• ·         ຄຳປາກພໍ່ແມ່ນີ້ຫນັກເກິ່ງທໍລະນີ ໃຜຜູ້ຢຳແຢງນົບຫາກຈັກດີເມືອຫນ້າ
•  
• ·         ຄັນແມ່ນມີຄວາມຮູ້ເຕັມພຸງພຽງປາກກໍ່ຕາມທ້ອນ ສອນຕົວເອງບໍ່ໄດ້ໃຜສິຍ້ອງວ່າດີ
•  
• ·         ຄັນແມ່ນມີຄວາມຮູ້ພາໂລເຮັດມັນບໍ່ແມ່ນ ຄວາມຮູ້ມີທໍ່ຟ້າສິເປັນບ້າທໍ່ແຜ່ນດີນ
•  
• ·         ຄັນໄດ້ຟັງຄຳເວົ້າຂົມໃນໆຢ່າຟ້າວຈົ່ມ ລາງເທື່ອຂົມຂີ້ເພ້ຍເມືອຫນ້າຫາກສິດີ
•  
• ·         ຢ່າຟ້າວຕິຕຽນເວົ້າຜັກກະເດົາຂົມຂື່ນ ບາດໄດ້ກິນລາບກ້ອຍຍັງສິໄດ້ໂອ້ອ່າວຫາ
•  
• ·         ຊາດທີ່ແນວນາມບົ້ງແປນໂຕກາສິຕອດກິນແລ້ວ ເຮັດໃຫ້ເປັນດັ່ງມ້ອນໄຍຫຸ້ມຫໍ່ໂຕ ໄວ້ເນີ
•  
• ·         ຊື່ວ່າຄວາມຕາຍນີ້ແຂວນຄໍທຸກບາດຢ່າງ ໃຜກໍ່ແຂວນອ້ອຍຕ້ອຍສະເຫມີດ້າມດັ່ງກັນ ນັ້ນແລ້ວ
•  
• ·         ທາງຫລາຍເສັ້ນຕາມໃຈຜູ້ສິໄຕ່ ເຈົ້າຫາກມັກເສັ້ນເວີ້ງທາງລ້ຽວກໍ່ຫາກມີ
•  
• ·         ເປັນຊາຍຂໍໃຫ້ເປັນຊາຍແທ້ຢ່າເປັນຊາຍແກມແຮ່ ຊາຍກໍ່ຊາຍແທ້ໆຕົມນັ້ນຢ່າໃຫ້ມີ
•  
• ·         ເປັນຍິງຂໍໃຫ້ເປັນຍິງແທ້ແນໄປໃຫ້ມັນທ່ຽງ ຍິງຂໍໃຫ້ຍິງແທ້ໆແນແລ້ວຈຶ່ງຄ່ອຍຍິງ
•  
• ·         ເຮືອນບໍ່ມີສີຫນ້າກາບິນມາມັນສິລ່ວງ ມີເຮືອນຄັນບໍ່ມີພໍ່ຢ້າວໂຈນສິຂຶ້ນລ່ວງຂອງ
•  
• ·         ຢ່າໃຫ້ເສຍແຮງໄດ້ເປັນຄົນນຳເພິ່ນ ຄົນໃຫ້ຄົນແທ້ໆຫນຽວຕຸ້ຍຈຶ່ງແມ່ນຄົນ
•  
• ·         ຢ່າໄດ້ຫວັງສຸກຍ້ອນບຸນເຂົາມາເພິ່ງ ສຸກກໍ່ສຸກເພິ່ນພຸ້ນບໍ່ມາກຸ້ມຮອດເຮົາ ດອກນາ
•  
• ·         ເຮືອຄາແກ້ງກວຽນເຫັນໃຫ້ກວຽນແກ່ ບາດວ່າໄປຮອດນ້ຳເຮືອສິໄດ້ແກ່ກວຽນ
•  
• ·         ຄິດໄປຫລາຍນັບມື້ຫຍຸ້ງມຸ່ງມາຄືຮາກໄຜ່ ຄິດໄປຫລາຍນັບມື້ພໍ້ພໍແລ້ວບໍ່ຢາກເຫັນ
•  
• ·         ຄັນວ່າໃຈປະສົງແລ້ວກາງດົງກໍ່ວ່າທົ່ງ ຄັນວ່າໃຈຂີ້ຄ້ານກາງບ້ານກໍ່ວ່າດົງ
•  
• ·         ໃຈປະສົງແລ້ວເມືອງແກວກໍ່ດັ້ນຮອດ ໃຈປະສົງຕໍ່ແກ້ວໃນຖ້ຳກໍ່ກົ່ນຫາ
•  
• ·         ໃຈບໍ່ໃສຕໍ່ແກ້ວແຍງເງົາກໍ່ບໍ່ສ່ອງ ໃຈບໍ່ໃສຕໍ່ຄ້ອງຕີໄດ້ກໍ່ບໍ່ດັງ
•  
• ·         ໃຈບໍ່ໂສດາດ້ວຍເວົ້າມ່ວນກໍ່ເປັນຜິດ ໃຈບໍ່ໂສດາດອມເວົ້າດີກໍ່ເປັນຮ້າຍ
  
•  
•    ເຮືອນບໍ່ມີສີໜ້າກາບິນມາມັນສິລ່ວງ ມຸງຫຍ້າຄັນບໍ່ມີຕອກລິ້ວສິໄປໝັ້ນຢູ່ບ່ອນໃດ
•  
• ·        ອິດູຕົນເປັດນ້ອຍຢາກນອນຄອນນຳໄກ່ ຕີນເປີ່ມເປິະເປີ່ມເປີ້ຍປີນຂຶ້ນພະລາດລົງ
•  
• ·        ອັນວ່າລາຍຄົນນີ້ມັນບໍ່ຄືລາຍເສືອສາງຊ້າງປ່າ ອະທິບາຍບໍ່ໄດ້ໃຈນັ້ນສ່ອງບໍ່ເຫັນ

ອັນວ່າສຸລາເຫລົ້າ.......ສິ່ງມືນເມົາຄືຢາຝິ່ນ

ກິນບໍ່ມີປະໂຫຍດແທ້.........ເປັນໄພຮ້າຍຕໍ່ຮ່າງກາຍ

ພາໃຫ້ອາຍຸສັ້ນ......................................ຜິວພັນເຫລືອງຫລ່າ

ຫາຄວາມສຸກ (ທີ່ແທ້ຈິງ) ບໍ່ໄດ້ ຄວນໃຫ່ຮິ່ນຕອງແດ່ທ້ອນ.......ທ່ານເອີຍ !!

++ ດວງມະນີໂຊດແກ້ວ...........ບໍ່ຫ່ອນເກີດທຸກຈອມຜາ

ດວງມຸກດາບໍ່ຫ່ອນມີໃນຕົວ..........ທຸກກຸນສະໂລຊ້າງ

ອັນວ່າຈັນຫອມນັ້ນ..............................ໃສຈະມີທຸກປ່າ

ນັກປາດບັນດິດຊົນຜູ້ຮູ້.................................ໃສຈະພໍ້ທຸກສະຖານ ເດນໍ ???

++ ບັນດິດຜູ່ປ່ຽມລົ້ນ................ວິຊາສາດຕະສິນສູງ

ຢູ່ແຫ່ງຫົນທາງໃດ...........................ຖິ່ນສະຖານໄກໃກ້

ໃຜຜູ້ປອງປະສົງຮູ້...................................ຮຽນວິຊາດອມທ່ານ

ມານະຂານເຄັ່ງເຂັ້ມ........................................ເດີນດັ້ນດຸ່ງຫາ ຊອບແລ້ວ

ອະທິບາຍ: ປະມານວ່າຂອງດີມີຫນ້ອຍ ຫາຍາກ ຂະຫນາດແກ້ວມຸກດາໄມ້ຈັນ

ຂອງມີຄ່າຕ່າງໆ ກະບໍ່ໄດ້ມີທຸກປ່າທຸກສະຖານ ບັນດິດກໍ່ເຫມືອນກັນຫາຍາກ

ແຕ່ຜູ້ໃດເຫັນນັກປາດແລ້ວ ເຂົ້າໄປສຶກສາຮ່ຳຮຽນຈາກທ່ານ ຄົນນັ້ນຈະປະເສີດແທ້ແລ

++ 1 ຫມື່ນ..............ຈຳນວນ 10,000 ສີບພັນ

++ 1 ໂກດ................ຈຳນວນ 10,000,000 ສິບລ້ານ

++ 1 ກື....................ຈຳນວນ 100,000,000 ຮ້ອຍລ້ານ ຫລື 10 ໂກດ

++ 1 ຕື້....................ຈຳນວນ 1,000,000,000 ພັນລ້ານ

++ 1 ຕິ່ວ.................ຈຳນວນ 10,000,000:000,000 ຫມື່ນລ້ານ

.................ປະຈຸບັນນີ້ ບໍ່ຄ່ອຍໃຊ້ປານໃດ ນອກຈາກທາງລັດຖະການ ບໍ່ຮູ້ວ່ານອກຈາກນີ້ມີຫຍັງອີກບໍ ??

+ຄົນເຮົາເວົ້າໄດ້ເພາະຫຍັງ ?......................................

+ແລ້ວເປັນຫັຍງເພີ່ນຈຶ່ງບໍ່ວ່າດີ ?.................................

+ຄົນເຮົາສາລະວົນເພາະຫຍັງ ?..................................

+ຄົນເຮົາເວົ້າຄືເພາະຫຍັງ ?........................................

+ເສືອ, ຊ້າງ, ພະຍາຕາຍເພາະຫຍັງ ?..........................

+ຄວາມດີມີຢູ່ໃສ ?...................................................

+ເຮົາເຫັນຄຸນແມວເມື່ອໃດ ?......................................

+ຍ້ອນຫຍັງຈຶ່ງບໍ່ໃຫ້ເວົ້າເລື່ອງການເມືອງ ?...................

+ຄົນເຮົາບໍ່ເຫັນແດນໄກເພາະຫຍັງ ?...........................

+ເປັນຫຍັງບ່າວລາວຈຶ່ງມັກໄປລົມສາວແກວ ?...............

+ຍິງຂີ້ຮ້າຍງາມເພາະຫຍັງ ?.......................................

..............ອື່ນໆ

ໃຜຕອບໄດ້ກະຕອບເລີຍ ໆໆໆໆ

++ ທາຍນິດໄສຈາກສີທີ່ທ່ານມັກ............................

Your preference for a certain color says something about your personality.

For example, if you like yellow, you are probably happy and outgoing,

you are also very productive. If your favorite color is blue, you are a calm person,

happy with your life, and at peace with other people. If you prefer red, you are very active

and love intense experiences. If green is your color, you work on  a healthy body

and a useful life. You also probably work to make society better.

In conclusion, your favorite color says alot about you.............

ມັກສີໃດ ຢ່າລືມຄອມເມັ້ນ...........

outgoing............ເປັນກັນເອງ

preference.............ຄວາມມັກ

productive..............ມີີຄວາມຄິດສ້າງສັນ

personality..............ບຸຸກຄະລິກກະພາບ

intense..............ຮຸນແຮງ

experience..............ປະສົບການ

ເປັນຍິງໃຫ້ໃຈອ່ອນນ້ອມ ຄຳເວົ້າອ່ອນຫວານ

ເຫມືອນດັ່ງນ້ຳພູ່ເຜິ້ງ ຫວານເລີງບໍ່ຮູ້ຫາຍ

ເປັນຍິງຢ່າໄດ້ປາກກ່າວຕ້ານ ຄຳກ້າກ່ວາຊາຍ

ໃຫ້ຄ່ອຍເອົາໃຈຕັ້ງຄຳບູຮານສອນສັ່ງ

ຮີດສິບສອງ ຄອງສິບສີ່ ຮິີດຍີ່ຄອງຈຽງໃຫ້ມັນຮູ້

ໃຫ້ມີໃຈອ່ອນນ້ອມ ປະສົງຕັ້ງຕໍ່ລູກຜົວ

ໃຫ້ຄຶດຢ້ານກົວຄຳຮ້າຍ ສ່ວນຄຳໃດດີໃຫ້ຄຶດຮ່ຳ

ຫມັ່ນກະທຳດີຢູ່ເລື້ອຍ ເມືອຫນ້າຫາກສິເຮືອງ

.......................

........................................

........................................................

++ ບໍ່ຮູ້ວ່າຫລາຍໆຄົນຍັງຈຳໄດ້ບໍ ແຕ່ສຳຫລັບຂ້າພະເຈົ້າແລ້ວ

ເປັນຫຍັງບຸ໋ !! ບໍ່ຈັກຄືກັນ ບໍ່ລືມຈັກເທື່ອ

ຫະຫະໆ ບໍ່ມີຫຍັງຫລາຍດອກ ມັນເປັນບົດທ່ອງປະຖົມຊື່ໆ

ກ່ຽວກັບວິທີກິນເຂົ້ານີ້ແຫລະ ເຊິ່ງ

ຄິດວ່າຕອນນີ້ຍັງຈຳຕິດປາກຢູ່

ກະເລີຍສິມາເລົ່າເບິ່ງວ່າມັນຖືກບໍ ???

ໃຜຈຳໄດ້ກະກວດແກ້ໃຫ້ແນ່ເດີ !!!

++ ເມື່ອກິນເຂົ້າບໍ່ຄວນກິນໄວ

ກິນອັນໃດຕ້ອງຫຍ້ຳໃຫ້ແຫລກ

ຄ້ຽວໃຫ້ແຕກອາຫານຍ່ອຍໄວ

ກືນລົງໄປຈຶ່ງບໍ່ເຈັບທ້ອງ

ເພາະຖືກຕ້ອງຫລັກອະນາໄມ

ເຮົາຕັ້ງໃຈເຮັດຕາມຄູສັ່ງ

ບໍ່ຟ້າວຟັ່ງຫຍ້ຳແຫລກຈຶ່ງກືນ

ຖ້າເຮົາຝືນກິນໄວ້ພ້າວໂພດ

ມັນໃຫ້ໂທດແຄ້ນເຂົ້າກໍ່ມີ

ທັງບໍ່ດີອາຫານຍ່ອຍຍາກ

ກືນລຳບາກກະເພາະອາຫານ.

(ແລ້ວບົດອື່ນໆເດ ໃຜຈຳໄດ້ແນ່ ມາແຊຣ໌ກັນເບິ໋ງ)

+ ເວົ້າບໍ່ມີປະໂຫຍດນັ້ນ.................ນິ້ງມິດຍັງດີດາຍ

ມີສະຫາຍເປັນຄົນຊົ່ວ....................ຫມື່ນຄົນກໍ່ດາຍລ້າ

ຄັນມີພັນລະຍາລົ້ວ.......................ງາມຕາຍກໍ່ຕາມຊ່າງ

ແຫນງວ່າຮູບຮ່າງຮ້າຍ..................ໃຈກ້ຽງປອດໃສ...ດີແທ້ແລ

+ ສັດຈະຈິງທ່ຽງແທ້.....................ບໍ່ແປປ່ຽນເຫີຍຫາຍ

ວັດທະນະທຳກັບຄົນ.....................ຄູ່ຄຽງປະດັບເອ້

ໃຜຜູ້ເຫຫັນຮ້າງ...........................ສິລະທຳບໍ່ຂ້ອງກ່ຽວ

ກາຍແລະໃຈຊິຫ່ຽວແຫ້ງ................ທັງກະແດ້ງດ່າງດຳ

.....................

.................................

.........................................................ຄົມກະວີຂອງ ພໍ ພວງສະບາ

***ຄວາມຈ້ຳຫມາກມີ້ອີກແບບທີ່ເປັນປິດສະຫນາ...............

***ຈ້ຳຫມາກມີ້...............ໄປຊີ້ຫມາກມົນ

ຫັກຄໍຄົນ.......................ໃສ່ຫນ້ານົກກົດ

ຫນ້ານົກກົດ...................ຫນ້າລີງ ຫນ້າລາຍ

ຫນ້າຜີຕາຍ...................ຫນ້າກິດຫນ້າກ້ອມ

ຢ້ອມແຢະ....................ຫມາກຕໍ່ແຫລະກັບຫມາກຕໍ່ກາງ

ສາວນາງເອີຍ................ຟັງຄວາມນ້ອງແດ່

ຟັງບໍ່ໄດ້.......................ຂໍຟັກຂໍຟັນ

ໄທວຽງຈັນ....................ຖືແຫວນເບື້ອງຊ້າຍ

ຍ້າຍອອກ.....................ຕອກເຜັຍ

*******ຜູ້ຖືກເຜັຍຕ້ອງງຸ້ມຕາ ໃຫ້ຫມູ່ໄປລີ້ແລ້ວໄປນຳຊອກຫາ..........................

ຈາກຫນັງສື: ນາໆຄະຕິບູຮານລາວ..........ຂໍຂອບໃຈໆໆ

***ຕອນຍັງນ້ອຍເຄີຍຫລີ້ນໆ ແລ້ວກໍ່ລືມຄວາມເວົ້າໄປແລ້ວ

ພໍດີໄປພໍ້ມາກະເລີຍເອົາມາຂຽນນີ້ແຫລະວາໆໆ ເມື່ອນຶກເຖິງ

ຍາມຍັງນ້ອຍທີ່ໄດ້ຫລີ້ນແລ້ວກໍ່ມ່ວນເຮຮາສະຫນຸກໄປອີກແບບ...........

*************ຄວາມຈ້ຳຫມາກມີ້ (ເພື່ອຫລີ້ນຫມາກລີ້)

***ຈ້ຳຫມາກມີ້.............ລີ້ປ່າຫຍ້າຄາ

ຫນາມເກາະຕາ............ອີ່ຫລ້າສິນໄຊ

ມາໄລກົ້ນກອກ.............ຕອກເຜັຍ.................

******ຜູ້ຖືກເຜັຍງຸ້ມຕາໃຫ້ຫມູ່ໄປລີ້ ແລ້ວຈຶ່ງໄປນຳຊອກຫາປະມານນີ້ແຫລະ

ຢູ່ບ້ານນອກຍາມຍັງນ້ອຍເຄີຍຫລີ້ນ ເຮຮາໄປຕາມພາສາເດັກໆ ບໍ່ຮູ້ວ່າເດັກໃນເມືອງເຂົາຫລີ້ນບໍ ???

......................ຈາກຫນັງສື: ນາໆຄະຕິບູຮານລາວ.............

***ຄົນຜູ້ມີພອນສະຫວັນທາງປາກ ປາກເປັນເອກໂດຍແທ້ນັ້ນກໍ່ຄື:

ຄົນແນວນັ້ນເວົ້າຈັ່ງໃດກໍ່ຄື ເວົ້າຈັ່ງໃດກໍ່ເປັນ ເວົ້າຫລີ້ນກໍ່ເປັນ ເວົ້າອີຫລີກໍ່ເປັນ

ເຫັນຫມູ່ເຫງົານອນເວົ້າໃຫ້ຕາໃສຂຶ້ນກໍ່ໄດ້ ບາງເທື່ອກໍ່ເວົ້າຊື່ໆ ທຳມະດາໄປ

ບາງເທື່ອກໍ່ເວົ້າຄວາມຕະຫລົກ ຫລືຄວາມຜະຫຍາເຂົ້າມາຊັບ ເຮັດໃຫ້ມີເຮມີຫົວ

ແລ້ວກໍ່ເວົ້າທຳມະດາໄປອີກ ຈັກຫນ່ອຍພັດຕະຫລົກອີກ ຈັ່ງຊັ້ນ ຄົນແນວນັ້ນແຫລະ

ທີ່ເຂົາເອີ້ນວ່າ: ຄົນເວົ້າມີໂຕງໂຕຍ...................

....................ຈາກຫນັງສື: ນາໆຄະຕິບູຮານລາວ..................

***ສາເຫດທີ່ເອົາມາຂຽນຖາມໃນໄດຣີ່ກໍ່ເພາະວ່າມັນລົບໄດ້...........

ຢ່າຫາວ່າລາມົກເລີຍເດີ ຯຯຯ (ແຕ່ແຮງກ່ວານັ້ນ ຮ່າໆໆເວົ້າຫລີ້ນເວົ້າຫົວ ເວົ້າມ່ວນ ເວົ້າກວນ ຊື່ໆໆ)

ຄຳຖາມມີຢູ່ວ່າ: ໃຜພໍຈື່ໄດ້ແດ່ວ່າໃນເວລາທີ່ຕົວອະສຸຈິຂອງຝ່າຍຊາຍແລ່ນເຂົ້າສູ້ຮວງໄຂ່ຂອງຝ່າຍຍິງ

ນັ້ນມີປະມານຈັກລ້ານຕົວ .... ຈື່ບໍ່ຜິດຫນ້າຈະໄດ້ຮຽນຢູ່ມໍປາຍ ໃຜຮູ້ກະລຸນາຕອບແດ່ເດີໆໆໆ ເພື່ອຄວາມແນ່ໃຈ

ຈະເອົາໄປຂຽນໄດຣີ່ໃຫມ່...............

