ຢູຣີ ເຊຄອຟ ແບັກຊ້າຍຂາວຣັດເຊຍ ທີ່ບໍ່ສາມາດບຽດແຍ່ງຕົວຈິງຂອງ ແອຊລີ ໂຄໄດ້ ລວມເຖິງດານຽວ ສະເຕີຣິດ ກອງໜ້າທີ່ສົ່ງໃຫ້ໂບຕັນຢືມຕົວໃນເວລານີ້.

ນອກຈາກນີ້ ຈອນ ເທີຣີ ຫົວໜ້າທິມເຊວຊີ ກໍອອກມາຄຸຍໂມ້ວ່າ ການເສີມທິມໃນຄັ້ງນີ້ ເປັນສິ່ງທີ່ດີ ສ້າງໃຫ້ບັນຍາກາດໃນທິມກັບມາຄຶກຄັກ ແລະ ສາມາດຂົ່ມຂວັນຄູ່ຕໍ່ສູ້ໄດ້ຢ່າງຫລວງຫລາຍອີກດ້ວຍ.

ໄຫຫີນ ແລະ ບ່ອນຜະລິດໄຫຫີນ

ຂຽນເມື່ອ: ກ.ພ.. 7, 2011 | ມີ 1 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເມື່ອເອີ່ຍເຖິງໄຫຫີນ ແລະ ທົ່ງໄຫຫີນແລ້ວ ບໍ່ວ່າແຕ່ຄົນພາຍໃນປະເທດເທົ່ານັ້ນ ແມ່ນແຕ່ຄົນຕ່າງປະເທດຈຳນວນໜຶ່ງ ກໍຮູ້ດີ ຍ້ອນຊື່ສຽງປູຊະນິຍະສະຖານເກົ່າແກ່ ສະ ໄໝເຈືອງ ຊຶ່ງການຈັດຕັ້ງກ່ຽວຂ້ອງ ພວມດຳເນີນການຕາມຂັ້ນຕອນ ເພື່ອກ້າວຂຶ້ນໄປສູ່ການຈົດທະບຽນ ເປັນມໍລະດົກໂລກ ໃນອະນາຄົດ ແລະ ອີກປະການໜຶ່ງ ກໍແມ່ນຊື່ ສຽງແຫ່ງການເປັນສະໜາມຮົບໃຫຍ່ແຫ່ງໜຶ່ງ ຂອງສົງຄາມອິນດູຈີນ ລະຫວ່າງກຳລັງປະຕິວັດ ແລະ ຝືນປະຕິວັດ ໂດຍມີຈັກກະພັດອາເມລິກາໜູນຫຼັງ ສະໜາມຮົບດັ່ງ ກ່າວ ເລີ່ມແຕ່ປີ 1962-72ຊຶ່ງຈັກກະພັດໄດ້ປີນຂັ້ນໄດສົງຄາມ ປາບປາມປະຊາຊົນຊາວຊຽງຂວາງ ດ້ວຍຍຸດທະສາດສາມກ້ຽງ ຄື: ຂ້າກ້ຽງທຳລາຍກ້ຽງ ດັບສູນກ້ຽງ ຜົນ ຂອງການຕໍ່ສູ້ຮົບ ກໍຄືການທຳລາຍ ກົນອຸບາຍອັນປ່າເຖື່ອນຂອງສັດຕູ ໃຫ້ປະລາໄຊຢ່າງສິ້ນເຊີງ ແລະ ເປັນເງື່ອນໄຂເຮັດໃຫ້ກຳລັງພວກເຂົາອ່ອນເພຍ ແລະ ເສຍຫາຍ ໜັກໜ່ວງ ສ້າງຄວາມຄືບໜ້າໃຫ້ແກ່ການປົດປ່ອຍ ໝົດທົ່ວປະເທດຂອງກຳລັງປະຕິວັດ.

ດັ່ງນັ້ນ ທົ່ງໄຫຫີນ ຈຶ່ງມີຊື່ສຽງທາງປະຫວັດສາດຍາວນານ ເວົ້າສະເພາະກ່ອນຈະມີໄຫຫີນໄດ້ ກໍຍ່ອມມາຈາກການຜະລິດໄຫຫີນ ຊຶ່ງພົບວ່າມີຫຼາຍບ່ອນທົ່ວແຂວງຊຽງ ຂວາງ ເຊັ່ນ: ບ້ານພູເກັ້ງ ເມືອງແປກ ຫ່າງຈາກເທດສະບານເມືອງ 21 ກິໂລແມັດ ບ່ອນຜະລິດໄຫຫີນຊຽງດີ ເມືອງຜາໄຊ ສ່ວນທົ່ງໄຫຫີນທີ່ພົບໃຫຍ່ສຸດ ກໍມີຢູ່ບ້ານນາ ໂອ ບ້ານຜາແກ້ວ (ບ່ອນໃຫຍ່ສຸດ) ເມືອງແປກ ນອກຈາກນີ້ ກໍມີຢູ່ຫຼາຍແຫ່ງ ເປັນຕົ້ນ: ໄຫຫີນພູຊ້າງ ໄຫຫີນນ້ຳຮົ່ມ ເມືອງຄຳ ໄຫຫີນບ້ານໄຜ່ ເມືອງຄູນ ໄຫຫີນນາໂຄ້ ໄຫຫີນບ້ານຊຽງດີ ເມືອງຜາໄຊ ໄຫຫີນບ້ານສອງຮັກ ໄຫຫີນບ້ານສັກສອດ ເມືອງພູກູດ ແລະ ອື່ນໆ.

ການຄົ້ນພົບບ່ອນຜະລິດໄຫຫີນ ທົ່ງໄຫຫີນໃຫຍ່ນ້ອຍຕ່າງໆ ເປັນສັນຍາລັກໃຫ້ຮູ້ເຖິງຄວາມເກົ່າແກ່ ສະໄໝຫີນ ແລະ ຢັ້ງຢືນເຖິງການສ້າງຕັ້ງຖິ່ນຖານຊຸມຊົນ ຊຶ່ງເປັນ ຕົ້ນກຳເນີດເຜົ່າພັນພວກເຮົາ ແລະ ຢັ້ງຢືນເຖິງຄວາມມີຫົວຄິດປະດິດສ້າງ ນຳເອົາສິ່ງທີ່ມີໃນທຳມະຊາດມາຮັບໃຊ້ຕົນເອງ ເຖິງວ່າຄວາມປານິດຈະມີນ້ອຍ ແຕ່ກໍເປັນການ ບົ່ງບອກເຖິງການເລີ່ມຕົ້ນ ຂອງການໃຊ້ຄວາມຄິດຂອງສະໝອງສ່ວນໜ້າ ຂອງຄົນເຮົານັ້ນເອງ ດັ່ງນັ້ນ ການໄປທ່ຽວທົ່ງໄຫຫີນ ຈຶ່ງເປັນກິດຈະກຳຫຼັກ ຂອງການໄປທ່ຽວ ແຂວງຊຽງຂວາງ ໄປເບິ່ງຮອຍອະດີດຂອງບັນພະບູລຸດ ສ້າງໄວ້ແຕ່ຄາວກ່ອນໆແລ້ວ ກໍຈະເຫັນພາບສະທ້ອນ ພິກແຜ່ນດິນ ປີ້ນແຜ່ນຟ້າ ຢາກເຫັນໜ້າ ຕ້ອງເບິ່ງຫຼັງລະນໍ.

ໂດຍ: ຊຽງກະເລນ

ຄວາມປິຕິແຫ່ງພຸດທະ

ຂຽນເມື່ອ: ກ.ພ.. 7, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ທັມມະ

ຄວາມປິຕິແຫ່ງພຸດທະ

ຖ້າວ່າສິ່ງທັງປວງເປັນອະນິດຈັງ ເປັນທຸກ ແລະ ເປັນສິ່ງບໍ່ແມ່ນຕົວຕົນ ແລະແລ້ວສິ່ງໃດເປັນສິ່ງບົ່ງບອກສະພາວະທັມນັ້ນ? ມີຊາຍຄົນໜຶ່ງ ກຳລັງສັງເກດເບິ່ງສາຍນ້ຳໄຫຼ ຖ້າຫາກວ່າລາວບໍ່ປາດຖະໜາໃຫ້ນ້ຳໄຫຼຕາມທຳມະຊາດຂອງມັນ ເພື່ອປ່ຽນແປງທຳມະຊາດທີ່ບໍ່ອາດຢຸດນິ້ງໄດ້ ເຂົາຈະຕ້ອງເປັນທຸກຢ່າງມະຫັນ. ອີກຊາຍຄົນໜຶ່ງເຂົ້າໃຈວ່າ ທຳມະຊາດຂອງນ້ຳຈະຕ້ອງໄຫຼຢູ່ຢ່າງນັ້ນ ບໍ່ວ່າລາວຈະມັກ ຫຼືບໍ່ມັກໃຫ້ມັນໄຫຼ ໂດຍເຫດນີ້ ລາວຈິ່ງບໍ່ທຸກ. ເພື່ອຢາກຮູ້ສະພາວະດັ່ງກະແສນ້ຳນີ້ ຄວາມບໍ່ທ່ຽງຂອງຄວາມສຸກ ຄວາມບໍ່ມີຕົວຕົນ ຈຳເປັນຕ້ອງສະແຫວງຫາສິ່ງທີ່ທ່ຽງແລະປາສະຈາກທຸກ ເພື່ອສະແຫວງຫາຄວາມສຸກທີ່ແທ້ຈິງໃນໂລກ.

"ເມື່ອນັ້ນ", ອາດມີບາງຄົນຖາມວ່າ,"ຄວາມໝາຍຂອງຊີວິດແມ່ນຫຍັງ?"ອາຕະມາບໍ່ສາມາດບອກທ່ານໄດ້. ເປັນຫຍັງທ່ານຕ້ອງກິນ? ທ່ານກິນກໍ່ເພື່ອຈະບໍ່ໄດ້ກິນອີກ ທ່ານເກີດມາເພື່ອວ່າຈະບໍ່ຕ້ອງເກີດອີກ.

ເມື່ອເວົ້າເຖິງສະພາວະຄວາມເປັນຈິງຂອງສິ່ງທັງປວງ ຄວາມຫວ່າງເປົ່າ ຫຼື ສຸນຍະຕາ ມັນຍາກທີ່ຈະອະທິບາຍ ເມື່ອເວລາຟັງເທດແລ້ວ ເຮົາຈະຕ້ອງປະຕິບັດເພື່ອເຂົ້າໃຈ. ເປັນຫຍັງເຮົາຈິ່ງຕ້ອງປະຕິບັດ ຖ້າບໍ່ມີຄຳວ່າ ເປັນຫຍັງ ເຮົາກໍຈະພົບຄວາມສຸກ. ຄວາມທຸກກໍ່ຈະບໍ່ຕິດຕາມບຸກຄົນຜູ້ປະຕິບັດໄດ້ເຊັ່ນນີ້.

ຂັນທັງ ໕ ເປັນເໝືອນຂ້າຕະກອນ ຫາກເມື່ອໃດຢຶດຕິດກັບຮ່າງກາຍ ພວກເຮົາຈະເກີດອຸປະທານທີ່ໃຈ ແລະໃນທາງກັບກັນ. ພວກເຮົາຈະຕ້ອງຢຸດຟັງຄວາມໃຈຂອງເຮົາ ໃຊ້ສີນເພື່ອຂົ່ມໃຈ ເພື່ອສັງວອນລະວັງ ແລະເພື່ອສະຕິທີ່ຕັ້ງໝັ້ນ. ແລ້ວທ່ານກໍ່ຈະເຫັນການເກີດຂື້ນຂອງຄວາມສຸກ ແລະຄວາມທຸກ ແລະພະຍາຍາມບໍ່ຄ້ອຍຕາມທັງສອງຢ່າງນີ້ ຮູ້ແຈ້ງວ່າ ສັບພະສິ່ງເປັນອະນິດຈັງ ເປັນທຸກ ແລະເປັນຂອງບໍ່ມີຕົວຕົນ. ຮຽນຮູ້ຄວາມສະມະຖະ(ຄວາມທຸ່ນທ່ຽງ, ຄວາມນິ້ງແຫ່ງຈິດ) ໃນຄວາມສະມະຖະນີ້ກໍ່ໃຫ້ເກີດຄວາມປິຕິສຸກແຫ່ງພຸດທະ.

ອຸບາຍ ເພື່ອອາຍຸຍືນ 10 ຢ່າງ

ຂຽນເມື່ອ: ກ.ພ.. 7, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ອຸບາຍ ເພື່ອອາຍຸຍືນ 10 ຢ່າງ

ກົດນີ້ ນັກວິດທະຍາສາດທາງການແພດຄະນະໜຶ່ງ ໃນປະເທດອະເມຣິກາ ເຊີ່ງມີຄວາມສາມາດທີ່ສຸດໃນປະເທດນັ້ນ ໄດ້ຮ່າງໄວ້ສຳຫຼັບຜູ້ຢາກມີສຸຂະພາບອະນາໄມດີ ແລະ ອາຍຸຍືນຈະໄດ້ປະຕິບັດຕາມ ຄື

1.ຈົ່ງເຮັດຫ້ອງທີ່ທ່ານຢູ່ໃຫ້ມີອາກາດເຂົ້າໄດ້ຮອບຂ້າງ

2.ຈົ່ງເຮັດງານພາຍນອກບ້ານແລະອອກກຳລັງກາຍ

3.ຈົ່ງພະຍາຍາມນອນກາງແຈ້ງ 4.ຈົ່ງຫັນໃຈເຂົ້າ-ອອກ ຍາວໆ

5.ຢ່າກິນອາຫານໃຫ້ອີ່ມຈົນເກີນໄປ

6.ຢ່າກີນອາຫານຂອງເຜັດຮ້ອນ ຈົນເກີນໄປ

7.ຈົ່ງກິນອາຫານແຕ່ຊ້າໆແລະຄ້ຽວໃຫ້ລະອຽດ

8.ຕ້ອງຖ່າຍອຸດຈາຣະທຸກໆວັນ 9.ຈົ່ງເຮັດໃຫ້ລຳຕົວຊື່ຕົງ ເວລາຢືນ ເດີນ ນັ່ງ

10.ຈົ່ງຮັກສາແຂ້ວ ເຫງືອກ ແລະ ລີ້ນ ໃຫ້ສະອາດ(ດ້ວຍການໃຊ້ແປງຖູແຂ້ວທຸກໆວັນ) 11.ຢ່າໃຫ້ພິດ ຫຼື ຈຸລິນຊີ ເຂົ້າໄປໃນຮ່າງກາຍເປັນອັນມາກ.

ວິທີນັ່ງສະມາທິ(ຫຍໍ້)

ຂຽນເມື່ອ: ກ.ພ.. 6, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ທັມມະ

ວິທີນັ່ງສະມາທິ(ຫຍໍ້)
ການໄປສົມໂພດພຣະມີການນິຍົມກັນຢ່າງແຜ່ຫຼາຍ ແລະເປັນຍອດປາຖນາຂອງຍາດໂຍມລາວທຸກ ຄົນ ເພາະຖືວ່າເປັນການທໍາບຸນທີ່ບັນດານຜົນສໍາເລັດຫຼາຍປະການ (ຕາມຄວາມເຊື່ອສັດທາຂອງແຕ່ລະ ຄົນ) ບາງທ່ານກໍມີຄວາມປາຖນາໄວ້ໃນໃຈວ່າໃນຊີວິຕໜຶ່ງ ຄວນຈະຫາໂອກາດໄປຮ່ວມງານສົມໂພດໃຫ້ ໄດ້ ບາງຄົນກໍຕັ້ງໃຈວ່າ ຄວນຈະຫາໂອກາດໄປຮ່ວມງານສົມໂພດ 9 ຄັ້ງ, ບາງທ່ານຄວນຈະໃຫ້ໄດ້ເຖິງ 11 ຄັ້ງ, ມີບາງຄົນມີຄວາມຕັ້ງໃຈໝັ້ນ 1 ຕ້ອງໄປຮ່ວມສົມໂພດໃຫ້ ໄດ້ເຖິງ 9 ວັດ ຫຼື 11 ວັດ ແລະມີຫຼາຍຄົນກໍປະຕິບັດໄດ້ດັ່ງນັ້ນຫຼ ວງຫຼາຍ ສົມຕາມມະໂນເຈຕະນາຂອງ
ການໄປຮ່ວມສົມໂພດພຣະພຸດທະຮູບນັ້ນ ນອກຈາກໃຫ້ທານ ຄືໄດ້ຖວາຍປັຈຈັຍດ້ວຍລັກສະນະ ຕ່າງໆແລ້ວ, ຍັງໄດ້ຮັກສາສີນ 5 ຫຼືສີລ 8 ຕະຫຼອດຄືນ ແລະໄດ້ຟັງທັມມະເທສນາ ແລະໄຫວ້ອີກ ທີ່ສໍາ ຄັນກໍຄືການນັ່ງສະມາທິນັ້ນເອງ.
ການນັ່ງສະມາທິນັ້ນ ນັ່ງແບບໃດຈຶ່ງຖືກຕ້ອງ, ໃຫ້ເຂົ້າໃຈງ່າຍໆ ດັ່ງນີ້ ຄື:
- ຜູ້ຊາຍ: ນັ່ງຂັດຖະໝາດ(ຂັດສະມາທິ) ເອົາຂາຂວາເຕັງຂາຊ້າຍ ແລ້ວເອົາມີຂວາມເຕັງມືຊ້າຍ ໃຫ້ຫົວໂປ້ມືຈຸກັນ, ທໍາຕົວໃຫ້ກົງ ຕັ້ງຫົວໃຫ້ຊື່ສໍາພັນກັບກະດູກສັນຫຼັງບໍ່ໃຫ້ກະດູກສັນຫຼັງງໍ ຫຼືບ້ຽວ ຈະບໍ່ໄດ້ເຈັບຫຼັງງ່າຍ.
- ສໍາລັບຜູ້ຍິງໃຫ້ເຮັດຄືຜູ້ຊາຍ ແຕ່ມີບາງທ່ານບໍ່ກ້ານັ່ງຂັດຖະໝາດ, ກໍໃຫ້ນັ່ງຂັດຖະໝອບກໍໄດ້ ແຕ່ໃຫ້ເຮັດເໝືອນຜູ້ຊາຍທຸກຢ່າງ.
- ການກໍານົດລົມຫາຍໃຈ: ຫາຍໃຈເຂົ້າວ່າ “ພຸດ” ຫາຍໃຈອອກວ່າ “ໂທ” ຫລື ຫາຍໃຈເຂົ້າວ່າ “ຍຸບໜໍ” ຫາຍໃຈອອກວ່າ “ພອງໜໍ” ຕາມລົມເຂົ້າ ແລະຕາມລົມອອກສະໝໍ່າສະເໝີ ຫົວລົມຢູ່ທີ່ປາຍດັງ, ທ້າຍລົມຢູ່ທີ່ທ້ອງນ້ອຍຫຼືສາຍບື , ລົມເຂົ້າຍາວກໍໃຫ້ຮູ້ວ່າຍາວ ສະໝໍ່ສະເໝີ ບໍ່ໃຫ້ບັງຄັບລົມຫາຍໃຈ ໃຫ້ປ່ອຍຕາມຄວາມເປັນຈິງ ເຮັດໄປເລື້ອຍໆ ແຕ່ໃຫ້ຮູ້ການ ເຄື່ອນໄຫວຂອງຮ່າງກາຍຂອງເຮົາທຸກໄລຍະ ຄືໃຫ້ກໍານົດຮູ້ ວ່າມີຫຍັງເກີດຂຶ້ນ ຖ້າມັນເກີດຂຶ້ນ ກໍ ໃຫ້ກໍານົດຮູ້ສາ ຢ່າຝືນ ຢ່າຕິດ ແຕ່ຈົ່ງຕາມກໍານົດຮູ້ວ່າສິ່ງທີ່ເກີດນັ້ນ ບໍ່ນານມັນກໍຈະປ່ຽນແປງໄປ ເປັນຢ່າງອື່ນ ບໍ່ຄົງທົນ.
- ຮູບ, ສຽງ, ກິ່ນ, ຣົສ, ໂຜສຖັພພະ, ທັມມາຣົມ ທີ່ເກີດຂຶ້ນ, ມັນຈະກະທົບກັບອິນຊີທັງ 6 ພາຍໃນອັນຄື ຕາ, ຫູ, ດັງ, ລິ້ນ ກາຍ ແລະໃຈ ໃຫ້ກໍານົດຮູ້ ແລະຕັດຖິ້ມສາ ທໍາຈົນໃຈສະຫງົບ ຫລືສິ່ງນີ້ບໍ່ເກີດຂຶ້ນ ຮຽກວ່າ “ເປັນສະມາທິ” ຫລື “ໄດ້ສະມາທິ”.
- ຈົ່ງເຂົ້າໃຈວ່າ: ການນັ່ງສະມາທິ ຄືການສະຫງົບໃຈ ກໍາຈັດອາສາວະທີ່ມັນມາພົວພັນກັບໃຈລົງໄດ້ ຈົນເກີດຊານ ຍານ ແລະປັນຍາຕາມລໍາດັບ ແລ້ວດັບສັພພະອັນຕະຣາຍລົງ ກໍເກີດ ປິຕິ ກະເສີມ ແລະສຸຂ ໃນອິຣິຍາບົດຕ່າງໆ.
ເປົ້າໝາຍຂອງການສົມໂພດພຣະ
- ເປົ້າໝາຍຂອງການສົມໂພດພຣະ ກໍຄື
1. ເປັນການທໍາບຸນຊະນິດໜຶ່ງ,
2. ເຮັດໃຫ້ພຣະສັກສິດ ເປັນທີ່ຂາບໄຫວ້ສັກກາຣະບູຊາຂອງຄົນ ແລະເທວະດາທັງໝົດທັງປວງ, 3. ເປັນການທໍາສະມາທິອົບຮົມ ຈິດໃຫ້ຢູ່ໃນຄວາມສະຫງົບຄາຍຈາກກິເລສ(ໂລບ, ໂກດ, ຫຼົງ).
- ສະນັ້ນອານິສົງຂອງການສົມໂພດພຣະຈຶ່ງ ມີຫຼາຍຄື:
1. ໄດ້ບຸນ ປາຖະໜາເອົາມະນຸດສົມບັດ, ສະຫວັນສົມບັດ ແລະພະນິພພານສົມບັດ.
2. ກໍາຈັດບາບເຄາະທັງໃນອະດີດ ແລະປັດຈຸບັນໄດ້.
3. ລ້າງບາບ ແລະສະເດາະເຄາະອັນໃຫຍ່ຫຼວງລົງ.
4. ຮັກສາ ຫຼືບົວພະຍາດບາງຊະນິດໄດ້(ຫາກທໍາສະມາທິໄດ້, ເນັ້ນໜັກຕ້ອງທໍາສະມາທິໄດ້).
5. ກໍາຈັດຄວາມງົມງາຍ ແລະຫຼົງໃນລາບ ຍົດ ກຽດ ແລະຊື່ສຽງລົງໄດ້, ແລ້ວໃຫ້ມີລາບ ຍົດ ກຽດ ແລະຊື່ສຽງມາປະດັບຊີວິຕ.
6. ປົກປ້ອງ ແລະສົ່ງເສີມພຣະພຸດທະສາສນາໃຫ້ໝັ້ນຄົງຕາບເທົ້າຫ້າພັນພຣະວັດສາ.
7. ແລະອື່ນໆ.

ສູດສຳລັບເປັນຄົນດີ (ສູດ ໕ ຮ)

ຂຽນເມື່ອ: ກ.ພ.. 6, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ທັມມະ

ຄົນຈະດີ ຫຼືຊົ່ວໄດ້ຕ້ອງມີເຫດ ແລະປັດໄຈ ຄຸນສົມບັດຂອງຄົນດີ ຈຶ່ງມີວິທີການ ຫຼືສູດສຳເລັດຢູ່ ໗ ປະການ ເຊິ່ງຮຽກວ່າ "ສູດ ໕ ຮ" ນັ້ນເອງ ດັ່ງນີ້:

໑। ຮູ້ເຫດແຫ່ງຄວາມເສື່ອມ ເຫດແຫ່ງຄວາມຈະເຣີນ।
໒। ຮູ້ຜົນ ຄື ຮູ້ສຸກເກີດຈາກເຫດອັນນັ້ນ ທຸກກໍຕ້ອງເກີດຈາກເຫດອັນນີ້।
໓। ຮູ້ຈັກຕົນເອງ ຄືວ່າຮູ້ວ່າຕົນມີຄວາມຮັບຜິດຊອບ ແລະມີໜ້າທີ່ອັນໃດ ? ທີ່ຕ້ອງປະຕິບັດແຕ່ລະວັນ।
໔। ຮູ້ຈັກປະມານໃນການໃຊ້ຈ່າຍ ການກິນ ການນອນ ການເວົ້າ।
໕। ຮູ້ຈັກໃຊ້ເວລາໃຫ້ຖືກຕ້ອງ ແລະເໝາະສົມກັບໜ້າທີ່ການງານ।
໖। ຮູ້ຈັກສັງຄົມ ວ່າສັງຄົມນັ້ນເປັນຢ່າງໃດ ? ສັງຄົມນີ້ເປັນຢ່າງໃດ ?
໗। ຮູ້ຈັກບຸກຄົນ ວ່າເຂົາເປັນເຊັ່ນໃດ ມີໜ້າທີ່ຫຍັງ ຖ້າເປັນຄົນດີຄວນຄົບ ຖ້າເປັນຄົນຊົ່ວຄວນເວັ້ນເສັຍ ດັ່ງນີ້ເປັນຕົ້ນ

"ຄວາມຮັກຂອງພໍ່ແມ່"

ຂຽນເມື່ອ: ກ.ພ.. 6, 2011 | ມີ 2 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ການເດີນທາງຮວ່ມກັນຂອງເຮົາໃນວັດຕະສົງສານ ມີທັງຮັກກັນ ຊັງກັນ ທຳດີແນ່ ທຳຊົ່ວແນ່

ເຫຼົ່ານີ້ ຄື ກັມ ທີ່ກະທຳກັນ ຊ້ຳໆ ຊາກໆ ກັມດີ ຫຼື ນິໄສທີ່ດີ ເປັນການສ້າງປາຣະມີ ກັມຊົ່ວ

ນິໄສທີ່ບໍ່ດີ ສະສົມເປັນອາສະວະ ກິເລສ

ການທີ່ເຮົາເກີດມາໃນທ້ອງແມ່ ຖືເປັນກັມເກົ່າ ຜົນຂອງກັມເກົ່າທີ່ສ້າງສົມໄວ້ ປຽບເໝືອນ ເມັດພືດ ການຮັບຮູ້ທາງຕາ ຫູ ດັງ ລິ້ນ ກາຍ ໃຈ ແລະ ການລ້ຽງດູຂອງພໍ່ແມ່ ເປັນປັດໄຈ ຫຼື ປຽບເໝືອນ ຜຸຍ ດິນ ນ້ຳ ແສງແດດ ທີ່ຊວ່ຍບຳລຸງລ້ຽງເມັດພືດໃຫ້ງົດງາມ.

