ນາງສີວອນ ຢູ່ບ້ານແຄມທົ່ງ ລາວເປັນຄົນມັກໝູ່ຄູ່ ແລະ ມັກຄວາມມ່ວນຊື່ນ ເປັນຊີວິດຈິດໃຈ, ມີມື້ໜື່ງ ສີວອນ ໄດ້ແຕ່ງຢູ່ຄົວກິນໄວ້ໃຫ້ ຜົວ ແລະ ລູກໆ ຂອງລາວແລ້ວໆ, ຫຼັງຈາກນັ້ນກໍ່ອອກໄປຫາໝູ່ຮັກໝູ່ແພງຢູ່ບ້ານຂອງ ໝູ່
ສ່ຽວຂອງສີວອນ: ສີວອນໆ ມາເຂົ້າອີກຂາໜື່ງ ແມ້! ມັນຂາດຂານ່າສ່ຽວ
ສີວອນ: ໂອ້ຍ! ກູກໍ່ວ່າສິເຂົ້າມາຫັ້ນລະ ບໍ່ຕ້ອງຄ້ຽວກູກໍ່ໄດ້, ສີວອນ ນັ່ງ ແລ້ວຫຼີ້ນໄພ້ ຈົນຄ່ຳຈຶ່ງເມືອເຮືອນ ທັງຈົ່ມ ທັງຮ້າຍ ເພາະຕົນເອງເສຍເງິນຫຼາຍ, ທັງຢ້ານຜົວຮ້າຍ ແນ່!!!
ສີວອນ: ສູໆໆໆ ກູສິກັບເຮືອນກ່ອນ ເດີ້! ກູໝົດໂຕແລ້ວ! ດຽວຜົວກູສົງໄສ ວ່າ ກູມາຫາລັກຫຼິ້ນໄພ້
ໝູ່ຄູ່: ເອີ້!! ເອີ້!!! ເມືອສະ ດຽວຜົວໂຕສິສົງໄສ ຂອບໃຈເດີ້! ສ່ຽວທີ່ມາອຸດໝູນ
ສີວອນ: ບໍ່ເປັນຫຍັງດອກ! ສູພາກັນຫຼີ້ນຕື່ມສະ! ກູຈະກັບກ່ອນເດີ້
ຜົວ: ໂອ້ຍ! ມື້ນີ້ກັບວຽກຄ່ຳ ບໍ່ຮູ້ວ່າເມຍສິແຕ່ງຫຍັງໄວ້ໃຫ້ກິນ ນໍ້, ສີວອນ! ສີວອນ! ເຈົ້າຢູ່ໃສ່ຫັ້ນ!
ສີວອນ: ແມ່ນຫຍັງ! ເດ້!ອ້າຍຜົວທີ່ຮັກ
ຜົວ: ຂ້ອຍຫິວເຂົ້າ ລະເດ້ ແລະ ລູກເຮົາ ເດ້ໄປໃສໝົດແລ້ວ!
ສີວອນ: ທັງຟ້າວ! ທັງຝັ່ງ! ທັງສັ່ນແນ່ ຢ້ານຜົວຈັບພິລຸດ ຕົນເອງ! ໄດ້
ສີວອນ: ໂອ໊! ລູກເຮົາມັນໄປຫຼິ້ນກັບໝູ່ ຢູ່ຂ້າງບ້ານນີ້ລະ!
ຜົວ: ມື້ນີ້! ເຈົ້າຄົວກິນຫຍັງນໍ້?
ສີວອນ: ໂອ້ຍ! ຂ້ອຍ! ຂ້ອຍ ແກງປາຂໍ່ໃສ່ໝາກ "ໂບ່ຍ" ເກັບໄວ້ໃນຕູ້ ຫັ້ນເດ້!
ຜົວ: ແມ່ນຫຍັງ! ແມ່ນຫຍັງເກາະ!
ສີວອນ: ໂອ້ຍ! ຂ້ອຍຍັງວ່າ: ມື້ນີ້ຂ້ອຍແກງປາຂໍ່ໃສ່ໝາກ "ໂບ່ຍ"
ຜົວ: ຫວະ! ບໍ່ແມ່ນມື້ນີ້ເຈົ້າໄປຫຼີ້ນໄພ້ມາແມ່ນບໍ່?
ສີວອນ: ໃຜບອກເຈົ້າວ່າຂ້ອຍຫຼິ້ນໄພ້
ຜົວ: ຍ່າງເຂົ້າໄປໃນເຮືອນຄົວ ແລະກໍ່ເປີດເບິ່ງຝາຫໍ້ ເຫັນແກງປາຂໍ່ໃສ່ "ໝາກບວບ"
ແນ່ແມ່ນແລ້ວໆ ແມ່ນແລ້ວໆ ແກງປາຢູ່ໃນຫໍ້ ແມ່ນໃສ່ໝາກບວບ ບໍ່ແມ່ນໃສ່ ໝາກໂບ່ຍ, ເຈົ້າລັກໄປຫຼິ້ນໄພ້ ຄັກໆ ຄັກໆ....
ສີວອນ: ແມ່ນຫວະ! ໂອ້ຍ! ຂ້ອຍລືມໄປ ເລີຍຕອບເຈົ້າຜິດ, ເທື່ອໜ້າຂ້ອຍສິບໍ່ແກງຈັກເທື່ອໝາກໂບ່ຍ! ມັນເຮັດໃຫ້ຂ້ອຍເສຍເສັ້ນ....! ອີ່ຫຼີ ແລະ ທັງເສຍເງິນນຳອີກດ້ວຍ. ຂໍໂທດເດີ້! ອ້າຍຜົວສຸດທີ່ຮັກຂອງນ້ອງ!!!!

from: Mahasan