ໄດອາຣີ່ຂອງ ອາໂນຊາ ກິນເພື່ອຢູ່ ບໍ່ແມ່ນຢູ່ເພື່ອກິນ

ນວ. ກຽມໃຊ້ລົດເມໃຫມ່

ຂຽນເມື່ອ: ມ.ນ.. 16, 2012 | ມີ 10 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ນວ ກຽມໃຊ້ລົດເມໃຫມ່ ຊໍາລະຜ່ານລະບົບ ເອເລັກໂຕຣນິກ, ເດືອນຫນ້າລົດມາເຖິງ

ເດືອນຫນ້ານີ້ລົດເມຮຸ່ນໃຫມ່ຈຳນວນ 42 ຄັນຈາກປະເທດຍີ່ປຸ່ນ ຈະມາເຖິງນະຄອນຫລວງວຽງຈັນ,

ລັດວິສາຫະກິດລົດເມເຜີຍຈະລອງເປີດຊຳລະດ້ວຍບັດໄອຊີທີ (ICT) ຜ່ານລະບົບເອເລັກໂຕຣນິກ

ກ້າວຕາມສາກົນ.

ທ່ານ ບົວພາ ເພັດວິໄຊ ຮອງອຳນວຍການລັດວິສາຫະກິດລົດເມນະຄອນຫລວງໃຫ້ຮູ້ວ່າ: ເພື່ອປັບປ່ຽນ

ການບໍລິການລົດເມໃນນະຄອນຫລວງວຽງຈັນ ໃຫ້ມີຄວາມທັນສະໄຫມຄຽງຄູ່ ກັບການພັດທະນາເສດ

ຖະກິດຂອງໂລກກໍ່ຄືຂອງປະເທດລາວ ທີ່ກຳລັງຂະຫຍາຍຕົວ, ດັ່ງນັ້ນ ລັດວິສາຫະກິດລົດເມນະຄອນ

ຫລວງຈິ່ງວາງແຜນຫລັງລົດເມຮຸ່ນໃຫມ່ ຈຳນວນ 42 ຄັນ ທີ່ລັດຖະບານຍີ່ປຸ່ນຊ່ວຍເຫລືອມາເຖິງ ພ້ອມ

ຈະປ່ຽນການຊຳລະຄ່າ ໂດຍສານຈາກແບບເກົ່າທີ່ຈ່າຍດ້ວຍເງິນສົດມາຈ່າຍຊຳລະດ້ວຍບັດໄອຊີ ທີ

ຜ່ານລະບົບເອເລັກໂຕຣນິກ ເຊິ່ງຈະເລີ່ມຕົ້ນຈາກລົດຕະຫລາດເຊົ້າດົງໂດກເປັນສາຍທາງທຳອິດ,

ເປົ້າຫມາຍເພື່ອອຳນວຍຄວາມສະດວກໃຫ້ແກ່ບັນດານັກສຶກສາ ຖ້າຫາກແຜນການດັ່ງກ່າວໄດ້ຮັບ

ປະສິດທິຜົນ ແລະ ໄດ້ສຽງຕອບຮັບດີຈະຂະຫຍາຍສູ່ຜູ້ໂດຍສານກຸ່ມອື່ນໆ ຕາມສາຍທາງໂພນ

ຕ້ອງ, ຫນອງແຕ່ງ, ທົ່ງປົ່ງ, ດົງຄຳ ຊ້າງ, ທ່າເດື່ອ, ທ່າງ່ອນ ແລະ ດອນປ່າໃຫມ່ເປັນໄລຍະໆ.

ລົດເມຈຳນວນ 42 ຄັນດັ່ງກ່າວນີ້ ຈະມາເຖິງນະຄອນຫລວງວຽງຈັນໃນທ້າຍເດືອນເມສາ ແລະ

ຕົ້ນເດືອນພຶດສະພາຕາມລຳດັບ, ທ່ານ ບົວພາ ໃຫ້ຮູ້ ຕື່ມວ່າ: ສຳລັບການຈ່າຍດ້ວຍ ບັດໄອຊີທີ

ເບື້ອງຕົ້ນຜູ້ໂດຍສານຈະຕ້ອງແລກຊື້ບັດຈາກຄິວລົດເມດ້ວຍມູນຄ່າ ເງິນທີ່ໃຊ້ສະເພາະຊຳລະ

ຄ່າລົດເມໂດຍລະບົບຈະຫັກເງິນແບບ ອັດຕະໂນມັດຕາມຄວາມໃກ້-ໄກຂອງໄລຍະ ທາງ, ສ່ວນ

ທີ່ຜູ້ໂດຍສານຈະສາມາດຂຶ້ນ-ລົງໄດ້ສະເພາະບ່ອນລໍຖ້າລົດເມ ເທົ່ານັ້ນ.