ຢ່າງໃດກໍຕາມ ເດັກນ້ອຍເກີດໃໝ່ທຸກຄົນ ຄືຜູ້ບໍລິສຸດ ການລ້ຽງດູຂອງພໍ່ແມ່ດວ້ຍຄວາມຮັກຄວາມເມຕຕາ ຈິງເປັນປັດໄຈສຳຄັນທີ່ສຸດທີ່ຈະຊວ່ຍໃຫ້ລູກເຕີບໃຫຍ່ຂື້ນ ຢ່າງມີຄວາມສຸກ ກັງກັນຂ້າມ ເດັກນ້ອຍທີ່ເກີດມາຢ່າງຂາດຄວາມຮັກ ຄວາມອົບອຸ່ນໃນຄອບຄົວ ຍາກທີ່ຈະມີຈິດໃຈທີ່ດີໄດ້ ມັກມີບັນຫາທາງໃຈ ເປັນຄົນຂື້ນ້ອຍໃຈ ຂື້ອິດສາລິດສະຫຍາ ຂີ້ຢ້ານ ຂີ້ໂມໂຫ ຯລຯ ເອີ້ນວ່າຈິດໃຈບໍ່ສົມບູນ

100 ຂໍ້ຄິດ ຊີວິດຈະສົດໃສ ຫາກທ່ານເຮັດໄດ້ ສຸກສະບາຍໃຈຕະຫຼອດການ

ຂຽນເມື່ອ: ກ.ພ.. 6, 2011 | ມີ 1 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

100 ຂໍ້ ກົດແຫ່ງຄວາມຈະເລີນຮຸ່ງເຮືອງ ຂອງທ່ານຖ້າເຮັດໄດ້

ຮ້ອຍສີ່ງດີໆ ກັ່ນຈາກຄຳສອນຂອງພຮະພຸດທະເຈົ້າ ອ່ານແລ້ວມີກຳລັງໃຈສູ້ຕໍ່ວັນຂ້າງໜ້າ

ທຸກໆທ່ານ ແມ່ອອກພໍ່ອອກທີ່ໄດ້ມີໂອກາດ
ອ່ານບົດຄວາມລຸ່ມນີ້ ອາຕະມາຮັບຮອງວ່າ ຖ້າທ່ານອ່ານໝົດແລ້ວ
ນຳໄປປະຖິບັດຈະເກິດປະໂຫຍດຢ່າງມະຫາສານ ແລະຊີວິດປ່ຽນແນ່ນອນ

1. ເອົາໃຈເຂົາມາໃສ່ໃຈເຮົາ
2. ເຊື່ອໝັ້ນໂຕເອງ
3. ຢ່າເບິ່ງຄົນອື່ນຢູ່ແຕ່ໜ້າຕາຢ່າງດຽວ
4. ກ້າຄິດ, ກ້າເວົ້າ ແລະ ກ້າເຮັດ
5. ເມື່ອມີບັນຫາ ຈົ່ງໝັ່ນປຶກສາຄົນອື່ນທີ່ເຮົາໄວ້ໃຈ
6. ແລະກໍ່ເປັນທີ່ປຶກສາໃຫ້ຜູ້ອື່ນນໍາ
7. ຢ່າຂີ້ຕົວະໃນເລື່ອງທີ່ເຈົ້າຄິດວ່າຜິດ
8. ໄວ້ໃຈບຸກຄົນທີ່ສົມຄວນໄວ້ໃຈ
9. ເປີດໃຈໃຫ້ກວ້າງ
10. ເບິ່ງການໄກ
11. ວາງແຜນອະນາຄົດ
12. ຢ່າໂທດໂຕເອງ
13. ມີຄວາມຮັບຜິດຊອບ
14. ຕອບແທນເມື່ອໄດ້ຮັບ
15. ໃຫ້ໃນສິ່ງທີ່ຜູ້ອື່ນຢາກໄດ້ ແລະ ບໍ່ມີ ໂດຍບໍ່ໃຫ້ເຮົາເອງເດືອດຮ້ອນ
16. ຢ່າໃຊ້ແຕ່ອາລົມ ແຕ່ຈົ່ງໃຊ້ຄວາມຄິດ
17. ຄິດເຖິງສ່ວນລວມໃຫ້ຫຼາຍໆ
18. ເບິ່ງແຍງຕົນເອງໃຫ້ເປັນ
19. ຮູ້ຜິດ, ຖືກ, ຊົ່ວ, ດີ
20. ຢ່າປະໃຫ້ເວລາເສຍໄປລ້າໆ
21. ຢ່າເຫັນຄ່າສິ່ງທີ່ຢູ່ກັບເຮົາເມື່ອເຮົາເສຍມັນໄປແລ້ວ
22. ຮູ້ຈັກໂຕເອງຢູ່ສະເໝີວ່າຕອນນີ້ກໍາລັງເຮັດຫຍັງ
23. ສິ່ງທີ່ເຮົາເຮັດຢູ່ມີຜົນດີ, ຜົນເສຍ ຫຼື ບໍ່ມີປະໂຫຍດເລີຍ

24. ຢ່າໃຫ້ງົວເສຍແລ້ວຈຶ່ງເຮັດຄອກຂັງໄວ້
25. ໃຫ້ອະໄພແກ່ຕົນເອງ ແລະ ຜູ້ອື່ນ
26. ຢ່າເກັບເອົາອາດີດມາທໍາລາຍຕົນເອງ ແຕ່ຈົ່ງຮຽນຮູ້ຈາກມັນ
27. ຄົນທີ່ບໍ່ເຄີຍເຮັດຜິດຄືຄົນທີ່ບໍ່ເຄີຍເຮັດຫຍັງເລີຍ
28. ໄດ້ໜ້າຢ່າລືມຫຼັງ
30. ເຈົ້າບໍ່ແມ່ນເທວະດາ ຢ່າໄປຄິດສ້ອມແປງຄວາມຄິດ ແຕ່ຈົ່ງຄິດທີ່ຈະເບິ່ງແຍງມັນ
31. ຢ່າອ່ານຂໍ້ຄວາມທີ່ມີປະໂຫຍດແບບຜ່ານໄປຊື່ໆ
32. ອ່ານແລ້ວຄິດ, ຄິດແລ້ວເຮັດ, ໝັ່ນພັດທະນາຕົນເອງ
33. ສ້າງປະໂຫຍດໃຫ້ແກ່ສ່ວນລວມແດ່
34. ຢ່າເຫັນແກ່ໂຕ
35. ຢ່າລໍຖ້າໃນສິ່ງທີ່ຍັງມາບໍ່ເຖິງ
36. ຢ່າຢ້ານໃນສິ່ງທີ່ຕົນເອງສາມາດສູ້ ແລະ ປ່ຽນແປງມັນໄດ້
37. ກໍາລັງໃຈເປັນສິ່ງທີ່ສໍາຄັນ ໝັ່ນຕື່ມໃຫ້ຄົນອື່ນແນ່ ແລ້ວເຂົາຈະກັບມາຕື່ມໃຫ້ເຈົ້າເຊັ່ນກັນ
38. ໝູ່ເພື່ອນບໍ່ຈໍາເປັນຕ້ອງພົບໜ້າກັນ ແຕ່ກໍ່ລົມກັນໄດ້
39. ຢ່າຄິດວ່າເຂົາບໍ່ໂທມາ ຖ້າເຈົ້າກໍ່ບໍ່ໂທໄປ
40. ຈົ່ງເປັນຝ່າຍໃຫ້ຫຼາຍກວ່າເປັນຝ່າຍຮັບ
41. ເບິ່ງແຍງພໍ່ແມ່ໃຫ້ດີເມື່ອເຈົ້າມີໂອກາດ ກ່ອນທີ່ຈະບໍ່ມີໂອກາດເບ່ິງແຍງເພິ່ນ
42. ຢ່າເສຍໃຈກັບສິ່ງທີ່ບໍ່ດີ ຫຼືສູນເສຍໄປແລ້ວ ມັນບໍ່ມີທາງກັບມາ ແຕ່ເຈົ້າສາມາດເຮັດມັນໃໝ່ ຫຼືຮຽນຮູ້ຈາກມັນ
43. ຄໍາເວົ້າເມື່ອເວົ້າໄປແລ້ວ ບໍ່ສາມາດເອົາກັບຄືນມາໄດ້ ດັ່ງນັ້ນຈົ່ງຄິດກ່ອນເວົ້າ
44. ຢ່າທຸ່ມເທໃນສິ່ງທີ່ບໍ່ມີປະໂຫຍດ
45. ຄໍາເວົ້າໃຫ້ກໍາລັງໃຈໄດ້, ປອບໃຈໄດ້, ຍຸແຍ່ໃຫ້ຄົນຜິດກັນຫຼື ຂ້າກັນໄດ້, ເຮັດໃຫ້ເສຍຄວາມຮູ້ສຶກໄດ້ ດັ່ງນັ້ນຈົ່ງຮູ້ທີ່ຈະເວົ້າຄໍາໃດໃນເວລາໃດ
46. ຊີວິດບໍ່ແມ່ນເກມ, ພາດໄປແລ້ວບໍ່ສາມາດຈະກົດເລີ່ມໃໝ່ ຫຼື ໂຫຼດໃໝ່ໄດ້
47. ຫາຈຸດໝາຍໃຫ້ແກ່ຊີວິດ
48. ຄຽດໄດ້ ແຕ່ຄຽດໃຫ້ເປັນ
49. ຖ້າງົງ ຂຽນໜັງສືໄດ້ ແຕ່ຂຽນໃຫ້ເປັນພາສາ
50. ມື້ໜຶ່ງໆ ເຈົ້າເຮັດຫຍັງແດ່ ທີ່ບໍ່ແມ່ນ ກິນ, ນອນ ລະກະ ຫຼິ້ນ
51. ບໍ່ມີໝໍຄົນໃດທີ່ຈະຖ້າໃຫ້ຄົນປ່ວຍໃກ້ຈະຕາຍແລ້ວຈຶ່ງຊ່ວຍ
52.ເພື່ອນເຈົ້າກໍ່ຄືກັນຢ່າປະໃຫ້ເຂົາຕາຍແລ້ວຈຶ່ງໄປຖາມຫາຫຼືເບິ່ງແຍງ
53. ຮ່າງກາຍຄົນບໍ່ແມ່ນເຄື່ອງຈັກ ໃຫ້ມັນພັກຜ່ອນແດ່
54. ເຈົ້າຊື້ໂມງໄດ້ ແຕ່ເຈົ້າບໍ່ສາມາດຊື້ເວລາໄດ້
55. ຕອນນີ້ມີໃຜບາງຄົນຖ້າເຈົ້າຢູ່ຫຼືບໍ່ ຖ້າມີກໍ່ຈົງກັບໄປຫາເຂົາສາ
56. ຕອນນີ້ເຈົ້າກໍາລັງລໍຖ້າໃຜບາງຄົນບໍ ແລ້ວຈະລໍຖ້າແບບນີ້ໄປດົນປານໃດ ພະຍາຍາມເຮັດອັນອື່ນແນ່
57. ຢ່າເວົ້າຄໍາວ່າຂໍໂທດດຸຫຼາຍ ເພາະມີອີຫຍັງດີໆຕັ້ງຫຼາຍຢ່າງໃຫ້ເຮັດແລ້ວບໍ່ຕ້ອງຕາມໄປຂໍໂທດ
58. ຕອນເຈົ້າທຸກຍາກລໍາບາກເຈົ້າຄິດຮອດໃຜ ເຈົ້າຢາກໃຫ້ໃຜຊ່ວຍເຫຼືອ?
59. ຕອນນີ້ເຈົ້າກໍາລັງສະບາຍຢູ່ ແລ້ວຄົນທີ່ເຈົ້າຂໍຄວາມຊ່ວຍເຫຼືອຈາກເຂົາເດ ໝົດປະໂຫຍດແລ້ວບໍ?
60. ເຮັດຫຍັງກໍ່ໄດ້ໃຫ້ຕົນເອງມີຄວາມສຸກ ແຕ່ບໍ່ແມ່ນຢູ່ເທິງຄວາມທຸກຂອງຄົນອື່ນ
61. ຕອນນ້ີເຈົ້າກໍາລັງອ່ານປະໂຫຍກນີ້ ແລະ ຈົ່ງຈໍາໄວ້ວ່າເຈົ້າເປັນຄົນ ແລະ ຍັງມີຊີວິດຢູ່
62. ແມ່ນໃຜເປັນຄົນເຮັດໃຫ້ເຈົ້າມີຊີວິດ ຕອບແທນເຂົາແລ້ວຫຼືຍັງ
63.ບໍ່ຕ້ອງລໍຖ້າຮອດວັນພິເສດໃດໆພຽງແຕ່ເຂົ້າໄປບອກຄໍາວ່າຮັກກໍ່ພຽງພໍແລ້ວ
64. ຢ່າຖ້າໃຫ້ຮອດວັນເກີດໝູ່ ແລ້ວຈຶ່ງລົມກັນຫຼືໃຫ້ຂອງຂວັນ
65. ບໍ່ມີກົດໝາຍໃດຫ້າມບໍ່ໃຫ້ຂອງຂວັນໃນວັນທໍາມະດາ
66. ຖ້າເປັນເຈົ້າ ຢູ່ດີໆໝູ່ເອົາເຂົ້າໜົມມາໃຫ້ຈະຮູ້ສຶກດີບໍ ຫຼື ຈະເບິ່ງທີ່ລາຄາເຂົ້າໜົມນັ້ນ
67. ເຫຼົ້າເຮັດໃຫ້ເຈົ້າລືມໄດ້ແຕ່ຕອນເມົາແຕ່ເພື່ອນເຮັດໃຫ້ເຈົ້າລືມເລື່ອງບໍ່ດີໄດ້ຕະຫຼອດຊີວິດ
68.ຢ່າຄິດວ່າຕົນເອງເປັນຄົນໂຊກຮ້າຍທີ່ສຸດແລະຢ່າຄິດວ່າຕົນເອງເປັນຄົນໂຊກດີທີ່ສຸດ
69.ຢ່າເວົ້າວ່າເພິ່ນບໍ່ມາເປັນເຮົາບໍ່ຮູ້ດອກຖ້າເປັນແນວນັ້ນເຈົ້າກໍ່ບໍ່ຮູ້ເລື່ອງຂອງເຂົາຄືກັນ
70. ຖ້າເມື່ອຍຫຼາຍກໍ່ຢຸດພັກແນ່
71. ຢ່າຄິດວ່າຄົນດີບໍ່ມີໃນສັງຄົມ ເພາະເຈົ້າກໍ່ເປັນຄົນພຽງແຕ່ເຈົ້າຍັງບໍ່ໄດ້ເຮັດອີຫຍັງເທົ່ານັ້ນ
72.ປິດສະໜາໃນເກມເຈົ້າແກ້ໄດ້ແຕ່ເປັນຫຍັງປິດສະໜາໃນຊີວິດເຈົ້າແກ້ບໍ່ໄດ້ ໃນເມື່ອບົດສະຫຼຸບມັນຢູ່ໃນໂຕເຈົ້າ
73. ເຈົ້າເບິ່ງເພັດຢູ່ຄວາມງາມພາຍໃນ ຫຼື ປ້າຍລາຄາທາງນອກ
74. ຖ້າເຈົ້າກິນອາຫານເຫຼືອ ລອງຄຶດເຖິງເດັກນ້ອຍທີ່ບໍ່ມີຫຍັງກິນແດ່
75. ມີເລື່ອງຫຼາຍເລື່ອງທີ່ບໍ່ໄດ້ຂຽນໃນໜັງສືລອງຄົ້ນຄວ້າເບິ່ງແລ້ວຈະຮູ້
76.ລູກທະນູທີ່ປ່ອຍອອກຈາກໜ້າໄມ້ຍັງອັນຕະລາຍໜ້ອຍກວ່າຫອກທີ່ແທງມາຈາກທາງຫຼັງ
77. ການຖືກຫັກຫຼັງເປັນສິ່ງທີ່ເຈັບປວດ ຢ່າໃຫ້ມັນເກີດ
78. ຈະປະໃຫ້ຂີ້ລັກຂຶ້ນບ້ານແລ້ວຈຶ່ງໄປເບິ່ງປະຕູຮົ້ວບໍ?
79. ທໍາໃຈກັບສິ່ງຕ່າງໆລ່ວງໜ້າໄວ້ແດ່ກໍ່ດີ
80. ສົມມຸດຄົນທີ່ເຈົ້າຮັກຈາກເຈົ້າໄປໃນຕອນນີ້ ເຈົ້າຄິດວ່າເຈົ້າໄດ້ເຮັດຫຍັງໃຫ້ເຂົາແດ່ແລ້ວ ຫຼືວ່າບໍ່ມີເລີຍ
81. ຢ່າຕອບວ່າ ເຮັດແນວໃດກໍ່ຕອບແທນບໍ່ໝົດ ຂໍຖາມແດ່ວ່າເຮັດຄັ້ງສຸດທ້າຍຕອນໃດ?
82. ເຈົ້າທໍາໃຈໄດ້ແລ້ວບໍ ຖ້າມັນເກີດຂຶ້ນ ເຈົ້າໄປຮ້ອງໄຫ້ຂ້າງງານສົບ ແນວໃດເຂົາກໍ່ບໍ່ໄດ້ຍິນ
83. ໂຕຂອງເຈົ້າມີຄ່າຢູ່ແລ້ວ ຢູ່ທີ່ວ່າເຈົ້າຮູ້ຈັກດຶງມັນອອກມາໃຊ້ຫຼືບໍ?
84. ຮຽນເວົ້າກັບໂຕເອງແດ່ ແລ້ວເຈົ້າຈະຮູ້ວ່າມັນມີຫຍັງຕັ້ງຫຼາຍຢ່າງທີ່ເຈົ້າຍັງບໍ່ຮູ້
85. ເຈົ້າໃຊ້ຮ່າງກາຍມາຈັກປີແລ້ວ ໝັ່ນເບິ່ງແຍງມັນແດ່ ຫຼືວ່າເອົາໄວ້ໃຫ້ວິນຍານມີບ່ອນສິງສະຖິດຢູ່ຊື່ໆ
86. ການໃສ່ເສື້ອຜ້າງາມໆ ບໍ່ໄດ້ຊ່ວຍໃຫ້ຮ່າງກາຍດີຂຶ້ນດອກ ທີ່ດີຂຶ້ນເປັນບຸກຄະລິກກະພາບເທົ່ານັ້ນ
87. ຫາຄວາມສຸກຂອງໂຕເອງໃຫ້ພົບ ຮຽນມີຄວາມສຸກແນ່
88. ລອງເຮັດແບບບ້າໆບ໋ອງແດ່ກໍ່ດີຢ່າຍຶດຕິດກັບອີຫຍັງຫຼາຍເກີນໄປ
89.ສິ່ງທີ່ເຈົ້າປ່ອຍຜ່ານໆໄປໃນຊີວິດຫຼືເລື່ອງທີ່ເຈົ້າເຫັນວ່າມັນບໍ່ສໍາຄັນ ກັບມາເບິ່ງບ່ອນນັ້ນແດ່ກໍ່ດີ
90. ຢ່າໄວ້ໃຈໃຜຫຼາຍເກີນໄປ ບໍ່ໄດ້ສອນໃຫ້ລະແວງບໍ່ໄວ້ໃຈໃຜ ແຕ່ລະວັງແດ່ກໍ່ດີ
91. ຢ່າຕາມເພື່ອນທີ່ມັກກິນເຫຼົ້າ, ຫຼິ້ນໄພ້ ແລະ ມັກຫຼິນສາວ(ບ່າວ) ຫຼາຍຈົນເກີນໄປ
92. ຢາເສບຕິດທຸກຊະນິດຢ່າຄິດຈະລອງເດັດຂາດ
93. ຢ່າເຮັດຕາມໝູ່ເພາະຮ່າງກາຍເຂົາກັບເຮົາມັນຕ່າງກັນແນ່ນອນຈິດໃຈກໍ່ຕ່າງກັນ
94. ຜູ້ຊາຍຈັ່ງໃດກໍ່ເປັນຜູ້ຊາຍ ຜູ້ຍິງຈັ່ງໃດກໍ່ເປັນຜູ້ຍິງ
95. ບາງຄັ້ງກາຍຢູ່ຄົນດຽວກໍ່ບໍ່ໄດ້ເລວຮ້າຍສະເໝີໄປ
96. ບໍ່ມີມິດຖາວອນແລະສັດຕູທີ່ແທ້ຈິງ
97.ຈົ່ງເຮັດມື້ນີ້ໃຫ້ດີທີ່ສຸດ ເພື່ອຕົວເຮົາເອງ ຄົນທີ່ເຮົາຮັກ ແລະ ຄົນທີ່ຢູ່ອ້ອມຂ້າງເຮົາ
98. ຢ່າຄິດວ່າຕົນເອງຖືກຕະຫຼອດ
99. ຢ່ານ້ອຍໃຈເກີນເຫດ ເພາະອີຫຍັງທີ່ເກີນໆມັນບໍ່ຄ່ອຍຈະດີ
100.ຢ່າຄິດວ່າຕົນເອງບໍ່ມີໝູ່ ຫຼື ບໍ່ມີໃຜ ຢ່າງໜ້ອຍຖ້າເຈົ້າໄດ້ອ່ານຂໍ້ຄວາມນີ້
(ຂໍຂອບໃຈ ຂໍ້ມູນຈາກ ພຸດທະສາວົກ)

ຝັນກ່ຽວກັບຄົນຮັກ

ຂຽນເມື່ອ: ກ.ພ.. 6, 2011 | ມີ 4 ຄຳເຫັນ ແລະ 0 trackback(s)

ໜວດໝູ່: ບົດຂຽນ/ເລື່ອງແປ

ຄູ່ຮັກ
ຝັນເຫັນຄູ່ຮັກຫລືຄົນຮັກ ໄດ້ມີການກອດຮັດເວົ້າຈາກັນໃນຝັນ ທາຍວ່າຈະຕ້ອງພັດຄູ່ຈາກກັນ ຫລືມີອຸປະສັກມາຂັດຂວາງທາງຮັກບໍ່ໃຫ້ສົມປາດຖະຫນາ ຖ້າໃນຝັນເປັນຄົນແປກຫນ້າທີ່ບັງເອີນໄປພົບກັນ ທາຍວ່າຈະມີສັດຕູທີ່ເປັນເພດກົງກັນຂ້າມປອງຮ້າຍ
55 66 33 335 366 784 633

ຈູບ
ຝັນວ່າໄດ້ກອດຈູບເດັກນ້ອຍທາຍວ່າຈະໄດ້ລາບຫລືສິ່ງຂອງ ເປັນຂອງກຳນັນ ຖ້າໄດ້ຈູບຄົນສູງອາຍຸນ້ອຍກວ່າ ທາຍວ່າ ຈະໄດ້ລາບຈາກຜູ້ໃຫຍ່ຖ້າຈູບສັດລ້ຽງຫລືຄົນຮັກ ທາຍວ່າ ຈະໄດ້ຮັບເຄາະນ້ອຍໆ ນ້ອຍໆ ຈາກຄົນໃນເຮືອນຫລືຄົນຮັກຫລືມິດສະຫາຍໃກ້ຊິດ

ຊາວເຂົ້າ
ຝັນວ່າຕົນເອງຊາວເຂົ້າຕຽມຈະຫຸງເຂົ້າ ຫລືຝັນເຫັນເຂົ້າແຊ່ຢູ່ໃນນ້ຳໃນພາຊະນະຫຸງຕົ້ມ ຖ້າເປັນຍິງ ທາຍວ່າຈະ ໄດ້ຮັບຂ່າວດີ ຫລືມີໂຊກລາບທາງຫນ້າທີ່ການງານ ຖ້າເປັນຊາຍຈະໄດ້ຮັບຂ່າວດີຈາກຄົນຮັກຫລືເມຍຫລືລູກສາວ
21 23 25 251 253

ດັກນົກ
ຝັນເຫັນເຄື່ອງດັກນົກ ຫລືເຄື່ອງດັກຈັບສັດຕ່າງໆ ທາຍວ່າ ຂອງທີ່ຫາຍໄປຈະໄດ້ກັບຄືນ ຫລືຄົນຮັກທີ່ຈາກໄປຈະກັບມາ ຄືນດີ ແຕ່ຖ້າຂອງຫາຍໄດ້ກັບຄືນມັນຈະປະສົບເຄາະຕາມຫລັງ
ຍັງບໍ່ຢູ່ໃນເກນສ່ຽງ

ຖ້ຳ
ຝັນໄດ້ເຂົ້າໄປໃນຖ້ຳມືດ ພົບທາງຕັນຫລືຫາຫົນທາງອອກບໍ່ໄດ້ ທາຍວ່າຈະປະສົບເຄາະ ຫລືມີອັນໃຫ້ທະເລາະກັບຍາດມິດຫລືຄົນຮັກ ຖ້າໃນຝັນໄດ້ພົບພະພຸດທະຮູບຫລືພະຄັງມະຫາສົມບັດຂອງພະເຈົ້າ ແຜ່ນດິນ ທາຍວ່າຈະໄດ້ຮັບໂຊກລາບຈາກການສ່ຽງ.
67 08 83 607 863 870

ຮິມສົບ
ຝັນເຖິງຮິມສົບ ຫລືປາກຕົນເອງຖືກສັດຮ້າຍຕອດຫລືເປັນແຜບາດເຈັບ ທາຍວ່າ ຈະເກີດຄວາມເດືອດຮ້ອນຂຶ້ນແກ່ເມຍຫລືຄົນຮັກ ຖ້າເປັນຍິງຝັນ ທາຍວ່າ ຈະເສຍຄົນຮັກຫລືຜົວ
ຍັງບໍ່ຄວນສ່ຽງ

ລະຄອນ
ຝັນວ່າເບິ່ງລະຄອນຫລືຕົວເອງຫລິ້ນລະຄອນ ທາຍວ່າ ຈະຖືກຄົດໂກງຫັກຫລັງ ຫລືຄົນໃນເຮືອນມັກຈະກໍ່ຄວາມຫຍຸ້ງຍາກເດືອດຮ້ອນໃຈຜູ້ທີ່ກຳລັງ ມີຄົນຮັກຫລືແຕ່ງງານໃໝ່ໆ ຈະຖືກຄົນຮັກນອກໃຈຫລືຂັດໃຈກັນ
ຍັງບໍ່ຄວນສ່ຽງ

ຫວີຜົມ
ຝັນວ່າຫວີຜົມຕົນເອງໃສ່ນ້ຳມັນ ຖ້າຝັນໃນຕອນກາງເວັນ ທາຍວ່າ ຈະເຄາະຮ້າຍເຖິງເລືອດຕົກຢາງອອກ ຖ້າຝັນໃນເວລາກາງຄືນ ທາຍວ່າ ຄົນຮັກຫລືຜົວຫລືເມຍຈະນອກໃຈ
ບໍ່ຄວນສ່ຽງ.

