​-​ໃນ​ວັນ​ທີ 3/01/12 ຜ່ານ​ມາ​ນີ້​ ພະນັກງານ​ຂັບ​ລົດ​ຈົກດີ​ນ ຊື່

ທ້າວ​ພອນ ​ເຊີ່ງ​ເປັນ​ພະນັກງານຂອງ​ບໍລິສັດ​​ເພັດ​ສະໝອນກໍ່​ສ້າງ​​

ຂົວ-ທາງ​ຈຳກັດ ໄດ້​ຂຸດ​ພົບ​ລູກ​ລະ​ເບີດ UXO (Bomb GP 500 Lbs USA

made) ລະ​ເບີດ​ດັ່ງກ່າວ​ແມ່ນ​ພົບ​ຢູ່​ຕໍ່ໜ້າ​ວັດ ບ້ານ​ອຸດົມ ​

ເມືອງ​ຄຳ​ເກີດ​ແຂວງ​ບໍລິ​ຄຳ​ໄຊ. ພາຍຫຼັງ​ຊ່ຽວຊານ​ດ້ານ​ລະ​ເບີດປະຈຳ​

ໂຄງການ​ໂຊ​ດີ 2 ​ທ່ານຄື:ທ່ານ ຣອບບີ​ດີ​ຮົນ ​ແລະ​ທ່ານ​ຢອກ ອີ​

ມບຣາຮຳ ໄດ້​ກວດ​ສອບ​ແລ້ວ​ພົບ​ວ່າ​ເປັນ​ລະ​ເບີດ​ເວລາ ຟີ​ວ M103 ​ແລະ​

ຟີ​ວM123 ,ລະ​ເບີດ​ດັ່ງກ່າວ​ຫາກ​ມີ​ການ​ລົບ​ກວນ​​ໂດຍ​ການ​ເຄື້ອ​ນ​

ຍ້າຍ​ທີ່​ມີ​ການ​ກະທົບ​ ຈະ​ເກີດ​ການ​ຫ້າງ​ໂດຍ​ທັນທີ . ສະ​ນັ້ນ​

ພາຍຫຼັງ​ໄດ້​ສອບ​ຖາມ​ຈາກ ທ້າວ ພອນ ພະນັກງານ​ຂັບ​ລົດຈົກ ລາວ​ໄດ້​

ໃຫ້ການ​ວ່າ​ສຽມ​ຈົກລົດ​ຈົກ​ໄດ້​ກະທົບ​ຖືກ​ລະ​ເບີດ​ດັ່ງກ່າວ​ນີ້​

ສອງ​ຫຼື​ສາມ​ເທື່ອ ​ເພາະ​ຄິດ​ວ່າ​ເປັນ​ກ້ອນ​ຫີນ ​ແຕ່​ພາຍຫຼັງ​ປ່ຽນ​

ມູມຈົກ​ດີ​ນງັດ​ຂື້ນ​ມາ​ພັດ​ແມ່ນ​ລູກ​ລະ​ເບີດ.ຈາກ​ນັ້ນ​ຜູ້ກ່ຽວ​

ກໍ​ຮີບ​ໜີ​​ໄປ​ແລ້ວ​ແຈ້ງ​ໃຫ້​ທາງ​ອົງການ​ເກັ​ບກູ້​ໂຊ​ດີ​ມາກ​ວດສອບ​

ເບີ່​ງ.ສະ​ນັ້ນ​ປະຈຸ​ບັນ​ນີ້​ທາງ​ໂຄງການ​ພວກ​ເຮົາ​ໄດ້ສ້າງ​ກຳ​ແພງ​

ກັນດ້ວຍກະສອບ​ດີ​ນຊາຍ​ປະມານ 4000 ກະສອບ. ​ແລະ​ປະສານ​ງານ​ກັບ​ຄະນະ​

