ພວກເຮົາຜູ້ມີພາລະແບກຫາບຄອບຄົວ ຈຳເປັນຕ້ອງອອກເຮືອນອອກບ້ານແຕ່ເຊົ້າໆ ກັບມາກໍຕອນແລງ ເກືອບຄ່ຳແລ້ວ ແລະ ຄົງປະຕິເສດ ບໍ່ໄດ້ວ່າ ຊີວິດທີ່ຝາກໄວ້ນຳຮ້ານຂອງກິນສຸກ ຫຼື ຮ້ານເຝີ ຮ້ານອາຫານນັ້ນ ເຮົາຕ້ອງກິນໄຂມັນຫຼາຍກວ່າຄວາມຕ້ອງການຂອງ ຮ່າງກາຍ ອາດເຮັດໃຫ້ຕຸ້ຍພີຂຶ້ນ ແລະ ກໍອາດຈະເຮັດໃຫ້ເປັນພະຍາດກ່ຽວກັບຫົວໃຈ ຫຼື ຄວາມດັນ ຕາມມາກໍອາດເປັນໄດ້ ຖ້າໃນກໍລະນີຊ່າງເລືອກ ຊ່າງກິນ ບໍ່ຟັງຄວາມຢາກ ກໍຈະພໍຜ່ານໄປໄດ້ສ່ວນໃດສ່ວນໜຶ່ງ.

ການກິນໄຂມັນກໍບໍ່ໝາຍຄວາມວ່າບໍ່ດີສະເໝີໄປ ຖ້າການກິນໄຂມັນແຕ່ພໍດີ ຄືກິນໜ້ອຍໆກໍຈະເຮັດໃຫ້ແຊນສະໝອງ ແຊນກ້າມເນື້ອ ແຊນປະສາດ ເຮັດວຽກໄດ້ຢ່າງມີປະສິດທິພາບ ແລະ ສິ່ງສຳຄັນທີ່ສຸດ ຄືຕ້ອງກິນໄຂມັນ ແຕ່ພໍເໝາະສົມ ເພາະວ່າ ວິຕາມີ A D E K ໃນອຫານຈະບໍ່ເກີດປະໂຫຍດເລີຍ ຖ້າບໍ່ກິນໄຂມັນ ເພື່ອເຂົາໄປລະລາຍວິຕາມິນເຫຼົ່ານັ້ນ ແຕ່ຢ່າລືມວ່າ ຖ້າກິນໄຂມັນຫຼາຍເກີນໄປ ຫຼື ກິນປະຈຳ ໂດຍສະເພາະຈາກການຊື້ອາຫານສຸກແລ້ວທີ່ຂາຍຕາມຮ້ານທົ່ວໄປ ແມ່ນແຕ່ເຝີ ໝີ່ ຖ້າກິນຫຼາຍກໍຈະສ່ຽງຕໍ່ການເປັນພະຍາດຕຸ້ຍ ໄຂມັນໃນເສັ້ນເລືອດອັດຕັນ ເບົາຫວານ ຫົວໃຈຂາດເລືອດ ແລະ ພະຍາດອື່ນໆກໍຈະແຫ່ຕາມມາຢ່າງບໍ່ຕ້ອງສົງໃສ.

ຄວາມຈິງແລ້ວ ການເລືອກກິນອາຫານເປັນສິ່ງສຳຄັນທີ່ສຸດ ເຊັ່ນກັນບໍ່ແມ່ນຈະຟັງຄວາມ ຕາ ຟັງຄວາມປາກ ຊຶ່ງເຫັນອັນໃດກໍເປັນຕາແຊບ ເປັນຕານົວ ຢາກກິນໄປໝົດ ອັນແນ່ນອນໃນການເລືອກນັ້ນ ຄວນເລືອກກິນອາຫານທີ່ມີການປຸງແຕ່ງໃສ່ນ້ຳມັນນ້ອຍ ຫຼື ບໍ່ໃສ່ເລີຍ ເຊັ່ນ: ປີ້ງ ໜື້ງ ລວກ ຕົ້ມ ອົບ ອາຫານຈຳພວກຈືນ ຂົ້ວ ໝີ່ກະທິ ຊຶ່ງມີນ້ຳປຸງແຕ່ງຮາດໜ້ານັ້ນ ມັກຈະມີໄຂມັນຫຼາຍເກີນຄວາມຈຳເປັນຂອງຮ່າງກາຍ ໂດຍສະເພາະອາຫານປະເພດຈືນ ຫຼື ທອດ ຊຶ່ງເຮັດໃຫ້ນ້ຳມັນຊຸ່ມ ຫຼື ບາງທີພໍ່ຄ້າຫົວໃສອາດເອົານ້ຳມັນເກົ່າໆ ມາຈືນ ຍິ່ງໄປກັນໃຫຍ່ ນຳຄວາມເປັນອັນຕະລາຍມາສູ່ສຸຂະພາບອີກ.

