ບໍ່ໄດ້ຂຽນບັນຍາຍແບບບ້າບໍມາດົນ ເລີຍມາຂຽນຫຼິ້ນໆລະບາຍແດ່ເນາະ ແຮແຮ

ເປົ້າໝາຍແມ່ນຫຍັງແຮະ? ແມ່ນສິ່ງທີ່ເຮົາະຕ້ອງບັນລຸຜ່າຟັນໃຫ້ໄປເຖິງ ເຊິ່ງເປົ້າໝາຍຈະເປັນຄວາມຝັນທີ່ດີ ກ້າວໄປຫາແລ້ວບໍ່ເຮັດໃຫ້ຄົນອື່ນເດືອດຮ້ອນ ແລະ ທົນທຸກກັບຕົວເຮົາ, ກ້າວໄປຢ່າງມີຄວາມສຸກ ອາດມີທຸກປົນແດ່ ເພາະມັນເປັນການຕໍ່ສູ້ອຸປະສັກທີ່ໜ້າຕື່ນເຕັ້ນ ທີ່ຕ້ອງດຳເນີນໄປ, ເຖິງວ່າເປົ້າໝາຍຍັງມີມືດໝອກມົວບັງຕາ ເຮັດໃຫ້ເຮົາບໍ່ສາມາດແນມໄປເຫັນເປົ້າໝາຍ ປາຍທາງແຫ່ງຄວາມຝັນ, ແຕ່ເຮົາກໍສາມາດລົງມືເຮັດໄປຕາມທິດທີ່ຖືກຕ້ອງ ເຊື່ອໝັ້ນໃນສິ່ງທີ່ເຮົາເຮັດໄປ ຜິດພາດຖືເປັນບົດຮຽນ, ເຮັດໃນສິ່ງທີ່ຕົນເອງຮັກ ເຮັດໃຫ້ດີທີ່ສຸດ ແລ້ວຈະມີຄວາມສຸກ ແລະ ມ່ວນຊື່ນກັບມັນ ຄວາມສຳເລັດຈະນຳມາ ພ້ອມກັບຄາບເຫື່ອ ອາດມີຄາບນໍ້າຕາ ຄາບເປື້ອນ ຄວາມທໍ້ ພຽງຢ່າຖອຍ ເພາະຄວາມສຳເລັດ ອ້າແຂນລໍຖ້າຕ້ອນຮັບຢູ່ຂ້າງໜ້າ ຈົ່ງກ້າວໄປຫາມັນ ເພາະມັນ ຄື ເປົ້າໝາຍຂອງເຈົ້າ ທີ່ຈະໄປເຖິງ ແລະ ເຊື່ອວ່າ ເຈົ້າຈະໄປເຖິງແນ່ນອນ ວັນນັ້ນ ວັນທີ່ ເຈົ້າປະສົບຜົນສຳເລັດ ຂັ້ນໄດດັ່ງກ່າວມີທັງ ຂວາກໜາມ ເຫວຊັນ ປ່າໜາ ດົງຕຶບ ໝອກຄຸມ ຝົນນອງ ແຕ່ເຈົ້າຜ່າມັນໄປໄດ້ ເຈົ້າຄືຜູ້ຊະນະ !!! :)

ມີຊາຍຄົນໜຶ່ງຢູ່ເປັນໂສດມາດົນນານ ເລີຍຢາກມີຄູ່ຄອງ. ກ່ອນນອນຄືນໜຶ່ງ ລາວໄດ້ອະທິຖານວ່າ: ຂໍໃຫ້ເທວະດາມາເຂົ້າຝັນຂ້ານ້ອຍແດ່ ແລ້ວບອກຂ້ານ້ອຍແດ່ວ່າ ເນື້ອຄູ່ຂອງຂ້ານ້ອຍຢູ່ແຫ່ງຫົນໃດ?

ຫຼັງຈາກນັ້ນລາວກໍນອນຫຼັບຝັນວ່າ: ເທວະດາມາເຂົ້າຝັນ ແລ້ວບອກວ່າ ເທວະດາຈະບອກວ່າ ເນື້ອຄູ່ລູກຢູ່ໃສ ແຕ່ລູກຕ້ອງໄດ້ ພິສູດວ່າ ລູກຢາກພົບເນື້ອຄູ່ຂອງລູກແທ້ຈິງ ດ້ວຍການຫລິ້ນເກມກັບເທວະດາດັ່ງນີ້:

ມື້ອື່ນໃຫ້ໄປປີນພູເຂົາທີ່ໃຫຍ່ທີ່ສຸດໃນແຖບນີ້ 3 ໜ່ວຍພູ ແລ້ວໃຫ້ໄປລອຍນໍ້າ ຂ້າມໜອງນໍ້າທີ່ໃຫຍ່ທີ່ສຸດໃນບ້ານນີ້ ຫຼັງຈາກນັ້ນ ໃຫ້ປີນ 5 ຕົ້ນໄມ້ທີ່ໃຫຍ່ທີ່ສຸດໃນຂົງເຂດນີ້

ຊາຍຄົນນັ້ນກໍປະຕິບັດຕາມຢ່າງດີ ຈົນສຳເລັດດ້ວຍຄວາມເມື່ອຍລ້າ ແລ້ວໄປພັກຜ່ອນນອນເອົາແຮງ ກ່ອນນອນໄດ້ອະທິຖານວ່າ: ເທວະດາເອີຍ ຂ້ານ້ອຍປະຕິບັດຕາມທີ່ທ່ານບອກທຸກຢ່າງ ຂໍໃຫ້ທ່ານບອກຂ້ານ້ອຍໄດ້ແລ້ວວ່າ ເນື້ອຄູ່ຂອງຂ້ານ້ອຍຢູ່ໃສ

ແລ້ວລາວກໍນອນຝັນ ເທວະດາກໍມາເຂົ້າຝັນ ແລ້ວບອກວ່າ: ມື້ອື່ນໃຫ້ເຈົ້າໄປເລາະຕະຫລາດ ແລ້ວຈະພົບເນື້ອຄູ່ (ຊີ້ນ2ຕ່ອນ)
ຊາຍຄົນນັ້ນໂມໂຫເລີຍເວົ້າວ່າ ເທວະດາຕວະຂ້ານ້ອຍໄດ້ລົງຄໍບໍ ຖ້າຕວະແບບນີ້ ຂ້ານ້ອຍຈະໝົດຄວາມສັດທາໃນຕົວທ່ານຕະຫລອດໄປ

ຮຸ່ງເຊົ້າລາວກໍໄປເລາະເບິ່ງເນື້ອຄູ່(ຊີ້ນ2ຕ່ອນ)  ຕາມເທວະດາບອກ, ລາວຍ່າງໄປດ້ວຍຄວາມຜິດຫວັງ ແລະ ສົງໄສວ່າ ອັນຊີ້ນ2 ຕ່ອນ ມັນຈະແມ່ນເນື້ອຄູ່ໄດ້ແນວໃດ?

ໄປຮອດຕະຫລາດ ລາວກໍຊອກແນມເບິ່ງຊີ້ນ2 ຕ່ອນວ່າຈະມີຂາຍບໍ. ແລ້ວລາວກໍຕ້ອງຕົກໃຈເມື່ອເຫັນແມ່ຄ້າຂາຍຊີ້ນເອີ້ນໃສ່ວ່າ: ຊື້ຊີ້ນ 2 ຕ່ອນບໍອ້າຍ? ເຫລືອແຕ່ 2 ຕ່ອນນີ້ໃດ!!! ສາວແມ່ຄ້າກໍງາມໆ ເຮັດໃຫ້ຊາຍຄົນນັ້ນຕົກຫຼຸມຮັກ ແລະ ແຕ່ງງານກັນ

>>>>>>>> ກາບກອນ <<<<<<<<

• ເກີດເປັນຊາຍຊາດເຊຶ້ອ ----- ແນວໜໍ່ຄົນລາວ
~ ມີວາວສີແສງ -------ຮຸ່ງເຮືອງເຫຼືອງເຫຼື້ອມ
~ ເກີດເປັນຊາຍຈິ່ງເອື້ອມ -----ມີຫວັງຕັ້ງຕໍ່
~ ຫວັງໃຫ້ຝັນເປັນຈິງນັ້ນ ----- ດີແລ້ວເລີດປະມານ

• ຫວັງຢາກມີຄວາມຮັກນັ້ນ -----ກໍຫວັງໄດ້ດີຫຼາຍ
~ ຫວັງຍິງມາໝາຍຕາ ------ ຕີລາຄາຄວາມຮັກນັ້ນ
~ ບໍ່ໄດ້ເລືອກຊົນຊັ້ນ ------ ສູງດຳເຕ້ຍຕ່ຳ
~ ຊິສ່ຳໃດກໍຊ່າງ --------- ຮັກແທ້ ແລະ ເປັນຄົນດີນັ້ນກໍພໍ

• ອັນຊິເລືອກຄົນຄົບນັ້ນ ------ ຄົບຢ່າງໃດກໍໄດ້ດອກ
~ ເປັນສິດທິຂອງເຈົ້າ ------- ໃຜຊິເວົ້າບໍ່ຕ້ອງສົນ
~ ເປັນຄົນມີສາລະລົ້ນ -------ໄຝ່ໃຈຮຽນຮ່ຳ
~ ບາດຊິຮ່ຳຮັກແທ້ ------- ໃຫ້ຄິດຄົ້ນກ່ອນເດີຊາຍ

• ເຫັນວ່າມີສະເໜນັ້ນ ------- ທ່ຽວຫວ່ານສະແຫວງຫາ
~ ທຽວຕຶກປາໃສ່ບຸງ ------- ບໍ່ບຳລຸງມັນຕາຍຊ້ຳ
~ ທຽວບອກຮັກຄົນນັ້ນ ------ ຄົນນີ້ກໍບອກອີກ
~ ທຽວບອກຮັກຄົນໜ້າ ------ ຄົນນັ້ນກໍສົນໃຈ ວ່າເດ

• ເອົາ! ມີຮັກຫຼາຍຄົນແທ້ ----- ມີອື່ນຄືບໍ່ຈາ
~ ປ່ອຍໃຫ້ເຮົາເຫັນເອງ ------ ຫຍຸ້ງຂະເຢງໄປແລ້ວ
~ ເຈົ້າບອກຂ້ອຍວ່າແນວນັ້ນ ---- ຄົນອື່ນບອກແນວໃໝ່
~ ໄປຖາມຜູ້ເຂົາວ່າແຟນເຈົ້າເບິ່ງດູຫັ້ນ ---- ໂອຍແມ່ນແທ້ ບໍ່ຢາກຈາ

