ເຈົ້າອາດຈະຫິວນໍ້າຢ່າງຮ້າຍແຮງ ທັ້ງໆທີ່ຢູ່ໃນມະຫາສະມຸດນັ້ນເຕັມໄປດວ້ຍນໍ້າ. ທຸກຄົນແມ່ນຕ້ອງການນໍ້າແລະເກຶອໃນຮ່າງກາຍ ແຕ່ປະລິມານຂອງເກຶອທີ່ຕ້ອງການນັ້ນຕ້ອງໃຫ້ເໝາະສົມ ແລະນັ້ນກໍ່ແມ່ນໜ້າທີ່ຂອງເມັດໝາກຖົ່ວສອງເມັດໃນຮ່າງກາຍມີໜ້າທີ່ຮັບຜິດຊອບເອີ້ນວ່າ "ໝາກໄຂ່ຫຼັງ"

ຖ້າວ່າຮ່າງກາຍເຮົາມີເກຶອຫຼາຍໂພດ ໝາກໄຂ່ຫຼັງແມ່ນຕ້ອງການນໍ້າທີ່ຈະລ້າງເກຶອນັ້ນອອກ, ເຈົ້າເຄືຍສັງເກດເຫັນບໍ່ວ່າ? ເຈົ້າກິນປາເຄັມ ເຈົ້າແມ່ນມັກຫີວນໍ້າໂລດບໍ່? ແມ່ນແລ້ວຮ່າງກາຍຂອງທ່ານແມ່ນຕ້ອງການນໍ້າເພີ້ມເພຶ່ອລ້າງເກຶອທີ່ມີຫຼາຍເກິນກວ່າຮ່າງກາຍຕ້ອງການນັ້ນອອກ.

ນໍ້າມະຫາສະມຸດແມ່ນບັນຈຸເກຶອຢ່າງຫຼວງຫຼາຍ, ດື່ມນໍ້າຈາກມະຫາສະມຸດກໍ່ມີແຕ່ເຮັດໃຫ້ຫີວນໍ້າຫຼາຍກວ່າ, ໝາກໄຂ່ຫຼັງກໍ່ແມ່ນຕ້ອງການນໍ້າມາລ້າງເກຶອອອກຈາກໝາກໄຂ່ຫຼັງ ຖ້າກິນນໍ້າຈາກມະຫາສະມຸດເພື້ມອີກ ເພຶ່ອຊອ່ຍລ້າງນໍ້າເກຶອຂອງຕອນກິນທໍາອິດນັ້ນເຈົ້າກໍ່ມີແຕ່ຮູ້ສືກດີພຽງຊົ່ວຄາວເທົ່ານັ້ນ ໃນບໍ່ຊ້ານໍ້າທະເລທີ່ເຕັມໄປດ້ວຍເກຶອນັ້ນກໍ່ຈະເຮັດໃຫ້ເຈົ້າເຈັບໄຂ້ບໍ່ສະບາຍ.

ເຄຶ່ອງປຸງທັງໝົດມີ:

• ຕັບໄກ່ 1 ພາວ
• ຊິ້ນໝູສັນບົດ 1 ພາວ
• ໄສ້ກອກຊິ້ນຂອງອີ່ຕາລີ້ 1 ພາວ
• ຊັບຫອມແດງ ຫຼື ໃບໄຊວ໌ (Chive) ໃບຄືກັນກັບຈໍາພວກກະທຽມ 1 ບວ່ງແກງ
• ຊັບພາຣ໌ສລີ້ (parsley) 1 ບວ່ງແກງ
• ພິກໄທດໍາສົດບົດຫຍາບໆ 1 ບວ່ງແກງ
• ຂິງຝົງ 1/2 ບວ່ງນ້ອຍ
• ຝົງຊິນນີມອ້ນ 1/2 ບວ່ງນ້ອຍ
• ເກຶອ 1 ບວ່ງນ້ອຍ
• ເຫຼົ້າບາຣັນດີ (brandy) 2 ບວ່ງແກງ
• ເຫຼົ້າແວ້ງ (Dry Sherry) 2 ບວ່ງແກງ
• ເບຄອ້ນ 10 ປຽ່ງ (ດິບ)

ວິທີເຮັດ:

1 ບົດຊິ້ນທັງໝົດໃຫ້ແຫຼກ ຖ້າໃຊ້ເຄຶ່ອງບົດຊິ້ນແມ່ນເອົາເຂົ້າບົດສອງເທຶ່ອ (ຍົກເຫວັນໄວ້ແຕ່ເບຄ້ອນ). ເອົາເຄຶ່ອງປຸງທີ່ເຫຼຶອໃສ່ປະສົມໃຫ້ເຂົ້າກັນດີ.

2 ເອົາພາສະນະທີ່ຈະເອົາອົບຂະໜາດ 8x6x3 ນິ້ວ, ວ່າງເບຄ້ອນເປັນທາງຍາວແລະ ອັດຕັບທີ່ປະສົມໄດ້. ປິດດວ້ຍເບຄ້ອນວ່າງເປັນທາງຍາວ. ເອົາວ່າງລົງໝໍ້ທີ່ມີນໍ້າອີກໝໍ້ໃສ່ນໍ້າໃຫ້ຂື້ນໄດ້ ເຄິ່ງໜຶ່ງຂອງໝໍ້ປາເຕ້ ແລ້ວເອົາເຂົ້າອົບໃນອຸ່ນນະພູມ 350°F ປະມານ 2 1/2 ຊົ່ວໂມງ.

3 ເອົາອອກຈາກເຕົາ. ປິດດ້ວຍແຜ່ນອາລູມີນຽມຝອຍ. ເອົາກ້ອນດິນຈີ່ເຕັງຕອນປະໃຫ້ເຢັນ, ດີທີສຸດແມ່ນປະຄ້າງຄຶນໃນຕູ້ເຢັນ, ຕັດແລະກິນກັບເອົາຈີ່ ຫຼືເຂົ້າຈີ້່ປິ້ງ, ເຂົ້າຈີ້່ກອບເຄັກເກີ,  ຜັກສະລັດປລະໝາກເລັ່ນໄດ້ເລີຍ. ຜົນໄດ້ຮັບແມ່ນ: ໜຶ່ງໝໍ້ສີ່ລຽ່ມຈະຕຸລັດ

1. ແຕ້ມຮູບ
2.  ເຮັດອາຫານຊຸມກັນ
3. ອ່ານໜັງສືກັນ
4. ຈັດເຄຶ່ອງເຮືອນໃຫ້ເປັນລະບຽບ
5. ພາຄອບຄົວອອກກໍາລັງກາຍ
6. ພາກັນເຕັ້ນລໍາ
7. ຫຼິ້ນດົນຕີ
8. ຫຼິ້ນໝາກດ້າມ
9. ສ້າງລະຄອນຫຸ້ນທີປະດິດເອົາດ້ວຍຖົງຕິນ
10. ຮ້ອງເພັງຄາລະໂອເກນໍາກັນ

ເຄຶ່ອງປະກອບມີ:

• ຂິງອ່ອນສົດ 2 ພາວ (lb). (shin shoga)
• ນໍ້າສົ້ມ 3 ຈອກ (ນໍ້າສົ້ມຜະລິດຈາກເຂົ້າ)
• ນໍ້າຕານ 2 ຈອກ
• ເກຶ່ອ 2 ບວ່ງນ້ອຍ

ການກະກຽມແມ່ນ:

ລ້າງຮາກຂີງແລະປອກເປື້ອກອອກ, ຊ່ອຍຂີງບາງໆ ແລ້ວເອົາເກຶອໃສ່. ປະຂີງແຊ່ເກຶອໄວ້ ໑ ຊົ່ວໂມງ. ເຊັດຂີງໃຫ້ແຫ້ງ ແລ້ວເອົາໃສ່ຂວດແກ້ວ. ປະສົມນໍ້າສົ້ມແລະນໍ້າຕານໃສ່ກະທະຕົ້ມໃຫ້ຟົດແລ້ວເທໃສ່ຂີງທີ່ຊອຍໄວ້ໃນຂະນະນໍ້າຍັງຮ້ອນຢູ່, ປະໃຫ້ເຢັນ. ຂີງຈະປ່ຽນສີເປັນສີບົວອອ່ນ (ແຕ່ຖ້າທ່ານໃຊ້ຂີງເກົ່າມັນອາດຈະບໍ່ປ່ຽນສີເລີຍ). ອັດຝາພາຊະນະແລະເກັບຮັກສາໄວ້ຕູ້ເຢັນ. 

(ພຶດສະພາ 20 - ມິຖຸນາ 20)

ທໍາມະດາແລ້ວຄົນທີ່ເກີດໃນໄລຍະເດືອນນີ້ແມ່ນເຮັດວຽກຫຍັງກໍ່ໄດ້ ທີ່ໃຊ້ການປາກເວົ້າ, ຄວາມສາມາດໃນການຂີດຂຽນ, ການສືບເຊາະຄົ້ນຫາ ແລະການຄົມມະນາຄົມ-ສື່ສານແມ່ນສໍາຄັນ. ເວົ້າລວ່ມໃນເຄຶ່ອງໝາຍທັງໝົດຂອງ ໑໒ ລາສີ ນັ້ນ ອາດເວົ້າໄດ້ວ່າ ມິຖຸນາແມ່ນເປັນລາສີທີເຂົ້າໃນທາງສັງຄົມແລະ ເປັນພະນັກງານທີ່ວອ່ງໄວ ປັບໂຕງ່າຍຫຼາຍກວ່າໝູ່..

ຮູບຄົນຝາແຝດຂອງຄົນເກີດລາສີນີ້ແມ່ນບໍ່ມັກເຮັດວຽກງານທີ່ຊໍ້າແລ້ວຊໍ້າອີກແລະບໍ່ເໝາະສົມນໍາສົ່ງໜັງສືພີມ. ພວກຄົນເກີດເດືອນນີ້ແມ່ນຈະມັກເລືອກອາຊີບທີ່ໄດ້ມາໃນນະໂຍບາຍທາງສັງຄົມແລະ ຫຼາຍສີ່ງຫຼາຍຢ່າງທີ່ບໍ່ຊໍ້າຊາກ, ຄວາມສາມາດຮອບໂຕຫາອັນປຽບບໍ່ໄດ້ ແຕ່ສວ່ນຫຼາຍແມ່ນມັກປຽ່ນວຽກເຮັດຫຼາຍໆເທຶ່ອ.ເປັນພວກທີເຮັດຫຍັງກໍ່ໄດ້ເພຶ່ອນໍາມາໄດ້ເຖິງເປົ້າໝາຍຂອງພວກເຂົາທີ່ຕັ້ງໃຈໄວ້.