ເວລາອາຫານຄ່ຳ ສຳຄັນຄວນເຮັດການປຸງແຕ່ງອາຫານເອົາເອງກໍຈະເປັນການດີ ແລະ ຄວນເຮັດອາຫານປະເພດບໍ່ໃສ່ນ້ຳມັນເລີຍຍິ່ງດີ ເພາະເຮົາກິນໃນຕອນສວຍຜ່ານມາແລ້ວ ດັ່ງນັ້ນ ຄວນຈະເປັນເນັ້ນເອາະ ແກງ ປົ່ນ ແຈວ ທຳມະດາ ເປັນຫານພື້ນເມືອງ ອາຫານຕອນແລງ ຄວນຈະເປັນເບົາໆ ບໍ່ຕ້ອງການພະລັງງານຫຼາຍ ຄວນເປັນຜັກ ໝາກໄມ້ ເພາະກິນແລ້ວກໍຈະເຂົ້ານອນ ການກິນຂອງໜັກໆ ນອກຈາກຈະເຮັດ ໃຫ້ອ້ວນພີແລ້ວ ຍັງອາດຈະເຮັດໃຫ້ນອນບໍ່ຫຼັບສະໜິນອີກກໍອາດເປັນໄດ້.

ຄອບຄົວຫຼາຍໆ ທ່ານ ທີ່ມີສະມາຊິກໃນຄອບຄົວ ມັກອອກໄປສະຜົມຕາມຮ້ານເສີມສວຍ ຫຼື ກໍ່ນອນໃຫ້ລູກຫຼານສະໃຫ້ຢູ່ເຮືອນ ໂດຍສະເພາະ ແມ່ເຮືອນ ຫຼື ລູກສາວ ມັກຈະຄຸ້ນກັບເລື່ອງແບບນີ້ດີ ແຕ່ຈະມີຈັກຄົນທີ່ຈະຮູ້ວ່າ ການນອນຫງາຍແຫງຄໍເທິງຕຽງສະຜົມເລື້ອຍໆ ອາດເຮັດ ໃຫ້ເກີດພາວະການກົດທັບຂອງເສັ້ນປະສາດໄຂສັນຫຼັງສ່ວນຄໍ ຊຶ່ງເປັນສາເຫດໃຫ້ເກີດອາການປວດຄໍລົງຫາແຂນ ຫຼື ແຂນມືນຊາໄດ້

ອາການດັ່ງກ່າວ, ທ່ານໝໍຜູ້ຊ່ຽວຊານ ອະທິບາຍໃຫ້ຮູ້ວ່າ: ກະດູກສັນຫຼັງຂອງຄໍປົກກະຕິ ຈະມີຊ່ອງດ້ານຂ້າງສອງຂ້າງ ຊຶ່ງເປັນທາງອອກ ຂອງເສັ້ນປະສາດໄປຫາສັນຫຼັງ ໂດຍເສັ້ນປະສາດເຫຼົ່ານີ້ ເມື່ອຮວມກັນເປັນເສັ້ນປະສາດໃຫຍ່ ຈະໄປລ້ຽງກ້າມເນື້ອບໍລິເວນແຂນ ແລະມື ລວມທັງຮັບຄວາມຮູ້ສຶກໃນບໍລິເວນດັ່ງກ່າວ ຊຶ່ງຊ່ອງທີ່ວ່ານັ້ນ ຈະມີຮູບຮ່າງກົມ ຫຼື ເປັນຮູບໄຂ່ ແລະຊ່ອງຈະແຄບລົງໜ້ອຍໜື່ງ ເມື່ອເຮົາ ແຫງນຄໍ