• ຊາຍຄືເປັນຈັ່ງຊີ້ ----- ຕວະຕົ້ມຫຼອກນາໆ
~ ບອກວ່າບໍ່ມີໃຜ ------ ຮັກເຮົາຄົນດຽວແທ້
~ ເອົາ! ມາຮອດມື້ນີ້ ----- ຄືແປປີ້ນແນວໃໝ່
~ ໃຈຊາຍເຮັດດ້ວຍຫຍັງແທ້ ----- ແປໄດ້ປີ້ນທຸກຍາມ

• ຍາມເມື່ອຖາມສໍ້ເຈົ້າ ----- ທຳທ່າບໍ່ສົນໃຈ
~ ບໍ່ຮູ້ຈັກເລື່ອງໃຜ ------- ເຊົາສາຂ້ອຍບໍ່ມີຫຍັງແທ້
~ ບໍ່ໄດ້ຮັກໃຜແລ້ວ ----- ເຊົາມາຖາມແສ່ສ່ອງ
~ ອັນເລື່ອງຜ່ານມານັ້ນ ------ ຂ້ອຍຜິດແລ້ວຂໍໂທດນຳ

• ເອົາຄືວ່າງ່າຍແທ້ ----- ເວົ້າປີ້ນແປທິດທາງ
~ ອັນຜ່່ານມາເດ ------ ຊິແກ້ຕົວວ່າແນວໃດນັ້ນ
~ ບາດເຮົາຖາມຖ່ອງແທ້ ----- ພັດແປໄປແນວອື່ນ
~ ບອກວ່າເຮົາໄຮ້ສາລະນັ້ນ ---- ບໍ່ມີແລ້ວແນວລົມນຳ ງ່າຍນໍ

• ອັນວ່າຄົນເຮົານີ້ ----- ຄວນໄຄ່ຈິງໃຈກັນ
~ ບໍ່ຫ້າວຫັນຮັກສາ ----- ສັນຍາບໍ່ເປັນຫຍັງແລ້ວ
~ ຄວນກ່າວຄວາມຈິງແທ້ ----- ເປັນແນວໃດໃຫ້ບອກຕໍ່
~ ປິດບັງຄວາມຜິດໄວ້ ----- ດີແທ້ເລີດປະມານ ແມ່ນບໍ?

• ມາເບິ່ງໂດຍລວມແລ້ວ ---- ເຈົ້າວ່າບໍ່ໄດ້ເຮັດຜິດຫຍັງ
~ ບໍ່ໄດ້ຫຼອກລວງໃຜ ----- ຊິມາໂທດລາວຫຍັງແທ້
~ ໂອຍ ເຮົາພຽງຢາກຮູ້ ----- ຄວາມເປັນຈິງທີ່ມັນເກີດ
ບໍ່ໄດ້ຮັກກໍບໍ່ວ່າ ------ ຕວະໜ້າ ຕວະຫຼັງ ເສຍເວລາລ້ຳເລີດປະມານ

• ຫາວ່າເຮົາສ້າງທຸກຢ່າງຂຶ້ນ ----- ແລ້ວທຳລາຍດັບມອດເອງ
~ ລາວບໍ່ໄດ້ກ່ຽວຫຍັງ ---- ພຽງຢູ່ເສີຍຊື່ໆ
~ ເພິ່ນວ່າເຮົາເກັ່ງຮ້າຍ ---- ເອົາແຕ່ປ້ອຍດ່າ
~ ເພິ່ນຈິ່ງໜີໄປຊົ້ນ ----- ຄົນອື່ນແທ້ ດີເລີດກວ່າ ວ່າຊັ້ນເດີ

• ບອກແລ້ວບໍ່ຮັກກໍບໍ່ວ່າ ----- ພຽງບອກດ້ວຍຄວາມຈິງ
~ ບໍ່ໄດ້ຊິງໄດ້ຊັງ ----- ອິຫຍັງຈັກຢ່າງແທ້
~ ພຽງວ່າບໍ່ໄດ້ຮັກນັ້ນ ------ ເຈົ້າເອີຍ ຢ່າຕວະວ່າຮັກກັນຕໍ່
~ ບາດວ່າຮູ້ຄວາມຈິງແທ້ ------ ຖາມທົ່ວພັດບໍ່ຕ້ານຕ່າວເປັນ

• ເຫັນວ່າເຮົານີ້ ----- ໄຮ້ສາລະໄປໝົດ
~ ເວົາ້ປະຊົດປະຊັນ ---- ວ່າເຮົາບໍ່ດີນັ້ນນີ້
~ ອັນບໍ່ດີຂ້ອຍຮັບໄດ້ ---- ຫຼາຍຢ່າງກໍໂອເຄ
~ ແຕ່ເວລາມີໃຜ ---- ບອກມາໄດ້ບໍຫັ້ນ

• ຢ່າຕວະນັ້ນຕວະນີ້ ----- ວ່າສະຖານະລາວຫຼົງ
~ ແອັດເຈົ້າມາເປັນແຟນ ---- ບາດຂ້ອຍຖາມລາວແລ້ວ
~ ລາວວ່າບໍ່ໄດ້ຫຼົງ ---- ລາວວ່າສອງຄົນເຈົ້າຕົກລົງປົງ
~ ຮັກກັນມາດົນແລ້ວ ---- ລາວຈິ່ງສົ່ງສະຖານະໃຫ້ ສອງຄົນເຈົ້າໄດ້ໂຊວ່າຄົບກັນ

• ຂ້ອຍໄປກວດເບິ່ງແລ້ວ ----- ເຈົ້າກໍມັກລາວ
~ ເຫັນດີໃຈແຮງ ---- ຜູ້ສາວມາຄົບເປັນແຟນນັ້ນ
~ ຮີບຟ້າວໄປກົດໄລຄ໌ ---- ກົດໂຊຕອບຮັບໃຫ້ໝູ່ເບິ່ງ
~ ວ່າເຈົ້າກັບລາວນັ້ນ ---- ຄົບກັນແລ້ວເປັນຄູ່ຮັກໝັ້ນໝາຍ ວ່າຊັ້ນເດ

• ຮັກກັນບໍ່ເຫັນກຸ້ມ ----- ບຶດໜຶ່ງພັດວ່າເລີກ
~ ເປີດປ່ຽນສະຖານະອື່ນເຂົ້າ ---- ວ່າໂສດປະລິຍາຍ
~ ສົມນ້ຳໜ້າແທ້ ---- ເຫັນວ່າຮັກງ່າຍໜ່າຍໄວ
~ ບໍ່ເຫັນກຸ້ມສ່ຳໃດ ---- ທຳເປັນນອກໃຈໂຊໜ້າ ຄິຄິ

• ຂ້ອຍກໍບໍ່ຢາກສົນເຈົ້າ ---- ໂຊສະຖານະກັບແຟນໃໝ່ 
~ ຈິ່ງໄດ້ ເລີກເປັນໝູ່ຊ້ຳ ---- ແຖມດ່າໃຫ້ເລີດປະມານ
~ ເຄືອງໃຈກັນບໍ່ໜ້ອຍ ---- ດ່າກັນໄດ້ໄປມາ
~ ຈັ່ງແມ່ນຄືຜີບ້າ ----- ຮັກຫາໄດ້ໃນເຟສບຸກນີ້

• ຫວັງຈະພົບຄົນດີນັ້ນ ----- ດັນພົບຄົນເວົ້າປີ້ນເກັ່ງ
~ ຈັ່ງແມ່ນເຮັງໆລ້ຳ ----- ດີລົ້ນເລີດປະມານ
~ ບໍ່ໄດ້ຈົ່ມຫຍັງເຈົ້າ ----- ບໍ່ໄດ້ຢາກວ່າຫຼາຍ
~ ພຽງແຕ່ໄດ້ລະບາຍ ---- ກໍສະບາຍໃຈລ້ຳ

• ຄຳວ່າຮັກນັ້ນ ------ ເວົ້າອອກໄດ້ກະຈາຍ
~ ປ່ອຍໃຫ້ມັນລອຍໄປ ----- ເປັນລົມບໍ່ມີຄ່າ
~ ເປັນຮັກລົມໆແລ້ງໆ ----- ຂົມແຮງກວ່າໝາກແຄ້ງຈ້ຳແຈ່ວ
~ ແນວຄົບຄົນບໍ່ຈິງໃຈແທ້ ----- ກໍແນວນີ້ແຫຼະທ່ານເອີຍ ເປັນທຳມະດາ 

>>>>>>> ຈົບກາບກອນ ຮາຮາຮາ <<<<<<

ຊິເລົ່າ ເລື່ອງຂຳຂັນ ຕອນສະໄໝຢູ່ວຽງໄຊ ຫົວພັນ ( ດິນແດນສະຫງ່າງາມ )

ສະໄໝຮຽນມັດທະຍົມ ຂ້ອຍກັບເອື້ອຍຂ້ອຍໄປສວນມາ ຍ່າງມາກາງທາງແຄມໜອງ ແລ້ວເຫັນຜູ້ບ່າວຫຼໍ່ ( ຫຼໍ່ແທ້ໃດ) ລາວໄປສີເຂົ້າມາ ແລ້ວເອົາເປົາຮຳໃສ່ຫວ່າງລົດຖີບ ແລ້ວກໍຈູງຍ່າງມາຕາມທາງແຄມໜອງ ໃກ້ຊິກາຍຈຸຂ້ອຍໄປແລ້ວ ແຕ່ຈັກແນວໃດ ເປົາຮຳລາວລະຕົກອອກຈາກລົດຖີບກິ້ງລົງໜອງວັບໆ, ລາວກໍແລ່ນລົງເອົາເປົາຮຳລາວ ແຕ່ເປົາຮຳຂອງລາວຈຸ່ມລົງນ້ຳເຄິ່ງໜຶ່ງແລ້ວ, ລາວກໍຈັບເປົາຮຳຂອງລາວລາກຂຶ້ນມາເທິງບົກ. ຂ້ອຍກັບເອື້ອຍ ຫັນໄປເບິ່ງໜ້າກັນ ກໍບໍ່ແມ່ນຢາກຫົວຂວັນລາວ ແຕ່ມັນຕັ້ງຢາກຫົວອີ່ຫຼີ, ພາກັນອົດຫົວເອົາແທ້ເອົາວ່າ ຈົນວ່າຫົວອອກມາແຮງໆ, ທ້າວອັນນັ້ນກໍເຫັນຈຸຂ້ອຍຫົວໃດ ລາວກໍໄດ້ແຕ່ແນມຢູ່ເນາະ ຈັກຊິເຮັດແນວໃດ, ຈຸຂ້ອຍກໍຈັກຊິເຮັດແນວໃດ ຟ້າວຍ່າງກາຍໄປລະກະຫົວໄປກາງທາງໃຫ້ມັນແລ້ວສາ!!! ( ສະໄໝນັ້ນ ກຳລັງອາຍກັນ) ເປັນຕາຫົວຂະໜາດ...

