ພົບເຫັນບັດເອັມໂຟນບໍ່ມີຕົວເລກລະຫັດບັດເພື່ອຕື່ມເງິນ,ພາຍຫຼັງທີ່ຂູດອອກມາແລ້ວມັນຈະເປັນສີຂ່າວມົ່ນ,ມົວໆໄປຊື່ງ,ສັງເກດແນວໃດກໍ່ບໍ່ເຫັນຕົວເລກລະຫັດທີ່ໃຫ້ເຮົາຕື່ມມູນຄ່າໂທ,

ມັນຕ່າງຈາກບັດອື່ນໆທີ່ຂູດມາແລ້ວມີເລກໃຫ້ເຮົາກົດຕື່ມເງິນ,ສ່ວນລັກສະນະ,ສີສັນ ແລະ ເລກຊີເລວຂອງບັດກໍ່ມີປົກກະຕິຄືບັດຂາຍທົ່ວໄປ,ແຕ່ມັນຜິດປົກກະຕິຢູ່ທີ່ວ່າ

ບ່ອນທີ່ເຮົາຂູດຫາຕົວເລກ(ທາສີມົ່ນໆ)ນັ້ນມັນກວ້າງກວ່າບັດລຸ່ນອື່ນ,ປະຈຸບັນບໍ່ທັນຢັ້ນຢື້ນໄດ້ວ່າມັນເກີດຫຍັງຂຶ້ນ.

ເຫດເກີດຂຶ້ນກັບນາງ ວັນ ເຈົ້າຂອງຮ້ານຂາຍຍ່ອຍ,ຢູ່ບ້ານນ້ຳງອມ,ເມືອງວຽງທອງ,ແຂວງບໍລິຄຳໄຊ. ນາງ ວັນ ເວົ້າວ່າ ວັນທີ່ 11/0911 ມີລູກຄ້າຊື້ບັດໄປຄາລາ 10.000 ກີບ, ແລ້ວກັບມາຕໍ່ວ່າຂໍສົ່ງບັດທີ່ຊື້ໄປນັ້ນພ້ອມຂໍເງິນຄຶນເພາະວ່າບັດທີ່ຂູດອອກມາບໍ່ມີຕົວເລກ ແຕ່ນາງບໍ່ເຊື້ອຈິ່ງມາລອງຂູດບັດໂຕໃໝ່ພ້ອມທັງຈະແນະນຳວິທີຂູດໃຫ້ລູກຄ້າເພື່ອຫຼີກເວັ້ນບໍ່ໃຫ້ຕົວເລກລະຫັດຂາດຫາຍ,ພໍຂູດອອກໄປຈົນໝົດເຄືອບທີ່ເພີນເຮັດໃຫ້ຂູດນັ້ນກໍ່ບໍ່ພົບຕົວເລກເລີຍ,

ນາງວັນຍັງບໍ່ໝັ້ນໃຈຈິງເອົາບັດໃໝ່ໃບທີ່ສອງມາຂູດອີກແຕ່ກໍ່ບໍ່ພົບຄືກັນອີກ,ເມື່ອເປັນແບບນັ້ນນາງວັນຈິ່ງສົ່ງເງິນໃຫ້ລູກຄ້າແລ້ວນຳບັດທັງໝົດທີ່ຢູ່ໃນແຜ່ນດຽວກັນນັ້ນ ເຊິ່ງມີບັດທີ່ຂູດແລ້ວສາມໃບ,ບັດຍັງບໍ່ທັນໄດ້ຂູດອີກສີ່ໃບໄປສົ່ງຄຶນໃຫ້ນາງ ວອນ ຜູ້ເປັນເຈົ້າຂອງຮ້ານຂາຍສົ່ງຢູ່ຕະຫຼາດບ້ານນ້ຳຢ້າງເມືອງວຽທອງ,ນາງ ວອນ ກໍ່ຂູດລອງອີກ 1 ໃບກໍ່ເປັນຄືກັນ.

ນາງວອນເວົ້າວ່າບັດນີ້ຊື້ມາຈາກສູນ ຫຼັກ20 ແລະ ບໍ່ໄດ້ໄປຮັບບັດດ້ວຍຕົນເອງ,ທາງສູນຝາກໃຫ້ຕາມການແນະນຳຂອງຕົນ,ສ່ວນບັນຫານີ້ໄດ້ແຈ້ງໃຫ້ທາງສູນຊາບແລ້ວ,ສູນຕອບມາວ່າຕ້ອງສົ່ງບັດໄປຫາສູນກວດສອບກ່ອນ ເພາະກໍລະນີແບບນີ້ບໍ່ເຄີຍພົບເຫັນມາກ່ອນ,ຕອນນີ້ຍັງສະຫຼຸບໍ່ໄດ້ວ່າມັນເກີດຫຍັງຂຶ້ນ ແລະ ແນະນຳລູກຄ້າຫາກທ່ານໃດພົບເຫັນກໍລະນີແບບນີ້ໃຫ້ແຈ້ງສູນເອັມໂຟນທຸກສາ ຫຼື 101 ກໍ່ໄດ້.

ນາງ ວັນ ເຈົ້າຂອງຮ້ານຂາຍຍ່ອຍ

ນາງ ວອນ ເຈົ້າຂອງຮ້ານຂາຍສົ່ງ

ລັກສະນະບັດທີ່ຂູດ

ຂໍສະຫງວຍເລກທ້າຍຊີເລວໄວ້ກ່ອນ

ແບບ,ສີສັນຂອງລຸ້ນຜະລິດ