ຊີ້​ນຳ​ຂັ້ນ​ເມືອງ​ເພື່ອ​ຮັບ​ຮູ້​ເຖີງ​ໄພ​ອັນຕະລາຍ​ແລະ​ກະກຽມ​ເຄື້ອ​

ນຍ້າຍ​ປະຊາຊົນ​ໄປ​ບອນ​ທີ່​ປອດ​ໄພ.ຖ້າ​ລະ​ເບີດ​ດັ່ງກ່າວ​ທຳ​ງານ​ແມ່ນ​

ມີ​ຄວາມ​ແຮງ​ລ້າງຜານ​ໄປ​ເຖີງ2ກິ​ໂລ​ແມັດ.ບໍ່​ວ່າ​ຄົນ,ອາຄານແລະ​ສັບ​

ສີນ​ສີ່​ງຂອງ​ອື່ນໆ ປະຈຸ​ບັນ​ນີ້​ທາງ​ໂຄງການ​ພວກ​ເຮົາ​ໄດ້​ປະສານ​ງານ​

ຂໍ​ຄວາມ​ຊ່ວຍ​ເຫຼືອ​ຈາກ ​ໂຄງການ​​ເຈ​ມັດສ ​ໂດຍ​ຜ່ານ​ທາງ​ຄຄຊ​​ເພື່ອ​ນຳ​

ເຄື່ອງມື​ທີ່​ທັນ​ສະ​ໃໝ​ມາ​ຊ່ວຍ​ເຫຼືອ​ໃນ​ການ​ກຳຈັດ​ລະ​ເບີດ​ລູກ​

ນີ້​ໂດຍ​ບໍ່​ໃຫ້​ມີ​ການລະ​ເບີດ​ແຮງ​ສູງ​ແລະ​ປ້ອງ​ກັນ​ຄວາມ​ເສຍ​ຫາຍ​

ໃຫ້​ໄດ້​ສູງ​ສຸດ​ເທົ່າ​ທີ່​ຄວນ.ວັນ​ທີ 5/1/2012 ​ໄດ້​ປະຊຸມ​ສຸກ​ເສີນ​

ທີ່​ຫ້ອງວ່າການປົກຄອງ​ເມືອງ​ເພື່ອ​​ລາຍ​ງານ​ການ​ພົບ​ເຫັນ​ລູກ​ລະ​

ເບີດ ​ແລະ​ລະບົບ​ກົນ​ໄກ​ການ​ທຳ​ງານ​ຂອງ​ລູກ​ບົມ​ເຊີ່ງ​ພາຍຫຼັງ​ການ​ວິ​

ເຄາະ​ໄດ້​ຮູ້​ວ່າ​ບົມໜ່ວຍ​ດັ່ງກ່າ​ວ​ແມ່ນ​ໄດ້​ຜະລິດ​ຂື້ນ​ໃນ​ຊ່ວງ​

ສົງຄາມ​ໂລກ​ຄັ້ງ​ທີ​ສອງ ​ເປັນ​ບົມ​ເວລາ​ທີ່​ມີ​ກົນ​​ໄກການ​ທຳ​ງານ​

ໂດຍສານ​ເຄມີ​ເປັນ​ຕົວ​ເຊື່ອມ​ໃນ​ການ​ເຜົາ​ໄໝ້ ​ເມື່ອ​ມີ​ການ​ກະທົບ ​.​

ໂດຍ​ອີງ​ໃສ່​ມາດຕະຖານ​ດ້ານ​ເຕັກນິກ ລູກ​ບົມອາດ​ສາມາດ​ແຕກ​ຂື້ນ​

ໄດ້​ພາຍ​ໃນ 144​ ຊົ່ວ​ໂມງ ​ເລີ່​ມຈາກ​ມີ​ການ​ກະທົບ .