......................ຂອບໃຈຫລາຍໆ

************ມີຜູ້ທີ່ນິຍົມກັນດື່ມເຫລົ້າມັກເວົ້າວ່າ: ຖ້າດື່ມບໍ່ຫລາຍກໍ່ຫນ້າຈະບໍ່ເສຍຫາຍອິຫຍັງ ຫລືເປັນອັນຕະລາຍແຕ່ປະການໃດ

ບັນຫາຢູ່ທີ່ວ່າໃຜຈະເປັນຜູ້ກຳຫນົດວ່າດື່ມເທົ່າໃດຈຶ່ງຈະບໍ່ເກີນຄວນ ແລະເກີນຄວນ ເພາະມັກມີປາກົດຢູ່ສະເຫມີວ່າ ຄົນທີ່ຍ່າງ

ໂຊເຊແລ້ວຍັງບອກວ່າ **ຍັງບໍ່ເມົາ ຍັງບໍ່ເມົາ***

*************ຄົນດີຄວນປະພຶດຕົນໃນທຳນອງທີ່ຈະບໍ່ເປັນພິດເປັນໄພຕໍ່ຕົນເອງແລະຜູ້ອື່ນ ຂ້າພະເຈົ້າຄິດວ່ານັກສຶກສາທຸກຄົນ

ຄົງຮູ້ດີວ່າຜົນຮ້າຍຂອງສຸລາເຫລົ້າ ແລະສິ່ງມືນເມົາທຸກຊະນິດເປັນແນວໃດ??? ເພາະສະນັ້ນເພື່ອອະນາຄົດຂອງຕົວທ່ານເອງ

ແລະຂອງປະເທດຊາດ ແລະເພື່ອບໍ່ໃຫ້ເປັນຕົວຢ່າງທີ່ບໍ່ດີແກ່ຄົນອື່ນ ຂ້າພະເຈົ້າຈຶ່ງຂໍຮ້ອງໃຫ້ທ່ານຢ່າແຕະຕ້ອງເຫລົ້າແລະເຄື່ອງດື່ມ

ມືນເມົາຕ່າງໆ ໂດຍເດັດຂາດ...........

*************ສຳລັບຢາສູບແລ້ວຂ້າພະເຈົ້າເຫັນວ່າພວກເຮົາບໍ່ຄວນສູບເລີຍ ເພາະມັນເປັນອັນຕະລາຍຕໍ່ສຸຂະພາບ ທຸກຄົນກໍ່ຮູ້ດີ ແຕ່

ຂ້າພະເຈົ້າກໍ່ບໍ່ເຂົ້າໃຈວ່າເປັນຫຍັງພວກເຮົາຈຶ່ງມັກເຮັດໃຫ້ປາກເຫມັນ ແລະສົກກະປົກຢູ່ເລື້ອຍໄປໂດຍການສູບຢາເຂົ້າໄປແລ້ວພົ່ນຄວັນອອກມາ

ນອກຈາກຈະເປັນອັນຕະລາຍຕໍ່ສຸຂະພາບແລ້ວ ການດື່ມເຫລົ້າ ສູບຢາ ຍັງເຮັດໃຫ້ສິ້ນເປືອງເງິນຄຳໂດຍບໍ່ຈຳເປັນອີກດ້ວຍ ຂໍໃຫ້ທ່ານຄິດ

ພິຈາລະນາເບິ່ງເອງກໍ່ແລ້ວກັນວ່າ ທ່ານຈະຢຸດເສບສິ່ງມືນເມົາຕ່າງໆເຫລົ່ານີ້ ຫລືຈະເຮັດຕໍ່ໄປ ຂ້າພະເຈົ້າຮັບຮອງວ່າຖ້າທ່ານຢຸດໄດ້ທ່ານກໍ່ຈະ

ປະຫຍັດເງິນຄຳໄດ້ຫລາຍຂຶ້ນອີກ ຊ້ຳບໍ່ຫນຳສຸຂະພາບຂອງທ່ານກໍ່ຈະດີຂຶ້ນ ແຂງແຮງຂຶ້ນອີກຫລາຍເທົ່າ......................................

• ສອງຮັກຈຶ່ງເປັນດອງ ສອງປອງຈຶ່ງເປັນຊູ້ ສອງຮູ້ຈຶ່ງເປັນຜົວເປັນເມຍ
  
• ອາຫານແຊບເມື່ອຢາກ ຂອງກິນແຊບຂຶ້ນກັບຜູ້ມັກ
  
• ເງິນຄຳຫາໄດ້ ນ້ຳໃຈຫາຍາກ
  
• ຄັບທີ່ຢູ່ໄດ້ ຄັບໃຈຢູ່ຍາກ
  
• ນ້ຳສະຫມຸດເລິກແລະກວ້າງເຊືອກຢັ່ງກໍ່ຍັງເຖິງ ບາດວ່າໃຈຄົນນີ້ຢັ່ງບໍ່ຖ່ອງເຖິງໄດ້
  
• ໄມ້ແກ່ກາຍຍາມເບັດ ເຫັດແກ່ກາຍຍາມແກງ
  
• ການຮ້ອງໄຫ້ເປັນກຳລັງຂອງເດັກ ອາກາດເປັນກຳລັງຂອງນົກ...ນ້ຳເປັນກຳລັງຂອງປາ ປວງປະຊາເປັນກຳລັງຂອງຊາດ
  
• ອ້ອຍຕານຫວານລີ້ນແລ້ວສິ້ນຊາກ ແຕ່ລົມປາກຫວານຫູບໍ່ຮູ້ຫາຍ..............(ຈົນຄັນຫູເລີຍໆໆໆ ອະແງ໋ ອະແງ໋ໆໆ)
  
• ຟັງດ້ວຍດີ ດ້ວຍຄວາມເຄົາລົບຍ່ອມເກີດປັນຍາ
  
• ຢ່າໄດ້ຕິດຕາມກົ້ນນຳຄົນທ້ອງຍຶ່ງ ມັນສິຕົດໃສ່ເຈົ້າໃຫ້ດັງວື້ປື່ງເຫມັນແທ້ດາຍ............
  
• ຢ່າໄດ້ຂຶງຂັງຫນ້າວາຈາເວົ້າອົ່ງ ຝູງພີ່ນ້ອງພົງເຊື້ອສິພາກັນເຫີນຫ່າງ
  
• ເກີດເປັນຄົນໃຫ້ຮຽນຄວາມຮູ້ ເປັນຄົນປູ້ເຂົາບໍ່ຢຳ ບໍ່ຮູ້ຂາວຮູ້ດຳ (ບາບ ບຸນ ຄຸນ ໂທດ) ເຂົາບໍ່ເກງບໍ່ຢ້ານ
  
• ຍິງເກີດມາເພື່ອສືບສາຍ ຊາຍເກີດມາເພື່ອສືບຊາດ ຢ່າຄິດເວວາດໄປທາງບໍ່ດີ
  
• ມີວິຊາຄວາມຮູ້ ແຕ່ຂາດສົມບັດຜູ້ດີກໍ່ໃຊ້ການບໍ່ໄດ້
  
• ການເວົ້າ ການຂຽນພາສາທີ່ຖືກຕ້ອງ ເປັນເຄື່ອງຫມາຍຂອງຜູ້ມີວັດທະນະທຳສູງ
  
• ເຮັດນຳຜູ້ຕ່ຳເຂົາຈ່ອງລົງ ເຮັດນຳຜູ້ສູງເຂົາດຶງຂຶ້ນ
  
• ຂຶ້ນພູສູງຈຶ່ງເຫັນທົ່ງກວ້າງ.........ວ່າຊັ້ນໄດ໋!!
  
• ຜົນທັງຫລາຍເກີດມາຈາກເຫດ ມີເຫດຈຶ່ງມີຜົນ
  
• ຜູ້ຍິງມີຄວາມອາຍ ຮູ້ຈັກສະງ່ຽມຈຽມຕົວຈຶ່ງງາມ
  
• ຜູ້ຊາຍມີຄວາມຮູ້ ຄວາມສາມາດກໍ່ງາມເຫມືອນກັນ
  
• ຊາດທີ່ບຸນບາບນີ້ ບໍ່ມີໃຜຫລິ່ງເຫັນໄດ້ ລາງເທື່ອທຸກກັບເປັນມີ ຊົ່ວກໍ່ເປັນດີໄດ້ ລາງເທື່ອເຄີຍດີແລ້ວ ກັບຊົ່ວກໍ່ຫາກມີ.............
  
• .............
  
• ................................
  
• .................................................................ຈາກ ນານາຄະຕິບູຮານລາວ............................

• ບ່ອນສະຫນຸກຢ່ານອນ
  
• ເມຍວອນຢ່າຍິນ
  
• ເຮັດກິນຢ່າຄ້ານ
  
• ເຂົ້າບ້ານຢ່າອາຍ
  
• ຢ່ານຸ່ງຜ້າລາຍໃຫ້ຫມາຫອນເຫົ່າ
  
• ຢ່າເວົ້າຄວາມເກົ່າມັນເລົ່າຜິດກັນ
  
• ຢ່ານອນຫງາຍຫລີ້ນດາບ
  
• ຢ່າຄາບນົມເມຍ
  
• ຢ່າເລຍໃບຕອງ
  
• ຢ່າແປງກອງໄມ້ມ່ວງ
  
• ຢ່າແປງບ່ວງລວງຂວາງ
  
• ຢ່າກອດນາງໃນນ້ຳ
  
• ຢ່າຫລັບຕາເຂົ້າຖ້ຳ
  
• ຢ່າອາບນ້ຳວັງໃສ
  
• ຢ່າປ້ຳຕົ້ນຫວານ ຢ່າຮານຕົ້ນສົ້ມ
  
• ມຸດນ້ຳຢ່າເຮັດກົ້ນຟູ
  
• ຈົກຮູຢ່າເຮັດແຂນສັ້ນ
  
• ຢ່າຄ້າງຂັ້ນໄດ ຢ່າໄປທີ່ມືດ
  
• ຢ່າປືດ (ເປີດ) ເສື້ອໃຫ້ທ່ານເຫັນຫລັງ
  
• ຢ່າຊັງເຈົ້າຫນີ້ ຢ່າຂີ້ໃສ່ທາງຫລວງ
  
• ຢ່າເອົາເຟືອງມາເຊັດ
  
• ຢ່າແກ່ໄມ້ທັບທາງ
  
• ຢ່າອຸ່ນເຂົ້າແລງ
  
• ຢ່າແທງຄໍຫມໍ້ຫນຶ້ງ
  
• ນອນສູງໃຫ້ນອນຂວ້ຳ
  
• ນອນຕໍ່າໃຫ້ນອນຫງາຍ
  
• ..............ເປັນຄຳປິດສະຫນາເດີໆໆ ຕ້ອງຕີຄວາມຈຶ່ງໄດ້ຄວາມຫມາຍ ມັນບໍ່ທຳມະດາໄດ໋ ໆໆ
  
• ..................................
  
• ....................................................ຈາກຫນັງສືຊຸມນຸມນານາຄະຕິ..............

1. ເສຍເງີນ...ຫາໃຫມ່ໄດ້...ແຕ່ເສຍໃຈນັ້ນອັນຕະລາຍ...ຮີບແກ້ໄຂດ່ວນ!

2. ເພື່ອນກີນ...ຫາງ່າຍ...ເພື່ອນຕາຍຫາຍາກ.

3. ເງີນທອງເປັນຂອງນອກກາຍ (ແຕ່ກໍ່ສໍາຄັນກັບຊີວິດ) ພໍ່ແມ່ສຸກໃຈເມື່ອພີ່ນ້ອງຮັກກັນ (ຢ່າໃຫ້ມໍລະດົກມາທໍາລາຍຄວາມເປັນພີ່ນ້ອງເຮົາ)

4. ຮ່ວມກັນເຮົາຢູ່...ແຍກຫມູ່ເຮົາອັນຕະລາຍ ຫາຄວາມສາມັກຄີໃຫ້ພົບ...ໃນຄົນຫມູ່ມາກ.

5. ພໍ່ແມ່ຄື: ພຣະ (ຜູ້ປະເສີດ) ໃນເຮືອນ...ຢ່າເຮັດໃຫ້ເພີ່ນເສຍໃຈ...ຈົ່ງຄອຍຊ່ວຍວຽກພໍ່ແມ່ໃຫ້ເພີ່ນໄດ້ຢູ່ສະບາຍ...ເພາະເພີ່ນທຸກມາຫລາຍແລ້ວ.

6. ພາສາບອກຊາດ...ມາລະຍາດບອກຕະກຸນ...ຄຸນຄວາມດີຕ້ອງຫາເຂົ້າໃສ່ຕົວ!

7. ແກ້ວບໍ່ຜັດສາມປີເປັນແຮ່...ພີ່ນ້ອງບໍ່ແວ່ສາມປີກາຍເປັນອື່ນ. (ພີ່ນ້ອງກັນຕ້ອງຫມັ່ນໄປມາຫາສູ່)

8. ການພິຈາລະນາເບີ່ງຄົນດ້ວຍໃຈ ຈະພິຈາລະນາໄດ້ແມ່ນຍໍາກ່ວາການໃຊ້ຕາຫລາຍເທົ່າ.

9. ການຄິດແລະການກະທໍາໃນຕອນນີ້ ເປັນຕົວກໍາຫນົດຜົນໃນອະນາຄົດ.

10. ຄອ້ງກອງຈະດັງເມື່ອຖືກຕີ ຄົນຈະດີເມື່ອຖືກຄົນອື່ນເຕືອນ. (ແນະນໍາສັ່ງສອນ)

11. ກ້າວທໍາອິດທີ່ພາດພັ້ງຄືກ້າວຫລັງທີ່ຫມັ້ນໃຈ ກ້າວຫນື່ງທີ່ພາດໄປ, ຈົ່ງກ້າວໃຫມ່ໃຫ້ຫມັ້ນຄົງ.

12. ຄົນເຮົາມີເວລາໂງ່ດ້ວຍກັນຫມົດທຸກຄົນ, ແຕ່ບໍ່ມີໃຜໂງ່ຕະຫລອດການ. ເພາະບົດຮຽນຈະສອນຄວາມຄິດໃຫ້ເຮົາໃຫຍ່ຂື້ນ, ເຂົ້າໃຈໂລກຫລາຍຂື້ນ ແລະຮູ້ຈັກເປົ້າຫມາຍຫລາຍຂື້ນ.

13. ຄວາມອົດທົນເປັນສີ່ງທີ່ຂົມຂື່ນ ແຕ່ຜົນຂອງມັນຫວານຊື່ນສະເຫມີ

14. ຄົນທີ່ອ່ອນແອຍ່ອມແພ້ທຸກຢ່າງ ແມ່ນແຕ່ໃຈຕົວເອງ.

15. ຄົນສະຫລາດຖ້າຂາດສິນທໍາຄວາມດີ ກໍ່ເປັນຄົນອັບປີຂອງສັງຄົມ.

16. ຄໍາເວົ້ານັ້ນສໍາຄັນ, ແຕ່ການກະທໍາສໍາຄັນຍິ່ງກ່ວາ. ເພາະຄົນຈະສົງໄສໃນສິ່ງທີ່ທ່ານເວົ້າແຕ່ເຂົາຈະເຊື່ອໃນສິ່ງທີ່ທ່ານເຮັດ.

17. ຄວາມຂັດແຍ້ງທໍາໃຫ້ມີແຮງສູ້ ການມີສັດຕູກໍ່ເຮັດໃຫ້ຊີວິດມີຄວາມຕື່ນຕົວ.

18. ຄົນເຮົາຈະເປັນແບບໃດຢູ່ທີ່ໃຈແລະມັນສະຫມອງ ສອງມືຈະສ້າງສັນເອົາເອງ ບໍ່ໄດ້ຢູ່ທີ່ເທວະດາ ຟ້າແຖນໃດໆເຮົາເປັນທີ່ເພິ່ງຂອງເຮົາເອງ.

19. ຄວາມສໍາເລັດຂອງຄົນບໍ່ແມ່ນຢູ່ທີ່ຕົນມີປະລິນຍາ, ແຕ່ຢູ່ທີ່ຄວາມຫມຸ່ງຫມັ້ນທີ່ຈະເດີນທາງຕາມຫາຄວາມສໍາເລັດນັ້ນ ແລະກ້າວໄປຢ່າງບໍ່ຢຸດຢັ້ງ.

20. ຄວາມປ່ຽນແປງຄືສັດຈະທໍາຂອງໂລກ ແລະຄວາມທຸກກໍ່ເປັນສິ່ງທີ່ທຸກຄົນຫນີບໍ່ພົ້ນ ເພາະມັນເປັນສິ່ງທີ່ທໍາມະຊາດສົ່ງມາທົດສອບຄົນເຮົາຢູ່ສະເຫມີ.

21. ຄົນຈົນລໍ່າລວຍເພາະມີວິຊາ ເສດຖີສູງສົ່ງເພາະມີປັນຍາແລະຄວາມຮູ້.

22. ຄົນສະຫລາດຈະບໍ່ນັ່ງຄໍ່າຄວນເຖິງຄວາມສູນເສຍ ແຕ່ເຂົາຈະສະແຫວງຫາຫົນທາງແກ້ໄຂສິ່ງນັ້ນດ້ວຍຈິດໃຈທີ່ລ່າເລີງແຈ່ມໃສ.

23. ຄົນເຮົາຈະຍິ່ງໃຫຍ່ຢູ່ໃນໂລກນີ້ໄດ້ຕ້ອງຮູ້ຈັກການປັບຕົວເຂົ້າກັບສິ່ງອື່ນໆເຊັ່ນ: ທໍາມະຊາດແວດລ້ອມ ແລະສັງຄົມ.

24. ຄວາມກະຕັນຍູເປັນເຄື່ອງຫມາຍຂອງຄົນດີ ຄົນລາວບູຮານເຊື່ອວ່າເຂົ້າເມັດຫນື່ງນັ້ນມີຄ່າ, ປາໂຕຫນື່ງນັ້ນມີຄຸນ, ນໍ້າດື່ມຈອກຫນື່ງນັ້ນກໍ່ມີຄວາມຫມາຍຕໍ່ຊີວິດ ເຮົາຕ້ອງຄິດແທນຄຸນ.

25. ຄວາມສໍາເລັດເກີດຈາກຄວາມສະຫລາດ 1% ບວກກັບຄວາມພຽນພະຍາຍາມອີກ 99% ລວມກັນເປັນເຈະສິ...ອິອິ!!!

26. ຄົນສະຫລາດກໍ່ຄືຄົນໂງ່ທີ່ຮູ້ຈັກປັບປຸງ ແລະພັດທະນາຕົນເອງຢູ່ສະເຫມີ

27. ຄວາມຮັກແລະຄວາມເຂົ້າໃຈກັນ ເປັນຄວາມສຸກຢ່າງຍິ່ງຂອງຄົນທີ່ມີພູມປັນຍາ ເພາະເຂົາເຫັນແລ້ວວ່າເງິນບໍ່ແມ່ນທຸກສິ່ງທຸກຢ່າງ.

28. ຄໍາເວົ້າດ້ວຍຄວາມໂມໂຫພຽງຄັ້ງດຽວ ອາດຈະຢູ່ໃນໃຈຂອງຄົນອື່ນຕະຫລອດຊີວິດ ຢູ່ຮ່ວມມິດໃຫ້ລະວັງວາຈາພິຈາລະນາດີແລ້ວຈື່ງເວົ້າອອກໄປ.

29. ສະຕິປຽບເຫມືອນແມ່ເອົາໄວ້ແກ້ບັນຫາຊີວິດ ສະຕິມາຫມາບໍ່ກັດແຕ່ຖ້າສະຕິຖືກຕັດມັກຈະກັດກັບຫມາ. (ແຖມເຫົ່າເປັນດ້ວຍ...ອິອິອິ)

30. ສິ່ງທີ່ລໍ້າຄ່າທີ່ສຸດຂອງຄົນເຮົາຄືຊີວິດ ແລະສິ່ງທີ່ສວຍງາມທີ່ສຸດຂອງຄົນເຮົານັ້ນກໍ່ຄືຄຸນງາມຄວາມດີທີ່ເຮົາສ້າງຂື້ນ.

31. ຍິ້ມວັນລະຫນ້ອຍ ຊີວິດຂອ້ຍຈະໄດ້ສົດໄສ ຍິ້ມໄວ້ໃຈຈະສົດຊື່ນອາຍຸຍືນໄຮ້ໂລຄາພິວພັນງາມໂສພາເປັນສະເຫນແກ່ຕົວເອງ.

32. ຍິນດີໃນສິ່ງທີ່ຕົນໄດ້ພໍໃຈໃນສິ່ງທີ່ຕົນມີ ຍາກຈົນກໍ່ເຫມືນຄົນຮັ່ງມີ, ເມື່ອບໍ່ມີສິ່ງທີ່ເຮົາມັກກໍ່ຈົ່ງມັກສິ່ງທີ່ເຮົາມີ.

33. ບໍ່ຍິນດີໃນສິ່ງທີ່ຕົນໄດ້ ບໍ່ພໍໃຈໃນສິ່ງທີ່ຕົນມີ ເປັນເສດຖີກໍ່ເຫມືອນຄົນຈົນ ຈົນເພາະມີບໍ່ພໍ ບໍ່ແມ່ນເພາະບໍ່ມີ.

34. ດື່ມເຫລົ້າເພື່ອເຂົ້າສັງຄົມເປັນຄ່ານິຍົມທີ່ຜິດ ຜິດສິນຜິດທໍາແລະຈະນໍາໄປສູ່ຄວາມພິນາດທັງທໍາລາຍຕົວເອງແລະຜູ້ອື່ນອີກດ້ວຍ.

35. ທໍາມະຊາດສ້າງມະນຸດໃຫ້ມີສອງຫູສອງມື ແຕ່ມີປາກດຽວສະນັ້ນມະນຸດຄວນຟັງແລະກະທໍາຫລາຍກ່ວາເວົ້າ.