ພວກເຂົາມັກມີທາງເລືອກຫຼາຍໆ ທາງທີ່ຕ້ອງໄດ້ເລືອກເອົາ ເປົ້າໝາຍທີ່ບໍ່ແນ່ນອນ, ໂອກາດທີ່ສາມາດອອກຫົວຄິດຂອງພວກເຂົາ ແລະ ພວກຄົນເກີດເດືອນນີ້ແມ່ນບໍ່ມີຄວາມສາມາດຢູ່ບອ່ນເກົ່າໄດ້ດົນໆ ນີ້ແມ່ນກຸ່ມຄົນທີຕ້ອງຈັບຕາເບິ່ງເພາະຕອນທີ່ສໍາຄັນແມ່ນຕອນພວກ ເຂົາກໍາລັງຊອກຫາຕົວຕົນທີ່ແທ້ຈິງຂອງເຂົາ ວ່າມັກເຮັດຫຍັງແທ້ ແລະ ຕອນທີ່ເຂົາຫາພົບແມ່ນຕອນນັ້ນ ແມ່ນເວລາທີ່ພວກເຂົາຈະມວ່ນທີສຸດນໍາການເຮັດວຽກ.

ອ່ານຕໍ່ໄປນີ້ແມ່ນວິຊາຊີບທີ່ເໝາະສົມກັບມິຖຸນາຄົນກ້າ, ຜູ້ມັກເວົ້າ-ມັກປາກ, ແລະ ຄວາມສາມາດຮອບຕົວທີ່ມີ:

໑. ນັກຂ່າວ

໒. ນັກແປພາສາ

໓. ຜູ້ຈັດລາຍການ

໔. ປະຊາສໍາພັນ

໕. ນັກຂຽນປື້ມວານະນິຍາຍ

໖. ຜູ້ຊ່ຽວສານທາງການຕະຫຼາດ

໗. ນັກຂຽນຂ່າວສານບ້ານເມຶອງ

໘. ພະນັກງານນໍາທຽ່ວ

໙. ເຮັດງານສິນລະປະກໍາ

໑໐. ຄູ-ອາຈານ

ໄລຍະໜຶ່ງຂ້ອຍແມ່ນໄດ້ມີໂອກາດພາລູກສາວໄປສວ່ນສາທາລະນາແຫ່ງໜຶ່ງຊື່ວ່າ ເຈັກຟິດເຊີ ມັນແມ່ນຢູ່ໃກ້ ບອ່ນພວກຂ້ອຍຢູ່ ຈະເຫັນໄດ້ໃນຮູບພາບຈາກລິ້ງ ນີ້ ແລະ ໃນຕອນນັ້ນລູກກົກຂ້ອຍກໍ່ແມ່ນໄດ້ ໜຶ່ງປີປາຍ ແລະຕົນເອງກໍ່ຖືພາທອ້ງແກ່ ລູກຊາຍຜູ້ທີ່ສອງ ແມ່ນຄິດມັກສວນອັນນີ້ ເພາະຕອນນັ້ນກໍ່ມີຂອງຫຼິ້ນເດັກນອ້ຍໃຫ້ຫຼິ້ນລ້າ ອັນເປັນຕົ້ນແມ່ນ ອຸປະກອນການຫຼິ້ນກັບດິນຊາຍ. ອັນແບບວ່າບໍ່ໄຈໍາເປັນຕ້ອງຖືເອົາຂອງຫຼິ້ນຕົນເອງໄປນໍາ ກະເລີຍມັກ ແລະ ຕອນໄລຍະປີກາຍແມ່ນໄດ້ເຫັນເອື້ອຍ ໒ ຄົນລົມກັນມຸມມັບເປັນພາສາໄທ ຂ້ອຍກາ ໂອຄຶດໃນໃຈ ຊິເຂົ້າໄປຫຼິ້ນດີບໍ່ໜໍ ແຕ່ກໍ່ຕ້ອງໄດ້ເບິ່ງລູກ ແລະຢ້ານເປັນການລົບກວນເຂົາກໍ່ເລີຍເສີຍ ຕໍ່ມາກໍ່ ໄດ້ຍິນເພິ່ນລົມກັນເປັນແບບວ່າກຽວ່ກັບເຮົາ ກໍ່ເສີຍໆ ໄວ້ກອ່ນ ແລະແລ້ວ ເອຶ້ອຍ ຜູ້ໜຶ່ງ ອອກຊື້່ ຫຍໍ້ແມ່ນ "ປ" ກໍ່ຖາມວ່າເປັນຄົນໄທຫຼືບ່າວ? ໂຕເອງກໍ່ຕອບໄປຕາມຊື່ວ່າເປັນຄົນລາວ ແລະກໍ່ເລີຍໄດ້ລົມກັນຕໍ່ແບບວ່າຂໍແລກປຽນເລກໂທ ຈົນຮູ້ຈັກກັນມາຈົນປານນີ້: ເພິ່ນເປັນຄົນຊຽງໄໝ ແລະອີກຄົນກຸງເທບ ໃຈດີທັງສອງເວົ້າມາຄິດຮອດ. ພວກເຂົາ... ຕອນນີ້ແມ່ນຕິດພັນລາວ ຫຼາຍ

ຈົບເທົ່ານີ້ກອ່ນລູກຢາກນົມ.

“ຢ່າເຮັດໜ້າບູດໜ້າບຽ້ວໄປເລີຍ ເພາະເຈົ້າອາດບໍ່ຮູ້ວ່າມີຜູ້ໃດຜູ້ໜຶ່ງແມ່ນຕົກຫຼຸມຮັກນໍາຮອຍຍິ້ມຂອງເຈົ້າ”

“ຈົ່ງເຊຶ້ອໝັ້ນໃນຕົນເອງ! ໝັ້ນໃຈນໍາຄວາມສາມາດຂອງຕົນ! ປາດສະຈາກການທອ່ມໂຕເຮັດໃຫ້ຕົນຕົກຕໍາ ແຕ່ຕ້ອງມີເຫດຜົນ ແລະໝັ້ນໃຈກັບກໍາລັງຄວາມສາມາດຂອງຕົນທີ່ວ່າຈະເຮັດຫຍັງປະສົບກັບຄວາມສໍາເລັດ ຫຼື ມີຄວາມສຸກໄດ້”

“ຜູ້ທີ່ໃຫ້ຄວາມສຸກແກ່ຄົນອຶ່ນໄດ້ ແມ່ນມວ່ນນໍາການໃຫ້ ແລະການໃຫ້ແມ່ນເຮັດໃຫ້ເຂົາມີຄວາມສຸກ”

“ບໍ່ມີຜູ້ໃດທີ່ຕ້ອງການຮອຍຍິ້ມຫຼາຍທີ່ສຸດ ນອກເໜຶອແຕ່ວ່າຜູ້ນັ້ນແມ່ນບໍ່ເປັນຄົນມັກຍິ້ມເລີຍ”

“ຄົນເຮົາຕ່າງກໍ່ໃຊ້ຫົນທາງຕ່າງກັນທີ່ຈະເຮັດໃຫ້ຕົນເອງມີຄວາມສຸກ ມີແຕ່ວ່າເຂົາເຮັດບໍ່ຄືກັນກັບເຈົ້າໝົດບໍ່ແມ່ນວ່າເຂົານັ້ນເຮັດບໍ່ຖືກຕ້ອງ”

“ຄວາມສຸກແມ່ນການທີ່ເຮົາແມ່ນເລືອກເອົາມັນມາ ບາງເທຶ່ອຄວາມສຸກນັ້ນກໍ່ຮຽກຮ້ອງຄວາມພະຍາຍາມສູງ”

“ການກະທໍາໃດໜຶ່ງບໍ່ແມ່ນວ່ານໍາດ້ວຍຄວາມສຸກສະເໝີໄປ, ແຕ່ວ່າບໍ່ມີຄວາມສຸກໃດທີ່ໄດ້ມາ ປາດສະຈາກການກະທໍາ”

“ມີແຕ່ຄົນໂງ່ເທົ່ານັ້ນທີ່ຊອກຫາຄວາມສຸກມາດົນນານ, ຜູ້ສະຫຼາດແມ່ນປຸກສ້າງຄວາມສຸກໃນຕົນໂຕຂອງເຂົາເອງ”

“ວັນເວລາທີ່ເຈົ້າເສຍໄປກັບຄວາມມວ່ນຊຶ່ນ ແມ່ນບໍ່ໄດ້ເສຍໄປຫຼ້າ ເວລາແຫ່ງຄວາມສຸກແມ່ນມີຄຸນຄ່າ ແລະສໍາຄັນສະເໝີ”

“ຜູ້ທີ່ຮູ້ເລີກເຊິ່ງເຖີງແສງສະຫວ່າງນໍາມາແຫ່ງຄວາມສຸກ ຜູ້ນັ້ນແມ່ນຈະບໍ່ມີວັນໄດ້ພົບກັບສາຍຝົນ”

“ທຸກນາທີ່ເຈົ້າເກີດໃຈຮ້າຍ ເຈົ້າແມ່ນເສຍເວລາແຫ່ງຄວາມສຸກ ໖໐ ວິນາທີ່”

“ຄວາມາສໍາເລັດບໍ່ແມ່ນກຸນແຈໄປຫາຄວາມສຸກ ຄວາມສຸກນັ້ນແມ່ນກຸນແຈແຫ່ງຄວາມສໍາເລັດ ແລະແມ່ນຫຍັງທີ່ເຈົ້າຮັກ-ມັກ ເຮັດແລ້ວ ແມ່ນເຈົ້າແມ່ນຈະໄດ້ພົບກັບຜົນສໍາເລັດ”