10 ອັນດັບມະຫາວິທະຍາໄລທີ່ແພງທີ່ສຸດໃນໂລກ

ຂຽນເມື່ອ: ກ.ພ.. 6, 2011 | ມີ 3 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ຢູ່ໃນທົ່ວໂລກມີມະຫາວິທະຍາໄລຫຼາຍລ້ານແຫ່ງມີບາງແຫ່ງທີ່ສ້າງຕັ້ງມາໄດ້ຫຼາຍສະຕະວັດແລ້ວໂດຍສະເພາະແມ່ນມະຫາວິທະຍາໄລຢູ່ໃນບັນດາປະເທດທີ່ພັດທະນາແລ້ວ,ບວກກັບການສືກສາທີ່ນັບມື້ນັບເຕີບໃຫຍ່ຂະຫຍາຍຕົວໃນປັດຈຸບັນນີ້ຫຼາຍໆຄົນມີຄວາມໄຝ່ຝັນທີ່ຈະໄດ້ສຶກ ສາໃນສະຖາບັນທີ່ໄດ້ມາດຕະຖານແລະມີຄວາມສະດວກສະບາຍ,ຄຽງຄູ່ກັນນັ້ນກໍມີຫຼາຍ ມະຫາ ວິທະຍາໄລທີ່ມີຄ່າໃຊ້ຈ່າຍທີ່ແພງພໍສົມຄວນດັ່ງທີ່ພວກເຮົາຈະສະເໜີຕໍ່ໄປນີ້ຄື 10 ອັນດັບມະ ຫາວິທະຍາໄລທີ່ແພງທີ່ສຸດໃນໂລກ:

1. ສະຫະລັດອາເມລິກາ : George Washington University, Washington ຄ່າຮຽນຕໍ່ປີ $60,963

2.ສະຫະລັດອາເມລິກາ : Sarah Lawrence College, New York - $60,851

3.ສະຫະລັດອາເມລິກາ : Kenyon College, Ohio - $60,685

4.ສະຫະລັດອາເມລິກາ : Vassar College, New York - $60,640

5.ສະຫະລັດອາເມລິກາ : Bucknell University, Pennsylvania - $59,799

6 ສະວິດເຊີແລນ : Franklin College - $49,918

7.ຝຣັ່ງ : American University of Paris - $49,164

8.ອັງກິດ : Imperial College London - $41,925

9 ສິງກະໂປ : National University of Singapore - $36,194

10 ອົດສະຕາລີ : University of Melbourne - $30,463

ສາສະໜາ

ຂຽນເມື່ອ: ພ.ຈ.. 27, 2010 | ມີ 6 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ພົນລະເມືອງລາວ ສ່ວນໃຫຍ່ເຊື່ອຖືພຸດທະສາສະໜາ ຊິ່ງເປັນສາສະໜາ
ດັ້ງເດີມ, ມີຜູ້ເຊື່ອຖືທັງໝົດກວມເອົາ 66,8% ຂອງພົນລະເມືອງ.   ສາ
ສະໜາເຢຊູຄຣິດ ມີຜູ້ເຊື່ອຖືປະມານ 1,5%. ສ່ວນສາສະໜາອິດສະລາມ
ແລະ ບາຮາຍ ມີຜູ້ເຊື່ອຖືໜ້ອຍກວ່າ 1%.   ນອກຈາກເຊື່ອຖື ສາສະໜາ
ແລ້ວຍັງມີຜູ້ເຊື່ອຖືບັນພະບູລຸດ (ເຊື່ອຖືຜີ) ທີ່ເປັນຄວາມເຊື່ອອັນເກົ່າແກ່
ຂອງ ຄົນລາວມາແຕ່ບູຮານ ແລະ ເຊື່ອຖືອື່ນໆ ປະມານ 30,9%
(ສະຖິຕິສຳຫຼວດພົນລະເມືອງ ປີ 2005). ສິດທິທາງດ້ານສາສະໜາ ຫຼື
ຄວາມເຊື່ອປະຊາຊົນລາວ ບັນດາເຜົ່າມີສິດເສລີພາບ ໃນການເຊື່ອຖື ຫຼື
ບໍ່ເຊື່ອຖືສາສະໜາ, ເຊິ່ງສິດດັ່ງກ່າວໄດ້.
ສະແດງອອກ ແລະ ຄ້ຳປະກັນ ໂດຍລັດຖະທຳມະນູນ ມາດຕາ9 ແລະ
ມາດຕາ43. ນອກຈາກນີ້, ຍັງມີບັນດາບັນຍັດ,ລະບຽບ -

ກົດໝາຍ. ໂດຍສະເພາະ ແມ່ນດຳລັດຂອງນາຍຍົກລັດຖະມົນຕີ ເລກທີ 92/ນຍ ວ່າດ້ວຍການຄຸ້ມຄອງ ແລະ ປົກປ້ອງການ
ເຄື່ອນໄຫວສາສະໜາ ຢູ່ ສປປ ລາວ ເຊິ່ງເປັນການປົກປ້ອງ ແລະ ຄຸ້ມຄອງການເຄື່ອນໄຫວ ທີ່ຖືກຕ້ອງຕາມກົດໝາຍ ຂອງ
ບັນດາອົງການສາສະໜາ ແລະ ສາສະນິກະຊົນຂອງສາສະໜາຕ່າງໆ ໃນ ສປປ ລາວ. ສິດເສລີພາບໃນການເຊື່ອຖືສາສະໜາ
ນອກຈາກຈະລະບຸໄວ້ໃນລັດຖະທຳມະນູນ, ດຳລັດແລະ ລະບຽບກົດໝາຍແລ້ວ ລັດຖະບານ ສປປ ລາວ
ຍັງມີນະໂຍບາຍ 4 ຂໍ້ໃຫຍ່ ຕໍ່ສາສະໜາ:

-ເຄົາລົບສິດເສລີພາບໃນການເຊື່ອຖື ຫຼື ບໍ່ເຊື່ອຖືສາສະໜາ ຂອງພົນລະເມືອງລາວ, ບໍ່ອະນຸຍາດໃຫ້ມີການຊື້ຈ້າງຈອບອອຍ ຫຼື
ບີບບັງຄັບໃດໆ ໃຫ້ພົນລະເມືອງເຊື່ອຖືສາສະໜາໃດໜື່ງ ຫຼື ໃຫ້ປະຊາຊົນປະລະການເຊື່ອຖືສາສໜາ.
-ເຄົາລົບ ແລະ ປົກປ້ອງການເຄື່ອນໄຫວສາສະໜາຖືກຕ້ອງຕາມກົດໝາຍ,ປຸກລະດົມສົ່ງເສີມພະສົງ - ສາມະເນນ ແລະ ການ
ບວດ ຂອງສາສະໜາຕ່າງໆ ໃຫ້ເຂົ້າຮ່ວມໃນການເຄື່ອນໄຫວ ທີ່ເປັນປະໂຫຍດແກ່ປະເທດຊາດ ແລະ ປະຊາຊົນ, ຫ້າມທຸກ
ການກະທຳທີ່ເປັນການແບ່ງແຍກສາສະໜາ ແລະ ແບ່ງແຍກປະຊາຊົນ.
- ສາສະນິກະຊົນ ແລະ ສາສະໜາຕ່າງໆ ມີສິດ ແລະ ພັນທະຂອງພົນລະເມືອງເທົ່າທຽມກັນ, ສາມັກຄີກັນເຮັດ ໜ້າທີ່ປົກປັກ
ຮັກກສາ ແລະ ສ້າງສາພັດທະນາປະເທດຊາດ.

- ເອົາໃຈໃສ່ສົ່ງຄວາມຮູ້ທາງດ້ານວິທະຍາສາດ ທໍາມະຊາດ ແລະ ສັງຄົມ ໃຫ້ແກ່ປະຊາຊົນເຜົ່າຕ່າງໆ, ຂົນຂວາຍ ແລະ ຊັກ
ຊວນໃຫ້ເຂົາເຈົ້າຄ່ອຍໆ ປະລະຮີດຄອງອັນຫຼ້າຫຼັງ ທີ່ສົ່ງຜົນສະທ້ອນບໍ່ດີເຖິງຄວາມສາມັກຄີ, ການຜະລິດ ແລະ ການດຳລົງ
ຊີວິດຂອງເຜົ່າຕ່າງໆ ກໍ່ຄືຂອງຊາດ, ສ້າງຄວາມສີວິໄລທາງດ້ານຈິດໃຈເທື່ອລະກ້າວ. ຍ້ອນການປະຕິບັດສິດສະເໝີພາບ ແລະ
ສິດເສລີພາບ ໃນການເຊື່ອຖື ຫຼື ບໍ່ເຊື່ອຖືສາສະໜາໄດ້ດີ, ໃນປັດຈຸບັນຢູ່ ສປປ ລາວ ມີ 4 ສາສະໜາຄື:1) ພຸດທະສາສະໜາ
2)ສາສະໜາເຢຊູຄຣິດ ປະກອບມີ 2 ນິກາຍຄື:1. ກາໂທລິກ 2.   ໂປຣແຕັດສະຕັງປະກອບມີ 2ນິກາຍຍ່ອຍຄື: ຄຣິສຕະຈັກ
ຂ່າວປະເສີດຄຣິສຕະຈັກຄະນະວັນເສົາ 3) ສາສະໜາບາຮາຍ 4) ສາສະໜາອິດສະລາມ.

ໃນປະຈຸບັນເຫັນໄດ້ວ່າ ມີຜູ້ເຊື່ອຖືສາສະໜາຕ່າງໆ ເພີ່ມຂື້ນ, ເຊິ່ງສະແດງອອກໃນສະຖິຕິຕົວເລກທີ່ ເກັບກຳໄວ້ໄດ້ໃນປີ 2008
ມີດັ່ງນີ້:ສາສະໜາພຸດ ມີຜູ້ເຊື່ອຖືປະມານ 66,8% ຂອງພົນລະເມືອງທັງໝົດ, ມີພະສົງສາມະເນນທັງໝົດ ຈຳນວນ 20,608
ອົງ, ມີວັດຈຳນວນ 4,860 ວັດ, ມີພໍ່ຂາວ-ແມ່ຂາວ ທັງໝົດຈຳນວນ 465 ຕົນ. ນອກຈາກນັ້ນ ຍັງມີພຸດທະສາສະໜານິກາຍ
ມະຫາຍານຜູ້ເຊື່ອຖືສ່ວນຫຼາຍແມ່ນພີ່ນ້ອງຊາວຫວຽດນາມ ແລະ ຊາວຈີນທີ່ດຳລົງຊີວິດ ແລະ ທຳມາຫາກິນຢູ່ ສປປລາວ, ພຸດ
ທະສາສະໜາກາຍມະຫາຍານ ມີວັດທັງໝົດທົ່ວປະເທດຈຳນວນ 8 ວັດ. ນອກຈາກການເຊື່ອຖືພຸດທະສາສະໜາ ແລະ ສາສະ
ໜາອື່ນໆ ແລ້ວປະຊາຊົນລາວບັນດາເຜົ່າ ຍັງເຊື່ອຖືບັນພະບູລຸດ(ເຊື່ອຖືຜີ) ປະມານ 30,9%.ສາສະໜາເຢຊູຄຣິດ: ນິກາຍກາ
ໂທລິກ ມີຜູ້ເຊື່ອຖືທັງໝົດ 43,721 ຄົນ, ຍິງ 20,289 ຄົນ, ມີນັກບວດ (ຄຸນພໍ່-ຄຸນແມ່) 293ອົງ, ຍິງ 9 ຄົນ, ມີໂບດ 91
ແຫ່ງ, ມີບ່ອນນະມັດສະການ 77 ແຫ່ງ. ນິກາຍຄະນະວັນເສົາ ມີຜູ້ເຊື່ອຖືທັງໝົດ 1,694 ຄົນ, ຍິງ852 ຄົນ,ມີຄູສອນສາສະ
ໜາ 17 ຄົນ, ຍິງ 1 ຄົນ,ມີໂບດ 3 ແຫ່ງ ແລະ ບ່ອນນະມັດສະການ 4 ແຫ່ງ. ສາສະໜາ ບາຮາຍ ມີຜູ້ເຊື່ອຖືທັງໝົດ
2,449 ຄົນ,ຍິງ 1,477 ຄົນ,ມີຄູສອນສາສະໜາ 48 ຄົນ,ຍິງ 17 ຄົນ,ມີຫໍທຳມະສະ ພາ 5 ແຫ່ງ.ສາສະໜາອິດສະລາມ ມີ
ຜູ້ເຊື່ອຖືທັງໝົດ 400 ຄົນ, ຍິງ 300 ຄົນ, ມີຄູສອນສາສະໜາ 12 ຄົນ, ຍິງ 0 ຄົນ, ມີສຸເຫຼົາ 2 ແຫ່ງ

ຄຳເວົ້າທີ່ຜູ້ຍິງຍາກຟັງທີ່ສຸດ

ຂຽນເມື່ອ: ພ.ຈ.. 27, 2010 | ມີ 8 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

1. “ນ້ອງຢາກເຮັດ.... (ອັນໃດອັນໜຶ່ງ)... ບໍ”

ປະໂຫຍກ ຄຳຖາມເຊີນຊວນເຮັດນັ້ນ ເຮັດນີ້ແບບນີ້ ບໍ່ແມ່ນພຽງການສະແດງຄວາມສຸພາບເທົ່ານັ້ນ ແຕ່ຍັງສະແດງໃຫ້ເຫັນວ່າໜຸ່ມໆ ພ້ອມຈະເອົາອົກເອົາໃຈຍິງສາວຂອງພວກເຂົາພຽງໃດ ແລະການໃຫ້ກຽດແມ່ຍິງເປັນຝ່າຍເລືອກວ່າຢາກເຮັດຫຍັງນີ້ແຫລະຄືສິ່ງທີ່ຍິງສາວ ຕ້ອງການຫລາຍເຖິງຫລາຍທີ່ສຸດ

2. “ອ້າຍໄດ້ຄົ້ນພົບອີ່ຫຍັງໆ ໃນຕົວນ້ອງທີ່ເຮັດໃຫ້ອ້າຍມັກນ້ອງຫລາຍຂຶ້ນທຸກມື້ໆ”

ບໍ່ວ່າຜູ້ສາວແບບໃດ ເຊີ້ໆ ຫວານໆ ສົ້ມໆ ຫ້າວໆ ກໍລະລາຍໄດ້ຍ້ອນປະໂຫຍກແບບນີ້ ຄິດເບິ່ງຕີວ່ານາງຈະປື້ມອົກປຶ້ມໃຈສ່ຳໃດ ຖ້າໄດ້ຍິນຊາຍໜຸ່ມສາລະພາບອອກມາກົງໆ ວ່າໃນຕົວນາງມີຫຍັງດີໆ ຊ່ອນຢູ່ຫລວງຫລາຍເຖິງຂັ້ນເຮັດໃຫ້ຜູ້ຊາຍຕົກຂຸມຮັກນາງໄດ້ຫລາຍຂຶ້ນທຸກມື້ ທີ່ສຳຄັນຖ້າຜູ້ຊາຍຮູ້ສຶກແບບນີ້ແທ້ໆ ກໍແປວ່າຄວາມສຳພັນຂອງທ່ານຈະແໜ້ນແຟ້ນບໍ່ຈືດຈາງງ່າຍໆ

3. “ອ້າຍບໍ່ເຄີຍພົບໃຜຄືນ້ອງເລີຍ”

ຜູ້ສາວຮ້ອຍທັງຮ້ອຍຕ້ອງການຄຳຊົມ ແລະຍິ່ງຖ້າເປັນຄຳຊົມທີ່ສະແດງວ່າຕົວເອງເປັນຄົນພິເສດ ແລະບໍ່ຄືຍິງຄົນໃດໆ ໃນໂລກທີ່ເຂົາຄົນນັ້ນເຄີຍພົບມາ ຮັບຮອງປື້ມທຸກຄົນ ແຕ່ໜຸ່ມໆ ຢ່າລືມວ່າປະໂຫຍກນີ້ຕ້ອງຈົບຢູ່ນີ້ເທົ່ານັ້ນ ຢ່າໄດ້ເຜີຕໍ່ໄປວ່າ “ບໍ່ຄືແຟນເກົ່າຂອງອ້າຍ ທີ່... ” ເພາະຈາກເລິກຈະກາຍເປັນເລື່ອງທັນທີ ເພາະແມ່ຍິງກຽດຊັງເລື່ອງຖືກປຽບທຽບກັນເອງທີ່ສຸດ.

4. “ເລົ່າໃຫ້ຟັງຈັກໜ້ອຍຕີ ມື້ນີ້ເປັນຈັ່ງໃດ”

ແມ່ນເລີຍ ຜູ້ສາວມັກລົມ ແລະມີຄວາມສາມາດພິເສດໃນການເລົ່າເລື່ອງໄດ້ເປັນສາກໆ ເພາະສະນັ້ນ ສິ່ງທີ່ດີທີ່ສຸດສຳລັບແມ່ຍິງກໍຄື... ເປີດໂອກາດໃຫ້ເຂົາເຈົ້າໄດ້ເລົ່າ ເລົ່າ ແລະເລົ່າ

5. “ອ້າຍຮັກນ້ອງໃນທຸກອະລິຍາບົດທີ່ນ້ອງເປັນ”

ຫາກໜຸ່ມຄົນໃດຄົ້ນພົບກິລິຍາທ່າທີແບບໃດ ກໍຕາມທີ່ເຮັດໃຫ້ນາງເບິ່ງໜ້າຮັກ ເບິ່ງເຊັກຊີ່ເປັນພິເສດໃນສາຍຕາ ກໍຢ່າລີລໍທີ່ຈະເປີດເຜີຍໃຫ້ຜູ້ສາວຂອງເຮົາໄດ້ຮັບຮູ້ ອາດຈະຍົກຕົວຢ່າງໄປນຳເພື່ອໃຫ້ເຫັນພາບ (ແຕ່ຕ້ອງຮູ້ສຶກຈັ່ງຊັ້ນແທ້ໆ) ເຊັ່ນ “ອ້າຍມັກທ່າຕອນທີ່ນ້ອງຍົກກາເຟຂຶ້ນຈິບ” “ອ້າຍມັກທ່າທາງຂອງນ້ອງຕອນມັດຜົມ” ຫລື “ອ້າຍມັກຕອນເຈົ້າຫົວຈົນຫຼັບຕາ” ແລະອື່ນໆ ເພື່ອຢືນຢັນໃຫ້ຍິງສາວສະບາຍໃຈວ່າຊາຍໜຸ່ມຂອງນາງຍອມຮັບໃນແບບທີ່ນາງເປັນ

6. “ນ້ອງຈະກະລຸນາຊ່ວຍອ້າຍແດ່ໄດ້ບໍ”

ໂດຍ ທຳມະຊາດ ແມ່ຍິງເປັນເພດໃຈດີມັກໃຫ້ຄວາມຊ່ວຍເຫລືອ ເພາະນາງມີສັນຊາດຕະຍານຄວາມເປັນແມ່ຢູ່ໃນຕົວ ດັ່ງນັ້ນ ການທີ່ຜູ້ຊາຍມາຂໍຄວາມຊ່ວຍເຫລືອຈາກນາງ ບໍ່ໄດ້ໝາຍເຖິງຄວາມອ່ອນແອ ແຕ່ມັນສະແດງໃຫ້ເຫັນວ່າພວກເຂົາຍອມຮັບໃຫ້ນາງເຂົ້າໄປເປັນສ່ວນຫນຶ່ງຂອງຊີວິດ ເພາະສະນັ້ນ ຍິງສາວຈະມີຄວາມສຸກທີ່ສຸດເລີຍ ຖ້າຍອມໃຫ້ນາງໄດ້ເຮັດຫຍັງເພື່ອຊາຍໜຸ່ມທີ່ນາງຮັກນຳແດ່... ອ໊ະໆ ແຕ່ຍົກເວັ້ນເລື່ອງຂໍຢືມເງິນເດີ!!!

ວຽງຈັນ ສະໄໝເຈົ້າສຸລິຍະວົງສາ

ຂຽນເມື່ອ: ພ.ຈ.. 27, 2010 | ມີ 4 ຄຳເຫັນ ແລະ 0 trackback(s)

ໜວດໝູ່: ປະຫວັດສາດ

ສະໄໝລາຊະກາ ນຂອງເຈົ້າສຸລິຍະວົງສາ, ປີ ພສ 2183 (ຄສ 1631) ເຈົ້າສຸລິຍະວົງສາ ໄດ້ຂຶ້ນຄອງລາດ, ໃນໄລຍະ 57 ປີ ຂອງການປົກຄອງ ອາ ນາຈັກລ້ານຊ້າງ ແມ່ນມີຄວາມສະຫງົບຮົ່ມເຢັນ, ຄວາມຂັດແຍ່ງພາຍໃນຖືກຊຳລະສະສາງ, ອິດທິກຳລັງພາຍນອກມີຄວາມເກງຂາມ ບໍ່ກ້າເຂົ້າມາ ລ່ວງລ້ຳ ແລະ ແຊກແຊງ, ປະຊາຊົນໄດ້ຮັບການແບ່ງດິນ ເພື່ອທຳມາຫາກິນຢ່າງເປັນທຳ ແລະ ຫ້າວຫັນໃນການຜະລິດ, ເຂົ້າ, ປາອຸດົມສົມບູນ.

+ ເຈົ້າສຸລິຍະວົງສາທຳມິກະລາດ ໄດ້ສັ່ງໃຫ້ເສນາອາມາດຜູ້ໃຫຍ່ພ້ອມນັກປາດອາຈານແກ້ໄຂປ່ຽນແປງ ແລະ ສ້າງກົດໝາຍເພື່ອເປັນຫລັກ ໃນການ
ປົກຄອງບ້ານເມືອງໃຫ້ມີລະບຽບແບບແຜນ, ບ່າວໄພ່ລາຊະດອນໄດ້ຮັບຄວາມເປັນທຳ ຜູ້ລ່ວງລະເມີດກໍ່ຖືກລົງໂທດໂດຍບໍ່ເລືອກໜ້ານັບທັງລູກຊາຍ
ຂອງເພິ່ນເອງ ກໍ່ຖືກສັ່ງປະຫານຊີວິດ ຖານໂທດຂົ່ມຂືນເມຍທະຫານອົງຄະລັກຂອງເພິ່ນ. ໄດ້ເອົາໃຈໃສ່ສ້າງວັດວາອາຮາມ, ສົ່ງເສີມການສຶກສາ ຂະ
ຫຍາຍໂຮງຮຽນ (ເວລານັ້ນແມ່ນໂຮງຮຽນວັດ) ສ້າງນັກປາດບັນດິດ, ປະດິດຄິດແຕ່ງວັນນະຄະດີ, ນິທານພື້ນເມືອງ, ສ້າງຮີດ 12 ຄອງ 14, ແປເທບ ນິຍາຍຈາກພາສາອິນເດຍມາເປັນພາສາລາວ.