36. ເປົ້າຫມາຍການສຶກສາຄືສຶກສາເພື່ອຊີວິດ ເປົ້າຫມາຍຂອງຊີວິດຄືດໍາລົງຕົນເປັນຜູ້ມີສະຕິ ມີຄຸນນະທໍາແລະກ້າຫານ.

37. ເຮົາຄວນເບີ່ງໂລກໃນແງ່ດີ ມີເມດຕາ ບໍ່ລິດສະຫຍາໃຜແລະຕ້ອງໃຫ້ອະໄພເຊີ່ງກັນແລະກັນ ຈື່ງຈະຢູ່ນໍາກັນຢ່າງສັນຕິໄດ.

38. ມັກກ່າວກັນວ່າການເວລາປ່ຽນແປງທຸກສິ່ງ ແຕ່ຈິງໆແລ້ວເຮົາຕ້ອງປ່ຽນແປງທຸກສິ່ງດ້ວຍຕົວເຮົາເອງຕ່າງຫາກ.

39. ຢາກໃຫ້ຄົນອື່ນປະຕິບັດຕໍ່ເຮົາເຊັ່ນໃດ ເຮົາກໍ່ຄວນປະຕິບັດຕໍ່ຄົນອື່ນເຊັ່ນນັ້ນ ເພາະນີ້ຄືກົດເກນແລະເຫດຜົນ.

40. ຫນ້ານອກບອກຄວາມງາມ ຫນ້າໃນບອກຄວາມດີ ຫນ້າທີ່ບອກເຖິງຄວາມສາມາດ.

41. ໄຮ້ວາດສະຫນາຢ່າຂໍພອນ ຄວາມລໍ່າລວຍຫາກຂໍກັນໄດ້ ໃນໂລກນີ້ຄົງບໍ່ມີຄົນຈົນ ທຸກສິ່ງເກີດຈາກການກະທໍາຢ່າອ້ອນວອນຂໍພອນເລີຍ!

42. ອະດິດບໍ່ຂະຫຍັນ ປັດຈຸບັນບໍ່ຂົນຂວາຍ ອະນາຄົດບໍ່ຕ້ອງທໍານາຍ ໂຊກຮ້າຍແນ່ນອນຕອບໃຫ້ກະໄດ້!!!

43. ຫຍາດເຫື່ອຂອງພໍ່ແມ່ຄືກະແສແຫ່ງຄວາມຫວັງ ຄວາມສໍາເລັດຂອງລູກຄືຄວາມສຸກຂອງພໍ່ແມ່ (ຕັ້ງໃຈຮຽນໃຫ້ສໍາເລັດພໍ່ແມ່ຈະໄດ້ສຸກໃຈ)

44. ລາງວັນຊີວິດຍ່ອມມາຕາມຫລັງຄວາມລໍາບາກສະເຫມີ (ມີຢູ່ໃສໃຫ້ລາງວັນແລ້ວຈື່ງເຮັດວຽກ ມີແຕ່ບອກວ່າຖ້າເຮັດວຽກແລ້ວຈະມີລາງວັນໃຫ້...ແມ່ນບໍ?)

45. ຄອຍແຕ່ບຸນມາຄໍ້າບໍ່ທໍາການມັນບໍ່ແມ່ນ ຄອຍແຕ່ບຸນສົ່ງໃຫ້ ມັນຊິໄດ້ຮ່ອມໃດ ຄືດັ່ງເຮົາມີເຂົ້າບໍ່ເອົາກິນມັນກໍ່ບໍ່ອີ່ມມີລາບແຊບໆ ຄັນບໍ່ອົາເຂົ້າຄຸ້ຍທາງທ້ອງຮ່ອນເຕັມໄດ້ເດ!!!

46. ແສງສະຫວ່າງຮຸ່ງແຈ້ງພົ້ນພຸ່ງໃນນະພາ ຍັງບໍ່ທໍ່ປັນຍາຂອງຄົນຜູ້ສະຫລຽວສະຫລາດ ປັນຍາເປັນແສງສະຫວ່າງໃນໂລກ

47. ພໍ່ແມ່ຄືໃຜ? ຕອບໃຫ້ກະໄດ້ວ່າ: ພໍ່ແມ່ຄື ແສງທຽນສ່ອງທາງຊີວິດ ຊ່ວຍຊີ້ທິດຊ່ວຍນໍາທາງຊ່ວຍສ້າງສັນ ໃຫ້ຄວາມຮັກໃຫ້ຄວາມຮູ້ຊູຊີວັນ ລູກຈົ່ງຫມັ້ນກະ

ຕັນຍູຮູ້ແທນຄຸນເດີ!!! ສາທຸ…ສາທຸ.!!!

48. ພັດທະນາສະຫມອງດ້ວຍການຄິດ ພັດທະນາຊີວິດດ້ວຍການຮຽນຮູ້ ຖ້າຊີວິດຂາດການຮຽນຮູ້ແລ້ວຍ່ອມຂຶ້ນສູ່ທີ່ສູງບໍ່ໄດ້

49. ນົກບໍ່ມີຂົນຄົນບໍ່ມີຄວາມຮູ້ຍ່ອມບິນຂຶ້ນສູ້ທີ່ສູງບໍ່ໄດ້ ຈົ່ງໃສ່ໃຈໃຫ້ຫລາຍໆໃນການສຶກສາຮໍ່າຮຽນ...

 ..........................

.............................................

....................................................ທີ່ 6 ເດືອນ 2 ປີ 2555......................ຈໍາໄດ້ວ່າຍັງບໍ່ເອົາລົງໆໆ

..............ເຕືອນໃຈສຳຫລັບມື້ນີ້ໆໆໆໆໆ ໄປຮຽນບໍ່ໄດ້ຮຽນກໍ່ໄດ້ອັນນີ້ມາ...........

***ຜູ້ທີ່ມີເຫດຜົນ ມີອຳນາດເຫນືອອາລົມຍ່ອມຈະເລີນ ຜູ້ທີ່ຕົກເປັນທາດຂອງອາລົມຍ່ອມເສົ້າຫມອງ

***ຖ້າເຮົາບໍ່ຮູ້ຈັກພໍ ແມ່ນວ່າຈະໄດ້ທຸກທະວີບມາເປັນເຮືອນ ມາເປັນສົມບັດກໍ່ຄົງຈະບໍ່ພໍດອກ

***ເມື່ອຄົນເຮົາມີຄວາມໂລບຫລາຍຍ່ອມສົ່ງຜົນເສຍຕໍ່ການສຳນຶກໃນຄວາມຍຸດຕິທຳ ມີຄວາມກັງວົນຫລາຍ

ຍ່ອມສົ່ງຜົນເສຍຕໍ່ປັນຍາ ມີຄວາມຢ້ານຫລາຍຍ່ອມສົ່ງຜົນເສຍຕໍ່ຄວາມກ້າວຫນ້າ

***ຫາກວ່າເຮົາບໍ່ໄປຕໍ່ສູ້ແຍ່ງຊີງກັບໃຜ ກໍ່ຄົງບໍ່ມີໃຜມາຕໍ່ສູ້ແຍ່ງຊີງກັບເຮົາ

***ຖ້າເຮົາເພັ່ງແຕ່ຂໍ້ດ້ອຍຂອງຄົນອື່ນ ຈົນມອງຂ້າມຈຸດແຂງຂອງເຂົາ ກໍ່ເປັນການຍາກທີ່ຈະຄົ້ນພົບຄົນທີ່ມີຄ່າໃນໂລກນີ້

***ການໂອ້ອວດແລະຫລອກລວງ ເກີດຈາກຄວາມອວດອົ່ງທະນົງຕົວ ຜູ້ເຂົ້າເຖິງຄວາມຈິງຢູ່ພາຍໃນຍ່ອມເປັນສຸກແລະບໍ່ຮີບຮ້ອນ

***ບຸກຄົນທີ່ປະເສີດລ້ວນມີຈິດໃຈທີ່ຊື່ນບານ ອິດສະຫລະຈາກຄວາມປາຖະຫນາ ເປັນຜູ້ສະຫງົບລະງັບ ອິດສະຫລະຈາກຄວາມກັງວົນ

***ເມື່ອການຮັບຂອງເຮົານ້ອຍ ການຮັບຮູ້ຂອງເຮົາກໍ່ຕື້ນ ເມື່ອການຮັບຂອງເຮົາຫລາຍ ການຮັບຮູ້ຂອງເຮົາກໍ່ກວ້າງ

***ກ່າວໂທດຄົນອື່ນບໍ່ດີເທົ່າກ່າວໂທດຕົນເອງ ຮຽກຮ້ອງຄົນອື່ນບໍ່ດີເທົ່າຮຽກຮ້ອງຕົນເອງ

***ຄວາມຫາຍະນະມາຈາກຄົນເຮົາເປັນຜູ້ກໍ່ ໂຊກລາບກໍ່ຄົນເຮົາເອງສ້າງຂຶ້ນມາ ຫາຍະນະກັບໂຊກລາບມາຈາກຊ່ອງທາງດຽວກັນ

***ໃນຫມູ່ຄົນທີ່ທຸລະກັນດານມີຄົນນ້ຳໃຈງາມຢູ່ທົ່ວໄປ ເພາະຊີວິດມີຄວາມຍາກລຳບາກ ໃນຫມູ່ຄົນທີ່ແດນອຸດົມສົມບູນ ມີຜູ້ຄົນໄຮ້ຄ່າຢູ່ທົ່ວໄປ

ເພາະຊີວິດສະດວກສະບາຍ

***ເມື່ອຕາເບິ່ງໂດຍບໍ່ເລືອກກໍ່ຂາດການສັງລວມ ເມື່ອຫູຟັງໂດຍບໍ່ເລືອກກໍ່ເກີດຄວາມສັບສົນ ເມື່ອປາກເວົ້າໂດຍບໍ່ເລືອກກໍ່ປາກຫມາ...ຮິຮິໆ

..................

........................................

......................................................................ວັນທີ່ 2 ເດືອນ 2 ປີ ມີຄວາມສຸກ 555....................

• ໄປບໍ່ລາ ມາບໍ່ຄອບ
• ໄປບໍ່ຊ່າງ ຍ່າງບໍ່ງາມ
• ຍ່າງທືບຕີນຂຶ້ນຂັ້ນໄດ
• ຍ່າງລາກສົ້ນນ່ອງ
• ຍ່າງຢຽບເງົາເຈົ້າຫົວ
• ເຂົ້າວັດເວົ້າສຽງດັງ
• ຂຶ້ນເຮືອນບໍ່ລ້າງຕີນ
• ໄພ້ເຂີຍຜູ້ນ້ອຍ ນັ່ງຂາຂຶ້ນຫ້າງຕໍ່ຫນ້າເຈົ້າໂຄດ
• ນັ່ງຕັນປະຕູ ນັ່ງຕັນຂັ້ນໄດ
• ນັ່ງຫມອນ ນັ່ງກາງຜູ້ເຖົ້າ
• ນັ່ງເທິງຫົວບ່ອນ
• ນອນປີ່ນຫົວໄປທາງທິດຕະເວັນຕົກ
• ຂະລໍານໍ້າກິນຕ່ອນ
• ເອົາເງື່ອນກິນໄປທານ
• ຜູ້ໃຫຍ່ກິນເງື່ອນຜູ້ນ້ອຍ
• ຜູ້ນ້ອຍກິນກ່ອນຜູ້ໃຫຍ່
• ໄທເຮືອນດຽວກັນ ກິນເຂົ້າບໍ່ພ້ອມກັນ
• ກິນເຂົ້າແລ້ວ ບໍ່ອັດຜາແອບເຂົ້າ
• ກິນບໍ່ຮູ້ປະມານ ກິນບໍ່ສໍາລວມ
• ຍາມກິນຖົ່ມນໍ້າລາຍ ຄາຍຂີ້ມູກ
• ຍາມກິນເອົາມືຄໍ້າຈ້າຍ (ຄາງ)
• ໄດ້ກິນຊີ້ນບໍ່ສົ່ງອາ ໄດ້ກິນປາບໍ່ສົ່ງປູ່
• ກິນເຂົ້າໂຕ ໂສຄວາມເພິ່ນ
• ກິນເຫມິດກິນສ້ຽງ
• ຕໍາເຂົ້າວັນພຣະວັນສິນ
• ບ່ອນເຂັດບໍ່ຍໍາ ບ່ອນຂະລໍາບໍ່ຢ້ານ
• ໃສ່ບາດຖາມເຈົ້າຫົວ
• ຜົວເມັຽຜິດກັນ ຂົ່ມເຫັງກັນ ດ່າປ້ອຍເວນກັນ
• ດ່າຫມູດ່າຫມາສຽດ
• ຄວາມລະຫັດ (ລັບ) ຮູ້ເຖິງສອງ

    ຈາກ: ເວບຂອງລາວເກົ່າ

ຄຳລະຫັດ..............ຄວາມລັບ

ຄາຖາ...................ເວດມົນ

ກາສາ...................ຜ້າສຳລັບນັກບວດນຸ່ງ

ທາສີ.....................ຄົນໃຊ້ຍິງ

ທາສາ....................ຄົນໃຊ້ຊາຍ

ບຸລິ, ບຸລີ................ເມືອງ, ນະຄອນ

ບັງຄົມ...................ການສະແດງຄວາມນັບຖືຕໍ່ຜູ້ໃຫຍ່

ເກດ......................ຜົມ, ຈອມ

ທູນ........................ບອກກ່າວ

ບໍ່ໂສດາ..................ບໍ່ມັກ, ບໍ່ສົນ

ມະນີໂຊ.................ແກ້ວ

ທັກຂິນ...................ທິດໃຕ້

ປັດສິມ...................ທິດຕາເວັນຕົກ

ຫໍລະດີ...................ທິດຕາເວັນຕົກສຽງໃຕ້

ອາຄະເນ................ທິດຕາເວັນອອກສຽງໃຕ້

ອຸດອນ...................ທິດເຫນືອ

ນາງສະຫນົມ...........ຍິງຮັບໃຊ້ໃນວັງ

ອາສົມ...................ທີ່ຢູ່ຂອງພະລືສີ

ຂັນຕິ.....................ຄວາມອົດທົນ

ອຸປະມາ.................ປຽບທຽບ

ໂອກາດ.................ຊ່ອງວ່າງ

ນະທີ.....................ແມ່ນ້ຳ

ນະມັດສະການ........ສະແດງຄວາມເຄົາລົບ (ໃຊ້ກັບຄູບາ)

ນະວະກະ...............ຜູ້ມາໃຫມ່

ນາລີ.....................ຜູ້ຍິງ

ນິມົນ.....................ເຊີນ (ໃຊ້ກັບຄູບາ)

ນິມິດ.....................ລາງ

ບັນດິດ..................ຜູ້ມີປັນຍາ

ສຸລາ...................ເຫລົ້າ, ນ້ຳເມົາ

ຖວາຍ.................ມອບ, ໃຫ້ (ໃຊ້ກັບຄູບາ)

ວະຈີ...................ຖ້ອຍຄຳ

ທະວານ...............ປະຕູ, ຊ່ອງທາງ

ຕັນຫາ.................ຄວາມຢາກ

ອະກະຕັນຍູ..........ຜູ່ທີ່ບໍ່ຮູ້ບຸນຄຸນຜູ້ອື່ນ

ອະສຸພະ...............ບໍ່ງາມ

ມະຕິ...................ຄວາມເຫັນ

ມາຍາ.................ປອມ, ບໍ່ຈິງ

ມາລາ.................ດອກໄມ້

ພະຍາກອນ..........ທຳນາຍ

ໂພຊະນະ............ອາຫານ

ເຖລະ.................ຜູ້ໃຫຍ່, ຊາຍຊະລາ

ຊະລາ.................ແກ່

ຊາລະ.................ຊາຍຊູ້

ຊາລີ...................ຍິງຊູ້

ຫະໄທ................ໃຈ, ຫົວໃຈ

ຫາຍານະ............ຄວາມເສື່ອມ

ຫິງສະຊະ............ບຽດບຽນ

ຫິລິ.....................ຄວາມລະອາຍ

ບິດາ...................ພໍ່

ມານດາ..............ແມ່

ອາຈາລິເຍ...........ອາຈານ

ບູລຸດ..................ຜູ້ຊາຍ

ສະຕີ..................ຜູ້ຍິງ

ທະວີຄູນ.............ສອງເທົ່າ

ທາຍົກ...............ຜູ້ໃຫ້ທີ່ເປັນຊາຍ (ໃຫ້ທານ)

ທາຍິກາ..............ຜູ້ໃຫ້ທີ່ເປັນຍິງ (ໃຫ້ທານ)

ທາຍາດ..............ຜູ້ຮັບມໍລະດົກ

ປະຕິພານ............ຄວາມວ່ອງໄວ

ປະຕິສົນທິ...........ການຖືກຳເນີດ, ການເກີດໃຫມ່

ປັດທະວີ..............ແຜ່ນດິນ

ປະນິທານ.............ຄວາມຕັ້ງໃຈ

ປະລະໂລກ...........ໂລກອື່ນ, ໂລກຫນ້າ

ປະດິດສະຖານ.......ຕັ້ງໄວ້

ປະລາໄຊ...............ພ່າຍແພ້

ປັດສິມ...................ຫລັງສຸດ, ທ້າຍສຸດ

ປິຕິິ.......................ຄວາມອີ່ມໃຈ

ປຸດສາ...................ຖາມ

ວິສັດສະນາ.............ຕອບ

ປຸດສາວິສັດສະນາ....ຄຳຖາມຄຳຕອບ

ເວລຸວັນ..................ປ່າໄມ້ໄຜ່

ວິວາ......................ແຕ່ງງານ

ວິວາດ...................ໂຕ້ຖຽງ

ວິມຸດ.....................ຫລຸດພົ້ນ

ວິພັດ.....................ແບ່ງ, ແຈກ

ວິນຍູ......................ຜູ້ຮູ້ແຈ້ງ

ວິໄຈ......................ຄົ້ນຫາ

ວິການ....................ຜິດເວລາ, ເລີຍເວລາ

ວາລະ....................ໂອກາດ, ຄາວ

ວາຍຸ......................ລົມ

ວາທະ....................ຄຳເວົ້າ

ໂລຫິດ...................ເລືອດ

ສັດທາ....................ຄວາມເຊື່ອ

ສາດສະຫນາ............ຄຳສອນ

ສັງຄະຫະ................ສົງເຄາະ

ສັດຈະ.....................ຄວາມຈິງ

ສັນຕິ......................ສະຫງົບ

ສາຄອນ..................ມະຫາສະມຸດ

ສາທຸ......................ດີແລ້ວ

ສາທາລະນະ............ທົ່ວໄປ

ສາລະ....................ແກ່ນ, ເນື້ອຫາ

ສຸບິນ......................ຄວາມຝັນ

ໂສຕະ....................ຫູ

...............++...............

ເຫລ໋າຈື້ ສອນວ່າ ::: ສິ່ງສາມສິ່ງທີ່ທຸກຄົນຄວນຍົກຍ້ອງ ແລະຍອມຮັບວ່າ

ປະເສີດ ຊຶ່ງຄວນແກ່ການຮັກສາໄວ້ຕະຫລອດການກໍຄື​ :::

ຫນຶ່ງ::: ຄວາມເມດຕາກະລຸນາ

ສອງ ::: ຄວາມປະຫຍັດ

ສາມ ::: ຄວາມອ່ອນນ້ອມຖ່ອມຕົນ

ເຕ໋າວ່າ​:::ຜູ້ຮູ້ຈັກສາມສິ່ງນີ້ຄືຜູ້ຈະເລີນ ...

ຫມາຍເຫດ::: (ເຫລ໋າຈື້ ເປັນສາດສະດາຂອງລັດທິເຕ໋າ)

...............................

ຄວາມບໍ່ຫນັກແຫນ້ນ ເຮັດໃຫ້ຮາກຖານບໍ່ຫມັ້ນຄົງ

ຄວາມຮີບຮ້ອນຟ້າວຟັ່ງ ຍ່ອມກໍ່ຄວາມຜິດພາດ ແລະບໍ່ສະຫງົບ

ປາດເປັນບຸກຄົນທີ່ຫນັກແຫນ້ນ ດັ່ງນັ້ນ ປາດຈຶ່ງບໍ່ຫວັ່ນໄຫວ

ສາມາດເດີນທາງໄດ້ທັ້ງວັນ ເພາະປາດມີຄວາມສະຫງົບ ແລະຫນັກແຫນ້ນ

ແມ່ນວ່າ ເຈົ້າຈະມີຊື່ສຽງກຽດຕິຍົດລົ້ນຟ້າ ກໍຫາຄວາມສະຫງົບບໍ່ໄດ້ ຖ້າໃຈບໍ່ຮູ້ຈັກພໍ

ແລະຊື່ນຊົມກັບສິ່ງທີ່ມີຢູ່...

........................................