 

ຮູ້ສຶກບ້າໆບໍໆ ລະມາຂຽນລະບາຍຊື່ໆ ແຮໆ ບໍ່ຮູ້ຊິໄປລະບາຍຢູ່ໃສ!!!...

ວ່າຊິນອນ ແຕ່ຍັງນອນບໍ່ຫຼັບ ສົງໄສເປັນນຳນອນເວັນຫຼາຍຫຸຫຸ

ອັນແບບວ່າ: ມັນມີຄຳຖາມໃນຫົວຫຼາຍ ເລີຍຊິຖາມຕົວເອງ ແລ້ວ ຫາຄຳຕອບ ວ່າມັນແມ່ນຫຍັງ!?

ບາງທີເຮົາຄາໃຈ ຢາກລະບາຍ: ຖ້າເວົ້າແຕ່ແນວດີໆຫຼາຍ ຢ້ານຄົນເຂົາສົມເພດເອົາວ່າ: ຂີ້ດຽດເດ ຊີວິດຊິບໍ່ມີແນວຮ້າຍເລີຍບໍ ຮາຮາ

ຖ້າຊິເວົ້າແຕ່ແນວຂີ້ຮ້າຍ ຢ້ານເຂົາເຈົ້າສົມນ້ຳຫນ້າ ແລະ ເສົ້າເກີນ ຮາຮາ

ອ້າວ! ຢ່າບອກນະວ່າ: ຂ້ອຍລືມແລ້ວວ່າ ຊິຂຽນເລື່ອງຫຍັງ?!

ອໍ! ວ່າຊິຖາມຕົວເອງວ່າ: ເປັນຫຍັງບາງຄັ້ງເຮົາຈິ່ງອ່ອນແອ ຄືກັບວ່າຍູ້ຫຼັງຕົວເອງໄປບໍ່ໄດ້ ຄອຍເອື່ອຍອິງໃສ່ແຕ່ຜູ້ອື່ນ! ຄິດແນວນັ້ນ ຄືຊິບໍ່ມີທາງອອກນີ້ລະ! ແຕ່ວ່າແມ່ນແລ້ວຄົນເຮົາຕ້ອງອົດທົນ, ເວລາປ່ຽນເກືອບວ່າທຸກຢ່າງກໍປ່ຽນ. ແມ່ນແລ້ວຄົນເຮົາຕ້ອງຕາມຫາຄວາມຝັນ ບໍ່ແມ່ນວ່າ ຖ້າໃຫ້ມີຫມູ່ໄປນຳຈິ່ງໄປ ເພາະວ່າຄວາມຝັນຂອງຄົນເຮົາບໍ່ຄືກັນ...

ເວົ້າໄປຫຼາຍມັນຊິຍາວ...

ຈັກຊິເວົ້າຫຍັງອີກລືມແລ້ວ

ອໍແນວເພິ່ນວ່າ: ຢ່າຢຶດຕິດສິ່ງໃດວ່າແນ່ນອນ ເພາະບໍ່ມີຫຍັງແນ່ນອນ ແມ່ນກະທັ້ງໃຈເຮົາເອງ...

ໄປວັງວຽງມາ ໄດ້ເລື່ອງຕະລົກມານຳ

 

ຂີ່ມາຮອດກາງທາງ ໝູ່ຜູ້ສາວຄົນໜຶ່ງລະປວດ ບ ເອົາ ເບົາ ແຮໆ, ລາວກໍ່ເລີຍຂໍໃຫ້ໂຊເຟີຈອດລົດ ແລ້ວລາວກໍ່ແລ່ນເຂົ້າແຖວປ່າ ສ່ວນຂ້ອຍກໍ່ແລ່ນນຳກົ້ນໄປ ເພື່ອເອົາຖົງຮາກໄປຖິ້ມ  ພໍຮອດປ່າຄີມທາງ ຂ້ອຍກໍ່ໂຍນຖົງນັ້ນເຂົ້າປ່າ ສຽງດັງ ຊວາດໆ! ພໍແຕ່ທໍ່ນັ້ນລະ ທ່ານນາງໝູ່ເພິ່ນກຳລັງຈະທຳທຸລະສ່ວນຕົວ ແຕ່ຍັງບໍ່ທັນໄດ້ເລີ່ມ ກໍ່ແລ່ນອອກຈາກປ່າມາດ້ວຍຄວາມກັງວົນ ແລະ ຢ້ານກົວ, ຂ້ອຍກໍ່ເຫັນລາວຢູ່ ແຕ່ກໍ່ບໍ່ເຂົ້າໃຈວ່າລາວຕົກໃຈຫຍັງ ເຫັນຢ້ຽມໆຢ່ອງໆໄປທາງຖົງຮາກທີ່ຂ້ອຍຖິ້ມ ຂ້ອຍເລີຍຄິດອອກວ່າ: ຕື່ນຖົງຮາກແນ່ນອນ ຂ້ອຍເລີຍຫົວຂຶ້ນຢ່າງແຮງ ແລ້ວເວົ້າວ່າ: ເຮີຍ! ຂ້ອຍຖິ້ມຖົງຮາກນະ ຕົກໃຈຫຍັງເກາະ? ເພິ່ນຫາກໍ່ວ່າເຊົາຕົກໃຈ ຂ້ອຍຄິດໄປຄິດມາ ລະໂຄດວ່າຢາກຫົວ 

 ຊາຍຝຣັ່ງບຸກບ້ານນອກຕາມຫາໝູ່ແລ້ວເຂົ້າໄປເຮືອນໝູ່ ພົບແມ່ຍິງຄົນໜຶ່ງແລ້ວຖາມວ່າ:
ຝຣັ່ງ: Who are u?
ແມ່ຍິງນັ້ນ: I am The Mia of Mr. Lamphone
ຝຣັ່ງ: The Mia? What is the Mia? ok, Where is Mr.Lamphone
ແມ່ຍິງຄົນນັ້ນ: Mr. Lamphone is in the chicken (ຄວາມຈິງເພິ່ນຊິວ່າ kitchen )

 ຕອນຍັງນ້ອຍຕັ້ງວ່າຢ້ານຝຣັ່ງ-ອາເມລິກາ ເພາະຜູ້ໃຫຍ່-ຜູ້ເຖົ້າຜູ້ແກ່ຍວະໃຫ້ຢ້ານ

 

 ໃນຫ້ອງຮຽນ ອາຈານເອີ້້ນ ທ. ກ ຂຶ້ນຕອບບົດຮຽນ:
ທ. ກ ຕອບອາຈານເບິ່ງດູວ່າ: ກະຊວງການເງິນ ພາສາອັງກິດວ່າແນວໃດ?
- ທ. ກ ກໍ່ໄດ້ລຸກຂຶ້ນແລ້ວເວົ້າວ່າ: ຮຽນອາຈານນ້ອງຂໍຕອບ ກະຊວງການເງິນໃນພາສາອັງກິດເວົ້າວ່າ: Ministry Of Money 
ອາຈານເວົ້າວ່າ: ຟ້າເອີຍ!

 ນອນເວັນຝັນວ່າ: ໄປທີ່ວຽງໄຊ, ຫົວພັນ ມີງານບຸນສະຫຼອງໃຫຍ່

 ມື້ນີ້ໄປຫຼິ້ນທາງຕາດຍາວ ( ເມືອງນາຊາຍທອງ ), ຮອດສາມແຍກປ້າຍທາງເຂົ້າຕາດຍາວ, ລ້ຽວຊ້າຍລົງໄປໜ້ອຍໜຶ່ງ, ຍັງບໍ່ທັນມີປ້າຍ ເຂົາເຈົ້າເຮັດເປັນແບບຄອບຄົວ, ຂ້ອຍເອີ້ນເອງວ່າ: ສວນອຸທິຍານອັດສະຈັນ :) ພໍແຕ່ໄປຮອດກໍ່ກິນປີ້ງປານິນ, ປາດຸກ, ປາບູ່ໃຫຍ່ ເຂົາເຈົ້າປີ້ງໄວ້ແລ້ວ, ແກງໜໍ່ໄມ້ ທີ່ຫາມາຈາກບ່ອນນັ້ນ, ກິນເບຍໜ້ອຍໜຶ່ງ ເພາະກິນຫຼາຍບໍ່ໄດ້ ຢ້ານເມົາ ແຮໆ, ໄປນຳເອື້ອຍຮັກ, ໝູ່ຂອງເພິ່ນຕ້ອນຮັບຢ່າງດີ, ເປັນກັນເອງ ແລະ ເຮັດໃຫ້ຮູ້ສຶກດີທີ່ສຸດ, ຫຼັງຈາກກິນເຂົ້າແລ້ວຂ້ອຍກໍ່ຍ່າງລົງໄປເລາະເບິ່ງແຖວລຸ່ມ, ມີໜອງປາ ມີປາຫຼາຍໆ, ມີຄືຕາດນ້ອຍໆ ນ້ຳໄຫຼຜ່ານຫີນ, ມີໄກ່, ໄກ່ຕັອກ, ມີເປັດ, ນົກກະທາ, ສະອອນປາຫຼາຍໆລອຍເປັນຝູງໄປມາ, ນ້ຳໃສໆ, ຂ້ອຍຍ່າງໄປຕໍ່ ອ້າວ! ມີນົກຍາງຢູ່ຄີມໜອງ ແຕ່ເປັນນົກຍາງປັ້ນງາມໆ, ຂ້ອຍປະທັບໃຈຫຼາຍ, ຂ້ອຍຫຼຽວເບິ່ງທີ່ຕູບທີ່ງົດງາມ ມີດອກໄມ້ອ້ອມໄປໝົດ, ຂ້ອຍແອບຖ່າຍຮູບເອົາໂຕເປັດສອງ-ສາມໂຕທີ່ຍ່າງໄປມາເທິງຕູບອັນງົດງາມ ປານພະລາດຊະວັງຂອງມັນ ອິອິ, ຂ້ອຍຍ່າງໄປອີກ ເຫັນຊ້າງນ້ອຍປັ້ນ, ເຫັນກວາງປັ້ນ, ຂ້ອຍຍ່າງເລາະລົງໄປແຖວປ່າໃກ້ກວາງປັ້ນ ຂ້ອຍເຫັນຕໍຕົ້ນໄມ້ໃຫຍ່ຕົ້ນໜຶ່ງ ໂດກແລ້ວ ເຫຼືອແຕ່ຕໍ ຂ້ອຍຍ່າງເຂົ້າໄປຢ້ຽມເບິ່ງກາງຕໍ ມີດອກໄມ້ງາມປົ່ງຂຶ້ນກາງຕໍໄມ້ນັ້ນ ແຕ່ເອະ ຂ້ອຍແປກໃຈ ຂ້ອຍເຫັນໄຂ່ໜ່ວຍໜຶ່ງສ່ຳໄຂ່ໄກ່ ວາງຢູ່ກາງຕໍໄມ້, ບຶດໜຶ່ງຂ້ອຍກໍ່ຂ້າມຂົວໄປເບິ່ງນົກກະທານ້ອຍ ໜ້າຮັກ ໜ້າຮັກ ມີໂຕຂາວ ໂຕລາຍ ແລະ ມີໄຂ່ນຳອີກ, ຂ້ອຍຍ່າງກັບມາເລົ່າສູ່ເຂົາເຈົ້າຟັງ, ເຂົາເຈົ້າເວົ້າວ່າ: ອໍ ໄຂ່ນັ້ນແມ່ນເປັນບິນຂຶ້ນໄປໄຂ່ໃສ່ :), ແຕ່ກີ້ແຕ່ກ່ອນບ່ອນນັ້ນເປັນປ່າດົງ ບໍ່ເປັນຕາຢູ່ດອກ ເບິ່ງຄືເປັນຕາຢ້ານ ແຕ່ຍ້ອນເຫື່ອແຮງຜົວເມຍຕຳຫຼວດບຸກເບີກຂຸດແປງ, ຕົບແຕ່ງຈົນງາມເກືອບວ່າປານອຸທິຍານໃນຝັນ, ຕອນນີ້ຍັງບໍ່ທັນຂຶ້ນປ້າຍເທື່ອ ຖ້າຂຶ້ນປ້າຍຊິບອກວ່າສວນຫຍັງ, ບອກໄດ້ວ່າໄປທາງຕາດຍາວ ຢູ່ໃກ້ປ້າຍສາມແຍກ ແຕ່ຕອນນີ້ເຂົາເຈົ້າເຮັດເປັນແບບຄອບຄົວ ( ບອກໄດ້ວ່າຂ້ອຍປະທັບໃຈຫຼາຍກັບທີ່ນີ້ ບໍ່ຕ້ອງໄປທ່ຽວໄກ ແຕ່ກໍ່ປະທັບໃຈໄດ້ ) ຖາມເຈົ້າຂອງສວນວ່າ: ຖ້າພາຫຼາຍຄົນມາທ່ຽວຈະມີການຂາຍເຄື່ອງແບບໃດ? ເພິ່ນຕອບວ່າ: ສ່ວນຫຼາຍເຂົາເຈົ້າກໍ່ຈະກຽມເຄື່ອງຂອງມາເອງ ແລ້ວທາງເຮົາກໍ່ຈະລົງເອົາປາໃຫ້ ຂາຍເປັນກິໂລລະສິບຫ້າພັນກີບ ( ຖືກດີ ເປັນປາທຳມະຊາດ ແຊບດີ :)

