ເສັ້ນທາງເລກ 8 ອາ ແຕ່ທາງແບ່ງວຽງຄຳ-ດ່ານນ້ຳພາວ,ແຂວງບໍລິຄຳໄຊ ຖືວ່າເປັນເສັ້ນທາງຍຸດທະສາດສຳຄັນຂອງລາວເຮົາ ເພາະມັນເປັນຈຸດຜ່ານການຈໍລະຈອນສິນຄ້າລະຫວາງ ປະເທດໄທ-ຫວຽດນາມ,ເປັນບ່ອນກີ່ວ ແລະໃກ້ທີ່ສຸດ ປະມານ  222 ກິໂລແມັດ.

ນອກນັ້ນທາງສາຍນີ້ຍັງຜ່ານແຫຼ່ງທ່ອງທ່ຽວທີ່ສຳຄັນຫຼາຍແຫ່ງເຊັ່ນ: ຖ້ຳກອງລໍ,ຜາຫິນໝາມໜໍ່ຜູຜາມານ,ປ່າສະຫງວນ....

ແຕ່ລະມື້ເຫັນຊາວຟັຣງຂີ່ລົດໃຫຍ່,ລົດຈັດ ແລະລົດຖີບເລາະທ່ຽວຊົມວີວຕາມທາງສາຍນີ້ເປັນປະຈຳ.

ແຕ່ທຸກໆປີທາງສາຍນີ້ກໍ່ປະກົດມີໄຟໄໝ້ລາມປ່າບໍ່ເວັ້ນທຸກປີ ໂດຍບໍ່ຮູ້ຕົ້ນເຫດອັນແທ້ຈິງ (ເປັນຕົ້ນໄລຍະແຕ່ບ້ານນາພົງ ຫາ ບ້ານຫວ້ຍເພັດ).

ນອກຈາເສຍຫາຍສັບພະຍາກອນທະມະຊາດ ແລະສິ່ງແວດລ້ອມແລ້ວ ຍັງເຮັດໃຫ້ຕົ້ນໄມ້ຫຼາຍຕົ້ນລົ້ມທັບທາງ,ຂີດຂວາງການສັນຈອນ,ສ້າງຄວາມຫຍຸ້ງຍາກ ແລະບໍ່ປອດໄພແກ່ຜູ້ຄົນສັນໄປມາຕາມທາງສາຍນີ້ບໍ່ໜ້ອຍ

ແຕ່ປະກົດການທຸກຄັ້ງບໍ່ເຄີຍເຫັນພາສ່ວນໃດເຂັ້າໄປຫຍຸ້ງກ່ຽວ  ຫຼື ແກ້ໄຂບັນຫາໃຫ້ທັນການຕາມເວລາອັນຄວນ.

ຕົ້ນໄມ້ຕົ້ນນີ້ລົ້ມທັບທາງ ໃກ້ກັບບ້ານນາພົງປະມານ 1,5 ກິໂລແມັດ ຕັ້ງແຕ່ວັນທີ່ 20,02.13 .ຍ້ອນຖືກໄຟລາມໄໝ້, ແກ່ຍາວເວລາຮອດວັນທີ່ 26ແລ້ວຍັງບໍ່ມີພາກສ່ວນໃດມາແກ້ໄຂ,

ມີພຽງແຕ່ພວກລົດທຽວໄປມາແກ້ໄຂເປັນປ່ອງນ້ອຍໆພໍລົດໄປໄດ້ເທົ່ານັ້ນ.

ຖາມປະຊາຊົນແຖວນັ້ນວ່າໄຟໄໝ້ລາມປ່າ ແລະໄມ້ລົ້ມທັງທາງຄືບໍ່ລະດົມກັບໄປແກ້ໄຂ?

ຊາວບ້ານຕອບວ່າ: ແລ້ວແຕ່ຂັ້ນເທິງ. 

ຄັນຖາມນາຍບ້ານ,ເຈົ້າເມືອງ,ເຈົ້າແຂວງ ຫຼື ພາກສ່ວນອື່່ນໆ ກໍ່ອາດຈະມີຄຳຕອບທີ່ຄືກັນວ່າ:

( ແລ້ວແຕ່ຂັ້ນເທິງ )