ເຕ໋າຄືຫຍັງຂ້ອຍບໍ່ຮູ້ ::: ແຕ່ຄຳສອນເຂົາຫນ້າສົນໃຈ

ເຕ໋າຄື​::: ທຳຈິດໃຈໃຫ້ພົ້ນຈາກຄວາມມົວຫມອງ

ຊຳລະລ້າງຍານທັດສະນະ (ຄວາມຄິດ) ໃຫ້ຫາຍມືດມົວ

ທຳໃຈຕົນເອງໃຫ້ເປັນກາງ ບໍ່ທຸກຮ້ອນ

ສະແຫວງຫາຄວາມຮູ້ແຈ້ງ

ເພື່ອລະອະວິດຊາ (ຄວາມໂງ່)

ບໍ່ຖືສິດ ໃນຄວາມເປັນເຈົ້າຂອງ

ເພາະສິ່ງຕ່າງ ໆ ເຫລົ່ານັ້ນບໍ່ແມ່ນຂອງເຮົາ (ຕະຫລອດໄປ)

ກະທຳສິ່ງໃດ ບໍ່ແມ່ນເພື່ອຕົວເອງ (ແຕ່ຝ່າຍດຽວ)

ແຕ່ເພື່ອປະໂຫຍດສຸກຂອງຜູ້ອອື່ນນຳ...

..............................................

ນັກປາດ (ບໍ່ແມ່ນປາດຊີ້ນ) ຈະເລືອກສະຖານທີ່ອັນຄວນເປັນທີ່ພັກ

ໃຈປາດ  ຖືຄວາມສະຫງົບເປັນທີ່ຕັ້ງ

ຄົບມິດ ຜູກມິດ ດ້ວຍຄວາມດີ

ຄຳເວົ້າທ່ານ ຖືຄວາມຈິງໃຈ

ການປົກຄອງ  ໃຊ້ຄວາມຍຸດຕິທຳ

ວຽກງານ   ໃຊ້ຄວາມສາມາດ (ບໍ່ແມ່ນເສັ້ນສາຍ)

ການກະທຳ ທ່ານເລືອກກາລະເທສະ

ຄຳຕິຕຽນກ່າວຮ້າຍ  ບໍ່ມີໃນປາດ

ປາດຈຶ່ງມີລັກສະນະເຫມືອນນ້ຳ (ເຂົ້າກັບທຸກສິ່ງໄດ້ດີ)

...................................

• ທຳການສ້າງອັນໃດ ໃຫ້ຮີ່ນຕອງແດ່ຖ້ອນ ຢ່າໄດ້ເຫັນແກ່ໃກ້ ກິນກ້ວຍໂມ່ມເລີຍ
  
•  
• ອັນວ່າ...ໂທໂສໂມໂຫນີ້ ສິພາໂຕຕົກຕ່ຳ ໃຫ້ຄ່ອຍຄິດຄ່ອຍເວົ້າ ຈາຕ້ານໃຫ້ມ່ວນຫູ
  
•  
• ຄຳປາກພໍ່ແມ່ນີ້ ຫນັັກເກິ່ງທໍລະນີ ໃຜຜູ້ຢຳແຢງນົບ ຫາກສິເຮືອງເມືອຫນ້າ
  
•  
• ຂໍໃຫ້ເຈົ້າອົດສາສູ້ ພຽນໄປໃຫ້ຖືກປ່ອງ ຄຸນພໍ່ແມ່ ຄູບາ ອາຈານ ໃຫ້ຍົກໃສ່ເກົ້າຄະນິງໄວ້ຢ່າຊູລືມ
  
•  
• ຄວາມຄິດໃຫ້ຖ່ອງເຖິງພື້ນ ສະເຫມີບົວຮາກຢັ່ງ ໃຈໃຫ້ອ່ອນດັ່ງຝ້າຍ ຫລາຍລໍ້ຍືດຍາວ
  
•  
• ຢ່າໄດ້ທຳໃຈພ້ຽນ ເຂົາຮໍຂົມຂື່ນ ຄວາມຄິດຢ່າໄດ້ຕື້ນ ສະເຫມີຫມໍ້ປາກບານ
  
•  
• ຮັກກັນໄວ້ ດີກ່ວາຊັງກັນ ໃຫ້ມັນຍາວໆໄວ້ ຄືເສົາໂທລະເລກ ຢ່າໃຫ້ສັ້ນຂໍ້ລໍ້ ຄືຂໍ້ຫມາກຂາມ
  
•  
• ໃຫ້ເຈົ້າຄ່ອຍພຽນສາສ້າງ ສະເຫມີແຕນແປງຊໍ່ ໃຫ້ເຈົ້າຄ່ອຍສືບຕໍ່ໄວ້ ສະເຫມີເຜິ້ງສືບຮັງ
  
•  
• ທຽວທາງບໍ່ສຸດເສັ້ນ ຢ່າຖອຍຫລັງເຂົາສິຢຽບ ແຫນງວ່າຕາຍຫນ້າພຸ້ນ ເຂົາສິຍ້ອງວ່າດີ
  

................................................

...........................................................................

.................................................................................................

ເຫລາຈື້ກ່າວໄວ້ວ່າ:

ຜູ້ທີ່ຮູ້ຈັກຄົນອື່ນ     ຊື່ວ່າຜູ້ສັງເກດ

ຜູ້ທີ່ຮູ້ຈັກຕົນເອງ     ຊື່ວ່າຜູ້ມີປັນຍາ

ຜູ້ຊະນະຄົນອື່ນ      ຊື່ວ່າຜູ້ແຂງແຮງ

ຜູ້ຊະນະຕົນເອງ      ຊື່ວ່າຜູ້ເຂັ້ມແຂງ

ຜູ້ຮູ້ຈັກພໍ               ຊື່ວ່າຜູ້ລ່ຳລວຍ

ຜູ້ພາກພຽນ           ຊື່ວ່າຜູ້ມີຈິດຫມັ້ນຄົງ

ຜູ້ທີ່ບໍ່ຕົກຢູ່ໃນອຳນາດຂອງຄວາມຢາກ  ຊື່ວ່າຜູ້ຍືນຍົງ

....................................

ຄົນທີ່ຢືນເດ່ຕີນ ຍ່ອມຢືນຢູ່ບໍ່ໄດ້ດົນ

ຄົນທີ່ກ້າວຂາຍາວເກີນໄປ ຍ່ອມເດີນໄປບໍ່ໄດ້ໃກ

ຄົນທີ່ມັກສະແດງຕົນ ຈະບໍ່ໄດຮັບຄວາມຍົກຍ້ອງ

ຄົນທີ່ມັກຍົກຕົນຂົ່ມຄົນອື່ນ ຈະບໍ່ໄດ້ຮັບຄວາມນັບຖື

ຄົນທີ່ມັກໂອ້ອວດ ຈະບໍ່ໄດ້ຮັບອິຫຍັງເລີຍ

..............................

ຄຳເວົ້າທີ່ຈິງໃຈ ອາດຈະບໍ່ມ່ວນ

ຄຳເວົ້າທີ່ມ່ວນ ອາດຈະບໍ່ຈິງໃຈ

ຄົນດີບໍ່ເວົ້າໂຕ້ຖຽງເພື່ອຕົນເອງ

ຄົນທີ່ມັກເວົ້າໂຕ້ຖຽງເພື່ອຕົນເອງ

ສ່ວນຫລາຍຈະເປັນຄົນບໍ່ດີ

................................ທໍ່ນີ້ກະພໍໃຈແລ້ວ

ຄຳວ່າບຸນບຸນນີ້            ບໍ່ມີໃຜປັນແຈກ

ມັນບໍ່ແຍກອອກໄດ້       ຄືໄມ້ຜ່າກາງ

ປຽບດັ່ງເຮົາກິນເຂົ້າ      ເຮົາກິນເຮົາກໍອີ່ມ

ມັນບໍ່ໄປອີ່ມທ້ອງ         ເຂົານັ້ນຜູ້ບໍ່ກິນ

.......................................................

ຫາກວ່າໃຈປະສົງສົ້ງ    ກາງດົງກໍວ່າບ້ານ

ຫາກວ່າໃຈຂີ້ຄ້ານ        ກາງບ້ານກໍວ່າຫນາມ

ຫາກວ່າໃຈອາດຫານ    ກັນດານກໍວ່າງ່າຍ

ຫາກວ່າໃຈວຸ່ນວາຍ      ແລ້ວຈະສະບາຍໄດ້ຈັ່ງໃດ...ທ່ານເອີຍ

ທຸກເພີ່ນບໍ່ວ່າດີ     ມີເພີ່ນຈັ່ງວ່າພີ່ນ້ອງ   ລຸງປ້າຈຶ່ງເອີ້ນວ່າຫລານ

     (ເຮົາຄົນຈົນຕ້ອງທຳໃຈ....ແຕ່ຍັງຍິ້ມໄດ້ເວີ່ຍ...ຮ່າໆໆ)

ຫມາຍເຫດ: ໄປເກັບມາ

+ ຍິງຮູບຮ້າຍຄອງວັດພາງາມ ຊາຍຮູບຊາມວິຊາພາຮຸ່ງ

+ ຢ່າເສວະນາກັບຄົນຊົ່ວ ຢ່າມົ້ວອະບາຍຍະມຸກ ຢ່າຊີງສຸກ

ກ່ອນຫ່າມ ຢ່າຖາມໂດຍບໍ່ໄດ້ຄິດ ບັນດິດເຂົາບໍ່ສັນສັນລະເສີນ

+ ກິນຢູ່ກັບປາກ ຢາກຢູ່ກັບທ້ອງ ທຽວຂີ້ພັດແມ່ນຂາ

+ ເງິນເຕັມຖົງຢ່າໄດ້ອົ່ງອວດອ້າງ ຜູ້ເພິ່ນກວ້າງ ມີມາກກ່ວາໂຕ

+ ໃຈໂມໂຫພາໂຕມັກມາກ ປາກໄປກ່ອນມັນບໍ່ເປັນທຳ

ສາດສະຫນາ

• ຍິງໃດສົມບູນໄດ້ດ້ວຍ ເຮືອນສາມນ້ຳສີ່

ເປັນຍິງທີ່ດີເລີດລ້ຳ ສົມຄວນແທ້ແມ່ເຈົ້າເຮືອນ

• ຢ່າໃຫ້ແມງງ່ອງແງ່ງ ລົງຫລີ້ນນໍ້າແອ່ງກີນ

• ຢ່າໃຫ້ໄຫໃນບ້ານ ຂາດແຫ້ງ ຢ່າໃຫ້ແອ່ງ
  

ຂາດກ້ຽງ ຊາວບ້ານຊິກ່າວຂວັນ

• ຢ່າໄດ້ມີຄຳຂົມ ຕໍ່ໃຜພໍນ້ອຍ ຢ່າໄດ້ຄອຍຫາຂໍ້

   ງໍແງຮ້ອຍແງ່ ຄຽດຂໍ້ລໍ້ແຂ່ແຫລ້ແນວນີ້ມັນບໍ່ດີ

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,,,,,,,,

,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,,

ຄັດບາງຕອນຈາກເຮືອນສາມນ້ຳສີ່ ປະເພນີຂອງແມ່ຍິງລາວບູຮານ

ກິ້ວໆໆໆໆ

• ເຫລັກຄົດເອົາໄວ້ເຮັດຂໍ ເຫລັກງໍເອົາໄວ້ເຮັດກ່ຽວ ຄົນຄົດລ້ຽວເອົາໄວ້ບໍ່ດີ
• ຄົນບໍ່ອອກຈາກບ້ານບໍ່ເຫັນດ່ານແດນໄກ ຄົນບໍ່ໄປຫາຮຽນຍ່ອມບໍ່ມີຄວາມຮູ້
• ເງີນເຕັມພາ ບໍ່ທໍ່ຜະຫຍາເຕັມປູມ
• ໄປຢຽບຫມາ ມາຢຽບຂຽດ
• ຢູ່ໃຫ້ເພີ່ນວ່າດີ ຫນີໃຫ້ເພີ່ນຄິດຮອດ
• ເພີ່ນບໍ່ເອີ້ນຢ່າຂານ ເພີ່ນບໍ່ວານຢ່າຊ່ວຍ
• ເກົ້າອົດເກົ້າເຍື້ອນ ຫາກສິໄດ້ທ່ອນຄຳ ຄວາມພະຍາຍາມຢູ່ໃສ ຄວາມສຳເລັດຢູ່ນັ້ນ
• ຮຽນແລ້ວຮຽນອີກ ຮຽນເລື້ອຍໆໄປ
• ຮົ້ວຫລາຍຫລັກຈຶ່ງຫມັ້ນ ພີ່ນ້ອງຫລາຍຊັ້ນຈຶ່ງດີ
• ແກ້ວບໍ່ຜັດສາມປີເປັນແຮ່ ພີ່ນ້ອງບໍ່ແວ່ສາມປີກາຍເປັນອື່ນ
• ຄວາມສາມັກຄີຄື ບໍ່ເກີດຂອງຄວາມສຳເລັດ
• ຮັກຊາດໃຫ້ຫມັ່ນສຶກສາ ຮັກສາດສະຫນາໃຫ້ຫມັ່ນທຳຄວາມດີ
• ຮຽນຫນັງສື ແມ່ນຮັກຊາດ
• ພາສາບອກຊາດ ມາລະຍາດບອກຕະກຸນ
• ຢ່າໄວ້ໃຈທາງ ຢ່າວາງໃຈຄົນ ມັນສິຈົນໃຈໂຕ
• ໄມ້ລຳດຽວອ້ອມຮົ້ວບໍ່ໄຂ່ວ ໄພ່ບໍ່ພ້ອມແປງບ້ານບໍ່ເຮືອງ
• ປາໂຕດຽວ ເນົ່າເຫມັນຫມົດຂ້ອງ
• ເຂົ້າເພີ່ນຂາວ ເພາະລູກສາວເພີ່ນງາມ
• ນາດີຍ້ອນຝຸ່ນ ບ້ານອົບອຸ່ນຍ້ອນຜູ້ສາວຫລາຍ
• ໄກ່ງາມຍ້ອນຂົນ ຄົນງາມຍ້ອນແຕ່ງ
• ສາວງາມນາມຄ່ອງ ສາວຈອງຫອງມີແຕ່ຄົນຊັງ
• ຄົບເພື່ອນດີມີສີແກ່ຕົວ ຄົບເພື່ອນຊົ່ວພາຕົວຫມົ່ນຫມອງ
• ໂຮມກັນເຮົາຢູ່ ແຍກຫມູ່ເຮົາຕາຍ
• ຫລົງທາງເສຍເວລາ ຫລົງຕິດຢາເສຍອະນາຄົດ
• ສິບປາກເວົ້າ ບໍ່ເທົ່າຕາເຫັນ
• ນາດີຍ້ອນກ້າ ຟ້າເຂົ້າຍ້ອນຫີນຊາ
• ຊື່ກິນບໍ່ຫມົດ ຄົດກິນບໍ່ນານ
• ກົບຕາຍຍ້ອນປາກ ຄັນຄາກຕາຍຍ້ອນສຽງ
• ບຸນຄຸນພໍ່ແມ່ນີ້ ຫນັກກ່ວາແຜ່ນທໍລະນີ
• ບຸນຄຸນພໍ່ທໍ່ພູເຂົາກ້າ ບຸນຄຸນແມ່ທໍ່ຟ້າກັບແຜ່ນດີນ
• ຊີ້ນໄປປາມາ ເພື່ອຮັກສາຄວາມສາມັກຄີ
• ຄວາມປະຫມາດຄື ທາງແຫ່ງຄວາມຕາຍ
• ກິນເຂົ້າຢ່າລືມບຸນຄຸນຄວາຍ
• ນາດີຖາມຫາເຂົ້າປູກ ລູກດີຖາມຫາພໍ່ແມ່
• ຫນູກັດຜ້າຈຶ່ງຮູ້ຄຸນແມວ ລູກແຂນແອວຈຶ່ງຮູ້ຄຸນພໍ່ແມ່
• ຮັກງົວໃຫ້ຜູກ ຮັກລູກໃຫ້ຕີ
• ຄວາມກະຕັນຍູ ເປັນເຄື່ອງຫມາຍຂອງຄົນດີ
• ລູກເວົ້າຢາກ ພໍ່ແມ່ປາກປຽກ
• ສິຖົ່ມນ້ຳລາຍ ໃຫ້ຫລຽວເບີ່ງປ່ອງ ສິນັ່ງຢ່ອງຢໍ້ໃຫ້ຫລຽວເບີ່ງວ່າງຂາ
• ໃຫ້ຕື່ນເດິກຄືກາ ໃຫ້ຫາກິນຄືໄກ່
• ຮີດຄອງລາວ ເກົ້າຜົມບ່ຽງແພ ເຂົ້າວັດຟັງທຳ
• ສັດສີ່ຕີນຍັງຮູ້ພາດ ນັກປາດຍັງຮູ້ຫລົງລືມ
• ໄວປາກເສຍສິນ ໄວຕີນຕົກກົກໄມ້
• ໃຈຮ້າຍເປັນຜີ ໃຈດີເປັນພຣະເຈົ້າ
• ກິນໃນເຮືອນ ຂີ້ໃສ່ເທິງຫລັງຄາ

(ມື້ນີ້ຄິດໄດ້ທໍ່ນີ້...ເຈີກັນໃຫມ່ສະບັບຫນ້າ ຖ້າໃຜມີກໍແບ່ງແນ່ເນີ!)

ທີ່ມາ phengpuan.blogspot.com

ເຂົ້າເວບ http://www.youtube.com ແລ້ວຄົ້ນຫາເພງທີ່ຕ້ອງການ ແລ້ວກ໋ອບໂຄ້ດໃນຊ່ອງ Embed ກໍຈະໄດ້ແບບນີ້

<object width=”320″ height=”265″><param name=”movie” value=”http://www.youtube.com/v/rixeV0bk5fs&hl=en_US&fs=1&“></param><param name=”allowFullScreen” value=”true”></param><param name=”allowscriptaccess” value=”always”></param><embed src=”http://www.youtube.com/v/rixeV0bk5fs&hl=en_US&fs=1&” type=”application/x-shockwave-flash” allowscriptaccess=”always” allowfullscreen=”true” width=”320″ height=”265″></embed></object>

ກ໋ອບຄຳວ່າ ;autoplay=1 ໄປໃສ່ຫລັງ url ເພງ ທີ່ເປັນສີຟ້າ 2 ເທື່ອ

ກໍຈະໄດ້ແບບນີ້
<object width=”320″ height=”265″><param name=”movie” value=”http://www.youtube.com/v/rixeV0bk5fs&hl=en_US&fs=1&;autoplay=1“></param><param name=”allowFullScreen” value=”true”></param><param name=”allowscriptaccess” value=”always”></param><embed src=”http://www.youtube.com/v/rixeV0bk5fs&hl=en_US&fs=1&;autoplay=1” type=”application/x-shockwave-flash” allowscriptaccess=”always” allowfullscreen=”true” width=”320” height=”265“</embed></object>

ສາມາດປັບຂອບເພງໄດ້ບ່ອນສີມ່ວງໂດຍການໃສ່ເລກເຂົ້າໄປ................

    ເຮົາຢາກໄດ້ໃຜຈັກຄົນມາເປັນເພື່ອນແທ້ ຈົ່ງຄິດວ່າເຮົາຈະເປັນເພື່ອນແທ້ໃຫ້ໃຜແດ່ ສະນັ້ນ ເຮົາຄວນເຮັດໃຫ້ໄດ້ສະເໝີວ່າ

ໃຫ້ສິ່ງໃດກັບເພື່ອນ ເພື່ອນຍ່ອມໃຫ້ສິ່ງນັ້ນຕອບ ແລະຄິດສະເໝີວ່າ ຄວນລືມຄວາມດີທີ່ໄດ້ທໍາໄວ້ກັບຄົນອື່ນ ແຕ່ຄວນຈໍາຄວາມດີທີ່

ຄົນອື່ນໄດ້ທໍາໄວ້ ຂໍຝາກໄວ້ເດີ... 

