ໂທລະພາບລາວຊ່ອງ 3 ລາວ(ທຊລ)ລາຍການຊີວິດວັດທະນະທຳເວລາປະມານ 20 ໂມງຂອງວັນທີ່ 01.ສິງຫາ 2011​ໄດ້ນຳສະເໜີຂ່າວກ່ຽວກັບພິທີຮັບຮອງກຸ່ມບ້ານວັທະນະທຳແຫ່ງທຳອິດຂອງເມືອງຈອມເພັດ,ແຂວງຫລວງພະບາງ

ພິທີດັ່ງກ່າວຈັດໄດ້ດີຫຼາຍ ແຕ່ມີຂໍ້ສັງເກດຢູ່ບ່ອນໜຶ່ງນັ້ນຄື: ບັນດາປ້າຍບ້ານຕ່າງໆທີ່ຈັບແຮ່ເຂົ້າສູ່ພິທີນັ້ນເປັນພື້ນສີແດງ,ຕົວໜັງສືສີຂາວ,ຂອບສີຂາວ

ບໍ່ຮູ້ວ່າຜິດ ຫຼື ຖືກ, ຮູ້ແຕ່ວ່າໃນຕອນເຊົ້າຂອງວັນດຽວກັນນີ້ ພະນັກງານວັດທະນະທຳເມືອງລົງເຜີນແຜ່ ແລະ ອອກອະນຸຍາດປ້າຍໃຫ້ປະຊາຊົນ ເພີ່ນບອກວ່າ:

-       ປ້າຍຂອງກອງທັບເປັນພື້ນສີແດງ,ຕົວໜັງສືສີຂາວ,ຂອບສີຂາວ

-       ປ້າຍຂອງລັດຝ່າຍປົກຄອງພື້ນສີຟ້າຕົວໜັງສືສີຂາວ,ຂອບສີຂາວ

-       ປ້າຍເອກຊົນພື້ນສີເຫຼືອງ,ຕົວໜັງສືສີແດງ,ຂອບສີແດງ

ເພີ່ນຍັງເນັ້ນວ່າ: ນີ້ແມ່ນກະຊວງຖະແຫຼງຂ່າວ-ວັດທະນະທຳ ແລະ ທ່ອງທ່ຽວເປັນຜູ້ກຳນົດອອກວ່າຊັ້ນ.

ບໍ່ຮູ້ວ່າດຽວນີເພີ່ນປັບປຸງການຈັດຕັ້ງໃໝ່(ມີທ່ອງທ່ຽວເຂົ້າຕື່ມ)ນັບແຕ່ຂັ້ນກະຊວງລົງຮອດຂັ້ນເມືອງ ຫຼື ວ່າເພີ່ນປ່ຽນແປງທັງລະບຽບການຄຸ້ມຂອງປ້າຍໃໝ່ແລ້ວບໍ? ເພາະວ່າ ໃນງານດັ່ງກ່າວມີທ່ານ ຮອງລັດຖະມົນຕີກະຊວງຖະແຫຼງຂ່າວກໍ່ເຂົ້າຮ່ວມນຳເພີ່ນກໍ່ບໍ່ສະແດງຂໍ້ຄິດເຫັນໃດໆ? ຫຼືວ່າເພີ່ນລືມເບິ່ງ