ນັບຕັ້ງແຕ່ປີ 1997 ເປັນຕົ້ນມາ ລັດຖະບານຍີ່ປຸ່ນໄດ້ໃຫ້ການ ຊ່ວຍເຫລືອແກ່ ສປປ

ລາວ ແລ້ວເປັນລົດເມຈຳນວນ 135 ຄັນ ແລະ ຄັ້ງນີ້ຈະໃຫ້ການຊ່ວຍເຫລືອອີກເປັນລົດ

ເມລຸ້ນໃຫມ່ ຈຳນວນ 42 ຄັນພ້ອມດ້ວຍອຸປະກອນບຳລຸງຮັກສາຄິດເປັນມູນຄ່າປະມານ

6 ລ້ານໂດລາສະຫະລັດ.

ເປີດນໍາໃຊ້ເວັບໄຊອາເຊັມ ຄັ້ງທີ 9 ຢ່າງເປັນທາງການ

ຂຽນເມື່ອ: ມ.ກ.. 23, 2012 | ມີ 6 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ເປີດນໍາໃຊ້ເວັບໄຊອາເຊັມ ຄັ້ງທີ 9 ຢ່າງເປັນທາງການ

ເພື່ອເປັນການສະຫນອງຂໍ້ມູນ-ຂ່າວສານແກ່ກອງປະຊຸມສຸດຍອດອາເຊັມ ຄັ້ງທີ 9 ເຊິ່ງຈະຈັດຂຶ້ນທີ່

ສປປ ລາວ ທ້າຍປີ 2012. ຫລ້າສຸດ ມື້ວານນີ້ທີ່ກະຊວງການຕ່າງປະເທດໄດ້ເປີດ ພິທີນຳໃຊ້ເວັບໄຊຢ່າງ

ເປັນທາງ ການໃຫ້ກຽດເປັນປະທານໂດຍທ່ານ ດຣ. ທອງລຸນ ສີສຸລິດ ຮອງນາຍົກລັດຖະມົນຕີ ລັດຖະ

ມົນຕີວ່າການກະຊວງການຕ່າງປະເທດ, ມີຄະນະນຳກະຊວງການຕ່າງປະເທດ, ກະຊວງຖະແຫລງ

ຂ່າວ-ວັດທະນະທຳ ແລະ ທ່ອງທ່ຽວ, ກະຊວງໄປສະນີ, ໂທລະຄົມມະນາຄົມ ແລະ ການສື່ສານເຂົ້າຮ່ວມ.

ການສ້າງເວັບໄຊອາເຊັມ ຄັ້ງທີ 9 (Asem9) ຂອງກອງ ປະຊຸມສຸດຍອດອາເຊັມຄັ້ງທີ 9 ໃຊ້ສື່ໃນໂລກອອນໄລນ໌ແມ່ນ

www.asem9.la ໂດຍບໍລິສັດບລູກາສ ດີຊາຍ ກຣຸບ (Blue grass design Group co.Ltd) ເປັນຜູ້ອອກແບບ ແລະ

ສ້າງເວັບໄຊນີ້ ຫນ້າຕ່າງຂອງເວັບໄຊແມ່ນມີສັນຍະລັກເປັນເສັ້ນໄຫມສີ ແດງ, ສີເຫລືອງ ແລະ ຟ້າ, ເສັ້ນໄຫມແມ່ນສື່ເຖິງ

ຮີດຄອງປະເພນີລາວມາ ແຕ່ຍາວນານ, ສ່ວນ 3 ສີທີ່ມີການສອດແຊກຢ່າງປານີດແມ່ນສື່ເຖິງການປະສົມປະສານກັນລະ

ຫວ່າງອາຊີ ແລະ ເອີຣົບ, ສ່ວນດອກຈຳປາ ແລະ ໂບສີຂຽວສະທ້ອນເຖິງຄວາມເປັນເອກະລັກ ແລະ ຄວາມອຸດົມສົມບູນ

ທາງທຳມະຊາດປ່າໄມ້ໃນລາວ.