+ ໄດ້ອອກກົດໝາຍວ່າດ້ວຍທີ່ດິນ ຊຶ່ງໄດ້ກຳນົດແຈ້ງວ່າ : ດິນທີ່ມອບໃຫ້ເຖິງ 3 ປີ ແລ້ວ ຫາກບໍ່ມີການນຳໃຊ້ແມ່ນໃຫ້ຜູ້ອື່ນສາມາດ ມາເອົາໄປນຳ
ໃຊ້ໄດ້ ໂດຍເຈົ້າຂອງເກົ່າບໍ່ມີສິດທວງຖາມເອົາຄືນອີກ. ດ້ວຍເຫດນັ້ນຈິ່ງເຮັດໃຫ້ປະຊາຊົນມີຄວາມເຊື່ອໝັ້ນ ແລະ ດຸໝັ່ນໃນການຜະລິດ, ປູກຄັ່ງ, ປູກ ຍານເປັນສິນຄ້າ.

+ ໄດ້ຜູກມິດໄມຕີກັບປະເທດໃກ້ຄຽງ, ຕິດຕໍ່ຄ້າຂາຍກັບຕ່າງປະເທດ, ວຽງຈັນເວລານັ້ນໄດ້ກາຍເປັນສູນກາງການຄ້າ ຄັ່ງ ແລະ ຍານ ຈົນມີພໍ່ຄ້າ ຊາວ ໂຮນລັງ ຊື່ ວັນວຸດສະຕົບ ເຊິ່ງເປັນຊາວຕາເວັນຕົກຄະນະທຳອິດທີ່ເຂົ້າມາວຽງຈັນໃນປີ 1641 ເພື່ອຊື້ຄັ່ງ ແລະ ຍານ. ໃນປີ 1642 -1647 ມີຄະນະ ຂອງ ຄຸນພໍ່ ເລີເລຍ ແລະ ມາລີນີ ເຊິ່ງເປັນຊາວອີຕາລີ ໄດ້ເຂົ້າມາເຖິງວຽງຈັນ, ພວກເພິ່ນໄດ້ຍ້ອງຍໍວ່າເມືອງວຽງຈັນງົດງາມ, ຫໍປະສາດລາຊະວັງ ສະ ຫງ່າ ກວ້າງຂວາງ, ປະຊາຊົນລາວເປັນຄົນ ດີບໍ່ເອົາປຽບເອົາລັດກັນ, ຮັກແພງຄົນຕ່າງປະເທດ, ເປັນຄົນຊື່ສັດ ເກັບຂອງ ຕົກເຮ່ຍ ໄດ້ກໍ່ຄືນເຈົ້າຂອງ ໂດຍ ບໍ່ຮຽກຮ້ອງຄ່າຮັກສາແຕ່ຢ່າງໃດ. ພວກເພີ່ນຍັງເວົ້າວ່າ ບໍ່ເຫັນຄົນລາວຜິດຖຽງກັນ ຄົນລາວມີກົດໝາຍພື້ນເມືອງດີ ແລະ ປະຕິບັດເຄັ່ງຄັດ ຜູ້ໃດທີ່ກະ ທຳຜິດຜູ້ໃດໝິ່ນປະໝາດຄົນອື່ນກໍ່ລ້ວນແຕ່ຖືກປັບໃໝ.

ສັງລວມແລ້ວຕະຫລອດໄລຍະ 57 ປີ ທີ່ເຈົ້າສຸລະຍິວົງສາຂຶ້ນຄອງລາດ ອານາຈັກລ້ານຊ້າງຢູ່ໃນຄວາມສະຫງົບປາສະຈາກເສິກທາງເໜືອ ເສືອທາງ ໃຕ້, ປະຊາຊົນມີຄວາມຮົ່ມເຢັນ, ການສຶກສາ ໄດ້ຮັບການພັດທະນາ, ນັກປາດບັນດິດ, ຄຳພີດີກາ ນິທານພື້ນເມືອງ ເທບນິຍາຍ, ຮີດຄອງປະເພນີ ອັນ ດີງາມ ທີ່ສືບທອດມາເຖິງປະຈຸບັນກໍ່ເກີດຂຶ້ນໃນສະໄໝເຈົ້າສຸລິຍະວົງສາ ຄອງເມືອງ; ເຮັດໃຫ້ຊາດລາວມີມູນເຊື້ອອັນຈົບງາມທາງດ້ານຮີດຄອງ ວັດທະ ນະທຳ, ເປັນໄລຍະ ຮຸ່ງເຮືອງເຫລືອງເຫລື້ອມດ້ານວັດທະນະທຳທີ່ໂດດເດັ່ນທີ່ສຸດ.

ເຈົ້າ ສຸລິຍະວົງສາ ໄດ້ສິ້ນພະຊົນໃນປີ 1695 ພາຍຫລັງຄອງເມືອງມາໄດ້ 57 ປີ ລວມ ອາຍຸໄດ້ 82 ປີ. ພາຍຫລັງເຈົ້າສຸລິຍະວົງສາສິ້ນພະຊົນ, ອາ ນາຈັກລ້ານຊ້າງໄດ້ຕົກເຂົ້າສູ່ວິກິດການອັນຮ້າຍແຮງອີກເທື່ອໜຶ່ງ ເຊິ່ງສາຍເຫດແມ່ນຍ້ອນ ຜູ້ຂຶ້ນປົກຄອງເມືອງບໍ່ແມ່ນເຊື້ອກະສັດ, ພຽງແຕ່ໄລຍະ 36 ປີ (1698 - 1734) ມີການອະພິເສກສາມັນຊົນຂຶ້ນເປັນເຈົ້າຊີວິດເຖິງ 4 ອົງ ໝາຍຄວາມວ່າ 9 ປີໃດ ປ່ຽນຖ່າຍເຈົ້າຊີວິດເທື່ອໜຶ່ງ ເຊິ່ງຜິດກັບກົດ ມົນ ທຽນຂອງສັກດີນາ ສຳລັບການປົກຄອງໃນສະໄໝບູຮານເພາະວ່າຕາມກົດມົນທຽນຂອງສັກດີນາ ນັ້ນແມ່ນປະຕິບັດ ຕາມລະບອບລາຊະທາຍາດ (ພໍ່ ຕາຍລູກຂຶ້ນແທນ) ແຕ່ອານາຈັກລ້ານຊ້າງມີໄລຍະໜຶ່ງຂາດຜູ້ສືບແທນເຮັດໃຫ້ ພວກຂຸນນາງທີ່ບໍ່ແມ່ນເຊື້ອກະສັດ ຈິ່ງຍາດກັນຂຶ້ນເປັນເຈົ້າແຜ່ນດິນ. ສະນັ້ນຈິ່ງເກີດການໂຄ່ນລົ້ມກັນ ຫລື ກໍ່ການກະບົດ ຫລື ແຍກຕົວເປັນອິດສະຫລະ ອັນເປັນເຫດໃຫ້ອານາຈັກລ້າງ ຊ້າງ ຖືກແບ່ງອອກເປັນສາມ ອາ ນາຈັກ ຄື : ອານາຈັກລ້ານຊ້າງວຽງຈັນ, ອານາຈັກຫລວງພະບາງ ແລະ ອານາຈັກຈຳປາສັກ.

ເຈົ້າອະນຸຖອຍທັບ ແລະອົບພະຍົບໄປຫວຽດນາມ

ຂຽນເມື່ອ: ພ.ຈ.. 27, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ປະຫວັດສາດ

ພາຍຫຼັງທີ່ເຈົ້າອະນຸໄດ້ນຳພາທັບລາວໄປຍຶດເມືອງຄອນລາດໄດ້ ແລະສັ່ງໃຫ້ຊາວຄົວກະກຽມພາຫະນະແລະເຄື່ອງຂອງເພື່ອກັບຄືນວຽງຈັນເປັນທີ່ຮຽບຮ້ອຍ, ພໍເຖິງເວລາອັນເໝາະສົມແລ້ວ ເຈົ້າອະນຸກໍໄດ້ສັ່ງໃຫ້ຄົນຮັບໃຊ້ໄປຈັດຊາວຄົວອອກເດິນທາງ. ແຕ່ ຊາວຄົວທີ່ໄດ້ຮັບການເປົ່າຫູຈາກຄົນຂອງພະຍາພົມພັກດີກໍຕົວະວ່າ ຍັງໄປບໍ່ໄດ້ເພາະລໍ້ກວຽນເປ່ເພ ແລະສະບຽງອາຫານກໍຍັງບໍ່ມີ. ເຈົ້າອະນຸລໍຖ້າຈົນເຖິງເວລາທີ່ຄິດວ່າຄົບຄັ່ນທຸກປະການແລ້ວ ຈຶ່ງສັ່ງໃຫ້ຄົນຮັບໃຊ້ໄປຈັດຊາວຄົວອອກເດິນທາງເປັນເທື່ອທີສອງ, ເທື່ອນີ້ຊາວຄົວໄດ້ໂວຍວາຍຂຶ້ນ ແລະຫາເລື່ອງໃສ່ທະຫານລາວ ພ້ອມກັນນັ້ນກໍໄດ້ພາກັນຫຸ້ມເຂົ້າບຸກໂຈມຕີທະຫານລາວ. ສະພາບການທົ່ວເມືອງຄອນລາດໄດ້ເກີດສົນລະວົນວຸ່ນວາຍ ຊາວຄົວທີ່ເປັນຄົນໄທບ່ອນໃດກໍລຸກຂຶ້ນຕ້ານທະຫານລາວ. ເມື່ອເປັນຈັ່ງຊັ້ນເຈົ້າອະນຸຈຶ່ງບອກກັບທະຫານລາວວ່າບໍ່ຄວນສູ້ກັບພວກຊາວຄົວ ໃຫ້ພາກັນຍົກຍ້າຍທັບໄປຕັ້ງຢູ່ໜອງບົວລຳພູກ່ອນ.

ພາຍຫຼັງທີ່ຊາວຄົວລຸກຂຶ້ນຕ້ານກັບທະຫານລາວ ເຮັດໃຫ້ສະພາບການບ້ານເມືອງມີຄວາມວຸ່ນວາຍ, ພະຍາພົມພັກດີຈຶ່ງໄດ້ລົງໄປລາຍງານບາງກອກ ແລະກຽມທັບຕ່າວໂຈມຕີທັບລາວທີ່ຄ້າຍໜອງບົວລຳພູ. ພະຍາພົມພັກດີພ້ອມດ້ວຍ ພະຍາຊຽງສາ, ພະລາຊະສຸລິນ ແລະພະຍານະລິນ ໄດ້ນຳກຳລັງສາມພັນກວ່າຄົນ ເພື່ອໄປບຸກຄ້າຍໜອງບົວລຳພູຂອງທະຫານລາວ. ກອງທະຫານພະຍາພົມພັກດີໄປຕາມທາງ ພົບຊາວຄົວລາວທີ່ໜີອອກຈາກຄ້າຍມູນເດັ້ງ ພວກເຂົາກໍຟັນຂ້າເປັນຈຳນວນຫຼວງຫຼາຍ. ເມື່ອພະຍາພົມພັກດີໄປເຖິງຄ້າຍໜອງບົວລຳພູແລ້ວ, ພວກເຂົາກໍເອົາກຳລັງອ້ອມໄວ້ເຖິງ 7 ຊັ້ນ. ພາຍໃນຄ້າຍແມ່ນມີຊາວຄົວທັງລາວແລະຍວນເຕັມຢູ່, ແຕ່ໄທກໍໃຊ້ກຳລັງບຸກເຂົ້າທຸກດ້ານ. ທະຫານລາວ ແລະຊາວຄົວວຽງຈັນສູ້ບໍ່ໄຫວ ຈຶ່ງນຳກຳລັງຖອຍຈາກໜອງບົວລຳພູ ແລະຄ້າຍໜອງບົວລຳພູຖືກກອງທັບໄທຍຶດເອົາໄດ້ ພວກເຂົາກໍກວາດເອົາຊາວຄົວລາວກັບຄືນເມືອໝົດ.

ເວລາຜ່ານໄປ, ເຈົ້າອະນຸເຫັນວ່າເສິກສົງຄາມນີ້ຮຸນແຮງ, ຊາວຄົວໄດ້ລຸກຂຶ້ນທົ່ວທຸກບ່ອນ. ພະອົງຈຶ່ງກັບຄືນວຽງຈັນ ແລ້ວສັ່ງກຳລັງ ແລະເຮືອແພ ເພື່ອບັນທຸກເອົາເຄື່ອງຂອງແລະຄອບຄົວໄປເພິ່ງເຈົ້າພູຊູນແຫ່ງຫວຽດນາມ ພ້ອມທັງສັ່ງໃຫ້ປະຊາຊົນຍົກຍ້າຍໜີ. ຊາວວຽງຈັນຈຳນວນໜຶ່ງແມ່ນໜີຂຶ້ນເມືອຢູ່ເມືອງພວນ, ປະຊາຊົນເມືອງນະຄອນພະນົມຍົກຍ້າຍໜີລົງໄປທາງໃຕ້. ໃນໄລຍະນີ້ ນັບແຕ່ວຽງຈັນລົງໄປຮອດນະຄອນພະນົມແມ່ນເປັນບ້ານຮ້າງເມືອງເປົ່າເພາະປະຊາຊົນໜີເສິກໝົດ. ສ່ວນກຳລັງຂອງເຈົ້າວັງໜ້າແມ່ນຍັງຢູ່ສຸວັນນະພູມເພື່ອສືບຕໍ່ຕີໄທຕໍ່ໄປ ເພາະບໍ່ຮູ້ວ່າເຈົ້າອະນຸໜີຈາກວຽງຈັນໄປແລ້ວ, ແຕ່ທັບຂອງເຈົ້າວັງໜ້າກໍສູ້ການລຸກຂຶ້ນຂອງຊາວຄົວບໍ່ໄດ້ຈຶ່ງຖອຍທັບໄປເມືອງນະຄອນພະນົມ ພໍໄປຮອດກໍເຫັນແຕ່ເມືອງຮ້າງ.

ຍ້ອນເຫຼັກຫຼາຍກວ່າຖ່ານ ທະຫານໄທຫຼາຍກວ່າທະຫານລາວ ຈຶ່ງເຮັດໃຫ້ກອງທັບຂອງເຈົ້າອະນຸສູ້ບໍ່ໄຫວ, ນັບມື້ທັບໄທຍຶດດິນແດນໄດ້ ຈຶ່ງເຮັດໃຫ້ເຈົ້າອະນຸຈຳເປັນຕ້ອງໄດ້ອົບພະຍົບໄປເພິ່ງເຈົ້າພູຊູນ ແຫ່ງເມືອງແກວ ເພື່ອຈັດຕັ້ງກອງກຳລັງແລະຮ່ວມກັບແກວກັບຄືນຍຶດເອົາເມືອງລາວຄືນ.

ຈາກເມືອງກອງແກ້ວ ເຈົ້າອະນຸໄດ້ເຂົ້າສູ່ເມືອງພູຊູນແຫ່ງປະເທດແກວ. ພໍໄປເຖິງກໍໄດ້ຮັບການຕ້ອນຮັບຢ່າງອົບອຸ່ນຈາກສາມອົງກວານ (ກວານແມ່ນພະຍາ ຫຼືຂຸນນາງ) ພ້ອມກັນນັ້ນ ກໍໄດ້ຈັດເຄື່ອງບັນນາການມາຖວາຍພະອົງ. ເຈົ້າຟ້າໃຫຍ່ຫໍຄຳ (ເຈົ້າຊີວິດແກວ) ຊົມຊື່ນ ແລ້ວຈຶ່ງຈັດເອົາໝູ່ແກວມາກໍ່ສ້າງຫໍໂຮງ ເປັນບ່ອນພັກເຊົາໃຫ້ແກ່ເຈົ້າອະນຸ ພ້ອມທັງໂພຊະນາຫານມາລ້ຽງດູ ແລະຈັດແຈງກຳລັງແກວມາເຝົ້າທຸກເຊົ້າຄ່ຳວັນຄືນ.

ຄັດຈາກ: ພື້ນວຽງ ສະໄໝເຈົ້າອະນຸ, ຄະນະຄົ້ນຄວ້າ ພາກວິຊາພາສາລາວ-ວັນນະຄະດີ, ຄະນະອັກສອນສາດ, ມະຫາວິທະຍາໄລແຫ່ງຊາດ, 2004:29-33.

ຄວາມສຳຄັນຂອງຖານຂໍ້ມູນ

ຂຽນເມື່ອ: ພ.ຈ.. 27, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ຄອມພິວເຕີ/ເທັກໂນໂລຢີ

ความจำเป็นที่ทำให้เกิดการใช้งานระบบฐานข้อมูล
หลังจากที่มนุษย์เริ่ม รู้จักใช้คอมพิวเตอร์เพื่อการประมวลผลแล้วก็เริ่มมีการพัฒนาภาษาโปรแกรม สำหรับใช้ในการประมวลผลข้อมูล เช่น ภาษาฟอร์แทรน (FORTRAN) โคบอล (COBOL) พีแอลวัน (PL/I) เบสิก (BASIC) ปาสคาล (Pascal) และเริ่มพัฒนาแนวความคิดในการจัดเก็บข้อมูลเป็นแฟ้มข้อมูลประเภทต่างๆ แฟ้มข้อมูลมีข้อจำกัดในการใช้งานหลายประการ ในระบบฐนข้อมูลก็เนื่องมาจากเหตุผลดังนี้
1.การประมวลผลกับระบบแฟ้มข้อมูลยุ่งยาก
2. แฟ้มข้อมูลไม่มีความเป็นอิสระของข้อมูล
3. แฟ้มข้อมูลมีความซ้ำซ้อนมาก
4. แฟ้มข้อมูลมีความถูกต้องของข้อมูลน้อย
5. แฟ้มข้อมูลมีความปลอดภัยน้อย
6. ไม่มีการควบคุมจากศูนย์กลาง
ความหมาย ฐานข้อมูล
ฐาน ข้อมูล (database) หมายถึง กลุ่มของข้อมูลที่ถูกเก็บรวบรวมไว้ โดยมีความสัมพันธ์ซึ่งกันและกัน โดยไม่ได้บังคับว่าข้อมูลทั้งหมดนี้จะต้องเก็บไว้ในแฟ้มข้อมูลเดียวกันหรือ แยกเก็บหลาย ๆ แฟ้มข้อมูล
ความสำคัญของระบบฐานข้อมูล
การจัดข้อมูลให้ เป็นระบบฐานข้อมูลทำให้ข้อมูลมีส่วนดีกว่าการเก็บข้อมูลในรูปของแฟ้มข้อมูล เพราะการจัดเก็บข้อมูลในระบบฐานข้อมูล จะมีส่วนที่สำคัญกว่าการจัดเก็บข้อมูลในรูปของแฟ้มข้อมูลดังนี้

1 ลดการเก็บข้อมูลที่ซ้ำซ้อน
2.รักษาความถูกต้องของข้อมูล
3.การป้องกันและรักษาความปลอดภัยให้กับข้อมูลทำได้อย่างสะดวก
4.สามารถใช้ข้อมูลร่วมกันได้
5.มีความเป็นอิสระของข้อมูล
6.สามารถขยายงานได้ง่าย
7.ทำให้ข้อมูลบูรณะกลับสู่สภาพปกติได้เร็วและมีมาตรฐาน
ประโยชน์ของระบบจัดการฐานข้อมูล
ฐาน ข้อมูลจะช่วยสร้างระบบการจัดเก็บข้อมูลขององค์กรให้เป็นระเบียบ แยกแยกข้อมูลตามประเภท ทำให้ข้อมูลประเภทเดียวกันจัดเก็บอยู่ด้วยกัน สามารถค้นหาและเรียกใช้ได้ง่าย ไม่ว่าจะนำมาพิมพ์รายงาน นำมาคำนวณ หรือนำมาวิเคราะห์ ซึ่งทั้งนี้ขึ้นอยู่กับการใช้ประโยชน์ขององค์กรหรือหน่วยงานนั้น ๆ
จากประโยชน์ของระบบฐานข้อมูลด้วยคอมพิวเตอร์ข้างต้น อาจกล่าวได้ระบบฐานข้อมูลมีข้อดีมากกว่าการเก็บข้อมูลในระบบแฟ้มข้อมูล ดังนี้
1. หลีกเลี่ยงความขัดแย้งของข้อมูลได้
2. สามารถใช้ข้อมูลร่วมกัน
3. สามารถลดความซ้ำซ้อนของข้อมูล
4. การรักษาความถูกต้องเชื่อถือได้ของข้อมูล
5. สามารถกำหนดความเป็นมาตรฐานเดียวกันได้
6. สามารถกำหนดระบบรักษาความปลอดภัยให้กับข้อมูลได้
7. ความเป็นอิสระของข้อมูล
ส่วนประกอบของตารางข้อมูลในฐานข้อมูล
โดย ทั่วไปแล้วตารางข้อมูลที่ใช้งานกันจะประกอบด้วย แถว (Row) และคอลัมน์(Column) ต่าง ๆ แต่ถ้ามองกันในรูปแบบของฐานข้อมูลแล้ว เราจะเรียกรายละเอียดในแถวว่า เรคอร์ด (Record) และเรียกรายละเอียดในแนวคอลัมน์ว่า ฟิลด์ (Field)
ในฐานข้อมูล 1 ระบบ อาจประกอบด้วยตารางข้อมูลมากกว่า 1 ตาราง ฐานข้อมูลที่มีตารางข้อมูลมากกว่า 1 ตาราง และมีตารางตั้งแต่ 1 คู่ขึ้นไปที่มีความสัมพันธ์กันด้วยฟิลด์ใดฟิลด์หนึ่ง เราเรียกฐานข้อมูลประเภทนี้ว่า “ฐานข้อมูลเชิงสัมพันธ์” หรือ Relational Database
โครงสร้างของฐานข้อมูลประกอบด้วย
1. Character คือ ตัวอักขระแต่ละตัว / ตัวเลข / เครื่องหมาย
2. Field คือ เขตข้อมูล / ชุดข้อมูลที่ใช้แทนความหมายของสื่อโครงสร้าง เช่น ชื่อของบุคคล ชื่อของวัสดุสิ่งของ
3. Record คือ ระเบียน หรือรายการข้อมูล เช่น ระเบียนของพนักงานแต่ละคน
4. Table /File คือ ตาราง หรือแฟ้มข้อมูล ประกอบขึ้นด้วยระเบียนต่างๆ เช่น ตารางข้อมูลของบุคคล ตารางข้อมูลของวัสดุสิ่งของ
5. Database คือ ฐานข้อมูล ประกอบด้วยตาราง และแฟ้มข้อมูลต่างๆ ที่เกี่ยวข้องหรือมีความสัมพันธ์กัน
โครงสร้างของฐานข้อมูล
โครงสร้างของฐานข้อมูลประกอบด้วย
1. Character คือ ตัวอักขระแต่ละตัว / ตัวเลข / เครื่องหมาย
2. Field คือ เขตข้อมูล / ชุดข้อมูลที่ใช้แทนความหมายของสื่อโครงสร้าง เช่น ชื่อของบุคคล ชื่อของวัสดุสิ่งของ
3. Record คือ ระเบียน หรือรายการข้อมูล เช่น ระเบียนของพนักงานแต่ละคน
4. Table /File คือ ตาราง หรือแฟ้มข้อมูล ประกอบขึ้นด้วยระเบียนต่างๆ เช่น ตารางข้อมูลของบุคคล ตารางข้อมูลของวัสดุสิ่งของ
5. Database คือ ฐานข้อมูล ประกอบด้วยตาราง และแฟ้มข้อมูลต่างๆ ที่เกี่ยวข้องหรือมีความสัมพันธ์กัน
ชนิดของข้อมูลของเขตข้อมูลในตารางข้อมูล (โปรแกรม Microsoft Access)
ชนิดของข้อมูล (Data Type) แบ่งเป็นและมีความหมายดังนี้
1. Text เป็นข้อมูลชนิดตัวอักษร ขนาดความกว้าง 255 ตัว ปกติโปรแกรมกำหนด(Default)ไว้ 50 ตัว ใช้กำหนดให้ฟิลด์สำหรับเก็บข้อมูลเป็นอักขระ ได้แก่ ตัวอักษร ตัวเลข ช่องว่าง เครื่องหมายวรรคตอนหรือสัญลักษณ์อื่นๆ
2. Memo ข้อมูลแบบข้อความใช้บันทึกรายละเอียดปลีกย่อยที่ไม่อาจกำหนดได้อย่างแน่นอน สามารถบันทึกข้อมูลได้ถึง 64,000 ตัว
3. Number ใช้กำหนดให้ฟิลด์ที่เก็บข้อมูลเป็นตัวเลขที่คำนวณได้ เช่น ราคาสินค้า หรือจำนวนสิ่งของโดยฟิลด์ที่กำหนดด้วยชนิดของข้อมูลชนิดนี้จะรับ เฉพาะตัวเลขหรือจุดทศนิยมเท่านั้น ตัวเลขแบ่งออกเป็นตัวเลขต่างๆชนิด ซึ่งมีขนาดข้อมูลแตกต่างกัน ได้แก่ Byte Integer Long integer Single และ Double
4. Data / Time ใช้กำหนดให้ฟิลด์ที่ต้องการเก็บข้อมูลประเภทวันที่ เวลา
5. Currency ตัวเลขทางการเงิน ใช้กำหนดกับข้อมูลเกี่ยวกับสกุลเงินตราของประเทศต่างๆ
6. AutoNumber ตัวเลขที่ใช้ในการนับระเบียน เป็นข้อมูลตัวเลขเรียงลำดับที่โปรแกรมกำหนดให้เองและจะเป็นตัวเลขที่ไม่ซ้ำ กัน ซึ่งถ้าผู้ใช้เลือกทำเป็น Primary Key จะมีรูปกุญแจนำหน้าชื่อฟิลด์
7. Yes/No เก็บค่าข้อมูลทางตรรกศาสตร์มี 2 ค่า ใช้กำหนดให้ฟิลด์ที่ต้องการเก็บ ข้อมูล โดยใช้ตัวอักษรตัวเดียวที่แสดงค่าความจริงเป็นใช่ (Yes, True) หรือไม่ใช่ (No, False) ซึ่งฟิลด์ที่กำหนดด้วยชนิดของข้อมูลนี้จะรับค่า Y หรือ y (Yes), N หรือ n (N), T หรือ t (True) และ F หรือ f (false) โดยความยาวฟิลด์นี้กำหนดไว้เพียง 1 ตัวอักษรเท่านั้น
8. OLE Object ใช้กำหนดให้กับฟิลด์ที่เก็บข้อมูลเป็นรูปกราฟิก
9. Hyperlink ชนิดข้อมูลสำหรับเก็บที่อยู่ของไฟล์ หรือเว็บไซท์ที่อยู่ในอินเทอร์เน็ต
องค์ประกอบของระบบฐานข้อมูล
ระบบ ฐานข้อมูลโดยส่วนใหญ่แล้ว เป็นระบบที่มีการนำเอาคอมพิวเตอร์มาช่วยในกระบวนการจัดเก็บข้อมูล ค้นหาข้อมูล ประมวลผลข้อมูล เพื่อให้ได้สารสนเทศที่ต้องการแล้วนำไปใช้ในการปฏิบัติงานและบริหารงานของ ผู้บริหาร โดยอาศัยโปรแกรมเข้ามาช่วยจัดการข้อมูล จากกระบวนการดังกล่าวนี้
จากกระบวนการดังกล่าวนี้ระบบฐานข้อมูลจึงมีองค์ประกอบ 5 ประเภท คือ
1. ฮาร์ดแวร์(Hardware)
2. โปรแกรม ( Program หรือ Software) ซึ่งมีหน้าที่ควบคุมดูแลการสร้างฐานข้อมูล การเรียกใช้ข้อมูล และ การจัดทำรายงาน เรียกว่า โปรแกรมระบบจัดการฐานข้อมูล (Database Management System : DBMS)
3. ข้อมูล (Data) โปรดอ่านบทที่ 1 เรื่อง ."ข้อมูล"
4. บุคลากร (Peopleware) คือ ผู้ใช้งาน (User) พนักงานปฏิบัติการ (Operator) นักวิเคราะห์และออกแบบระบบ (System Analyst) ผู้เขียนโปรแรมประยุกต์ใช้งาน (Programmer) และผู้บริหารฐานข้อมูล (Database Administrator : DBA)
5. ขั้นตอนการปฏิบัติงาน (Procedure) เป็นขั้นตอนและวิธีการต่าง ๆ ในการปฏิบัติงาน เพื่อการทำงานที่ถูกต้องและเป็นไปตามขั้นตอนที่ได้กำหนดไว้ จึงควรทำเอกสารที่ระบุขั้นตอนการทำงานของหน้าที่ต่าง ๆ ในระบบฐานข้อมูล ทั้งขั้นตอนปกติ และขั้นตอนในสภาวะที่ระบบเกิดปัญหา (Failure)

ຊົນຊາດລາວມາຈາກໃສ ?