ເປັນຄວາມຮູ້ສຶກສ່ວນຕົວຂອງຂ້ອຍ ໃຫ້ພິຈາລະນາຍານໃນການອ່ານ :)ຂ້ອຍເກີດທີ່ ບ້ານນາຄາວ, ເມືອງວຽງໄຊ, ແຂວງຫົວພັນ ( ເຊິ່ງຫ່າງຈາກຕົວເມືອງວຽງໄຊປະມານ 10 ປາຍ ກິໂລແມັດ )ອາຍຸໄດ້ປະມານປີປາຍ, ພໍ່ແມ່ກໍ່ຍ້າຍຄອບຄົວມາຕັ້ງຢູ່ເມືອງວຽງໄຊ, ແຂວງຫົວພັນ ( ເຮືອນຂ້ອຍໃກ້ໆກັບຫ້ອງການປົກຄອງເມືອງວຽງໄຊເລີຍ )ແນ່ນອນ: ຄວາມຜູກພັນທີ່ຂ້ອຍຢູ່ໃນເມືອງວຽງໄຊແມ່ນແໜ້ນແພ້ນງົດງາມສົດໃສ ຫາອັນປຽບບໍ່ໄດ້ຈົນເທົ່າທຸກວັນນີ້ຄິດວ່າທຸກຄົນກໍ່ຄົງຈະມີຄວາມຜູກພັນກັບບ້ານເກີດເມືອງນອນຂອງຕົນເອງຄືຂ້ອຍຄິດເຖິງມັນຈະດົນນານມາແລ້ວ, ແຕ່ຄວາມຊົງຈຳອັນດີໆບໍ່ເຄີຍຈາງຫາຍໄປໃສ, ຫຼາຍຄັ້ງ ຫຼາຍຄືນ ທີ່ຝັນເຫັນແຕ່ບ້ານເກີດເມືອງນອນທີ່ນັ້ນຕອນຍ້າຍມາຕົວເມືອງວຽງໄຊໃໝ່ໆ ພໍ່ແມ່ໄດ້ໄປພັກຢູ່ເຮືອນໃກ້ໂຮງແຮມຄີມໜອງເຂດເມືອງວຽງໄຊເຊິ່ງໜອງເຂດນັ້ນ ເປັນໜອງທີ່ຊາວບ້ານຊາວເມືອງເຮັດບຸນຊ່ວງເຮືອໃສ່ທຸກປີທຳມະຊາດແສນງາມ ແລະ ຄວາມຜູກພັນທີ່ນັ້ນ ບໍ່ຊ່າງຊິອະທິບາຍ:ຄວາມເຢັນຊົດຊື່ນຂອງປ່າໄມ້, ຄວາມງົດງາມຂອງຝາຫີນ, ຄວາມຫງຽບສະຫງົບຂອງບ້ານເມືອງ ເຮັດໃຫ້ສ່ອງເຫັນແຕ່ທຳມະຊາດອັນງົດງາມທຸກເຊົ້າຄ່ຳຍາມແລງຢູ່ໃກ້ໂຮງແຮມຂ້າງໜອງເຂດນັ້ນ, ຄອບຄົວພວກຂ້ອຍມີໜອງປາ ເຊິ່ງຢູ່ຕໍ່ໜ້າຜາຫີນ ຈະມີຖໍ້າເຂົ້າໄປໃນນັ້ນຫວ່າງໆພວກຂ້ອຍກໍ່ພາກັນຍ່າງເຂົ້າໄປຫຼິ້ນຖ້ຳຢູ່ຂ້າງໜອງປາ: ສຽງນໍ້າຕົກຍອດຜາ ດັງປັອກໆແປັກໆ, ຄວາມເຢືອກເຢັນສົດຊື່ນກໍ່ຢູ່ທີ່ນັ້ນຫວ່າງໆພວກຂ້ອຍກໍ່ພາກັນໄປເກືອປາ, ເອົາເບັດ, ເອົາແຫໄປພ້ອມເພື່ອໄປຫາປານຳກັນມ່ວນຫຼາຍເລີກແລ້ວກໍ່ພາກັນມາກິນຊຸມແຊວຢູ່ເຮືອນ :)ຄອບຄົວຍ້າຍມາຢູ່ເຮືອນໃກ້ຫ້ອງການຕອນຍັງນ້ອຍໆຮຽນອານຸບານ-ປະຖົມຄວາມຜູກພັນກໍ່ຢູ່ຂອບເຂດນັ້ນ, ແຕ່ລະມື້ກໍ່ແລ່ນອ້ອມຢອກກັນຢູ່ແຖວຫ້ອງການປົກຄອງ, ມີດອກໄມ້ຫຼາຍຊະນິດກໍ່ພາກັນໄປເບິ່ງໄປແນມ ໄປຊື່ນຊົມ,ດົນໆຍາດພີ່ນ້ອງພໍ່ແມ່ກໍ່ຈັບໄປຖ່າຍຮູບ :) ຕອນນັ້ນ ຢ້ານທີ່ສຸດແມ່ນຢ້ານແມ່ຈັບໄປສັກຢາກັນພະຍາດຈະໄປລີ້ຢູ່ໃສແມ່ກໍ່ຮູ້ໝົດ, ແມ່ຈັບໄປໃຫ້ແພດຈັບສັກຢາ: ກໍ່ທັງໄຫ້ ທັງດ່າແພດໄປນຳ ຄຳຮ້າຍໃດຄິດອອກກໍ່ດ່າແພດຜູ້ໃຫຍ່ທັງຫຼາຍກໍ່ມີແຕ່ພາກັນຫົວຂວັນເຮົາຍ້ອນພໍ່ແມ່ເຮັດວຽກຢູ່ທີ່ຫ້ອງການປົກຄອງ, ຈິ່ງໄດ້ແຕ່ນຳພໍ່ ນຳແມ່ໄປທີ່ຫ້ອງການ, ບຶດກໍ່ໄປຫຼິນຫ້ອງພໍ່, ບຶດກໍ່ໄປຫຼິ້ນຫ້ອງແມ່ຢຽບຕັ່ງພໍ່ຂຶ້ນໄປນັ່ງ, ເຂົ້າໄປນອນໃນຕູ້ຫ້ອງການແມ່ ແລ້ວກໍ່ອັດປະຕູໄວ້, ແມ່ຈົນລືມ, ຫຼັງຈາກເລີກການກັບບ້ານແລ້ວ ກໍ່ກັບມາໄຂປະຕູເອົາເຮົາ ທີ່ນອນຢູ່ໃນຕູ້ຫ້ອງການ,ຫ້ອງການປົກຄອງເມືອງວຽງໄຊ ກໍ່ເປັນຫຼັງໃຫຍ່ສອງຊັ້ນ ບໍ່ແນ່ໃຈສ້າງຂຶ້ນປີໃດ, ແຕ່ກໍ່ງາມສະຫງ່າບໍ່ຄືໃຜ ຕັ້ງຢູ່ໃກ້ອານຸສາວະລີຊາດຈາລຶກບຸນຄຸນທຸກມູມມອງ ທຸກແຈໃນຫ້ອງການ ຂ້ອຍກໍ່ໄດ້ຍ່າງເລາະໄປຫຼິ້ນໄປໆມາໆໝົດແລ້ວແຕ່ສະໄໝຍັງນ້ອຍພຸ້ນ,ຍາມນອນຈະມັກນອນຝັນເຫັນໄດ້ໄປແລ່ນຫຼິ້ນທີ່ຫ້ອງການ, ແຕ່ກາງຄືນມາຈະຢ້ານຫ້ອງການນັ້ນ, ເພາະເວລາເວົ້າ ສຽງຈະດັງກ້ອງຄືກັນກັບເຂົ້າໄປຫຼິ້ນໃນຖໍ້າຕ່າງໆໃນເມືອງວຽງໄຊ ດອກໄມ້ສວຍສົດງົດງາມເຕັມກະຈາຍໄປທົ່ວຕໍ່ໜ້າຜາຫີນ, ດອກໄມ້ສີເຫຼືອງສີແດງເຊິ່ງສີແດງແທນໃຫ້ເລືອດນັກຮົບ, ມັນຊ່າງງົດງາມເຫຼືອເກີນ, ງົດງາມເກີນທີຈະພັນລະນາ, ແຕ່ຄວາມງົດງາມອັນຍິ່ງໃຫຍ່ ແລະ ແທ້ຈິງແມ່ນ:ຄວາມງົດງາມຂອງຄວາມຜູກພັນໃນໃຈທີ່ບໍ່ເຄີຍຈາງຫາຍໄປໃສເວລາຫວ່າງໆ ພວກຂ້ອຍກໍ່ພາກັນໄປອາບນໍ້າ, ຕອນທຳອິດຍ້ອນບໍ່ຮູ້ລອຍນໍ້າແດ່ ກິນນໍ້າເຂົ້າໄປຫຼາຍເຕີບ ເລີຍມີອ້າຍຮັກໄປຊ່ວຍຄວາມຊົງຈຳຕອນຍັງນ້ອຍມັນຊ່າງງົດງາມ ແລະ ມ່ວນຊື່ນໃຜລະ ຈະຮູ້ວ່າໃຫຍ່ມາຫຼັງຈາກຈົບມໍປາຍ ຕ້ອງໄດ້ເຂົ້າໄປໃນເມືອງເພື່ອສຶກສາຮ່ຳຮຽນ ພົບກັບສິ່ງແວດລ້ອມອັນໃໝ່ໆທີ່ຕົນເອງບໍ່ຄຸ້ນເຄີຍພົບກັບຄົນແປກໜ້າທີ່ບາງຄັ້ງເຮົາກໍ່ຄິດວ່າໃຈດີ ແຕ່ກັບເປັນຄົນບໍ່ໄດ້ຄິດດີໆນຳ, ບາງຄັ້ງເຮົາເຫັນຄົນຄິດວ່າບໍ່ດີ ແຕ່ພາຍໃນຕິດໃຈກໍ່ດີຊີວິດໃນຕົວເມືອງໃຫຍ່ຊ່າງສັບສົນວຸ້ນວາຍ ແອບແຝງ, ເຊິ່ງກໍ່ຄືບໍ່ຄ່ອຍມີຄວາມຮູ້ສຶກດີໆໃຫ້ປານໃດ ເຖິງຈະສີວິໄລແຕ່ກໍ່ບໍ່ໄດ້ມີຄວາມຊົງຈຳດີໆຫຍັງໃຫ້ບັນທຶກລົງໄວ້ໃນໃຈປານໃດ, ສ່ວນຫຼາຍກໍ່ເຫັນແຕ່ຄົນແຂ່ງກັນຈົນລືມຄວາມຮັກແພງກັນໄປສາແລ້ວ....