ສຳລັບບາງຄົນ ເມື່ອມີແກ່ໂຕຂື້ນ ຫຼື ມີພາວະຄວາມເສື່ອມຂອງກະດູກສັນຫຼັງຢູ່ຄໍ ຫຼືໝອນຮອງກະດູກຄໍ ຈະເຮັດໃຫ້ກະດູກ ຫຼືໝອນຮອງກະດູກ ຍື່ນໄປໃນຊ່ອງດັ່ງກ່າວ ມີຜົນເຮັດໃຫ້ຊ່ອງແຄບລົງໄດ້ງ່າຍ ເມື່ອແຫງນຄໍ ແລະຈະແຄບຍິ່ງຂື້ນ ສົ່ງຜົນໃຫ້ກະດູກ ຫຼືໝອນຮອງກະດູກທີ່ເດ່ ອອກມາ ມີໂອກາດໄປກົດທັບ ແລະບຽດກັບເສັ້ນປະສາດໄຂສັນຫຼັງໄດ້ ເຮັດໃຫ້ຄົນໆ ນັ້ນ ເກີດອາການປວດມືນຊາ ຕາມແນວເສັ້ນປະສາດ ນັ້ນເອງ

ດັ່ງນັ້ນ, ທ່ານຍິງ ບໍ່ວ່າຈະເປັນແມ່ບ້ານ ຫຼື ຜູ້ສາວ ທີ່ມັກໄປສະຜົມຢູ່ຕາມຮ້ານເສີມສວຍ ຊຶ່ງທ່ານອນສະທີ່ຕ້ອງແຫງນຄໍຢູ່ເທິງຕຽງສະ ຕຽງສະຜົມ ເປັນເວລາດົນ ອາດເຮັດໃຫ້ຊ່ອງທີ່ເສັ້ນປະສາດແຄບລົງໄດ້ ຫຼື ໃນບາງຄົນອາດຈະມີການກົດທັບເສັ້ນປະສາດເກີດຂື້ນໄດ້ ໂດຍ ອາການຈະແປໄປຕາມຄວາມນອນຂອງການສະຜົມ ເຮັດໃຫ້ບາງຄັ້ງເສັ້ນປະສາດໄຂສັນຫຼັງສ່ວນຄໍໄດ້ຮັບອາການເຈັບປວດຢ່າງຖາວອນ ຈົນເກີດອາການຂອງການກົດທັບເສັ້ນປະສາດເກີດຂື້ນ ຢ່າງໃດກໍ່ຕາມ ກໍ່ຄວນລະວັງ ເພາະມີການສຶກສາ ແລະ ຮຽກອາການໃນກຸ່ມນີ້ວ່າ: 'Salon sink syndrome'

ຜູ້ທີ່ມີຄວາມສ່ຽງ ຄື: ຜູ້ຍິງທີ່ມັກໄປສະຜົມຢູ່ຕາມຮ້ານເສີມສວຍເລື້ອຍໆ  ສ່ວນຄົນທີມີອາຍຸຫຼາຍ ກໍ່ອາດມີຄວາມສ່ຽງຫຼາຍກວ່າຜູ້ທີ່ມີອາຍຸນ້ອຍ ເນື່ອງຈາກມີພາວະກະດູກຄໍເສື່ອມ ຫຼື ໝອນຮອງກະດູກຄໍເສື່ອມຢູ່ແລ້ວ ທັງນີ້ ລວມທັງຄົນທີ່ເຄີຍມີປະຫວັດຂອງການເຈັບຄໍ ເພາະຈະມີ ຄວາມສ່ຽງຄືກັນ ຄົນທີ່ເຄີຍມີໝອນຮອງກະດູກຄໍເຄື່ອນ ຫຼື ກະດູກງອກໃນບໍລິເວັນນັ້ນຢູ່ແລ້ວ.

