ຮອຍຍິ້ມເປັນແບບເບື້ອງ ສຳພັນພາກພະໄມມິດ

ຈິດເຈດໃຈພາຍໃນນຶກ ອອກມາໃຫ້ຄົນຮູ້

ວາຈາພ້ອມ ເຫັນໂນໃຈເຈດ

ຍຸ້ມຍິ້ມໂຮມຜະໜວກເຂົ້າ ຈຶ່ງເຫັນຮູ້ເຈດໃຈ

ທ້ອງຟ້າໃສສະອາດແຈ້ງ ຫາເມກບໍ່ມີເຫັນ

ຫາກເມື່ອມອງນະພາໃສ ອາທິດທໍແສງຈ້າ

ເຖິງນະພາບໍ່ມີເຝື້ອ ຝົນຕົກລົງຍາມແດດອອກ ກໍມີ

ເມກໝອກໜ້າຄັບຟ້າ ຍາມແລ້ງຂາດຝົນ

ຈິດໃຈເນົາແນບເນື້ອ ໃນພາກພູມຫຼັງ

ເນົາຢູ່ໃນໃຈຄົນ ເສື່ອງອົມນິຍົມຍິ້ມ

ຫາກວ່າຈາບໍ່ຈະແຈ້ງ ສະແດງມາໃຫ້ເຫັນເລື່ອງ

ກໍບໍ່ເຫັນຮ່ອມເລື້ອງ ໃຈແຈ້ງເຈດຈຳນົງ ອີກແລ້ວ

ເມື່ອຮອຍຍິ້ມເປີດແຍ້ມ ວາຈາພ່ອງມອງເຫັນ

ວາຈາພົວພັນກັບ ສອດຄ່ອງກັນປະຊັນໄວ້

ຈຶ່ງເຫັນໃນໃຈເຈົ້າ ສົມບູນດີວາດຄ່ອງ

ດີຊົ່ວເຫັນບ່ອນແຈ້ງ ຄາວຍິ້ມຜ່ອງຈາ ທ່ານເອີຍ