ອະແຮ້ມ ແຫ໋ມ ອະແຮມ! ບໍ່ໄດ້ຂຽນໄດອາດີ່ມາດົນລະ ຢາກມາຂຽນໄດອາດີ່ອີກກ່ອນ ອິອິ 

( ຂໍອະໄພເດີ ຖ້າຜິດພາດປະການໃດ ອິອິ, ຊິສະຫຼຸບບັນຊີລາຍຈ່າຍຂອງຕົວເອງໄປນຳ ອິອິ )

- ຕອນແລງມື້ນີ້:

ນ້ອງສາວ ແລະ ເອື້ອຍເວົ້າວ່າ: ອາບນ້ຳໄວໆແນ່ເດີ! ຊິພາໄປເບິ່ງພີ່ນ້ອງເຈັບຢູ່ໂຮງໝໍ, ແລ້ວຊິພາໄປເລາະບຸນທາດຫຼວງມື້ສຸດທ້າຍນີ້, ຖ້າຊ້າຊິໄປກ່ອນໃດ!

- ຂ້ອຍຕອບວ່າ: ເອີ! ຫິວເຂົ້າປານນີ້! ກິນເຂົ້າກ່ອນແມ໋!

ຫຼັງຈາກຂ້ອຍກິນເຂົ້າແລ້ວ, ຂ້ອຍກໍ່ຊອກໝາກໄມ້ມາປອກກິນຫຼິ້ນຢູ່.

- ເອື້ອຍ ກັບ ນ້ອງສາວ ກໍ່ເວົ້າວ່າ: ຊິໄປລະເດີ ບໍ່ຖ້າລະເດີ

ຂ້ອຍກໍ່ໄປອາບນ້ຳ ແລ້ວມານຸ່ງເຄື່ອງ ຍັງບໍ່ທັນແລ້ວ

- ເອື້ອຍ ກັບ ນ້ອງສາວກໍ່ເວົ້າວ່າ: ໄປລະເດີນີ້ ໄວໆແນ່

ເມຍຂອງຫົວໜ້າກໍ່ໂທມາວ່າ: ຫົວໜ້າຊິໄປຕ່າງແຂວງໃດ ມາເອົາກ່ອນເດີເງິນເດືອນນີ້

- ຂ້ອຍກໍ່ຕອບເພິ່ນໄປວ່າ: ໂດຍໆ ຊິໄປດຽວນີ້ລະ ຖ້າອີກປະມານ ສິບ ຫາ ສິບຫ້ານາທີ.

ແມ່ກໍ່ເວົ້າຂຶ້ນວ່າ: ໄວໆແນ່ ໃຫ້ເຂົາຖ້າດົນແທ້.

- ຂ້ອຍກໍ່ຮ້ອງກັບໄປວ່າ: ໃຫ້ເຂົາເຈົ້າໄປກ່ອນໂລດ ໄປເອົາເງິນເດືອນກ່ອນ.

ຂ້ອຍກໍ່ຮີບກຽມຕົວອອກໄປ

- ສ່ວນເອື້ອຍ ແລະ ນ້ອງສາວ ເອົາລົດຈັກຄັນໜຶ່ງອອກໄປກ່ອນແລ້ວ

ໄປເອົາເງິນແລ້ວ ຂ້ອຍກໍ່ຮີບເລັ່ງລົດຈັກໄປໂຮງໝໍມິດຕະພາບ ( 150 ຕຽງ ) ເພື່ອໄປນຳເອື້ອຍ, ນ້ອງສາວ ແລະ ໄປເບິ່ງພີ່ນ້ອງເຈັບເລີຍ

- ຂະນະຂີ່ລົດໄປຕາມທາງ ຂ້ອຍກໍ່ຄິດວ່າ: ຊື້ນົມໄປໃຫ້ ລູກຊາຍຊອງປ້າທີ່ນອນເຈັບໃນໂຮງໝໍເລີຍສາ ( ເພິ່ນເຮັດລົດຈັກຕຳກັນ ເລີຍກະທົບທີ່ຫົວ )

ຂະນະທີ່ຂ້ອຍແວ່ຊື້ນົມ ສອງແພັກ 30.000 ກີບ, ຕຳໝາກຫຸ່ງ ຄົກ 8000 ກີບ, ເພື່ອໄປກິນຊຸມເຂົາເຈົ້າເລີຍ.

- ຂ້ອຍລໍຖ້າຕຳໝາກຫຸ່ງ, ຂ້ອຍເຫັນໝາສອງໂຕ ( ໂຕໜຶ່ງພັນຂົນຫຍຸຍ, ອີກໂຕພັນລາດທຳມະດາ ), ຂ້ອຍຖາມເຈົ້າຂອງຮ້ານວ່າ: ໝາເຈົ້າບໍ? ລາວຕອບວ່າແມ່ນແລ້ວ.

ໝາໂຕຂົນຫຍຸຍຍິ່ງແຂ້ວໃສ່ໝາພັນລາດຢູ່, ຂ້ອຍຖາມເຈົ້າຂອງຮ້ານວ່າ: ອຸຍ! ມັນຊິກັດກັນຫວາ? ເຈົ້າຂອງຮ້ານເວົ້າວ່າ:

- ບໍ່ແມ່ນມັນຊິກັດກັນ, ໝາຫຍຸຍຫັ້ນຫ້າມບໍ່ໃຫ້ໝາລາດອອກທາງ, ຖ້າໝາລາດອອກທາງຢ້ານລົດຊິຕຳເອົາ, ໝາຫຍຸຍຍິ່ງແຂ້ວໃສ່ໝາລາດ, ໝາລາດກໍ່ເຂົ້າມາເຮືອນ, ແລ້ວໝາຫຍຸຍກໍ່ເຂົາຍິ່ງແຂ້ວ.

ຂ້ອຍເວົ້າວ່າ: ອຸຍ! ມັນຄືສະຫຼາດແທ້ ໝາຫຍຸຍໂຕນັ້ນ ຂົນກໍ່ຟູໜ້າຮັກແທ້ວ່າເນາະ! ແປກອີ່ຫຼີ ໝາຄືສະຫຼາດແທ້ ອິອິ

- ຫຼັງຈາກຊື້ນົມ ແລະ ຕຳໝາກຫຸ່ງແລ້ວ ຂ້ອຍກໍ່ຂີ່ລົດຈັກໄປໂຮງໝໍຕໍ່, ໄປຮອດແລ້ວຊັ້ນທີ່ 5, ພີ່ນ້ອງຂ້ອຍລາວຢູ່ຫ້ອງລາວ, ໃນຫ້ອງມີ 5 ຕຽງ

ລຸງທາງຂ້າງຫັ້ນ ຕົກຕົ້ນໝາກມ່ວງ ກະດູກສັນຫຼັງຫັກ ຕ້ອງນອນສາມເດືອນເພື່ອນໃຫ້ກະດູກຕໍ່, ຕຽງຕໍ່ໄປທາງກົງກັນຂ້າມແມ່ນຜູ້ຊາຍອາຍຸສາມສິບປາຍຕົກເຮືອນຫຼັງຫັກເຊັ່ນກັນ,

ຕຽງຕໍ່ໄປແມ່ນຜູ້ບ່າວລົດຕຳ ກະທົບທີ່ຫົວ ເພາະບໍ່ໄດ້ໃສ່ໝວກກັນກະທົບແດ່, ຕຽງຕໍ່ໄປແມ່ນເດັກນ້ອຍລາວສູງລົກຈັກຕຳ ຫຍິບທີ່ຫົວເກົ້າເຂັມ,

ສ່ວນລູກຊາຍປ້າຂ້ອຍແມ່ນເຂົາເຈົ້າເຮັດລົກຈັກຕຳ ແລ້ວເຂົາກໍ່ໜີ, ກະທົບທີ່ຫົວ ເພາະບໍ່ໃສ່ໝວກກັນກະທົບແດ່ ເມົາແດ່ເພິ່ນວ່າ: ຫາກໍ່ອອກຈາກຮ້ານເບຍມາ ( ທີ່ເມືອງຫຼວງພະບາງ ),

ຕຳຫຼວດຈາລະຈອນໂທລົດໂຮງໝໍໄປສົ່ງໂຮງໝໍ, ແລ້ວຈິ່ງສົ່ງມາວຽງພີ້, ຕອນນີ້ອາການໄຄຂຶ້ນແລ້ວ, ຈື່ໄດ້ແລ້ວ.