ຂຽນເມື່ອ: ພ.ຈ.. 27, 2010 | ມີ 3 ຄຳເຫັນ ແລະ 0 trackback(s)

ໜວດໝູ່: ປະຫວັດສາດ

ຊົນຊາດລາວມາຈາກໃສ ?

ເລື່ອງແຫຼ່ງກຳເນີດຂອງຊົນຊາດລາວນັ້ນ ເປັນທີ່ໜ້າສົນໃນ ແລະຄວນແກ່ການສືກສຳລັບນັກມະນຸດວິທະຍາ ແລະນັກປະວັດສາດເປັນ່າງຍິ່ງ ການສຶກສາເລື່ອງນີ້ນັກປະຫວັດສາດຂອງລາວບໍ່ວ່າຈະເປັນອູ່ຄຳ ພົມ ວົງສາ, ເຈົ້າຄຳໝັ້ນ ວົງກົດຣັດຕະນະ ແລະມະຫາສີລາ ວິຣະວົງກໍກ່າວເຖິງ, ນອກຈາກນັ້ນນັກປະຫວັດສາດ ຂອງໄທຍ໌ຫຼາຍທ່ານທັງອະດີດປັດຈຸບັນກໍໄດ້ກ່າວເຖິງ ທີ່ມາຂອງຊົນຊາດໄທ ຫຼືໄທລາວໃນລັກສະນະເໝືອນກັນ ນີ້ ຕະຫຼອດທັງນັກປະວັດສາດຕ່າງປະເທດ ກໍຄືຫຼັກການນີ້ສຶກສາທີ່ມາຂອງຊົນຊາດລາວ ແລະໄທຍ໌ໄວ້ໃນທຳ ນອງດຽວ ຈຶ່ງນັບວ່າເປັນບັນທັດຖານຂອງການຄົ້ນຄວ້າເຣື່ອງນີ້ເປັນຢ່າງຍິ່ງ ຫຼັກຖານທີ່ຈະກ່າວຕໍ່ໄປນີ້ ແມ່ ອິງ ຕາມຫຼັກຖານທາງບູຮານຄະດີ ເຊິ່ງສຶກສາກັນມາເຫິງສົມຄວນ ຈົນເຮັດໃຫ້ເກີດມີທິດສະດີວ່າດ້ວຍແຫ່ງ ກຳເນີດຂອງຄົນລາວມີກັນຢູ່ສອງທິດສະດີ ຄືທິດສະດີເກົ່າ ແລະທິດສະດີໃໝ່.

ທິດສະດີເກົ່າ:

ນັກມະນຸດວິທະຍາ ແລະນັກປະວັດສາດ ແລະມະນຸດວິທະຍາສັນນິດຖານວ່າຊົນຊາດລາວ ແຕ່ເດີມມີ ພູມລຳເນົາຢູ່ທາງຕເວັນອອກສ່ຽງໃຕ້ ແລະພາກໃຕ້ຂອງຈີນ ແຖບມົນທົນກວາງຕຸງຂອງຈີນປັດຈຸບັນນີ້ Dr. William Dodd ຄຸນພໍ່ສອນສາສນາ ໄດ້ສະເໜີຂໍ້ຄິດເຫັນດັ່ງກ່າວໄວ້ໃນໜັງສື "The Thai Face Elder Brother of the Chinese" ເຊິ່ງກົງກັບນັກປະວັດສາດຊາວເຍັຍຣະມັນຊື່ Wolfram Eberhard ທີ່ໄດ້ອາໄສຫຼັກ Cultural Anthropology ທີ່ວ່າຊົນຊາດ ໄທມີແຫ່ງກຳເນີດຢູ່ທາງຕາເວັນອອກຂອງມົນທົນ Shang ຢູ່ໃນບໍຣິເວນມົນທົນກວາງຕຸ້ງ ແລະມີນັກປະວັດສາດຂອງໄທຍ໌ ເຊັ່ຍ ຂຸນວິຈິຕຣ໌ວາທະກາຣ ກ່າວວ່າ “ຊົນຊາດໄທຍ໌ນັ້ນ ແຕ່ເດີມມີຫຼັກແຫຼ່ງຢູ່ແຖບບໍຣິເວນພູເຂົາອັລໄຕ (Altai) ມີບາງທ່ານສັນນິດານວ່າ ເພາະມີຄຳລົງທ້າຍວ່າ Tai ເຊິ່ງທີ່ຈິງນັນ ຄຳວ່າອັລ ໄຕ (Altai) ເປັນພາສາມົງໂກລີ ແປວ່າ “ຄຳ” ພູເຂົາອັລໄຕ ຈຶ່ງຊື່ວ່າ “ພູເຂົາຄຳ” ບໍ່ແມ່ນຄຳວ່າ “ອັລ” ລວມກັບ “ໄຕ” ຢ່າທີ່ເຂົ້າໃຈກັນ.

ຕໍ່ມາເມື່ອ ໑໐໒໘ ປີກ່ອນຄຣິດຕະສັງກຣາດ ຫຼື ໔໘໕ ກ່ອນພຸເດທະສັງກຣາດ ຣາຊະວົງໂຈວ໌ ເຊິ່ງເປັນຈີນແທ້ໄດ້ໂຈມຕີຣາຊະວົງສາງສຳເຣັດ ຊົນຊາດໄທລາວຈຶ່ງໄດ້ ອົບພະຍົບລົງມາຕາມລຳນ້ຳແຢງຊີກຽງ ໄປຍັງມົນທົນເສສວນ ແລະຢູນານ ໂດນມີເມືອງ ສຳຄັນຈາຣືກໄວ້ໃນຈົດໝາຍເຫດຂອງຈີນ ຄື ເມືອງເສິນຕູ ແລະຄຸນມິງ ໃນສັດຕະວັດທີ ໑໓ ຊົນຊາດໄທລາວ ຈຶ່ງໄດ້ແຍກອອກໄປຢ່າງກະຈັດກະຈາຍໄປໃນທີ່ຕ່າງໆ ໃນແຄ້ວນຢູ່ ນານຂອງປະເທດຈີນປັດຈຸບັນ.

ສຳລັບເຣື່ອງແນວຄິດອົບພະຍົບລົງຈາກເສສວນ ຈົນເຖິງຢູນານນັ້ນໄດ້ເປັນທີ່ ຍອມຮັບຂອງ ດຣ. ຂະຈອນ ສຸຂພານິດ ນັກປະຫວັດສາດໄທຍ໌ ເຊິ່ງໄດ້ໃຊ້ເວລາສຶກສາ ແຫຼ່ງກຳເນີດຂອງຊົນຊາດໄທຍ໌ຫຼາຍປີ ທ່ານໄດ້ຂຽນໄວ້ໃນໜັງສືຊື່ “ຖິ່ນກຳເນີດ ແລະ ແນວການອົບພະຍົບ ຂອງເຜົ່າໄທຍ໌” ນອກຈາກນັ້ນ ທ່ານເຣື່ອງເດດ ບັນເຂື່ອນຂິດ ກໍໄດ້ຂຽນໜັງສື “ພາສາຖິ່ນຕະກູນໄທຍ໌” ກໍເຊັ່ນດຽວກັບນັກປະວັດສາດລາວ ເຊິ່ງ ທ່ານອູ່ຄຳ ພົມວົງສາ, ກໍເວົ້າເຖິງການກຳເນີດ ແລະການອົບພະຍົບຂອງຊົນຊາດ ອ້າຍລາວໃນໜັງສື ຂອງທ່ານ ໃນນັ້ນທ່ານມະຫາສີລາ ວິຣະວົງ ແລະເຈົ້າຄຳໝັ້ນ ວົງກົດຣັດຕະນະ ກໍໄດ້ມີຄວາມເຫັນເປັນເອກະສັນກັນໃນເຣື່ອງນີ້ ເຊິ່ງຖືວ່າກົງກັບ ຄວາມຂອງພຣະຍາອະນຸມານຣາຊະທົນ ຕະຫຼອດທັງນັກປະຫວັດສາດຮ່ວມສະໄໝກັບ ທ່ານຂອງໄທຍ໌ ໄດ້ມີຄວາມເຫັນເປັນໄປໃນທາງດຽວກັນ ແມ່ນແຕ່ທ່ານ Wolfram Eberhard ກໍມີຄວາມເຫັນເປັນໄປໃນທາງດຽວກັນ ນອກຈາກນັ້ນ ຍັງໄດ້ສະໜັບສະນູນການ ອົບຂອງຄົນອ້າຍລາວ(ໄຕລາວ) ໄດ້ຕັ້ງອານາຈັກໃນມົນທົນກວາງຕຸ້ງອີກ.

ຈາກສະຕະວັດ ທີ ໑໓-໑໕ ຊົນຊາດອ້າຍລາວ ສາມາດລວມຕົວກັນເປັນອານາຈັກ ຮຽກ ວ່າອານາຈັກນ່ານເຈົ້າ ເຊິ່ງແປວ່າ “ເຈົ້າທິດໃຕ້” ເຊິ່ງກໍໄດ້ສູນສິ້ນຊື່ລົງເມືອ່ປີ ຄ.ສ ໑໒໕໓ ເພາະ ຈັກກະພັດຈີນອົງແຮກໃນຣາຊະວົງຫຍວນ ຄືພຣະເຈົາກຸບໄລຂ່ານ ຜູ້ນຳຊາດມົງໂກລລີໄດ້ຍົກ ທັບມາຕີນ່ານເຈົ້າແຕກໄປ ຊົນຊາດອ້າຍລາວ ຊົນຊາດໄທຍຈຶ່ງຕ້ອງອົບພະຍົບລົງມາໃນດິນ ແດນສຸວັນນະພູມ ເຊິ່ງຕໍ່ມາໄດ້ສ້າງຕັ້ງອານາຈັກລາວຈົກ(ລາວຈັກກຣາດ) ມີເມືອງຊຽງແສນ ເປັນເມືອງສຳຄັນ, ໄຕລາວ ທີ່ທີ່ຮຽກຕົນເອງວ່າ “ລາວຈັກກະຣາຊ” ນີ້, ລົງໃນແຖບແມ່ນຳ້ຂອງ ໄດ້ຕໍ່ສູ້ກັບຊົນຊາດເດີມຄື ຂອມດຳ ເຊິ່ງໄດ້ແມ່ອິດທິພົນເໜືອຊົນຊາດ ລະວ້າ(ລວະ) ກ່ອນໜ້າ ນີ້ ຈຶ່ງເອົາຊະນະເຈົາຂອງຖິ່ນເດີມ ຄືຂອມແລະລະວ້າ ແລ້ວຂະຫຍາຍອຳນາດຂອງຕົນກວ້າງ ຂວາງອອກໄປຮອດແມ່ນຳ້ປິງ-ຍົມນ່ານ ຊົນຊາດໄທລາວຈົກກໍຕັ້ງອານາຈັກຂອງຕົນທີ່ແຄວ້ນ ຫາຣິພຸນໄຊ ເຊິ່ງມີຂອມແລະລະວ້າເປັນເຈົ້າຂອງເດີມສຳເຣັດ ພາຍລຸນມາຈຶ່ງໄດ້ຕັ້ງອານາຈັກ ລ້ານນາໃນໄລຍະຫຼັງ, ໄທລາວອີກພວກໜຶ່ງໄດ້ເຂົາຢຶດອພຳນາດຂອງຂອມທີ່ແຄວ້ນສຸໂຂໄທ ສະຖາປານາຕົນເປັນຣັດໄທ(ບໍ່ແມ່ນໄທຍ)ຈະແຈ້ງ, ອານາຈັກສຸໂຂໄທໄດ້ຕົກຢູ່ໃນອຳນາດຂອງ ຂອມລົບບູຣີ ເຊິ່ງເຊື່ອວ່າ ເຈົ້າຂອງດິນແດນລົບບູຣີນັ້ນແມ່ນອານາຈັກຂອງອ້າຍລາວພວກໜຶ່ງ ທີ່ອົບພະຍົບລົງມາກ່ອນໄທລາວ ແຕ່ຢູ່ພາຍໃຕ້ອຳນາດຂອງຂອມທີ່ຂະຫຍາຍອິດທິພົນຂຶ້ນມາ ເມື່ອຂອມຄ່ອຍໆເຊື່ອອຳນາດລົງໄທລາວກໍລວມຕົວກັນມີພະລັງເຂັ້ມແຂງ ກໍປະກາດຕົວເປັນ ອິດສະຫຼພ ມີເມືອງສຸໂຂໄທເປັນຣາຊະທານີ, ພວກໜຶ່ງກໍປະກາດຕົນເປັນອານາຈັກລາວຈັກ ຣາດລ້ານນາ ມີຊຽງໃໝ່ເປັນຣາຊະທານີ ເຊິ່ງມີລາວຈັກກະຣາດເຜົ່າຍວນ ກຳອຳນາດ ແລະ ມືໄຕລາວເຜົ່າອື່ນ ເປັນເມືອງບໍຣິວານ ສ່ວນເມືອງລົບບູຣີກໍກາຍເປັນເມືອງຮອງ ທີ່ໄຮ້ອຳນາດ ລົງ, ສ່ວນລາວອີກພວກໜຶ່ງໄດ້ລົງໄປຕາມແມ່ນ້ຳເຈົ້າພຣະຍາ ຕັ້ງບ້ານເຮືອນຂອງຕົນໃນດິນ ແດນຂອງສາມເທດ ຫຼືສຍາມເທດ ເຊິ່ງມີອຳນາດເຂັ້ມແຂງຢູ່ແຄວ້ນອາໂຍທະຍາ, ຊາວສຍາມ ນັ້ນສັນນິຖານວ່າ ເປັນຊົນເຜົ່າໜຶ່ງຂອງຂອມ ແຕ່ມີອຳນາດຕັ້ງຣັດຂອງຕົນໄດ້ ເມື່ອຄົນໄທລາວ ເຂົ້າໄປຕັ້ງບ້ານເຮືອນຢູ່ໃນອານາເຂດຂອງສຍາມ ເຣືອງເດດບັນເຂື່ອນຂິດ ໃຫ້ທັດສະນະວ່າ “ລາວໄດ້ອົບພະຍົບລົງມາຢູ່ໃນດິນແດນຂອມສຍາມ ກໍໄດ້ກືນຊາດສຍາມ ທາງວັດທະນະທຳ, ສາຍເລືອດ ແລະພາສາ…” ເຮັດໃຫ້ຊົນຊາດສຍາມໄດ້ຮັບວັດທະນະທັມໄທລາວຫຼາຍຂຶ້ນ ການ ທີ່ລາວສາມາດກືນຊາດສຍາມດ້ວຍວັດທະນະທຳ, ພາສາ ແລະສາຍເລືອດໄດ້ນັ້ນ ທາງໜຶ່ງ ສັນນິຖານວ່າ “ຄົນລາວມີຈຳນວນຫຼວງຫຼາຍກວ່າສຍາມ ເຊິ່ງໃນຂະນະນັ້ນສຍາມເອງ ກໍທຳ ສົງຄາມ ແລະເປັນຄູ່ອາຣິກັບຂອມຢູ່, ສຍາມຕ້ອງການກຳລັງພົນ ທີ່ຈະຕໍ່ສູ້ກັບຂອມ ສຍາມຈຶ່ງ ທຳຕົວເປັນມິດກັບຄົນໄທລາວຄັນການເວລາລ່ວງໄປ ລາວກໍໄດ້ເຂົ້າໄປມີບັດບາດໃນອຳນາດຣັດ ຂອງສຍາມ ແລ້ວກໍໄດ້ແຕ່ງງານກັບຄົນສຍາມຫຼາຍຂຶ້ນ ແລ້ວກໍເຜີຍແຜ່ພາສາ ແລະວັດທະນະ ທຳຂອງຕົນເໜືອສຍາມ ເຮັດໃຫ້ສຍາມດຳຣົງວັດທະນະທຳຂອງໄທຍລາວຢ່າງແຍກບໍ່ອອກ. ຈຶ່ງເຮັດໃຫ້ສຍາມບໍ່ໄດ້ລັງກຽດພວກລາວ ທີ່ອົບພະຍົບລົງໄປຢູ່ ໃນດິນແດນຂອງຕົນ.

ສ່ວນລາວອີກພວກໜຶ່ງລົງມາທາງນ້ຳຂອງຕອນກາງ ແລະຕອນໃຕ້ໄດ້ຕໍ່ສູ້ກັບຊົນຊາດ ຂອມເຜົ່າຊວາ ໄດ້ໄຊຊະນະແລ້ວກໍສ້າງຕັ້ງອານາຈັກຂອງຕົນທີ່ຊຽງດົງ ແລ້ວປ່ຽນຊື່ເມືອງຊຽງ ດົງເປັນຊຽງທອງ ຮຽກວ່າອານາຈັກລ້ານຊ້າງ, ສ່ວນອີກພກວໜຶ່ງລົງໄປຂັບໄລ່ຂອມອອກຈາກ ອານາຈັກຊາຍຟອງເຊິ່ງເປັນສູນກາງ ຂອງຂອມໃນລ້ອງແມ່ນຳ້ຂອງແລ້ວສ້າງອານາຈັກຂອງ ຕົນຂຶ້ນຊື່ວ່າ “ອານາຈັກຈັນທະບູຣີ” ແລ້ວລາວຈຳນວນໜຶ່ງກໍລົງໄປທາງໃຕ້ ໂດຍຢູ່ຮ່ວມກັບຊົນ ຊາດຂອງພວກໜຶ່ງໃນອານາຈັກສີໂຄຕະປຸຣະ ຈົນໃນທີ່ສຸດຂອງໃນອານາຈັກສີໂຄຕະປຸຣະກໍ ເສື່ອມອຳນາດລົງ ລາວຈຶ່ງເຂົ້າມີອຳນາດບົດບາດໃນເມືອງສີໂຄຕະປຸຣະ.

George Caedes ຊາວຝຣັ່ງເສດ ໄດ້ສະໜັບສະໜູນທິດສະດີນີ້ ສະຫຼຸບວ່າ “ຊົນຊາດໄທ ອົບພະຍົບລົງໃຕ້ ໂດຍອາໄສແມ່ນຳ້ເປັນຫຼັກ ເປັນການົບພະຍົບຢ່າງຄ່ອນເປັນຄ່ອຍໄປ ເມື່ອອານາຈັກ ນ່ານເຈົ້າຖືກພວກມົງໂກລີຮຸກຮນານ ຄົນໄທຈຳນວນຫຼວງຫຼາຍອາໄສແມ່ນຳ້ສອງສາຍ ຄືລຳນ້ຳຂອງ ແລ້ວມາຕັ້ງຫຼັກແຫຼ່ງທີ່ອານາຈັກລ້ານຊ້າງ (ຫຼວງພຣະບາງ ແລະວຽງຈັນ) ແລະລ້ານນາ(ຊຽງແສນ, ຊຽງໃໝ່) ແລະສຸໂຂໄທ ສ່ວນທີ່ອົບພະຍົບໄປຕາລຳນ້ຳສາຣະວິນນັ້ນ ໄດ້ຕັ້ງຫຼັກແຫຼງເຖິງແຄວ້ນອັດສັມ ຂອງອິນເດັຍ ແລະຣັດສານຂອງພະມ້າກໍມີ” ຫາກຖືເອົາຕາມຄວາມເປັນຈິງນີ ກໍເຮັດໃຫ້ຫຼັກຖານທາງ ວັນນະຄະດີລາວປະເພດຕຳນານພົ້ນເດັ່ນຂຶ້ນ ໃນຖານະທາງປະວັດສາດປະເພດຕຳນານ ໒ ເລື່ອງ ຄື ໜັງສືອຸຣັງຄະນິທານ ແລະໜັງສືຂຸນບູຣົມ ແລະເຮັດໃຫ້ວັດທະນະທຳຂອງບັນດາຊົນຊາດ ທີ່ຖືແຖນ ແລະນາກຄືພວກດຽວກັຍ ເຊັ່ນລາວລ້ານຊ້າງ ແລະລາວລ້ານນາ ອາດລວມເຖິງສຸໂຂໄທດ້ວຍ ນັບຖື ນາກແລະແຖນຄືຊົນຊາດດຽວກັນ, ທິດສະດີນີອາດຊິກ່ຽວຂ້ອງກັບຄ້ອງບັ້ງ ທີ່ບໍ່ຄຳເຊໂປນ ແລະເຄື່ອງ ແລະເຄື່ອງເງິນຄຳ ທີ່ບ້ານໜອງເຮືອທອງ ທີ່ລາວເຮົາຄົ້ນພົບໃນປີ ໒໐໐໘ ນີ້ດ້ວຍ.

ທິດສະດີໃໝ່.(ໂຜດຕິດຕາມຕໍ່ໄປ)(ຢາກໃຫ້ພີ່ນ້ອງມີຄວາມເຫັນ ແລະແກ້ໄຂຊ່ວຍໃນການຂຽນ ແລະເນື້ອໃນຕລອດທັງຫຼັກຖານອື່ນທີ່ອາດມີນຳ້ໜັກກວ່າ)ອ້າງອິງ
http://ulfasso.com/upload/actu/pdf/2085_qz8tamwkykAVVq5TSpGX.pdf?PHPSESSID=d9c1ef77b2ae76652c069c823005cfbc

ຊຳເໜືອ “ເມືອງແຫ່ງທຳມະຊາດ”

ຂຽນເມື່ອ: ພ.ຈ.. 26, 2010 | ມີ 1 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ຫົວພັນ: ຕັ້ງຢູ່ທາງທິດຕະເວັນອອກສຽງເໜືອຂອງຊຽງຂວາງ ປະຫວັດສາດຂອງສອງແຂວງນີ້ມີຄວາມຄ້າຍຄືກັນ ໃນອະດີດຫົວພັນເຄີຍຕົກເປັນເຂດປົດປ່ອຍ, ປະຈຸບັນມີປະຊາກອນປະມານ 300,000 ຄົນ ພູມິປະເທດເປັນພູເຂົາສະຫລັບຊັບຊ້ອນ ພື້ນທີ່ສ່ວນໃຫຍ່ເປັນປ່າໄມ້ ອາກາດຂ້ອນຂ້າງໜາວ ປະກອບດ້ວຍຊົນເຜົ່າກຸ່ມນ້ອຍກວ່າ 20 ເຜົ່າ ໄດ້ແກ່ ໄຕຂາວ ໄຕແດງ ໄຕດຳ ໄຕເໜືອ ໄຕນ້ອຍ ມົ້ງ ຂະໝຸ ສ່ວນໃຫຍ່ໃຊ້ພາສາຕະກູນໄຕ-ລາວ.

