ສອງສ່ຽວເຄີຍເປັນສ່ຽວຮັກສ່ຽວແພງກັນມາຕັ້ງແຕ່ນ້ອຍ ສ່ຽວເສົາ ແລະສ່ຽວມ່ວງ ພໍເມື່ອຈົບອຸດົມວຽງຈັນແລ້ວ ສ່ຽວມ່ວງກໍ່ໄດ້ຍ້າຍໄປຢູ່ສະຫາລັດອາເມລິກາ ເປັນເວລາດົນນານພໍສົມຄວນ ສ່ວນສ່ຽວເສົາກໍ່ໄດ້ເຮັດການນຳລັດ ແຕ່ທັງສອງຍັງຕິດຕໍ່ກັນທາງອີເມລເປັນປະຈຳ ເມື່ອປີກາຍນີ້ເອັງສ່ຽວເສົາກໍ່ຈະໄດ້ແຕ່ງງານ ແລະຢາກເຊີນໃຫ້ສ່ຽວມ່ວງ ຜູ້ຢູ່ອາເມລິກາມາຮ່ວມຖ້າມາໄດ້ ຖ້າມາບໍ່ໄດ້ກໍ່ຫວັງລຶກໆ ວ່າສ່ຽວມ່ວງຄືຊິຝາກເງີນມາຊ່ວຍ ວ່າຊັ້ນເທາະ ເມື່ອຮອດໄກ້ມື້ຈະແຕ່ງແລ້ວ ສ່ຽວເສົາກໍ່ໄດ້ເອົາບັດແຕ່ງງານຂອງຕົນມາສະແກນໃສ່ເຄື່ອງສະແກນແລ້ວສົ່ງໄປຫາສ່ຽວມ່ວງຜ່ານທາງ ອີເມລ ພໍສ່ຽວມ່ວງໄດ້ອ່ານແລ້ວກໍ່ເຂົ້າໃຈແລະຢາກມາງານສ່ຽວປານໃຈຈະຂາດແຕ່ກໍ່ລາພັກວຽກບໍ່ໄດ້ ດັ່ງນັ້ນສ່ຽວມ່ວງກໍ່ເລີຍເອົາກ້ອງດີຈີຕອນມາຖ່າຍເອົາເງີນໃບ 100$ ແລ້ວສົ່ງອີເມລກັບຫາສ່ຽວເສົາຢູ່ລາວ ແລ້ວບອກວ່າ ສ່ຽວເອີຍເຮົາລາພັກການບໍ່ໄດ້ ເຮົາເລີຍບໍ່ໄດ້ມາດອງໂຕ ມີແຕ່ເຮົາຈະສ່ວຍເງີນໂຕ ຈັກ 500$ ເດີ ເຮົາສົ່ງໄປທາງອີເມລແລ້ວ

ແຮໆໆໆໆໆ