- ຂະນະເບິ່ງພີ່ນ້ອງໃນຫ້ອງນັ້ນຂ້ອຍກໍ່ເລາະຖາມເຂົາເຈົ້າໄປໝົດວ່າໃຜເປັນຫຍັງແດ່ :)

ປ້າຊວນກິນເຂົ້ານຳ ພວກຂ້ອຍກໍ່ກິນນຳ, ສ່ວນຂ້ອຍຫາກໍ່ກິນເຂົ້າແລ້ວ ເລີຍກິນແຕ່ຕຳໝາກຫຸ່ງໜ້ອຍດຽວ

( ເລື່ອງຕະລົກກໍ່ຄື ຂ້ອຍບໍ່ຮູ້ວ່າ: ເຂົາກຳລັງເຮັດຫຍັງກັນ, ຂ້ອຍເຫັນລູກຊາຍປ້າລຸກຂຶ້ນນັ່ງ, ຂ້ອຍກໍ່ແລ່ນໄປທາງໜ້າແລ້ວຖາມວ່າ: ຈື່ຂ້ອຍໄດ້ບໍ?

ລາວຕອບວ່າ: ໄດ້, ຂ້ອຍຈັບໜ້າລາວ: ຮູ້ສຶກຫຍັງບໍ? ລາວວ່າບໍ່ຮູ້ສຶກເຈັບ, ຂ້ອຍວ່າ: ບໍ່ຮູ້ສຶກເຈັບແທ້ ເພາະບໍ່ໄດ້ຢິກ, ບຶດໜຶ່ງເມຍຂອງລາວກໍ່ເວົ້າວ່າ: 

ພໍເນາະ! ລາວກໍ່ຕອບວ່າ: ອືມ, ເມຍລາວກໍ່ຖອດບັ້ງຍ່ຽວອອກກ້ອງຂາ, ຂ້ອຍເລີຍຫາກໍ່ຮູ້ວ່າ: ລາວກຳລັງໄປສົນທະນາຕອນລາວຍ່ຽວຢູ່, ຂ້ອຍກໍ່ເລີຍຍ່າງອອກໄປລະບຽງ

ຂ້ອຍກໍ່ເຫັນເອື້ອຍກັບນ້ອງສາວ: ຫົວຂວັນຂ້ອຍຢູ່, ຂ້ອຍກໍ່ເວົ້າວ່າ: ຂ້ອຍບໍ່ໄດ້ຮູ້ໃດວ່າລາວກຳລັງຍ່ຽວ )

ຫຼັງຈາກນັ້ນກໍ່ຄອບລາເຂົາເຈົ້າວ່າ: ກັບກ່ອນເດີ! ມື້ໜ້າຊິມາຫຼິ້ນນຳໃໝ່, ລູກຊາຍປ້າກໍ່ເວົ້າວ່າ: ມາແທ້ເດີ!

ເອື້ອຍ ແລະ ນ້ອງສາວກໍ່ຂີ່ລົດຈັກອີກຄັນໜຶ່ງ, ຂ້ອຍກໍ່ຂີ່ລົດຈັກຄັນໜຶ່ງອອກໄປ, ພະເຈົ້າຈ໋ອດ! ລົດຕິດໆໆໆໆໆໆໆໆໆ, ໄປເທື່ອລະຄືບລະວາ ກວ່າຊິໄປຮອດແຖວໃກ້ໆທາດຫຼວງ

ຝົນກໍ່ຕົກໂຮຍຮຳຕົກມາແລ້ວ ໜາວເຢັນເຢືອກໆ, ຍ້ອນລົດຕິດ, ເຮັດໃຫ້ ຂ້ອຍນຳ ເອື້ອຍ ແລະ ນ້ອງສາວບໍ່ທັນ, ໂທຫາກັນກໍ່ບໍ່ຊ່າງຊິຊອກ, ຂ້ອຍຄິດວ່າຢ່າລະ ມື້ນີ້ເລາະຄົນດຽວ ອິອິ

- ໄປຮອດໃກ້ແຖວທາດຫຼວງແລ້ວຂ້ອຍກໍ່ແນມເຫັນປ້າຍໃຫຍ່ວ່າ: ຮັບຝາກລົດໃຫຍ່ - ລົດຈັກ, ຂ້ອຍກໍ່ເຂົ້າໄປ, ໂອຍ! ຈັ່ງແມ່ນຄົນຫຼາຍໆໆໆສົນລະວົນກັນ

ຂ້ອຍເລີ່ມງົງວ່າຈະໄປທາງໃດ, ໃສລະບ່ອນຮັບຝາກລົດຈັກ, ຂ້ອຍຕັດສິນໃຈຫັນໄປຖາມປ້າຂາຍເຂົ້າຫຼາມຢູ່ຂ້າງທາງວ່າ: ແມ່ໆ ຂໍຖາມແດ່! ເຂົາເຈົ້າຮັບຝາກລົດຈັກຢູ່ໃສນະ?

ເພິ່ນຕອບວ່າ: ພຸ້ນເດລູກ! ຂ້າມທາງໄປພຸ້ນເດີ! ທ່າມກາງຄົນຫຼາຍໆ ຂ້ອຍກໍ່ຂັບລົດຈັກແຍ່ໆໆໆໆ ໄປແລ້ວກໍ່ໄປຈອດຢູ່ບ່ອນຝາກລົດນັ້ນ, ຂ້ອຍຖາມວ່າ: ຝາກລົດຈັກທໍ່ໃດ?

ເຂົາຕອບວ່າ: ສິບພັນກີບ, ຂ້ອຍຖາມຕໍ່ວ່າ: ອ້າວຕິດປ້າຍຄືວ່າ: ຫ້າພັນກີບ, ເຂົາຕອບວ່າ: ສິບພັນໝົດມື້ນີ້ນະ ຖາມກຳມະການກໍ່ໄດ້, ຂ້ອຍເວົ້າວ່າ: ອໍ ຄ່າຝາກລົດ 10.000 ກໍ່ໄດ້

ຂ້ອຍກໍ່ເອົາກະແຈໄຂກົ້ນລົດຈັກ ເອົາໝວກກັນນັອກເຂົ້າເກາະໃສ່ບ່ອນອານລົດ, ຍັງບໍ່ທັນໄດ້ເອົາກະແຈອອກ, ຜູ້ຊາຍທີ່ຮັບຝາກລົດດັນຍ່າງມາທາງຫຼັງຂ້ອຍແລ້ວຍູ້ລົດຈັກຂ້ອຍຈັກໄປຈອດໄວ້ແຈໃດ

ຂ້ອຍຍັງບໍ່ທັນເອົາກະແຈອອກນ໋າ, ຂ້ອຍກໍ່ໄປເລາະຊອກ ໂອຍບ່ອນຝາກລົກບັກກວ້າງໆ ຂ້ອຍຊິໄປຊອກແຈໃດ ຂ້ອຍກໍ່ຮ້ອງເຂົາມາຊອກນຳ, ແລ້ວຂ້ອຍກໍ່ເຫັນລົດຈັກຂ້ອຍ

ໄປຢ້ຽມເບິ່ງ ອ້າວຄືບໍ່ເຫັນກະແຈ, ກະແຈລົດໄປໃສບັດນີ້, ຂ້ອຍກໍ່ໄປຖາມຜູ້ຊາຍທີ່ຮັບຝາກລົດ, ລາວເວົ້າວ່າ: ອໍ ໃຫ້ຄົນມ້ຽນໄວ້ໃຫ້ແລ້ວ ຢ້ານເຂົາເຈົ້າເອົາໄປກ່ອນ

ເອົາກະແຈແລ້ວ ຂ້ອຍກໍ່ຍ່າງເລາະຄົນດຽວ ສາຍດ່ຽວມື້ນີ້ ຮາໆໆ, ເອື້ອຍຂ້ອຍກໍ່ໂທຫາ, ຂ້ອຍຕອບວ່າ: ເອີໆ ໄປໂລດ ໄປຖ້າຢູ່ບູດໃດໜຶ່ງກໍ່ໄດ້, ຂ້ອຍຄືວ່າເລີ່ມຫິວ ໄປຊອກອັນກິນດີກວ່າ

ໄປເຫັນຄົນລໍ້ຍູ້ຂາຍຂຽບຍີ່ປຸ່ນ: ຂ້ອຍຖາມວ່າ: ທໍ່ໃດ? ລາວຕອບວ່າ: ຂຽບຍີ່ປຸ່ນ 8000 ກີບ, ຂ້ອຍເວົ້າວ່າ: ເອົາລົດເຄັມເດີ! ແລ້ວຂ້ອຍກໍ່ກິນຂຽບຍີ່ປຸ່ນຍ່າງໄປເລາະເສີຍ ຝົນກໍ່ໂຮຍລົງມາແດ່

ທ່າມກາງຝູງຄົນຈຳນວນຫຼາຍທີ່ພາກັນແຫ່ມາຫຼິ້ນບຸນພະທາດຫຼວງມື້ສຸດທ້າຍ, ກິນຂຽບຍີ່ປຸ່ນແລ້ວກໍ່ໄປເລາະຊີ້ນ້ຳ ເພາະຫິວນ້ຳ, ຢາກກິນນ້ຳສາລີສຳເລັດຮູບ

ແຕ່ມື້ນີ້ຊອກບໍ່ເຫັນ, ເລີຍຊື້ແປບຊີ 5000 ກີບ ມາດື່ມ ຂ້ອຍເລີຍຄິດຂຶ້ນມາວ່າ: ອຸຍ! ຂ້ອຍບໍ່ເຄີຍຂີ່ຊິງຊາສະຫວັນ ເພາະຜ່ານມາໄປນຳເຂົາເຈົ້າ ຊວນໃຜຂີ່

ກໍ່ບໍ່ມີຄົນຂີ່ນຳ, ມື້ນີ້ໄປຂີ່ດີກວ່າ: ໄປຊື້ປີ້ຂີ່ຊິງຊາສະຫວັນລາຄາ 8000 ກີບ, ແລ້ວເຂົາກໍ່ເປີດປະຕູໃຫ້ຂ້ອຍເຂົ້ານັ່ງຂີ່ຊິງຂາຜູ້ດຽວ ຜ່ານໄປສອງສາມຮອບ, ຊິງຊາຈອດ, ຂ້ອຍຄິດວ່າຊິລົງ