ດັ່ງນັ້ນ ການປ້ອງກັນທີ່ດີ ທ່ານໝໍເພິ່ນແນະນຳວ່າ: ຄວນຫຼີກລ້ຽງການໄປນອນສະຜົມ ໂດຍທ່າແຫງນຄໍ ແຕ່ຖ້າມີຄວາມຈຳເປັນອາດຈະຕ້ອງ ຍອມນອນໃຫ້ຫົວຕ່ຳລົງມາ ເຖິງວ່າຈະເຮັດໃຫ້ປຽກແນ່ກໍ່ຕາມ ໂດຍສະເພາະຜູ້ທີ່ປັດໄຈສ່ຽງ ບໍ່ວ່າຈະເຂົ້າຮ້ານເສີມສວຍດຸ ຫຼາຍໆຄັ້ງໆ ທັງທີ່ ເຮົາມີອາຍຸແກ່ ກໍ່ຄວນຫຼີກລ້ຽງໃນທ່າງການນອນສະຜົມໃນທ່ານອນຫງາຍແຫງນຄໍເທິງຕຽງສະຜົມໃຫ້ນ້ອຍລົງ ແຕ່ຫາກວ່າມີອາການປວດຄໍ ໂດຍສະເພາະອາການປວດຕາມບ່າໄຫຼ່ ຫຼື ແຂນ

ນອກຈາກນີ້ ຖ້າມີອາການມືນຊາ ຫຼືຍິບໆ ຢູ່ແຂນ ແລະມື ຫຼືຮູ້ສຶກວ່າ ກ້າມເນື້ອແຂນອ່ອນແຮງຫຼັງຈາກສະຜົມ ແລະ ເມື່ອພັກຜ່ອນແລ້ວ ອາການຍັງບໍ່ທັນດີຂື້ນ ໃຫ້ຟ້າວໄປປຶກສາກັບທ່ານໝໍທີ່ຊ່ຽວຊານດ້ານກະດູກສັນຫຼັງ ເພື່ອໄດ້ຮັບການວິນິດໄສ ແລະ ການຮັກສາທີ່ຖືກວິທີຕໍ່ໄປ ຊຶ່ງການຮັກສາຈະມີຕັ້ງແຕ່ການກິນຢາ, ເຮັດກາຍຍະພາບບຳບັດ ລື ການຜ່າຕັດ ເປັນຕົ້ນ.

 

hahaha

(ພາບປະກອບທາງອິນເຕີເນັດ)

ໂດຍທົ່ວໄປແລ້ວ ພວກເຮົາມັກຈະໃສ່ໃຈສຸຂະພາບອະນາໄມຂອງແມ່ຍິງ ແລະເດັກນ້ອຍ ແຕ່ກັບຖືເບົາສຸຂະພາບຂອງຜູ້ຊາຍ ເພາະເຫັນວ່າ ຜູ້ຊາຍເປັນເພດທີ່ເຂັ້ມແຂງ ມີເຫື່ອແຮງຕ້ານທານຕໍ່ພະຍາດໄດ້ດີ ແຕ່ທ່ານຮູ້ບໍ່ວ່າທີ່ຈິງແລ້ວ ຜູ້ຊາຍກໍຕ້ອງປະເຊີນບັນຫາດ້ານສຸຂະພາບ ຫຼາຍພໍສົມຄວນ ຫຼື ບາງທີອາດຫຼາຍກວ່າຜູ້ຍິງກໍເປັນໄດ້ ດັ່ງນັ້ນ ຈຶ່ງຍົກເອົາບັນຫາສຸຂະພາບຂອງຜູ້ຊາຍມາເປັນຂໍ້ຄິດ ໃຫ້ທຸກຄົນມີສະຕິ ໃນການດູແລສຸຂະພາບຂອງຕົນເອງ ແລະຄົນໃນຄອບຄົວ.