ການຕັດສິນໃຈເລືອກ

ບາງຄົນກໍ່ແມ່ນເລືອກທີ່ຈະນັ່ງຢູ່ລ້າໆ- ບາງຄົນແມ່ນໃຊ້ຄວາມພະຍາຍາມສູງ,

ບາງຄົນແມ່ນມັກຫົວຂວັນ- ບາງຄົນແມ່ນຮ້ອງໄຫ້

ບາງຄົນແມ່ນມີຄວາມຕັ້ງໃຈ- ບາງຄົນກໍ່ບໍ່ມີ

ບາງຄົນແມ່ນເຮັດວຽກ- ບາງຄົນກໍ່ບໍ່ເຮັດຫຍັງ 

ບາງຄົນມີຄວາມເຊຶ່ອໝັ້ນແລະ ສ້າງແຜ່ນການເປັນຮູບຮ່າງຂື້ນ

ບາງຄົນແມ່ນບໍ່ມີຄວາມເຊຶ່ອໝັ້ນໃນຕົນເອງ ແລະ ບໍ່ເຄີຍຄິດວ່າໂຕເອງມີຄວາມສາມາດພໍ

ບາງຄົນແມ່ນສູ້ຕໍ່ອຸປະສັກສີ່ງຂີດຂວາງ ແລະເອົາໃຈໃສ່ພະຍາຍາມຈົນເຖີງທີ່ສຸດ

ບາງຄົນແມ່ນບໍ່ມີຄວາມກ້າປະເຊີນໜ້າກັບອຸປະສັກຂໍ້ທົດສອບ

ບາງຄົນກໍ່ແມ່ນມີແຕ່ຈົມວ່າຕ່າງໆ ນາໆ ກັບຄວາມທຸກຍາກຂອງຕົນ

ບາງຄົນກໍ່ແມ່ນຮູ້ບຸນຄຸນກັບທຸກສີ່ງທຸກຢ່າງທີ່ເຂົາມີ

ແລະ ໃນຕອນຈົບ- ສາກສຸດທ້າຍບາງຄົນແມ່ນເສຍໄຊແລະບາງຄົນກໍ່ເປັນຜູ້ຊະນະ

 ພວກເຮົາແມ່ນຕ່າງກໍ່ມີທາງເລືອກກັນໝົດ ພວກເຮົາຕ່າງກໍ່ມີຄໍາຄິດຄໍາເຫັນຂອງໃຜລາວ

ພວກເຮົາຕ່າງກໍ່ແມ່ນໃຊ້ຊື່ນາມປາກກາ ໃນຊິວິດຂອງການຂີດຂຽນ ຫຼື ຊື່ອັນເປັນຕົວຕົນແທ້ຂອງເຮົາ ອັນໃດກໍ່ຕາມທີ່ເຮົາແມ່ນໄດ້ເລືອກ- ອັນໃດກໍ່ດີທີຄິດວ່າສາມາດຮັບມືກັບກົດເກນຂອງຊີວິດນີ້ໄດ້

ຕັດສິນໃຈເອົາເອງແລະ ບໍ່ຕ້ອງໄດ້ໄປໂທດຜູ້ອຶ່ນ

ຕອນຍັງນ້ອຍຈົນຮອດໃຫ່ຍຕອນຢູ່ລາວກໍ່ແມ່ນມັກກິນໝາກໄມ້ແລະ ຜັກຕ່າງໆ ເປັນປະຈໍາ ທີ່ຫາມາໄດ້ຕາມລະດູການ ແລະແມ່ນແຕກຕ່າງກັນອອກໄປ ແລະຂອ້ຍແມ່ນຄິດວ່າຢູ່ບ້ານເຮົາແມ່ນເຕັມໄປດວ້ຍສັບພະຍາກອນທີ່ບໍ່ໄດ້ມີການບັນທຶກຈົດແຕ້ມຊື່ຂອງຜັກ, ໝາກໄມ້ຕ່າງທີ່ພວກເຮົາພາກັນເອີ້ນ ແລະບໍລິໂພກໃນແຕ່ລະວັນ ເວລາຜ່ານໄປ ລູກຫຼານເຮົາຜູ້ໃຫ່ຍລຸ່ນອາດຍັງບໍ່ມີໂອກາດທີ່ຈະຮູ້ໄດ້ວ່າຢູ່ບ້ານເຮົາແມ່ນມີໝາກໄມ້ ແລະ ຜັກຊື່ຫຍັງແນ່, ດັ່ງນັ້ນໂຕ ຂ້າພະພຸດທະເຈົ້າແມ່ນໄດ້ໃຫ້ຄວາມສໍາຄັນຫຼາຍໃນເລຶ້ອງນີ້ ກໍ່ເລີຍພະຍາຍາມນັບຈໍາພວກ ຜັກ ແລະໝາກໄມ້ອອກມາຕາມທີ່ນືກໄດ້ດັ່ງຕໍ່ໄປນີ້:

໑. ໝາກມວ່ງ: - ໝາກມວ່ງອອ້ງລອ້ງ, - ໝາກມວ່ງແກ້ວ- ໝາກມວ່ງສະເຫວີຍ, ມີຫຼາຍຊະນິດ! ແຕ່ບໍ່ຮູ້ຊິເຕຶ່ມ...

໒. ໝາກຂາມ, ໓. ໝາກພ້າວ, ໔. ໝາກຕະກົບ, ໕. ໝາກນໍ້ານົມ, ໖. ໝາກໝີ້, ໗. ໝາກກະທັນ, ໘. ໝາກລະໝຸດ, ໙. ໝາກຂຽບ, ໑໐. ໝາກເຟຶ່ອງ, ໑໑. ໝາກກຽງ, ໑໒. ໝາກພິລາ, ໑໓. ໝາກຍໍາໄຍ, ໑໔. ໝາກຂຽບຝາລັງ, ໑໕. ໝາກຮຸ່ງ, ໑໖. ໝາກຕອ້ງ, ໑໗. ໝາກຫວດ, ໑໘. ໝາກໄຟ, ໑໙. ໝາກຍົມ, ໒໐. ໝາກກ້ຽງ, ໒໑. ໝາກສົ້ມໂອ, ໒໒. ໝາກແຕງໂມ, ໒໓. ໝາກກວ້ຍ, ໒໔. ໝາກສາລີ, ໒໕. ໝາກສີດາ, ໒໖. ໝາກຫາງມັງກອນ, ໒໗. ໝາກຈອງ "ແມ່ນມີມາຫຼາຍຈາກຊຽງຂວາງ".,໒໘. ໝາກຈັບ, ໝາກແງ່ວ,

ໝາກທີ່ຈັດເຂົ້າເປັນປະເພດຜັກຫຼາຍກວ່າ: ໝາກເພັດ, ໝາກເຂຶອ: , ໝາກແຂ້ງ, ໝາກເຂຶອຫໍາມ້າ, ໝາກເຂຶອຄຶ່ນ, ໝາກນໍ້າ, ໝາກບ໊ອບ, ໝາກກະຖິນ, ໝາກກອກ, ໝາກລິນໄມ້, ໝາກຖົ່ວຍາວ, ໝາກແຕງ, ໝາກເລັ່ນ, ໝາກຍໍ, ດອກແຄ, ມີຫຍັງອີກ...???

ປະເພດຜັກມີ: ຜັກຕໍານິນ, ຜັກປັງ, ຜັກກາດ: ຜັກກາດຂິວ, ຜັກກາດຊອ່ມ., ຜັກນໍ້າ, ຜັກບົ້ງ, ຜັກກະລໍາປີ, ຜັກສະລັດ, ຜັກອີ່ເລີດ, ເຄຶ່ອຢານາງ, ສະອົບ ??

ປະເພດຫອມ: ອີ່ຕູ່, ຫອມລາບ, ຫອມບົວໃບ. ກະທຽມ, ???

ເຫັດເຟຶ່ອງ, ເຫັດນາງລອບ, ເຫັດຫູໜູ, ເຫັດແມ່ນຫຍັງອີກ??? ບໍ່ຈື່ຊື່!!!

ໜໍ່ໄມ້: ໝໍ່ໄມ້ສົ້ມ, ໜໍ່ໄມ້ຕົ້ມ

ຜູ້ໃດຄິດໄດ້ເຕຶມໃຫ້ແນ່ເດີ ຢາກອັດເອົາໄປເຕຶ່ມໃສ່ແລ້ວເອົາອອກມາໃຫ້ກັນອ່ານແນ່...ຂອບໃຈລວ່ງໜ້າ:)

ວັນທີ ໔ ເດືອນ ພຶດສະພາ, ໒໕໕໒

“ເພຶ່ອຫຼິກເວັ້ນການຖືກຕິຕຽນ ແມ່ນບໍ່ເຮັດຫຍັງ, ບໍ່ເວົ້າຫຍັງ, ບໍ່ເປັນຫຍັງ.”

“ມັນແມ່ນງ່າຍຫຼາຍທີຈະຖືກຕິຕຽນຫຼາຍກວ່າທີ່ຈະຖືກຕ້ອງໄປໝົດ”

“ທຸກຢ່າງຫາໄດ້ມາເປັນເຈົ້າຂອງກໍ່ແມ່ນໄດ້ນໍາມາແຫ່ງຄວາມອິດເມຶ້່ອຍ.”

“ປະສົບການຜ່ານມາແມ່ນຫຍັງບໍ່ທັນໄດ້ເຈົ້າກໍ່ຢາກໄດ້ ”

“ຢ່າໂທດຜູ້ອຶ່ນຢ່າຄາດຫັວງຫຍັງກັບຄົນອຶ່ນຫຼາຍ ປະດິດສ້າງທໍາຫຍັງດ້ວຍຕົວເອງ”

“ຄວາມເສຍໃຈລົ້ນເຫຼຶອແມ່ນໄດ້ມາຈາກໂຕຂອງເຮົາຖືກຕໍານິຕິຕຽນ ແລະ ຄືຢູ່ຜູ້ດ່ຽວໃນໂລກນີ້ ນັ້ນແມ່ນທໍລະມານທີ່ສຸດ"”

“ສີ່ງທີ່ມີຄ່າແທ້ໆ ຂອງເຈົ້າແມ່ນບໍ່ສາມາດແນບເຫັນເປັນຮູບພາບໄດ້.”