ແຕ່ຜູ້ຍາມຊິຊາຈັບບ່າຂ້ອຍໄວ້ ຍັງບໍ່ທັນລົງເທື່ອສາວ, ແລ້ວເຂົາກໍ່ເອົາທ້າວນ້ອຍປະມານສິບປີມານັ່ງຊິຊານຳຂ້ອຍ ອິອິ, ຂີ່ໄປຫຼາຍຮອບເຕີບ ( ງາມເນາະວິວຊິງຊາສະຫວັນນີ້ ອິອິ)

ແລ້ວກໍ່ໄປ ຊື້ໝວກ 10.000 ກີບ ( ເພາະວ່າຝົນຕົກ ຢ້ານເປັນຫວັດເປັນໄອ ອີກ ອິອິ )

ຍ່າເລາະຊື້ເຄື່ອງໜ້ອຍໜຶ່ງ: ໄດ້ ດອກໄຟນ້ຳຫອມ 45.000 ກີບ, ເກີບເລ ຄູ່ 10.000 ກີບ ( ຮາໆ ), ເສື້ອໄໝເລ 50.000 ກີບ, 2 ຢ່າງ 5000 ກີບ, ຊຸດນອນ 15.000 ກີບ,

ແຮງເຢີ 3 ແກ້ວລາຄາ 4000 ກີບ, ໂສ້ງ 30.000 ກີບ, ເສື້ອຊ້ອນ 30.000 ກີບ ( ອາຍເດ ບັນລະຍາຍໄປໝົດ ຮາໆໆໆ )

ແລ້ວກໍ່ໄປເລາະເບິ່ງເຂົາສະແດງຢູ່ເວທີສະແດງວັດທະນາທຳໜ້ອຍໜຶ່ງເພາະຝົນຕົກເຂົາກໍ່ເລີຍພັກຜ່ອນ, ໄປບູດບຸດທິສັກເບິ່ງໜຸ່ມຫຼໍ່ :), ໄປບູດອີທີເອລ ເບິ່ງເຂົາຮ້ອງເພງ

ໄປບູດແຮງເຢີ ເບິ່ງເຂົາງັດກ້າມ, ຍ່າງກັບມາບ່ອນຝາກລົດຈັກ ຝົນຕົກເລີ່ມແຮງ ທາງຍ່າງກໍ່ເປື້ອນໆບັດນີ້, ຂາກໍ່ເລີ່ມເມື່ອຍລະ

ໜັກຫິ້ວເຄື່ອງແມ່ນໜັກນຳແຮງເຢີ ສາມແກ້ວລວມ ສີ່ພັນກີບຫັ້ນ ຮາໆໆໆໆໆໆໆໆໆໆໆໆ

ມາຮອດເຮືອນກໍ່ໂສຫົວກັນເອົາແທ້ເອົາວ່າ: ແມ໋! ຊື້ເສື້ອໄໝເລລາຄາຫ້າສິບພັນມານຸ່ງເປັນຕາຫົວເອົາແທ້ເອົາວ່າ ໂຕໃຫຍ່ໂພດ ( ຊິໄດ້ໃຫ້ແມ່ຕັດແປງໃໝ່ລະ ) ອິອິ

ໄດອາດີ່ນີ້ຂໍຈົບລົງທໍ່ນີ້ກ່ອນແລ້ວ ອິອິອິ 

( ຂໍຂອບໃຈທ່ານຜູ້ອ່ານ ຢ່າຫົວຂວັນເດີ ຄົນບໍ່ລວຍ ເງິນເດືອນບໍ່ຫຼາຍ ກໍ່ແນວນີ້ລະ ອິອິ )

 

 

 

 ເລື່ອງເລົ່າ:

ຜົວເມຍຄູ່ໜຶ່ງອາໄສຢູ່ແຖວຊົນນະບົດ ບໍ່ເຄີຍມີໝໍມາປະສົມພັນທຽມງົວໃຫ້ຈັກເທື່ອ

 

ຕໍ່ມາ ໝໍຢູ່ໃນເມືອງຊິລົງມາປະສົມພັນທຽມງົວ

 

ຜົວໄດ້ກຽມເຄື່ອງໄປນາ ສ່ວນເມຍຢູ່ເຮືອນຜູ້ດຽວ

 

ຜົວກຽມເຄື່ອງຂອງ ແລະ ງົວໄວ້ໃຫ້ທ່ານໝໍລົງມາປະສົມພັນທຽມໃຫ້

 

ຜົວເພິ່ນໄດ້ມັດງົວແມ່ໄວ້ຂ້າງຮົ້ວ ແລະ ຕອກເຫຼັກກະປູໃສ່ຮົ້ວໄວ້

 

ເມຍຖາມວ່າ: ງົວຜູ້ຄືບໍ່ເອົາມາມັດໃສ່? ແລ້ວເຫຼັກກະປູນີ້ຕອກໄວ້ເຮັດຫຍັງ?

 

ຜົວຕອບວ່າ: ເຂົາບໍ່ໃຊ້ງົວຜູ້ດອກ.... ອັນເຫຼັກກະປູນັ້ນແມ່ນຕອກໄວ້ໃຫ້ທ່ານໝໍເກາະໂສ້ງ 

 

( ຜົວເພິ່ນເຂົ້າໃຈຜິດໜັກໃດຫັ້ນເນາະ ວ່າບໍ)

.........................ກາບກອນ: ຖານະລູກຊ່າງມາຕ່າງພໍ່ແມ່!.......................

 ...................................................................................ແຕ່ງໂດຍ: ພາສຸກ 

ບາງຄົນຕົນຕົວແຕ່ງໂກ້..................ໄວ້ອວດໂອ້ຄົນທັງຫຼາຍ

ມາເບິ່ງທາງຈິດໃຈ............................ພັດບໍ່ຫ່ອນດີປານໃດລົ້ນ

ເຮືອນພໍແຕ່ມີບ່ອນຊົ້ນ.....................ພໍ່ແມ່ຫາເຊົ້າກິນຄ່ຳ

ແຕ່ຕົວເອງຫັ້ນຕິຫຼ້າ.......................ຫາທ່ຽວຫຼິ້ນແຕ່ກິນເບຍ

 

ມາຄິດອີ່ຕົນພໍ່ແມ່ແລ້ວ...................ເຮັດວຽກໜັກແບກຫາບ

ເຄື່ອງນຸ່ງກໍ່ຍ່ອຍຂາດ.....................ບາດຫຼຽວມາເບິ່ງລູກເຮັດເລີດລົ້ນ

ມາຄິດເບິ່ງບ່ອນເງື່ອນສົ້ນ...............ເປັນຕາອີ່ຕົນຜູ້ລ້ຽງສົ່ງ

ມາເບິ່ງຜູ້ເປັນລູກແລ້ວ....................ແຕ່ງປານແກ້ວເຫຼື້ອມໃນວັງ

 

ສັງມາເປັນຕາຄິດແທ້......................ຄິດເມື່ອຍນຳຜູ້ເປັນພໍ່ແມ່

ຄິດພູມໃຈດີຫຼືບໍ່ແທ້........................ລູກພໍ່ແມ່ຈັ່ງຊັ້ນແລ້ວ

ຫັນມາເບິ່ງລູກແກ້ວ........................ທຳຕົວຕົນຕ່າງ

ວຽກບໍ່ແລທຳຕົວບໍ່ຫວ່າງ................ຫາເລາະນັ່ງແຕ່ຮ້ານເບຍ ແທ້ແລ້ວ

 

ຄິດໄປມາຊ່າງເສົ້າ.........................ບໍ່ຊ່າງເວົ້ານຳເຫດການ

ຖ້າລູກທຳຕົວພໍປະມານ.................ສ່ອງເຫັນໃຈພໍ່ແມ່ແລ້ວ

ພໍ່ແມ່ຄືຊິໃຈບໍ່ເປັນແປ້ວ.................ພູມໃຈໃນຕົວລູກ

ແຕ່ບາງພໍ່ແມ່ຫັ້ນທຸກ.....................ມາເບິ່ງລູກເຮັດໄຮໂຊປານຫຍັງ ແທ້ແລ້ວ ອີ່ຕົນເດ ວ່າບໍ່?

ລອງຂຽນໄປເບິ່ງຕາມຄວາມຄິດ ອິອິ

ບໍ່ໝັ້ນໃຈບໍ່ ວ່າຊິແມ່ນກາບກອນບໍ່ຫັ້ນນະ ເລີຍໃສ່ໝວດຕະລົກສາ ອິອິ 

 

ຕື່ນແຕ່ເຊົ້າ...............ຟ້າວຮີບເຂົ້າ............ເຝົ້າໜ້າຄອມ

ຈົນເດິກດື່ນ................ກໍ່ບໍ່ຍອມ..................ໄກອອກຫ່າງ

ບໍ່ເຮັດແນວຕ່າງ........ມີແຕ່ເຝົ້າ..................ເຂົ້າຫຼິ້ນເນັດ

ບໍ່ຍອມເບັດ...............ໄປທາງໃດ................ນອກຈາກຄອມ

ບໍ່ໄດ້ຍອມ.................ວ່າຊິເມື່ອຍ................ເໜື່ອຍຫົວໃຈ

ແຊັດເຂົ້າໄປ..............ເອົາເຕັມທີ່...............ເຮົາມື້ນີ້

ຢ່າໃຫ້ຫວ່າງ..............ຈະມານັ່ງ.................ບໍ່ໃຫ້ຫ່າງ

ຫັນໄປທາງໃດ..........ບໍ່ມີໃຜ......................ທຳທ່າເຊັງ

ຖ້າຫ່າງໄປໄກ...........ໂອຍຄິດຮອດ............ຢູ່ບໍ່ເປັນ

ຢ່າໃຫ້ເຫັນ................ເດີອິນເຕີເນັດ............ຊິອອນລາຍ ຢູ່ບໍ່ແລ້ວ ອິອິ

ທີ່ມາ: http://webboard.sanook.com/forum/?topic=3584827

 ທີ່ມາ: http://webboard.sanook.com/forum/?topic=3586781

 ທີ່ມາ: http://webboard.sanook.com/forum/?topic=3548303

 

ທີ່ມາ:  http://s10.flagcounter.com/countries.html

 