ໃນຄວາມເປັນຈິງ ຄົນເຮົາເມື່ອອາຍຸ 30 ປີຂຶ້ນໄປແລ້ວ ການສົ່ງເລືອດໄປຫຼໍ່ລ້ຽງຫົວໃຈຈະຫຼຸດລົງ ປະມານ 6%-8% ຕໍ່ທຸກໆ 10 ປີ ຜົນການສຳຫຼວດສະແດງໃຫ້ເຫັນວ່າ ໃນຈຳນວນຜູ້ຊາຍທີ່ເສຍຊີວິດຢ່າງກະທັນຫັນ 60% ເສຍຊີວິດຍ້ອນພະຍາດຫົວໃຈ ດັ່ງນັ້ນ ຜູ້ຊາຍ ຈຶ່ງຄວນອອກກຳລັງກາຍ ເພື່ອໃຫ້ຫົວໃຈແຂງແຮງຂຶ້ນໂດຍສະເພາະຜູ້ຊາຍ ທີ່ຕ້ອງປະເຊີນກັບບັນຫາ ແລະ ແຮງກົດດັນຈາກສັງຄົມເກືອບທຸກໆ ວັນ ຍິ່ງຄວນໃຫ້ຄວາມສຳຄັນຕໍ່ການຮັກສາຫົວໃຈ ເຊິ່ງການອອກກຳລັງກາຍທີ່ເໝາະສົມ ສາມາດຊ່ວຍໃຫ້ກ້າມເນື້ອຫົວໃຈແຂງແຮງຂຶ້ນໄດ້.

ຖ້າຈະເວົ້າໄປແລ້ວ ຜູ້ຊາຍໃນສັງຄົມປັດຈຸບັນ ສ່ວນຫຼາຍເວລານອນແມ່ນບໍ່ພຽງພໍ ຫຼື ຕ້ອງນອນເດິກໆ ເຊິ່ງອັນນັ້ນແມ່ນສົ່ງຜົນໃຫ້ສານພິດ ຊະນິດຕ່າງໆຕົກຄ້າງຢູ່ໃນຮ່າງກາຍຫຼາຍຂຶ້ນ ຈົນເຮັດໃຫ້ສານພິດເຫຼົ່ານັ້ນເຂົ້າສູ່ສະໝອງໄດ້ ແລະ ທີ່ຮ້າຍແຮງໄປກວ່ານັ້ນ ເຮັດໃຫ້ບາງ ຄົນເສຍຊີວິດຢ່າງກະທັນຫັນອີກ ເພາະສະນັ້ນ ຖ້າຫາກວ່າມີວຽກຫຼາຍຕ້ອງໄດ້ເຮັດຮອດເດິກດື່ນ ບໍ່ມີເວລານອນຢ່າງພຽງພໍ ກໍຄວນນອນຫຼັບ ໃຫ້ມີຄຸນນະພາບ .(ຫຼັບແຈບດີ) ພະຍາຍາມບໍ່ດື່ມເຫຼົ້າ ຫຼື ກາເຟຍາມແລງ ແລະ ຍາມຄ່ຳ ປົກກະຕິທຸກໆວັນຄົນເຮັາຄວນນອນປະມານ 7 ຊົ່ວໂມງ ກໍຖືວ່າດີແລ້ວ.

ບັນຫາໜື່ງອີກທີ່ຜູ້ຊາຍຄວນເອົາໃຈໃສ່ ຄືບັນຫາພະຍາດຄວາມອ້ວນ ຈາກຜົນວິໄຈທາງການແພດໃຫ້ເຫັນວ່າ ຜູ້ທີ່ມີຄວາມອ້ວນເກີນໄປນັ້ນ ຫາກຫຼຸດນ້ຳໜັກໄດ້ກວ່າ 5% ຂອງນ້ຳໜັກຮ່າງກາຍ ກໍຈະສາມາດຫຼຸດນ້ຳຕານໃນເລືອດໃຫ້ໜ້ອຍລົງ ຫຼຸດຢາປິ່ນປົວພະຍາດຄວາມດັນເລືອດສູງ ທີ່ຕ້ອງກິນເປັນປະຈຳໃຫ້ໜ້ອຍລົງ ແລະ ປັດສະພາບໄຂມັນໃນເລືອດໃຫ້ດີຂຶ້ນອີກດ້ວຍ.