“ສິນລະປະຂອງຜູ້ສະຫຼາດແມ່ນຮູ້ເຖີງການລະມັດລະວັງໄວ້ກອນ”

“ເຮັດຕາມໃຈທີ່ຄິດວ່າຕົນເອງຄິດຖືກຕ້ອງແລ້ວ ບໍ່ຕ້ອງໄດ້ເສຍໃຈຕາມພາຍຫຼັງ ເພາະຈັງໃດກໍ່ຖືກຕໍານິຕິເຕືອນຢູ່ແລ້ວ”

“ຄວາມທ້າທາຍເຮັດໃຫ້ຊີວິດມີຄວາມໝາຍ ຖ້າຜ່ານຜ່າມັນມາໄດ້ກໍ່ແມ່ນເຮັດໃຫ້ຊີວິດມີຄວາມໝາຍ”

“ພວກເຮົາແມ່ນບໍ່ເຊົ່າຫຼິ້ນມ່ວນຊຶ່ນຍ້ອນຄວາມເຖົ້າ ແຕ່ເຮົາເຖົ້າຍ້ອນເຮົາເຊົ່າ”

“ມີຫຼາຍໆຄົນຄິດວ່າເຂົາຮູ້ວ່າເຈົ້າມີໜ້າທີ່ຮັບຜິດຊອບຫຍັງແນ່ ດີກວ່າຕົວເຈົ້າເອງ”

“ມັນແມ່ນງ່າຍທີ່ຈະສູ້ເພຶ່ອຫຼັກການອັນໃດໜຶ່ງແຕ່ຈະໃຊ້ຊີວິດຕົວຈິງແມ່ນຍາກກ່ວາ”

“ໃນຄໍາສັບສາມຄໍາຂ້ອຍສາມາດສະຫຼຸບກັບທຸກສີ່ງທີ່ຂ້ອຍໄດ້ຮຽນຮູ້ກ່ຽວກັບຊີວິດ ແມ່ນ: ຢ່າ ຍອມ ແພ້”

“ທຸກຄົນແມ່ນຕ້ອງຕາຍ ແຕ່ບໍ່ແມ່ນໝົດທຸກຄົນແມ່ນໄດ້ໃຊ້ຊີວິດອັນແທ້ຈິງ”

“ໃນຊີວິດຂອງເຈົ້າຖ້າຢາກຮູ້ວ່າໜ້າທີ່ວຽກງານຂອງເຈົ້າແມ່ນໄດ້ສໍາເລັດໝົດທຸກຢ່າງແລ້ວນັ້ນ ຖ້າຍັງມີຊີວິດຢູ່ກໍ່ແປວ່າຍັງບໍ່ໝົດ ”

“ບໍ່ມີມື້ໃດຂອງຊີວິດຄົນເຮົາທີ່ວ່າບໍ່ແມ່ນມື້ສໍາຄັນ”

“ສຸດທ້າຍ ມັນກໍ່ບໍ່ແມ່ນ ການນັບອາຍຸຂອງເຈົ້າວ່າຈັກປີ ແຕ່ວ່າມີໃຜແນ່ໃນຊິວິດຂອງເຈົ້າ”

“ມີສອງວິທີທາງທີ່ໃຊ້ຊີວິດຂອງເຮົາ ຄື ການຢູ່ແບບວ່າບໍ່ມີຫຍັງແມ່ນເປັນສີ່ງມະຫັດສະຈັນ, ອີກວິທີ່ໜຶ່ງແມ່ນທຸກສີ່ງຢ່າງແມ່ນສີ່ງທີ່ເປັນໜ້າມະຫັດສະຈັນ ”

“ແມ່ນຫຍັງທີ່ເຮົາໄດ້ມາແມ່ນເພຶ່ອເຮັດໃຫ້ຢູ່ຫຼອດໄປແຕ່ລະມື້ ແຕ່ແມ່ນຫຍັງທີ່ເຮົາໃຫ້ ໄປແມ່ນຈັ່ງໃດໜຶ່ງໄດ້ສ້າງຊີວິດ”

“ຜູ້ໃດ ທີ່ມັກ-ຮັກກັບການເຮັດວຽກຂອງເຂົາແທ້ໆ ແມ່ນບໍ່ມີຫຍັງທີ່ຈະເຮັດໃຫ້ເຂົາຢ້ານໃນຊີວິດນີ້”

“ໃນເມຶ່ອປະຕູໜຶ່ງປິດ ຕ້ອງມີອີກປະຕູແມ່ນເປີດໄວ້., ແຕ່ມີເລື້ອຍໆທີ່ພວກເຮົາແມ່ນຊອກຫາດົນເຕືບແລະ ເສຍໃຈແລະເສຍດາຍກັບປະຕູທີ່ປິດກະແຈແໜ້ນໜາ ແລະເຮັດໃຫ້ເຮົາບໍ່ສາມາດແນມເຫັນໄດ້ເຊິ່ງປະຕູທີ່ເປີດອອກໃຫ້ພວກເຮົາ”

ການປະຕິບັດ

"ຜູ້ເຮັດວຽກໜັກແມ່ນກໍ່ສາມາດສອ່ງເຫັນເຖິງຂອງລັກຊະນະຂອງຄົນຜູ້ນັ້ນ, ຜູ້ບາງຄົນເຮັດກໍ່ເຮັດວຽກເອົາແທ້ເອົາວ່າ, ບາງຄົນເຮັດຢູ່ແຕ່ພໍແປະໆ ບາງໆ, ຜູ້ບໍ່ເຮັດຫຍັງເລີຍກໍ່ມີ"

"ເປັນຕາອັດສະຈັນຢູ່ວ່າ ທໍາມະຊາດແມ່ນໄດ້ສ້າງຄົນເຮົາມາໃຫ້ມີບູນວາດສະໜາ ກໍ່ຍ້ອນວ່າມີໝາກຜົນຈາກການປະພຶດຂອງຄົນຜູ້ນັ້ນ"

"ທຸກຄົນແມ່ນສາມາດທົນກັບຄວາມຍາກລໍາບາກໄດ້ກັນໝົດ, ແຕ່ຖ້າຈະພິສູດພຶດຕິກໍາຂອງຄົນຜູ້ໜຶ່ງ ແມ່ນໃຫ້ອໍານາດແກ່ເຂົາ"

"ຜູ້ປາກເວົ້າປາດສະຈາກຄວາມອ່ອນນອ່ມ ທອ່ມຕົວແລ້ວ ແມ່ນຈະພົບກັບຄວາມລໍາບາກກັບຄໍາເວົ້າຂອງຕົນເອງ"

"ຖ້າເຈົ້າບໍ່ກ້າພໍທີ່ຈະເສຍ, ກໍ່ຄົງບໍ່ກ້າພໍທີ່ຈະຊະນະໄດ້"

"ຖ້າຜູ້ໃດເຮັດຜິດແລ້ວ ບໍ່ຍອມຮັບຜິດແມ່ນສວ່ນຫຼາຍແມ່ນຊິເຮັດໃຈຮ້າຍ" 

"ໃນຂະນະໜຶ່ງຄົນປະພຶດດີແມ່ນປະກົດໃຫ້ເຫັນຢູ່ແຕ່ໜ້ອຍ"

"ຖ້າວ່າເຈົ້າແມ່ນຜູ້ທີ່ໂດ່ງດັງແລະ ໝົດທຸກໃນໂລກນີ້ຕ່າງກໍ່ພາກັນຕິດຕາມເບິ່ງເຈົ້າຕະຫຼອດເວລາ ແລະ ເຈົ້າຈະດີໃຈບໍ່ ທີ່ໄດ້ຢູ່ໃນຕໍ່າແໜ່ງນັ້ນ?"

"ບໍ່ມີຜູ້ໃດແມ່ນໃຫ່ຍເກິນໄປທິຈະບໍ່ຍອມຮັບຄວາມຜິດຂອງຕົນເອງ ແລະ ບໍ່ວ່າຜູ້ທີ່ເປັນຂຸນນາງ-ຜູ້ປະເສີດເລີດກໍ່ຍັງເຄີຍເຮັດຜິດມາກອ່ນ"

"ຂ້ອຍລໍຖ້າວ່າມືໜຶ່ງ ຄົນເຮົາຈະບໍ່ຕັດສິນຄົນຕາມສີຜິວຂອງເຂົາ ແຕ່ຄວນເບິ່ງນິໄສໃຈຄໍ, ການປະຕິບັດຂອງຄົນຜູ້ນັ້ນ"

"ບໍ່ມີໃຜຢາກໃຫ້ການເອົາໃຈໃສ່ກັບເຮົາ ເມຶ່ອເຮົາຮຽກຮ້ອງຂໍເອົາມັນຫຼາຍເກິນໄປ"

"ບໍ່ມີເຫດການໃດສາມາດປົ່ວແປງ ຂໍ້ຜິດພາດທີ່ໄດ້ປະພຶດມັນໄປແລ້ວ"

"ຄົນທີ່ວ່າໜ້າຕາຂີ້ຮ້າຍທາງນອກນັ້ນ ກໍ່ບໍ່ສາມາດປຽກທຽບໄດ້ກັບຄ່າຄວາມດີງາມຂອງເຂົາທີ່ຢູ່ຂ້າງໃນ"

"ເຄຶ່ອງຊີ້ບອກເຖິງລັກຊະນະຂອງຄົນດີເມຶ່ອມີຜູ້ທີ່ຮ້າຍໃສ່ແລ້ວ ບໍ່ຮ້າຍຕອບ, ແລະເຂົາກໍ່ບໍ່ຕີຜູ້ທີ່ບໍ່ມີຄວາມສາມາດສູ້ຄຶນໄດ້"

"ຈົ່ງເປັນຫວ່ງກັບການປະພຶດປະຕິບັດຂອງຕົນ ຫຼາຍກວ່າກຽດຕິຍົດ ແລະ ຊື່ສຽງ ເພາະວ່າການປະພຶດປະຕິບັດນັ້ນລະແມ່ນບົ່ງບອກເຖິງໂຕຕົນທີ່ແທ້ຈິງຂອງເຈົ້າ, ໃນຂະນະດຽວກັນກໍ່ປອ່ຍໃຫ້ຄົນອຶ່ນຄິດກ່ຽວກັບຄວາມມີຊື່ສຽງແລະ ກຽດຕິຍົດຂອງເຈົ້າວ່າມີໜ້ອຍ-ຫຼາຍ"

"ການປະຕິບັດຈະເກີດໝາກອອກຜົນໄດ້ກໍ່ຕໍ່ເມຶ່ອໄດ້ພະຍາຍາມ ຫຼາຍໆ ເທຶ່ອ" 

"ຄົນສວ່ນຫຼາຍແມ່ນບໍ່ໃຫ້ການຍອມຮັບ ກັບຄໍາຄິດຄໍາເຫັນກັບການປະພຶດປະຕິບັດຂອງຕົນຈາກຄົນອຶ່ນງ່າຍໆ"

"ຄວາມສາມາດຂອງເຈົ້າແມ່ນເຮັດໃຫ້ເຈົ້າເປັນເຈົ້າເປັນ ນາຍ ແຕ່ວ່າຊິຢູ່ໄດ້ດົນບໍ່ ກໍ່ແມ່ນຂື້ນກັບການປະພຶດປະຕິບັດຂອງທ່ານເອງ"

