ອິດສາ ເຈົ້າ ມີຄົນຮັກ ອິດສາເຈົ້າທີ່ງາມ ອິດສາທີ່ເຈົ້າລວຍ ອິດສາທີ່ເຈົ້າເກັ່ງ ແລະອິດສາທີ່ບໍ່ເປັນເຮົາ

 ເຊື່ອເຫຼືອເກີນວ່າ ບໍ່ມີໃຜບໍ່ຮູ້ຈັກຄົນຂີ້ອິດສາ ເພາະຄົນປະເພດນີ້ ມີຢູ່ມາກມາຍມະຫາສານ

ໃນສັງຄົມອໍລະເວງທີ່ພວກເຮົາອາໄສຢູ່ທີ່ສຳຄັນ ການອິດສາເປັນຄວາມຮູ້ສືກທີ່ພຸ່ງຂື້ນມາເໜືອຈິດໃຈ

ຍາກທີ່ເຫດແລະຜົນໃນສະໝອງຂອງພວກເຮົາ ຈະຫ້າມມັນໄວ້ໄດ້ທັນ ຫຼາຍເທື່ອທີ່ໄດ້ຍິນວ່າ

ຖ້າມະນຖດເຮົາອິດສາກັນທຳມະດາຄືຊິບໍ່ມີບັນຫາຫຍັງ ແຕ່ຖ້າຕື່ມຄຳວ່າ “ລິດສະຫຍາ“ ເຂົ້າໄປນຳແລ້ວກໍ່...ບໍ່ແນ່

ເພາະລິດສະຫຍາຈະນຳຄວາມກຽດ ຊັງ ແລະ ຄຽດແຄ້ນຂອງມັນຢູ່ໃນທີ່

ແຕ່ບໍ່ວ່າເຈົ້າເຄີຍອິດສາລິດສະຫຍາຫຼືບໍ່ ຫຼືພຽງອິດສາເສີຍໆຖ້າເປັນນ້ອຍໆບໍ່ເປັນຫຍັງ

ສະແດງວ່າຍັງເປັນຄົນປົກກະຕິແຕ່ຖ້າບໍ່ເປັນເລີຍຈະດີກວ່າແລະຖືວ່າເປັນເລື່ອງທີ່ດີຫຼາຍ

ວ່າກັນວ່າ ເມື່ອໃດ ຮູ້ສືກວ່າ ຂ້ອຍອິດສາໄດ້ອິດສາດີ ອິດສາໃຜຕໍ່ໃຜໄດ້ທັ້ງວັນ...ຮູ້ບໍ່ວ່າ

ເລີ່ມເຂົ້າຄ່າຍຕ້ອງໄປກວດສຸຂະພາບຈິດກັນແລ້ວ

ເພາະຫຍັງນັ້ນ ກໍ່ເພາະຄົນຂີ້ອິດສາ ຖືເປັນຄົນທີ່ສ້າງຄວາມທຸກໃຫ້ກັບຕົວເອງ

ຄົນເຫຼົ່ານີ້ມັກເອົາຕົວເອງໄປປຽບທຽບກັບຄົນອື່ນເລື້ອຍໆ ພໍເອົາໄປປຽບທຽບແລ້ວແທນທີ່ຈະສະບາຍໃຈ ບໍ່ເລີຍ

ກັບຮູ້ສືກນ້ອຍເນື້ອຕ່ຳໃຈໃນສະຕາ ແລະວາດສະໜາຕົວເອງຫຼາຍຂື້ນ... ບຸກຄົນແບບນີ້ຈັ່ງແມ່ນໜ້າສົງສານພຶດຕິກຳທີ່ສະແດງອອກ

ກໍ່ເລີຍເປັນໄປໃນທິດທາງລົບແລະຊິງຊັງຜູ້ອື່ນເຊັ່ນ

ມັກຕິນິນທາ, ຕິຕຽນຄົນອື່ນຊ້ຳຊາກ,ເວົ້າເຖິງແຕ່ຄົນອື່ນໃນທາງບໍ່ດີ ບໍ່ເບີ່ງຄວາມຈິງຂອງຊີວິດວ່າ