            ມິດແທ້ແລະມິດທຽມແຕ່ລະຢ່າງມີ 4 ຈໍາພວກຄື

         ມິດແທ້ມີ 4 ຈໍາພວກ

       1. ມິດມີອຸປະກາລະ 2. ມິດຮ່ວມສຸກຮ່ວມທຸກ3. ມິດແນະນໍາປະໂຫຍ 4. ມິດມີຄວາມຮັກໄຄ່

         ມິດທຽມ 4 ຈໍາພວກ

       1. ຄົນປອກຫລອກ2. ຄົນດີແຕ່ເວົ້າ3. ຄົນຫົວປະຈົບ4. ຄົນຊັກຊວນໃນທາງເສື່ອມ              

      ຢ່າງໃດກໍ່ຕາມ ຂໍໃຫ້ເຮົາມີສະຕິໃນການຄົບຫາເພື່ອນ ການມີເພື່ຶອນເປັນຄວາມຈໍາເປັນຢ່າງຫນຶ່ງໃນຊີວິດ ຂະຫນາດພໍ່ເຮົາຍັງ

ມີແມ່ເປັນເພື່ອນຊີວິດເລີຍ ເຊິ່ງແຕ່ລະຄົນກໍ່ຕ້ອງຊ່ວຍເຫລືອກັນ ແບ່ງເບົາພາລະຫນ້າທີ່ກັນຕາມຄວາມເຫມາະສົມ

ໃຫ້ຄວາມຮັກຄວາມເຂົ້າໃຈຕໍ່ກັນແລະປົກປ້ອງຄຸ້ມຄອງກັນໃນຍາມທີ່ຕົກທຸກໄດ້ຍາກ ເມື່ອໃດກໍ່ຕາມທີ່ພໍ່ຂາດແມ່ກໍ່ເຫມືອນປາຂາດນໍ້າ

ແລະເມື່ອໃດກໍ່ຕາມທີ່ເຮົາຂາດເພື່ອນດີໆໃນຊີວິດ ເຮົາກໍ່ຈະເຫມືອນກັບຄົນທີ່ຕາບອດໄປແລ້ວຂ້າງຫນຶ່ງ

ພໍເບິ່ງເຫັນຫົນທາງໄດ້ແຕ່ກໍ່ບໍ່ເຫມືອນກັບຄົນທີ່ມີຕາດີທັງສອງຂ້າງ... ແນ່ນອນຕ້ອງເຫັນແລະເບິ່ງໄດ້ຊັດເຈນກວ່າຄົນທີ່ຕາບອດ

ໄປແລ້ວຂ້າງຫນຶ່ງ. ພໍເຖີງເວລາໃດເວລາຫນຶ່ງໃນຊີວິດ ເຮົາຈະຮູ້ວ່າການຫາເພື່ອນແທ້ຫລືເພື່ອນທີ່ດີໆນັ້ນຍາກເຫລືອເກີນ

ແຕ່ພໍເມື່ອໄດ້ມາແລ້ວຈະຮູ້ສຶກວ່າມີຄວາມສຸກ

ມີຄວາມສະບາຍກາຍ ສະບາຍໃຈແລະອົບອຸ່ນ ຢູ່ຕະຫລອດເວລາ ແຕ່ສິ່ງທີ່ສໍາຄັນກວ່ານັ້ນ ຄື

ເຮົາຕ້ອງຄິດສະເຫມີວ່າໃນຂະນະທີ່ເຮົາກໍາລັງຄົບກັບຄົນໃດຄົນຫນຶ່ງເປັນເພື່ອນຢູ່ນັ້ນ ເຂົາກໍ່ສຶກສາຮຽນຮູ້ນິດໃສໃຈຄໍເຮົາຢູ່ເຫມືອນກັນ

ຢ່າຄິດວ່າເຂົາເທົ່ານັ້ນຕ້ອງປັບຕົວເຂົ້າຫາເຮົາໆກໍ່ຕ້ອງປັບນິດໃສໃຈຄໍຂອງເຮົາໃຫ້ເຂົ້າກັບເຂົາດ້ວຍເຫມືອນກັນ ຄື

ຕ້ອງຮຽນຮູ້ເຊິ່ງກັນແລະກັນທັງສອງຝ່າຍ ແຕ່ຂໍໃຫ້ນັບຫນຶ່ງທີ່ຕົວເຮົາກ່ອນສະເຫມີ (ເຮົາຕ້ອງເລີ່ມກ່ອນ) ຫາກວ່າໄດ້ເພື່ອນມາແລ້ວ

ສິ່ງສໍາຄັນຄື ເຮົາຕ້ອງຮັກສາຄວາມເປັນເພື່ອນນັ້ນໄວ້ໃຫ້ຍືນຍາວ (ນີ້ຄືພາລະກິດຕໍ່ໄປ) ຜົນປະໂຫຍດພຽງເລັກນ້ອຍ

ແລະຄວາມຄິດເຫັນທີ່ແຕກຕ່າງກັນ ອາດຈະເຮັດໃຫ້ເຮົາແຕກແຍກຈາກເພື່ອນໄດ້ ແລະອີກຢ່າງຫນຶ່ງຄື ຄວາມຖືຕົວຂອງເຮົາເອງ

ສະນັ້ນຂໍໃຫ້ເຮົາຈົ່ງລະວັງຄວາມຄິດຂອງເຮົາເອງ ແລະທີ່ສໍາຄັນຄວນມີສະຕິກໍາກັບຢູ່ຕະຫລອດເວລາ.

ຄົນເຮົາແຕ່ລະຄົນຕາມທໍາມະຊາດແລ້ວກໍ່ເຫມືອນກັບອະໄວຍະວະຕ່າງໆໃນຮ່າງກາຍ ເຊິ່ງແຕ່ລະຢ່າງກໍ່ມີຄວາມຈໍາເປັນແລະສໍາຄັນບໍ່

ເທົ່າກັນເວົ້າງ່າຍໆກໍ່ຄື ມີພາລະຫນ້າທີ່ຕ່າງກັນ ເຊັ່ນ ຕາມີໄວ້ເບິ່ງສິ່ງຕ່າງໆ ສ່ວນຫູກໍ່ມີຫນ້າທີ່ຟັງສຽງຕ່າງໆທີ່ຜ່ານເຂົ້າມາ...

ແຕ່ຖ້າຫາກເຮົາຝືນທໍາມະຊາດຂອງມັນຄື ຢາກເອົາຫູໄປເບິ່ງແລະເອົາຕາໄປຟັງ ຫລື ສາມາດເຮັດໄດ້ ນັ້ນກໍ່ສະແດງວ່າ

ຄົນນັ້ນຜິດປົກກະຕິ ຫລືຜິດທໍາມະຊາດແລ້ວ ຄົນເຮົາກໍ່ເຫມືອນກັບອະໄວຍະວະຕ່າງໆໃນຮ່າງກາຍ ຄື ມີດີຕ່າງກັນແລະມີ

ຄວາມສາມາດບໍ່ເທົ່າກັນ ເກັ່ງຄົນລະດ້ານ ຖະຫນັດຄົນລະດ້ານ ແລະການທີ່ເຮົາບໍ່ຖືກໃຈກັບໃຜຄົນໃດຄົນຫນຶ່ງ

ກໍ່ຢ່າຄິດວ່າເຂົາເປັນສັດຕູຕົວຮ້າຍກາດຂອງເຮົາ ຫລືຢ່າສະແດງຕົວເປັນສັດຕູກັບເຂົາ

ແຕ່ຂໍໃຫ້ເຮົາເວັ້ນໄລຍະຫ່າງຈາກຄວາມເປັນເພື່ອນຂອງເຂົາກັບເຮົາເອົາໄວ້ຕາມຄວາມເຫມາະສົມກ່ອນ

ຂໍໃຫ້ເພື່ອນໆຈໍາໄວ້ໃນໃຈສະເຫມີວ່າ ຄົນແຕ່ລະຄົນມີຄວາມດີຕ່າງກັນ ມີຫນ້າທີ່ຕ່າງກັນ ແລະມີຄວາມຈໍາເປັນໃນເວລາ

ແລະສະຖານທີ່ຕ່າງກັນ ຮັກກັນໄວ້ດີກວ່າຊັງກັນ ສະນັ້ນ ສາມັກຄີຮັກແພງກັນໄວ້  ດີກວ່າແຕກແຍກກັນ

ເປັນຄໍາເວົ້າທີ່ມີຄວາມຫມາຍຫລາຍ... ເພື່ອນໆວ່າແມ່ນບໍ?

ຢ່າງໃດກໍ່ຕາມຂໍໃຫ້ເຮົາທຸກຄົນຈໍາໄວ້ສະເຫມີວ່າ ຄົນເຮົານັ້ນ ຕາມທໍາມະຊາດແລ້ວມັກຈະຫລົງລືມແນວງ່າຍໆ

ຈົ່ງເຕືອນສະຕິຕົວເອງໄວ້ວ່າ ເພື່ອນແທ້ນັ້ນບໍ່ກ່ຽວກັບຕໍາແຫນ່ງ ຖານະ ຄອບຄົວ ຄວາມຮັ່ງມີ ຫລືຄວາມຈົນຕ່າງໆ

ແລະກໍ່ບໍ່ກ່ຽວກັບຮູບຮ່າງຫນ້າຕາດ້ວຍ

ບາງທີຄົນທີ່ມີຮູບຮ່າງຫນ້າຕາຂີ້ຮ້າຍ ແຕ່ຈິດໃຈເຂົາອາດຈະດີກໍ່ໄດ້ ແຕ່ບາງຄົນເບິ່ງພາຍນອກຮູບຮ່າງຫນ້າຕາດີຈົນບໍ່ມີທີ່ຕິ

ແຕ່ໃຜຈະຮູ້ວ່າຈິດໃຈຂ້າງໃນຂອງເຂົານັ້ນອາດຈະເຕັມໄປດ້ວຍຄວາມໂລບ ຄວາມໂກດແລະຄວາມຫລົງຈໍານວນ

ມະຫາສານກໍ່ເປັນໄດ້ ສະນັ້ນ ຢ່າເບິ່ງຄົນແຕ່ພຽງຮູບຮ່າງຫນ້າຕາພາຍນອກຢ່າງດຽວ ເຮົາຕ້ອງສໍາຫລວດ

ແລະເບິ່ງເຂົ້າໄປຂ້າງໃນຈິດໃຈຂອງເຂົາ ເຮົາຈຶ່ງຈະໄດ້ຂໍ້ມູນທີ່ຈິງແລະຖືກຕ້ອງຂອງເຂົາ ດັ່ງຄໍາສຸພາສິດຫນຶ່ງທີ່ວ່າ

”ຖ້າພິຈາລະນາຄົນດ້ວຍໃຈ ຈະພິຈາລະນາໄດ້ແມ່ນຢໍາກວ່າໃຊ້ຕາຫລາຍເທົ່າ” ມິດຕະພາບທີ່ແທ້ຈິງແລະຈິງໃຈ

ນັ້ນຈະຢູ່ທີ່ມິດຕະພາບລະຫວ່າງໃຈຕໍ່ໃຈ. ວັນນີ້ທ່ານມີມິດຕະພາບລະຫວ່າງໃຈແລ້ວຫລືຍັງ?

ຖ້າຍັງບໍ່ມີກໍ່ຂໍເປັນກໍາລັງໃຈໃຫ້ຫາຕໍ່ໄປໆໆໆ ແລ້ວຢ່າລືມເປັນກໍາລັງໃຈໃຫ້ຂ້ອຍເດີ…

ເພາະກໍາລັງຈະໄປຫາເຫມືອນກັນໆໆ. ຂໍໃຫ້ເພື່ອນໆມີຄວາມສຸກ ຄວາມຈະເລີນໃນການຫາເພື່ອນແທ້

ແລະການສຶກສາຮໍ່າຮຽນ ມີຄວາມສະບາຍກາຍສະບາຍໃຈ ມີສຸກຂະພາບເຂັ້ມໆ (ໂອຍ! ບໍ່ແມ່ນສຸກຂະພາບແຂ້ມແຂງ)

ແລະປາສະຈາກໂລກໄພໄຂ້ເຈັບທັງຫລາຍໃນປີໃຫມ່ນີ້ ແລະປະກອບໄປດ້ວຍພອນສີ່ປະການຄື

ອາຍຸ ວັນນະ ສຸຂະ ພາລະດ້ວຍເທີ້ນ ສາທຸ…ສາທຸ.

.................................................................................

............................................................

......................................

ຈົບ

ຄໍາວ່າ “ເພື່ອນ” ຄໍາດຽວສັ້ນໆ ແຕ່ພໍຄິດແລະພິຈາລະນາໃຫ້ລະອຽດແລ້ວຈະຮູ້ວ່າເພື່ອນນັ້ນມີຄວາມຫມາຍແລະຈໍາເປັນຢ່າງຍິ່ງ

ໃນຊີວິດຂອງເຮົາ ແຕ່ເພື່ອນນັ້ນກໍ່ມີຫລາຍຮູບແບບມີທັງເພື່ອນດີແລະບໍ່ດີປະປົນກັນໄປດັ່ງນັ້ນຖ້າເຮົາຢາກໄດ້ເພື່ອນແບບໃດກໍ່

ເລືອກໄດ້ຕາມໃຈປາດຖະຫນາ ເພາະຄົງບໍ່ມີໃຜຈັບຈອງເປັນລິຂະສິດໄວ້ ແມ່ນບໍ? ເພື່ອນໆທັງຫລາຍ ຢອກກັນຫລີ້ນເດີ...

ແຕ່ຈົ່ງຄິດສະເຫມີວ່າມີເພື່ອນດີເຫມືອນມີທຸກສິ່ງທຸກຢ່າງ ແຕ່ຫາກມີເພື່ອນບໍ່ດີກໍ່ຈະສູນເສຍທຸກສິ່ງທຸກຢ່າງເຫມືອນກັນ

ສະນັ້ນເພື່ອນຈຶ່ງມີຄວາມຫມາຍຕໍ່ຊີວິດເຮົາຫລາຍ ມິດຕະພາບລະຫວ່າງເພື່ອນນັ້ນຍິ່ງໃຫຍ່ມະຫາສານ

ຍິ່ງໃຫຍ່ກວ່າທ້ອງຟ້າແລະມະຫາສະມຸດ ແລະມິດຕະພາບກໍ່ຄືຄວາມເປັນເພື່ອນແທ້ທີ່ເຮົາສາມາດມອບໃຫ້ແກ່ກັນໄດ້

ແລະມິດຕະພາບແທ້ນັ້ນຈະຕ້ອງຢູ່ເຫນືອອາລົມສະເຫມີ ໃນຍາມທີ່ເຮົາໂສກເສົ້າ ເຫງົາໃຈ ຜິດຫວັງ ທໍ້ແທ້ໃນຊີວິດ ມິດຕະພາບ

ສາມາດໃຫ້ຄວາມອົບອຸ່ນແລະຄວາມຫມັ້ນໃຈແກ່ເຮົາໄດ້ ຂໍໃຫ້ເພື່ອນໆລອງຄິດເບິ່ງວ່າໃນຍາມທີ່ເຮົາຈາກບ້ານໄປໄກ

ຫາກໄດ້ເພື່ອນທີ່ດີໆຈັກຄົນຫນຶ່ງເຮົາຈະຮູ້ສຶກຢ່າງໃດ.. ແນ່ນອນເຮົາຕ້ອງຮູ້ສຶກອົບອຸ່ນແລະສະບາຍໃຈ

ເຫມືອນໄດ້ຢູ່ໃນອ້ອມກອດອັນອົບອຸ່ນຂອງແມ່ເຮົາອັນເປັນທີ່ຮັກຍິ່ງ ແຕ່ວ່າ ຫາກເຮົາຫລົງໄປຄົບເພື່ອນທີ່ບໍ່ດີ

ກໍ່ອາດຈະເຮັດໃຫ້ເຮົາຕ້ອງທຸກໃຈແລະເສຍໃຈໄດ້ເຫມືອນກັນ ຄໍາວ່າ ເພື່ອນ ເປັນສິ່ງທີ່ຍິ່ງໃຫຍ່ໃນຊີວິດ ການສະແຫວງຫາກໍ່ຍາກ

ແຕ່ການທີ່ຈະຮັກສາໄວ້ນັ້ນຍາກຫລາຍກວ່າ ຄວາມເປັນເພື່ອນບໍ່ສາມາດທີ່ຈະເກີດຂຶ້ນໄດ້ໃນຊ່ວງເວລາອັນສັ້ນ ຫມາຍຄວາມວ່າ

ເຮົາຕ້ອງໃຊ້ເວລາຫລາຍແລະຍາວນານ ໃນການສະແຫວງຫາເພື່ອນດີໆຄົນຫນຶ່ງເຮົາບໍ່ອາດຈະເອີ້ນໃຜວ່າເພື່ອນແທ້ໄດ້ໃນການພົບກັນ

ຄັ້ງທໍາອິດ ແຕ່ເຮົາຕ້ອງສຶກສາແລະຮຽນຮູ້ນິດໄສໃຈຄໍກິລິຍາມາລະຍາດກັນອີກຍາວນານຈົນເກີດຄວາມຫມັ້ນໃຈແລະແນ່ໃຈວ່າ

ເຮົາສາມາດເຂົ້າກັນໄດ້ແລະຖືກຄໍກັນສ່ວນເຮົາເອງກໍ່ຕ້ອງເປັນທີ່ໄວ້ວາງໃຈຂອງເຂົາເຫມືອນກັນ (ຕ້ອງຈິງໃຈຕໍ່ກັນທັງສອງຝ່າຍ).

ເພື່ອນໆອາດຈະເຄີຍໄດ້ຍິນໄດ້ຟັງມາຫລາຍແລ້ວວ່າ ທໍາມະຊາດຂອງຊີວິດຕ້ອງມີເພື່ອນໆປຽບເຫມືອນເງົາຂອງຊີວິດ

ແຕ່ເພື່ອນນັ້ນກໍ່ມີສອງຢ່າງຄືເພື່ອນແທ້ແລະເພື່ອນທຽມ ເພື່ອນແທ້ນໍາສຸກມາໃຫ້ ແຕ່ເພື່ອນທຽມນັ້ນນໍາທຸກມາໃຫ້ ໃຜຢາກໄດ້ແບບໃດ

ກໍ່ເລືອກເອົາເພື່ອນແທ້ນັ້ນຫາຍາກເຫມືອນຊອກງົມເຂັມໃນແມ່ນໍ້າມະຫາສະມຸດອັນເລິກກວ້າງ ແຕ່ເພື່ອນທຽມນັ້ນຫາໄດ້ງ່າຍ

(ເພາະມີຂາຍຕາມຮ້ານຂາຍຢາທົ່ວໄປ) ຢອກກັນຫລີ້ນອີກແລ້ວເດີ ໆ ໆ ຄາຍຄຽດເນາະ...ຍີ້ມກ່ອນເດີ ຈຶ່ງອ່ານຕໍ່.

....................................

........................................................................

........................................................................................................

ຕໍ່ສ່ວນທີ່ ສອງ

35. ທໍາມະຊາດສ້າງມະນຸດໃຫ້ມີສອງຫູສອງມືແຕ່ມີປາກດຽວ

ສະນັ້ນມະນຸດຄວນຟັງແລະກະທໍາຫລາຍກ່ວາເວົ້າ.

36. ເປົ້າຫມາຍການສຶກສາຄືສຶກສາເພື່ອຊີວິດ ເປົ້າຫມາຍຂອງຊີວິດຄື

ດໍາລົງຕົນເປັນຜູ້ມີສະຕິ ມີຄຸນນະທໍາແລະກ້າຫານ.

37. ເຮົາຄວນເບີ່ງໂລກໃນແງ່ດີ ມີເມດຕາ ບໍ່ລິດສະຫຍາໃຜແລະຕ້ອງໃຫ້ອະໄພເຊີ່ງກັນແລະກັນ

ຈື່ງຈະຢູ່ນໍາກັນຢ່າງສັນຕິໄດ.

38. ມັກກ່າວກັນວ່າການເວລາປ່ຽນແປງທຸກສິ່ງ ແຕ່ຈິງໆແລ້ວ

ເຮົາຕ້ອງປ່ຽນແປງທຸກສິ່ງດ້ວຍຕົວເຮົາເອງຕ່າງຫາກ.

39. ຢາກໃຫ້ຄົນອື່ນປະຕິບັດຕໍ່ເຮົາເຊັ່ນໃດ ເຮົາກໍ່ຄວນປະຕິບັດຕໍ່ຄົນອື່ນເຊັ່ນນັ້ນ

ເພາະນີ້ຄືກົດເກນແລະເຫດຜົນ.

40. ຫນ້ານອກບອກຄວາມງາມ ຫນ້າໃນບອກຄວາມດີ ຫນ້າທີ່ບອກເຖິງຄວາມສາມາດ.

41. ໄຮ້ວາດສະຫນາຢ່າຂໍພອນ ຄວາມລໍ່າລວຍຫາກຂໍກັນໄດ້ ໃນໂລກນີ້ຄົງບໍ່ມີຄົນຈົນ

ທຸກສິ່ງເກີດຈາກການກະທໍາຢ່າອ້ອນວອນຂໍພອນເລີຍ!

42. ອະດິດບໍ່ຂະຫຍັນ ປັດຈຸບັນບໍ່ຂົນຂວາຍ ອະນາຄົດບໍ່ຕ້ອງທໍານາຍ

ໂຊກຮ້າຍແນ່ນອນຕອບໃຫ້ກະໄດ້!!!

43. ຫຍາດເຫື່ອຂອງພໍ່ແມ່ຄືກະແສແຫ່ງຄວາມຫວັງ ຄວາມສໍາເລັດຂອງລູກຄືຄວາມສຸກຂອງພໍ່ແມ່

(ຕັ້ງໃຈຮຽນໃຫ້ສໍາເລັດພໍ່ແມ່ຈະໄດ້ສຸກໃຈ)

44. ລາງວັນຊີວິດຍ່ອມມາຕາມຫລັງຄວາມລໍາບາກສະເຫມີ (ມີຢູ່ໃສໃຫ້ລາງວັນແລ້ວຈື່ງເຮັດວຽກ ມີແຕ່ບອກວ່າຖ້າເຮັດວຽກແລ້ວຈະມີລາງວັນໃຫ້...ແມ່ນບໍ?)

45. ຄອຍແຕ່ບຸນມາຄໍ້າບໍ່ທໍາການມັນບໍ່ແມ່ນ ຄອຍແຕ່ບຸນສົ່ງໃຫ້ ມັນຊິໄດ້ຮ່ອມໃດ

ຄືດັ່ງເຮົາມີເຂົ້າບໍ່ເອົາກິນມັນກໍ່ບໍ່ອີ່ມມີລາບແຊບໆ ຄັນບໍ່ອົາເຂົ້າຄຸ້ຍທາງທ້ອງຮ່ອນເຕັມໄດ້ເດ!!!

