ໜັງຂອງຄົນອີສານເຂົ້າໂຣງອີກເທື່ອໜຶ່ງແລ້ວ  ຂ້າພະເຈົ້າກະເລີຍໄດ້ໄປເບີ່ງຢູ່ໃນໂຣງໜັງ  ຊື່ເລື້ອງ ຄູບ້ານນອກ  ບ້ານໜອງຮີໃຫຍ່  ຕັ້ງຢູ່ຕຳບົນບ້ານໜອງຮຳໃຫຍ່  ເຊີ້ງບ້ານນີ້ເປັນບ້ານທຸລະກັນດານ  ແຕ່ວ່າເທົ່າທີ່ເບີ່ງຈາກເລື້ອງ  ສະຖານທີ່ຈັງແມ່ນເປັນບ່ອນດິນດຳນ້ຳຊຸ່ມດີ  ຂອງປ່າກະຈັ່ງແມ່ນຫາງ່າຍ  ແລະອີກຢ່າງໜຶ່ງນັ້ນແມ່ນທະນາຄານອອມສິນ  ຈັ່ງແມ່ນໂລໂກ້ທັນໃຫມຂະນາດ  ປະທັບໃຈຫຼາຍໆ ບົດຂອງນັກສະແດງ  ແຕ່ຄວາມມັກສ່ວນໂຕນັ້ນຂ້າພະເຈ້າມັກນາງເອກເລື້ອງນີ້ແຮ້ງ!!  ແຮງ  ຈັ່ງແມ່ນຜູ້ງາມຄັກ  ເຊີ້ງນັດບໍ່ຄ່ອຍເຫັນໜັງໄທຍ໌ທີ່ມີນາງເອກເວົ້າລາວ ໄດ້ຊັດແຈ໋ວແບບນີ້ຈັກເທື່ອ

ສ່ວນເລື້ອງພາສາທີ່ໃຊ້ນັ້ນ  ແມ່ນພາສາທີ່ຄົນອີສານໃຊ້ລົມກັນໃນຕອນນີ້ລ່ະ  ມັນເປັນພາສາອີສານລ້ວນໆ  ບາງເທື່ອກະໄທຍ໌  ໂດຍສະເພາະຍາມຄູນ້ອຍລົມກັນ

ການນຳກັບມາສ້າງໃຫມ່ໃນຄັ້ງນີ້ກະໄດ້ປ່ຽນຊື່ໂຕລະຄອນ  ປ່ຽນຊື່ໝູ່ບ້ານເປັນບ້ານໜອງຮີໃຫຍ່  ຈາກຜົນງານຜູ້ກຳກັບລູກອີສານຄົນເກົ່າ  ທ້າວສຸລະສີ  ຜາທັມ  ນອກຈາກນັ້ນຍັງມີນັກສະແດງສົມທົບ  ຄຳປານີ  ວົງທອງຄຳ  ນັກສະແດງສາວລາວຈາກ ສປປ.ລາວ  ທີ່ມີດີກຼີເປັນເຖີງນັກຮ້ອງສຽງເພງສາຍຣໍເຂົ້າໂທລະສັບມືຖື  ທີ່ມີຍອດດາວໂຫລດຫຼາຍເປັນອັນດັບໜຶ່ງຂອງປະເທດມາຮ່ວມສະແດງນຳ  ແລະຮັບບົດເປັນ  ລຳດວນ  ສາວງາມແຫ່ງໝູ່ບ້ານໜອງຮີໃຫຍ່  ແລ້ວຍັງເປັນຜົນງານຊິ້ນທຳອິດຂອງນາງຄຳປານີ ອີກຕ່າງຫາກ

ຈາກທີ່ຂ້າພະເຈົ້າໄດ້ເບີ່ງບົດບາດ  ຂ້າພະເຈົ້າກະເລີຍຕ້ອງຂໍແນະນຳຜົນງານການຫຼິ້ນໜັງຂອງລາວ  ມາເວົ້າສູ່ກັນຟັງ....

ອາຈານສຸລະສີ  ຜາທັມ  ຮູ້ຈັກກັບນາງຄົນນີ້ໄດ້ໂດຍວິທີໃດ໋?