ແຫລ່ງທ່ອງທ່ຽວ
• ເມືອງຊຳເໜືອ ເປັນ ເມືອງຫລວງຂອງແຂວງຫົວພັນ ມີຊາຍແດນຕິດກັບຫວຽດນາມ ຕັ້ງຢູ່ທ່າມກາງຫຸບພວກເຂົາອັນຂຽວອຸ່ມທຸ່ມທີ່ມີຄວາມສູງ 1, 200 ແມັດ ເປັນເມືອງທີ່ມີວິວທິວທັດທີ່ສວຍງາມ ຕະຫລາດໃນເມືອງຍາມເຊົ້າຈະມີປະຊາຊົນເຜົ່າຕ່າງໆ ອອກມາຈັບຈ່າຍຊື້-ຂາຍກັນ ບ່ອນນີ້ເປັນຕະຫລາດໃຫຍ່ທີ່ສຸດໃນເຂດພາກເໜືອ ມີສິນຄ້າໃຫ້ເລືອກຫລາກຫລາຍ ທັງອາຫານສົດ ອາຫານແຫ້ງ ຂອງຈາກຈີນ ຫວຽດນາມແລະໄທ ແລະແຜ່ນແພ ຊຶ່ງເປັນສິນຄ້າທີ່ຂຶ້ນຊື່ຂອງລາວ ທີ່ສົ່ງໄປຂາຍຍັງຫລວງພະບາງແລະວຽງຈັນ ມີລວດລາຍທີ່ປະານີດ ສວຍງາມ

• ວັດໂພໄຊນາລາມ ຖັດ ຈາກຕະຫລາດກາງເມືອງມາປະມານ 2 ກິໂລແມັດ ຈະເຖິງວັດໂພໄຊນາລາມ ນັບເປັນສະຖານທີ່ສຳຄັນທາງສາດສະຫນາພຽງແຫ່ງດຽວຂອງເມືອງ ສ້າງເມື່ອປີ ພ. ສ. 1989 ສ່ວນທາງທິດຕາເວັນຕົກສຽງເໜືອຂອງຕົວເມືອງ ເປັນທີ່ຕັ້ງອະນຸສາວະລີເສລີພາບ ສ້າງຂຶ້ນມາເພື່ອສະຫລອງເອກກະລາດໃນປີ 1989 ເປັນຮູບດາວແດງ ຕັ້ງຢູ່ເທິງພູເຂົາ ເປັນຈຸດທີ່ສາມາດຊົມວິວທິວທັດຂອງເມືອງຊຳເໜືອໄດ້ດ້ວຍ.

• ເມືອງວຽງໄຊ ອະດີດສູນບັນຊາການໃຫຍ່ຂອງກຸ່ມຜູ້ນຳການປະຕິວັດລາວ ຫມູ່ບ້ານຊົນພື້ນເມືອງຫລາກວັດທະນະທຳ ແລະແຫລ່ງຕ່ຳແຜ່ນອັນດັບ 1 ຂອງລາວຄືຊຳເໜືອ ໂດຍສະເພາະທີ່ມາຈາກເມືອງຊອນແລະສົບຮາວຖືວ່າຄຸນນະພາບດີທີ່ສຸດ.

• ແຫຼ່ງທ່ອງທ່ຽວທຳມະຊາດ ແຂວງຫົວພັນໄດ້ຊື່ວ່າເປັນແຂວງທີ່ອຸດົມສົມບູນດ້ວຍແຫ່ຼງທ່ອງທ່ຽວທຳມະຊາດເປັນຕົ້ນແມ່ນບັນດາຖ້ຳ ແລະນ້ຳຕົກຕາດ. ຖ້ຳປະຫວັດສາດໄດ້ແກ່ ຖ້ຳຜູ້ນຳຕ່າງໆ ເຊັ່ນ ຖ້ຳປະທານໄກສອນ ພົມວິຫານ, ຖ້ຳສະເດັດສຸພານຸວົງ, ຖ້ຳທ່ານຄຳໄຕ ສີພັນດອນ, ຖ້ຳທ່ານໜູຮັກ ພູມສະຫວັນ... ຍ້ອນເມືອງນີ້ອຸດົມໄປດ້ວຍຖ້ຳທີ່ໃຫຍ່ແລະກວ້າງຂວາງຈຶ່ງເປັນເງື່ອນໄຂສະດວກໃນການດຳເນີນການປະຕິວັດລາວ.

• ທີ່ພັກ-ຮ້ານອາຫານ
ເມື່ອກ່ອນທີ່ພັກສ່ວນໃຫຍ່ດັດແປງຈາກເຮືອນພັກຂອງຊາວບ້ານຈະເປັນໃນ ຮູບແບບຂອງເຮືອນພັກ ແຕ່ມາຮອດປັດຈຸບັນນີ້ໄດ້ມີໂຮງແຮມເກີດຂຶ້ນຫຼາຍແລ້ວ.
• ຂອງຕ້ອນ ເນື່ອງຊາວແຂວງຫົວພັນເປັນຄົນທີ່ດຸໝັ່ນຂະຫຍັນພຽນ ມັກໃນການປູກຝັງລ້ຽງສັດ ດັ່ງນັ້ນ ຈຶ່ງເຮັດໃຫ້ເວລາທີ່ແຂກໄປໄທມາຈຶ່ງມີຂອງຕ້ອນຂອງຝາກເຕັມມື. ອາຫານການກິນທີ່ເປັນຂອງຕ້ອນຂອງຝາກທີ່ຂຶ້ນຊື່ຂອງແຂວງຫົວພັນໄດ້ແກ່ ໝາກໝັ້ນ, ໝາກຈອງ, ໝາກຄາຍ, ໝາກແຫ້ວ, ໜໍ່ຂົມ, ໜໍ່ຈ້າ, ໜັງແຊ່ເພ້ຍ, ແຈ່ວປາບ້ຳ, ຫົວຜັກບົ່ວຜັກທຽມ...

ນ້ຳໃຈຄົນວຽງຈັນ

ຂຽນເມື່ອ: ພ.ຈ.. 23, 2010 | ມີ 6 ຄຳເຫັນ ແລະ 0 trackback(s)

ໜວດໝູ່: ກາບກອນ

ນ້ຳໃຈຄົນວຽງຈັນ

ນັບແຕ່ມື້ກໍ່ສ້າງ ຮັກບໍ່ຫ່າງແຮມໄກ..ວຽງຈັນເອີຍ

ວຽງຈັນຄືດວງໃຈ ເຜົ່າພົງພັນເຊື້ອ

ຄວາມຮັກເຝືອແຝງໄວ້ ແສນດວງໃຈຖວາຍຕໍ່

ພັນດວງໃຈຮ່ວມສ້າງກໍ່ ບໍ່ໃຫ້ວຽງໂສກເສົ້າເຫງົາຫງ່ວງປ່ວງລະທົມ

ຊາວວຽງກົ້ມໜ້າສູ້ ປ້ອງເຂດແດນດິນ

ຖີ່ນວຽງທອງທານີ ບໍ່ໃຫ້ສີສູນເສົ້າ

ສ້າງແຜ່ນດິນວຽງເຮົາໃຫ້ ໃສງາມສົມຊ່າ

ເຜົ່າພົງລາວໃຕ້ລຸ່ມຟ້າ ມາໂຮມເຕົ້າບໍ່ເກົ່າສີ..ແທ້ແລ້ວ

ແຕ່ອະດີດເຖືງມື້ນີ້ ວຽງສືບຕໍ່ສາຍແສງ

ເປັນແວ່ນແຍງມະໂນທຳ ຜາບອະທຳໃຫ້ສູນສີ້ນ

ໃຫ້ຖີ່ນວຽງເຮົານີ້ ມີສີໃສສະຫງ່າ

ໃຫ້ປວງຊົນໃຕ້ລຸ່ມຟ້າ ມີໃບໜ້າຊື່ນບານ

ຫລາຍຮ້ອຍປີຜ່ານຂ້າມ ວຽງສະຫງ່າຣາສີ

ບາງໄລຍະມີໄພຣີ ກໍ່ກວນວາຍວຸ້ນ

ຈູດເຜົາວຽງຈົນວ່າມູ້ນ ເຫລືອພຽງເຖົ້າຖ່ານ

ລູກຫລານວຽງລຸກຂື້ນສູ້ ປະສົງກູ້ຊາດມາ

ສ້າງວຽງຈັນໃຫ້ແຈ່ມຟ້າ ເມຄາເມກໃຫ້ເຫີຍຫາຍ

ສາຍໂສມແສງວຽງທອງ ຮຸ່ງເຮືອງນະພາກວ້າງ

ໃຫ້ຄົນລາວປາງນີ້ ມີໃຈຊ່ອຍຊື່ນ

ໝື່ນປີບໍ່ໂສກເສົ້າ ບໍ່ເຫງົາຫງ່ວງຕ່າງຫລັງ...ເຈົ້າເອີຍ (ຂຽນ ໂດຍ ລູກຊາຍເມືອງຄຳ)

28 ເລື່ອງທີ່ຫນື່ງຊີວິດນີ້ຄວນໃດ້ເຮັດຈັກຫນື່ງເທື່ອ.

ຂຽນເມື່ອ: ພ.ຈ.. 23, 2010 | ມີ 2 ຄຳເຫັນ ແລະ 0 trackback(s)

1.ລອງໄປເບິ່ງຕາເວັນຕົກດິນຢ່າງຕັ້ງໃຈຢ່າງນ້ອຍປີລະຫນື່ງຄັ້ງ.

2.ຢ່າດູຖູກຄົນອື່ນ.

3.ເວົ້າຄຳວ່າ*ຂອບໃຈ*ໃຫ້ຫລາຍໆ.

4.ຊີວິດຢູ່ພາຍໃຕ້ຈຸດມຸ່ງຫມາຍຂອງຕົນເອງ.

5.ປະຕິບັດນຳຄົນອື່ນຄືກັບຄົນອື່ນປະຕິບັດນຳຕົນເອງ.

6.ບໍລິຈາກເລືອດ.

7.ຄົບຫາເພື່ອນໃຫມ່ເເລະລຳລຶກເຖິງເພື່ອນເກົ່າສະເຫມີ.

8.ຮູ້ຈັກເກັບຄວາມລັບ.

9.ຍອມຮັບຄວາມຜິດພາດຂອງຕົນ.

10.ຈົງສະເເດງຄວາມກ້າຫານເຖິງວ່າຈະບໍ່ໃດ້ເປັນຄົນກ້າຫານ.

11.ຢ່າເປັນຄົນຂີ້ລັກ.

12.ອ່ານຫນັງສືທຳມະຢ່າງຈິງຈັງຢ່າງນ້ອຍປີລະຫນື່ງຄັ້ງ.

13.ຮຽນຮູ້ທີ່ຈະຟັງ.

14.ຢ່າຫມົດຄວາມຫວັງກັບຊີວິດ.

15.ຢ່າສວດມົນເພື່ອຂໍສິ່ງໃດ.

16.ຮູ້ຈັກເກັບອາລົມເມື່ອໂມໂຫ.

17.ມີບຸກຄະລິກທີ່ດີເມື່ອຢ່າງເຂົ້າຫ້ອງເຮັດວຽກ.

18.ຍອມເສຍສິ່ງນ້ອຍໆເພື່ອຫວັງໃນສິ່ງທີ່ດີກ່ວາ.

19.ຢ່າຄົບຫາກັບບຸກຄົນທີ່ບໍ່ເຄີຍສູນເສຍໃດໆເລີຍ.

20.ຢ່ານິນທາຫລັບຫລັງ.

21.ເມື່ອຜະເຊີນຫນ້າກັບງານຫນັກ ຈົ່ງປະຕິບັດກັບມັນຄືກັບວ່າເປັນໄປບໍ່ໃດ້ທີ່ມັນຈະຫລົ້ມເຫລວ.

22.ຢ່າຄຶດວ່າຊີວິດນີ້ຈະຍຸດຕິທຳສະເຫມີໄປ.

23.ຢ່າປະເມີນອຳນາດຂອງການໃຫ້ອະໄພຕໍ່າເກີນໄປ.

24.ເລື່ອງຂອງມື້ນີ້ກໍ່ຕ້ອງເຮັດໃຫ້ເເລ້ວໃນມື້ນີ້.

25.ບໍ່ຕ້ອງຍ້ານທີ່ຈະກ່ວາຄຳວ່າ*ຂໍໂທດ*.

26.ບໍ່ຕ້ອງຍ້ານທີ່ຈະກ່ວາຄໍາວ່າເຮາ*ບໍ່ຮູ້*.

27.ຂຽນເລື່ອງທີ່ເຮົາຢາກຮູ້ກ່ອນຕາຍ 25 ຂໍ້ ເເລະນຳມັນຕິດຕົວໄປຕະຫລອດ.

28.ໂທລະສັບຫາ ພໍ່ເເມ່ ເເດ່ ບໍ່ເເມ່ນໂທຫາເເຕ່ຜູ້ສາວ....55555+++

ນ້ຳຂອງ ກັບນ້ຳໂຂງ ຊື່ໃດເປັນຊື່ເດີມແທ້ ?

ຂຽນເມື່ອ: ພ.ຈ.. 23, 2010 | ມີ 2 ຄຳເຫັນ ແລະ 0 trackback(s)