ຄົນເຮົາມີທັງດີແລະເສຍ ມີທັງນ້ຳເນົ່າແລະນ້ຳດີ ມີທັງບຸນແລະກຳເຮັດໃຫ້ກາຍເປັນຄົນບໍ່ມີຄວາມສຸກກັບຊີວິດ ວ່າແລ້ວ

ໃຜທີ່ກຳລັງເປັນຫຼືເປັນແລ້ວ ຂໍໃຫ້ຫັກຫ້າມຄວາມອິດສາເອົາໄວ້ ຢ່າໃຫ້ມັນເປີດເຜີຍວ່າ ເຈົ້າເປັນຄົນຂີ້ອິດສາໃຫ້ຄົນອື່ນເຫັນ

ເພາະຈະທຳລາຍຕົວເຈົ້າເອງແລະທຳລາຍຜູ້ອື່ນນຳ

ສ່ວນຖ້າເຮົາ ໄດ້ໄປຢູ່ໃກ້ ຄົນຂີ້ອິດສາຂື້ນມານຳຄວາມຈຳຍອມ ຫຼືຫຍັງກໍ່ແລ້ວແຕ່ຮູ້ບໍ່ວ່າ

ເຈົ້າສາມາດຊ່ວຍຄົນເຫຼົ່ານີ້ໄດ້ ດ້ວຍການ....

ບອກໃຫ້ເຂົາເບີ່ງຕົວເອງໃນແງ່ບວກຫຼາຍຂື້ນ ຕ້ອງຝືກເບີ່ງໃຫ້ອອກວ່າ ຄວາມທຸກກໍ່ດີ ຄວາມສຸກກໍ່ດີ

ທີ່ແຕ່ລະຄົນໄດ້ຮັບນັ້ນ ລ້ວນເປັນຜົນມາຈາກການກະທຳຂອງຜູ້ນັ້ນທັງໝົດ ເຂົາໄດ້ດີກໍ່ເພາະເຂົາເຄີຍເຮັດດີ

ເຂົາໄດ້ບໍ່ດີກໍ່ເພາະເຂົາເຮັດບໍ່ດີເຊັ່ນກັນ ແຕ່ລະຄົນກໍ່ລົງທືນລົງແຮງມາທັງນັ້ນ ເຮົາເອງກໍ່ເຊັ່ນກັນ ຖ້າເຮັດດີກໍ່ໄດ້ດີ

ເຮັດຊົ່ວກໍ່ໄດ້ຊົ່ວ ມັນເປັນກົດແຫ່ງກຳທຳມະດາ ບໍ່ມີໃຜໄດ້ດີຫຼືຊົ່ວເກີນກວ່າທີ່ຕົວເອງໄດ້ເຮັດໄວ້ດ໋ອກ ທຸກຄົນລ້ວນ “ສົມຄວນ“

ໄດ້ຮັບໃນສີ່ງທີ່ຕົວເອງໄດ້ກະທຳໄວ້ທັງນັ້ນ

ເບີ່ງຫາຂໍ້ດີ-ຂໍ້ເດັ່ນໃນຕົວເອງໃຫ້ພົບ ການທີ່ເຮົາເປັນຄົນຂີ້ອິດສາ

ສະແດງວ່າເຈົ້າເປັນຄົນມັກເອົາຕົວເຈົ້າເອງໄປປຽບທຽບກັບຄົນອື່ນ ຫຼືເປັນຄົນທີ່ບໍ່ພໍໃຈກັບສີ່ງທີ່ເຈົ້າເປັນຢູ່

ຕ້ອງຄົ້ນຫາສາເຫດທີ່ຕົວເຈົ້າ ເຈົ້າມີປົມຫຍັງຢູ່ບໍ່ ເຊີ່ງແທ້ຈິງແລ້ວຕ້ອງແກ້ທີ່ຈິດໃຈຂອງເຈົ້າເອງ

ຖ້າເຈົ້າຄົ້ນພົບຂໍ້ດີໃນຕົວເອງແລະພັດທະນາຂໍ້ດີໃນຕົວເຈົ້ານັ້ນໃຫ້ດີຍີ່ງຂື້ນໄປ ໂດຍເຮົາບໍ່ຕ້ອງໄປປຽບທຽບກັບຄົນອື່ນ

