ສັກກະຍະພາບກັບສະຖານະພາບເປັນຂອງຄູ່ກັນ ຖ້າສັກກະຍະພາບຕ່ຳ ແຕ່ນຳຕົວເອງໄປສູ່ສະຖານະພາບທີ່ສູງ ນັ້ນຸືເປັນການຄ່ອຍໆຂ້າຕົວເອງຄາຍເທື່ອລະນ້ອຍໆ ຫາກບໍ່ຮີບພັດທະນາສັກກະຍະພາບໃຫ້ສູງເທົ່າທຽມກັບສະຖານະພາບ ຈະເມື່ອຍຈົນທົນບໍ່ໄຫວ ເພາະແບກໜັກເກີນກຳລັງ ຕ້ອງຍອມກ້າວລົງມາຈາກສະຖານະພາບນັ້ນໆໃນທີ່ສຸດ ໃນທາງກັບກັນຫາກສັກກະຍະພາບສູງ ແຕ່ສະຖານະພາບຕ່ຳ ລໍຖ້າບໍ່ດົນ ໃນທີ່ສຸດສະຖານະພາບກໍ່ຕ້ອງສູງຕາມ.
ຂ້າພະເຈົ້າຮູ້ຈັກຂ້າຣາຊະການທ່ານໜຶ່ງ ເຄີຍຢູ່ໃນຕຳແໜ່ງສູງ ແຕ່ເກີດເຫດໃຫ້ຕ້ອງຖືກຍ້າຍໄປຢູ່ຕຳແໜ່ງນ້ອຍລົງໄປເລື້ອຍໆ ແຕ່ທ່ານບໍ່ໄດ້ຫຍໍ້ທໍ້ ຍົງຄົງສະຫງົບນິ້ງ ຕັ້ງໜ້າຕັ້ງຕາ ເກັບກ່ຽວປະສົບການ ພັດທະນາສັກກະຍະພາບຂອງຕົນ ຂື້ນໄປເລື້ອຍໆ ເມື່ອມີລົງຕ້ອງມີຂື້ນ ພາຍໃນບໍ່ເຖິງສອງປີ ຈາກຕຳແໜ່ງນ້ອຍທີ່ສຸດ ດຽວນີ້ຂື້ນໄປເຖິງລະດັບຊາດແລ້ວ ເພາະວ່າສັກກະຍະພາບທີ່ພັດທະນາໄວ້ນັ້ນ ຫຼາຍເກີນກວ່າຕຳແໜ່ງນ້ອຍໆຈະຮັບໄດ້ ໃນທີ່ສຸດກົດທຳມະຊາດກໍ່ຈັດສັນໃຫ້ໄປຢູ່ໃນທີ່ທີ່ຄູ່ຄວນ
ສັກກະຍະພາບເຫຼົ່ານີ້ຖ້າພັດທະນະໃຫ້ຍິ່ງໃຫຍ່ແລ້ວ ໃນທີ່ສຸດສະຖານະພາບຕ້ອງໃຫຍ່ຕາມ ເໝືອນຕົ້ນໄມ້ໃຫຍ່ ຈະນຳໄປປູກໃນກະຖັງນ້ອຍໆ ຄົງເປັນໄປບໍ່ໄດ້ ຕ້ອງປູກໃນກະຖັງໃຫຍ່ ຫຼືໃນທີ່ກວ້າງຈິ່ງຈະເໝາະສົມ.