"ບໍ່ຈໍາເປັນທີ່ຈະຄຸຍໂອອວດກັບຜົນສໍາເລັດແລະ ອັນທີ່ເຈົ້າເຮັດໄດ້ ຜູ້ທີ່ວ່າເກັ່ງແທ້ແມ່ນບໍ່ຖ້າບອກກໍ່ຮູ້"

"ຄວາມສາມາດພິເສດກໍ່ຄືໄດ້ພັດທະນາມາຈາກ ການເສຍເວລາປະພຶດປະຕິບັດຕົວຈິງ"

"ຄົນຜູ້ໜຶ່ງທີ່ສະແດງການຫຼິ້ນກິລາອັນໃດໜຶ່ງແມ່ນສະໃຫ້ເຫັນການປະຕິບັດຂອງລາວ ແຕ່ຖ້າຕອນລາວເສຍນັ້ນແມ່ນຈະເຫັນໝົດວ່າເປັນຄົນແບບໃດ"

"ຜູ້ທີ່ອອ່ນແອນັ້ນແມ່ນບໍ່ສາມາດໃຫ້ອາໄພຜູ້ໃດໄດ້ ແຕ່ເຊຶ່ອວ່າຜູ້ທີ່ແໜ້ນແກ່ນເທົ່ານັ້ນທີສາມາດໃຫ້ອາໄພຜູ້ອຶ່ນ"

"ກິລາບໍ່ແມ່ນວ່າສ້າງນິໄສຄົນ ແຕ່ມັນເປັນຕົວການເຮັດໃຫ້ເຫັນ ວ່າຄົນຜູ້ນີ້ເປັນຈັງໃດ"

"ອັນທີ່ວ່າທີ່ເປັນອາດີດຜ່ານມາທາງຫຼັງທີ່ເຮົາໄດ້ວ່າງໄວ້ນັ້ນແມ່ນ ສໍາຄັນຢູ່ແຕ່ຢ່າໃຫ້ຄວາມສໍາຄັນຫຼາຍຈົນເກີນໄປ ຈົ່ງໃຫ້ຄວາມສໍາຄັນຫຼາຍກັບສິ່ງທີ່ຢູ່ໃນໃຈຂອງເຮົາພີ້" 

"ຄັນຈະເວົ້າແລ້ວຜູ້ຍິງ-ຜູ້ຊາຍທີ່ວ່າເກັ່ງໃນໂລກນີ້ແມ່ນບໍ່ມີໃຜທີ່ສົມບູນແບບຕິດແທດທັງທ່າທີ່ຂອງເຂົາ, ແຕ່ຜູ້ທີ່ເຮັດໃຫ້ຄົນອຶ່ນສັດທ່າ ມວ່ນຊື່ນແລະໄດ້ມີສຽງຫົວນັ້ນເຮັດໃຫ້ຄວາມຜິດຂອງເຂົາແນບກໍ່ເກືອບບໍ່ເຫັນໄດ້"

ສຸກສັນວັນສິ່ງແວດລ້ອມໂລກ ວັນທີ 22 ເມສາ 2009

ສາຍເຫດທີ່ໄດ້ເກີດມີວັນສິ່ງແວດລ້ອມໂລກກໍ່ຍ້ອນຫຍັງຮູ້ບໍ່? ມັນສ້າງຕັ້ງວັນນີ້ມາໄດ້ແນວໃດ?ນັ້ນກໍ່ແມ່ນຄໍາຖາມທີ່ເກືອບເວົ້າໄດ້ວ່າພາກັນຖາມມາເລຶ້ອຍໆ.

ທີ່ຈິງແລ້ວ, ຄວາມຄິດການສ້າງຕັ້ງວັນສິ່ງແວດລອ້ມໂລກແມ່ນວິວັດທະນາການຈາກຫຼາຍໄລຍະເວລາຫຼາຍປີ ເລີ້ມຕົ້ນກໍ່ແມ່ນ ປີ ໑໙໖໒.

ຫຼາຍປີທີ່ທ່ານ ເກລອຣດ໌ ແນວສັນ ສະມາຊິກສະພາຂອງລັດຖະບານໄດ້ໃຫ້ຄວາມສໍາຄັນທາງດ້ານສິ່ງແວດລ້ອມ ແລະກໍ່ຍັງທັນບໍ່ໄດ້ມີ ໃນການເມືອງຂອງສະຫະລັດອາເມລິກາເທຶອ່. ສຸດທ້າຍໃນເດືອນ ພະຈິກ ໑໙໖໒ ຄວາມຄິດອັນເຫັນໄດ້ຈະແຈ້ງຂອງທ່ານ Gaylord Nelson ກໍ່ໄດ້ບັງເກີດຂຶ້ນ ໂດຍເພິ່ນໄດ້ເຊຶ່ອເຊີນ ທ່ານ ປະທານປະເທດ ຈອນ ເອັຟ ແຄນນາດີ້ ເຂົ້າຮວ່ມນໍາທ່ຽວທາງກະຈາຍຂ່າວຂອງວັນປະຫຍັດມັດທະຫຍັດຂອງຊາດ ແລະ ວັນທີ່ເປີດ ວັນເອີດເດ ເປີດຂຶ້ນເປັນທາງການແມ່ນວັນທີ ໒໒ ເດືອນ ເມສາ ໑໙໗໐.

ອ້າຍຄືທຸກສີ່ງ ຍ້ອນຊາຍ ແຫ່ງອຸດົມການ ທຸກຄຶນແລະວັນມີອ້າຍນັ້ນ ຄອ່ຍເປັນແຮງໃຈ

ນ້ອງມີວັນນີ້ ມີກຽດສັກສີຍ້ອນມີອ້າຍເປັນຈອມໃຈ ເຈົ້າຄືຄວາມຮັກຍິ້ງໃຫ່ຍ ດັ່ງວ່າຢູ່ແດນສະຫວັນ

ຫຼັບຝັນແລ້ວ ຕຶ່ນ ສິ້ນທຸກ ນ້ອງມີຄວາມສຸກ ຫາຍໃຈເຂົ້າ-ອອກເຫັນໜ້າພີ່ອ້າຍ ອິດເມຶ່ອຍພຽງໃດກໍ່ຕາມ ອາດຫານທ້າທາຍຢ່າງບໍ່ໄຫວຫວັນ ມີອ້າຍເໝືອນຂື້ນສະຫວັນ ວັນໆ ຊຶນຮັກເລື້ອຍໄປ

***ວິງວອນ ຮັກເຮົາ ແຕ່ນີ້ເມຶ່ອໜ້າ ຮັກກັນຍຶ່ນຈົນກວ່າດິນຟ້າມະລາຍ ແຫ່ງໃດມີອ້າຍແຫ່ງ ນັ້ນມີນ້ອງ ເປັນຄູ່ຂັວນໃຈ ອ້າຍກໍ່ຄືກໍາລັງໃຈ ນ້ອງຜ່ານມາຈົນມີວັນນີ້

ອ້າຍຄືທຸກຢ່າງຊີ້ທາງບັນລຸເປົ້າໝາຍ ອ້າຍຄືຈອມໃຈ ໃຫ້ທັງປັນຍາສັບສິນທີ່ມີນ້ອງທະນົງໃຈ ຊີວິດແຈ້ມໃສເພາະມີອ້າຍນີ້ ມີອ້າຍເປັນຄູ່ຊີວີ ຈຶ່ງມີວັນນີ້ເລື້ອຍໄປ

“ຊໍ້າ ໓ ເທຶ່ອ” ວິງວອນ ຮັກເຮົາ ແຕ່ນີ້ເມຶ່ອໜ້າ ຮັກກັນຍຶ່່ນຈົນກວ່າດິນຟ້າມະລາຍ ແຫ່ງໃດມີອ້າຍແຫ່ງ ນັ້ນມີນ້ອງ ເປັນຄູ່ຂັວນໃຈ ອ້າຍກໍ່ຄືກໍາລັງໃຈ ນ້ອງຜ່ານມາຈົນມີວັນນີ້

ຢາກຮ້ອງໃຫ້ຟັງຢູ່ແຕ່ງຍັງບໍ່ກ້າຈະສະແດງອອກ ເທຶ່ອ! ຢ້ານໄດ້ເປັນດາລາດັງ:) ມີແຕ່ແປງເນຶ້ອຮອ້ງ ປິ້ນໃຫ້ແມ່ຍິງຜູ້ໃດຢາກຮ້ອງຕອບ "ຊາກກີ" ກໍ່ຄົງຊິເປັນປະມານ ນີ້...

ນ້ອງຄືທຸກສີ່ງ ຍ້ອນຍິງ ແຫ່ງອຸດົມການ ທຸກຄຶນແລະວັນມີນ້ອງນັ້ນຄອ່ຍເປັນແຮງໃຈ

ອ້າຍມີວັນນີ້ ມີກຽດສັກສີຍ້ອນມີຈອມໃຈ ເຈົ້າຄືຄວາມຮັກຍິ້ງໃຫ່ຍ ເໝືອນວ່າຢູ່ແດນສະຫວັນ

ຫຼັບຝັນແລ້ວ ຕຶ່ນ ສິ້ນທຸກ ອ້າຍມີຄວາມສຸກ ຫາຍໃຈເຂົ້າ-ອອກເຫັນໜ້ານົງຄານ ອິດເມຶ່ອຍພຽງໃດກໍ່ຕາມ ອາດຫານທ້າທາຍຢ່າງບໍ່ໄຫວຫວັນ ມີນ້ອງເໝືອນຂື້ນສະຫວັນ ວັນໆ ຊຶນຮັກເລື້ອຍໄປ

***ວິງວອນ ຮັກເຮົາ ແຕ່ນີ້ເມຶ່ອໜ້າ ຮັກກັນຍຶ່ນຈົນກວ່າດິນຟ້າມະລາຍ ແຫ່ງໃດມີນ້ອງແຫ່ງ ນັ້ນມີອ້າຍ ເປັນຄູ່ຂັວນໃຈ ນ້ອງກໍ່ຄືກໍາລັງໃຈ ອ້າຍຜ່ານມາຈົນມີວັນນີ້

ນ້ອງຄືທຸກຢ່າງຊີ້ທາງບັນລຸເປົ້າໝາຍ ນ້ອງຄືຈອມໃຈ ໃຫ້ທັງປັນຍາສັບສິນທີ່ມີ ອ້າຍທະນົງໃຈ ຊີວິດແຈ້ມໃສເພາະມີຄົນນີ້ ມີນ້ອງເປັນຄູ່ຊີວີ ຈຶ່ງມີວັນນີ້ເລື້ອຍໄປ