ເວັບໄຊອາເຊັມ ຄັ້ງທີ 9 ຈຸດປະສົງສ້າງຂຶ້ນເພື່ອອຳນວຍຄວາມສະດວກແກ່ບັນດາຄະນະ ຜູ້ແທນຈາກ 46 ປະເທດ,

ພ້ອມດ້ວຍກອງເລຂາອາຊຽນ ແລະ ຄະນະກຳມາທິການສະຫະ ພາບເອີຣົບທີ່ເປັນສະມາຊິກອາເຊັມ ເພື່ອກຽມເຂົ້າຮ່ວມ

ກອງປະຊຸມສຸດຍອດຄັ້ງທີ 9 ໂດຍເນື້ອໃນສຳຄັນທີ່ຈະລົງໃນເວັບໄຊນີ້ຈະເລືອກເອົາແຕ່ສະເພາະຂໍ້ ມູນທີ່ຈຳເປັນເຊັ່ນ:

ການສະເຫນີ ຂໍ້ມູນຂອງກອງປະຊຸມອາເຊັມຄັ້ງ ທີ 9 ໂດຍຫຍໍ້, ບັນດາເອກະສານບົດຖະແຫລງການຂອງປະທານກອງປະ

ຊຸມສຸດຍອດອາເຊັມຄັ້ງ ຜ່ານໆມາ. ຈາກນັ້ນ ກໍ່ຈະເປັນຫນັງສືຍິນດີຕ້ອນຮັບພະນະທ່ານ ທອງສິງ ທຳມະວົງ ກຳມະການກົມ

ການເມືອງສູນກາງພັກ ນາຍົກລັດຖະມົນຕີແຫ່ງ ສປປ ລາວ, ສັນຍະລັກໂລໂກອາເຊັມຄັ້ງທີ 9 ຂໍ້ມູນໂຮງແຮມ, ສະຖານທີ່ຈັດ

ກອງປະຊຸມ ແລະ ອື່ນໆ ເພື່ອໃຫ້ບັນດາຜູ້ທີ່ສົນໃຈເຂົ້າໄປສຶກສາຂໍ້ມູນຕ່າງໆໄດ້.

10 ອັນດັບປະ ກົດການຫຍໍ້ທໍ້ປະຈໍາປີ 2011

ຂຽນເມື່ອ: ມ.ກ.. 10, 2012 | ມີ 10 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ໃນປີ 2011 ຢູ່ນະຄອນຫຼວງວຽງຈັນ ໄດ້ເກີດມີປະກົດການຫຍໍ້ທໍ້ຕ່າງໆເກີດຂຶ້ນຢ່າງຕໍ່ເນື່ອງ

ເຊິ່ງໄດ້ສາງຄວາມເສຍຫາຍທາງດ້ານຊີວິດ ແລະ ຊັບສິນເປັນຈຳນວນຫຼວງຫຼາຍ ໃນນີ້ມີບາງເຫດ

ການແມ່ນມີຄວາມອັນຕະລາຍ ແລະ ຮຸນແຮງປ່າເຖື່ອນ ໂດຍສະເພາະເຫດການຄາດຕະກຳ ຊຶ່ງເຮັດ

ໃຫ້ສັງຄົມບໍ່ມີຄວາມສະຫງົບ ສະແດງອອກໃຫ້ເຫັນໃນ 10 ອັນດັບເຫດຕໍ່ໄປນີ້.

ອັນດັບ 10: ລົດບັນທຸກນ້ຳມັນລະເບີດ ຢູ່ທີ່ປ້ຳນ້ຳມັນວັງຊາຍ ເຮັດໃຫ້ມີຜູ້ເສຍຊີວິດ 3 ຄົນ ເຫດການ

ນີ້ເກີດຂຶ້ນເວລາ 14:00 ໂມງຂອງວັນທີ 12 ກໍລະກົດ 2011.

