ໃນສະໄຫມກ່ອນຄົນເຮົາສ່ວນຫລາຍແມ່ນຢູ່ຕາມທຳມະຊາດ ຢູ່ແບບງ່າຍໆບໍ່ອາໄສເທັກໂນໂລຢີ

ຫລາຍເຫມືອນກັບປັດຈຸບັນນີ້ຄົນໃນສະໄຫມກ່ອນຈຶ່ງມີຄວາມສຸກ ຄວາມສາມັກຄີ

ຄວາມເອື້ອເຟຶ້ອເຜື່ອແຜ່ຕໍ່ກັນຫລາຍ...ຄື: ທຸກຄົນເປັນມິດກັນຫມົດ

ແບບວ່າໄປໃສມາໃສບໍ່ຕ້ອງລອກປະຕູເຮືອນກໍ່ໄດ້ ເພາະທຸກຄົນສຸຈະລິດ

ບໍ່ລັກຂອງກັນແຖມຍັງເປັນຫູເປັນຕາໃຫ້ກັນອີກດ້ວຍ

ແຕ່ປັດຈຸບັນນີ້ຄວາມຈະເລີນເຂົ້າມາເຮັດໃຫ້ມີຕຶກອາຄານສູງໆ (ລາວເຮົາກຳລັງ...)

ແຕ່ກົງກັນຂ້າມຈິດໃຈຂອງຄົນພັດຕໍ່າລົງ ອິດສາ ລິດສະຫຍາ

ເຫັນແກ່ຕົວຫລາຍຂຶ້ນ ປັດຈຸບັນນີ້ເຮົາມີລະບົບການສື່ສານທີ່ສຸດຍອດ ( ລ້າສຸດນີ້ກໍ່ 4 G )

ແຕ່ຜູ້ຄົນກຳລັງມີຄວາມຮູ້ສືກວ່າຍິ່ງຫ່າງໄກກັນອອກໄປທຸກຂະນະ

ເຮົາມີບ້ານເຮືອນທີ່ແຫນ້ນຫນາຂຶ້ນແຕ່ເຮົາກັບມີຄວາມຮູ້ສຶກວ່າບໍ່ປອດໄພແລະໂດດດ່ຽວ

ຄົນປັດຈຸບັນການສຶກສາກໍ່ສູງຂຶ້ນ ແຕ່ກັບມີຄວາມຄຽດຫລາຍຂຶ້ນ ແລະຄວາມທຸກກໍ່ເພີ່ມຂຶ້ນ

(ຫລືວ່າມັນມາກັບພຣະ... ເອີ່ຍໆໆ!! ມາກັບການສຶກສາ)

ເຫດທີ່ເປັນແບບນີ້ກໍ່ຍ້ອນວ່າ....? ເຮົາພັດທະນາແຕ່ວັດຖຸ...ລືມພັດທະນາຈິດໃຈໄປດ້ວຍກັນ

ສະນັ້ນຖ້າຢາກໃຫ້ດີທັງຮ່າງກາຍແລະຈິດໃຈ

ກໍ່ຄວນພັດທະນາໄປພ້ອມໆກັນ ຢ່າພັດທະນາແຕ່ດ້ານດຽວ...ເພາະກາຍກັບໃຈເປັນຂອງຄູ່ກັນ...

ແລງວັນທີ່ 4 ເດືອນ 9 ປີ 54