46. ແສງສະຫວ່າງຮຸ່ງແຈ້ງພົ້ນພຸ່ງໃນນະພາ ຍັງບໍ່ທໍ່ປັນຍາຂອງຄົນຜູ້ສະຫລຽວ

ສະຫລາດ ປັນຍາເປັນແສງສະຫວ່າງໃນໂລກ

47. ພໍ່ແມ່ຄືໃຜ? ຕອບໃຫ້ກະໄດ້ວ່າ: ພໍ່ແມ່ຄື ແສງທຽນສ່ອງທາງຊີວິດ

ຊ່ວຍຊີ້ທິດຊ່ວຍນໍາທາງຊ່ວຍສ້າງສັນ ໃຫ້ຄວາມຮັກໃຫ້ຄວາມຮູ້ຊູຊີວັນ ລູກຈົ່ງຫມັ້ນກະ

ຕັນຍູຮູ້ແທນຄຸນເດີ!!! ສາທຸ…ສາທຸ.!!!

 48. ພັດທະນາສະຫມອງດ້ວຍການຄິດ ພັດທະນາຊີວິດດ້ວຍການຮຽນຮູ້

ຖ້າຊີວິດຂາດການຮຽນຮູ້ແລ້ວຍ່ອມຂຶ້ນສູ່ທີ່ສູງບໍ່ໄດ້.

 49. ນົກບໍ່ມີຂົນຄົນບໍ່ມີຄວາມຮູ້ຍ່ອມບິນຂຶ້ນສູ້ທີ່ສູງບໍ່ໄດ້ ຈົ່ງໃສ່ໃຈໃຫ້ຫລາຍໆ

ໃນການສຶກສາຮໍ່າຮຽນ.

...ຄວາມສໍາເລັດຂອງການສຶກສາຮໍ່າຮຽນນັ້ນວັດກັນທີ່ການສ້າງສັນສິ່ງດີໆເພື່ອສັງຄົມ

ເຮັດໃຫ້ຄົນໃນສັງຄົມເປັນຄົນດີມີຄວາມສຸກ ມີຈິດໃຈເອື້ອອາລີຕໍ່ກັນ

ທຸກຄົນມີຄວາມສາມັກຄີຮັກແພງກັນ

ແລະກ້າວໄປດ້ວຍກັນພ້ອມຮອຍຍິ້ມທີ່ສົດໃສ ແຕ່ບໍ່ໄດ້ວັດກັນທີ່ເມື່ອຈົບມາແລ້ວ

ໃຜຈະໂກງໃຜຈະເຫັນແກ່ຕົວໄດ້ຫລາຍກ່ວາກັນ

ຖ້າວັດກັນທີ່ນີ້ຂ້າພະເຈົ້າຄິດວ່າການສຶກສາຂອງເຮົາຄົງຈະບໍ່ມີຄວາມຫມາຍຫຍັງຂຶ້ນມາເລີຍ!!!

ບັນທຶກສຸພາສິດຈາກການເດີນທາງເພື່ອຮຽນຮູ້.
ໂດຍ: ເພັງ ມະນີວົງ

24. ຄວາມກະຕັນຍູເປັນເຄື່ອງຫມາຍຂອງຄົນດີ ຄົນລາວບູຮານເຊື່ອວ່າ

ເຂົ້າເມັດຫນື່ງນັ້ນມີຄ່າ ປາໂຕຫນື່ງນັ້ນມີຄຸນ

ນໍ້າດື່ມຈອກຫນື່ງນັ້ນກໍ່ມີຄວາມຫມາຍຕໍ່ຊີວິດ ເຮົາຕ້ອງຄິດແທນຄຸນ.

25. ຄວາມສໍາເລັດເກີດຈາກຄວາມສະຫລາດ 1% ບວກກັບຄວາມພຽນພະຍາຍາມອີກ

99% ລວມກັນເປັນເຈະສິ...ອິອິ!!!

26. ຄົນສະຫລາດກໍ່ຄືຄົນໂງ່ທີ່ຮູ້ຈັກປັບປຸງ ແລະພັດທະນາຕົນເອງຢູ່ສະເຫມີ

27. ຄວາມຮັກແລະຄວາມເຂົ້າໃຈກັນ ເປັນຄວາມສຸກຢ່າງຍິ່ງຂອງຄົນທີ່ມີພູມປັນຍາ

ເພາະເຂົາເຫັນແລ້ວວ່າເງິນບໍ່ແມ່ນທຸກສິ່ງທຸກຢ່າງ.

28. ຄໍາເວົ້າດ້ວຍຄວາມໂມໂຫພຽງຄັ້ງດຽວ ອາດຈະຢູ່ໃນໃຈຂອງຄົນອື່ນຕະຫລອດຊີວິດ

ຢູ່ຮ່ວມມິດໃຫ້ລະວັງວາຈາພິຈາລະນາດີແລ້ວຈື່ງເວົ້າອອກໄປ.

29. ສະຕິປຽບເຫມືອນແມ່ເອົາໄວ້ແກ້ບັນຫາຊີວິດ ສະຕິມາຫມາບໍ່ກັດແຕ່ຖ້າສະຕິຖືກຕັດ

ມັກຈະກັດກັບຫມາ. (ແຖມເຫົ່າເປັນດ້ວຍ...ອິອິອິ)

30. ສິ່ງທີ່ລໍ້າຄ່າທີ່ສຸດຂອງຄົນເຮົາຄືຊີວິດ ແລະສິ່ງທີ່ສວຍງາມທີ່ສຸດຂອງຄົນເຮົານັ້ນ

ກໍ່ຄືຄຸນງາມຄວາມດີທີ່ເຮົາສ້າງຂື້ນ.

31. ຍິ້ມວັນລະຫນ້ອຍ ຊີວິດຂອ້ຍຈະໄດ້ສົດໄສ ຍິ້ມໄວ້ໃຈຈະສົດຊື່ນອາຍຸຍືນໄຮ້ໂລຄາພິວພັນ

ງາມໂສພາເປັນສະເຫນແກ່ຕົວເອງ.

32. ຍິນດີໃນສິ່ງທີ່ຕົນໄດ້ພໍໃຈໃນສິ່ງທີ່ຕົນມີ ຍາກຈົນກໍ່ເຫມືນຄົນຮັ່ງມີ

ເມື່ອບໍ່ມີສິ່ງທີ່ເຮົາມັກກໍ່ຈົ່ງມັກສິ່ງທີ່ເຮົາມີ.

33. ບໍ່ຍິນດີໃນສິ່ງທີ່ຕົນໄດ້ ບໍ່ພໍໃຈໃນສິ່ງທີ່ຕົນມີ ເປັນເສດຖີກໍ່ເຫມືອນຄົນຈົນ

ຈົນເພາະມີບໍ່ພໍ ບໍ່ແມ່ນເພາະບໍ່ມີ.

34. ດື່ມເຫລົ້າເພື່ອເຂົ້າສັງຄົມເປັນຄ່ານິຍົມທີ່ຜິດ ຜິດສິນຜິດທໍາແລະຈະນໍາໄປສູ່ຄວາມພິນາດ

ທັງທໍາລາຍຕົວເອງແລະຜູ້ອື່ນອີກດ້ວຍ.

...............ຕໍ່ສະບັບ 4.................

13. ຄວາມອົດທົນເປັນສີ່ງທີ່ຂົມຂື່ນ ແຕ່ຜົນຂອງມັນຫວານຊື່ນສະເຫມີ
 

14. ຄົນທີ່ອ່ອນແອຍ່ອມແພ້ທຸກຢ່າງ ແມ່ນແຕ່ໃຈຕົວເອງ.

15. ຄົນສະຫລາດຖ້າຂາດສິນທໍາຄວາມດີ ກໍ່ເປັນຄົນອັບປີຂອງສັງຄົມ.

16. ຄໍາເວົ້ານັ້ນສໍາຄັນ, ແຕ່ການກະທໍາສໍາຄັນຍິ່ງກ່ວາ.

ເພາະຄົນຈະສົງໄສໃນສິ່ງທີ່ທ່ານເວົ້າແຕ່ເຂົາຈະເຊື່ອໃນສິ່ງທີ່ທ່ານເຮັດ.

17. ຄວາມຂັດແຍ້ງທໍາໃຫ້ມີແຮງສູ້ ການມີສັດຕູກໍ່ເຮັດໃຫ້ຊີວິດມີຄວາມຕື່ນຕົວ.

18. ຄົນເຮົາຈະເປັນແບບໃດຢູ່ທີ່ໃຈແລະມັນສະຫມອງ ສອງມືຈະສ້າງສັນເອົາເອງ

ບໍ່ໄດ້ຢູ່ທີ່ເທວະດາ ຟ້າແຖນໃດໆເຮົາເປັນທີ່ເພິ່ງຂອງເຮົາເອງ.

19. ຄວາມສໍາເລັດຂອງຄົນບໍ່ແມ່ນຢູ່ທີ່ຕົນມີປະລິນຍາ, ແຕ່ຢູ່ທີ່ຄວາມຫມຸ່ງຫມັ້ນ

ທີ່ຈະເດີນທາງຕາມຫາຄວາມສໍາເລັດນັ້ນ ແລະກ້າວໄປຢ່າງບໍ່ຢຸດຢັ້ງ.

20. ຄວາມປ່ຽນແປງຄືສັດຈະທໍາຂອງໂລກ ແລະຄວາມທຸກກໍ່ເປັນສິ່ງທີ່ທຸກຄົນຫນີບໍ່ພົ້ນ

ເພາະມັນເປັນສິ່ງທີ່ທໍາມະຊາດສົ່ງມາທົດສອບຄົນເຮົາຢູ່ສະເຫມີ.

21. ຄົນຈົນລໍ່າລວຍເພາະມີວິຊາ ເສດຖີສູງສົ່ງເພາະມີປັນຍາແລະຄວາມຮູ້.

22. ຄົນສະຫລາດຈະບໍ່ນັ່ງຄໍ່າຄວນເຖິງຄວາມສູນເສຍ ແຕ່ເຂົາຈະສະແຫວງ

ຫາຫົນທາງແກ້ໄຂສິ່ງນັ້ນດ້ວຍຈິດໃຈທີ່ລ່າເລີງແຈ່ມໃສ.

23. ຄົນເຮົາຈະຍິ່ງໃຫຍ່ຢູ່ໃນໂລກນີ້ໄດ້ຕ້ອງຮູ້ຈັກການປັບຕົວເຂົ້າກັບສິ່ງອື່ນໆເຊັ່ນ:

ທໍາມະຊາດແວດລ້ອມ ແລະສັງຄົມ.

.........ຕໍ່ສະບັບ 3..........

1. ເສຍເງີນ...ຫາໃຫມ່ໄດ້...ແຕ່ເສຍໃຈນັ້ນອັນຕະລາຍ...ຮີບແກ້ໄຂດ່ວນ!

2. ເພື່ອນກີນ...ຫາງ່າຍ...ເພື່ອນຕາຍຫາຍາກ.

3. ເງີນທອງເປັນຂອງນອກກາຍ (ແຕ່ກໍ່ສໍາຄັນກັບຊີວິດ) ພໍ່ແມ່ສຸກໃຈເມື່ອພີ່ນ້ອງຮັກກັນ

(ຢ່າໃຫ້ມໍລະດົກມາທໍາລາຍຄວາມເປັນພີ່ນ້ອງເຮົາ)

4. ຮ່ວມກັນເຮົາຢູ່...ແຍກຫມູ່ເຮົາອັນຕະລາຍ ຫາຄວາມສາມັກຄີໃຫ້ພົບ...ໃນຄົນຫມູ່ມາກ.

5. ພໍ່ແມ່ຄື: ພຣະ (ຜູ້ປະເສີດ) ໃນເຮືອນ...ຢ່າເຮັດໃຫ້ເພີ່ນເສຍໃຈ...

ຈົ່ງຄອຍຊ່ວຍວຽກພໍ່ແມ່ໃຫ້ເພີ່ນໄດ້ຢູ່ສະບາຍ...ເພາະເພີ່ນທຸກມາຫລາຍແລ້ວ.

6. ພາສາບອກຊາດ...ມາລະຍາດບອກຕະກຸນ...ຄຸນຄວາມດີຕ້ອງຫາເຂົ້າໃສ່ຕົວ!

7. ແກ້ວບໍ່ຜັດສາມປີເປັນແຮ່...ພີ່ນ້ອງບໍ່ແວ່ສາມປີກາຍເປັນອື່ນ. (ພີ່ນ້ອງກັນຕ້ອງຫມັ່ນໄປມາຫາສູ່)

8. ການພິຈາລະນາເບີ່ງຄົນດ້ວຍໃຈ ຈະພິຈາລະນາໄດ້ແມ່ນຢໍາກ່ວາການໃຊ້ຕາຫລາຍເທົ່າ.

9. ການຄິດແລະການກະທໍາໃນຕອນນີ້ ເປັນຕົວກໍາຫນົດຜົນໃນອະນາຄົດ.

10. ຄອ້ງກອງຈະດັງເມື່ອຖືກຕີ ຄົນຈະດີເມື່ອຖືກຄົນອື່ນເຕືອນ. (ແນະນໍາສັ່ງສອນ)

11. ກ້າວທໍາອິດທີ່ພາດພັ້ງຄືກ້າວຫລັງທີ່ຫມັ້ນໃຈ ກ້າວຫນື່ງທີ່ພາດໄປ, ຈົ່ງກ້າວໃຫມ່ໃຫ້ຫມັ້ນຄົງ.

12. ຄົນເຮົາມີເວລາໂງ່ດ້ວຍກັນຫມົດທຸກຄົນ, ແຕ່ບໍ່ມີໃຜໂງ່ຕະຫລອດການ

ເພາະບົດຮຽນຈະສອນຄວາມຄິດໃຫ້ເຮົາໃຫຍ່ຂື້ນ

ເຂົ້າໃຈໂລກຫລາຍຂື້ນ ແລະຮູ້ຈັກເປົ້າຫມາຍຫລາຍຂື້ນ.

..........................ຕໍ່ສະບັບ2..........................

ການສູບຢານອກຈາກຈະເປັນຜົນຮ້າຍຕໍ່ຮ່າງກາຍຕົນເອງ ແລະຄົນຮອບຂ້າງແລ້ວ

ຍັງເຮັດໃຫ້ເປັນຫມັນອີກດ້ວຍເປັນຜົນງານວິໄຈໃຫມ່ ແຕ່ວົງການແພດບໍ່ຮັບຮອງ...ແຕ່ຮັບຮອງ

ໂດຍຜູ້ຂຽນເອງ ປົກກະຕິແລ້ວການສູບຢາ 1 ກອກຈະເຮັດໃຫ້ອາຍຸສັ້ນລົງປະມານ 5 ເຖິງ 7 ນາທີ

ແຕ່ເຫດທີ່ເຮັດໃຫ້ເປັນຫມັນນັ້ນ...ລອງພິຈາລະນາເບິ່ງເດີ!!! ມີດັ່ງຕໍ່ໄປນີ້...

ການສູບຢາເຮັດໃຫ້ເຮົາຫາຍໃຈບໍ່ເຕັມປອດ ອິດເມື່ອຍງ່າຍເມື່ອຢາຫມົດລິດ

ຕອນສູບໃຫມ່ໆ ຂຶ້ນຂັ້ນໄດ 4 ຊັ້ນກໍ່ເມື່ອຍແລ້ວ ເກືອບບໍ່ໄຫວ...

ພໍສູບໄປດົນໆ ຂຶ້ນຂັ້ນໄດ 2 ຊັ້ນກໍ່ເມື່ອຍແລ້ວ ຫອບຫືດໆ...

ພໍສູບໄປອີກປະມານ 7 ປີ 8 ປີ ຂຶ້ນຂັ້ນໄດຊັ້ນດຽວກໍ່ເມື່ອຍແລ້ວ (ແບບນີ້ອັນຕະລາຍ)

ພໍສູບໄປອີກ 10 ປີ ເຖິງ 20 ປີ ພຽງແຕ່ເບິ່ງຫນ້າເມຍກໍ່ເມື່ອຍແລ້ວ.....ເລີຍເຮັດໃຫ້ເປັນຫມັນ... ອິອິອິ

ຄວນບໍ່ຄວນແລ້ວແຕ່ຈະພິຈາລະນາ.........ແຕ່ເປັນຜົນຮ້າຍແນ່ນອນ...

                                                   3/ 9 / 54

ຢາບ້ານີ້ເຂົາສະກັດມາຈາກ ແອມເຟຕາມີນ Amphetamine ຜະລິດຂຶ້ນມາເພື່ອຮັກສາຄົນໄຂ້

ທີ່ເປັນໂລກຊືມເສົ້າ ຫລືບ້ານເຮົາເອີ້ນວ່າໂລກໄກ່ຕົກນ້ຳ ແມ່ນບໍນໍ້? ອິອິ

ຕອນທີ່ຍີ່ປຸ່ນແພ້ສົງຄາມຄົນຍີ່ປຸ່ນຊືມເສົ້າຫລາຍຫມໍກໍ່ເລີຍຜະລິດຂຶ້ນມາໃຫ້ຄົນຍີ່ປຸ່ນກິນ

ພໍກິນເຂົ້າໄປແລ້ວກໍ່ມີແຮງຫາຍຄຽດຫາຍເສົ້າ

ຍີ່ປຸ່ນກໍ່ເລັ່ງຜະລິດຢາອີກສົ່ງເຂົ້າໄປໃນໂຮງງານໃຫ້ທຸກຄົນກິນຫາຍເສົ້າ ແລະຕັ້ງໃຈເຮັດວຽກເພື່ອກູ້ເສດຖະກິດໃຫ້ຟື້ນກັບມາ

ກ່ວາຈະຮູ້ວ່າເປັນຢາເສບຕິດຄົນຍີ່ປຸ່ນກໍ່ຕິດໄປແລ້ວເກືອບ 2 ລ້ານຄົນ ຕ້ອງໃຊ້ເວລາ 4 ປີຈຶ່ງແກ້ບັນຫາຢາບ້າໄດ້

ຢາບ້ານີ້ຕອນກິນມັນບໍ່ບ້າແຕ່ມັນຫົວໃສ່ຄົນທີ່ກິນມັນ 555++ ມັນເຮັດໃຫ້ສະບາຍໃຈ ຂະຫຍັນ ຢາກເຮັດວຽກ

ແຕ່ພໍຢາບ້າຫມົດລິດມັນຈະບ້າທັນທີ ປານໄກ່ຖືກຄ້ອນ (ຂອງເຈ້ຍປາຊີຟິກ)

ມີຄວາມຮູ້ສຶກເຫມືອນປະສາດຫລອນ ມີຄວາມຮູ້ສຶກເຫມືອນມີຄົນຕາມຂ້າ ເລີຍຂັບລົດຫນີຫລືແລ່ນຫນີ

ສະນັ້ນບາງເທື່ອເຮົາຈຶ່ງເຫັນຄົນເມົາຢາບ້າ

ຈັບເດັກນ້ອຍເປັນຕົວປະກັນ ຫລືປີນຂຶ້ນເສົາໄຟຟ້າ ຖ້າມີຄົນມາເບີ່ງຫລາຍກໍ່ຈະຍິ່ງຢ້ານແລະມີຄວາມກ້າວລ້າວຮຸນແຮງຂຶ້ນ

ຖ້າເຮົາເຫັນແຕ່ບໍ່ເຮັດຫຍັງ ບໍ່ໄປເບິ່ງພໍຫມົດລິດຢາ ກໍ່ຈະຫາຍບ້າເອງ...

ຄວນບໍ່ຄວນແລ້ວແຕ່ຈະພິຈາລະນາ ແລງວັນທີ່ 1 ເດືອນ 9 ປີ 54

ການກິນເຫລົ້າຫລືຢາເສບຕິດຕ່າງໆ ກິນຂອງແປກປອມເຂົ້າໄປໃນຮ່າງກາຍຜ່ານຮູຄໍເຂົ້າໄປ

ແລ້ວແລ່ນເຂົ້າໄປໃນກະເພາະອາຫານທັນທີ ພໍຮອດກະເພາະປຸ໋ບ...ມັນກໍ່ປິດປັ໋ບ ແລ້ວກະເພາະກໍ່ສີດ

ນ້ຳຍ່ອຍເຂົ້າມາ ຖາມທັກທາຍສະບາຍດີ...ແລ້ວຍ່ອຍທັນທີ ແຕ່ຖ້າເຮົາກິນເຫລົ້າຫລືສິ່ງແປກໆເຂົ້າໄປ

ກະເພາະກໍ່ຈະລາຍງານໄປຫາສະຫມອງທັນທີເລີຍວ່າ: ເຮີ້ຍ!! ນີ້ມັນບໍ່ແມ່ນອາຫານ ມຶງແດກເຂົ້າມາໄດ້ແນວໃດວະນີ້?