ແມ່ນ້ຳຂອງສາຍນີ້ ໃນພາສາລາວຮຽງວ່າ “ແມ່ນ້ຳຂອງ” ແຕ່ໄທຍຮຽກວ່າ “ແມ່ນ້ຳໂຂງ” ຕາມການສືບຄົ້ນ ສ່ວນໃຫຍ່ຈະມີຄວາມເຫັນເປັນເອກພາບກັນກ່ຽວກັບຄຳວ່າ “ນ້ຳຂອງ” ແມ່ຖືກຕ້ອງຕາມສຽງພາສາລາວເດີມ. ຕາມການຄົ້ນຄວ້າ ປາກົດເຫັນວ່ານ້ຳຂອງເປັນພາສາບູຮານລາວແທ້, ເນື່ອງຈາກພົບຫຼັກຖານທາງພາສາມາຫຼາຍແຫ່ງ ຫຼາຍທີ່ ຄື:
1. ຫຼັກຖານທາງພາສາຂອງກຸ່ມຊົນຕະກູນໄຕລາວຢູ່ນອກປະເທດ:
- ຄົນລ້ານນາບູຮານ ກວາມເອົາບໍຣິເວນພາກເໜືອຂອງໄທຍ໌ໄດ້ບັນທຶກໃນໜັງສືບູຮານ ເປັນອັກສອນທັມຍວນ ຫຼືລ້ານນາ ໃນເຣື່ອງພຣະເຈົ້າລຽບໂລກ ວ່າແມ່ນ້ຳສາຍນີ້ວ່າ “ຂະນະນະທີ” ໃນໜັງສືສະບັບດຽວທີ່ເປັນສ່ວນຂອງສຳນວນ ພາສາທ້ອງຖິ່ນວ່າແມ່ນ້ຳຂອງ, ໄດ້ໄປສຶກສາປະຕິບັດງານທາງພາກເໜືອຂອງໄທຍ ກໍເຫັນຊາວທ້ອງຖິ່ນວ່າ ແມ່ນ້ຳ ຂອງເຊັ່ນກັນບໍ່ໄດ້ຮຽກແມ່ນ້ຳໂຂງເລີຍ.
- ຄົນພະມ້າແຖວທ່າຂີ້ເຫຼັກ ເຊື້ອສາຍລາວ ຫຼືຕະກູນໄຕຕ່າງໆ ຮຽກແມ່ນ້ຳສາຍນີ້ວ່າ “ແມ່ນ້ຳຂອງ” ສະໄໝໄປທ່ຽວ ທ່າຂີ້ເຫຼັກແລະຊຽງຕຸງ ເວົ້າພສາລາວລື້.
- ຄົນຈັງຫວັດເລີຍ ແລະເພັດຊະບູນ ຮຽກແມ່ນ້ຳສາຍນີ້ວ່າແມ່ນ້ຳຂອງ, ປີ 1998 ໄປຢາມໝູ່ຢູ່ອຳເພີນະຄອນໄທຍ ຖາມເຂົາວ່າ ພວກພີ່ນ້ອງຮຽກແມ່ນ້ຳຂອງວ່າແມ່ນ້ຳຫຍັງ ເຂົາຕອບວ່າ “ແຕ່ກີ້ຮຽກວ່າແມ່ນ້ຳຂອງ” ຄົນສະໄໝເກົ່າ ຮຽກແມ່ນ້ຳຂອງທັງນັ້ນ, ກໍໄດ້ໂລມກັບຜູ້ເຖົ້າອາຍຸ 50-80 ປີ 10 ຄົນປາກົດວ່າເວົ້າເປັນສຽງດຽວກັນວ່າ “ແມ່ນ້ຳ ຂອງ” ແຕ່ປີ 2001-2005 ໄດ້ໄປອຳເພີດ່ານຊ້າຍ ປີລະຄັ້ງສອງຄັ້ງ ປາກົດວ່າ ຊາວອຳເພີດ່ານຊ້າງທຸກຄົນ ຮຽກແມ່ນ້ຳຂອງ ເວັ້ນເສັຍແຕ່ເຂົາເວົ້າພາສາໄທຍຈຶ່ງອອກແມ່ນ້ຳໂຂງຕາມໄທຍ໌ ເດັກນ້ອຍຣຸ້ນໃໝ່ຮຽກແມ່ນ້ຳໂຂງໝົດ.
- ປີ 2000 ໄປແຖວສີຊຽງໃໝ່ ໄດ້ມີໂກກາດລົມກັບຄົນເຖົ້າຄົນໜຶ່ງ ເປັນເວລາ 1 ວັນ ເຂົາຈະເວົ້າປະຫວັດສາດ ແລະພື້ນວຽງຈັນເກ່ງທີ່ສຸດ ແລະແມ້ນຢຳທີ່ສຸດເຂົາກໍຮຽກວ່ານ້ຳຂອງເຊັ່ນກັນ.
- ປີ 1993 ໄປນະຄອນພະນົມຊາວນະຄອນພະນົມຣຸ້ນເກົ່າ ຈະຮຽກແມ່ນ້ຳສາຍນີ້ວ່າ “ນ້ຳຂອງ”.
- ສ່ວນມຸກດາຫານຍັງບໍ່ທັນໄປ ແຕ່ທາງເມືອງອຸບົນ, ວາຣິນຊຳລາບ, ພິມູນ, ສີຣິນທອນ, ເຂັມມະຣາຊ ຈະຮຽກແມ່ນ້ຳ ຂອງທັງນັ້ນ.
- ສ່ວນທາງຮ້ອຍເອັດມະຫາສາຣະຄາມ ເຂົ້າໄປໃນ ສ່ວນໃຫຍ່ຈະຮຽກວ່າແມ່ນ້ຳໂຂງ ສົງໄສວ່າເຂົາຢູ່ໄກແມ່ນ້ຳຂອງ ຄວາມຜູກພັນກັບແມ່ນ້ຳຂອງ ບໍ່ຄ່ອຍຈະມີ, ເມື່ອຍິນໄທຍເວົ້າກໍເວົ້າວ່ານ້ຳຂອງນຳເຂົາ ກໍອາດເປັນໄດ້.
- ຄົນຊຽງຮຸ່ງຮຽກ “ແມ່ນ້ຳລ້ານຊ້າງ” ຕາມພາສາຈີນ ບາງຄັ້ງກໍຮຽກວ່າ “ແມ່ນ້ຳຂອງ” ໂດຍສະເພາະຄົນທີ່ຕັ້ງບ້ານເຮືອນ ຢູ່ແຄມນ້ຳສາຍນີ້ (ພາສາຈີນວ່າ LANJIAN ແປເປັນພາສາລາວວ່າ ລ້ານຊ້າງ).
- ຄົນຂະເໝນແຖວ ຊາຍແດນດ້ານພະວິຫານ ໃກ້ໆກັບບ້ານເກີດ ຜູ້ຂຽນ (ເມືອງມະໂນໄພເດີມ ແຖວທ່າແກ່, ທ່ານເປື້ອຍ, ທ່າກະສັງ ເລີຍເຂົ້າໄປຮອດໃນຈະຮຽກແມ່ນ້ຳຂອງຄືກັບລາວ), ເມືອງຊຽງແຕງຜູ້ຂຽນເຄີຍ ໄຊື້ຄວາຍຢູ່ແຖວ ນັ້ນປະມານປີ 1985, ເມື່ອປີ 2001-2004 ກໍເຄີຍໄປທ່ຽວແຖວນັ້ນ ຈົນຮອດກະແຈະ, ເມືອງທາຣາບໍຣິວັດ ຄົນເຫຼົ່າ ນີ້ລ້ວນແຕ່ເວົ້າພາສາລາວ ພວກເຂົາກໍຈະຮຽກແມ່ນ້ຳສາຍນີ້ວ່າ “ແມ່ນ້ຳຂອງ”.
2. ຊື່ແມ່ນ້ຳຂອງໃນພາສາຕ່າງປະເທດ.
- ພາສາຈີນ “ລ້ານຊ້າງ ຫລືລ້ານຈຽງ (ໂຕ ຊ ເປັນ ໂຕ ຈ ລານຈຽງ LANJIAN). ເຮົາອາດວິເຄາະໄປໄດ້ອີກວ່າ ຊື່ອານາຈັກລ້ານຊ້າງ ເດີມມີຄວາມໝາຍວ່າ “ມີຊ້າງລ້ານໂຕ ຫຼືອານາຈັກທີ່ເຕັມໄປດ້ວຍຊ້າງ” ແຕ່ຫາກເຮົາວິເຄາະ ຕາມສຳນຽງຂອງຈີນ ເຮົາອາດວິເຄາະວ່າ “ລ້ານຊຽງ” ອານາຈັກທີ່ມີເມືອງຂຶ້ນ ລ້ານເມືອງ ກໍຫາກເປັນໄປໄດ້.
- ພາສາຫວຽດນາມ ຮຽກວ່າ “ທາງໃຕ້ຮຽກວ່າ ແມ່ກົງ” ແຕ່ພາສາຫວຽດນາມແທ້ໆນັ້ນ ຮຽກອີກຢ່າງໜຶ່ງ ໃຜຮູ້ກະ ກະຣຸນາບອກມາແນ່ ຈະເປັນພຣະຄຸນຍິ່ງ ແຕ່ວ່າຜູ້ຂຽນເອງ ຈະໄປຫວຽດນາມໃຕ້ ວັນທີ 15 ພຶດສະພາ 2007 ນີ້, ນັ່ງຣົດຈາກເຊກອງໄປ ໃນຣາຄາ 145.000 ກີບ ຮອດໄຊງ່ອນ ສືບໄດ້ເຣື່ອງແລ້ວ ຈະນຳມາເລົ່າຕໍ່.
- ພາສາຂະເໝນ ຮຽກວ່າ “ຕົນເລສາດ, ຖາມຄົນຂະເໝນວ່າ “ແມ່ນ້ຳຂອງ” ຄົງໝາຍເຖິງແມ່ນ້ຳແຫ່ງຊາດ ເຄີຍຂີ່ເຮືອຈາກຊຽງແຕງ ໄປຮອດກຳປົງຈາມ 5 ຄັ້ງ ແຕ່ໄປຮອດພະນົມເປັນ 1 ຄັ້ງ ເມື່ອປີ 2004 ແມ່ນ້ຳບ່ອນນີ້ກວ້າງໃຫຍ່ຫລາຍ ຈະແບ່ງອອກເປັນແມ່ນ້ຳ 4 ສາຍ(ຕາມພາສາຂະເໝນຮຽກວ່າ ຈຕຸຣະມຸຂ ຄືແມ່ນ້ຳ 4 ໜ້າ)ແມ່ນ້ຳ ຂອງຕໍ່ໄປຮອດຫຽວດນາມ ຂະເໝນຮຽກວ່າ ຕົນເລກຣອມ, ແມ່ນ້ຳປາສັກ(ອອກສຽງຕົນເລປາສັກ) ເຂົ້າໄປທະເລສາບຮຽກ “ຕົນເລເວັຍສະ” ເລີຍໄປຮອດທະເລສາບແລ້ວ ອອກສຽງ “ຕົນເລສະ” ສ່ວນສາຍແມ່ຂອງຂຶ້ນມາທາງຊຽງແຕງ ຫຼືທາງຄອນພຣະເພງຂອງລາວເຮົາ ຍັງຄົງຮຽກວ່າຕົນເລສະເໝືອນເດີມ, ບາງຄົນບອກວ່າສະໄໝບູຮານ ຮຽກວ່າຕົນເລຊຽງແຕງ ຫຼືຕົນຊຕຶງແຕຣງ ບາງຄັ້ງກໍຮຽກວ່າ “ຕົນເລລຽວ” ຖ້າແປເປັນພາສາລາວຮຽກ “ທະເລລາວ”, ສຳລັບແມ່ນ້ຳເຊກອງນັ້ນ ທາງຄົນຊຽງແຕງ-ຄົນແສນປາງ ເອງກໍຮຽກວ່ານ້ຳເຊກອງ ແຕ່ຄົນຂະເໝນຮຽກວ່າ “ຕົນເລແມ່ກົງ”.
- ໃນພາສາອັງກິດ, ເນື່ອງຄົນອັງກິດເອງ ບໍ່ໄດ້ຕິດພັນກັບແມ່ນ້ຳສາຍນີ້ ຄົງອິງຕາມພາສາຖິ່ນ ທີ່ຮຽກແມ່ນ້ຳສາຍນີ້ ວ່າ “ແມ່ຂອງ” ເມື່ອທຽບເປັນພາສາອັງກິດແລ້ວຈຶ່ງຂຽນວ່າ MEA-KHONG ຫລື MEANM-KHONG ການອ່ານຄົງອອກສຽງວ່າແມ່ຂອງ ຫຼືບາງຄົນຂຽນວ່າ MAEKONG ກໍຄົງອ່ານວ່າ ແມ່ຂອງເຊັ່ນກັນ ແຕ່ເມື່ອງບາງຄົນອາດອອກສຽງວ່າ ແມ່ໂຂງ ຫຼືແມ່ກົງ ສຳລັບການອອກສຽງວ່າແມ່ກົງ ຄົງຈະບໍ່ຖືກ ເພາະວ່າມີແມ່ນ້ຳສາຍໜຶ່ງ ທີ່ມາຈາກເຊກອງ ອັດຕະປື ລົງໃສ່ຊຽງ ແຕງ ບ່ອນບ້ານຫາງໂຄນັ້ນ ມີການຂຽນເປັນພາສາອັງກິດວ່າ NAMSEKONG ຫຼື NAMSEAKONG ຕາມການສັນນິຖານການຂຽນຊື່ແມ່ນ້ຳຂອງ ຄົງຈະສະກົດດ້ວຍ KH ຫຼາຍກວ່າ K ຊື່ໆ, ພາສາຝຣັ່ງກໍຂຽນວ່າ MEANAM KHONG ແຕ່ຕ້ອງໃສ່ກຸບທີ່ໂຕ O.
- ໃນເມື່ອເຮົາຮູ້ທີ່ມາແບບນີ້ ເຮົາຈຶ່ງມາປຽບທຽບ ແລະວິເຄາະເບິ່ງພາສາໄທຍ໌ ໃນບູຮານອາດຊິຮຽກແມ່ນ້ຳຂອງເໝືອນລາວ, ແຕ່ຄົນໄທຍ໌ເອງ ບໍ່ຄ່ອຍຈະມີຄວາມຜູກພັນ ແລະຕິດພັນກັບແມ່ນ້ຳຂອງມາແຕ່ສະໄໝບູຮານ ເພາະມີຫຼັກຖານ ໜຶ່ງວ່າ “ລາວອົບພະຍົບລົງມາທາງແມ່ນ້ຳຂອງ ແລະແມ່ນ້ຳປິງ ຍົມ ນ່ານ, ສ່ວນໄທອົບພະຍົບລົງໄປທາງແມ່ນ້ຳເຈົ້າພະຍາ” ແລະຫຼັກຖານໜຶ່ງຂອງກອນມະຫາແກ້ວຂຽນບົດທ່ອງຂຶ້ນໃຈ ໃນແບບຮຽນສະໄໝເກົ່າວ່າ “ປະເທດຂ້ອຍຊັ້ນຊື່ເມືອງລາວ ລວງກວ້າງຍາວ ສຸດຕາເຫຼືອອ່ານ ນຳຂອງຜ່ານໄຫລຜ່າທາງກາງ ມີຫົນທາງຖນົນສະອາດ ປະເທດຊາດ ລາວໃຫຍ່ໄພ ສານ ເຮົາລູກຫຼານເກີດມາພາຍຊ້ອຍ ຄວນຊູຊ່ອຍສ້າງບ້ານເມືອງລາວ ໃຫ້ຢືດຍາວຕໍ່ໄປພາຍໜ້າ ຢ່າໃຫ້ຫຼ້າເຂົາແທ້ ໝູ່ລາວ (ສຳລັບກອນບົດນີ້ ຜູ້ຂຽນໄດ້ຈື່ມາຕັ້ງແຕ່ເດັກນ້ອຍ ອາດມີການຜິດພາດບາງປະການ ຫາກໃຜຈື່ໄດ້ ຫຼືເຫັນວ່າມີ ຜິດບ່ອນໃດ ກະຣຸນາແກ້ໄຂໃຫ້ແນ່), ເມື່ອເປັນເຊັ່ນນັ້ນ ຄົງສັນນິຖານວ່າ ຄຳວ່າ “ແມ່ນ້ຳໂຂງ” ໃນພາສາໄທຍນັ້ນ ອາດແມ່ເປັນສຳນຽງໃໝ່ ທີ່ໄທຍກຳນົດເອົາຕາມ ສຳນຽງຂອງພາສາຝຣັ່ງ-ອັງ ກິດ ເພາະຄຳວ່າ KHONG ໃນພາສາຝຣັ່ງ-ອັງກິດນັ້ນ ຈະອ່ານອອກສຽງເປັນໄດ້ທັງ “ຂອງ” ແລະ “ຄົງ” ຫຼື “ໂຂງ” ອັນນີ້ສາມາດພິສູດໄດ້ຈາກຊື່ ມະຫາວິທະຍາໄລດົງໂດກ(ມະຫາວິທະຍາໄລແຫ່ງຊາດ) ໄທຍ໌ຄວນຊິອ່ານວ່າ ດົງໂດກເໝືອນລາວ ແຕ່ໄທຍ໌ພັດອອກສຽງວ່າ “ດອງດອກ” ເຊິ່ງເຮັດໃຫ້ສຳນຽງຂອງພາສາລາວປ່ຽນໄປ ໃນພາສາ ໄທຍ໌, ຄວາມຈິງແລ້ວຄຳວ່າ “ດົງ” ໃນພາສາໄທຍ໌ກໍມີ ເຊັ່ນ “ດົງພະຍາໄຟ, ດົງພະຍາເຢັນ” ດັ່ງນີ້, ແທນທີ່ທີ່ລາວ ຈະຮຽກຕາມສຳນຽງລາວ ທີ່ໃຊ້ອັກສອນລາວເປັນເຄື່ອງວັດ ສົງໄສວ່າໄທຍ໌ອ່ານຕາມສຳນຽງຂອງພາສາຝຣັ່ງ (Dong-Dok) ຖ້າເປັນເຊັ່ນນັ້ນ ຄຳວ່າ ແມ່ນ້ຳໂຂງ ໃນພາສາໄທຍ໌ນັ້ນ ໄທຍ໌ຄົງຈະອິງຕາມສຳນຽງພາສາຝຣັ່ງ-ອັງ ກິດ ຖ້າເປັນເຊັ່ນນັ້ນ ຄຳວ່າ “ແມ່ນ້ຳຂອງ” ຕ້ອງຊື່ເດີມ ຂອງແມ່ນ້ຳສາຍນີ້.
- ກໍໄດ້ເອົາແຕ່ຜູ້ຊິອ່ານ; ເພາະວ່າໃນເມືອງລາວນີ້ ມີເມືອງໜຶ່ງຢູ່ແຂວງສາຣະວັນວ່າ “ເມືອງຄົງເຊໂດນ” ກໍຂຽນວ່າ “MEUANG KHONGSEADONE” ກໍໃຊ້ “KHONG”.
3. ຊື່ແມ່ນ້ຳຂອງໃນວັນນະຄະດີ.
- ວັນນະຄະດີ ຕຳນານອຸຣັງຄະນິທານ ຫຼືອຸຣັງຄະທາດ ຮຽກວ່າ “ຂະນະນະທີ” ແລະແມ່ນ້ຳຂອງ.
- ວັນນະຄະດີ ຕຳນານຂຸນບູຣົມ ປາກົດເຫັນຊື່ ແມ່ນ້ຳຂອງ ວ່າ "ຂະນະນະທີ” ແລະແມ່ນ້ຳຂອງເຊັ່ນກັນ.
- ວັນນະຄະດີ ພະລັກພະລາມ ກໍປາກົດເຫັນ “ຂະນະນະທີ ແລະແມ່ນ້ຳຂອງ” ເຊັ່ນກັນ.
- ວັນນະຄະດີລາວອື່ນໆ ກໍປາກົດເຫັນເຊັ່ນນັ້ນ.
ເມື່ອມາເບິ່ງ “ຂະນະ” ເປັນພາສາປາລີ ເມື່ອມາເບິ່ງດ້ານພາສາລາວ ທີ່ປາກົດໃນວັນນະຄະດີ ກໍຮຽກວ່າແມ່ນ້ຳຂອງ ກໍສາມາດພິສູດໄດ້ວ່າ “ແມ່ນ້ຳຂອງເປັນຊື່ແທ້ຂອງ” ແມ່ນ້ຳສາຍນີ້
4. ຊື່ແມ່ນ້ຳຂອງໃນວັນນະຄະດີໄທຍ໌ ບໍ່ປາກົດເຫັນຊື່ແມ່ນ້ຳສາຍນີ້ ອັນນີ້ສະແດງໃຫ້ເຫັນວ່າ ໄທສຍາມບູຮານ ບໍ່ມີສິດທິໃນແມ່ນ້ຳສາຍນີ້.
5. ປະມານປີ 1870-1900 ກໍຣະນີປັກປັນເຂດແດນສຍາມ-ຝຣັ່ງໄດ້ມີຄວາມສຳຄັນຕໍ່ສຍາມ ໃນພາກພື້ນຫົວເມືອງລາວ ທາງອີສານ ຈຶ່ງເຮັດໃຫ້ສຍາມຮູ້ຈັກແມ່ນ້ຳຂອງ ອາດເປັນໄຣຍະນີ້ເອງ ທີ່ສຍາມບັນຍັດຊື່ “ແມ່ນ້ຳໂຂງ” ໃນພາສາໄທຍ໌ສຍາມ.
6. ຄຳວ່າດອນໂຂງ, ໃນພາສາລາວນັ້ນ ໃນໜັງສືບູຮານນັ້ນ ມີຊື່ໜຶ່ງອີກຕ່າງຫາກ ແຕ່ຕໍ່ມາຈຶ່ງປ່ຽນມາເປັນດອນໂຂງ, ຕາມການສັນນິຖານຂອງນັກຄິດລາວຫລາຍຄົນກ່າວເຖິງທີ່ມາຂອງຄຳວ່າ ດອນໂຂງນັ້ນ ບໍ່ໄດ້ກ່ຽວກັບແມ່ນ້ຳຂອງເລີຍ ເຖິງວ່າດອນໂຂງນັ້ນ ຈະຕັ້ງຢູ່ໃນລຳແມ່ນ້ຳຂອງຕອນໃຕ້ກໍຕາມ.
- ທີ່ນີ້ ດອນໂຂງມີທີ່ມາດັ່ງນີ້ ຄື:
(1). ໃນໜັງສືພຣະລັກພຣະຣາມ ແມ່ນມີຊື່ຕ່າງຫາກນິມິຕ ແມ່ນເກີດຈາກນິມິດຂອງພຣະລັກນັ້ນເອງ
(2). ຄຳວ່າ “ດອນໂຂງ” ນັ້ນບາງທ່ານວ່າ ມາຈາກຄຳວ່າ “ຊ້າງໂຂງໜຶ່ງ” ຄືຊ້າງໂຕໜຶ່ງ, ມີນິທານພື້ນເມືອງວ່າ “ສະໄໝແຕ່ກີ້ ທີ່ດອນໂຂງມີຊ້າງໂຂງໜຶ່ງມາຕາຍໄຫຼມາເປີະຫົວດອນທີ່ນັ້ນ, ເມື່ອຊາວຄົວວຽງ ຂອງສົມເດັດພຣະ ຄຣູຂີ້ຫອມ ປມານ ຄ.ສ 1580-1641 ໄປເຫັນກໍເອົາຣືກນີຕັ້ງຊື່ດອນ, ຫຼັກຖານຊາວຄົວວຽງ ໄປຂຶ້ນທີ່ບ້ານເມືອງແສນ ຈຶ່ງເຮັດໃຫ້ຊາວເມືອງແສນເວົ້າສຳນຽງວຽງຈັນຮອດບັດນີ້ ແລະຂະຫຍາຍຕົວໄປຮອດຂະເໝົາ, ດອນໂລງ ນາດີ (ເວົ້າສຳສຽງຄ້າຍວຽງຈັນ-ທ່າແຂກ) ດ້ວຍເຫດນີ້ດອນໂຂງຈຶ່ງມີຊືປາກົດມາຮອດບັດນີ້.
- ສ່ວນຄຳວ່າສີພັນດອນນັ້ນ ເປັນຊື່ຂອງການລຳ ຂອງຊາວເມືອງໂຂງ, ບາງທ່ານຄຳວ່າສີພັນດອນ ມາຈາກມີດອນຮອດ 4.000 ດອນ(ຄວາມຈິງດອນໃນເຂດເມືອງໂຂງ ແລະເມືອງມຸນລວມກັນບໍ່ເຖິງ 1.000 ດອນ, ຜຂ ເກີດທີ່ດອນໜຶ່ງໃນເມືອງໂຂງ ຢັ້ງຢືນໄດ້)
- ແຕ່ຜູ້ເຖົ້າບາງຄົນເວົ້າວ່າ ຄຳວ່າສີພັນດອນນັ້ນມີທີ່ມາຈາກທີ່ຝຣັ່ງ ໄດ້ເຂົ້າມາລາວຕາມລຳແມ່ນ້ຳຂອງ ໄດ້ນັບດອນມາຈາກປາກແມ່ນ້ຳຂອງ ເມື່ອມາຮອດດອນໂຂງນີ້ກໍໄດ້ 4000 ດອນພໍດີ ຈຶ່ງໃຫ້ຄົນຮຽກວ່າສີ່ພັນດອນ ຕໍ່ມາຜ້ຽນມາເປັນ ສີພັນດອນໃນໄລຍະຕໍ່ມາ.
- ສ່ວນຊື່ເປັນທາງການຂອງລາວນັ້ນ ເມືອງໂຂງມີຊື່ວ່າ “ສຣີທັນດອນ" ອັນໄດ້ມາຈາກ ຊື່ຊ້າງສາມຫົວ ອັນເປັນສັດຊົງຂອງພຣະຍາອິນທາທິຣາຊ ເນື່ອງຈາກດອນໂຂງມີຊື່ກ່ຽວພັນກັບຊ້າງ ຈຶ່ງຕັ້ງແຂວງນີ້ ຊື່ວ່າແຂວງສຣີທັນດອນ ປະມານປີ 1962 ພ້ອມກັບແຂວງວາປີຄຳທອງ ແລະແຂວງຫົວຂອງ.
- ສິ່ງທີ່ເຂົ້າໃຈັຂອງຜູ້ຂຽນເອງນັ້ນ ຄິດວ່າດອນໂຂງໃນສະໄໝບູຮານຄົງຊື່ວ່າ “ດອນຊ້າງ” ອັນນີ້(ເປັນຄຳສັນນິຖານເດີກຳລັງຫາຫຼັກຖານຢູ່) ເພາະວ່າຢູ່ໃນເມືອງໂຂງມີ 2 ດອນຊື່ວ່າ “ດອນຊ້າງ” ດອນໜຶ່ງຢູ່ຫາງດອນລົປະດີ ຮຽກ ວ່າດອນຊ້າງ, ແລະອີກດອນໜຶ່ງວ່າ “ດອນຊ້າງນ້ອຍ” ໃກ້ກັບດອນລຽງ ແຕ່ບໍ່ປາກົດເຫັນຄຳວ່າ “ດອນຊ້າງໃຫຍ່ເລີຍ” ແລະອີກດອນໜຶ່ງຢູ່ເຂດຊຽງແຕງ ໃກ້ກັບສາມໂບກ(ຂະເໝນຮຽກວ່າ “ສຽມໂບກ” ເຊັ່ນດຽວກັນແສນປາງ ຂະເໝນຮຽນສຽມປາງ) ມີດອນໜຶ່ງຊື່ວ່າ “ດອນຊ້າງ” ໃຫຍ່ແທ້ໆແຕ່ບໍ່ມີຄົນຢູ່ໜາແໜ້ນ ຜູ້ຂຽນເຄີຍເຫັນແຕ່ບໍ່ເຄີຍຂຶ້ນໄປ ຖາມຄົນລາວຊຽງແຕງບອກວ່າ “ດອນຊ້າງ” ແຕ່ພາສາຂະເໝນຮຽກວ່າ “ເກຣາະດຳເດີຍ” ອັນນີ້ສະແດງໃຫ້ເຫັນວ່າດອນໂຂງນີ້ ຄົງຈະມີຊື່ວ່າດອນຊ້າງ ເພາະຄຳວ່າ “ໂຂງ” ມີຄວາມໝາຍໃກ້ຄຽງກັບຊ້າງ ດັ່ງທີ່ກ່າວແລ້ວ ຈັ່ງໃດກໍຕາມຫາກທ່ານໃດມີຄວາມເຫັນເປັນຕ່າງ ຫຼືເພີ່ມຕື່ມໄດ້ຍິນດີນ້ອມຮັບ ຂໍ້ຄິດເຫັນນັ້ນຖ້າມີເງືອນໄຂທີ່ຈະປະກອບບົດຄວາມນີ້ໄດ້ ຜຂ ຈະຖືເອົາເປັນຫຼັກຖານເພື່ອເຮັດບົດຂຽນນີ້ດີຍິ່ງຂຶ້ນ.

ຮັກທີ່ຫ່າງໄກ( ສາວຫລັກ7)

ຂຽນເມື່ອ: ພ.ຈ.. 23, 2010 | ມີ 1 ຄຳເຫັນ ແລະ 0 trackback(s)

ຄວາມຮັກຫລືຄວາມຝັນທີ່ກຳລັງລ່ອງລອຍໄປສູ່ນະພາອັນກ້ວາງໄກ
ໄປຊອກຫາຈຸດຈອດຂອງຫົວໃຈ ບໍ່ຮູ້ວ່າເມືອ່ໃດຊິໄດ້ພົບຊິໄດ້ເຫັນ
ຈະຊ້າຫລືໄວ ຫລືອາດຊິບໍ່ໄດ້ພົບເລີຍ ທຸກໆຄຳຖາມມີຄຳຕອບ
ແຕ່ຄຳຕອບນັ້ນຢູ່ທີ່ຍິງຄົນນັ້ນ “ສາວຫລັກ7”

ຮັກຂອງເຮົາຄັ້ງນີ້.................ອາດພຽງແຕ່ຄວາມຝັນ
ຍ້ອນວ່າພົມແດນກັນ..............ຂີດຂະໜານຕັນໄວ້
ກຳແພງດິນ ບໍ່ໃຫ້ເຮົາສິດໃກ້...ກຳແພງໄວພັດແລ່ນສອດ
ແຕ່ຫົວໃຈ ມັນຫາກລອດຜ່ານໄດ້..ໄປຫານ້ອງບໍ່ວ່າງວັນ

ເຖິງວ່າດິນຟ້າກັ້ນ.................ຕັນປ່ອງທາງເດີນ ກໍ່ຕາມຖ້ອນ
ໃຈເຫາະເຫີນເວຫາ...............ຜ່ານນະພາໄປຫານ້ອງ
ເຖິງຈະນອນໃນຫ້ອງ..............ຄົນລະແດນແຄວ້ນຕ່າງ
ຫົວໃຈຊາຍຂໍຢູ່ຂ້າງ...............ບໍ່ວາງນ້ອງໃຫ້ປ່ຽວດາຍ ດອກນາ

ຖ້ານ້ອງຄຶດຮອດອ້າຍ.............ໃຫ້ຫລຽວເບິ່ງເດືອນດາວ
ສາຍຕາສອງຄົນເຮົາ..............ຊິພົບກັນຢູ່ບົນຟ້າ
ຢ້ານນະພາທາງນັ້ນ................ຊິເຫັນດາວດວງດຽວກັນ..ກັບອ້າຍບໍຫລືບໍ່
ສາຍຕາເຮົາອາດຊິພໍ້..............ກັນແທ້ຫາກແມ່ນບຸນ

ເຖິງວ່ານ້ອງຢູ່ພຸ້ນ..................ແຕ່ໃຈພີ່ຫວນຫາ ແທ້ໃດ
ອ້າຍເມີ່ມອງນະພາໃສ.............ຂອບຟ້າໄກທາງນັ້ນ
ໃນຄ່ຳຄືນຈັນແສງຈ້າ..............ລົມໂຊຍມາພັດຜ່ານ
ນັ່ງກອດເຂົ່າຢູ່ປາຍຊານ....ເບິ່ງເມກໄຫລເລື່ອນຟ້າ..ຢາກເຫັນໜ້າຜູ້ຢູ່ໄກ ແທ້ເດ

ຄວາມຮັກນ້ອງ ແລະ ອ້າຍ......ບໍ່ໝາຍຫ່າງໄລລາ
ຈິ່ງຝາກກອນກະວີມາ..............ເພື່ອອ່ານເຫັນສານອ້າຍ
ຝາກອອນລາຍລົງກ້ຳ..............ອິນລາວໃຫ້ນ້ອງອ່ານ..
ໃຫ້ຮູ້ວ່າຄົນຢູ່ບ້ານ....ຄິດຮອດນ້ອງທຸກຄ່ຳເຊົ້າ...ຢາກມີເຈົ້າຢູ່ຄຽງ ພີ່ເດ

ຮັກ ແລະ ຄິດເຖິງສະເໝີ
ໜຸ່ມໃຕ້

ໝາຈິງຈອກຢາກເປັນຜູ້ນຳ

ຂຽນເມື່ອ: ພ.ຈ.. 23, 2010 | ມີ 6 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

------ໃນສະມັຍນຶ່ງ ພຣະພຸທທະເຈົ້າ ປະທັບຢູ່ວັດເວລຸວັນ ເມືອງຣາຊຄຣຶຫ໌ ທຣົງປຼາຣົພກັບ

ພຣະເທວະທັຕ ຜູ້ສະແດງທ່າທາງຢ່າງພຣະອົງຄ໌ ໄດ້ຕຣັສອະດີຕນິທານມາເລົ່າໃຫ້ຟັງ..

----ກາລຄັ້ງນຶ່ງນານມາແລ້ວ ພຣະໂພທິສັຕວ໌ເກີດເປັນຣາຊສີຫ໌ ອາສັຍຢູ່ໃນຖ້ຳທອງ ໃນປ່າຫິມະພານຕ໌ ມື້ນຶ່ງ ອອກຈາກຖ້ຳທອງ ໄປຫາອາຫາຣ ໄດ້ຄວາຍໃຫຍ່ ໂຕນຶ່ງ ກິນເນື້ອແລ້ວ ໄປກິນນ້ຳທີ່ສຼະນ້ຳແຫ່ງນຶ່ງ ໃນຂະນະທີ່ຢ່າງຄືນຖ້ຳ ໄດ້ພົບສຸນັຂ ຈິ້ງຈອກໂຕນຶ່ງ ໃນຣະຫວ່າງທາງ ສຸນັຂຈິ້ງຈອກຈຶ່ງຂໍອາສາ ເປັນຜູ້ຮັບໃຊ້ ຣາຊສີຫ໌ດ້ວຍຄວາມຢ້ານຕາຍ ຕັ້ງແຕ່ນັ້ນເປັນຕົ້ນມາ ສຸນັຂຈິ້ງຈອກກໍໄດ້ກິນເນື້ອ ຂອງເຫງື່ອນ ຣາຊສີຫ໌ຢ່າງອິ່ມຫນຳສຳຣານຍ໌ ມັນມີຫນ້າທີ່ຂຶ້ນຍອດເຂົາ ໄປເບິ່ງສັຕວ໌ທີ່ຈະເປັນອາຫາຣ ແລ້ວກັບລົງມາບອກພຣະຍາຣາຊສີຫ໌ວ່າ “ ຂ້າພະເຈົ້າ ຢາກກິນເນື້ອແບບນັ້ນ ນາຍທ່ານ ຈົງແຜດສຽງເຖີດ “ ພຣະຍາຣາຊສີຫ໌ກໍຈະໄປຈັບສັຕວ໌ໂຕນັ້ນ ມາເປັນອາຫາຣ ບໍ່ວ່າຈະເປັນສັຕວ໌ຊະນິດໃດ ເຊັ່ນ ເສືອ ຊ້າງ ກະທິງແດງ

------ພໍເວລາຜ່ານໄປຫຼາຍປີ ສຸນັຂຈິ້ງຈອກພະຫຍອງ ໄດ້ໃຈເກີດຄວາມຄຶດວ່າ “ ແມ້ໂຕເຮົາ ກໍເປັນສັຕວ໌ ມີ ໔ ຕີນຄືກັນ ເຫຕຸໃດ ຈະໃຫ້ຜູ້ອື່ນລ້ຽງຢູ່ທຸກມື້ລະ ນັບແຕ່ນີ້ເປັນຕົ້ນໄປ ເຮົາຈະຂ້າຊ້າງເປັນອາຫາຣກິນເອງ ແມ້ແຕ່ຣາຊສີຫ໌ ກໍເພາະອາສັຍເຮົາບອກວ່າ ເຊີນຍ໌ທ່ານແຜດສຽງເຖີດ ເທົ່ານັ້ນ ກໍຈຶ່ງຂ້າສັຕວ໌ຕ່າງໆໄດ້ ຕໍ່ແຕ່ນີ້ ເຮົາຈະໃຫ້ຣາຊສີຫ໌ເວົ້າກັບເຮົາຄືກັນ “ ໄດ້ເຂົ້າໄປຫາຣາຊສີຫ໌ແລ້ວບອກເຣື່ອງນັ້ນ

------ແມ້ຖືກພຣະຍາຣາຊສີຫ໌ເວົ້າເຍາະເຍີ້ຍວ່າ “ ເປັນໄປບໍ່ໄດ້ “ ກໍຕາມ ແຕ່ສຸນັຂຈິ້ງຈອກ ກໍຄົງຈູ້ຈີ້ຢູ່ຈັ່ງຊັ້ນ ພຣະຣາຊສີຫ໌ເມື່ອບໍ່ອາຈຫ້າມມັນໄດ້ ກໍຮັບຄຳ ໃຫ້ສຸນັຂຈິ້ງຈອກນອນໃນທີ່ນອນຂອງຕົນ ແລ້ວໄປຈອບເບິ່ງຊ້າງຕົກມັນທີ່ເທິ່ງພູເຂົາ ພົບແລ້ວ ກໍກັບເຂົ້າມາບອກສຸນັຂຈິ້ງຈອກວ່າ “ ຈິ້ງຈອກເອີ້ຍ ເຊີນຍ໌ແຜດສຽງເຖີດ “

------ສຸນັຂຈິ້ງຈອກ ອອກຈາກຖ້ຳທອງ ຊັ່ນຂົນ ເບິ່ງທິສທັ້ງ ໔ ຫອນຂຶ້ນສາມເທື່ອ ແລ່ນໂດດເຂົ້າກັດຊ້າງ ຫວັງທີ່ກ້ານຄໍຊ້າງ ກັບພຼາດໄປຕົກທີ່ໃກ້ຕີນຊ້າງ ຊ້າງຈຶ່ງຍົກຕີນຂວາຂຶ້ນ ໄປຢຽບຫົວຈິ້ງຈອກ ຈົນຫົວກະໂຫລກແຕກໝຸ່ນລະອຽດ ແລ້ວເອົາຕີນຄຶງຮ່າງຂອງມັນ ເຮັດເປັນກອງໄວ້ແລ້ວ ຫງ່ຽວຮາດໃສ່ ຮ້ອງກັມປະນາທເຂົ້າປ່າໄປ ພະຍາຣາຊສີຫ໌ເຫັນຈັ່ນຊັ້ນແລ້ວ ຈຶ່ງກ່າວຄາຖານີ້ວ່າ

----“ ມັນສະໝອງຂອງເຈົ້າໂຫຼ້ນອອກມາ ກະໝ່ອມຂອງເຈົ້າກໍຖືກທຳລາຍ ດູກຂ້າງຂອງເຈົ້າ ກໍຫັກໝົດແລ້ວ ມື້ນີ້ ເຈົ້າເບິ່ງຣຸ່ງໂຣຈນ໌ເຫລືອເກີນ “

ນິທານເຣື່ອງນີ້ສອນໃຫ້ຮູ້ວ່າ: ຢ່າຄຶດເຮັດຫຍັງ ເກີນກຳລັງຄວາມສາມາຖຂອງຕົນເອງ

ຄວາມຮັກມີຈັກແບບ ?