“ຊໍ້າ ໓ ເທຶ່ອ” ວິງວອນ ຮັກເຮົາ ແຕ່ນີ້ເມຶ່ອໜ້າ ຮັກກັນຍຶ່່ນຈົນກວ່າດິນຟ້າມະລາຍ ແຫ່ງໃດມີນ້ອງແຫ່ງ ນັ້ນມີອ້າຍ ເປັນຄູ່ຂັວນໃຈ ນ້ອງກໍ່ຄືກໍາລັງໃຈ ອ້າຍຜ່ານມາຈົນມີວັນນີ້www.youtube.com/watch

viewmorepics.myspace.com/index.cfm

ຂ້ອຍມາຢູ່ອາເມຮິການີ້ກໍ່ໄດ້ເກືອບວ່າ ໔ ປີຊິເຂົ້າແລ້ວ ກໍ່ໄດ້ຮຽນຮຸ້ຫຼາຍອັນທີ່ເປັນພິເສດກໍ່ເຊັ່ນ ຍາມເທດສະການງານຕ່າງໆເພີ່ນຈະມີບັດອວຍພອນຂາຍ ແລະ ຍາດຕີ, ພີ່ນອ້ງ, ໝູ່ເພື່ອນ ຖື ໂອກາດນັ້ນຯ ຂຽນຫາກັນ ແລະ ນັບວ່າມີຫຼາຍງານອີ່ຫຼີ່ຢູ່ອາເມຣິການີ້ ຈົນເກືອບວ່ານັບບໍ່ໝົດ ແລະ ຂພຈ ກໍ່ບາງເທຶ່ອກໍ່ຂຽນນໍາເພິ່ນ! ເຊັ່ນ ໃນເດືອນ ໔ ຈະມານີ້ກໍ່ຈະແມ່ນວັນ "ອີດສະເຕີ"  ບັດອາດຈະພີມອອກມາເປັນຮູບໄຂ່ ຫຼື ກະຕ່າຍ ເປັນຈັງຊັ້ນໄປ ແລະຖ້າໂຕເຮົາໄດ້ຮັບຂອງຂວັນຈາກຜູ້ໃດຜູ້ໜຶ່ງແມ່ນສໍາຄັນຫຼາຍຕ້ອງໄດ້ຂຽນບັດຂອບໃຈ ເຖີງຜູ້ມອບໃຫ້ຄຶນ ເພຶ່ອຈະໄດ້ຮູ້ວ່າເຮົາຮູ້ຄ່າຂອງທີ່ເພິ່ນໄດ້ມອບໃຫ້.

ອັນນີ້ແມ່ນປະເພນີຢູ່ນີ້ ແລະບາງເທຶ່ອຄໍາຂອບໃຈເທົ່ານັ້ນກໍ່ພຽງພໍທີ່ໄດ້ຍິນສໍາລັບຂ້ອຍເອງ. ນັ້ນກໍ່ແມ່ນມາລະຍາດໃນສັງຄົມທີ່ດີຢ່າງໜຶ່ງຂ້ອຍວ່າ ອັນເລື້ອງບັດບໍ່ມີ ມີແຕ່ບີກຂຽນໃສ່ເຈ້ຍກໍ່ຖືວ່າແມ່ນເປັນຄົນຮູ້ບູນຄຸນວ່າຊັ້ນເດ໋.

ປີໃໝ່ລາວປີນີ້ບໍ່ຮູ້ວ່າຈະພາກັນໄປຫຼິ້ນໄສແທ້! ແຕ່ກໍ່ມີຄວາມຄິດຢາກໄປງານທີ່ເພິ່ນຈະຈັດຂື້ນໃນ ວັນເສົາ, ເດືອນເມສາ ວັນທີ 11, 2009 ຊັນຟຣັນຊິດສ໌ໂກ, ເຄລິຟໍເນຍ ເວລາ 10ໂມງເຊົ້າ - 5 ໂມງແລງ
ງານນີ້ບໍ່ໄດ້ເສຍຄ່າເຂົ້າຊົມ
(ການສັງສັນແມ່ນເລີ້ມຈາກວັນສຸກທີ່ ໑໐ ເມສາ- ເຖີງ ວັນອາທິດ ວັນທີ ໑໒, 2009)

ວັນສຸກ, ເມສາ ທີ10, 2009 ສະໜາມ ຂອງ ແຫມິວຕັນ ( Hamilton Field),

 500 Palm Dr.Novato, California 94949

ວັນເສົາ, ເມສາ ທີ 11, 2009 ງານຕອນສວຍ, ເຂດເທດຖະບານ ຂອງເມຶອງ ຊັນຟຣັນຊິດສ໌ໂກ, ຣັດ ເຄລິຟໍເນຍ (Civic Center, San Francisco, California).

ວັນເສົາ, ເມສາ ທີ 11, 2009 ຕອນແລງ, ຈັດຂື້ນຢູ່  ກຼີຣດ ລູມ, ແຫ່ງການລະນືກເຖີງສົງຄາມ ຂອງເມຶອງ ຊັນຟຣັນຊິດສ໌ໂກ, ຣັດເຄລິຟໍເນຍ "Green Room, War Memorial, San Francisco, California"

ວັນເສົາ, ເມສາ ວັນທີ 11 ແລະ ວັນທີ 12, ສາຍໜັງເລື້ອງ, ເນລະຄຸນ "Nerakhoon".

www.laonewyear.com/Lao_New_Year.html

ທີ່ຮູ້ໆກັນແລ້ວວ່າມື້ຂອງ "ເຊັນເພັດທຼິກ" ທຸກຄົນທີ່ມີເຊຶ້ອສາຍໄອຣິດຫຼື ພຽງແຕ່ຮູ້ຈັກແລະມັກມວ່ນກໍ່ແມ່ນພາກັນນຸຸ້ງເສື້ອຜ້າສີຂຽວ, ແຕ່ງກິນອາຫານພື້ນເມືອງຂອງໄອແຣນ ເຊັ່ນ "ຄອນບີບ ແລະຫົວກະລໍາ" ໃນວັນທີ່ ໑໗ ເດືອນ໓ ສາກົນຂອງແຕ່ລະປີ, ບາງສະຖານທີ່ກໍ່ມີການຍ່າງສວນສະໜາມ, ຄົນໄອແລນແທ້ແມ່ນສ່ວນຫຼາຍຈະເຂົ້າໂບດຕອນເຊົ້າ ແລະສະຫຼອງກັນຕອນຫຼັງທ່ຽງ. ແລະ ຄຄ ຂອງຂພຈ ກໍ່ມີສວ່ນ໑ທີ່ເປັນໄອຣິດດັ່ງນັ້ນພວກເຮົາກໍ່ພາກັນສະຫຼອງໜອ້ຍ໑. ຈັງໃດລາບກອ້ຍກໍ່ຍັງຄອງທີ່໑!

ເອົາເທົ່ານີ້ກອ່ນ ຊິໄປກີນຫຍັງກອ່ນ! ໂຊກດີບໍ່ວ່າເຊື້ອຊາດໃດກໍ່ຕາມ...

           - ຂໍບອກວ່າຂໍ້ຄວາມຂ້າງລຸ່ມອາດຈະເຫັນເປັນເລຶ່ອງທີ່ພໍຮູ້ກັນດີວ່າບາງເທຶ່ອຊິວິດເຮົາກໍ່ຍາກ ທີ່ຈະປະຕິບັດຕົວຈິງໄດ້ ແຕ່ນີ້ກໍ່ແມ່ນພຽງບົດຮຽນເຕືອນໃຈໃຫ້ເຮົາເຮັດດີ ກະທໍາ ດີ ໄວ້:) ຂໍຢໍ້າວ່າ ຄົນທີ່ເຂົ້າໃຈເລີກເຊີງເທົ່ານັ້ນຈະຮູ້ຄ່າຄວາມໝາຍລຸ່ມນີ້ທີ່ຈະໄດ້ກ່າວອ້າງ...ເຊຶ່ງວ່າມັນໄດ້ເກີດຂື້ນໃນຊີວິດຂອງຕົນເອງ ແລະຊິວິດກໍ່ຄືກັບນິຍາຍນໍ້າເນົ່າເລຶ່ອງ໑ ທີ່ວ່າຄົນເຮົາຢາກໃຫ້ມັນເປັນໄປແນວໃດ ເຮົາເປັນຜູ້ກໍາກັບຊີວິດຂອງເຮົາເອັງໃນເລຶ້ອງ!

 ພວກເຮົາແມ່ນໄດ້ແຕ່ງງານກັນແລ້ວ  ຄວາມຝັນຂອງພວກເຮົາແມ່ນຕັ້ງໝັ້ນ

ໝູ່ຮັກໝູ່ແພງກໍ່ເກື້ອບວ່າຕ່າງກໍ່ຢູ່ຫ່າງກັນໄກກັນໄປ ດຽວນີ້ພວກເຮົາແມ່ນພາກັນຫຍຸ້ງຢູ່ກັບ

ການເປັນພໍ່ທີ່ຕ້ອງຫາເງິນຄໍາມາລ້ຽງລູກລ້ຽງເມຍ...ເມຍກໍ່ເອົາລູກເຕົ້າຢູ່ເຮືອນ ມືໜຶ່ງອູ້ມລູກອີກມື້ໜຶ່ງກໍ່ແຕ່ງກິນ

ວຽກເຮືອນຊານທີ່ຕ້ອງເຮັດ ລ່າງເທຶ່ອ ຕ້ອງໄດ້ແປງເຄຶ່ອງຂອງທີ່ເປເພເສຍຫາຍເຊັ່ນ:ໄມ້ແຂວນ ຜ້າກັ້ງບໍ່!