ຄືທີ່ຜ່ານມາອາຈານໄດ້ເຮັດງານເຊື່ອມຄວາມສັມພັນວັດທະນະທັມກັບພີ່ນ້ອງຊາວລາວມາໂດຍຕະຫຼອດ  ອາຈານໄດ້ສ້າງໜັງກະບໍ່ລືມທີ່ຈະຄຶດຮອດພີ່ນ້ອງລາວ  ແລ້ວມັນກະມີບົດຂອງລຳດວນເຊີ້ງວ່າງຢູ່ພໍດີ  ເຊີ້ງກະມີພັກພວກເພື່ອນຂອງອາຈານໄດ້ເປັນຜູ້ແນະນຳຕິດຕໍ່ປະສານງານກັບຄຳປານີໃຫ້  ເຊີ້ງເຂົາເປັນເດັກທີ່ເຕີບໃຫຍ່ມາໃນແວດວົງສິນລະປິນໂດຍແທ້  ເຂົາມີຄວາມສາມາດພິເສດໃນການສະແດງນາດຕະສິນຕາມແບບແຜນຂອງລາວໄດ້ທຸກຮູບແບບ  ເຊີ້ງເຂົາກະເຄີຍມີປະສົບການພໍສົມຄວນແລ້ວ  ເຊັ່ນ  ເຂົາຢູ່ລາວກະເຄີຍຫຼິ້ນມິວສິກວີດີໂອໃຫ້ສິນລະປິນລາວ  ເປັນນັກຮ້ອງເພງສຽງຣໍສາຍ  ເປັນໂຕແທນປະເທດໄປສະແດງສິນລະປະວັດທະນະທັມທາງນາດຕະສິນຫຼາຍໆປະເທດ  ອາທິ  ຍີ່ປຸ່ນ  ຝຣັ່ງເສດກະເຄີຍໄປມາແລ້ວ  ອາຈານກະເລີຍຍົກບົດບາດລຳດວນນັກສະແດງຈາກລາວນີ້ໃຫ້ກັບນາງຄຳປານີ ນັ້ນເອງ...

ສ່ວນໃນດ້ານການສະແດງບົດໃນເລື້ອງນັ້ນຄຳປານີກະສະແດງໄດ້ດີອີຫລີ  ສາມາດຫຼິ້ນໄດ້ສົມບົດບາດການສະແດງ  ເຖີງແມ້ວ່າສິເປັນການຫຼິ້ນຫນັງຄັ້ງທຳອິດ  ກະສາມາດສ້າງນ້ຳຕາໃຫ້ກັບຄົນເບີ່ງຈາກບົດທີ່ລາວໄດ້ສະແດງ  ອີກປະການໜຶ່ງນັ້ນແມ່ນເປັນການເປີດໂຕນັກສະແດງຈາກປະເທດເພື່ອນບ້ານ  ເພື່ອມາຫຼິ້ນໜັງຢູ່ເມືອງໄທນັ້ນເອງ  ແຕ່ກະຫາໂອກາດໄດ້ຫຼິ້ນຍາກຖ້າບໍ່ແມ່ນຜູ້ກຳກັບລູກອີສານລູກເຂົ້າໜຽວໂດຍແທ້   ແລະກະນັ້ນແມ່ນໃນບົດ  ລຳດວນ (ຄຳປານີ) ຕ້ອງເວົ້າເປັນພາສາອີສານມີຫາງສຽງເປັນຄ່ະ  ນັ້ນເອງ

ຖ້າໃຜຢາກຊົມບົດບາດການຫຼິ້ນຫນັງຂອງຄົນລາວກະຂໍເຊີນມາເບີ່ງໄດ້ຖ້າມີໂອກາດ  ແຕ່ຖ້າບໍ່ມີເວລາກະຣໍແຜ່ນ  ຫຼືວ່າຣໍໂຫລດເອົາຢ່າງເດີຍວ...........

 

ຄຳເຕືອນ :  ຖ້າອ່ານບົດຂອງຂ້າພະເຈົ້າແລ້ວມີຄຳລາວປົນໄທຍ໌  ຂໍໃຫ້ລະໄວ້ໃນຖານທີ່ເຂົ້າໃຈ