ຂຽນເມື່ອ: ຕ.ລ.. 10, 2010 | ມີ 7 ຄຳເຫັນ ແລະ 0 trackback(s)

ໜວດໝູ່: ຄວາມຮັກ

ຄວາມຮັກເກີດຂື້ນມາໃນຫຼາຍໆຮູບແບບເຊັນ: ຮັກພໍ່,ຮັກແມ່,ຮັກອ້າຍເອື້ອຍນ້ອງ,ປ້າລຸງອາວອາ,ວົງສາຄະນາຍາດ.ຮັກຜົວ,ຮັກເມຍ,ຮັກຜູ້ບາວ,ຮັກຜູ້ສາວ ແຕ່ໜວດໃຫ່ຍໆມີຈັກປະເພດ ຄືປະເພດໃດແດ່ ?

ອິດທິບາດ ເສັ້ນທາງສູ່ຄວາມສຳເລັດ

ຂຽນເມື່ອ: ຕ.ລ.. 9, 2010 | ມີ 2 ຄຳເຫັນ ແລະ 0 trackback(s)

ໜວດໝູ່: ອື່ນ ໆ

[size=15pt][color=blue]ອິດທິບາດ[/color][/size]

[color=brown]ສັນທະ : [size=12pt]ຄວາມພໍໃຈ ໝາຍເຖິງພໍໃຈໃນວຽກຕົນກະທຳຢູ່ ເຖິງວ່າວຽກງານຈະລຳບາກກໍ່່ບໍ່່ທໍ້ຖອຍ ເພື່ອໃຫ້ສຳເລັດໃນສິ່ງທີ່ຕົນປາດຖະໜາ ຄືວຽກທື່ຕົນເອງມັກແລະພໍໃຈ.[/size]

ວິຮິຍະ : ຄວາມພາກພຽນພະຍາຍາມ ໝາຍເຖິງດຸໝັ່ນຂະຫຍັນ ໃຊ້ຄວາມພາກພຽນພະຍາຍາມ ອູດສະຫະເປັນໂຕຕັ້ງ ໃນວຽກງານທີເຮົາມັກໃຫ້ສຳເລັດ

ຈິດຕະ : ຄວາມເອົາໃຈຈົດຈໍ່ ໝາຍເຖິງ ການເອົາໃຈໃສ່ໃນສິ່ງນັ້ນ ບໍ່່ວ່າຈະກະທຳການໃດໃດ ກໍ່ເອົາໃຈຄິດຕໍ່່ວຽກທີ່ກຳລັງເຮັດຢູ່ຕະຫຼອດເວລາ ເພື່ອບໍ່ໃຫ້ຫຼົງລືມ

ວິມັງສາ:[/color]ໄຕ່ຕອງພິຈາລະນາເຫດຜົນ ໝາຍເຖິງ ໝັ່ຄົ້ນຄິດພິຈາລະນາ ປະເມີນຜົນໃນສິ່ງນັ້ນ ຄື ວຽກງານທີ່ກຳລັງກະທຳຢູ່ນັ້ນ

ວ່າ ມີຈຸດດີ ຈຸດອ່ອນ ຂໍ້ຄົງຄ້າງ ບ່ອນໃດຄວນປັບປຸງແກ້ໄຂ ໃຫ້ເທດເໝາະ ແລະຫາກົນລະຍົດວິທີການ ທີ່ຈະເຮັດໃຫ້ວຽກງານນັ້ນ ສຳເລັດຕາມເປົ້າ

ໝາຍໃດ້.

ລາຍໃດ້ປະຊາຊາດແມ່ນຫັຍງ ?

ຂຽນເມື່ອ: ຕ.ລ.. 5, 2010 | ມີ 9 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ລາຍໃດ້ປະຊາຊາດ(National Income=NI) ໝາຍເຖິງ

ມູນຄ່າລວມຂອງສິນຄ້າແລະບໍລິການຂັ້ນສຸດທ້າຍທີ່ປະຊາຊາດຜະລິດໃດ້ໃນ ໑ ປີ ໂດຍຫັກຄ່າໃຊ້ຈ່າຍໃນການໃຊ້ທືນ ແລະພາສີທາງອ້ອມ(Indirect tax)

ການວັດແທກລາຍໃດ້ປະຊາຊາດໃນ ໗ ຂັ້ນ

໑. ຜະລິດຕະພັນພາຍໃນປະເທດເບື້ອງຕົ້ນ:(Gross Domestic Products) GDP

ໝາຍເຖິງ ມູນຄ່າລວມຂອງຜະລິດຕະພັນຂັ້ນສຸດທ້າຍທີ່ຜະລິດຂື້ນໃນອານາເຂດຂອງປະເທດນັ້ນໆ ໃນໄລຍະເວລາ ໑ ປີ ໂດຍລວມມູນຄ່າຂອງສິນຄ້າແລະບໍລິການ ທີ່ຊາວຕ່າງຊາດຜະລິດຂື້ນໃນປະເທດເຂົ້າໄປອີກ.

໒. ຜະລິດຕະພັນປະຊາຊາດເບື້ອງຕົ້ນ :(Gross National Products) GNP

ໝາຍເຖິງ ມູນຄ່າລວມຂອງສິນຄ້າແລະບໍລິການຂັ້ນສຸດທ້າຍທີ່ປະຊາຊາດຜະລິດຂື້ນ(ໂດຍພົນລະເມືອງຂອງປະເທດເທົ່ນັ້ນ) ໃນໄລຍະ ໑ ປີ

໓. ຜະລິດຕະພັນປະຊາຊາດສຸດທິ :Net National Products) NNP

ໝາຍເຖິງ ມູນຄ່າລວມຂອງສິນຄ້າ ແລະ ບໍລິການຂັ້ນສຸດທ້າຍເຊິ່ງຄິດຕາມລາຄາຕະຫຼາດ ທີ່ປະຊາຊາດຜະລິດໃດ້ໃນໄລຍະ ໑ ປີ ໂດຍຫັກຄ່າເສື່ອມລາຄາ ຂອງຊັບພະຍາກອນອອກແລ້ວ.

໔. ລາຍໃດ້ປະຊາຊາດ:(National Income) NI

(ດັ່ງສະເໜິແລ້ວໃນເບື້ອງຕົ້ນ)

໕. ລາຍໃດ້ສ່ວນບຸກຄົນ:(Personal Income) PI

ໝາຍເຖິງ ລາຍໃດ້ຕໍ່ບຸກຄົນທັງໝົດໃນປະເທດກ່ອນຫັກພາສີ ໂດຍລວມທັງລາຍໃດ້ທີ່ເປັນຜົນຕອບແທນ ຂອງປັດໄຈການຜະລິດ ໃດ້ແກ່ :ຄ່າຈ້າງ ຄ່າເຊົ່າ,ດອກເບ້ຍ ແລະ ກຳໄລ.

໖. ລາຍໃດ້ສ່ວນບຸກຄົນສຸດທິ :(Disposable Income) DI

ໝາຍເຖິງ ລາຍໃດ້ສ່ວນບຸກຄົນສາມາດນຳໄປໃຊ້ຊື້ສິນຄ້າແລະບໍລິການຕົວຈິງ ເຊິ່ງເປັນລາຍໃດ້ທີ່ຫັກຄ່າພາສີສ່ວນບຸກຄົນປະເພດຕ່າງໆອອກໝົດແລ້ວ.

໗. ລາຍໃດ້ສະເລຍຕໍ່ຄົນ:(Per capital Income)

ໝາຍເຖິງ ລາຍໃດ້ສະເລຍຂອງບຸກຄົນໃນປະເທດ ວິທີຫາລາຍໃດ້ສະເລຍຕໍ່ບຸກຄົນ ຫາໃດ້ ໂດຍເອົາລາຍໃດ້ປະຊາຊາດ ຫານດ້ວຍປະຊາກອນທັງໝົດ .

ດັ່ງນັ້ນການຄຳນວນລາຍໄດ້ປະຊາຊາດຈື່ງເຮັດໃດ້ ໓ ວິທີ ຄື:

໑. ການຄຳນວນຈາກຜົນຜະລິດ.(Product Approach)

໒. ການຄຳນວນຈາກລາຍໃດ້. (Income Approach)

໓. ການຄຳນວນຈາກລາຍຈ່າຍ. (Expenditure Approach)

ການສຶກສາອົບຮົມແນວຄິດຜ່ານວຽກງານວັດທະນະທຳ

ຂຽນເມື່ອ: ຕ.ລ.. 5, 2010 | ມີ 7 ຄຳເຫັນ ແລະ 0 trackback(s)

ໜວດໝູ່: ຄວາມຮູ້ທົ່ວໄປ

ວຽກງານວັດທະນະທຳ ແມ່ນວຽກງານໜຶ່ງທີ່ກ້ວາງຂວາງ ແລະ ກວມເອົາທຸກຂົງເຂດວຽກງານ ໃນຄວາມໝາຍກ້ວາງຂວາງວຽກງານດ້ານວັດທະນະທຳບໍ່ພຽງແຕ່ເຈາະຈົງ ສີລະປະການສະແດງ ,ການເຄື່ອນໄຫວບັນເທີງ ,ວຽກງານວັນນະກຳ,ວັນນະຄະດີ,ພິພິທະພັນວັດຖຸບູຮານ ,ຫໍສະໝຸດພິມຈຳໝາຍ ແລະອື່ນໆ ເທົ່ານັ້ນ ແຕ່ມັນມີຄວາມສຳນຶກລວມກ່ຽວກັບວັດທະນະທຳ ເຊີ່ງແມ່ນຄຸນຄ່າລວມຍອດຜະລິດຕະພັນວັດຖຸ ແລະ ຈິດໃຈທີ່ມະນຸດເປັນຜູ້ສ້າງຂຶ້ນໃນຂະບວນວິວັດປະຫັວດສາດອັນຍາວນານ ເຫດນັ້ນວັດທະນະທຳຈຶ່ງມີບົດບາດໃນການສ້າງສັນ ຫໍ່ຫຼອມຈິດໃຈຂອງຄົນ ຈິ່ງເກີດມີຄວາມເຊື່ອໝັ້ນແລະອຸດົມການ.

ພັກເຮົາໃດ້ຢືນຢັ້ງວ່າ: ວັດທະນະທຳເປັນພືນຖານແຫ່ງການຄົງຕົວ ແລະຂະຫຍາຍຕົວຂອງຊາດ ,ເປັນກຳລັງດັນໃຫ້ສັງຄົມມີການພັດທະນາ ແລະເປັນຈຸດມຸງໝາຍໃນການພັດທະນາສັງຄົມ ກອງປະຊຸມປະຈຳປີ ໑໙໙໓ ທ່ານ ຄຳໄຕ ສີພັນດອນ ປະທານພັກ ປະທານປະເທດ ໃດ້ເນັ້ນວ່າ '' ພັກເຮົາຍາມໃດກໍ່ຖືວ່າວັດທະນະທຳເປັນສະໝາມຮົບໜຶ່ງ ໃນພາລະກິດຂອງຕົນ ແລະພະນັກງານ ວັດທະນະທຳ ,ນັກສີລະປິນທັງໝົດແມ່ນນັກຮົບປະຕິວັດ ,ຖືວັດທະນະທຳເປັນກຳລັງ ແລະເປັນທັງເປົ້າໝາຍແຫ່ງການພັດທະນາເສດຖະກິດສັງຄົມຂອງປະເທດຊາດ...

ມະຕິກອງປະຊຸມຄັ້ງທີ ໗ ຢືນຢັນວ່າ: ຈຸດໝາຍການພັດທະນາວັດທະນະທຳ ແລະສ້າງຄວາມສີວິໄລທາງດ້ານຈິດໃຈ ແມ່ນເຮັດໃຫ້ຄົນໃນສັງຄົມມີໂລກະທັດ ມີຊີວະທັດອັນກ້າວໜ້າແລະສົດໃສ ແລະມີຄ່ານິຍົມຖືກຕ້ອງ.

ບົນພື້ນຖານແນວທາງວັດທະນະທຳຂອງພັກ ແລະອີງໃສ່ສະພາວະຄວາມເປັນຈິງ ,ເງື່ອນໄຂ ,ຄວາມສາມາດ ແລະສິ່ງແວດລ້ອມພາຍໃນ ແລະສາກົນນັ້ນ ເຄື່ອນໄຫວປະຕິບັດງານດ້ານວັດທະນະທຳ ໃດ້ມີຄຸນປະໂຫຍດໃຫ່ຍຫຼວງ,ປະກອບສ່ວນເຂົ້າໃນການສຶກສາອົບຮົມການເມືອງແນວຄິດຂອງຄົນລາວເປັນຕົ້ນແມ່ນການເຄື່ອນໄຫວ ສີລະປະ,ວັນນະຄະດີອື້່ນໆ... ປະກອບສ່ວນສຶກສາອົບຮົມນຳ້ໃຈຮັກຊາດ ,ຮັກລະບອບໃໝ່,ນຳ້ໃຈສາມັກຄີໃນວົງຄະນາຍາດແຫ່ງຊາດແລະຄວາມຫ້າວຫັນຈັດຕັ້ງປະຕິບັດແນວທາງປ່ຽນແປງໃໝ່ ປະກອບສ່ວນໃນການອົບຮົມແນວຄິດ,ສາມັກຄີ,ການປ້ອງກັນຄວາມສະຫງົບ ຈັນຍາທຳ ,ກໍ່ຄືການດຳເນີນໂຄງການສ້າງຄອບຄົວບ້ານວັດທະນະທຳຢູ່ຂັ້ນຮາກຖານ.

ການອະນຸລັກຮີດຄອງປະເພນີ ແລະເຮັດບຸນປະເພນີທີ່ດີງາມເຊີ່ງມີບົດບາດໃນການສຶກສາອົບຮົມ ,ອະນຸລັກຮັກສາຊີວິດວັດທະນະທຳ ທີ່ດີງາມຂອງຊາດແລະອະຣິຍະທຳທາງດ້ານຈິດໃຈ.

ການສຳຫຼວດຄົ້ນຄ້ວາວັດຖຸບູຮານ ປູສະນິຍະຖານ,ຮ່ອງຮອຍປະຫວັດສາດທີ່ມີຄຸນຄ່າສູງເປັນມໍລະດົກວັດທະນະທຳແຫ່ງຊາດ ເພື່ອໃຫ້ໃດ້ເຫັນຂໍ້ມູນປະຫັວດສາດ,ຄວາມດຸໝັ່ນການອອກແຮງງານ ແລະມູນເຊື້ອຄວາມສາມັກຄີຕໍ່ສູ້ຢ່າງພິລະອາດຫານ ຂອງປູ່ຢາຕາຢາຍຂອງຊາດລາວເຮົາ.

ການຄົ້ນຄ້ວາຂຽນເປັນປື້ມ ແລະ ພິມຈຳໜ່າຍກ່ຽວກັບວັດທະນະທຳລາວ ,ພາສາລາວ,ບົດປະພັນວັດທະນະທຳຕ່າງໆ ເປັນການປະກອບສ່ວນອະນຸລັກຮັກສາ ແລະເສີມຂະຫຍາຍການປະດິດແຕ່ງ ,ສຶກສາອົບຮົມຄົນລາວ ,ເອກອ້າງໃນຄວາມເປັນຊາດທີ່ມີພາສາ ແລະ ວັດທະນະທຳເຫິງນານ.

ເຖິງວ່າການເຄື່ອນໄຫວວັດທະນະທຳທີ່ຜ່ານມາມີຄວາມສຳຄັນ ມີປະໂຫຍດໃນການສຶກສາອົບຮົມແນວຄິດຂອງຄົນໃນສັງຄົມໃຫ້ກາຍເປັນພົນລະເມືອງດີ ມີອະຣິຍະທຳທາງດ້ານຈິດໃຈສູງຂື້ນແລ້ວກໍ່ ຕາມ ຖ້າປຽບໃສ່ຄວາມຮຽກຮ້ອງຕ້ອງການຂອງວັດທະນະທຳໃນປັດຈຸບັນແລ້ວ ເຫັນວ່າມີຫຼາຍບັນຫາທີ່ຕ້ອງໃດ້ເອົາໃຈໃສ່ເປັນຕົ້ນແມ່ນ:

- ມະຫາພາບບໍ່ທັນມີຍຸດທະສາດກ່ຽວກັບກ່ານອະນຸລັກຮັກສາ ສົ່ເສີມແລະພັດທະນາວັດທະນະທຳຂອງຊາດ .

- ການຄຸ້ມຄອງແກ້ໄຂບັນຫາຍັງພໍໃຜພໍລາວ ບໍ່ທັນມີການປະສານງານໜັກແໜ້ນແລະເດັຂາດ.

- ຄວາມຮັບຮູ້ກ່ຽວກັບການສ້າງຄອບຄົວແລະບ້ານວັດທະນະທຳບໍ່ທັນເລິກເຊິ່ງ ຈິ່ງເຮັດໃຫ້ການຈັດຕັ້ງປະຕິບັດຂອງຄະນະພັກ,ອຳນາດການປົກຄອງ ແລະທຸກພາກສ່ວນໃນສັງຄົມບໍ່ເກີດໝາກຜົນ ເຣັດໃຫ້ບ້ານວັດທະນະທຳຂະຫຍາຍຕົວບໍ່ຫຼາຍ.

- ວັດຖຸບູຮານ,ປູສະນິຍະຖານ ສະຖານທີ່ປະຫວັດສາດ ຍັງບໍ່ທັນຖືກຄົ້ນຄວ້າ,ຂົດຄົ້ນສຳຫຼວດໃດ້ໝົດ,ແລະຈຳນວນທີ່ຄົ້ນພົບແລ້ວກໍ່ບໍ່ໄດ້ຮັບການປະຕິສັງຂອນເທົ່າທີ່ຄວນ ບວກໃສສະຕິເປັນເຈົ້າໃນການ ປົກປັກຮັກສາ ເຮັດໃຫ້ວັດຖຸບູຮານຈຳນວນໜຶ່ງຖືກລັກລອບໄປເປັນຕົ້ນແມ່ນ: ຄ້ອງແລະພຣະພຸດທະຮູບທີ່ມີຄຸນຄ່າຂອງຊາດ.

ທັງໝົດທີ່ກ່າວມານັ້ນ ແມ່ນສືບເນື່ອງມາຈາກຫຼາຍສາເຫດ ເຊີ່ງໃນນັ້ນບັນຫາສິ່ງເວດລອ້ມກົນໄກເສດຖະກິດ ກໍ່ແມ່ນສາເຫດໜື່ງທີ່ພາໃຫ້ເກີດມີການຊັ່ງຊາປຽບທຽບໃນຖັນແຖວຂອງພະນັກງານ ວັດທະນະທຳກັບພະນັກງານໃນຂົງເຂເອື່ນ (ຄັດຫຍໍ້ຈາກປື້ມ ລາວສຶກສາ )

ເປັນມະນຸສຍ໌ຫຼືເປັນຄົນ

ຂຽນເມື່ອ: ກ.ຍ.. 24, 2010 | ມີ 12 ຄຳເຫັນ ແລະ 0 trackback(s)

ໜວດໝູ່: ກາບກອນ

ເປັນມະນຸດເປັນໃດ້ເພາະໃຈສູງ ເໝືອນນົກຍູງມີດີທີ່ແວວຂົນ

ຖ້າໃຈຕ່ຳເປັນໃດ້ພຽງແຕ່ຄົນ ຍ່ອມເສຍທີທີ່ຕົນໃດ້ເກີດມາ

ໃຈສະອາດໃຈສະຫວ່າງໃຈສະຫງົບ ຖ້າມີຄົບຄວນຮຽກມະນຸສຍ໌ສາ

ເພາະເຮັດຖືກເວົ້າຖືກທຸກເວລາ ຄືນຫັນສາຄືນວັນສຸກສັນຈິງ

ໃຈສົກກະປົກມືດມົວແລະໝອງເສົ້າ ໃຜມີເຂົ້າຄວນຮຽກວ່າຜີສິງ

ເພາະເວົ້າຜິດເຮັດຜິດຈິດຄະນິງ ແຕ່ໃນສິ່ງນຳຕົວກົວອະບາຍ

ຄິດເບິ່ງເຖີດຖ້າໃຜບໍ່ຢາກຕົກ ຈົ່ງຮີບຍົກໃຈຕົນຮີບຂົນຂວາຍ

ໃຫ້ໃຈສູງເສຍໃດ້ກ່ອນຕົວຕາຍ ກໍ່ສົມໝາຍທີ່ເກີດມາຢ່າງສົມບູນ.

ກອນ

ຂຽນເມື່ອ: ກ.ຍ.. 24, 2010 | ມີ 5 ຄຳເຫັນ ແລະ 0 trackback(s)

ໜວດໝູ່: ກາບກອນ

ມັກຜົນສະໄໝໃໝ່ມີໃຜຮູ້ ໃດ້ພິສູດປະຕິບັດແລ້ວຫຼືບໍ່

ພຽງແຕ່ຈຳແລ້ວສອນປາກບອນໄປ ສະໃໝໃດກິນນ້ຳຕານບໍ່ຫວານເອີຍ

ຄົນໂງ່ດອກບອກມັກຜົນພົ້ນສະໃໝ ບໍ່ສົນໃຈທຳຈິງດັ່ງຄຳສອນ

ຮູ້ພຽງຈຳຮູ້ຈັກແລະໄຫ້ວວອນ ພະອົງສອນວ່າທັມມະບໍ່ລະກາລ

ຜູ້ຮູ້ຄຸນນັກປຣາຊຍ໌ ບໍ່ປະຫຼາດຕໍ່ສິ່ງໃດ

ໂດເດອວດຕາວັນ ຕໍນັ້ນກໍຄືຕໍັ

ກ່ອນເກີດ ບໍໍ່ຮູ້ວ່າມາຈາກໃສ

ເມື່ອຕາຍ ບໍ່ຮູ້ວ່າຈັກໄປບ່ອນໃດ

ເມື່ອມີຊີວິດຢູ່ ເຮົາຄວນເຮັດຫຍັງ

ຜູ້ມີປັນຍາຍ່ອມທຳຈິດທີ່ດິ້ນລົນຕະຫຼອດໄປ ໃຫ້ສະຫງົບ

ຄົນເກັ່ງມີມາກ ຄົນຫາຍາກຄືຄົນດີ

ບໍ່່ຖືກໃຈ ແຕ່ຕ້ອງໃຫ້ຖືກຕ້ອງ

ຝົນຍ່ອມຮົ່ວເຮືອນທີ່ມຸງບໍ່່ດີສັນໃດ ຣາຄະຍອ່ມຮົ່ວທີ່ຈິດໃຈບໍ່ໃດ້ອົບຮົມສັນນັ້ນ.

ດອກຮັງ ສາຍນ້ຳເຊໂດນ

ເບິ່ງທັງໝົດ

ອ່ານຄືນຫຼັງ

2012 (3)
2011 (24)
2010 (18)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.