ເບິ່ງແລ້ວ ຜູ້ຊາຍທີ່ມີອາຍຸ 40 ປີຂຶ້ນໄປ ມີສ່ວນບໍ່ໜ້ອຍທີ່ຈະອ້ວນຂຶ້ນເລື້ອຍໆ ແລະ ມີໄຂມັນຢູ່ທ້ອງໜາຂຶ້ນອີກ ເພາະການອອກກຳລັງກາຍ ໜ້ອຍ ຕ້ອງອອກສັງຄົມໄປງານສັງສັນຢູ່ເລື້ອຍໆ ແລະ ເວລາຮັບປະທານອາຫານບໍ່ເປັນປົກກະຕິ ເປັນຕົ້ນ ຜູ້ຊ່ຽວຊານທາງການແພດ ເຕືອນວ່າ: ຜູ້ຊາຍທີ່ມີທ້ອງໃຫຍ່ເທົ່າໃດຍິ່ງມີຄວາມສ່ຽງທາງສຸຂະພາບສູງ ດັ່ງນັ້ນ ຜູ້ຊາຍຄວນພະຍາຍາມບໍ່ໃຫ້ທ້ອງ ແລະ ແອວໜາໃຫຍ່ ຈົນເກີນໄປ ວິທີແກ້ໄຂຄື ເວລາກິນເຂົ້າຄວນກິນຊ້າໆ ເພາະວ່າກະເພາະອາຫານຂອງຄົນເຮົາຈະຕ້ອງໃຊ້ເວລາປະມານ 20 ນາທີ ເພື່ອສົ່ງ ສັນຍານໄປ ເຖິງສະໝອງວ່າ ອິ່ມແລ້ວ ແລະ ເມື່ອເຫັນອາຫານເປັນຕາແຊບ ກໍຕ້ອງອົດທົນແດ່ ຢ່າກິນອິ່ມຈົນເກີນ 100% ເພາະການກິນ ໜ້ອຍຈະສາມາດຊ່ວຍໃຫ້ມະນຸດເຮົາເຖົ້າຊ້າລົງ.

ສຸຂະພາບທາງຈິດກໍເປັນອີກບັນຫາໜື່ງ ທີ່ຜູ້ຊາຍທັງຫຼາຍ ກຳລັງປະເຊີນເຊັ່ນກັນ ເພາະໂດຍທົ່ວໄປຜູ້ຊາຍຈະມີຄວາມເຄັ່ງຕຶງຈາກບັນຫາ ການເຮັດວຽກໜັກ ການແກ້ບັນຫາວຽກທີ່ຫຍຸ້ງຍາກໝົດມື້ ວິທີແກ້ຄວນຫາເວລາໄປອອກກຳລັງກາຍ ເພື່ອຜ່ອນຄາຍຄວາມເຄັ່ງຕຶງ ແລະ ໃນໄລຍະຫຼັງອາຫານທ່ຽງ ພະຍາຍາມພັກຜ່ອນນອນເວັນໃຫ້ໄດ້ຈັກ 20 ນາທີ ຈະເກີດຜົນດີຕໍ່ການເຮັກວຽກ ແລະ ການດຳລົງຊີວິດຕໍ່ໄປ.

ອີກບັນຫາໜື່ງໃນການເບິ່ງແຍງສຸຂະພາບຂອງຜູ້ຊາຍ ກໍຕ້ອງໄດ້ໄປພົບແພດ ເພື່ອກວດສຸຂະພາບເປັນປະຈຳຄືກັບແມ່ຍິງເຊັ່ນກັນ ສິ່ງທີ່ໃຫ້ຄວາມສົນໃຈຫຼາຍກວ່າ ຄື: ພະຍາດຄວາມດັນເລືອດສູງ ຄໍເລສເຕີຣໍລ ແລະ ພະຍາດນ້ຳຕານໃນເລືອດສູງ (ເບົາຫວານ).

ຫລາຍປະເທດ ທີ່ກໍາລັງ ພັທນາ ໃນຂົງເຂດ ເອເຊັຽ ປາຊີຝີກ ຍັງມີຄວາມ ຈໍາກັດໃນດ້ານ ດູແລຮັກສາ ຄົນປ່ວຍເປັນໂຣກ ຄວາມຈໍາເສື່ອມ ເນື່ອງຈາກຖືວ່າ ໂຣກນີ້ ເປັນໂຣກ ທໍັມມະຊາດ ທີ່ເກີດກັບ ຄົນແກ່ອາຍຸ.

Copyright © 1998-2010 Radio Free Asia. All rights reserved.