ສະຫມອງກໍ່ຮີບສົ່ງ E-mail ໄປຫາປະຕູວ່າ: ເຮີ້ຍ!!! ເປີດປະຕູໄວໆ ທີ່ມຶງແດກມື້ກີ້ນັ້ນບໍ່ແມ່ນອາຫານ

ປະຕູເປີດປຸ໋ບ...ກະເພາະອາຫານກໍ່ບີບຕົວເອງຢ່າງແຮງ...ບິ໋ບໆໆ ເຮົາກໍ່ຮາກທັນທີເລີຍ

ສະນັ້ນຄົນທີ່ບໍ່ເຄີຍກິນເຫລົ້າຫລືດົນໆຈຶ່ງກິນ ຈຶ່ງຮາກງ່າຍ ບາງຄົນບອກວ່າກິນຫລາຍປານໃດກໍ່ບໍ່ຮາກ

ນັ້ນສະແດງວ່າ...ອັນຕະລາຍແລ້ວຕັບໃກ້ຈະແຂງ 555+ ເພາະກິນຫລາຍໆ ສະຫມອງຈະເບື່ອ ມັນຈະບໍ່ເຕືອນອີກຕໍ່ໄປ

ມັນບອກວ່າ: ກູເຕືອນແລ້ວ...ມືງບໍ່ຟັງ...ຕໍ່ໄປກູຈະບໍ່ເຕືອນມືງອີກ...ເຮົາເລີກກັນ...ຫຶຫຶໆໆໆ

ແລງວັນທີ່ 31 ເດືອນ 8 ປີ 54

ຊີວິດຂອງຄົນເຮົາບໍ່ວ່າຈະຍາກດີມີຈົນ ສຸດທ້າຍທັງຫມົດກໍ່ມີຈຸດຈົບຄືກັນຫມົດຄື: ສະຫລຸບລົງທີ່

ຄວາມເກີດ ຄວາມແກ່ ຄວາມເຈັບ ແລະຄວາມຕາຍ...

ສະນັ້ນ, ຄວາມລວຍຄວາມຈົນ

ຈື່ງບໍ່ແມ່ນເຄື່ອງວັດຄວາມດີຂອງຄົນ

ຄົນລວຍດີກໍ່ມີຫລາຍ

ຄົນລວຍຊົ່ວກໍ່ມີຫລາຍ

ຄົນຈົນດີກໍ່ມີຫລາຍ

ຄົນຈົນຊົ່ວກໍ່ມີຫລາຍ

ສະນັ້ນ: ເຄື່ອງວັດຄວາມດີຂອງຄົນຈື່ງຢູ່ທີ່

ການກະທຳທາງກາຍ ທາງວາຈາ ແລະ ທາງໃຈໃຫ້ບໍລິສຸດ...

ແລງວັນທີ່ 25 ເດືອນ 8 ປີ 54

ຄວາມຫມາຍຂອງປັດຊະຍາ (ປຣັດຊະຍາ)

ປັດຊະຍາ (ປຣັດຊະຍາ) ເປັນພາສາສັນສະກິດມາຈາກຄໍາວ່າ ປະຣະ ແລະ ຊະຍາ ລວມເປັນ ປຣັດຊະຍາ

ແຕ່ພາສາລາວເຮົາຫນ້າຈະໃຊ້ຄໍາວ່າ ປັດຊະຍາ ເພາະມັນງ່າຍ ???

ປະຣະ ແປວ່າ ທົ່ວ, ຮອບ, ປະເສີດ. ຊະຍາ ແປວ່າ ຮູ້, ສະຫລາດ ເມື່ອລວມກັນແລ້ວຈື່ງໄດ້ຄວາມຫມາຍວ່າ ຄວາມຮູ້ທົ່ວ,

ຫລື ຄວາມຮູ້ອັນປະເສີດ...

ສ່ວນພາສາອັງກິດໃຊ້ຄໍາວ່າ Philosophy ເຊີ່ງເປັນຄໍາມາຈາກພາສາກຣີກ ຫລື ເກຣັກ (Greek) ບູຮານຄື: Philos+Sophos

ຫລື Sophis. Philos ແປວ່າ ຄວາມຮັກ, ຄວາມພໍໃຈ (Loving). Sophis ຫລື Sophia (Wisdom) ແປວ່າ ຄວາມຮູ້ ຫລື

ປັນຍາ. ເມື່ອລວມເຂົ້າກັນແລ້ວຈື່ງໄດ້ຄໍາວ່າ Philosophia ຫລື Philosophy ມີຄວາມຫມາຍຕາມສັບວ່າຄວາມຮັກໃນຄວາມຮູ້,

ຄວາມສົນໃຈ ຫລືຄວາມຮັກໃນການສະແຫວງຫາຄວາມຮູ້. ເມື່ອແປຕາມສັບແລ້ວຄວາມຫມາຍບໍ່ກົງກັນ

ແຕ່ເຖີງຢ່າງໃດກໍ່ຕາມຖືວ່າ ປັດຊະຍາ ເປັນຄໍາແປຂອງ Philosophy

ສະນັ້ນຈື່ງໃຊ້ໃນຄວາມຫມາຍດຽວກັນໃນຫນັງສືທາງວິຊາການ...

                                                                ພຣະພຸດທະ​ຮູບ.

   ແນ່ນອນວ່າໃຜເຂົ້າວັດຕ້ອງເຫັນພຣະພຸດທະ​ຮູບ ພຣະພຸດທະຮູບນັ້ນແມ່ນ​ຕົວ​ແທນ​ຂອງ​ພຣະພຸດ​ທະເຈົ້າ,

ເປັນຜູ້​ໄກ​ຈາກ​ກິ​ເລດ, ເປັນຜູ້ຕັດສະຮູ້​ຊອບ​ໄດ້​ໂດຍ​ພຣະອົງ​ເອງ ເປັນຜູ້ດັບ​ທຸກ​ໄດ້ ​ແລະ​ເປັນ​ຜູ້ທີ່​ມີຄຸນ 3 ຢ່າງ​ຄື:

                       1.ພຣະປັນຍາທິ​ຄຸນ  ພຣະຄຸນ​ຄື​ປັນຍາ

2.ພຣະວິສຸດ​ທິຄຸນ  ພຣະຄຸນ​ຄື​ຄວາມ​ບໍລິສຸດ

3.ພຣະມະຫາ​ກະລຸນາທິ​ຄຸນ ພຣະຄຸນ​ຄື​ຄວາມ​ກະລຸນາ​ຕໍ່ສັດ​ໂລກ

​ເປັນ​ເຄື່ອງ​ເຕືອນ​ໃຈ​ວ່າ ​ເຮົາ​ຈະ​ບໍ່ບຽດບຽນຕົນ​ເອງ ບໍ່ບຽດບຽນຜູ້​ອື່ນ ​ເຮົາ​ຈະ​ບໍ່​ເຮັດ​ຜິດ​ກົດຫມາຍ ຜິດ​ສີນ​ທໍາ

ຖ້າເຮົາເບີ່ງແບບນີ້ຍ່ອມ​ໄດ້​ປະ​ໂຫຍ​ດມະຫາສານຈາກ​ພຣະພຸດທະ​ຮູບ.

                       ປັດ​ຊະ​ຍາ​ຈາກ​ພຣະພຸດທະ​ຮູບ.

1.​ ຈອມ​ແຫລມ​ຂອງ​ສຽນ (ຫົວ) ​ເປັນ​ປິດສະຫນາ​ທໍາ​ວ່າ:​ ​ເຮົາ​ຕ້ອງ​ໃຊ້​ປັນຍາ​ອັນ​ສຽບ​ແຫລມ​ເພື່ອ​ຕໍ່ສູ້​ກັບ​ອຸປະສັກ​ບັນຫາ​

ຕ່າງໆ ​ແລະ​ການ​ແກ້​ໄຂ​ບັນຫາ​ທຸກ​ຢ່າງຕ້ອງ​ແກ້​ໂດຍ​ໃຊ້​ປັນຍາ ພິຈາລະນາໃຫ້ລະອຽດ.  ພຣະ​ພຸດທະ​ເຈົ້າກ່າວໄວ້​ວ່າ:

1. ຜູ້​ມີ​ປັນຍາ​​ເຖີງວ່າ​ຈະ​ໄຮ້​ຊັບ ກໍ່ຍັງ​ມີ​ຊີວິດ​ຢູ່​ໄດ້

2. ຄົນ​ຍ່ອມ​ບໍລິສຸດ​ໄດ້​ດ້ວຍ​ປັນຍາ

3. ປັນຍາ​ປະ​ເສີດ​ກ່ວາຊັບ

4. ແສງ​ສະຫວ່າງ​ສະ​ເຫ​ມີ​ດ້ວຍ​ປັນຍາ​ບໍ່ມີ

5. ຄົນ​ມີ​ປັນຍາ​​ເຖີງວ່າ​ຈະ​ຕົກທຸກ​ກໍ່ຍັງ​ຫາ​ຄວາມສຸກ​ເຈີ

2.​ ຕາ (ພຣະ​ເນ​ດ)​ ທີ່​ເບີ່​ງລົງ​ຕໍ່າ ​ເປັນ​ປິດສະຫນາ​ທໍາ​ໃຫ້​ເຮົາ​ຮູ້ຈັກ​ເບີ່​ງຕົວ​ເອງ ​ເພາະ​ຄົນ​ສ່ວນ​ຫລາຍ​ມັກ​ເບີ່​ງ​ແຕ່​ຜູ່​ອື່ນ ​

ເພັ່ງ​ໂທດ​ຄົນ​ອື່ນ ຈື່ງ​ມີ​ຄໍາເວົ້າອອກ​ມາ​ວ່າ: ໂທດ​ຄົນ​ອື່ນເບີ່​ງ​ເຫັນເ​ທົ່າພູເຂົາ,ໂທດ​ຂອງ​ເຮົາເບີ່​ງ​ເຫັນເທົ່າ​ເສັ້ນຜົມ,

ຕົດ​ຄົນ​ອື່ນເຫມັນ​ເບື່ອເຮົາ​ເຫລືອ​ທົນ,ຕົດ​ຂອງ​ຕົນເຖີງ​ວ່າເຫມັນບໍ່​ເປັນ​ຫຍັງ ຯ

3. ​ໃບຫູທີ່​ຍານ ​ເປັນ​ປິດສະຫນາ​ທໍາວ່າ: ​ໃຫ້​ເປັນ​ຄົນ​ຫູ​ຫນັກ ຄື​ຫນັກ​ແຫນ້ນ ບໍ່​​ໃຫ້ເປັນ​ຄົນ​ຫູ​ເບົາ​ເຊື່ອ​ຄົນງ່າຍ

 ຕ້ອງ​ພິຈາລະນາ​ໃຫ້​ດີ​ກ່ອນ​ທີ່​ຈະ​ເຊື່ອ​ເລື່ອງ​ຕ່າງໆ...ດັ່ງ​ທີ່​ພຣະພຸດທະ​ເຈົ້າ​ໄດ້​ເທດ​ສະຫນາ​ແກ່​ຊາວ​ກາ​ລາ​ມະ​ວ່າ:

        1. ທ່ານ​ຢ່າ​ເຊື່ອ​ພຽງ​ແຕ່​ໄດ້​ຍິນ​ເຂົາ​ວ່າ

        2. ທ່ານ​ຢ່າ​ເຊື່ອ​ພຽງ​ເຂົາ​ເລົ່າ​ສືບໆກັນ​ມາ

        3. ທ່ານ​ຢ່າ​ເຊື່ອ​ພຽງ​ໄດ້​ຍິນ​ມາ​ຢ່າງ​ນີ້

        4. ທ່ານ​ຢ່າ​ເຊື່ອ​ພຽງອ້າງ​ຕໍາລາ

        5. ທ່ານ​ຢ່າ​ເຊື່ອ​ພຽງນຶກ​ເອົາ​ເອງ

        6. ທ່ານ​ຢ່າ​ເຊື່ອ​ພຽງຄາດ​ຄະ​ເນ​ເອົາ

        7. ທ່ານ​ຢ່າ​ເຊື່ອພຽງຕຶກ​ຕາມ​ອາລົມ

        8. ທ່ານ​ຢ່າ​ເຊື່ອພຽງຢຶດຄວາມ​ເຫັນ​ຂອງ​ຕົນ

        9. ທ່ານ​ຢ່າ​ເຊື່ອພຽງວ່າ​ຜູ້​ນີ້​ຄວນ​ເຊື່ອ

        10. ທ່ານ​ຢ່າ​ເຊື່ອພຽງວ່າຜູ້​ນີ້​ເປັນ​ຄູ​ຂອງ​ເຮົາ. ​ແຕ່​ຈົ່ງ​ເຊື່ອ​ເມື່ອ​ພິຈາລະນາ​ແລ້ວເຫັນ​ຖືກ​ຕອ້ງຕາມ

ທໍານອງ​ຄອງ​ທໍາ​ແລະ​ສົມ​ເຫດ​ສົມ​ຜົນ, ພ້ອມ​ທັງ​ນັກປາດ​ທັງຫລາຍ​ຍົກຍ້ອງຊື່ນ​ຊົມ.

4. ປາກ​ມີຮອຍຍີ້ມ ​ເປັນ​ປິດສະຫນາ​ທໍາວ່າ ​ເຮົາ​ຕ້ອງ​ມີ​ຄວາມ​ຮັກ ຄວາມ​ເມດ​ຕາຕໍ່​ເພື່ອນ​ມະນຸດ​ແລະ​ສັດທັງຫລາຍ ​ເພາະ​ເປັນ​

ເພື່ອນ ທຸກ ​ເກີດ ​ແກ່ ​ເຈັບ ຕາຍ ດ້ວຍ​ກັນ ​ເມື່ອ​ເຮົາ​ມີ​ຄວາມ​ຮັກ​ຄວາມ​ເມດ​ຕາຕໍ່ກັນ ​ເຮົາ​ຈະ​ມີ​ຮອຍ​ຍີ້ມປາກົດ​ອອກ​ມາ​ໃຫ້​ເຫັນ

ຢ່າ​ເປັນ​ຄົນ​ຊະນິດ​ທີ່​ວ່າ:

                   ບູດ​ຕອນ​ເຊົ້າ

                   ​ເນົ່າ​ຕອນ​​ເພນ (ສວຍ)

                   ເຫມັນ​ຕອນ​ຄໍ່າ

5. ມືທີ່ແບນັ້ນ ເປັນ​ປິດສະຫນທໍາ​ວ່າ:​ ​ເຮົາ​ຕ້ອງ​ປ່ອຍ​ວາງ​ແດ່​ ບໍ່​ແມ່ນ​ວ່າ​ຄອຍ​ແຕ່ ຈະ​ເອົາ​ໄວ້ ​ຢຶດ​ໄວ້​ເປັນ​

ຂອງ​ຕົນ​ເອງ ຍີ່​ງປ່ອຍ​ວາງ​ໄດ້​ເທົ່າ​ໃດ ຄວາມທຸກ​ກໍ່ຍີ່​ງນ້ອຍ​ລົງ ຍີ່​ງຍຶດ​ໄວ້ ​ຖື​ໄວ້​ຫລາຍ ຄວາມທຸກ​ກໍ່ຍີ່​ງ​ເພີ່ມ​ຂື້ນ...

1. ເກີດເປັນຄົນຕອ້ງພະຍາຍາມສູ້ຕໍ່ໄປ ຈົນກ່ວາຈະບັນລຸເປົ້າຫມາຍທີ່ວາງໄວ້

ເປົ້າຫມາຍທີ່ງົດງາມເມື່ອທຳສຳເລັດ ບໍ່ມີເຫດແຫ່ງຄວາມສຳເລັດໃດໆ ຈະຍີ່ງໃຫຍ່

ໄປກວ່າຄວາມອົດທົນ...

2. ຄົນເຮົາທຸກຄົນມີຄວາມຮູ້ຄວາມສາມາດ ແຕ່ຂາດເວທີສະແດງອອກ ເມື່ອໃດກໍ່ຕາມ

ທີ່ເຮົາເຫັນເວທີນັ້ນ ໃຈຂອງເຮົາຈະເຕັ້ນແຮງຂື້ນ ເພື່ອຢາກຈະໄປຢືນຢູ່ເທິງເວທີນັ້ນ ເພື່ອ

ສະແດງຄວາມສາມາດໃຫ້ຄົນອື່ນໄດ້ເຫັນ ແລະຊື່ນຊົມ...(ຈົ່ງເຊື່ອຫມັ້ນຕົນເອງ)

3. ໃຜຫນໍ? ທີ່ກຳເນີດເກີດເຮົາມາ....... ເປີດຕາແນມມອງໂລກ ໃຜຫນໍທີ່ກຳເນີດ

ເກີດເຮົາມາຈົນເຕີບໃຫຍ່.......ເຝົ້າອົບຮົມສັ່ງສອນໃຫ້ເປັນຄົນດີທັງຕົວແລະຫົວໃຈ

ໃຜຄົນນັ້ນ? ທີ່ແທ້ແມ່ເຮົາເອງ...ໃຜຄົນນັ້ນທີ່ແທ້ແມ່ເຮົາເອງ.

4. ພໍ່ແມ່ທຸກຄົນຫວັງດີຕໍ່ລູກສະເຫມີ ພໍ່ແມ່ທຸກຄົນຢາກໃຫ້ລູກຕົນເປັນຄົນດີ

ມີຄວາມຮູ້ຄວາມສາມາດ ພໍ່ແມ່ທຸກຄົນຢາກໃຫ້ລູກປະສົບຜົນສຳເລັດໃນຊີວິດ ແລະ

ສາມາດດຳລົງຊີວິດໄດ້ຢ່າງມີຄວາມສຸກ...ຄຸນຄວາມດີຂອງພໍ່ແມ່....ມີຢູ່ທົ່ວໄປ ແຕ່ກໍ່ແປກທີ່ໃຈເຮົາ

ບໍ່ໄຝ່ຫາ ແຕ່ລະມື້ແຕ່ລະວັນ ມີແຕ່ນັ່ງກັບ ຟ ສອງຕໍ່ສອງຈ້ອງມອງຕາ ແລ້ວຖາມວ່າອ້າຍຮັກນ້ອງຈິງຫລືບໍ່?

5. ການກະທຳສຳຄັນກ່ວາທີ່ຄິດ  ຖ້າຈິດມີແຕ່ໄຝ່ ໂດຍໄຮ້ຊື່ງການກະທຳ ຖ້າມີຜູ້ນຳ(ຜູຄິດ) ແຕ່ບໍ່ມີຜູ້ຕາມ

(ຜູ້ກະທຳ) ແລ້ວຄວາມງົດງາມຂອງງານນັ້ນຈະເກີດຂື້ນໄດ້ຢ່າງໃດ?

 ຄອງສິບສີ່

ຄອງສິບສີ່ແມ່ນຫມາຍເຖິງຂໍ້ກຳນົດ 14 ຂໍ້ ທີ່ພຸດທະສາສະນິກະຊົນ

ຄົນລາວເຮົາຖືເປັນທຳນຽມປະຕິບັດກັນມາຕັ້ງແຕ່ດົນນານ ແລະ ປະຈຸບັນ ກໍຍັງເຊື່ອຖືກັນຢູ່ ເຊີງນັກປຣາຊອາຈາຣຍ໌

ໄດ້ແຕ່ງຂຶ້ນເປັນຫລັກການໃນ ການດຳຣົງຊີວິຕທີ່ຖືກຕ້ອງ ແລະ ເຫມາະສົມຂອງຄົນໃນສະໄຫມກ່ອນ

ປຽບຢ່າງຫນື່ງເຫມືອນກັບກົດຫມາຍແຕ່ບໍ່ແມ່ນກົດຫມາຍ

ໃນຄອງສິບສີ່ນີ້ ໄດ້ແບ່ງອອກເປັນສີ່ພາກສ່ວນຄື: ພຣະສົງຄ໌ ມີສິບສີ່ ຄອງ, ມະຫາກະສັດ ມີ ສິບສີ່ຄອງ, ຂ້າຣາຊກາຣມີ

ສິບສີ່ຄອງ, ແລະ ຄາຣະວາສ ມີສິບສີ່ຄອງ ອັນນີ໊ຮຽກວ່າ ຄອງສິບສີ່

ໃນທີ່ນີ້ຈະຂໍຍົກເອົາແຕ່ຄອງສິບສີ່ຂອງຄາຣະວາສ ຄືຄອງສຳລັບຄົນ ທົ່ວໄປມີ 14 ຄອງຄື:

1. ຢ່າຢຽບເງົາພະສົງ ຫລື ຜູ້ທີ່ມີສິນບໍລິສຸດ

2. ຢ່າເອົາອາຫານເຫລືອ ຫລືເງື່ອນ ໄປໃຫ້ພະສົງສັນ

3. ຢ່າເສບກາມະຄຸນໃນມື້ວັນສິນ, ວັນເຂົ້າພັນສາ, ວັນ ມາຄະບູຊາ, ວັນວິສາຂະບູຊາ ແລະ ກຸດສົງການ ຢ່າງເດັດຂາດ.

4. ເມື່ອພະສົງກາຍມາໃຫ້ນັ່ງລົງ, ຍໍມືນົບໄຫວ້ ແລ້ວ ຈຶ່ງຄ່ອຍກາຍ ຫລື ໂອ້ລົມກັບເພີ່ນ.

5. ພຣະສົງເຂົ້າກຳໃຫ້ມີດອກໄມ້ທູບທຽນ ແລະເຄື່ງບໍລິ ຂານໄປກິນທານຮ່ວມເພີ່ນ.

6. ກ່ອນຈະເຂົ້ານອນໃຫ້ອາບນ້ຳ ຫລື ລ້າງຕີນເສຍ ກ່ອນ.

7. ເມື່ອເຖິງວັນສິນດັບ,ສິນເພັງໃຫ້ທຳບຸນຕັກບາດ ຫລື ນິມົນພະສົງມາສູດມຸງຄຸນເຮືອນ.

8. ເມື່ອເຖິງວັນສິນເພັງໃຫ້ແຕ່ງຂັນດອກໄມ້, ທູບທຽນ ສົມມາຜົວຂອງຕົນ.