ອັນດັບ 9: ເປົ້າໝາຍຄະດີປຸ້ນຈີ້-ຊີງຊັບ ລັກຊັບ ແລະ ມີອາວຸດເສິກໄວ້ໃນຄອບຄອງ ຍິງປືນປະທະກັບ

ເຈົ້າໜ້າທີ່ ປກສ ເມືອງສີໂຄດຕະບອງ ເຮັດໃຫ້ເຈົ້າໜ້າທີ່ໄດ້ຮັບບາດເຈັບ 1 ຄົນ ແລະ ຄົນຮ້າຍເສຍຊີວິດ

ເຫດການດັ່ງກ່າວ ເກີດຂຶ້ນໃນວັນທີ 20 ກໍລະກົດ 2011 ຢູ່ທີ່ບ້ານໜອງໜ້ຽວ ເມືອງສີໂຄດຕະບອງ.

ອັນດັບ 8: ເຫດໄວລຸ້ນຕີກັນ ເຮັດໃຫ້ມີຜູ້ເສຍຊີວິດ 1 ຄົນ ເຫດການປ່າເຖື່ອນນີ້ ເກີດຂຶ້ນເວລາທ່ຽງຄືນ

ຂອງວັນທີ 5 ມັງກອນ 2011 ຢູ່ທີ່ທາງໂຄ້ງຖະໜົນຄູວຽງ ຕໍ່ໃສ່ຖະໜົນທ່າເດື່ອ.

ອັນດັບ 7: ເຫດການຄາດຕະກຳເອົາຊັບຢູ່ຫ້ອງເຊົ່າ ທີ່ບ້ານທົ່ງພານທອງ ເມືອງສີສັດນະຕາກ ເຫດເກີດ

ຂຶ້ນເວລາທ່ຽງຄືນຂອງວັນທີ 8 ມີນາ 2011 ຄາດຕະກອນໃຈໂຫດລາຍນີ້ ຊື່ທ້າວ ຄຳສະເຫວີຍ ອາຍຸ 21

ປີ ບ້ານໝໍ້ ເມືອງຄຳ ແຂວງຊຽງຂວາງ ມາພັກເຊົາຢູ່ບ້ານໂພນປ່າເປົ້າ ເມືອງສີສັດຕະນາກ.

ອັນດັບ 6: ເຫດລະເບີດແຕກຂ້າໂຕຕາຍ ຍ້ອນຄວາມຮັກລະຫວ່າງຊູ້ສາວ ເຫດການນີ້ເກີດຂຶ້ນເວລາປະມານ

5 ໂມງຂອງວັນທີ 23 ສິງຫາ 2011 ຢູ່ທີ່ເຮືອນພັກທີ່ບ້ານທົ່ງພານທອງ ເມືອງສີສັດຕະນາກ ເຫດດັ່ງກ່າວມີຜູ້ເສຍຊີວິດ 2 ຄົນ.

ອັນດັບ 5: ແມ່ນເຫດຄາດຕະກຳເອົາຊັບ ເຫດດັ່ງກ່າວເກີດຂຶ້ນໃນວັນທີ 19 ມັງກອນ 2011 ຢູ່ທີ່

ບ້ານຈອມເພັດໃຕ້ ເມືອງສີສັດຕະນາກ ຜູ້ຕ້ອງຫາມີ 2 ຄົນ ຄື: ທ້າວ ສຸລະສິດ ຫຼື ອື່ງ ອາຍຸ 28 ປີ

ບ້ານໜອງແວງ ເມືອງຫາດຊາຍຟອງ ແລະ ທ້າວ ສົມສະນິດ ຫຼື ອ້າຍ ອາຍຸ 30 ປີ ບ້ານຖິ່ນຍຸງ

ເມືອງວຽງຄຳ ແຂວງວຽງຈັນ.

ອັນດັບ 4: ເຫດການຄາດຕະກຳເມຍ ຍ້ອນຄວາມຫຶງຫວງ ເລື່ອງຊູ້ສາວ ເກີດຂຶ້ນໃນວັນທີ 28 ມິຖຸນາ 2011

ຢູ່ທີ່ບ້ານທາງໂຄ້ງ ເມືອງປາກງື່ມ ຜູ້ຕ້ອງຫາຄືທ້າວ ໂອບີ ອາຍຸ 40 ປີ.

