ເຄີຍມີຂໍ້ຄວາມສັ້ນສົ່ງມາໃສ່ໂທສະສັບເລື່ອຍໆ,ເບີທີ່ສົ່ງມາບາງເບີກໍ່ຮູ້ຈັກແລະບາງເບີກໍ່ບໍ່ຮູ້ເລີຍ

ເນື້ອຄວາມຂຽນວ່າ: ພະແກ້ວມໍລະກົດຄິດຮອດແຜ່ນດິນລາວ ແລະ ອວຍພອນໃຫ້ປະເທດລາວ,ຄົນລາວທຸກຄົນມີຄວາມສຸກຕະຫຼອດການ.

ໃນທ້າຍບົດເນັ້ນວ່າ: ຈົ່ງສົ່ງຕໍ່ໃຫ້ຄົບ 10 ສະບັບ,ໃຜບໍ່ສົ່ງໃຫ້ມີອັນເປັນໄປຕະຫຼອດການ

ສຸດທ້າຍຂຽນໃນວົງເລັບ(ສົ່ງຕໍ່ຕາມກະແສເດີ) ແລະນອກວົງເລັບຂຽນວ່າ: ໂທດມັນຈຳເປັນ

ຖືວ່າເປັນຄຳໂຄສະນາຊວນເຊື່ອທີ່ດີຫຼາຍ,ໜ້າເຊື່ອຖື ແຕ່ເຊື່ອຖືບໍ່ໄດ້ ອັນເນື່ອງມາຈາກຄຳວ່າ:ໃຜບໍ່ສົ່ງໃຫ້ມີອັນເປັນໄປຕະຫຼອດການ

ສາດສະໜາພຸດບໍ່ມີຂໍ້ບັງຂັບໃດທັ້ງສິ້ນວ່າໃຫ້ປະຕິບັດຫຼືບໍ່ປະຕິບັດ ການໂຄສະນາແບບນີ້ນອກຈາກບໍ່ເຊື່ອຖືໄດ້ແລ້ວຍັງເຮັດໃຫ້ເຊື່ອມເສຍສັດທາຂອງອົງພະແກ້ວ ແລະ ສາສະໜາພຸດນຳອີກ

ດັ່ງນັ້ນ: ພວກເຮົາຄວນລະວັງ ຫາກທ່ານໃດມີຈຸດປະສົງຈະສົ່ງຂໍ້ຄວາມໃນທຳນອງນີ້ຕ້ອງຄິດໃຫ້ຖີ່ຖ້ວນ,ບໍ່ຄວນໃສ່ຂໍ້ບັງຂັບໃດໆໃນບົດ
ເພື່ອຄວາມໜ້າເຊື່ອຖືຂອງບົດ