9. ເມື່ອພຣະສົງສາມະເນນມາບິນທະບາດ ຢ່າໃຫ້ເພິ່ນ ຄອຍຖ້າ, ເວລາປ່ອນອນບາດຢ່າໃຫ້ມືຊູນບາດ ຫລືຊູນ ພຣະສົງສາມະເນນ.

    ຍາມໃສ່ບາດຫ້າມຖືອາວຸດ, ໃສ່ເກີບ, ເອົາຜ້າປົກຫົວ  ຫລື ອູ້ມເດັກນ້ອຍ.

10. ເມື່ອເຖິງວັນສິນ 08 ຄ່ຳ, ສິນ 15 ຄ່ຳ ໃຫ້ພາກັນ ສົມມາກ້ອນເສົ້າເຕົາໄຟ, ແມ່ຂັ້ນໄດ, ປະຕູເຮືອນທີ່ ຢູ່ອາໄສ.

11. ກ່ອນຈະຂື້ນເຮືອນນັ້ນໃຫ້ລ້າງຕີນເສຍກ່ອນ.

12. ໃຫ້ພາກັນເຮັດຮົ້ວອ້ອມວັດ ແລະ ບ້ານເຮືອນຂອງ ຕົນໃຫ້ດີ.

13. ເມື່ອເຖິງລະດູການເກັບກ່ຽວຜົນລະປູກ ຢ່າຟ້າວກິນ ກ່ອນ ໃຫ້ເອົາໄປເຮັດບຸນໃຫ້ທານ ແກ່ຜູ້ມີສິນກ່ອນ ແລ້ວຈຶ່ງກິນຕາມຫລັງ.

14. ຢ່າພາກັນລັກໂລບຕາຊິງ, ຢ່າພາກັນຈ່າຍເງິນແດງ ແປງເງິນຄວ່າງ, ຢ່າກ່າວຄຳຫຍາບຊ້າກ້າແຂງຕໍ່ ກັນ ແລະກັນ...

         ສຳຫລັບຄົນທີ່ບໍ່ມັກຟັງຄວາມພໍ່ແມ່...ແຕ່ມັກຟັງເພງ

1.  ຟັງຄວາມແມ່ຄວາມພໍ່...ຈະບໍ່ແລ໋ນແລ່ແລ໋ນລໍ່ ແຕ່ຖ້າໄປຟັງ Idolz ເຖິງວ່າມີຮັກແຕ່ບໍ່ກ້າບອກ (ແລ້ວຈະໄປຟັງມັນເອັດພີເລີເນາະ!!!)

2.  ຟັງຄວາມພໍ່ແມ່ແລ້ວ...ຈະບໍ່ອົກຫັກ ແຕ່ຖ້າໄປຟັງສັກວົງ Cells ຈະມີອາການ…ອາການຫຍັງ? ກໍ່ອາການຂອງຄົນຖືກຖີ້ມຫັ້ນເດ! ອິອິອິ!!!

3.  ຟັງຄວາມພໍ່ແມ່ແລ້ວ...ຈະເປັນຄົນດີ ແຕ່ຖ້າໄປຟັງ LOG ລໍແຟນເຈົ້າເຜີແລ້ວສອງເຮົາເຈີກັນ...ຈະພາໄປເກົາຫລີ!

4.  ຟັງຄວາມພໍ່ແມ່ແລ້ວ...ຈະບໍ່ຫງຸດງິດງຸກງິກ ແຕ່ຖ້າໄປຟັງ Tick Princes ແລ້ວເຈົ້າຈະເສຍໃຈ (ຢ່າໄປຟັງເດັດຂາດ)

5.  ຟັງຄວາມພໍ່ແມ່ແລ້ວ...ຈະຮໍ່າຮຽນດີ ແຕ່ຖ້າໄປຟັງ 3ສາວ Genii ຕ້ອງຍອມໃຈອ່ອນ (ໃຫ້ເຈົ້າອີກແລ້ວ)

6. ຟັງຄວາມພໍ່ແມ່ແລ້ວ...ຈະສະຫລາດ ທຸກຢ່າງຈະເຄລຍ (Clear) ແຕ່ຖ້າໄປຟັງເຈ້ຍ ຈະງົງປານໄກ່ຖືກຕອນຫຳ (ຖືກຄ້ອນ)

7.  ຟັງຄວາມພໍ່ແມ່ແລ້ວ...ຈະບໍ່ງົມງາຍ ແຕ່ຖ້າໄປຟັງກະຕ່າຍຈະເປັນຄົນດີທີ່ເຈົ້າບໍ່ຮັກ (ຕ້ອງເພີ່ງ Lady ຈະໄດ້ຂໍເວລາທໍາໃຈ)

8.  ຟັງຄວາມພໍ່ແມ່ແລ້ວ...ຈະສະບາຍ (ໄປຕະຫລອດຊາດ) ແຕ່ຖ້າໄປຟັງ Black Eyes ຈະຖືກແຟນບອກເລີກ ເພາະອິຫຍັງນໍ້? ເພາະເຈົ້າມັນເກົ່າ...ອະຫຶ..ອະຫຶ!!!

9.  ຟັງຄວາມພໍ່ແມ່ແລ້ວ...ຈະມີຄວາມຮູ້ ແຕ່ຖ້າໄປຟັງ Pretty Cool ຈະມີຮັກທີ່ເວົ້າແຕ່ (ປ້າກ) ສໍານຽງຫລວງພະບາງພະເຈົ້າຂ້າ!!!

10.  ຟັງຄວາມພໍ່ແມ່ແລ້ວ...ຈະບໍ່ເປັນຄົນເກເລ ແຕ່ຖ້າໄປຟັງ May ຈະອົກຮັກ ເພາະອິຫຍັງອີກນໍ້? ເພາະຮູ້ແລ້ວວ່າເຈົ້າບໍ່ຮັກ

11. ຟັງຄວາມພໍ່ແມ່ແລ້ວ...ຈະມີເວລາຫລາຍເພື່ອສືກສາຫາຄວາມຮູ້ ແຕ່ຖ້າໄປຟັງ ສິດ (54U) ຈະມີພຽງຫນື່ງນາທີທີ່ເຫລືອຢູ່...ອະຮູ້ໆໆໆ!!!

12. ສຸດທ້າຍຝາກໃຫ້ບ່າວວຽງຈັນ!!! ຟັງຄວາມພໍ່ແມ່ແລ້ວ...ຈະມີຢູ່ມີກິນ ແຕ່ຖ້າໄປຟັງຫນຸ່ມໂກສິນ ລະວັງໄວ້ບ່າວວຽງຈັນຈະຖືກຕົ້ມ ອິອິອິ...ອະຫື້ໆໆໆ

ແຈມໃຫ້ແນ່ເດີ...ໃຜຄິອອກ (ສຳນຽງມົ້ງພະເຈົ້າຂ້າ)

ເພື່ອຄວາມບັນເທິງ Not for sale!!!

Sale ໃນນີ້ຫມາຍເຖີງ ຫລົບລູ່

ປະຫວັດ​ໂດຍ​ຫຍໍ້.

  ອີງ​ຕາມ​ຄຳ​ບອກ​ເລົ່າ​ຂອງ ຍາຄູ​ຄຳ​ດີ ຈັນທະ​ດາ​ພອນ, ​ເຈົ້າອາ​ວາດ​ວັດ​ສັນຕິພາບ​ໂພນ​ສະຫວັນ ອົງ​ປັດຈຸບັນ ວ່າ: ຊື່​ເດີມ​ຂອງ​ວັດ​ນີ້​ແມ່ນ ວັດ​ນາ​ເຮື້ອ, ບ້ານ​ນາ​ເຮື້ອ, ຕາ​ແສງ​ກັດ. ​ແຕ່​ໃນ​ປີ 1946 ນັ້ນ​ເຈົ້າ​ເມືອງ​ຫວັນ​ໄດ້​ປ່ຽນຊື່​ມາ​ເປັນ​ວັດ​ສັນຕິ​ພາບ​ໂພນ​ສະຫວັນ, ໂດຍ​ໄດ້​ເອົາ​ຊື່ຂອງ​ເພີ່ນ​ມາ​ໃສ່​ນຳຄື: ຫວັນ, ​ແລະ​ແຍກ​ອອກ​ໄດ້​ດັ່ງ​ນີ້: ຄຳ​ວ່າສັນຕິພາບ​ນັ້ນ​​, ໄດ້ມາ​ຈາກຊື່​ຂອງ​ຄະນະສົງສູນ​ກາງ​ຄັງ​ໄຂ, ສ່ວນ​​ໂພນນັ້ນ​ໄດ້​ມາ​ຈາກ​ສະພາບ​ຂອງ​ວັດທີ່​ເປັນ​ໂພນ​ຢູ່​ກ່ອນ​ແລ້ວ​ ແລະສະ, ນັ້ນ​ໄດ້​ມາ​ຈາກ​ຊື່​ຂອງ​ສະນ້ຳຫນອງ​ບົວ ສ່ວນຫວັນ, ນັ້ນ​ໄດ້​ມາ​ຈາກຊື່​ຂອງ​ເຈົ້າ​ເມືອງ​ນັ້ນ​ເອງ.

   ສະພາບ​ແວດ​ລ້ອມ​ຂອງ​ວັດ​ສັນຕິພາບ​ໂພນ​ສະຫວັນ​ໃນ​ປະມານ​ປີ 1974¨ ທີ່​ຍາຄູ​ຄຳ​ດີ​ ຈັນທະ​ດາ​ພອນ ຍ້າຍ​ເຂົ້າມາ​ຢູ່​​ໃຫມ່ນັ້ນຍັງ​ເປັນ​ປ່າ​ໄມ້ປ່ອງ, ​ໄມ້​ຫົກ​ຕຶບຫນາຢູ່, ບໍລິ​ເວນ​ເດີ່ນ​ວັດ​ກໍ່ຄ້າຍ​ກັບ​ອອງ​ເຕົ່າ ມີ​ລັກສະນະ​ເປັນ​ໂພນ ​ແລະ​ມີ​ຕົ້ນ​ໄມ້​ໃຫຍ່​ຄື: ຕົ້ນຫມາກມ່ວງ, ຕົ້ນຫມາກ​ຄໍ້, ​ແລະ​ຕົ້ນຫມາກ​ສ່າ, ​ເຊີ່ງ​ໃນ​ປັດຈຸບັນ​ນີ້​ຍັງ​ມີ​ຢູ່. ຫລັງ​ຈາກ​ມາ​ຢູ່​ແລ້ວ​ກໍ່​ເລີ່​ມຖາງ​ປ່າ, ທຳ​ຄວາມ​ສະອາດ ​ແລະ​ຈູດ​ເຜົາ​ປ່າ​ໄມ້​ຫົກ​ເພື່ອ​ໃຫ້​ງ່າຍຕໍ່ການ​ຢູ່​ອາ​ໄສ​, ແລະ​ເຮັດ​ສວນປູກ​ຜັກ, ປູກ​ສາລີເພື່ອເອົາໄວ້ກິນເອງໃນຄາວຈຳເປັນ.

  ປະມານ​ປີ 1975 ຫລັງ​ຈາກປົດ​ປ່ອຍ​ແລ້ວ​ກໍ່​ໄດ້​ມີ​ການ​ປຶກສາ​ຫາລື​ກັນ ສ້າງກຸດຕິໃຫມ່ຂື້ນ​ເພື່ອ​ເປັນ​ທີ່ຢູ່​ອາ​ໄສ, ​ຕໍ່ມາ​ເຈົ້າຫົວຈົ໋ວພຣະພ້ອມ​ດ້ວຍ​ພໍ່ອອກ​ທັງຫລາຍ​ກໍ່​ໄດ້​ພາກັນ​ໄປຕັດ​ເອົາ​ໄມ້ຢູ່​ທີ່​ບ້ານຫວ້ານ​ແລະ​ບ້ານນ້ຳປາຍ, ຫລັງ​ຈາກ​ນັ້ນ​ໃນ​ປີ 1976 ກໍ່​ໄດ້​ພາກັນ​ຂົນ​ໄມ້​ມາ​ກົບ, ມາ​ແທກ​ແລະ​ປຸກ​ກຸດຕິ​​ໄມ້ຫລັງ​ໃຫມ່ຂື້ນ​ແລະ​ສຳ​ເລັດຮຽບຮ້ອຍ​ໃນ​ປີ 1977​ ​ໂດຍ​ມີ​ຍາພໍ່ມີ​ເປັນ​ຜູ້ນໍາພາ​ໃນ​ການ​ດໍາເນີນ​ການສ້າງ.

   ​ເມື່ອ​ມີ​ກຸດຕິ​ເປັນ​ທີ່​ຢູ່​ອາ​ໄສ​ແລ້ວໃນ​ປີ 1985 ກໍ່​ໄດ້​ເລີ່​ມສ້າງ​ສິມ​ຂື້ນ​ໂດຍ​ມີ ຍາຄູ​ຄໍາດີ, ຍາພໍ່ຫມັ້ນ ​ແລະ​ເຖົ້າ​ແກ່​ອີກຈໍ່ານວນ​ຫນື່ງ​ເປັນ​ຜູ້​ລິ​ເລີ່​ມປຶກສາ​ຫາລື​ກັນ​ໃນ​ການ​ດຳ​ເນີນ​ການກໍ່ສ້າງ. ທຳ​ອິດ​ນັ້ນກໍ່​ເລີ່​ມອອກ​ແບບ​ ແລະຂຸດ​ຂຸມ​ໂດຍ​ໃຊ້​ແຮງ​ງານ​ພຣະສົງ​ສາມະ​ເນນ​ທີ່ຢູ່​ໃນ​ວັດ​ເປັນ​ສ່ວນ​ຫລາຍ,​ ​ແລະ​ກໍ່ມີ​ພໍ່ອອກ​ຈໍ່ານວນ​ຫນື່ງຄອຍ​ຊ່ວຍ​ເຫລືອ​ແນະນໍາ ຫລັງ​ຈາກ​ຖອກ​ເສົາ​ສິມແລ້ວ​ (ເສົາເດີມ) ກໍ່ມີ​ພໍ່ອອກແມ່ອອກ​ ແລະ​ພໍ່ຄ້າ​ຊາວ​ຂາຍ​ມາ​ຈັບຈອງ​ເປັນ​ເຈົ້າສັດທາ​ໄດ້ເສົາ​ລະ 8,000ກີບ, ແຕ່​ບາງ​ຄົນ​ກໍ່​ໃຫ້​ຫລາຍ​ກວ່າ​ນັ້ນ ຄື: ​ເສົາ​ລະ 20000, 30000 ​ກໍ່ມີ​ຕາມ​ສັດທາ​ຂອງ​ຕົນ.

   ອຸປະສັກ​ໃນ​ການ​ສ້າງ​ສິມ​ກໍ່ມີ​ຫລາຍ​ຢ່າງ​ເຊັ່ນ: ປັດ​ໃຈ​ຍັງ​ມີ​ຫນ້ອຍ, ກຳລັງ​ແຮງ​ກຳລັງ​ສັດທາ​ກໍ່ຍັງ​ບໍ່ພໍ​ ​​ຂາດ​ຜູ້​ອອກ​ແບບ​ທີ່​ດີແລະຜູ້​ທີ່​ຊີ້​ນໍາ ກໍ່​ເລີຍ​ໄດ້​ຄ່ອຍ​ເຮັດ​ຄ່ອຍ​ໄປ​ເຊັ່ນ: ສິມ​ເກົ່າ​ນັ້ນບໍ່​ໄດ້​ມີ​ການວາງ​ແຜນ​ເຮັດ​ລະບຽງອອກ​ໄປ​ທາງ​ທິດ​ຕາ​ເວັນ​ອອກ, ພໍດີ​ຍາຄູ​ຄຳ​ດີ​ໄດ້​ໄປຮ່ວ​ມປະຊຸມຫນັງສື​ຜູກ​ໃບ​ລານ​ຢູ່​ວຽງຈັນ​ແລະໄດ້​ໄປ​ພັກ​ຢູ່​ວັດ​ມີ​ໄຊ,ຕື່ນ​​ເຊົ້າມາກໍ່ລໍ່າ​ເບີ່​ງລັກສະນະ​ຂອງສິມ​ວັດ​ມີ​ໄຊ, ​ແລ້ວ​ໃນ​ທີ່​ສຸດ​ກໍ່​ໄດ້​ນໍາເອົາ​ຄວາມ​ຄິດ​ນັ້ນມາ​ປຶກສາ​ຫາລື​ກັນ​ອີກ​ຄັ້ງ, ​ແລ້ວ​ກໍ່ຕົກລົງ​ປົງ​ໃຈ​ກັນ​ຖອກ​ລະບຽງສິມ​, ອອກ​ໄປທາງ​ດ້ານ​ທິດຕາ​ເວັນ​ອອກດັ່ງ​ທີ່​ເຮົາ​ເຫັນ​ໃນ​ທຸກ​ວັນ​ນີ້.

  ຕໍ່ມາກໍ່ຍັງ​ມີ​ເພດານ​ອີກ ຈຳ​ເປັນ​ຕ້ອງ​ພະຍາຍາມ​ຕໍ່​ໄປ ​ຄວາມ​ສໍາເລັດ​ໃກ້​ເຂົ້າມາ​ທຸກ​ຂະນະແລ້ວ,​ ແລະໃນ​ທີ່​ສຸດກໍ່ຖອກ​ເພດານ​ສຳ​ເລັດ​ຍ້ອນ​ພະລັງ​ຄວາມ​ສາມັກຄີ ຂອງ​ພຣະ​ສົງ​ສາມະ​ເນນ​ພາຍ​ໃນ​ວັດ​ແລະ​ກຳລັງ​ສະ​ຕິ​ປັນຍາຂອງທ່ານ​ຜູ້​ຮູ້​ທັງຫລາຍ​​ໂດຍມີຍາຄູ​ຄຳ​ດີ, ແລະ​ພໍ່ອອກ​ຈານ​ທອງ​ດຳ​ເປັນ​ຜູ້​ຊີ້​ນຳໆພາ​ສ້າງ, ສີ່​ງທີ່​ຂາດ​ບໍ່​ໄດ້​ເລີຍ​ນັ້ນກໍ່ຄື: ກຳລັງ​ປັດ​ໃຈ​ຈາກ​ອອກ​ຕົນ​ຍາດ​ໂຍມ​ທັງຫລາຍ​ ແລະ​ສະຫນັບສະຫນູນ​ທາງ​ດ້ານ​ຊີມັງ, ​ໃຜ​ຊ່ວຍ​ໄດ້​ເທົ່າ​ໃດ​ກໍ່ຊ່ວຍ ຄົນ​ລະ​ເປົາສອງ​ເປົາ. ຫລັງ​ຈາກ​ສ້າງ​ເພດານ​ແລ້ວ,​ ຍາຄູ​ກໍ່ຍ້າຍ​ຂື້ນ​ໄປ​ນອນ​ຍູ່​ເທີ​ງສິມ​​ໂດຍ​ໃຊ້​ກະ​ແຕະ​ຫວຽດ​ເຮັດ​ປະຕູ​ບັງ​ໄປ​ກ່ອນ ຖື​ໄດ້​ວ່າ​ເປັນ​ເອກະລັກ​ສະ​ເພາະ​ຕົວ​ໄປ​ອີກ​ແບບ​ຫນື່ງ. ຫລັງ​ຈາກ​ນັ້ນທິດ​ຈັນທະ​ວົງກໍ່​ໄດ້​ນຳ​ຊ່າງ​ແຕ້ມ​ຮູບ​ຈາກ​ວຽງຈັນ ຊື່ ທ້າວ​ສະ​ແຫວ​ງ, ມາແຕ້ມຮູບໃນສິມ ສີມື​ການ​ແຕ້ມ​ຮູບ​ນີ້​ບໍ່​ເປັນ​ສອງ​ຮອງ​ໃຜ, ​ແຕ້ມ​ງາມ​ແທ້ໆ, ທຸກໆທ່ານ​ສາມາດ​ຊົມ​ໄດ້​ຢູ່​ຂ້າງ​ໃນ​ສິມ​ແລະ​ຝາ​ດ້ານ​ນອກ​ຂອງ​ສິມ. ຕໍ່ມາກໍ່​ເລີ່​ມ​ເຮັດ​​ຫລັງຄາ​ໂດຍ​ການໃຊ້​ຝ້າ​ມຸງ​ແລະຮັບ​ເຫມົາ​​ໂດຍ​ຄົນ​ຫວຽດນາມ (​ແກວ) ທີ່​ມາ​ເປັນ​ເຂີຍ​ຢູ່​ບ້ານ​ມອນແລະ​ໃນ​ທີ່​ສຸດ​ປີ 1995 ການ​ສ້າງສິມ​ວັດ​ສັນຕິພາບ​ໂພນ​ສະຫວັນ​ກໍ່​ໄດ້​ສຳ​ເລັດ​ລົງ, ໂດຍໃຊ້​ເວລາ​ໃນ​ການກໍ່ສ້າງ​ທັງ​ຫມົດ​ປະມານ 10 ປີ. (1985-1995).

   ໃນ​ປີ 1998 ກໍ່​ໄດ້​ເລີ່​ມສ້າງສາ​ລາ ແລະຕໍ່ມາອີກຫນື່ງປີກໍ່ໄດ້ສ້າງຫໍກອງຂື້ນ. ສ່ວນໂຮງຮຽນສົງນັ້ນສ້າງຂຶ້ນໃນປີ 1994 ໂດຍທືນຊ່ວຍເຫລືອຈາກປະຊາຊົນຍີ່ປຸ່ນ.