ອັນດັບ 3: ເຫດການຄາດຕະກຳເອົາລົດຈັກ ຄາດຕະກອນລາຍນີ້ຊື່ທ້າວ ນ້າຍລີ່ ອາຍຸ 19 ປີ ບ້ານສົບນາ

ເມືອງວຽງທອງ ແຂວງບໍລິຄຳໄຊ ເຫດການເກີດຂຶ້ນເວລາປະມານ 22 ໂມງຂອງ ວັນທີ 9 ກັນຍາ 2011

ຢູ່ທີ່ທາງຮ່ອມຂອບເຂດບ້ານນາສາລາ ເມືອງໄຊທານີ.

ອັນດັບ 2: ເຫດການຍິງກັນຕາຍ 2 ສົບ ຢູ່ຖະໜົນ 13 ເໜືອ ທາງຮ່ອມເຂົ້າວັດສີເກີດ ເມືອງນາຊາຍທອງ

ເຫດເກີດເວລາ 6 ໂມງເຊົ້າຂອງວັນທີ 22 ສິງຫາ 2011 ສາເຫດຍ້ອນຂັດແຍ່ງຜົນປະໂຫຍດ.

ອັນດັບ 1: ເຫດການຍິງເມຍ-ພີ່ນ້ອງ ກາງງານບາສີສູ່ຂວັນ ເຮັດໃຫ້ມີຜູ້ເສຍຊີວິດ 4 ຄົນ ເຫດການເກີດ

ຂຶ້ນເວລາປະມານ 18:00 ໂມງຂອງວັນທີ 26 ສິງຫາ 2011 ຢູ່ບ້ານຫ້ວຍຫາງ ເມືອງສັງທອງ ຜູ້ຕ້ອງຫາລາຍນີ້ ຄື: ທ້າວ ສີເມືອງ ອາຍຸ 31 ປີ.

ເຫດການທັງໝົດນີ້ ເປັນຄະດີອັນຕະລາຍຮ້າຍແຮງຕໍ່ສັງຄົມ ເຊິ່ງເຈົ້າໜ້າທີ່ໄດ້ຈັບກຸມ ແລະ ສັ່ງຟ້ອງ ເພື່ອປະຕິບັດໂທດຕໍ່ຜູ້ກ່ຽວ.

ບັນຫາການເກັບຄ່າຜ່ານຂົວທ່າງ່ອນ

ຂຽນເມື່ອ: ມ.ກ.. 10, 2012 | ມີ 7 ຄຳເຫັນ ແລະ 0 trackback(s)

ໜວດໝູ່: ຂ່າວສານບ້ານເມືອງ

ຫົວໜ້າສູນເກັບໜີ້ ຊີ້ແຈງບັນຫາການເກັບຄ່າຜ່ານຂົວທ່າງ່ອນ

ໃນຕອນບ່າຍຂອງວັນທີ 21 ທັນວາ 2011 ຜ່ານມານີ້ ທ່ານ ບຸນທະວີ ແກທະລົງ ຫົວໜ້າສູນບໍລິການເກັບຊື້ໜີ້

ແລະ ຮັບຝາກໜີ້ ທະນາຄານ ແຫ່ງ ສປປ ລາວ ໄດ້ອອກມາຊີ້ແຈງເຖິງກໍລະນີການເກັບຄ່າຜ່ານຂົວທ່າງ່ອນ

ໄປຍັງບັນດາທ່ານຜູ້ໃຊ້ລົດ-ໃຊ້ຖະໜົນດັ່ງກ່າວ ໂດຍທ່ານໄດ້ກ່າວເຖິງບັນຫາທີ່ລັດຖະບານ ໄດ້ຢຸດຕິການເກັບ

ຄ່າຜ່ານຂົວ ຢາກຊີ້ແຈງໃຫ້ສັງຄົມຮັບຮູ້ວ່າ: ຂົວທ່າງ່ອນ ກໍເປັນໂຄງການໜຶ່ງທີ່ສູນບໍລິການເກັບຊື້ໜີ້ເປັນຜູ້ຮັບຜິດຊອບ

ເກັບຄ່າຜ່ານຂົວ ແລະ ສັງຄົມກໍຄົງຈະມີຄວາມສົນໃຈຕັ້ງບັນຫາຖາມວ່າ ແຕ່ກ່ອນທົ່ວປະເທດລາວ ໄດ້ມີການເກັບເງິນ