ເຄຶ່ອງຈັກລ້າງຖວ້ຍແພ້ບໍ່!, ຕາບເຄຶ່ອງນຸ້ງຂາດບໍ່! ປົວແປງອັນນີ້...ອັນນັ້ນ

ທີ່ວ່າເຮົາຢາກເກັບຮັກສາໄວ້ຢູ່ນໍາເຮົາດົນໆ ແລະນັ້ນກໍ່ແມ່ນເລຶ່ອງທໍາມະດາຂອງຊີວິດມະນຸດ

ແຕ່ບາງເທຶ່ອກໍ່ເຮັດໃຫ້ຄ້ານ ແລະເບຶ່ອກັບການທີ່ບາງເທຶ່ອຕ້ອງຊອ້ມແປງອັນເກົ່າໆມາໃຊ້ອີກ

ບາງເທຶ່ອຂ້ອຍຄຶດຢາກຮັ່ງແລະ ມີເງິນໃຊ້ຈ່າຍຢ່າງມັ້ງຄັ້ງແບບວ່າຈ່າຍບໍ່ອັ້ນ ຢາກໄດ້ຫຍັງກໍ່ໄດ້

ອັນໃດເປັນຕາຖີ້ມກໍ່ຖີ້ມ,ບໍ່ຕ້ອງມີການຫ່ວງໜ້າ ຫ່ວງຫຼັງ ເພາະວ່າມື້ໜ້າພໍຊິຫາຊື້ໃໝ່ມາແທ່ນໄດ້

ແຕ່ຕໍ່ມາມື້ໜຶ່ງຄົນໃນຄອບຄົວຂອງຂ້ອຍໄດ້ຕາຍຈາກໄປແມ່ຕູ້ຂອງຂ້ອຍທີຮັກຜູ້ເຄີຍສັ່ງສອນຂ້ອຍ ແຕ່ນອ້ຍ

ກໍ່ຈາກໄປແບບຂ້ອຍເອງກໍ່ບໍ່ຄາດຝັນວ່າມັນຈະເກີດຂື້ນ ແລະເຮັດໃຫ້ຂ້ອຍເສຍໃຈທີ່ຈະບໍ່ໄດ້ເຫັນເພິ່ນອີກແລ້ວ

ແລະກໍ່ໄດ້ຮຽນຮູ້ວ່າບາງເທຶ່ອເງິນຄໍາທີ່ຫາມາໄດ້ ບໍ່ສາມາດຊື້ພວກເຂົາໃຫ້ກັບມາໃໝ່ໄດ້ ບໍ່ມີຫຍັງ ທີ່ປົວແປງຄືນໃໝ່ໄດ້!

ຈັ່ງຊັ້ນລະຜູ້ທີ່ເຮົາເຄີຍຮູ້, ເຄີຍເຫັນ, ເຄີຍຮັກແພງຈາກໄປແບບບໍ່ມີທາງຮວນກັບມາ

ໃນເວລາພວກເຮົາຍັງມີ ສິ່ງນັ້ນ ຫຼື ຄົນນັ້ນຢູ່

ທາງທີ່ດີທີ່ສຸດແມ່ນໃຫ້ຄວາມຮັກພວກເຂົາ... ເບິ່ງແຍງກັນດີໆ...ປົວແປງໃນຢາມເປເພ ຫຼື້ເຈັບເປັນ...ເຊັ່ນ... ຄູ່ຄອງ.... ຣົດເກົ່າ.... ນັກຮຽນທີ່ຮຽນອອ່ນ... ໝາ,ແມວ ສັດທີ່ລ້ຽງໄວ້.... ພໍ່,ແມ່ຜູ້ເຖົ້າແກ່ສະລາ...ພໍ່ຕູ້ ແລະ ແມ່ຕູ້.

ພວກເຮົາປົວແປງແລະ ປິວປົວພວກເຂົາເພາະວ່າພວກເຂົາມີຄຸນຄ່າ, ເພາະວ່າພວກເຮົາຮູ້ຄຸນຄ່າຂອງພວກເຂົາ

ບາງຢ່າງທີ່ເຮົາເກັບຮັກສາໄວ້ເຊັ່ນໝູ່ຄູ່ຮັກແພງທີ່ຍ້າຍໄປໄກ

ໝູ່ທີ່ເຄີຍຮຽນມານໍາກັນ.

ທຸກສີ່ງທຸກຢ່າງທີ່ເຫັນວ່າສໍາຄັນຕໍ່ຊີວິດ

ເຊັ່ນ ຜູ້ທີ່ເຮົາຮູ້ຈັກແມ່ນທັງໝົດແມ່ນເປັນຄົນພິເສດ ແລະຈົ່ງເກັບພວກເຂົາໄວ້ໃນໃຈສະເໝີ!

ດ້ວຍຄວາມຫວັງດີ ແລະ ຮັກແພງ

ຮັກສາສຸກຂະພາບກອ່ນການຕັ້ງທ້ອງແມ່ນສໍາຄັນສະເໝີ, ສືກສາໃນເລື້ອງສານອາຫານທີ່ສໍາຄັນຕໍ່ຮ່າງກາຍໄລຍະຖືພານີ້ຄວນກິນຫຍັງດີເພຶ່ອໃຫ້ຕົນເອງກໍ່ຄຶລູກໃນທ້ອງຈະແຂງແຮງ, ອອກກໍາລັງກາຍກໍ່ແມ່ນສໍາຄັນເພຶ່ອໃຫ້ອອກລູກງ່າຍ ແລະຕ້ອງສຶກສາຫາຂໍ້ແນະນໍາຈາກຜູ້ຮູ້ ເຊັ່ນວ່າອອກຈັ່ງໃດ-ທ່າໃດ ຈຶ່ງບໍ່ເປັນອັນຕະລາຍຕໍ່ຕົນເອງແລະລູກໃນທ້ອງ., ຫາຄໍາຕອບກ່ຽວກັບການເກີດລູກ ແລະ ຜົນກະທົບທີອາດເກີດຂື້ນໃນລະຫວ່າງການຕັ້ງທ້ອງຂອງແຕ່ລະໄລຍະ.

ບົດຄວາມທິ່ດົນບັນດານໃຈ ໃນເສັ້ນທາງຂອງການເລີ້ມຕົ້ນໃໝ່

ເລີ້ມຕົ້ນໃໝ່ໃນສິ່ງທີ່ຕົນມີ ແລະ ບໍ່ຄວນເບິ່ງຢອ້ນຫຼັງ,
ອາດີດບໍ່ສາມາດຊອ່ຍໃຫ້ເຈົ້າເລີ້ມຕົ້ນອານາຄົດອັນໃໝ່ທີ່ສົດໃສໄດ້,
ເຈົ້າຄວນຈະຖີ້ມອາດີດທັ້ງໝົດໄວ້ຂ້າງຫຼັງ,
ເພາະຫຍັງ?,ເພາະວ່າເຈົ້າໄດ້ທົນມາພໍແລ້ວ, ເຈົ້າໄດ້ຜ່ານມັນມາແລ້ວ.
ເລີ້ມຕົ້ນຫົວບົດເລື້ອງໃໝ່ໃນໜ້າຕໍ່ໄປ,
ນີ້ແມ່ນວັນນະກໍາຫົວໃໝ່ທີ່ເຈົ້າໄດ້ວ່າງແຜ່ນທີ່ຈົບໄວ້,
ຢ່າຫຼຽວເບິ່ງວັນວານທີ່ລະລາຍຫາຍໄປແລ້ວເລີຍ,
ເລີ້ມຕົ້ນໃໝ່ໃນສີ່ງທີ່ຕົນມີ.

ບໍ່ມີໃຜສົນໃຈດອກ ກັບຄວາມພາຍແພ້ອັນເກົ່າໆນັ້ນ
ຖ້າເຈົ້າສາມາດລິເລີ້ມຄວາມສໍາເລັດອັນໃໝ່,

ອານາຄົດກໍ່ຈະເປັນຂອງເຈົ້າ, ແລະວັນເວລາກໍ່ແມ່ນຜ່ານພົ້ນໄປຢ່າງວອ່ງໄວ
 ແລະວຽກງານຫຼວງຫຼາຍທີ່ວ່າຕຶ່ງຄຽດ ແລະກົດດັນກໍ່ເຊັ່ນກັນປອ່ຍວ່າງ.

ລືມຊະຄວາມຈິບຫາຍ ແລະຄວາມຜິດຫວັງຕ່າງໆ ທີ່ທັບຖົມຜ່ານມາ,
ຢູ່ທີ່ນີ້ແມ່ນຄວາມພະຍາຍາມອັນໃໝ່ຢູ່ໃນກໍາມື,
ອານາຄົດແມ່ນຢູ່ນໍາຜູ້ກ້າເຮັດກ້າທໍາ,
ເລີ້ມຕົ້ນໃໝ່ໃນສີ່ງທີ່ຕົນມີ.

ບໍ່ໃຫ້ການປາລາໄຊເກົ່າໆ ມາເຮັດໃຫ້ລັງເລ, ຄວາມມີໄຊເກົ່ານັ້ນຈຶ່ງຈຶ່ງເປັນຢາປິ່ນປົວ,
ເຮັດທຸກສີ່ງໃນມື້ນິ້ດີ ແລ້ວມື້ໜ້າກໍ່ຈຶ່ງຈະມີດີຕໍ່ໄປ,
ໄປຍາດເອົາຄວາມຝັນຂອງຕົນ ແລະປະເຊີນໜ້າມັນແບບບໍ່ຕ້ອງຢ້ານ,
ແລະປອ່ຍໃຫ້ສີ່ງທີ່ຜ່ານມາໃຫ້ເປັນປະຫວັດສາດອັນເກົ່າແກ່ໄປ.

ແມ່ນຫຍັງທີ່ເຄີຍເປັນ, ແມ່ນເປັນໄປແລ້ວ; ວັນວານແມ່ນສູນຫາຍ
ແລະມີແຕ່ວ່າເຈົ້າໄດ້ຮັບພອນໄຊ ຫຼື ໄດ້ຖືກຫວງຫ້າມໄວ້ກໍ່ຕາມ,
ຜູ້ທີ່ມີໃຈເອົາ ແລະ ກ້າເທົ່ນັ້ນທີ່ຈະກ້າວໄປຂ້າງໜ້າແລະໄດ້ດີ.

ຊິວິດ: ຜູ້ທີ່ມີສຸຂະພາບດີແມ່ນຜູ້ທີ່ສາມາດຕໍ່ສູ້ໃຫ້ຄວາມຫວັງເປັນຈິງໄດ້, ແລະຜູ້ມີຄວາມຫວັງກໍ່ດັ່ງກັບຜູ້ມີທຸກສີ່ງທຸກຢ່າງ.

ຈິດວີນຍານທີເຂັ້ມແຂງ: ຊີວິດຄົນເຮົາບໍ່ແມ່ນພຽງແຕ່ການຢູ່ລອດແຕ່ລະມື້, ຫາກແຕ່ວ່າແມ່ນຄວາມມີສຸຂະພາບກາຍ ແລະສຸຂະພາບໃຈດີ.

