ເປັນອາທິດທີ່ສອງແລ້ວທີ່ປະກົດເຫັນຍິງ-ຊາຍຄູ່ໜຶ່ງມາເຂົ້າຮ້ານຄຣາໂອເກະ

ບ່ອນທີ່ຂ້ອຍເສີບຢູ່ໃນປະຈຸບັນນີ້, ບາງເທື່ອກໍ່ລຽນຄືນ,ບາງເທຶ່ອກໍ່ບາສອງຄຶນ.

ຜູ້ຊາຍນັ້ນຂ້ອຍບໍ່ຮູ້ຈັກພໍປານໃດຮູ້ແຕ່ວ່າເພີ່ນເປັນພະນັກງານຂອງບໍລິສັດຂົວທາງແຫ່ງໜຶ່ງ

ແຕ່ບໍ່ຊາບວ່າເປັນຂອງລັດຫຼືເອກະຊົນ, ສ່ວນຜູ້ຍິງຂ້ອຍຮູ້ຈັກດີ, ລາວແຕ່ງານໄດ້ສິບກວ່າປີແລ້ວ

ແຕ່ຮູບຮ່າງໜ້າຕາຍັງງາມທຳມະດາ, ຜົວຂອງລາວເປັນພະນັກງານຂອງລັດ,

ມີລູກນຳກັນ 3 ຄົນ,ເປັນຍິງ 2 ຄົນ,

ຜົວຂອງລາວເປັນຜູ້ຊາຍຂະຫຍັນຫຼາຍນອກຈາກມີອາຊີບເປັນພະນັກງານແລ້ວຍັງມີພອນສະຫວັນດ້ານຊ່າງເຮືອນ

ຈະເປັນວຽກປຸນ,ວຽກໄມ້,ທໍ່ນ້ຳ ແລະ ເດີນໄຟໃນເຮືອນກໍ່ເຮັດໄດ້ໝົດ,ນອກນັ້ນຍັງດຸໝັ່ນຫາກິນ.

ອາຫານໃນຕູ້ເຢັນມີບໍ່ຂາດເປັນຕົ້ນແມ່ນປາ ຫາກບໍ່ຢາກປ່ຽນອາຫານບໍ່ຈຳເປັນຊື້,

ຂ້ອຍເຄີຍໄປຊູມແຊວທີ່ເຮືອນຂອງເພີ່ນຫຼາຍຄັ້ງແລ້ວ

ເພີ່ນຕ້ອນຮັບແບບລາວໆດີທີ່ສຸດທັງຜົວແລະເມຍ,ຖານະຄອບຄົວດີມີເຮືອນເວລ່າທີ່ເຮັດດ້ວຍມືຕົນເອງທຸກໆວຽກ

ແຕ່ຕອນນີ້ຜົວຂອງຍິງຄົນນັ້ນຖືກໄປຮຽນຕໍ່ທີ່ສະຫວັນນະເຂດໃນກາງເດຶອນ ມັກກອງ 2011 ນີ້ເອງ ແລະ

ຄົງນຶກບໍ່ເຖິງດອກວ່າທາງເຮືອນມີຫຍັງເກີດຂຶ້ນໃໝ່ໆ, ບໍ່ວ່າແຕ່ລາວຢູ່ໃກ

ຄົນແຖວໃກ້ບໍ່ຍັງບໍ່ມີໃຜຮູ້ຈັກຊ້ຳດອກ,ມີແຕ່ຂ້ອຍທີ່ສະລອກກອກຊອກຫາເຫົາໃສ່ຫົວໂຕເອງທີີ່ຮູ້,

ມັນເປັນເລື່ອງຈິງຂອງສັງຄົມປະຈຸບັນ,ບໍ່ມີພຽງແຕ່ຊາຍ-ຍິງຄູ່ນີ້ດອກຍັງອີກຫຼາຍໆຄູ່ ແລະ

ເປັນມາໄດ້ຫຼາຍປີແລ້ວເກືອບຈະເວົ້າໄດ້ວ່າເປັນຂະບວນໄປສະແລ້ວລະ.

ບາງຄູ່ກໍ່ປະຮ້າງກັນໄປ,ບາງຄູ່ກໍ່ຜິດກັນຕີກັນໜ້າແຕກຫົວແຕກ,ບາງຄູ່ກໍ່ຍັງລອຍນວນຢູ່

ແຕ່ບໍ່ເຫັນວ່າຜົວເຂົາຈິງຈັງພໍປານໃດ ຫຼືວ່າຜົວເຂົາບໍ່ເປັນເອນບໍ່?

ສອງມື້ຜ່ານມາຊາຍນັ້ນຍັງເອົາລົດກະບະສີຂາວໄປຮັບແຟນມາຕາມເຄີຍ,ຂ້ອຍມີໂອກາດປາກນຳຜູ້ຊາຍຄົນນັ້ນ

ໃນຕອນຂ້ອບເສີບເບຍໃຫ້ເຂົາ ແລະ ກໍ່ເປັນເວລາທີ່ຜູ້ຍິງຄົນນັນເຂົາຫ້ອງນ້ຳ,ຂ້ອຍເອີ່ຍຂຶ້ນວ່າ:

( ຂ້ອຍອິດສາຜູ້ຍິງຄົນນັ້ນເຫຼືອເກີນ, ເຂົາຊ່າງເປັນຜູ້ໂຊກດີແທ້ໆ)

ຊາຍຄົນນັ້ນເອີ່ຍຂຶ້ນວ່າ: (ຢ່າປາກ! ຮັກເມຍເຂົາມັນເລົ້າໃຈ !)

ແຕ່ວ່າບໍ່ມີໂອກາດຖາມຕໍ່

ຄຳວ່າ:  ( ເລົ້າໃຈ )ໝາຍວ່າແນວໃດ? ໃຜຮູ້ຊ່ວຍບອກແດ່