1. AD Andorra       2. AE   United Arab Emirates       3. AF   Afghanistan       4. AG   Antigua and Barbuda       5. AI   Anguilla       6. AL   Albania       7. AM   Armenia       8. AN   Netherlands Antilles       9. AO   Angola       10. AQ   Antarctica       11. AR   Argentina       12. AS   American Samoa       13. AT   Austria       14. AU   Australia       15. AW   Aruba       16. AX   Aland Islands 17. AZ Azerbaijan       18. BA   Bosnia and Herzegovina       19. BB   Barbados       20. BD   Bangladesh       21. BE   Belgium       22. BF   Burkina Faso       23. BG   Bulgaria       24. BH   Bahrain       25. BI   Burundi       26. BJ   Benin       27. BL   Saint Barthelemy       28. BM   Bermuda       29. BN   Brunei       30. BO   Bolivia       31. BR   Brazil       32. BS   The Bahamas       33. BT   Bhutan       34. BV   Bouvet Island       35. BW   Botswana       36. BY   Belarus       37. BZ   Belize       38. CA   Canada       39. CC   Cocos (Keeling) Islands       40. CD   Democratic Republic of the Congo       41. CF   Central African Republic       42. CG   Republic of the Congo       43. CH   Switzerland       44. CI   Ivory Coast       45. CK   Cook Islands       46. CL   Chile       47. CM   Cameroon       48. CN   China       49. CO   Colombia       50. CR   Costa Rica       51. CU   Cuba       52. CV   Cape Verde       53. CX   Christmas Island       54. CY   Cyprus       55. CZ   Czech Republic       56. DE   Germany       57. DJ   Djibouti       58. DK   Denmark       59. DM   Dominica       60. DO   Dominican Republic       61. DZ   Algeria       62. EC   Ecuador       63. EE   Estonia       64. EG   Egypt       65. EH   Western Sahara       66. ER   Eritrea       67. ES   Spain       68. ET   Ethiopia       69. FI   Finland       70. FJ   Fiji       71. FK   Falkland Islands       72. FM   Micronesia       73. FO   Faroe Islands       74. FR   France       75. GA   Gabon       76. GB   United Kingdom       77. GD   Grenada       78. GE   Georgia       79. GF   French Guiana 80. GG Guernsey       81. GH   Ghana       82. GI   Gibraltar       83. GL   Greenland       84. GM   The Gambia       85. GN   Guinea       86. GP   Guadeloupe 87. GQ Equatorial Guinea       88. GR   Greece       89. GS   South Georgia and South Sandwich Islands       90. GT   Guatemala       91. GU   Guam       92. GW   Guinea-Bissau       93. GY   Guyana       94. HK   Hong Kong       95. HM   Heard Island and McDonald Islands       96. HN   Honduras       97. HR   Croatia       98. HT   Haiti       99. HU   Hungary       100. ID   Indonesia       101. IE   Ireland       102. IL   Israel       103. IM   Isle of Man       104. IN   India       105. IO   British Indian Ocean Territory       106. IQ   Iraq       107. IR   Iran       108. IS   Iceland       109. IT   Italy       110. JE   Jersey       111. JM   Jamaica       112. JO   Jordan       113. JP   Japan       114. KE   Kenya       115. KG   Kyrgyzstan       116. KH   Cambodia       117. KI   Kiribati       118. KM   Comoros       119. KN   Saint Kitts and Nevis       120. KP   North Korea       121. KR   South Korea       122. KW   Kuwait       123. KY   Cayman Islands

124. KZ

Kazakhstan       125. LA   Laos       126. LB   Lebanon       127. LC   Saint Lucia       128. LI   Liechtenstein       129. LK   Sri Lanka       130. LR   Liberia       131. LS   Lesotho       132. LT   Lithuania       133. LU   Luxembourg       134. LV   Latvia       135. LY   Libya       136. MA   Morocco       137. MC   Monaco       138. MD   Moldova       139. ME   Montenegro       140. MF   Saint Martin 141. MG Madagascar       142. MH   Marshall Islands       143. MK   Macedonia       144. ML   Mali       145. MM   Burma       146. MN   Mongolia       147. MO   Macau       148. MP   Northern Mariana Islands       149. MQ   Martinique 150. MR Mauritania       151. MS   Montserrat       152. MT   Malta       153. MU   Mauritius       154. MV   Maldives       155. MW   Malawi       156. MX   Mexico       157. MY   Malaysia       158. MZ   Mozambique       159. NA   Namibia       160. NC   New Caledonia       161. NE   Niger       162. NF   Norfolk Island       163. NG   Nigeria       164. NI   Nicaragua       165. NL   Netherlands       166. NO   Norway       167. NP   Nepal       168. NR   Nauru       169. NU   Niue       170. NZ   New Zealand       171. OM   Oman       172. PA Panama       173. PE   Peru       174. PF   French Polynesia       175. PG   Papua New Guinea       176. PH   Philippines       177. PK   Pakistan       178. PL   Poland       179. PM   Saint Pierre and Miquelon       180. PN   Pitcairn Islands       181. PR   Puerto Rico       182. PS   Palesinian Territory       183. PT   Portugal       184. PW   Palau       185. PY   Paraguay       186. QA   Qatar       187. RE   Reunion 188. RO Romania       189. RS   Serbia       190. RU   Russian Federation       191. RW   Rwanda       192. SA   Saudi Arabia       193. SB   Solomon Islands       194. SC   Seychelles       195. SD   Sudan       196. SE   Sweden       197. SG   Singapore       198. SH   Saint Helena       199. SI   Slovenia       200. SJ   Svalbard       201. SK   Slovakia       202. SL   Sierra Leone       203. SM   San Marino       204. SN   Senegal       205. SO   Somalia       206. SR   Suriname       207. ST   Sao Tome and Principe       208. SV   El Salvador       209. SY   Syria       210. SZ   Swaziland       211. TC   Turks and Caicos Islands       212. TD   Chad       213. TF   French Southern and Antarctic Lands       214. TG   Togo       215. TH   Thailand       216. TJ   Tajikistan       217. TK   Tokelau       218. TL   Timor-Leste       219. TM   Turkmenistan       220. TN   Tunisia       221. TO   Tonga       222. TR   Turkey       223. TT   Trinidad and Tobago       224. TV   Tuvalu       225. TW   Taiwan       226. TZ   Tanzania       227. UA   Ukraine       228. UG   Uganda       229. UM   United States Minor Outlying Islands 230. US United States       231. UY   Uruguay       232. UZ   Uzbekistan       233. VA   Vatican City       234. VC   Saint Vincent and the Grenadines       235. VE   Venezuela       236. VG   British Virgin Islands       237. VI   Virgin Islands       238. VN   Vietnam       239. VU   Vanuatu       240. WF   Wallis and Futuna       241. WS   Samoa       242. YE   Yemen       243. YT   Mayotte       244. ZA   South Africa       245. ZM   Zambia       246. ZW   Zimbabwe

 ທີ່ມາ: http://webboard.sanook.com/forum/?topic=3582234

..............................ກາບກອນ: ຊີວິດຕ້ອງເດີນໜ້າ.................................. ແຕ່ງໂດຍ: ພາສຸກ (^.^)

 

 ອັນວ່າ ຄວາມຮັກນີ້..................ຄວາມຮັກມີຫຼາຍແບບ

ມີທັງເຈັບແສບໃຈ.....................ກິ່ນຫອມຫວານກໍ່ຫຼາຍຫຼົ້ນ

ຄົນເຮົາໜີບໍ່ພົ້ນ........................ຄວາມຮັກເກີດກໍ່

ຍາມຮັກເກີດແລ້ວ....................ຕ້ອງມີແປ້ວບໍ່ຫວານກໍ່ແສບ!

ດັ່ງຊີວິດເຊັ່ນນີ້..........................ມີສຸກ ມີທຸກໂສກ

ຍາມຊີວິດໂໝກມົວ...................ຢ່າຖອຍຕົວຄິດສັ້ນ

ພະຍາຍາມອົດກັ້ນ....................ເວລາຈະຊ່ວຍເສີມກໍ່

ພະຍາຍາມຕໍ່ຕັ້ງ.......................ຫາຫວັງໃໝ່ດີກວ່ານັ້ນ ເຖີດນ໋າ!

ອັນວ່າ ເລື່ອງອາດີດນັ້ນ............ຂໍໃຫ້ກັບກາຍເປັນບົດຮຽນ

ໃຫ້ເຮົາພາກພຽນ....................ຈົ່ງຢູ່ເພື່ອປັດຈຸບັນນີ້

ອາດີດຜ່ານມາແຕ່ກີ້................ເຈັບຊ້ຳໃຫ້ອົດກ່ອນ

ຕັ້ງຄວາມຫວັງໄປຕໍ່ທ້ອນ.........ຢູ່ຍ້ອນມີຄວາມຫວັງ ແທ້ແລ້ວ!

ຄວາມພະຍາຍາມບຸກໝັ້ນ........ບໍ່ນານວັນກໍ່ເຫັນຜົນ

ໃຫ້ອົດທົນບືນໄປ....................ບໍ່ນານໄກຊິເຫັນທາງແຈ້ງ

ໃນຫົນທາງມີແກ້ງ...................ມີຫີນມີຕາດ

ອົດກັ້ນບືນບາດກ້າວ................ໄປທ້ອນຜົນສຳເລັດຍັງລໍຢູ່ ແທ້ນ໋າ 

 

 ທີ່ມາ: http://webboard.sanook.com/forum/?topic=3579906

 ທີ່ມາ: http://webboard.sanook.com/forum/?topic=3580950

 ທີ່ມາ: http://webboard.sanook.com/forum/?topic=3568406

 ທີ່ມາ:

http://webboard.sanook.com/forum/?topic=3577573

 ທີ່ມາ:

http://webboard.sanook.com/forum/?topic=3577538

 ທີ່ມາ: http://webboard.sanook.com/forum/?topic=3573548

 ທີ່ມາ: http://www.aneki.com/populated.html

 

 ທີ່ມາ: 

http://geography.about.com/od/countryinformation/a/bigcountries.htm

 

 ທີ່ມາ:

http://webboard.sanook.com/forum/?topic=3570128

 ທີ່ມາ:

http://webboard.sanook.com/forum/index.php?topic=3570749

 ທີ່ມາ:

http://webboard.sanook.com/forum/?topic=3569484

 ທີ່ມາ:

http://webboard.sanook.com/forum/?topic=3562258

 ທີ່ມາ 

http://webboard.sanook.com/forum/?topic=3565803

ທີ່ມາ:

http://webboard.sanook.com/forum/index.php?topic=3552002













 

ທີ່ມາ

http://webboard.sanook.com/forum/?topic=3551400

 

ຜູ້ອອກແບບຊຶ່: Erik de Nijis ຈາກ Nieu Weheren

 

 

ທີ່ມາ:

http://webboard.sanook.com/forum/?topic=3541173





































































 

ທີ່ມາ: http://webboard.sanook.com/forum/index.php?topic=3542047

 

ທີ່ ແຄນໂດແວນ ປະເທດອີ່ຫຼານ