ສະ​ນັ້ນ, ທາງ​ຫົວໜ້າ​ໂຄງການ​ໂຊ​ດີ ຈີ່​ງ​ໄດ້​ອອກ​ຄຳ​ສັ່ງ​ໃຫ້ມີ​

ການ​ລໍຖ້າ​ໂດຍ​ບໍ່​ອະນຸຍາດ​ໃຫ້ ບຸກຄົນ​ໃດ ​ເຂົ້າ​ໄປ​ໃນ​ບໍລິ​ເວນ​

ນັ້ນ​ຈົນ​ເຖີງວັນ​ທີ 16/01/2012 ​ເພື່ອ​ໃຫ້​ໝັ້ນ​ໃຈ​ວ່າ​ລູກ​

ບົມດັ່ງກ່າວ​ແມ່ນ​ຍັງ​ບໍ່​ມີ​ການ​ທຳ​ງານ .ນອກຈາກ​ນີ້​ຍັງ​ໄດ້​

ແນະນຳຂັ້ນ​ຕອນ​ຂອງ​ການ​ປ້ອງ​ກັນ​ຄວາມ​ປອດ​ໄພ​ພ້ອມ​ທັງ​ໄດ້​ແນະນຳ​

ກ່ຽວ​ກັບ​ຜົນ​ກະທົບ​ທີ່​ອາດ​ຈະ​ເກີດ​ຂື້ນ​ຕໍ່​ຊີວິດ​ແລະ​ຊັບ​

ສີນ​ຂອງ​ປະຊາຊົນ, ​ແລະໄດ້​ສັ່ງ​ປິດ​ໂຮງຮຽນ​ຈຳນວນ 3 ຫຼັງ​ທີ່ຢູ່​

ໃກ້​ຄຽງ​ບໍລິ​ເວນ​ນັ້ນ ປະຈຸ​ບັນ​ນີ້​ທາງພາກສ່ວນ​ເມືອງ​ແມ່ນ​ໄດ້​

ເອົາ​ໃຈ​ໃສ່​ສົ່ງ​ກຳລັງ​ຮັກສາ​ຄວາມ​ປອດ​ໄພ​ຈາກ​ພາກສ່ວນ ປກສ ​ແລະ​

ກອງທັບ​ລົງ​ເວນຍາມ​​ເພື່ອ​ບໍ່​ໃຫ້​ປະຊາຊົນ​ຜ່ານ​ເຂົ້າ​ໃກ້​ບໍລິ​

ເວນ​ທີ່​ລະ​ເບີດ​ຢູ່​ ຕະຫຼອດ 24ຊົ່ວ​ໂມງ.ນອກຈາກ​ນັ້ນ​ໜ່ວຍ​

ງານ​ໂຄສະນາ​ສື​ກສາ​ຂອງ​ໂຄງການ​ໂຊ​ດີ​ກໍ່​ໄດ້​ລົງ​ເຄື່ອນ​ໄຫວ​ແນະນຳ​

ຫ້ອງການ ປກສ ​,ທະຫານ​ເມືອງ​ແລະປະຊາຊົນ​​ບ້ານ​ອຸດົມເພື່ອ​​ແຈ້ງ​

ການ​ເລື່ອງເຄື່ອນ​ຍ້າຍປະຊາຊົນ​ອອກ​ຈາກ​ພື້ນທີ່ໆ​ຢູ່​ໃກ້​ຄຽງ

ຈົນ​ກວ່າ ມີ​ຄວາມ​ປອດ​ໄພ ​ແລ້ວ​ຈີ່​ງອະນຸຍາດ​​ໃຫ້​ປະຊາຊົນ​ເຂົ້າ​

ມາ​ພື້ນ​ທີ່​​ເດີມ ຕາມ​ການ​ກຳນົດ​ທາງ​ວິຊາ​ການ​ແມ່ນ​​ເລີ່​ມ​ແຕ່​

ມີ​ການ​ກະທົບ​ຄືວັນ​ທີ3/01/2012 ຫາ 16/01/2012 .ປະຈຸ​ບັນ​ນີ້​ໄດ້​

ເຄື້ອ​ນຍ້າຍ​ປະຊາຊົນ​​ແລະ​ພະສົງ​ສຳມະ​ເນນອອກ​ຈາກ​ເຂດ​ດັ່ງກ່າວ​ໄດ້​

ຫຼາຍ​ຄອບ​ຄົວ ​ແຕ່​ຍັງ​ມີ​ບາງ​ຄອບ​ຄົວ​ທີ່​ບໍ່​ຢາກ​​ເຄື້ອ​ນຍ້າຍ​

ໜີ​ເທື່ອ ​ເນື່ອງ​ຈາກ ​ເປັນຫ່ວງນຳ​ຊັບ​ສີນ​ແລະ​ອ້າງ​ວ່າ​ບໍ່​ມີ​

ບ່ອນ​ພັກ​ເຊົາ.

ຫຼັກ​ຊາວ​,ວັນທີ 06/01/2012

ຮອງ​ຜູ້​ຈັດການ​ອົງການ​ໂຊດີ

ນວນ​ທອງ ອີນທາ​ທີລາ​ດ/