ຄ່າຜ່ານຂົວມີທັງໝົດ 36 ຂົວ ແຕ່ຕົກມາເຖິງປັດຈຸບັນນີ້ ແມ່ນຍັງແຕ່ຂົວແຫ່ງດຽວນີ້ ເຫດຜົນທີ່ຍັງເກັບກໍຍ້ອນວ່າ

ການສ້າງຂົວນີ້ໄດ້ໃຊ້ທຶນຢ່າງຫຼວງຫຼາຍ ແລະ ກໍແມ່ນທະນາຄານເປັນຜູ້ລົງທຶນ ແຕ່ຜ່ານການຈັດຕັ້ງປະຕິບັດໃນ

ໄລຍະຜ່ານມາຖືວ່າ ທະນາຄານທຸລະກິດ ບໍ່ສາມາດເກັບເງິນຄືນໄດ້ ສະນັ້ນ ສູນບໍລິການເກັບຊື້ໜີ້ ກໍໄດ້ມາເກັບ

ໂດຍກົງ ແລະ ໃນເບື້ອງຕົ້ນຄາດຄະເນວ່າ ການເກັບຄ່າຜ່ານຂົວອາດຈະໃຊ້ເວລາຍາວນານເຖິງ 18 ປີ ຈຶ່ງຈະຄົບ

ຖ້ວນ ແຕ່ມາເຖິງປັດຈຸບັນນີ້ ພວກເຮົາໄດ້ຈັດຕັ້ງປະຕິບັດມາໄດ້ 3 ປີແລ້ວ ກໍສັງເຫດເຫັນວ່າ ສາມາດເກັບໄດ້ດີພໍສົມ

ຄວນ ແລະ ຄາດວ່າຈະໃຊ້ເວລາອີກບໍ່ເກີນ 4 ປີ ກໍຈະຄົບຖ້ວນຕາມຕົ້ນທຶນທີ່ທະນາຄານໄດ້ປ່ອຍໃຫ້ ແລະ

ເມື່ອເກັບທຶນໄດ້ໝົດແລ້ວ ທາງສູນເກັບຊື້ໜີ້ ກໍຈະໄດ້ມອບໃຫ້ພາກສ່ວນກ່ຽວຂ້ອງເປັນຜູ້ຄຸ້ມຄອງ ເປັນຕົ້ນແມ່ນ

ນະຄອນຫຼວງວຽງຈັນ ແລະ ເພິ່ນກໍຈະໄດ້ຈັດຕັ້ງປະຕິບັດຕາມທິດຊີ້ນຳຂອງຂັ້ນເທິງຕໍ່ໄປ.

ຕາມທັດສະນະຂອງເຈົ້າຄິດວ່າແນວໃດ?

ອາໂນຊາ ກິນເພື່ອຢູ່ ບໍ່ແມ່ນຢູ່ເພື່ອກິນ

ເບິ່ງທັງໝົດ

ອ່ານຄືນຫຼັງ

2012 (11)
2011 (58)

ໝວດໝູ່

ໝາຍເຫດ: ບົດຄວາມ, ຂໍ້ຂຽນ, ຄຳເຫັນຕ່າງ ໆ ທີ່ມີໃນໜ້ານີ້ ຖືກສົ່ງເຂົ້າມາໂດຍສາທາລະນະຊົນ ແລະຖືກເຜີຍແຜ່ໂດຍອັດຕະໂນມັດ ບໍ່ໄດ້ຜ່ານການກວດສອບຈາກທີມງານ ດັ່ງນັ້ນ ຈຶ່ງຂໍໃຫ້ທ່ານຜູ່ອ່ານຈົ່ງໃຊ້ວິຈາລະນະຍານ ແລະຖືຄະຕິ ກາລາມະສູດ : ພິຈາລະນາກ່ອນເຊື່ອ ໃນການຮັບຮູ້ຂໍ້ມູນຕ່າງ ໆ ທີ່ມີໃນໜ້າເວັບນີ້ ຫາກທ່ານພົບວ່າມີຂໍ້ຄວາມໃດທີ່ບໍ່ເໝາະສົມ ຫຼືຜິດຕໍ່ລະບຽບກົດໝາຍ ທ່ານສາມາດແຈ້ງເນື້ອຫາບໍ່ເໝາະສົມໄດ້ ຫຼືຕິດຕໍ່ທີມງານພັນລາວໂດຍກົງ ຂໍຂອບໃຈ.