ການອິດສາຈະບໍ່ເກີດຂື້ນໄດ້ເລີຍ ນັ້ນຄື ການຍອມຮັບໃນສີ່ງທີ່ເຈົ້າເປັນ ອ່ານເບີ່ງແລ້ວຄືງ່າຍແຕ່ອາດເຮັດຍາກ ຕ້ອງຄ່ອຍໆຝືກ ຢ່າງເຊັ່ນ

ເຫັນຄົນອື່ນລວຍ ແລ້ວເຮົາໄປອິດສາເຂົາ ເຮົາຕ້ອງຄົ້ນລົງໄປວ່າທີ່ເຂົາລວຍ ເຂົາ ລວຍເພາະຫຍັງ ເຂົາມັ່ນທຳມາຫາກິນ

ຫຼືໂກງກິນບ້ານກິນເມືອງ ເຈົ້າບໍ່ຄວນຈະອິດສາຄົນແບບນັ້ນເລີຍ ຄືນຳຄວາມອິດສານັ້ນມາພັດທະນາຕົວເຮົາເປັນສີ່ງທີ່ດີ

ເຫັນຄົນອື່ນເຂົາງາມກວ່າເຮົາ ຮູບຮ່າງສູງກວ່າດີກວ່າເຮົາ ເພາະຫຍັງທີ່ເຂົາເປັນດາລາ ເພາະເຂົາກິນແລ້ວອອກກຳລັງກາຍ

ເຂົາຍອມອົດເພື່ອໃຫ້ຫຸ່ນດີ ເຮົາກໍ່ເຮັດແບບເຂົາແດ່

ແນະນຳໃຫ້ມີຄວາມເມດຕາຕໍ່ຄົນຮອບຂ້າງຫຼາຍຂື້ນ ສ່ວນໃຫ່ຍຜູ້ທີ່ເກີດໂລກອິດສາລິດສະຫຍານັ້ນ

ມັກຢູ່ໃຕ້ມາດຕະຖານ 2 ປະກາານຄື ຫຼືໄດ້ໃນສີ່ງທີ່ຕົນເອງຄິດວ່າໜ້າຈະຕ້ອງໄດ້ຫຼາຍກວ່າຜູ້ອື່ນ ເຊັ່ນຄິດວ່າ

ຕົວເອງເຮັດວຽກເກັ່ງ ສະຫຼາດ ໜ້າຈະຕ້ອງໄດ້ຮັບຕຳແນ່ງທີ່ຄາດຫວັງ ແຕ່ກັບບໍ່ໄດ້

ລອງຄິດທົບທວນເບີ່ງວ່າການທີ່ຄົນອື່ນໄດ້ຕຳແນ່ງທີ່ດີກວ່າໄດ້ເງີນເດືອນຫຼາຍກວ່າ ເປັນເພາະຫຍັງ ເປັນເພາະວ່າປະຈົບເຈົ້ານາຍ

ເສແສ້ງເຮັດຫຼືວ່າຄວາມຈິງແລ້ວເຮັດວຽກດີ ໜັ່ນ ອົດທົນ ເຈົ້ານາຍຮັກ

ຖ້າເປັນແບບນັ້ນເບີ່ງກັບມາທີ່ຕົວເຮົາເອງເລີຍວ່າເຮົາຄວນປັບປຸງແນວໃດແດ່ ປະການທຳອິດເກີດຈາກ ຄວາມນ້ອຍເນື້ອຕ່ຳໃຈ

ຄິດວ່າຕົວເອງດ້ອຍກວ່າຜູ້ອື່ນ ເຊັ່ນ ທຸກກວ່າ ງາມໜ້ອຍກວ່າ ເກັ່ງໜ້ອຍກວ່າ ປະການທີ່ສອງ ເກີດຈາກການຄິດວ່າຕົວເອງດີກວ່າຄົນອື່ນ

ແຕ່ບໍ່ໄດ້ຮັບການຍອມຮັບ

ຄວາມດຸໜັ່ນແລະຄວາມອົດທົນຈະເຮັດໃຫ້ເຮົາປະສົບຄວາມສຳເລັດໄດ້ເອງໄດ້ດີເພາະຕົວເຮົາເອງຫຼືວ່າ