ສຸຂະພາບກາຍແຂງແຮງ: ເມຶ່ອມີສຸຂະພາບດີ, ຄວາມສະຫຼຽວສະຫຼາດກໍ່ປະກົດຂື້ນມາຂອງມັນເອງ, ມະນຸດເຮົາຕ່າງກໍ່ປະຈັກກັນດີວ່າ ຜູ້ມີສຸຂະພາບແຂງແຮງກໍ່ຄືກັນກັບຜູ້ມີຊັບ.

ຄວາມສຸກ: ມັນສະໝອງກໍ່ຄືກັນກັບກ້າມເນື້ອອັນໜຶ່ງ, ຖ້າເຮົາຄິດດີ ເຮົາກໍ່ຈະຮູ້ສືກດີ, ຄວາມເຂົ້າໃຈເລີກ ກໍ່ຄືຄວາມປິຕິຍິນດີ.

ນິ້ແມ່ນແບບສໍາຫຼວດໃໝ່ສໍາລັບແມ່ຄົນ, ລອງເບີ່ງວ່າຕົນເອັງຈະຈຶ່ເຫດການຕ່າງໆ ທີ່ເກີດຂື້ນຕອນມີລູກຜູ້ທໍາອິດໄດ້ບໍ່?

ຄໍາຖາມ:

໑. ລູກຜູ້ທໍາອິດແມ່ນໄດ້ວ່າງແຜ່ນໄວ້ລວງໜ້າບໍ່?

ແມ່ນໄດ້ແຜ່ນໄວ້ກ່ອນ

໒. ຕອນນັ້ນເຈົ້່າແຕ່ງງານແລ້ວບໍ່?

ແຕ່ງແລ້ວ

໓. ເຈົ້າມີອາການຢ່າງໃດ້ເມຶອ່ຮູ້ວ່າໂຕເອງຖຶພາ?

ຕື້ນເຕັ້ນ! ດີໃຈ ແລະ ຢ້ານ

໔. ຕອນນັ້ນອາຍຸຈັກປີ?

໒໖

໕. ຮູ້ໄດ້ຢ່າງໃດວ່າໂຕເອງຖືພາ?

ຈາກປະຈໍາເດຶອນບໍ່ມາ ແລ້ວໃຊ້ເຄຶ່ອງກວດຍຽ່ວ

໖. ຜູ້ໃດແມ່ນຜູ້ທໍາອິດທີ່ເຈົ້າໄດ້ບອກວ່າຕົນເອງຖືພາ?

ຜຸ້ເປັນຜົວ

໗. ຕອນນັ້ນແມ່ນຢາກຮູ້ລູກຕົນຢູ່ໃນທ້ອງເປັນຜູ້ຍິງ ຫຼື ຜູ້ຊາຍບໍ່?

ໄປຊອ່ງເບິ່ງຕອນຕັ້ງທ້ອງໄດ້ ໕ ເດືອນ "ຢາກຮູ້ເພາະຈະໄດ້ກຽມເຄຶ່ອງໃຫ້ລຸກຖືກ”

໘. ມື້ບົ້ງຈະເກີດແມ່ນມື້ໃດ?

ວັນທີ ໑໔ ເດືອນ ກັນຍາ

໙. ເຈົ້າມີອາການແພ້ທ້ອງ ຫຼື ບໍ່?

ມີຢູ່!ຕອນທ້ອງໃໝ່ໆ

໑໐. ມັກຢາກກິນຫຍັງ?

ສົ້ມໆ ແລະເຜັດໆ (ໜາກນາວກັບເກຶອ).

໑໑. ຜູ້ໃດ ຫຼື ອັນໃດທີ່ເຮັດໃຫ້ຄຸນເຄື່ອງຫຼາຍໃນຕອນນັ້ນບໍ່?

ຜູ້ຍິງທີມັກມາລົມຜົວເຮົາ ແລະສາມີເຮົາເອັງລະເວົ້າຢ່າງເຮັດຢ່າງ

໑໒. ລູກຜູ້ທໍາອິດແມ່ນຜູ້ຍິງ ຫຼື ຜູ້ຊາຍບໍ່?

ຜູ້ຍິງ

໑໓. ແມ່ນເຈົ້າປາດຖະໜາລູກຜູ້ທໍາອິດເປັນຜູ້ຍິງ ຫຼຶ ຊາຍບໍ?

ເປັນເພດໃດກໍໄດ້ເພາະຈັງໃດກໍ່ແມ່ນລູກໂຕເອັງ!

໑໔. ນໍ້າໜັກເພື້ມຂຶ້ນຈັກພາວຕອນຕັ້ງທ້ອງ?

໓໐ ພາວ

໑໕. ໄດ້ສູ່ຂວັນໃຫ້ລູກນ້ອຍ ຫຼື ເບບີຊາວເວີບໍ່?

ບໍ່ໄດ້ເຮັດງານຫຍັງ ແຕ່ໄປມັດຂໍ້ມືຢູ່ວັດກ່ອນລູກເກີດແລະພີ່ນອ້ງຕ່າງກໍ່ສົ່ງເຄຶ່ອງຂອງໃຫ້ຢູ່ໃດ!

໑໖. ຕອນຖືພາແມ່ນພົບຄວາມຫຍຸ້ງຍາກຫຍັງບໍ່?

ເຈັບກະດູກຂ້າງເບື້ອງຂວາຕອນລຸມລະຫວ່າງເດຶອນທີ່໘ ລູກເຕະຫຼາຍໂພດຕິບໍ!?ໝໍຕໍາແຍ່ງກໍ່ນັດໄປຫາເລ໊້ອຍໆ. ເງິນຄ່າໂຄເພ ເພິ່ນທໍາອິດ ໑໕ ດອນ ຕໍ່ມາ ໒໕ ແລະຜູ້ເກັບເງິນກໍ່ບອກເຮົາວ່າເຮົາແມ່ນມີໜ້າທີ່ຕ້ອງຮູ້ວ່າຕ້ອງຈ່າຍເທົ່າໃດ, ດັ່ງນັ້ນພວກທ່ານຈົ່ງລະວັງພວກໜ້າເງິນທັງຫຼາຍ!ພວກນີ້ມັນຫາລາຍໄດ້ກັບຄົນເຈັບ ແລະຄົນໃກ້ຊິຕາຍ! ເຂົ້າໄປຫ້ອງສຸກເສີດກະເຮັດຄືບໍ່ສຸກເສີດ=)ນີ້ແມ່ນເມ໊ອງທີ່ຂ້ອຍຢູ່ໃນອາເມຣິກາ!

໑໗. ເກີດລູກຢູ່ໃສ?

ເກີດຢູ່ໂຮງໝໍ ໂອຄອນນໍ ໃນເມຶອງ ເຊັນຮົວເຊ້

໑໘. ເຈັບທ້ອງອອກລູກດົນບໍ່?

ກາເຈັບເທຶ່ອລະໜ້ອຍເລື້ມເຈັບມື້ວັນທີ່ ໑໓ ກັນຍາ ແລະໄປໂຮງໝໍແລະເເພດກວດເບິ່ງຊອ່ງຄອດ ແຕ່ຂະຫຍາຍອອກແຕ່ ໒ ຊັງຕີເມັດ ແລະມັນຕ້ອງ ໕ ຊັງຕີຈຶ່ງແມ່ນສໍາຄັນ,    ດັ່ງນັ້ນທາງໂຮງໝໍກໍ່ໃຫ້ພວກເຮົາກັບໄປພັກຜ່ອນຢູ່ເຮືອນດີກວ່າແລະຈາກບ້ານໄປ ໑໐ ນາທີບໍ່ໄກ, ຮອດບ້ານກໍນອນບໍ່ໄດ້ເຈັບມາເປັນບາດ ຕອນເຊົ້າມາເຂົ້າຫ້ອງນໍ້າເລຶອດອອກຈາກຊ່ອງຄອດ ເວລວຄົງຈະປະມານ໑໐ ຫຼື ໑໑ ໂມງເຊົ້າກໍ່ເລີຍບອກຜົວໂມຖາມໝໍຕໍາແຍ ແລະໝໍກໍ່ບອກໃຫ້ໄປໂຮງໝໍເລີຍ, ຮອດໂຮງໝໍ ປະມານ ໑໒ ໂມງ ແລະໃຊ້ເວລາເບັງແທ້ ໔ ຊົ່ວໂມງປາຍ.

໑໙. ຜູ້ໃດພາໄປໂຮງໝໍ?

ຜູ້ເປັນສາມີ

໒໐. ມີຜູ້ໃດແນ່ຢູ່ນໍາໃນຫ້ອງປະສູດ?

ມີສາມີ, ພະຍາບານຄົນຫວຽດຊື່ຈອ່ຍ, ໝໍຕໍາແຍຄົນອິນເດຍ (ຊັນຊາດເຂົາກາອາເມຣິກາ ແຕ່ວ່າວົງຕະ******ນເກົ່າມັນນັບມາຈັງຊັນ).

໒໑. ຜ່າຕັດອອກຫຼື ອອກແບບທໍາມະຊາດ?

ແບບທໍາມະຊາດ

໒໒. ໄດ້ໃຊ້ຢາແກ້ປວດຫຍັງບໍ່?

ບໍ່ໄດ້ໃຊ້ຢາຫຍັງ

໒໓. ນໍ້າໜັກລູກຕອນເກີດຈັກພາວບໍ່?

໗ ພາວ.໑໐ ອອນ

໒໔. ລູກເກີດມື້ໃດແທ້ບໍ່?

ເກີດມື້ທີ່ໄດ້ບົ້ງໄວ້ເປະ

໒໕. ເຈົ້າຕັ້ງຊື່ລູກຫຍັງ?

ຈໍລິນນ່າ

໒໖. ອາຍຸ ລູກຜູ້ທໍາອິດຈັກປີແລ້ວບໍ່?

໒ ປີ ເຄີ່ງ

໒໗. ຖ້າເຈົ້າລ້ຽງລູກດ້ວຍນົມເຈົ້າຄິດວ່າເຈົ້າພ້ອມແລ້ວບໍ?

ກໍຄິດວ່າພ້ອມ ແຕ່ເອົາແທ້ໆແມ່ນຕ້ອງຂື້ນກັບຄວາມສໍານານ ແລະອົດທົນເພຶ່ອລຸກ!ອັນໃດທີ່ບໍ່ເຄີຍທໍາອິດມັນກໍ່ຍາກເປັນທໍາມະດາ=)