ຢາກໄດ້ດີເພາະການເສແສ້ງ ສີ່ງໃດທີ່ຢັ້ງຢືນແລະຍາວນານກວ່າກັນ ຄວາມດີທີ່ເຮົາເຮັດໃຜອາດຈະບໍ່ຮູ້ແຕ່ຕົວເຮົາຮູ້

ໃຫ້ເຮັດດີຕໍ່ໄປແລ້ວຈະເກີດຜົນດີຕອບ ໜັ່ນພຽນ ແລະອົດທົນທຸກຢ່າງກໍ່ຜ່ານພົ້ນໄປດ້ວຍດີ

ເຊື່ອໄດ້ວ່າຖ້າເຮົາສາມາດເຮັດໄດ້ດັ່ງຄຳທີ່ກ່າວມາການໃຊ້ຊີວິດປະຈຳວັນກໍ່ຈະມີ ຄວາມສກ ຄວາມສົມຫວັງ ຕະຫຼອດໄປ

ດັ່ງນັ້ນ ຢາທີ່ຈະແກ້ໂລກນີ້ໄດ້ ຕ້ອງໃຊ້ສູດທີ່ຊື່ວ່າ “ຄວາມເມດຕາ“ ຄື

ຮູ້ຈັກຮັກຕົວເອງແລະຜູ້ອື່ນໃຫ້ເປັນມີຄວາມປາຖະໜາດີຕໍ່ຕົນເອງແລະຜູ້ອື່ນ ບໍ່ວ່າຈະເປັນຄົນໃນຄອບຄົວ

ທີ່ບ່ອນເຮັດວຽກຫຼືແມ້ແຕ່ກັບສັດຕູ

ວິທີໃຊ້ເມື່ອຕື່ນນອນທຸກເຊົ້າໃຫ້ເຫຍັ້ນ “ຄວາມເມດຕາ“ ອອກມາຈາກໃຈ ຈັກ 2-3 ບ່ວງແລ້ວກິນກ່ອນອາຫານເຊົ້າ

ຈະໃຫ້ເຮົາເບີ່ງໂລກດ້ວຍຄວາມສົດຊື່ນ ບໍ່ໄປຄອຍຈັບຜິດຜູ້ອື່ນໃຫ້ເກີດຄວາມຂຸ່ນຂ້ອງໝອງໃຈຕໍ່ກັນ ເຮັດ ຫຍັງກັບໃຜ

ກໍ່ຈະເຮັດດ້ວຍຄວາມຮັກ ເພາະຄວາມເມດຕາຈະເປັນຄືນ້ຳທີ່ຊ່ວຍດັບທາດໄຟ

ອັນຮ້ອນຮຸ່ມກຸ້ມໃຈໃຫ້ລົດນ້ອຍແລະຖ້າຈະໃຫ້ດີໄວຂື້ນ ອາດຈະເພີ່ມຕອນສວາຍ ແລງ ແລະກ່ອນນອນ ອີກເທື່ອລະ 1 ບ່ວງ

ພ້ອມຝືກລົມຫາຍໃຈ ໂດຍການຫາຍໃຈເຂົ້າກໍ່ “ໃຫ້ເຈົ້າ“ ຫາຍໃຈອອກກໍ່ “ໃຫ້ເຈົ້າ“ ຄືໃຫ້ເຫັນແກ່ຕົວໃຫ້ນ້ອຍລົງ

ແລະເຫັນແກ່ຄົນອື່ນໃຫ້ຫຼາຍຂື້ນ ບໍ່ດົນໂລກອິດສາລິດສະຫຍາກໍ່ຈະລົດນ້ອຍຖອຍລົງໄປ ຖ້າກິນເປັນປະຈຳ ສະໝ່ຳສະເໝີ

ກໍ່ຈະເຮັດໃຫ້ໜ້າຕາຍິ້ມແຍ້ມແຈ່ມໃສ ມີສະເນ່ໃຫ້ຄົນອື່ນຮັກ ແລະຍອມຮັບເຮົາຫຼາຍຂື້ນ

ເຮັດໃຫ້ເຮົາຮູ້ສືກມີຄ່າ ບໍ່ດ້ອຍໄປກວ່າໃຜ ແລະນຳມາເຊີ່ງສີ່ງທີ່ເຮົາປາຖະໜາໄດ້ໃນທີ່ສຸດ